•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه والف آآآه عليك يا رسول الله

قصيده في رثاء  النبي محمد صلى الله عليه وآله وسلم تحكي حال مولاتنا الزهراء عليها  السلام بعد رحيل والدها
تقرأ بطور الفزاعي وبعدة أطوار

المستهل

شال المصطفى هاليوم
دور العلم متكدره

               ☆⋖❁⋗•★•⋖❁⋗☆

ظلمه اصبحت دنيانه
فكد  النبي  أذانه
شال وهجر قرآنه
وحيدر علي شيصبره

               ☆⋖❁⋗•★•⋖❁⋗☆

كلب البضعه وج بنار
من شال النبي المختار
بعدك تهجم الاشرار
أصحابك تضرب الزهره

               ☆⋖❁⋗•★•⋖❁⋗☆

يطه الدار حركوها
وخلف الباب عصروها
ابسمار الضلع أذوها
وظلت تسجب العبره

               ☆⋖❁⋗•★•⋖❁⋗☆

اصحابك ما رعوا حرمه
مهابوا  النبي  واسمه
أجت للدار متحزمه
شيطان نفذوا أمره

               ☆⋖❁⋗•★•⋖❁⋗☆

نفذوا أمر عل البضعه
حركوا دارها بسرعه
منها نزلت الدمعه
وكلبهه أنكسر شيجبره 

               ☆⋖❁⋗•★•⋖❁⋗☆

شيجبر خاطر المكسور
وخد أم الحسن مسطور
من عدهه بده عاشور
وبدت أمصايب العتره

               ☆⋖❁⋗•★•⋖❁⋗☆

      خادمة اهل البيت عليهم السلام
             أزهار جبار الجياشي

         نسألكم الدعاء
    والفاتحه لروح والدي

غير مبري الذمه من يحذف الاسم أو يغيره  وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه وألف آآآه عليك يا رسول الله

قصيده لنبينا نبي الرحمه وخاتم الأنبياء أبا الزهراء محمد صل الله عليه وآله وسلم على ردة( هالله هالله حسين وينه بالسيوف أمكطعينه )

المستهل:

هالله هالله سامينه
الرسول الله نبينه

❥✿•┈┈┈• • °{🧿} • •┈┈┈•✿❥ 

اليوم يا حزن الزجيه عالأبو ماكو مثيله
تنادي لا ترحل يغالي ابحرگه ولمدمع تسيله
بويه بعدك يهظموني ومنهو غيرك اشتكيله
وگلبي يا بويه عليك أبد ما يبطل ونينه

❥✿•┈┈┈• • °{🧿} • •┈┈┈•✿❥ 

بي فجعوها البضعته وبقت ابهم وبحزن
على طه أم ابيها ابهظم اتنوح وتون
بجت أملاك السمه الحالها أم الحسن
والصميده بهلمصاب ايساعده الله ويعينه

❥✿•┈┈┈• • °{🧿} • •┈┈┈•✿❥ 

آه يا حال البتول شحالهه بهذا المصاب
ضاگت اعليهه لوسيعه الأبو عنهه من غاب
وبحزنهه ما رعوها يا وسف بعض الصحاب
خالفوا الله ورسوله وزيفوا شرعه ودينه

❥✿•┈┈┈• • °{🧿} • •┈┈┈•✿❥ 

لعنة الله عالسقيفه وعلى كلمن بيها حاظر
على العادوا آل طه وكلمن الألهم يناصر
عالرسول واهل بيته بده من عدهه التآمر
ابغصب اخذوها الخلافه من علي حيدر ولينه

❥✿•┈┈┈• • °{🧿} • •┈┈┈•✿❥ 

اتكدرت كل الأكوان وحزنت لهاي الرزيه
الارض ظلمه ولسماء اتنورت بخير البريه
الشيعه بدموع البكاء تواسي فاطمة الزجيه
ايزيد عالهادي حزنه شما تمر السنين بينه

❥✿•┈┈┈• • °{🧿} • •┈┈┈•✿❥ 

نبقه نذكر هالرزيه ونرثي ابدمعه سجابه
ونقسم بنحر الحسين جده ما ننسه مصابه
كل سنه نعلن حداد ونظل نلعن هالعصابه
ولحبيب الله حزنه مستمــر يبقه وبجينه

❥✿•┈┈┈• • °{🧿} • •┈┈┈•✿❥ 

    خادمة اهل البيت عليهم السلام
            أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه وألف آآآه عليك يا رسول الله

قصيده لنبينا نبي الرحمه وخاتم الأنبياء أبا الزهراء محمد صل الله عليه وآله وسلم
بعنوان( اول المصائب )
تقرأ بعدة أطوار

المستهل:

أول مصايب فاطمه
هالليله     هالليله
منهه الدمع يجري دمه
هالليله     هالليله
غمضت عيون المصطفى
بعده على الدنيا العـــفه
هالليله     هالليله

───✰◐►(♻)◄◐✰───

يا گلب فاطمه انجرح باول جرح
من عينهه يجري الدمع دم منسفح
هالليله عدهه ينطفي نور الصبح
فرحهه بوجود الابو ابسم منذبح

تبجي عليٌ ارض وسمه
هالليله     هالليله
أول مصايب فاطمه
هالليله     هالليله

───✰◐►(♻)◄◐✰───

البتول الطاهره ابحيره وتـون
على البضعه ايخيم الليله الحزن
عيون املاك السمه وياها بجن
الليله الله يعينهه الأم الحـسن

