•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
عودة موكب الإباء إلى كربلاء

قصيده للاربعين رجوع مولاتي زينب عليها السلام من الشام الى كربلاء
تقرأ بطور الفزاعي وبعدة اطوار


من الشام أجت زينب
رقيه موش وياها

     •┈•❈​❉✹✹❉❈ •┈•

گومن  وتلگــنهه
بفگد الاهل عزنهه
خل نون مثل ونهه
ونبجي مثل مبجاها

         •┈•❈​❉✹✹❉❈ •┈•

وصلت كربله ونادت
زينبكم  تره  عادت
مصايب باليسر شافت
وتجري دموع عيناها

         •┈•❈​❉✹✹❉❈ •┈•

جبت الروس يخواني
وجنت اشكيلها احزاني
يبو   الاكبر   تلگاني
وعتبت اعله ولياها

          •┈•❈​❉✹✹❉❈ •┈•

بس  گبور  شافتهم
الحرم هلت مدامعهم
ينشدون اعله كافلهم
أتعاتب گمر دنياها

         •┈•❈​❉✹✹❉❈ •┈•

طاحت فوگ گبر حسين
گالتله  ينور  العين
عفتكم عل الثره مطاعين
وهسه گبور شفناها

        •┈•❈​❉✹✹❉❈ •┈•

صوت من الگبر سمعت
رقيه  ليش  ما  ردت
وين  أبنيتي  ظلت
عليه كلف فرگاها

          •┈•❈​❉✹✹❉❈ •┈•

راسك  شاف  حالتهه
فوگ  النحر  موتتهه
بارض الشام دفنتهه
وحيده هناك عفناها

          •┈•❈​❉✹✹❉❈ •┈•

يم گبور اهاليها
تشكي جور اعاديها
تون تنعه غواليها
زينب ياهو عزاها

       •┈•❈​❉✹✹❉❈ •┈•

سوت الاربعينيه
والدمعات مجريه
نار الگلب مسريه
تبث للاهل شكوها
    •┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

قصيده للمشايه فصيح + شعبي...تقرأ بعدة اطوار

كلُ بلد أعلن النفيــر
فقد بدأ زحفنا الكبير
صَوبَ كربلاء  صَوبَ كربلاء
حسين حسين حسين حسين

◆━━━━◆❃◆━━━━◆

يا موسم ابلهفه كلهه تنتظــره
الحج الاكبر تمشي تعتني الگبره
يگظون المشي بالآه والحسره
ويتخيلون زينب بقت متحيره

بكافلِ الضَعنِ تستجير
فقد بدأ زحفُنا الكبير
صَوبَ كربلاء  صَوبَ كربلاء

◆━━━━◆❃◆━━━━◆

كلهه تعتني لحسين مشـــــايه
إِبيوم اربعينه الـــگـــبره عنايه
أو وياهم المهدي رافـــع الرايه
يقيمون العزه وي زينب الغايه

يبكي عليهُم قلبها الكسير
فقد بدأ زحفُنا الكـــــــبير
صَوبَ كربلاء  صَوبَ كربلاء

◆━━━━◆❃◆━━━━◆

من كل حوب من كل صوب تتعنه
الگبر حسين توصل كلهه تتمنه
امن يدخلون حظرته دخلوا الجنه
الشفاعه تصيح يوم الحشر احظرنه

يا ساكنَ القلبُ والضمير
فقد بدأ زحفُنا الكبــــير
صَوبَ كربلاء   صوبَ كربلاء

◆━━━━◆❃◆━━━━◆

كعبه ابكربله وكلهه تجي أطوفه
الوِجهَه حسين تمشي گاصده اطفوفه
يا قبلة احرار وهاي معروفه
عهد للموت طريق حسين منعوفه

وجُودنا أَنتَ والمصير
فقد بدأ زحفُنا الكبير
صَوبَ كربلاء  صَوبَ كربلاء

◆━━━━◆❃◆━━━━◆

بروايات ومصادر هاي مذكوره
احسين اباربعينه اليجي ويزوره
تعادل الف حِجَه واضحه الصوره
واملاك التحيط ابگبره وبسوره

لِكُلِ مظلومٌ نصــير
فقد بدأ زحفُنا الكبير
صَوبَ كربلاء  صَوبَ كربلاء

◆━━━━◆❃◆━━━━◆

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

https://youtu.be/oGm4T6u0sS8?si=TLTkouB-bAzv8-TE


فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل جزاكم الله خير الجزاء وجعلها في ميزان حسناتكم

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

قصيده للاربعين بطور الفزاعي الجنوبي وبعدة اطوار


من الشام اجت والعيله وياهه
زينب باللطم خــلي انتلگــاهه

{{{{{{{{{{{{{💔﴾}}}}}}}}}}}

رجع ضعن السبايا اليوم من الشام
اتلگوه ابعراضه وارفعوا الاعلام
نلطم  عالصدر  خلي نِطَبر الهام
نفدي ارواح لام عون ويتاماهه

{{{{{{{{{{{{{💔﴾}}}}}}}}}}}

اجتي الكربله بت علي هذا اليوم
اتلگوها واصرخوا ويلي عالمظلوم
خل ننحب اوياهه نهل دمع ادموم
ونعزي  العقيله  ابفگد  ولياهه

{{{{{{{{{{{{{💔﴾}}}}}}}}}}}

ويه العيله أجت مكسورة الخاطر
من ضيم اليسر أو جــور العساكر
مو جادر عزه خل ننصب اجـوادر
كون عيون نبجي ويه مبجاهه

