https://youtu.be/ldFZOXvSDbA?si=niQFRF56dsI-AB-z

متابعيني الأعزاء مبارك عليكم حلول شهر رمضان المبارك وكل عام وانتم بخير تقبل الله فيه صيامكم وقيامكم وجعلكم من عتقائه من النار واعاده عليكم بالخير والصحه والسلامه والأمن والأمان
فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل وفقكم الله لكل خير

جديد ٢٠٢٤

حداد السبع الشداد ج ١

الشاعرة ازهار جبار الجياشي

خاص للامام علي علية السلام


متوفر في مكتبة الغدير بغداد
لدينا توصيل لكافة المحافظات
للحجز واتساب فقط ٠٧٧١١٣٩٥٥٨٠
https://www.tg-me.com/eheh10

ديوان ( حداد السبع الشداد ) الجزء الأول و ديوان ( رثاء وراث الأنبياء ) الجزء الأول لخادمتكم أزهار جبار الجياشي
متوفر الآن في مكتبة الحسن المجتبى عليه السلام سارعوا بالحجز قبل النفاذ

#اعلان…..

جميع اصدارات مكتبة حسن الطريحي
ودواوين الشاعره أزهار جبار الجياشي
( حداد السبع الشداد ) الجزء الاول
( رثاء وراث الأنبياء ) الجزء الاول

موجوده حاليا ومتوفره في مكاتب المحافظات

واليكم العناوين👇🏻

👈🏻محافضة ذي قار الناصريه
ابو محمد الحبوبي قرب مرطبات تفاحه 07705504973
يوجد لديهم خدمة توصيل

•───✧◐◐✧───•

👈🏻ابو سجاد الحبوبي مقابل فرع سيد راضي
07807842023
مع خدمة توصيل

•───✧◐◐✧───•

👈🏻مكتبة نور الزهراء الحبوبي

07808201784

•───✧◐◐✧───•

👈🏻سوق الشيوخ مكتبة مله هاني

07801766808

•───✧◐◐✧───•

👈🏻الشطره سيد حيدر عمارة احمد طه قرب مسجد الحوراء زينب ع
07807884782

•───✧◐◐✧───•

👈🏻محافضة البصره
مكتبة دار الزهراء بصره العشار استاذ احمد
07735651077
توجد خدمة توصيل

•───✧◐◐✧───•

👈🏻مكتبة الحكمه ابو عقيل

07709076591


•───✧◐◐✧───•

👈🏻مكتبة الدعاء العشار
استاذ حيدر
07709003077



👈🏻الگرنه مكتبة الغدير الشيخ ابو احمد جبار لفته جامع الامام الرضا
07712668559

•───✧◐◐✧───•

👈🏻الزبير مكتبة ابو تيسير
07711719920

•───✧◐◐✧───•
👈🏻محافضة بغداد
الكاظميه المقدسه الحاج جاسم الخفاجي
07901813276
•───✧◐◐✧───•

https://youtu.be/P6aIThokQkQ?si=8EkoIwbbmwW-mqfr

نبارك لكم مولد مولانا كريم اهل البيت عليهم السلام الإمام الحسن المجتبى عليه السلام

فضلا وليس أمرا نرجوا دعمكم لهذا 👆المقطع جزاكم الله خير الجزاء وجعلها في ميزان حسناتكم

https://youtu.be/XRxxWaq5DuI?si=msAYciiXd8i7vnQa

متابعيني الأعزاء متباركين بالميلاد الميمون لمولانا سبط المصطفى وريحانته كريم أهل البيت الإمام الحسن المجتبى عليه السلام وكل عام وانتم بالف خير
فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل جزاكم الله خير الجزاء وجعلها في ميزان حسناتكم

ايام قليله تفصلنا عن ليالي الاحزان وعن اكبر فاجعه واعظم مصاب من اثره يصرخ جبرائيل هاتفاً في السماء تهدمت والله اركان الهدى
ايام قليله وستطبر هامة مولانا ومولى الثقلين أمير المؤمنين علي ابن أبي طالب عليه السلام في المحراب وهو ساجد في صلاته فلك العزاء وانت المعزا يا مولانا يا صاحب الزمان عجل الله فرجك وسهل مخرجك لتأخذ بالثأر
عظم لكم الأجر يا موالين