أتهد حيل حماي الحمه
هالليله        هالليله
أول مصايب فاطمه
هالليله     هالليله

───✰◐►(♻)◄◐✰───

صعبه هالليله على الزهره البتول
عن بُضِعتَه راح يرحل الرسول
ابحزن تبقه وتجري الدمع الهمول
بعد ابوها العمر بيهه ما يطول

السبب گوم الظالمه
هالليله     هالليله
أول مصايب فاطمه
هالليله     هالليله

───✰◐►(♻)◄◐✰───

لكون مرجون الفگـد طه أظلم
الليله والينه علي ابحيره وألم
على فراگ المصطفى دمعته دم
والحسن وحسين يبجون بهظم

أو زينب متألمه
هالليله     هالليله
أول مصايب فاطمه
هالليله     هالليله

───✰◐►(♻)◄◐✰───

الليله يا شيعه عــــزوها الطهر
خل نواسيها بفگــد خير البشر
نضرب الهامات ندگ اعله الصدر
الشفيع ألنه في يــــوم الحشر

باب رأفه ومرحمه
هالليله     هالليله
أول مصايب فاطمه
هالليله     هالليله

───✰◐►(♻)◄◐✰───

الليله فاطم بالأبـــو ايفجعوها
اصحابه بعده البضعته يأذوها
من حزنهه والبچـــي ايمنعوها
ولأرثهه من النبي ايـــحرموها

اللا  صحابه الظالمه
هالليله     هالليله
أول مصايب فاطمه
هالليله     هالليله

───✰◐►(♻)◄◐✰───

   خادمة اهل البيت عليهم السلام
           أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه وألف آآآه عليك يا رسول الله

قصيده للنبي الاعظم محمد صل الله عليه وآله وسلم
بعنوان(خط ياقلم )...تقرأ بعدة اطوار

المستهل:

خط يا قلم   امصاب وألم
   دمع هل من البتول

هز السمه     حزن فاطمه
من رحل عنهه الرسول

✿────↻✿...✿↺────✿

هالفجيعه هالمصيبه اهــتزت الاركـان ليها
انفجع گـلب الطاهره مــن رحل عنهه أبيها
الكون متگــدر حــــزين مظلمه الدنيا عليها
حزنت الارض وسمه وتبجي الملاك البجيها

لدمع من دمه   حزن فاطمه
   من رحل عنهه الرسول

✿────↻✿...✿↺────✿

ابعينهه الدنيا مظلمه وخيم اعليهه الحــــزن
عيونهه اتـهل الــمدامع بالــبجي مـثل المزن
ايعينهه الله الفگد ابوهه بعده مهمومه وتون
انهالت اعليهه الرزايـــــا والمـصايب ام حسن

او متألمه     حزن فاطمه
  من رحل عنهه الرسول

✿────↻✿...✿↺────✿

فوگ فجعتهه بأبوهه امصاب گوم الحاربوها
تـــريد تتعزه المـصابه انــذال مـــــــا خــلوها
بيت للاحزان ســـوت تنــعه يـومـيه ابــــوها
من الدمع ومن البواجــــــي فاطمه ايمنعوها

گوم الظالمه   حزن فاطمه
   من رحل عنهه الرسول

✿────↻✿...✿↺────✿

بعده اينازع نبينه بـــدت احـقاد آل أميه
من شياطين السقيفه والغــدر اهل الرديه
من بعد ما رحل طه گادوا الحامي الحميه
بالغصب اخــذوا ارثهه بنته فاطمة الزجيه

وبدت ملحمه   حزن فاطمه
    من رحل عنهه الرسول

✿────↻✿...✿↺────✿

طلعت  انفاسه الاخيره أبحضن حيدر ولينه
بس اهل بيته جواره لنبي من غمضت عينه
عدد ينعد عالاصابع  لبقوا مـــن صحبة نبينه
باقي اصحابه بسقيفه اغتصبوا حقه العَلِينَه

بحامي الحمه   حزن فاطمه
     من رحل عنهه الرسول

✿────↻✿...✿↺────✿

يا قلم خط المصايب الصارت  الآل النبي
من بعد  موتته  الطه الآخر ايــــام السبي
من حرگ  باب  البتول النار  وصلت للعبي
ومن دفع باب الزجيه للمشت ويــه اجنبي

أشجم مظلمه   حزن فاطمه
   من رحل عنهه الرسول

✿────↻✿...✿↺────✿

   خادمة اهل البيت عليهم السلام
           أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه وألف آآآه عليك يا رسول الله

قصيده في رثاء النبي الأكرم صلى الله عليه وعلى آله وسلم
تقرأ بعدة اطوار

المستهل:

الليله يا شيعه نعازي فاطمه
حيل بمصاب النبي متألمه

*~❁ـــــــــــــــ⇣ৡـــــــــــــــ❁ ~*

راح يرحل عنهه قرآن المبين
كَلب فاطم صبح الليله حزين
تسجب  الدمعات  بلآه  وانين
حزنت الاكوان وي عرش السمه

*~❁ـــــــــــــــ⇣ৡـــــــــــــــ❁ ~*

الليله عرش الله حِزَن واعلن حداد
والسما  الوانهَه  اتغيرَه  ابسواد
والمآتم  تنصب  في  كل  بلاد
اعيونه تهمل مدامعهه دمه

*~❁ـــــــــــــــ⇣ৡـــــــــــــــ❁ ~*

الليله بمصاب النبي خير الوره
انواسي البضعه الزجيه الطاهره
ابحركَه مدمعهه عل الوالد جره
على فراك الأبو ما هي امعلمه