{{{{{{{{{{{{{💔﴾}}}}}}}}}}}

نلاگيهه ونلطم حـيل عالوليان
اعله هلهله  نبجي والدمع نهران
نصيح بصوت يحسين وگمر عدنان
الله  ابعونهه  اليسر  أذاهه

{{{{{{{{{{{{{💔﴾}}}}}}}}}}}

اذاهه اليسر كل حـيل ما بيهه
محنية ظهر جـــتي لهـــاليــهه
بجويات الجمر متأذيه رجليهه
متگبعه ابحزن الدهر خـلاهه

{{{{{{{{{{{{{💔﴾}}}}}}}}}}}

يم اگبور اهلهله اتصير لطـميه
نـــواسيهه ابــيوم الاربعــينيه
نصرخ بالطفوف الصرخه شيعيه
نقسم بالكفيل الاخته نفداهه

{{{{{{{{{{{{{💔﴾}}}}}}}}}}}


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
عودة موكب الإباء إلى كربلاء

قصيده للاربعين
لسان حال مولاتي زينب عليها السلام
تقرأ بطور البحر الطويل وبعدة اطوار


يا عيني عل الاحباب خلي دمعتج تجري
راحوا بعد ميعودون أخوتي هيبتي وذخري

•┈•❈​❉✹✹❉❈ •┈•

رجعت الكربله يحسين وبيا حال أنه رديت
بس گبور اشوفنكم يخويه بعيني من صديت
ناديت بگلب مجمور اوياكم ميته يا ريت
يخويه من شفت الگبور منظر تيهه لفكري

            •┈•❈​❉✹✹❉❈ •┈•

حاربني الوكت بيكم وعنكم فارگاني البين
وبكربله عفناكم فوگ الترب متوسدين
جثثكم ظلت عل الگاع ومشينه بيسر مسبيين
ونار الفگد للوليان ظلت بالحشا تسري

           •┈•❈​❉✹✹❉❈ •┈•

شلون ارجع يبو لسجاد وعيني تصد منازلكم
وبيا عين آ يا خوي خليه أشوفهه منكم
شلي بشوفهن العيون اذا بيهن مشوفنكم
راح النظر وياكم وفگدكم هل حنه ظهري

            •┈•❈​❉✹✹❉❈ •┈•

لا يوگف أبد دمعج ومن البجي لتبطلين
اريد وي الدمع شوفج ينزل كون آ يا عين
يا شوف البعد يحله عگبكم يخوتي الطيبين
دمعتي لفگد اهل بيتي تهل شما بقه بعمري

          •┈•❈​❉✹✹❉❈ •┈•

أريد أعميج آ يا عين ولتشوفين منازلهم
خليه من اخوتي لطيبين تذوب لروح فركتهم
شلي بيج آ يا عين إذا ما اشوف النحبهم
جفنج كون لا يغفه والنوم ابد ميمرني

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
عودة موكب الإباء إلى كربلاء

نعي للاربعين  بالفصحى


بَعدَما ودعوا رقيةَ بالبكاءِ
تَوجهَ ضعنهم صَوبَ كربلاءِ

جمع الفواطم بالرؤوس عائدين
يحدوا بهِنَ علي زينُ العابدين

وصلوا وإذا بالقبور أَمامهم
بكت بكل حزن وأسى نواظرهم

فهَوَت فوق قبورهم تنعيهم
بفيض الدمع من الظمأ ترويهم

فنادت العقيلةُ يا علي السجاد
أرجِع رؤوس الاهل للأجساد

أبوذيه

صحت يهل المحنه ما هو ونكم
ونين الونه گلبي ما هو ونكم  
تراكم نفس الريتي وهونكم
ميته والحزن اليجول بيه

نعي كأني بلسان حال مولاتي زينب عليها السلام

أجيت وحالي يتجه عل اجروح
للعفته  عل  التربان  مذبوح
من شفت الگبر لن صرخت الروح
رجعت من السبي يهل الحميه

                   •┈•❈​❉✹✹❉❈ •┈•

شفت گبوركم والدمع جاري
عليكم تستعر ما تطفه ناري
راح اعوفكم ورجع الداري
يا دار الاهل وحشه عليه

                  •┈•❈​❉✹✹❉❈ •┈•

يا عباس خويه وَن دليلي
وصعبه بالگبر نايم كفيلي
من شفته انهدم البقه ابحيلي
عجيبه الموت تلفيه المنيه

                   •┈•❈​❉✹✹❉❈ •┈•

إنتَ  الموت  يا قابض  الأرواح
السمه ابصرخة كفيلي تمطر ارماح
اليِخَوف الخوف مني ما اصدگ راح
بدر عمري وحياتي مطفي ضَيَه

                  •┈•❈​❉✹✹❉❈ •┈•

بقيت  امحيره  ما بين  گبرين
اتوجه مره للگمر والثانيه لحسين
وصحت يحباب گلبي هسه ماشين
المدينة  جدنه  بجروح  الرزيه

                   •┈•❈​❉✹✹❉❈ •┈•

مشيت وگلبي ظل يربي عليهم
يمهم  هالبقت  روحي  تباريهم
فوگ گبورهم تنحب وتنعيهم
وبعد هيهات جمعتنه سويه

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

قصيده للمشايه

كأني بمولاي أبا الفضل العباس عليه السلام رافع كفوفه يحيي بمشاية الاربعين
تقرأ بطور الحماسي وبعدة اطوار