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
الليالي الحيدريه

قصيده لقرب ليالي الحزن والمصاب لفاجعة المحراب طبرة علي داحي الباب...تقرأ بطور الرجالي الثكيل وبعدة اطوار

الحزن گــــــــربت لياليه
الأجل للوصــــي امتانيه
بغدر ينطبر داحي الباب
ابسيف اينطره بالمحراب
الحزن گــــــــــربت لياليه

✹✭┈✺✺---- ​​‌༄✹✭​​​​◌‌*

ابعشره الثانيه بآخرهه من  رمضان
يصير امصاب راح ايهز الاكــــوان
الملك جبريل مِنه يصيح حـــزنان

انطبر راعي اليتامه
الكون اختل نضامه
الحزن گربت لياليه

✹✭┈✺✺---- ​​‌༄✹✭​​​​◌‌*

بقت ايام تحـــدث افجع امصيبه
تمر ايام اعله زينب كلش اصعيبه
والشيعه تعيش بحــــــزن وبريبه

ابحرگه اتهل بواجيها
الطبرة راس واليــــها
الحزن گربت ايامـــه

✹✭┈✺✺---- ​​‌༄✹✭​​​​◌‌*

ايام الحزن والنوح هل كــــــــربت
وكل الشيعه لمصاب الولي اتحضرت
ومن هسه تلوب ارواحهه اتكدرت

تون وتنوح  لمصابــه
وتجري دموع سجابه
الحزن كربت لياليه

✹✭┈✺✺---- ​​‌༄✹✭​​​​◌‌*

جم يوم البقه ويصيح جبرائيل
اركــــــان الهدى اتهدمت يا ويل
ابمحرابه انطبر يا حامي الدخيل

الحزن بسمانه  ايلوح
العرش لمصابه اينوح
الحزن گــــربت لياليه

✹✭┈✺✺---- ​​‌༄✹✭​​​​◌‌*

بليالي القدر باول ليله امصابه
بالتاسع عشر تنفجع احبـــــابه
ينصاب الولي ساجد ابمحرابه

ارض وسمه تتكــــدر
لمصاب الوصي حيدر
الحزن گـــــربت لياليه

✹✭┈✺✺---- ​​‌༄✹✭​​​​◌‌*

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
الليالي الحيدريه

نعي مجاريد للإمام علي عليه السلام كأني بلسان حال مولاتي زينب عليها السلام

حاربني الدهر وأقسه عليه
وسهام الفگد سددهه بيه
وأخذ مني الأجل حامي الحميه

•┈•❈​❉✹✹❉❈ •┈•

شال الأبو او غرب ابعيد
وفجعنه بي قبل هلة العيد
طول العمر نوحي اعليه ميهيد

•┈•❈​❉✹✹❉❈ •┈•

يا فگد الابو جمره بدليلي
بروحي تستعر هدمتلي حيلي
وبعده امساهره وما نمت ليلي

•┈•❈​❉✹✹❉❈ •┈•

اشلون انام الليل واهجع
وبفراگ الأبو گلبي ايتوجع
وعيوني تهل من دمه المدمع

•┈•❈​❉✹✹❉❈ •┈•

يالرحت مني يا اماني
يالبيك دهري حارباني
وفگدك حِنَه ظهري وعماني

•┈•❈​❉✹✹❉❈ •┈•

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
الليالي الحيدريه

قصيده لليلة جرح الإمام علي عليه السلام بعنوان( صرخة جبريل )...تقرأ نزله وبعدة اطوار

بالسمه جبريل صاح
انطبر حيَ عالفلاح

༄💔 ★═━━▒ ━═★💔༄

أنطبر دين الهدايه وسال دمه للعدل
انغدر راعي اليتامه وللمساكين الامل
هامته انجسمت ولينه حيدرا خير العمل
وبحزن العرش ناح
بالسمه جبريل صاح