*~❁ـــــــــــــــ⇣ৡـــــــــــــــ❁ ~*

لطمو يا شيعه عالراس وصدر
خل تهل دمعاتنه مثل الجمر
هذا ابو الزهراء وخير البشر
حبيب الله هو باب المرحمه

*~❁ـــــــــــــــ⇣ৡـــــــــــــــ❁ ~*

من رحل طه الكون اصبح ظَلام
جاروا اهل الفتن وغيروا احكام
بس اسم اصبح يا دين الاسلام
والحكم  بيد  الاقوام  الظالمه

*~❁ـــــــــــــــ⇣ৡـــــــــــــــ❁ ~*

ظلموا الزهره عكب عين الرسول
والصحابه أباب عصروها البتول
ما رعوا لا حرمه لا دين واصول
الدار منهه صفت وحشه ومظلمه

*~❁ـــــــــــــــ⇣ৡـــــــــــــــ❁ ~*

     خادمة اهل البيت عليهم السلام
             أزهار جبار الجياشي

      نسألكم الدعاء
   ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه وألف آآآه عليك يا رسول الله

قصيده لأستشهاد نبينا نبي الرحمه وخاتم الأنبياء أبا الزهراء محمد صلى الله عليه وآله وسلم
تقرأ بعدة أطوار

المستهل:

ماتَ أو قُتِل
سيدَ الرُسُل
آيه الله گالهه ابمحكم كتابه
شفنه كلشي من غدر الصحابه

   •───✧◐🕊🕊◐✧───•

الحقيقه ألي بكتبهم هالكتب ألنه ترويهه
گضه يا وسفه بالسم هاي الامه هاديهه
عصابه اتحزمت باحقاد ولاهله تعاديهه
بعده بضعته الانذال حسافه هجموا اعليهه

بعد أن رحل
سيدَ الرُسُل
يا بيت الطهر حرگوه بابه
شفنه كلشي من غدر الصحابه

   •───✧◐🕊🕊◐✧───•

مو كل الصحابه عدول اكو ألمنحرف بيهم
الخالف رسول الله والعترته ايعاديهم
لسبب بمصايب الاطهار السقيفه شاهده اعليهم
فرض من الله نلعنهم كلما يمر طاريهم

القلبُ وَجِل
سيدَ الرُسُل
مو اصحاب يا وسفه ذيابه
شفنه كلشي من غدر الصحابه

   •───✧◐🕊🕊◐✧───•

منعو يكتب اكتابه ويمه تنازعوا لصحاب
الگال الرجل يهجر وأبداً للنبي ما هاب
الحبيب الله يعوفونه بسقيفه تجتمع الذياب
طه بعده اينازع ونگلبوا على الأعقاب

بيهم قد خُذَل
سيدَ الرُسُل
وعافوه النبي ابلحظة مصابه
شفنه كلشي من غدر الصحابه

   •───✧◐🕊🕊◐✧───•

عل الأعقاب انگلبوا لداحي الباب يعادونه
بحقدهم عالنبي اتجرأوا يا وسفه يسمونه
بحضن حيدر علي الكرار نبينه غمض عيونه
يا گلب الوصي بمصاب أبن عمه يفجعونه 

دنا له الأجل
سيدَ الرُسُل
ظلت بالحزن تندب احبابه
شفنه كلشي من غدر الصحابه

   •───✧◐🕊🕊◐✧───•

مفجوعه البتول او تجري دمعتهه
على والدها فاطم تهل عبرتهه
وحتى من الحزن الأنذال منعتهه
إغتصبوا ورثهه وتالي عادتهه

كان لها الأمل
سيدَ الرُسُل
عليها اتجاوزوا ويلي ابغيابه
شفنه كلشي من غدر الصحابه

   •───✧◐🕊🕊◐✧───•

رسول الله رحل مظلم صبح الكون
المسجد والكتب ظلن عليّ يبجون
السِوَر وآياتهه لفگد النبي ينوحون
وأهل بيته ابهظم لفراگه يونون

تبكيه المُقَل
سيدَ الرُسُل
نعزي فاطمه ابدمعه سجابه
شفنه كلشي من غدر الصحابه

   •───✧◐🕊🕊◐✧───•

   خادمة اهل البيت عليهم السلام
           أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه وألف آآآه عليك يا رسول الله


قصيده بعنوان (مظلم الكون)في رثاء الرسول الاكرم صلى الله عليه وآله وسلم

المستهل

مظلم الكون.،،،، تهل العيون
من مات خير البشر
وغدر الاصحاب ،،،ودفعة الباب
من مات خير البشر

     ★★★★♦❣♦★★★★

الدنيا صارت محزنه انطفت الشمس بسماهه
غيم اعليهه السواد وغاب من عدهه ضواهه
الكون كله موحش اصبح من رحل من عنده طه

دمع العيون
جَرَح اجفون
من مات خير البشر

     ★★★★♦❣♦★★★★

تنحب الزهره الزجيه عل الابو خاطرها مكسور
تبجي وتسجب العبره والدمع عالوجن منثور
والحزن  غيم  عليها  نادته  وبكلب  مجمور

زادت جروح
تنزف الروح
من مات خير البشر

     ★★★★♦❣♦★★★★

آه يا حال الزجيه من رحل عنها ابوها
اول عمله للصحابه من ورثها يحرموها
من بعد حركة لدار بدفعة لباب اعصروها