رافع  اجفوفه
ايحيي بضيوفه
الاجت مشايه بيوم الاربعين

بالكرم معروف
بغيرته موصوف
هذا ابو فاضل ابن أم البنين

   ❥❥❀━┅┄✿┉━❀❥❃❥❃

اجفوفه عالگبه اترفرف رايه
تكول كــل الهله بالمشايه
خالصه النيه اجتي بهايه 
لاختي زينب يواسون الغايه

ينادي حي الله ونِعِم
اعليهم يفيض الكرم
الأجت مشايه بيوم الأربعين

   ❥❥❀━┅┄✿┉━❀❥❃❥❃

منين ما تگصد ابو فاضل تشوف
الله خلاه الدلاله بالطفوف
يكرم ويعطي الباري من الجفوف
باب للحاجات يكظيهه معروف

النخاه ابخيته
بعجل يقضي حاجته
الاجت مشايه بيوم الاربعين

   ❥❥❀━┅┄✿┉━❀❥❃❥❃

العباس واكف ابمداخل كربله
ايحيي بالزوار راعي المرجله
هلا بالگاصد حسين ويا هلا
جاي ويانه ايتلــگــه العايله

اعليهم ترف رايتي
ابشاربي وبحمايتي
الاجت مشايه بيوم الاربعين

   ❥❥❀━┅┄✿┉━❀❥❃❥❃

اجفوف ابو فاضل تحييهم تگول
هلا ابمشايه الاجت لبن البتول
المناير مـن بُعِد تعني الوصول
گــبــة العباس معناها الدخول

ضيوف عندي كلهم
آنه    المعزبهم
الاجت مشايه بيوم الاربعين

   ❥❥❀━┅┄✿┉━❀❥❃❥❃

امنين ما تمشي المهدي حاظر
ابكل حسينيه او دار او جادر
ايراعي الوفاد  يجبر خاطر
الخِدَم  جده  أبعزم ومثابر

وبسجلنه امسجيلنه
خادم لعترة نبينه
الاجت مشايه بيوم الاربعين

   ❥❥❀━┅┄✿┉━❀❥❃❥❃

المنتظر حاظر مع كل الصفوف
الاجت مشايه ملايين والوف
الكعبة الاحرار او بيهه تطوف
آنه ارعاهم ابعيني والجفوف

واليهل  دمعة  العين
بحرگه وي اخت لحسين
الاجت مشايه بيوم الاربعين

   ❥❥❀━┅┄✿┉━❀❥❃❥❃


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
عودة موكب الإباء إلى كربلاء

قصيده للاربعين كأني بلسان حال مولاتي زينب عليها السلام...تقرأ وبعدة أطوار

أجيناكم يهلنه اليوم أجيناكم
بس اگبور يالوليان شفناكم

إتراب الگبر بللته من مبجاي
جبت لعايله ولروس يهلي وياي

أجيناكم يهلنه اليوم أجيناكم

   ☆ــــــــ☆¤(๏❀๏)¤☆ــــــــ☆

أجيناكم يهلنه من بعد الفراگ
ويا نار اليسر بالگلب ظل حراگ
وايام السبي يخوتي ما تنطاگ

واتمنى متت يا هلي وياكم
أجيناكم يهلنه اليوم أجيناكم

   ☆ــــــــ☆¤(๏❀๏)¤☆ــــــــ☆

وصلنه الكربله تذكرنه كل الصار
وشلون الخيم حرگوها يهلي بنار
بعد عباس بينه تحدي الاشرار

يضربونه العدا والگلب ينخاكم
أجيناكم يهلنه اليوم أجيناكم

   ☆ــــــــ☆¤(๏❀๏)¤☆ــــــــ☆

سويت أربعينك خويه لمن جيت
يم  گبرك  گعدنه  وبهظم  ناديت
مگطوع النحر عطشان هل ظليت

من دموع عيني اليوم أرواكم
أجيناكم يهلنه اليوم أجيناكم

   ☆ــــــــ☆¤(๏❀๏)¤☆ــــــــ☆

كل وحده اگعدت يم گبر واليها
تبجي وتنتحب تنعه عل غاليها
يا  حلوين  جوه  الترب  تاليها

أجينه اليوم نودعكم وننعاكم
أجيناكم يهلنه اليوم أجيناكم

   ☆ــــــــ☆¤(๏❀๏)¤☆ــــــــ☆

مثل سرب الحمام عله النهر راحن
يا  كافل  خدرنه  يالشهم  صاحن
طاح الستر ويه جفوفك الطاحن     ( الستر معناها الحاجز الساتر )

سهم العين قوه علينه أعداكم
أجيناكم يهلنه اليوم أجيناكم

   ☆ــــــــ☆¤(๏❀๏)¤☆ــــــــ☆

هاي آنه العزيزه ورجعت ليكم
زينبكم  أجتي  اليوم  تنعيكم
راح ارجع يخوتي هنا اخليكم

أرد لديارنه المظلمه بلياكم
أجيناكم يهلنه اليوم أجيناكم

   ☆ــــــــ☆¤(๏❀๏)¤☆ــــــــ☆


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
عودة موكب الإباء إلى كربلاء

قصيده للاربعين كأني بلسان حال مولاتي زينب عليها السلام تخاطب الناقه التي تحملها لتسرع بها الى كربلاء... تقرأ بطور الرجالي الثكيل وبعدة اطوار



