اللهم صل على محمد وآل محمد وعجل فرجهم وفرجنا بهم يا الله

انتظرونا سيصدر قريبا إن شاء الله
ديوان ( حداد السبع الشداد ) الجزء الأول لمولانا ومولى الثقلين أمير المؤمنين علي ابن أبي طالب عليه السلام لخادمة اهل البيت عليهم السلام وخادمتكم الأصغر شأن والاقل قدر ما بين الخدم وبكل فخر أزهار جبار الجياشي

ويتضمن مقدمة المجلس والمقتل وقصائد ونعي بجميع الاطوار لليلة الجرح وليلة الوداع والاستشهاد ويتضمن ايضا قصائد للعيد بفراق الأحباب وقصائد لفقد الأب

الديوان يخدم كلا الجنسين ما يختصر للملالي النساء فقط بل للرواديد والملالي
قريبا جدا سيكون بمتناول أيديكم وإن شاء الله سينال اعجابكم وسننشر لكم نماذج من بعض القصائد

وارجوا من الله التوفيق والقبول عند سيدنا ومولانا علي أبن أبي طالب عليه السلام

الاصدار من مطبعة حسن الطريحي النجف الاشرف هذا والله ولي التوفيق

وفقنا الله وإياكم بهذه الخدمه المباركه ببركات مولاتنا الزهراء عليها السلام

الخادمه أزهار جبار الجياشي

هذه 👆 نماذج لبعض القصائد في ديوان ( حداد السبع الشداد ) الجزء الأول
لخادمتكم أزهار جبار الجياشي

حبيبٌ حبهُ ملأ حياتي
من عالم الذر إلى مماتي
يااااا حسين

https://youtu.be/QBsPdVgbcjM?si=wWh0IdRT80JxiYas

متابعيني الأعزاء خَدَمة الحسين عليه السلام
السلام عليكم ورحمة الله وبركاته
فضلا وليس أمرا نرجوا دعمكم والاشتراك بقناتي اليوتيوب هذه 👆فبدعمكم نستمر ونقدم الافضل جزاكم الله خير الجزاء وجعلها في ميزان حسناتكم

https://youtu.be/u3Mt0cg0fcY?si=KfmOlUTJ7irw_dzQ
عظم الله لكم الأجر بذكرى اربعينية مولاتنا زينب عليها السلام
فضلا وليس أمرا نرجوا دعمكم لهذا 👆المقطع جزاكم الله خير الجزاء وجعلها في ميزان حسناتكم

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده لاربعينية كعبة الاحزان وجبل الصبر مولاتنا زينب عليها السلام...كأني بحظور عزيزة اخيها الحسين رقيه عليهما السلام لقبر عمتها وكأني بلسان حالها...تقرأ بعدة اطوار

الزينب راحت ارقيه
إتسـوي الاربعينيه
غريبه اويه الغريبه
توجع هالمصيبه
وبديره اجنبيه

​ ┅┈●⇝╭✨╮⇜●┈

راحت تهمل الدمعات رقيه اعزيزة المظلوم
وتسوي اربعينيت عمتهه بهذا اليوم
تگلهه اعليج يا عمه گلبي حيل مالوم

صوب الگبر راحت
يعمه بهظم صاحت
والدمعه جريه
وبديره اجنبيه

​ ┅┈●⇝╭✨╮⇜●┈

گعدت يم گبرهه اتنوح وتنعه ام المصايب
آنه وياج بالغربه وما عدنه حبايب
يخت الغالي لمصابج گلبي عمه ذايب

اربعين ايام مرن
حبايبنه محظرن
السبيه وي السبيه
وبديره اجنبيه

​ ┅┈●⇝╭✨╮⇜●┈

ابهظم اتحاجي عمتهه وتتلمس گبرهه
وتجوي بروحهه الحسره ما واحد حظرهه
معقوله اخو زينب ما يحظر گمرها

مرت هاي الايام
ومحد اجه للشام
وينعه الهاشميه
وبديره اجنبيه

​ ┅┈●⇝╭✨╮⇜●┈

بقت تعنه اعله عمتهه رقيه بهظم وونين
من گبري وتعنيت الگبرج يخت الحسين
اسوي اربعينج جيت آآ يم گلب الحنين