ساءت اوضاع
انكسرت اضلاع
من مات خير البشر

     ★★★★♦❣♦★★★★

من  بعد  عينك نبينا  اهل  بيتك  حاربوهم
لا رعوا حرمة لنبيهم لخافوا الله ولا رعوهم
ابكل  زمن من  امتك لاهل بيتك يعادوهم 

من الاجداد
ورثوا احقاد
من مات خير البشر

     ★★★★♦❣♦★★★★

   خادمة اهل البيت عليهم السلام
          أزهار جبار الجياشي

        نسألكم الدعاء
    والفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

قصيده حواريه لمولاتي أم البنين عليها السلام عندما سمعت الناعي بشر وخرجت أليه مهروله... تقرأ بعدة اطوار

المستهل:

الحره من سمعت بشر
طلعت  ابهمهه  اتعثر

تنشده بدمع السجيب
گلـــي  أخبار  الحبيب
جــــن اعلومك ما تسر

━━࿇✿➻❥━✥◈✥━━࿇✿➻

ابساعة السمعت الناعي  گامت ابهمه ارگضت
روحهه ويه الگلب  اتسابگن من اطلعت
وگفت اگباله البشر  ابدمع يجري ناشدت
گلي شخبار الحسين   روحي ابغيابه اتمرمرت

جمر ابگلبي لهيب
گلي اخبار الحبيب
جن اعلومك ما تسر

━━࿇✿➻❥━✥◈✥━━࿇✿➻

انتي منهو التنشديني   ابهظم عينج دامعه
بألم وبحرگة گلب   او بالهجر متلوعه
تگله آنه أم البنين   گلبي لا لا تشلعه
گلهه عظم الله اجرج   بالبنين الأربعه

ما ألي بيهم نصيب
گـلي اخبار الحبيب
جن اعلومك ما تسر

━━࿇✿➻❥━✥◈✥━━࿇✿➻

أنهدل المتن منهه   او ونت بأنة حنين
تگله جاوبني سؤالي   مسألت اعله البنين
اربع ابنيني فدا  كون بس سالم احسين
عذبت حالي يناعي   گلي عن گرة العين

يخنك بگلبي النحيب
گــلي اخبار الحبيب
جن اعلومك ما تسر

━━࿇✿➻❥━✥◈✥━━࿇✿➻

شلون احجيلج يحره   اشلون اسولف هالخبر
صاح عظم الله اجرج   حسين گطعوله النحر
ضامي من ذبحوا وريده   جروح ينزف كل كتر
وبالخيول الاعوجيه   جسمه متوذر وذر

عاري عالغبره سليب
گـلي  اخبار  الحبيب
جن اعلومك ما تسر

━━࿇✿➻❥━✥◈✥━━࿇✿➻

إنحِنَت وبحزن صاحت   آه يمه حسين يبني
ايهون فگد الاربعه   وفگدك إنتَ ألي ضهدني
إلك ضحيت ابنيني   اتردلي سالم هذا ضني
حسين يمه اهدمت حيلي  ما يفل اعليك حزني

جروح فگدك ما تطيب
گلي  اخبار  الحبيب
جن اعلومك ما تسر

━━࿇✿➻❥━✥◈✥━━࿇✿➻

ريت ميته حسين يمه   قبل لا علمك يجيني
وكون من فارگت وجهك   ريتهه معميه عيني
آنه رتك عين والي وإلك ضحيت ابنيني
بگلبي جرحك يضل ينزف روحي يذبحهه ونيني

بيك  آمالي  تخيب
گلـي اخبار الحبيب
جن اعلومك ما تسر

━━࿇✿➻❥━✥◈✥━━࿇✿➻

   خادمة اهل البيت عليهم السلام
           أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده حواريه عندما رجعت مولاتنا زينب عليها السلام من كربلاء إلى مدينة جدها رسول الله ولدار اخيها الحسين عليه السلام والتقت بمولاتنا أم البنين عليها السلام ... تقرأ بعدة اطوار

المستهل:

اتلاگن ابدمعه او ونين
زينب   أو  أم  البنين
اتصيح يا خويه الگمر
اترد عليها ابني الحسين

✿✿✿<><><>✿✿✿<><><>✿✿✿

اتلاگت الحره بالحره من بعد رحلة مرار
اتگلهه يم عباس يمه الــگلب مشتعل نار
خيام محروگه وسياط تركت اعلينه آثار
من وگع كفال خدري اتشمتت بينه الشرار

طاح كافـــــل خيته
هدم حيلي بروحته
ابو فاضــل الحـنين
زينب  أو أم البنين

✿✿✿<><><>✿✿✿<><><>✿✿✿

جاوبتهه أم البنين اخاف ولدي قصروا
بالفدا  والتضحيات  شي قليل القدموا
تفرحيني لون گلتي  وذر يمــه اتوذروا
نبل ورماح وسيوف كون بيهه اتكطعوا 

كــون اتوذروا وذر
حتـى بيهـم افتخر
بيهم امضحيه للدين
زينب  أو أم البنين

✿✿✿<><><>✿✿✿<><><>✿✿✿

شرد اسولفلج ييمه عـــــن أخُــوتِي الأربعه
ليوث صالوا بالطفوف الــــراس بيهم ارفعه
اشبول حماي الحمه الـــروس منــهه امگطعه
الزاد حزني وهدم حيلي الطاح فوگ المشرعه