يا ناگه سرعي بخطوتج مشتاگه حيل الإخوِتي
يا ناگه لا تتمهلي مخنوك گلبي بلهفتي

جيت ذابحني الحنين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

جنحان  اتمنه  ألج بيه  تطيرين الهلي
كلريح لا اسرع بعد اتوَصلِين للطف محملي
اتنزليني ابين أخوتي احسين وياه كافلي
افراگهم كلش صعب  لو طال هو كاتلي

الگلب ينبض بالونين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

أبحنانج آنه احلفج   بيج مضروب المثل
كلمن ايفارگ احبابه او يحن لملاگه الاهل
أنتي يا ناگه الوسيله لشوفة اهلي والامل
الدمع جَرَح اجفوني دِمه يسيل من المُقَل

وهذا يوم الأربعين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

اوياج ريت النوگ تسرع ابعجل نوصل كربله
اتريد  اتشوف الغوالي  ابلهفه كل العايله
تدري هاي النوگ تحمل جم عزيزه امدلله
وانتي  يا ناگه عرفتي  آنه بت عقد الوله

أيام جنه اميسرين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

الموت اهون عليه من افراگ اهلي الغوالي
حيل صعبه اعليه مرت موحشه كل الليالي
على  حالي آ  يناگه  الصخر  حن وبجالي
ابعيله متمحنه وبغربه حرمه ما وياي والي

دمع ما بطلت العين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

كل دقيقه تمر عليه ايزيد شوگي والعذاب
الغربه تسعر نار بيه فوگهه فراگ لحباب
مدري شحمل من زماني جم جرح وشجم مصاب
كون يا ناگه خطوتج اسرع من الهوى الهاب

الكربله اوصل الحين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥ 

ارفيف گلبي حبس انفاسي واحس بيهن جمر
كون اشوف اخواني هسه بعجل ما عندي صبر
روحي  متلهفه  عليهم  ابـــــو الاكـبر  والگـــمر
واليفارگ  اهل  گلبه  الشوفهم   مـــــــا  ينتظر

يبقه مهموم وحزين
امفارگتهم جن سنين
بالله يناگه بالعجل خليني اوصل عزوتي

❥✿•┈┈┈• • °{💔} • •┈┈┈•✿❥


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
عودة موكب الإباء إلى كربلاء

هوسات للاربعين

   🕊.•°˚˚°➰❀➰❀➰.•°˚˚°🕊

زينب رجعت من الشام الكربله ممشاها
ردت بالحرم واطفال ورقيه موش وياها
شافت كل اهلهه گبور هلت دمع عيناها
ظنت من تصل للطف اخوتهه اتلگــــاها

    ( زينبكم  جتي     اتلگوها)

   🕊.•°˚˚°➰❀➰❀➰.•°˚˚°🕊

صاحت يا ضوه اعيوني يخويه حسين حاجيني
ما اگــــــــدر على فرگاك يبو السجاد تدريني
هاي الي اربعين اليوم من عفتك يضي عيني
وجيت  اليوم  بالعيله  وحسبالي  تلاگيني

     ( گبرك شفته     وهَدَم حيلي)

   🕊.•°˚˚°➰❀➰❀➰.•°˚˚°🕊

يهلي من شفت الگبور منظر هَدَم اركاني
وصحت يا عمه يالسجاد دليني بولياني
أرد اشكيلهم ضيمي وهظم الشام أذاني
رجعتلهم بعد غُربه ريت تشوفني أخواني

    (أيمسحوها     دمعات عيوني)

   🕊.•°˚˚°➰❀➰❀➰.•°˚˚°🕊

نادت يا گمر هاشم كفيلي وحامي اضعوني
خويه من بعد عيناك گوم العده هظموني
رفعوا راسك اگبالي وشوف السهم بعيوني
گبرك شفته يالعباس قهرني وغيره اللوني

     (يالجينه اوياك   ارجع بينه)

   🕊.•°˚˚°➰❀➰❀➰.•°˚˚°🕊


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

قصيده للمشايه بعنوان( رافعين الرايه ) تقرأ بعدة اطوار

المستهل:

جينه لك عنايه
رافعين الرايه
الاربعينك يا حسين
جينه لك عنايه

✹✭┈✺✺---- ​​‌༄✹✭​​​​◌‌*

جينه يتسابق نَبَضنه ويه خطوات الجدم
الاربعينك مو احزام احنه شدينه حِزِم
كلشي خلي يحرمونه زيارتك لا ننحرم

إنتَ يا باب الرجاء
ازحوف نوصل كربلاء
الاربعينك يا حسين
جينه لك عنايه    جينه لك عنايه 

✹✭┈✺✺---- ​​‌༄✹✭​​​​◌‌*

انتَ ينبوع الحياة ابغيرك نموت وعلي
أنتَ عنوان الكرامه يبو اليمه يالولي
للنجاة أنتَ وسيله يا بعد ناسي وهلي

الخامس اصحاب الكِساء
ازحوف نوصل كربلاء
الاربعينك يا حسين
جينه لك عنايه    جينه لك عنايه 

✹✭┈✺✺---- ​​‌༄✹✭​​​​◌‌*

جينه  كل  لهفه  وحنين  سيدي  لزيارتك
معتنيلك  يا حسين  انواسي زينب خيتك
ازحوف الك بالاربعين نوصل انطب حظرتك
ألك نعلن الولاء
ازحوف نوصل كربلاء
الاربعينك يا حسين