بالغربه أنه وياج
تنعيني أو انعاج
أنه وانتي سويه
وبديره اجنبيه

​ ┅┈●⇝╭✨╮⇜●┈

ريت اليوم تحظرنه يا عمه الزجـــــيه
ونتعاون أنه وياها نسوي   الاربعينيه
ننصب فاتحه بأسمج ونسوي عزيه

نتعاون على امصابج
ونشم يا عمه اترابج
ننعه هالرزيه
وبديره أجنبية

​ ┅┈●⇝╭✨╮⇜●┈

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

يا ابا الايتام يا مولاي تقبل مني هذا 👆القليل

بعينك يا علي انظرني
يتيمه ودهري حاربني
يبويه لا تفشلني
وبكل شده احظرني

بقلمي المتواضع خادمتكم
أزهـار جبار الجياشي

من قصائد ديوان( رثاء وارث الأنبياء ) الجزء الأول
•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده لمولاتنا زينب عليها السلام...فزاعي جنوبي برباط الهوسه


يا أم الصبر يا ام الاحـــزان
الله ايعينج ابطيحة الوليان

•┈•❈​❉✹✹❉❈ •┈•

الله ايعينج ويـــرحم بحـــالج
يساعــد گـلبــج اعله الجـرالج
راحت كـــــل هلج محد بگالج
بس نـوح وحزن والهم صفالج

( امگيديهه   ايدج بحبال )

•┈•❈​❉✹✹❉❈ •┈•

شترك يا حزن وليا حزن احجي
لوّن اسمج اذكره عيوني دم تبجي
حيلج عالصبر لا يوگـــع اتجي
المصايب جزعت ومنج بقت تشجي

( يرتلونه    يالصبرج آيه )

•┈•❈​❉✹✹❉❈ •┈•

الله يساعدج من شفتي وليانج
كلهه اموذره عالــــرمل خوانج
حرمه انتي او وحيده بين عدوانج
وبحزانج يزينب محد العانج

(بالحومه    رحتي وعفتيهم)

•┈•❈​❉✹✹❉❈ •┈•

عفتيهم جثث متوذره عالتربان
اوي العيله مشيتي بولية العدوان
گلبج بالهظم متروس والأحزان
وعتب بي وسوالف وي گمر عدنان

(يهظموها  اختك ترضاها)

•┈•❈​❉✹✹❉❈ •┈•

يقرآن الستر الگــيدوو  بحبال
يالصبرج ثجيل وما تحمله اجبال
يالشفتي الاخو متگطع الاوصال
وبعد عباس يحدي ضعنج الجتال

( امخلينه    وگبالج راسه )

•┈•❈​❉✹✹❉❈ •┈•

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

من قصائد ديوان( رثاء وارث الأنبياء ) الجزء الأول
•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
آآآه يا زينب

قصيده لمولاتنا زينب عليها كأني بلسان حالها
تجليبه وبعدة اطوار


ليليه جرح جــم ليله وليله
يجرحني الدهر وآنه اعديله

•┈•❈​❉✹✹❉❈ •┈•

جرح فوگ الجرح من صغري الكبري
مصايب دهري كلهه لايذه بكتري
وعلى اجروح الليالي امحزمه بصبري
وما ظل من احبابي واحد اشكيله

•┈•❈​❉✹✹❉❈ •┈•

وياي الليالي بالحزن جارت
وبصبري المصايب عجزت وحارت
وعيني جم عزيز ايموت شافت
رِبَه بگلبي الحزن وبهمي الوليله

•┈•❈​❉✹✹❉❈ •┈•

الجروح اترادفن وبروحي مسكنهن
وليالي الفگد وحشه ابدمعي اخلصهن
ولون تغفه الجروح ال آ تفززهن
وتلجمهن عيوني بدمع التسيله

•┈•❈​❉✹✹❉❈ •┈•

ليليه جرح كل عمري خلصته
الصبر خله الگلب ما يجهر بونته
الليالي جم عزيز المني ماخذته
وأنه غير الصبر ما عندي اوسيله

•┈•❈​❉✹✹❉❈ •┈•

مُرات الليالي المرن بعمري
جمر الفراگ بيهن بالحشا يسري
خذت مني اخوتي وهيبتي وذخري
جبل هم وحزن امتوني التشيله

•┈•❈​❉✹✹❉❈ •┈•


خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

السلام عليكم ورحمة الله وبركاته
عظم الله لكم الأجر بذكرى اربعينية جبل الصبر وكعبة الاحزان فخر المخدرات مولاتنا زينب عليها السلام رزقنا الله وإياكم في الدنيا زيارتها وفي الآخره شفاعتها