بـعد  عباس  الگـــمر
ننسبي ونمشي بيسر
الوفه گطعوله جفين
زينب  أو أم البنين

✿✿✿<><><>✿✿✿<><><>✿✿✿

هين أفــگد الاربعه فدا العـــين الغالي
خلي اولادي تروح احسين بـس يبقالي
گلت يكفيني ابــو اليمه ليه هــو الــوالي
ما ضهدني موت ولدي حسين هدم حالي

يصرخ بروحي الالم
سوري العالي انهدم
انجسم دلالي نصين
زينب  أو أم البنين

✿✿✿<><><>✿✿✿<><><>✿✿✿

يمه من طاح الكفيل احسين شاط اعله النهر
رجع  يتعثر  ابجدمه للــ،خيم  محــني  الظهر
بين عدوانه وحيد من طــاح حـــــزوله  النحر
ابغـير كافلــهه الفــواطم انسبن وراحـــن أسر

گيدوهن  بالحـبــل
ركبوهن عل الهـزل
أبسهم طفوا العيـن
زينب  أو أم البنين

✿✿✿<><><>✿✿✿<><><>✿✿✿

صاحت ام عباس يبني حسين يالهدمت حيلي
زينب تـجاوبهه يـــمــه الــهـدم حـــيلي كفيــلي
ردت بس حسين ســالم شوفـــته اتــفرح دليلي
بفگد أخُوتي وي الگمر ما نمت مـــن يومه ليلي

من جمر دمع اليهل
اثنينهن ينعن الاهل
يحجن ابگلب الحزين
زيـنب  أو أم البـنيـن

✿✿✿<><><>✿✿✿<><><>✿✿✿

   خادمة اهل البيت عليهم السلام
           أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصائد رجوع مولاتنا زينب عليها السلام من كربلاء الى مدينة جدها رسول الله صل الله عليه وآله وسلم

قصيده بعنوان ( وين الاسكنوا بيه)
عندما رجعت مولاتنا زينب عليها السلام إلى المدينه ووصلت دار اخيها الحسين عليه السلام وإذا بحوار ما بين الدار ومولاتي زينب عليها السلام وكأني بلسان الحال تقرأ بطور المربوعه وبعدة اطوار

المستهل:

وحدج راجعه ليه
وين الاسكنوا بيه
يزينب بله حاجيني
حالج  هل  يبجيني
وين الاسكنوا بيه

        ༄ ★═━━▒ ━═★༄

عمودي وين يا زينب بعده انهدمت اركاني
والجدران هل تنحب عل المضوي حيطاني
بدونه  آنه ما اسوه  راح  بوحشه  خلاني
ابنوح وحزن ظليت والونات مخفيه

        ༄ ★═━━▒ ━═★༄

عمودج هالبقه مطروح وحوافر خيل سحكنه
توذر وذر فوك الكاع وراسه منكطع منه
لحمه وي العظم مخبوط وصدره حيل رضنه
راسه عالرمح شالوه متشمته بني أميه

        ༄ ★═━━▒ ━═★༄

يزينب ليش رديتي حزينه ومنحني ظهرج
أهلي  وين  عفتيهم  وبهل  الحال  اشوفنج
شنهو الي يخليهم ورجعتيلي بحزن وحدج
دمعاتج  يهدني  يكثرن  حزني  اعليه

        ༄ ★═━━▒ ━═★༄

تكلهه رحت وياهم عزيزه والكلب مرتاح
عفناهم عل التربان ومشينه برفكة الذباح
ومن ردينه شفناهم كبور وكلبي ون وصاح
شحجيلج آآآ يا دار من مشوني مسبيه

        ༄ ★═━━▒ ━═★༄

من الأحباب  يا زينب  وحده ما اجت وياج
طفله شلون  عفتيها  شنهو  السبب  الخلاج
اعزيزة  أبو اليمه  بعيده  تكون  عن عيناج
هي مدلله تدرين صغيره آه يرقيه

        ༄ ★═━━▒ ━═★༄

وجعتيني ها يالدار من اذكرتي طاريها
جرحهه بالكلب ينزف دمعتي دمه ابجيها
خذاها الموت من عندي بأرض غربه اخليها
عليهه للأبد تبقه دموع العين مجريه

        ༄ ★═━━▒ ━═★༄

      خادمة أهل البيت عليهم السلام
             أزهار جبار الجياشي

      نسألكم الدعاء
  والفاتحه لروح والدي

غير مبري الذمه من يحذف الإسم أو يغيره

من يشرفني بقرآئة ما أكتب فهو مخول بحذف حرف أو أضافة حرف
وفقنا ألله وأياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده + نعي
كأني بلسان حال مولاتي زينب عليها السلام تخاطب الدار عندما رجعت من كربلاء ألى المدينه ودخلت دار الأهل ونضرتها خاليه
بعنوان( ها يا دار الاحباب ) تقرأ بعدة اطوار

المستهل:

ها يا دار الاحباب
اجيتج بعد الغياب

عنهم لا تسألين
لحزاني تزيدين
ها يا دار الاحباب

               ✤┈┅✦❂✦┅┈✤

لتسأليني يا دار عن اهلج صفوا وين
ابكربله  يا دار  اخذهم  منج  البين
ظليتي خليه وظلمه بعد الحسين
تهيجين المواجع وتكثرين المصاب

               ✤┈┅✦❂✦┅┈✤

بعد هيهات يلفون إلج اهل الحميه
عفت احبابج اكبور بارض الغاظريه
أجيتج بس بالهموم ووناتي الخفيه
يظل دمعي عليهم طول العمر سجاب