جينه لك عنايه    جينه لك عنايه

✹✭┈✺✺---- ​​‌༄✹✭​​​​◌‌*

أنجدد البيعه اجينه مشي نكصد كربله
اموقعيلك عهد بالدم يا ابن عقد الوله
الزينب الحره العقيله ولمصاب العايله

القلب يجهش بالبكاء
ازحوف نوصل كربلاء
الاربعينك يا حسين
جينه لك عنايه    جينه لك عنايه

✹✭┈✺✺---- ​​‌༄✹✭​​​​◌‌*

جينه  رايه  توحدنه  وصرخه  لبيك حسين
شما قِسَت بينه الدواهي على نهجك سائرين
وابد منعوف  الزياره وممشه  يوم الاربعين

ارواحنه لجلك فِداء
ازحوف نوصل كربلاء
الاربعينك يا حسين
جينه لك عنايه    جينه لك عنايه

✹✭┈✺✺---- ​​‌༄✹✭​​​​◌‌*

ما توقفنه  النواصب  وميمنعه  أي  امر
حتى لو صار بطريق المشي نيران وجمر
للنهايه  وللقيامه  هل الشعيره  تستمر  

أمر من رب السماء
ازحوف نوصل كربلاء
الاربعينك يا حسين
جينه لك عنايه   جينه لك عنايه

✹✭┈✺✺---- ​​‌༄✹✭​​​​◌‌*

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
عودة موكب الإباء إلى كربلاء

قصيده على طور قصيدة ( تنامن لو ألي خاطر ) للشاعر المتألق علاء الزيدي ربي يوفقه بطلب من احدى الخادمات وتقرأ بعدة اطوار
القصيده للاربعين بعنوان( رجعنه الكربله يحسين ) كأني بلسان حال مولاتي زينب عليها السلام

المستهل:

رجعنه الكربله يحسين    بوَنَه وبدموع العين
شفنه كبور يالغالين       صحت يا ويل

◆━━━━◆❃◆━━━━◆

رجعنه بهموم اليسر    وحزن الطفوف الليله
حسبالي اشوفك يالولي    كلت اكعد واشكيله
واحجي كل ألي جره     بدرب اليسر للعيله
وتحجيلك جروح الكلب    دم الدموع اتسيله

وتشوف أثر سوط الضرب   
والروح يمك تنتحب
ودموع مخفيه تصب      صحت يا ويل

◆━━━━◆❃◆━━━━◆

مشونه من يمكم غصب    عدوان تحدي بينه
ركبونه النوك الهزل       ومكيدات أيدينه
لسياطهم بيدي أصد     فوك المتن تاذينه
بينه اتشمت الشمر      تمرجل يخويه علينه

صحت وين الي كفل
كون يحظر بالعجل
ابزينب يشوف شحصل    صحت يا ويل

◆━━━━◆❃◆━━━━◆

خويه نادونه سبايا     كلمه تذبح بالكلب
النوب سمونه خوارج   الروح منهه تنتحب
وحالتك مذبوح ضامي   ما ضكت من العذب
وراسك اكبالَه اليزيد    حيل هالموقف صعب

بسوط يضرب ثناياك
بهظم تبجي يتاماك
من شفت سالت دماك    صحت يا ويل

◆━━━━◆❃◆━━━━◆

بدرب السبي ماتن بناتك خوله وياهه صفيه
هَدَن الباقي من حيلي    وكَثِرن حزن العليَه
صحت يا حامي دخيلك    دخيلك آنه بهالمسيه
زينب مصايبهه زادت    وينك احظر بويه ليه

يا  علي  منهدم  حيلي
من طاح علشاطي كفيلي
انطفه يا بدر ليلي       صحت يا ويل

◆━━━━◆❃◆━━━━◆

ابدخول الشام خويه     شرد اسولف عن عذابه  
شلون اروِيلَك ليالي     النكِظَت بس بالخرابه 
شلون أوُصفلك عيالك     يوم كعدت عالترابه
شلون أوَصِلَك هظمهه     رقيه تبجي تريد بابه

بلا رحم جابوا الراس
جرحوا الطفله لحساس
شُبكَتَه بآخر أنفاس        صحت يا ويل

◆━━━━◆❃◆━━━━◆

باقي أثر حرك الخيم     منطبع خويه ابعبينه
وأثر جويات الجمر      يحسين لعليهه مشينه
جيت اشكيلك هظمنه     يالولي والصار بينه 
كوم طر كبرك يخويه    وشوف السادي علينه

وهسه عنكم راحلين
بأمان الله مودعين
الداركم احنه ماشين      صحت يا ويل

◆━━━━◆❃◆━━━━◆

   خادمة اهل البيت عليهم السلام
           أزهار جبار الجياشي

   نسألكم الدعاء
ولفاتحه لروح والدي

غير مبري الذمه من يحذف الاسم أو يغيره

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
عودة موكب الإباء إلى كربلاء

نعي للاربعين

رجعَ ضعنُ السبايا الى نينوى
مُحَملُ بالحُزنِ والهمِ والآلامِ

نظرت قبور الأَحبةِ فسالَ دمعها
ونادت آه من جورها الأيامِ

آهُ من غدر الزمانِ ومكرهُ
ترفعُ الطاغي وتحتَ الثرى الكرامِ

أمِنَ العدل تخديرُ حرائرُ انذالِها
وتُقادُ بناتُ الرسالةِ أُسراءِ

مُرَبطينَ بالحبالِ يسوقهم اعدائِها
الى قصرَ الفسوقِ بأرضِ الشامِ

دُنيا غدرت بآلِ طهَ يا ويلها
ألا لعنةُ الله على الظُلامِ

◆━━━━◆❃◆━━━━◆

نعي أبوذيه

الحوائج بينه مقضيه وعدنه
نضحي الدينه للباري وعدنه
اربعين انهار بالغربه وعدنه
نجدد عهد بأرض الغاظريه