•‏​‏​​‏•❥ًً❀(•«﷽»•)❀❥ •‏​‏•‏​‏​​‏
اللهم صل على محمد وآل محمد 🥀

بسم الله الرحمن الرحيم
( تَبَت يَدَآ أَبِي لَهَبٍ وَتَبَّ @ مَآ أَغنَى عَنهُ مَالُهُ وَمَا كَسبَ@ سَيَصلَى نَاراً ذَاتَ لَهَبً@ وَآمرَأَتُهُ ُ حَمَّالَةَ الحَطَبِ@ فيِ جِيدِهَا حَبلٌ مِن مَّسَدِ@ )
صَدَقَ اللهُ العَلِيُّ العَظيمُ

قصيده بعنوان( الحطب والنار ) تقرأ بعدة اطوار

المستهل:

أشرار  أتخــلف  أشرار
نفس الحطب نفس النار

    🔥 ★═━━▒ ━═★🔥

هذا موروث العدهم
نار وحطب منهجهم
من أم  لهب جدتهم
اعليهم تظل بصمة عار

    🔥 ★═━━▒ ━═★🔥

اول مره  شعلوهــا
ابدرب النبي خلوها
مرت الكافر تبعوها
تحمل حطب للكفار

    🔥 ★═━━▒ ━═★🔥

نفس الحطب الخــــلووو
أباب ام حسن او شعلووو
بيت الزهراء أيحرگـــووو
يوم الهجــموا اعله الدار

    🔥 ★═━━▒ ━═★🔥

ينعاد نفس العنــوان
المختلف بس الازمان
العدوان هو العـــدوان
كــره وحقد للاطهار

    🔥 ★═━━▒ ━═★🔥

ابكربله الصار وجــره
من نار حقد الكفــــره
اخيام لحسين اموجره
أيطلبون لمشايخهم ثار

    🔥 ★═━━▒ ━═★🔥

النار من أجــــــدادهم
صارت ورث لحفادهم
ما تنتهي أحقادهــــم
وثار البــدر كل الصار

    🔥 ★═━━▒ ━═★🔥

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

قصيده لمولانا أبا عبد الله الحسين عليه السلام  فصيح + شعبي...
تقرأ بعدة اطوار

المستهل:

مصيرُنا        بقاؤونا
حسين   حسين   حسين

تاريخنا        وجودنا
حسين   حسين   حسين

────⊱◈ ◈ ◈⊰────

إنتَ يا تاريخ سجل للبشر معنى الحياة
بالدماء الزاكيات أرسمت درب التضحياة
إنتَ يالراسك قضيه هدم عروش الطغاة
وبين عرش الله وبينك درب منك للنجاة

إمامنا        منقذنا
حسين   حسين   حسين
تاريخنا        وجودنا
حسين   حسين   حسين

────⊱◈ ◈ ◈⊰────

يا ركيزه ويا أساس لكل نهج ولكل ديانه
أنتصر دمك عالسيوف احسين يا مولانه
احرار  وبعزه  نعيش نحرك  الخلانه
شأن كل شيعي بخدمتك للنجم علانه

يا فخرُنا       وعِزَنا
حسين   حسين   حسين
تاريخنا        وجودنا
حسين   حسين   حسين

────⊱◈ ◈ ◈⊰────

إنتَ ماضي إنتَ حاظر إنتَ مستقبل فلاح
بكل زمان وكل مكان منهجك هو الصلاح
إنت يا مبدئ سماوي بيك معگود النجاح
حسين يا نور الهدايه عالخلك هالنور لاح

مبدئنا        منهجنا
حسين   حسين   حسين
تاريخنا        وجودنا
حسين   حسين   حسين

────⊱◈ ◈ ◈⊰────

يا شمس فوگ الرمح النورت ظلمة الكون
إنتَ يا حق وعدل حسين للمظلوم عون
ابغير دمك سيدي احرار احنه ما نكون
يا عشك فاق الخيال حسين يا نور العيون

أيماننا        قبلتنا
حسين   حسين   حسين
تاريخنا        وجودنا
حسين   حسين   حسين

────⊱◈ ◈ ◈⊰────

إنتَ باب المِنَه يؤتى من الله غفران الذنوب
درب إنتَ للهدايه ومن خطايانه نتوب
حبك اليسري بدمانه حسين يا نبض الگلوب
قبلة العاشك حسين لكل محب إنتَ محبوب