               ✤┈┅✦❂✦┅┈✤

ترابج ارد اشمه بلهفه وحيل احظنه
ترد الروح يا دار من اشم ريحة اهلنه
ما احمل  جفاهم  ذوله  اهل المحنه
جمر افراك الحباب يضل للدوم لهاب

               ✤┈┅✦❂✦┅┈✤

عيوني اتصد نزلهم خليه حيل تاذيني
آ  يا  دار  اهلنه  منظرهه  يبجيني
عليكم يخوِتي الطيبين ما يبطل ونيني
من حزني عليكم يهلي كلبي أنعاب

               ✤┈┅✦❂✦┅┈✤

عافوني ابحزن دوم وظليتي خليه
من انظر  اركانج  تهد  الحيل  بيه
عليهم روحي تنعه كل صبح ومسيه
وسفه من بعدهم تحدي بينه الاجناب

               ✤┈┅✦❂✦┅┈✤

مدري  انعيج  يا دار  لو انعه  أحبابي
فكدهم خله بالروح يدار اهلي اصوابي
لون  اعتب  عليهم  ما  ينفع  اعتابي
بعد اهلي الجفوني عساه العمر لا طاب

               ✤┈┅✦❂✦┅┈✤


النعي لدار الأهل

تِجَوِي الجفن دمعه من اهلهه
صفت روحي يتيمه من اهلهه
وخليه دار اهلي من اهلهه
ظلمه ومُوحشه وتنزف أذيه

               ☆⋖❁⋗•★•⋖❁⋗☆

صحت يا دار لتنشدين عنهم
يا هم الأتركه واحجي يا هم
على الغبره وذر لمن عفتهم
أمكيديني ابحبل وامشي سبيه

               ☆⋖❁⋗•★•⋖❁⋗☆

منازلهم شفتهه وصرخت الروح
بقيت انعه عليهم ابهظم وبنوح
يشوفة داركم كَثرَت الجروح
صفت منكم يهل كلبي خليه

               ☆⋖❁⋗•★•⋖❁⋗☆

   خادمة اهل البيت عليهم السلام
           أزهار جبار الجياشي


   نسألكم الدعاء
ولفاتحه لروح والدي

غير مبري الذمه من يحذف الاسم أو يغيره

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده كأني بلسان حال مولاتي زينب عليها السلام عندما رجعت لمدينة جدها رسول الله صل الله عليه وآله وسلم ولدار اخيها الحسين عليه السلام...تقرأ بطور المربوعه والفزاعي الجنوبي وبعدة اطوار

المستهل:

وصلت الدارهم والروح نحلانه
انهدم حيلي شفتهه لدار خلوانه
.
↡✿↡┅┅┅┅✥🖊️✥┅┅┅┅↡✿↡

خلوانه وتـــون يهـلي منازلكم
تذوب الروح من انظر اماكنكم
شفت بالدار باقي اثر من عدكم
جنه يگول وين الجانوا اهنانه
.
↡✿↡┅┅┅┅✥🖊️✥┅┅┅┅↡✿↡

احس الدار تنشدني اعله ساكنهه
اسمع بالصدى آه وحزن ونـهـه
اهل روحي شفت ظلمه منازلهه
يجمر فراگــهم بالگــلب جوانه
.
↡✿↡┅┅┅┅✥🖊️✥┅┅┅┅↡✿↡

المنازلهم دخلنه والدمع مسفوح
سلمنه عليهه بالــدمع والنــوح
خليه اديارهم تلجملي لجروح
دار حسين لگلبي كثرت احزانه
.
↡✿↡┅┅┅┅✥🖊️✥┅┅┅┅↡✿↡

يـــا دار الاهــل برماح ترميني
من شفتج خليه ومظلمه بعيني
يدار احبابي تهظمني وتبجيني
يا شوفة اثـــــرهم حـيل اذانه
.
↡✿↡┅┅┅┅✥🖊️✥┅┅┅┅↡✿↡

جملني زماني اهموم فوگ اهموم
ويايه الحزن عايش يظل للدوم
عيوني ما غفت لا طاوعت للنوم
من فراگ الأهل بالدمع سهرانه
.
↡✿↡┅┅┅┅✥🖊️✥┅┅┅┅↡✿↡

منظر دارهم زيــد ألـــم گــلبي
عيوني بالدمع لـركانهه تربـــي
لون اعتب عليمن يا هلي عتبي
عليكم لـو على دنيتي الخوانه
.
↡✿↡┅┅┅┅✥🖊️✥┅┅┅┅↡✿↡

    خادمة اهل البيت عليهم السلام 
          أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده لمولاتنا زينب عليها السلام ولرجوعها لمدينة جدها رسول الله صل الله عليه وآله وسلم ولدار اخيها الحسين عليه السلام...
على طور قصيدة( أدعي يا زينب أمانه ) لخادم المنبر الحسيني المله باسم الكربلائي

المستهل:

رجعت الدار بسلامه
بالحرم  ويه اليتامه

سلامه ومنجرح من عدهه الحساس
ابفگدهه حسين ويه الـــــگمر عباس

❥━──➸➽❂❥━──➸➽❥❂

رجعت زينب وهمهه ابگبـر الجبال
محنيه الظـــهر منهه الـــدمع همال
وصلت دار اهلهه اتهدمت الحــوال
شافتهه خـــليه وبيهه اثــــــر چتال