◆━━━━◆❃◆━━━━◆

نعي مجاريد للاربعين

رجعنه من ليسر يا خويه يحسين
أجيناك  ابهظم  وبألم  وونين
شفنه كبوركم دم دمعة العين

*~❁ـــــــــــــــ⇣ৡـــــــــــــــ❁ ~*

هِوَت فوك الكبر زينب الحُرَه
مشتاكَه لخوها وتشم عُطرَه
وتكلَه كَسِر كلبي اشيجبره

*~❁ـــــــــــــــ⇣ৡـــــــــــــــ❁ ~*

عذاب الشام تشكي وبهظيمه
كعدات الخرابه ولياليهه الاليمه
وتكله  إدفَنَه  بالغربه  يتيمه 

*~❁ـــــــــــــــ⇣ৡـــــــــــــــ❁ ~*

صدت  للنهر  نادت  يعباس
بعدك  ولوني خويه الرجاس
امكيديني ابحبل وتشوفني الناس

*~❁ـــــــــــــــ⇣ৡـــــــــــــــ❁ ~*

كوم انهض انفض تراب الكبر
وبجدمنه شوف جويات الجمر
واثر فوك امتونه سوط الشمر

*~❁ـــــــــــــــ⇣ৡـــــــــــــــ❁ ~*

ثلث تيام يم كبوركم باقين
انجدد العهد ونقيم الاربعين
يهلنه انعوفكم ولديارنه ماشين

*~❁ـــــــــــــــ⇣ৡـــــــــــــــ❁ ~*

   خادمة اهل البيت عليهم السلام
           أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

عودة موكب الإباء الى كربلاء

نعي للاربعين ابوذيه + مجاريد

الابوذيه

الدنيا اطش عليه الحزن ولماي
شفت اگـــبورهم وزداد ولمـاي
على المذبوح وينه انشدت ولماي
المشه عباس إله وما رجع ليه

✹✭┈✺✺---- ​​‌༄✹✭​​​​◌‌*
نعي المجاريد

من درب الـرزايا الكربله جيت
لحـباب الگـــلب هاليوم رديت
اشوف اهل الحميه شگد تمنيت

❀❀❀❀❀❀➠❀❀❀❀❀❀

امشي بالدرب يهلي وظنكم
تتلگــوهه من توصل اختكم
تالي  اگـبور ولياني شفتكم

❀❀❀❀❀❀➠❀❀❀❀❀❀

شفت اگبوركم ولطمت عالراس
محنية ظهر گــوه اجر النفاس
ها يحسين صحت وها يعباس

❀❀❀❀❀❀➠❀❀❀❀❀❀

جبــت العايلـه يحسين ويــاي
اجيتك يبن ابويه همومي اهواي
اريد اشكي الجرالي برفجة اعداي

❀❀❀❀❀❀➠❀❀❀❀❀❀

يحسين اجيـتك بعد الغياب
شفت الگبر خويه الگلب ذاب
ذبيت  روحـــي  فوگ التراب

❀❀❀❀❀❀➠❀❀❀❀❀❀

احظنت تراب گبرك خويه يحسين
اجيت وگـلت يتلگاني الحنين
شفتك بالگــبــر زيـدت الونين

❀❀❀❀❀❀➠❀❀❀❀❀❀


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
عودة موكب الإباء الى كربلاء

قصيده بعنوان( أجت زينب ) تقرأ بطور المربوعه وبعدة اطوار

المستهل:

من الشام اجت زينب   خلونه انتلكاها
يباريها علي السجاد   وجابت روس ولياها

○•┈---★•..✵.•---★┈•ـ○

وصلت  كربله  زينب  يهلي  اجيتكم  نادت
بس اكبور شافتهم ابحسره وبهظم صاحت
ما واحد  تلكاني  يخوتي  وبحزن  ناحت
هِوَت فوك التُرب والحرم وياها

○•┈---★•..✵.•---★┈•ـ○

صاحت يا علي السجاد كبر حسين دليني
اريد اكعد وسولفله وكله اجيت يحسيني
واروي جبده العطشان واسكي من دمع عيني
وشكيله مرار الشام ومصايب الشفناها

○•┈---★•..✵.•---★┈•ـ○

وعظمله  الأجر  ابموت عزيزة  قلبه رقيه
وكله ألي بقه براسك الطاحت فوكه مغشيه 
شمت  نحرك  وغمدت  كل  أنفاس البنيه
بدار الغرب مدفونه وال هالسبب عفناها

○•┈---★•..✵.•---★┈•ـ○

دليني على الشبان اريد اكعد وحاجيهم
وسولف حال عمتهم بالغربه وابجيهم
وتراب  الكبر  وسفه  ايغير  معانيهم
وعريس الطفوف اشموعه القدر طفاها

○•┈---★•..✵.•---★┈•ـ○

عمه يا علي السجاد يم عباس ودينه
أرد اجفوفه لزنوده وشلع سهم لبعينه
وكله ينفض اترابه ويشوف الجره علينه
ويشوف اخته اشسوت بيهه دنياها