حبيبنا        جنوننا
حسين   حسين   حسين
تاريخنا        وجودنا
حسين   حسين   حسين
────⊱◈ ◈ ◈⊰────

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀

قصيده لفقد الأحباب بعنوان( يسنيني ) تقرأ بعدة أطوار

المستهل:

يسنيني من بعد المشوا //// لطَولي يسنيني
تخلصين يا ريت بعجل //// ويخلص وياج اونيني

───✰◐►((🔰))◄◐✰───

شلي بعمر ما بي أهل وما عندي بالدار احباب
بس حزن ويــــــاي ودمع وكل الغوالي غياب
لا هُو سفر وبيهم أمـل يدگـون فد يوم الباب
سافروا احباب الگــلب يا وسفه حدر التراب

وظليت وحدي بالنزل //// اتصد الدربهم عيني
يسنيني من بعد المشوا //// لطَــــــولي يسنيني

───✰◐►((🔰))◄◐✰───

يوميه وي فكري أظل اطري ابدمع ذكراهم
بخيالي المملي هظم  ارسم صور ملگــــاهم
وجروح البروحي تفز ابهم وألــــــــم تنعاهم
وگلبي ألي ذاب من الهجر يصرخ اريد وياهم

وستفحل اعليه المرض //// وشوفة هلي تشفيني
يسنيني من بعد المشوا //// لطَولي يسنيني

───✰◐►((🔰))◄◐✰───

انطبع فوگ الخد أثــــــر جمر التهل دمعاتي
وتقره بلحن طـــور الحــــزن ويه النفس آهاتي
ابرگبتي حبل المنشنق بكل لحظه يا حسراتي
غرگـــان وبآخر نفس تخنگـــني يا عبراتــــــي

ولوعات دهري الما رحم //// تاخذني وتوديني
يسنيني من بعد المشوا //// لطَــــولي يسنيني

───✰◐►((🔰))◄◐✰───

حزني مهد مملي ألم أنعه واهــز يومـــيه
اقره تراتيل الفگــد ادموعي جـمر مجريه
يا وحشة فراگ الاهل نيـران تنهش بيـــه
وكلمات ردولي بعجل يرجع صداها اعليه

ومنهم بقت بس الصور //// شوفتهن تسليني
يسنيني من بعد المشوا //// لطَــــــولي يسنيني

───✰◐►((🔰))◄◐✰───

يالرحتو عني بالعجل وما فكريتو ابحالي
وبيه ولا حسبتوا ابــــــــد اشتعمل الليالي
يا ليل فرگاكم صعب ايهدملي كل احوالي
سوله صبح بيه الدمع صبح ومسيه هالي

بلياكم ايامي التمر //// ابكل لحظه اتبجيني
يسنيني من بعد المشوا //// لطَولي يسنيني

───✰◐►((🔰))◄◐✰───

يسنيني ما ظن المشوا ايردون ألي ما ظنهم
عاشروا اتراب الگبــر احبابي اللحد حاظنهم
يا ريت تگظين بعجل وارحل واعيشن يمهم
وللدوم وياهم اظل ما انحـــــــرم من عدهم

تنتهي رحلة الفگــــد //// ويم الاهل خليني
يسنيني من بعد المشوا //// لطَولي يسنيني

───✰◐►((🔰))◄◐✰───

    خادمة اهل البيت عليهم السلام
            أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

متابعيني الأعزاء تجدون في هذه 👆العناوين دواوين خادمتكم الشاعره أزهار جبار الجياشي
ديوان ( رثاء وراث الأنبياء )الجزء الأول
و
ديوان ( حداد السبع الشداد ) الجزء الأول
ما عليكم سوى الاتصال وحجز نسختكم ويتوفر خدمة توصيل لجميع المحافظات
هذا وادعوا الله لي ولكم بالتوفيق
وفقنا الله وإياكم بهذه الخدمه المباركه ببركات مولاتنا الزهراء عليها السلام

نماذج لبعض القصائد في ديوان( رثاء وارث الأنبياء ) الجزء الأول
للعشره الأولى من محرم
ينفع لكلا الجنسين رواديد وملالي لا يختصر على الملالي النساء فقط ففي طياته كثير من القصائد الرجاليه اضافه الى النعي المتنوع