للاهل شمت عطرهم
حنت او ونت لاثرهم

يا جــــمر المصيبه للعظم جاس
ابفگدهه حسين ويه الگمر عباس

❥━──➸➽❂❥━──➸➽❥❂

هِـــدمَت حيلهه  شافت عليلتهم
بعــدهه باقيه أبأمــــــل رجعتهم
ابحرم واطفال شافتهه ضعينتهم
بس باقي العليل الرجع من عدهم

صاحت ابحزن العليله
ويـــن ابويــه يالعقيله

وين إلـــــي اطلعوا وياج حراس
ابفگدهه حسين ويه الگمر عباس

❥━──➸➽❂❥━──➸➽❥❂

من سمعتهه زينب انهدت وطاحت
جــرت  دمعاتهه  وبــهــظم نــاحت
يــــابت الاخـو شحجيلج وصاحت
كلهه بيوم عاشر إخــــوِتي راحــت

عالترب ظلت جثثهم
بالسبي راحت حرمهم

او مشت عمه الفواطم ويه الارجاس
ابفگــدهه حسين ويه الگـــمر عباس

❥━──➸➽❂❥━──➸➽❥❂

واعدني  الابـو  يـــــرجع  أليه
وبقيت امناطره صبح ومسيه
شلــون ايـروح  العــايف ابنيه
عليله  بــدار من عنـــده خليه

ابقه بحزاني او ونيني
حسره ظلت ما يجيني

مـن ودعني گلبي ابموتته حاس
ابفگدهه حسين ويه الگمر عباس

❥━──➸➽❂❥━──➸➽❥❂

ابدار حسين ناحن بالهظم كلهن
بالجــدران سال الدمع من ونهن
أجتي بالعزه الـــــحره تشاركهن
أم عـــــباس حامـيهن وكـــافلهن

بحرگه صاحت يبني يحسين
جــــــاوبن  عـباس  الحـنين

غيور ومرجله وصاحب النوماس
ابفگدهه حسين ويه الگمر عباس

❥━──➸➽❂❥━──➸➽❥❂

الحره وي العقيله اتلاگـن أبـــونه
يزينب الــگـمر أرد  انشــــدج عنه
خـــوفي قصر  اويــــــاكم المجنه
حليبي اعله إخوِتَه وعليه أحرمنه

أخواني يالماكو  مثلهم
والنعم  منــــج  ومنهم
فِده للخوه عين اجفوف ولراس
ابفگدهه حسين ويه الگمر عباس

❥━──➸➽❂❥━──➸➽❥❂

   خادمة اهل البيت عليهم السلام
           أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

https://youtu.be/McEi7cFajN8?si=_wUM9K3xa0_c4CdX


انضمامكم لقناتي 👆اليوتيوب يزيدني شرف ورفعه فبوجودكم ودعمكم نستمر ونقدم الافضل جزاكم الله خير الجزاء

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

قصيده لاستشهاد مولانا الحسن العسكري عليه السلام ... طور البحر الطويل

المستهل:

ابدمع  نرفع  تعازينه  للمنتظر  هذا  اليوم
نعظم اجره ونواسيه بأبوه العسكري المظلوم

▧▧▧▧❂❂❂▧▧▧▧❂❂❂▧▧▧▧❂❂❂

ابفگد العسكري هاليوم المهدي انكسر گلبه
من عنده العزيز يروح حزين وحالته صعبه
يهل  ادموع  عالمظلوم  البالسم گظه نحبه
حزين ويسجب العبره لفراگ الابو مالوم

▧▧▧▧❂❂❂▧▧▧▧❂❂❂▧▧▧▧❂❂❂

المصاب العسكري بالنوح نعزي فاطمه الزهره
نواسيهه على المسموم نون ونسچب العبره
مكسوره ابفگد الاولاد وكسر الدهر شيجبره
تنادي العسكري يمه امصابك چملاني اهموم

▧▧▧▧❂❂❂▧▧▧▧❂❂❂▧▧▧▧❂❂❂

نعزي المنتظر هاليوم يشيعه ابدمعه سچابه
أو نصرخ ويلي يا مولاي وننوح ونون لمصابه
وتلطم عالصدر والراس كلهه ابحرگه احبابه
وبصوت الهظم نادت وا ويلي على المسموم

▧▧▧▧❂❂❂▧▧▧▧❂❂❂▧▧▧▧❂❂❂

الشيعه اليوم متكدره الدنيا مظلمه اعليهه
حزينه وتچذب الونه الفگد الحسن واليهه
نواسي المنتظر  إبنه بدمعة حزن نچريهه
المصاب الوالد المهدي يهل دمعات من ادموم

▧▧▧▧❂❂❂▧▧▧▧❂❂❂▧▧▧▧❂❂❂

الله يساعدك مولاي ابقلبك جرح چم امصاب
اول جرح حرگ الدار وكسرة ضلع خلف الباب
وبعدهه الهدِمَت الاركان طبرة هامه بالمحراب
او مصاب المجتبى جدك بالسم غدرته الگوم

▧▧▧▧❂❂❂▧▧▧▧❂❂❂▧▧▧▧❂❂❂

چم أجر النعظملك يمهدي وچم عزه انعزيك
من كربله  وعملتهه  مصايب  بالگلب تاذيك
عايش عالم الاحزان امساهر بالدمع ندريك
تبچي دمـه اعله المذبوح ضامي من العذب محروم

▧▧▧▧❂❂❂▧▧▧▧❂❂❂▧▧▧▧❂❂❂

      خادمة اهل البيت عليهم السلام
             أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