○•┈---★•..✵.•---★┈•ـ○

على كبور الاهل ظلن يحومن ولدمع يجري
تحاجي زينب الخوان فكدكم هالحنه ظهري
راح امشي وجمر لفراك باقي بالحشه يسري
ارد لديارنه والروح ما ينكطع مبجاها

○•┈---★•..✵.•---★┈•ـ○

خادمة اهل البيت عليهم السلام
     أزهار جبار الجياشي

    نسألكم الدعاء
ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

عودة موكب الإباء الى كربلاء

قصيده كأني بلسان حال مولاتي زينب عليها تخاطب اخيها أبا عبد الله الحسين عليه السلام... تقرأ بطور الرجالي الثكيل وبعدة اطوار

المستهل:

يحسين اجيت من اليسر يبن امي الغالي
مِن رِحِت  عنكم وارجعت  وآنه بلا والي

جايه ودمعي ايهلي
وعتب عندي الكافلي
يبن امي الغالي

✨❃❥❍✨❍❥❃ ✨.❃❥❍ ✨❍❥❃   ✨

امشيت وانفاسي تردد اسمك ودمعي يسيل
ويه كل ضربه وشتيمه أدير عيني للكفيل
أشكي الراسك وراسه وبالگلب صوت العويل
حيل صعبه امشي سبيه الحالي يتهدم الحيل

ساعه انخه يا حسين
ساعه اگول الگمر وين
ينظر الحال العزيزه شلون اصبح حالي

✨❃❥❍✨❍❥❃ ✨.❃❥❍ ✨❍❥❃   ✨

عتب وياكم يخوتي عندي سمعوه العتاب
احنه ربات الخدور احنه آيات الحجاب
وي الغرب عفتونه تالي خويه وبين الاجناب
أبيسر متگيده الفواطم شافت انواع العذاب

رحلة  آلام  وقهر
بالضعن يحدي الشمر
والجرح گلبي ويفجعه الروس تمشي اگبالي

✨❃❥❍✨❍❥❃ ✨.❃❥❍ ✨❍❥❃   ✨

جيت ودموعي التسولف عن ألي صار وجره
وعتب ممزوج ابحنين الخيي سبع الگنطره
لوّن اعتب مو بديه انسبي وآنه مخدره
أو دخلت الشام وعذابه وبالخرابه امرمره

زيدت همومي رقيه
بغربه وافتهه المنيه
طلعت انفاس الاخيره فوگ راس الوالي

✨❃❥❍✨❍❥❃ ✨.❃❥❍ ✨❍❥❃   ✨

عيوني ما بطلت دمعهه الروح كاتلهه الحنين
صار من يوم العفتكم خويه هاي الاربعين
اعلينه مو ايام مرت باليسر جنهن سنين
أفراگم صعبه عليه يذبح ابگلبي الونين

آه  يا  نار  الغرب
بوسط دلالي تشب
يهلي من الغاظريه
بس حزن يصفالي

✨❃❥❍✨❍❥❃ ✨.❃❥❍ ✨❍❥❃   ✨

من بعد رحلة مآسي ارجعنه يهلي لكربله
امحمل هموم وحنين وحزن ضعن العايله
يجرح احساس الفواطم الضعن تذكر كافله
انعدم شوفي عيوني ذبلت   من دموعي الهامله

من بعد غربه أجيت
اگبور خواني لگيت
الذبح وي نار الخيام يهلي يتراوالي

✨❃❥❍✨❍❥❃ ✨.❃❥❍ ✨❍❥❃   ✨

صحت يالسجاد عمه بأخوتي دليني
وين گبر ألي كفلني وين گبر احسيني
وين خليت الشباب اگبورهم راويني
وإخوتي من ام لبنين لمصابهم عاميني

بهظم نفتر عالگبور
بحزن ننعاهه البدور
الروس ردت للحفر بجمر دمع الهالي

✨❃❥❍✨❍❥❃ ✨.❃❥❍ ✨❍❥❃   ✨

خادمة اهل البيت عليهم السلام
        أزهار جبار الجياشي


      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

عودة موكب الإباء الى كربلاء

نعي للاربعين ابوذيه + مجاريد 

الأبوذيه

شفت گـبورهم گـلبي ونوحاي
الصخر من ونتي اتفسر ونوحاي
صفوا جوه الترب اهلي ونوحاي
يريت اوياهم اخذتني المنيه

♾️▪️♾️▪️♾️▪️♾️▪️

نعي المجاريد


وصلنه كربله كل ظنه نلگاههم
ونگعد بالبجي نتعاتب اوياهم
هدموا حيلنه من گبور شفناهم

᯽┈⊰᯽┈⊰᯽┈⊰᯽┈⊰᯽

وصلت بت علي زينب وناحت
على الناكه بحرگه يهلي صاحت
من شافت گبور الاهل طاحت

᯽┈⊰᯽┈⊰᯽┈⊰᯽┈⊰᯽

طاحت على گبره رميه
تصيح بهظم يبن امي الزجيه
آنـــه زينب الراحت سبيه

᯽┈⊰᯽┈⊰᯽┈⊰᯽┈⊰᯽

يحفار الگــــبر افتحلي بابه
انرجع راسه ونغسل خضابه
نداوي جروح جسمه انشد صوابه

᯽┈⊰᯽┈⊰᯽┈⊰᯽┈⊰᯽

يدفان الگمر وديني گبره
اگله گـوم يا كافل الحره
أثر لسياط ابظهر العبي نظره

᯽┈⊰᯽┈⊰᯽┈⊰᯽┈⊰᯽

دليني يعمه اگبور الشباب
اريد اوياهم احجي بدمع سجاب
مثل اترابكم عمتكم اتراب

᯽┈⊰᯽┈⊰᯽┈⊰᯽┈⊰᯽

خادمة اهل البيت عليهم السلام
        أزهار جبار الجياشي

     نسألكم الدعاء
ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
عودة موكب الإباء الى كربلاء