قصيده لأستشهاد مولانا الحسن العسكري عليه السلام كأني بحظور مولاتي الزهراء عليها السلام ولسان حالها...
تقرأ بعدة اطوار

المستهل:

يمـه يالــعسكري أجيتك
ابحزني وبهمي اعتنيتك

تجري ادموعي دِمه
اعليك  يمه  أمألمه

     •✦•┈✿•✦•✿••✦•✿••✦

جيت يا يمه حظرتك من دِمه يهل الدمع
وني اعليك  الاونه  يلجم  اصواب الضلع
جيت مهظومه اتعثر امصابك الگلبي شلع

يالحسن يمه اصيح
گلبي لمصابك جريح
تجري ادموعي دِمه

     •✦•┈✿•✦•✿••✦•✿••✦

بيك فجعوني ورموني بسهم فگدك بالگلب
جيت أتچه اعله ضلعي يمه وبعيد الدرب
شوغتك تذبح بروحي عيني مدمعهه يصب

بشوفتك حيلي انهدم
يعصر  بگلبي  الألــــم
تجـــري ادموعي دِمه

     •✦•┈✿•✦•✿••✦•✿••✦

يمه من شفتك طريح اعليك يوليدي انحنيت
صحت يالعسكري انهض إلك يا يمه اجيت
ما ترد اجواب ميت بهظم وبحرگه بجيت

دموعي طاحت على جثتك
ابضلعي المصوب حظنتك
تجري ادموعي دِمه

     •✦•┈✿•✦•✿••✦•✿••✦

يالحسن يمه ابمصابك فززت بيه جروح
وين ما ولدي تموت بحزني اتعنه واروح
كل عزه وبأي مكان آنه بي انعه وانوح

بيه  متهدم  الـــحيل
جسمي مالوم ونحيل
تجري ادموعي دِمــه

     •✦•┈✿•✦•✿••✦•✿••✦

صبت اعليه مصايب ينهدم منهه كل حيل
لون عالايام صبت اصبحت الايام ليل
اصعب امصاب لجرالي الهشمت اعظامه الخيل

لعتله صدره الشمر
وبحقد حــــز النحر
تجري ادموعي دِمه

     •✦•┈✿•✦•✿••✦•✿••✦

منو  مثلي اولادهه  خلصوا  ابسم وذبح
واحد البيهم ابجسمه الف وتعسمية جرح
ومنو التوذر ابنهه وراسه مرفوع ابرمح 

صار بيهه الصار بيه
أبناتي مشوهن سبيه
تجري ادموعي دِمه

     •✦•┈✿•✦•✿••✦•✿••✦

       خادمة اهل البيت عليهم السلام
              أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد🥀
وااا إماااماه وااا مسموماااه

قصيده لأستشهاد مولانا الحسن العسكري عليه السلام... تقرأ بطور البحر الطويل وبعدة أطوار

المستهل:

خل تجري دمه العيون للعسكري هذا اليوم
ندك اعله الصدر ولراس ونصرخ ويلي عالمظلوم

✵ـ•┈┈<◆✹✺✹◆>•┈┈•ـ✵

خل نبجي دمه لمصاب العسكري والينه
ونرفعها البيارغ سود وللزهره تعازينه
مجالس للحزن ننصب نواسي بيهه مهدينه
ونعظمله الأجر بمصاب أبوه ألي گظه مسموم

✵ـ•┈┈<◆✹✺✹◆>•┈┈•ـ✵

المصابه حزنت الاملاك أو عليه الدنيا متكدره
مصاب انضاف لمصايب البضعه الطاهره الزهره
كسر العظم يتجبر كسر الروح شيجبره
تنوح وتبچي عالاولاد وگلبهه من الحزن مالوم

✵ـ•┈┈<◆✹✺✹◆>•┈┈•ـ✵

شنهو الذنب عدوانه لأبو محمد يسمونه
بمصابه المنتظر أبنه يا ويلي يفجعونه
انحنه ظهره انهدم حيله الأبو من غمض عيونه
ينوح ويسجب العبره ولفراگه الگلب مهموم

✵ـ•┈┈<◆✹✺✹◆>•┈┈•ـ✵

الله ايعين مهدينه جم امصاب يتحمل
الاهله بعالم الأحزان المصايبهم دمع يهمل
حرك باب وضلع مكسور وفواطم تركب الهِزَل
واصعبهه لمصايب هاي الذبيح من العذب محروم

✵ـ•┈┈<◆✹✺✹◆>•┈┈•ـ✵

الدنيا اصبحت مرجونه والأملاك حزنانه
والاكوان متكدره لمصاب الحسن مولانه
والشيعه ابهظم تصرخ مصابك سيدي أذانه
وبحسره وألم تنحب تجري دموعهه من ادموم

✵ـ•┈┈<◆✹✺✹◆>•┈┈•ـ✵

نعاهد بضعة الهادي ما ننسه مصيبتهه
تذكر تظل كل مصاب طول العمر شيعتهه
من الظلموهه نتبرأ  ونلعن زمره عادتهه
نرثي امصايب العتره ونخدمهم نظل للدوم

✵ـ•┈┈<◆✹✺✹◆>•┈┈•ـ✵

   خادمة اهل البيت عليهم السلام
           أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

عظم الله لنا ولكم الأجر بهذا المصاب الأليم

https://youtu.be/Qgr2dbcIye0?si=mF_m48GWB8Q4Z-uy

القصيده بالوصف