قصيده للاربعين بعنوان( رحلة عذاب ) تقرأ بعدة اطوار

المستهل:

بعد رحلة عذاب     رجعنه من الغياب
وصلنه الكربله
أنزور الاحباب

✿┈┈••  •✦♡✦•  ••┈┈✿

رجعنه أنزور اهالينه الظلت عالترب نومه
اجينه الحزن عامينه والارواح مهمومه
درب الشام هدمنه آ من السبي ويومه
بس كبور شفناهم تبجي الحرم مهظومه

نِزَف جرح المصاب
رجعنه من الغياب
وصلنه الكربله        أنزور الاحباب

✿┈┈••  •✦♡✦•  ••┈┈✿

اكبور الأهل شفناهه وتذكرنه الجره لينه
حرك الخيم ولعدوان الغارت خيلهه علينه
كفيل الخدر مكطوعه اجفوفه وسهم ابعينه
اطفال وحرم مرعوبه وتطك اسياطهم بينه

جثث فوك التراب
رجعنه من الغياب
وصلنه الكربله        أنزور الاحباب

✿┈┈••  •✦♡✦•  ••┈┈✿

أجيناكم يهلنه بروح مليانه غصص وآهات
تحدي بالكلب لجروح بألم وبوَنَه وبحسرات
عن ظيم اليسر والشام ونظرة فرحة الشمات
بيابي العين تحجيهه تخط بالمدمع الكلمات

جمر الفركه لهاب
رجعنه من الغياب
وصلنه الكربله        أنزور الاحباب

✿┈┈••  •✦♡✦•  ••┈┈✿

على  طول  النهر  ونات  للعباس  ونينه
على كد كربله ولشام وجع تهمل بواجينه
جِوادر  للحزن  بالروح  للوليان  خلينه
كلي  بيا كلب ارجع لديارك يبو سكينه

دموم لدمع سجاب
رجعنه من الغياب
وصلنه الكربله        أنزور الاحباب

✿┈┈••  •✦♡✦•  ••┈┈✿

نار الغربه  يخواني  اشد من  نار  الخيام
واقسى من مصاب الطف يهلي دخلة الشام 
واصعب من هَذَني ابخرابه اكضينه الايام
ويبقه  جرح  الفراك  ونودعكم  يالكرام

نرد الدار الاطياب
رجعنه من الغياب
وصلنه الكربله        أنزور الاحباب

✿┈┈••  •✦♡✦•  ••┈┈✿

خادمة اهل البيت عليهم السلام
     أزهار جبار الجياشي 

    نسألكم الدعاء
ولفاتحه لروح والدي 

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
عودة موكب الإباء الى كربلاء

قصيده بعنوان( أجت زينب ) تقرأ بطور المربوعه وبعدة اطوار

المستهل:

من الشام اجت زينب   خلونه انتلكاها
يباريها علي السجاد   وجابت روس ولياها

○•┈---★•..✵.•---★┈•ـ○

وصلت  كربله  زينب  يهلي  اجيتكم  نادت
بس اكبور شافتهم ابحسره وبهظم صاحت
ما واحد  تلكاني  يخوتي  وبحزن  ناحت
هِوَت فوك التُرب والحرم وياها

○•┈---★•..✵.•---★┈•ـ○

صاحت يا علي السجاد كبر حسين دليني
اريد اكعد وسولفله وكله اجيت يحسيني
واروي جبده العطشان واسكي من دمع عيني
وشكيله مرار الشام ومصايب الشفناها

○•┈---★•..✵.•---★┈•ـ○

وعظمله  الأجر  ابموت عزيزة  قلبه رقيه
وكله ألي بقه براسك الطاحت فوكه مغشيه 
شمت  نحرك  وغمدت  كل  أنفاس البنيه
بدار الغرب مدفونه وال هالسبب عفناها

○•┈---★•..✵.•---★┈•ـ○

دليني على الشبان اريد اكعد وحاجيهم
وسولف حال عمتهم بالغربه وابجيهم
وتراب  الكبر  وسفه  ايغير  معانيهم
وعريس الطفوف اشموعه القدر طفاها

○•┈---★•..✵.•---★┈•ـ○

عمه يا علي السجاد يم عباس ودينه
أرد اجفوفه لزنوده وشلع سهم لبعينه
وكله ينفض اترابه ويشوف الجره علينه
ويشوف اخته اشسوت بيهه دنياها

○•┈---★•..✵.•---★┈•ـ○

على كبور الاهل ظلن يحومن ولدمع يجري
تحاجي زينب الخوان فكدكم هالحنه ظهري
راح امشي وجمر لفراك باقي بالحشه يسري
ارد لديارنه والروح ما ينكطع مبجاها

○•┈---★•..✵.•---★┈•ـ○

خادمة اهل البيت عليهم السلام
     أزهار جبار الجياشي

    نسألكم الدعاء
ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979