༄💔 ★═━━▒ ━═★💔༄

اليتامه يفجعوها اليوم بمصاب الولي
بقهر تصرخ وبهظيمه تصيح يا بويه علي
وبحزن تندب وليها والدمع دم ايهلي
عالوجه ابحرگه ساح
بالسمه جبريل صاح

༄💔 ★═━━▒ ━═★💔༄

ابصرخته الجبريل ناحت كل ملائكة السمه
ابطبرة الكرار فاضت ابهامة الدين الدمه
ابمصابه امكدره الدنيا صارت مظلمه
والحزن بالكون لاح
بالسمه جبريل صاح

༄💔 ★═━━▒ ━═★💔༄

الوصي الليله ابصلاته وسفه ايغدرونه
بسيف مسموم الولي ابهامته يطبرونه
ايفيض دم بعمامته ينزل اعله اعيونه
فاض من نزف الجراح
بالسمه جبريل صاح

༄💔 ★═━━▒ ━═★💔༄

فجعت گلوب اليتامه علي حيدر طبرته
الليله مهمومه وحزينه بهظم تبجي شيعته
وبألم كلهه تنوح يا ابونه ندبتـــــه
صوت ابقهر صداح
بالسمه جبريل صاح

༄💔 ★═━━▒ ━═★💔༄

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
الليالي الحيدريه

قصيده للإمام علي عليه السلام...تقرأ فزاعي جنوبي برباط الهوسه

صار صياح بالمسجد بهالليله
يگولون انطبر يا حامي ادخيله

•‏​‏​​‏•❥ًً❀(•💔•)❀❥ •‏​‏•‏​‏​​‏

صار اصياح مِنَه الكوفه اهتزت
يگولون ابغدر هامة علي انطبرت
وبمصاب الوصي الدنيه ارتجت
واملاك السمه هالناحت او ونت

( لمصابه    والكون اتكدر )

•‏​‏​​‏•❥ًً❀(•💔•)❀❥ •‏​‏•‏​‏​​‏

ابعشره الثانيه من شهر رمضان
بيهه اعظم مصاب ايهز الاكوان
براسه ينطبر داحي البيبان
وتبدي يا ليالي الهم والاحزان

( بواليها   مفجوعه الشيعه )

•‏​‏​​‏•❥ًً❀(•💔•)❀❥ •‏​‏•‏​‏​​‏

ليالي احزان اعله الرافضيه
بيها امصاب حماي الحميه
اتحوم اعله الوصي بيهه المنيه
أمكدره شيعته صبح ومسيه

( ويجروها   من دم الدمعه )

•‏​‏​​‏•❥ًً❀(•💔•)❀❥ •‏​‏•‏​‏​​‏

هالليله علي هامته يضربوها
وبسيف الغدر ساجد يطبروها
وعمامته من الضربه يجسموها
وايتامه العلي الليله يفجعوها

( يا يابه   مهظومه وتصرخ )

•‏​‏​​‏•❥ًً❀(•💔•)❀❥ •‏​‏•‏​‏​​‏

تبجي وتنتحب هالظلت ايتامه
او والينه علي ايلوج بآلامه
او وجهه للولي متغيره الوانه
وقبل العيد غمضت عينه مولانه

( وناح اعليه   عرش الباري )

•‏​‏​​‏•❥ًً❀(•💔•)❀❥ •‏​‏•‏​‏​​‏

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
الليالي الحيدريه

قصيده لليلة جرح الإمام علي عليه السلام كأني بلسان حال مولاتي زينب عليها السلام عندما تأخر والدها بالرجوع الى الدار من المسجد وهي تنتظره خائفةً وجلَه...تقرأ بطور المربوعه وبعدة اطوار

گلبي ارتاب بويه من رحت عني
حسيت الحزن والهم امحاوطني

بقيت ابلهفه اتانيك
وخوف بروحي اعليك
وتفكيري يبويه بيك تعبني

○•┈---★•..✵.•---★┈•ـ○

للمسجد يبويه من رحت ومشيت
احساس افراگ آنه من اطلعت حسيت
نزلت دمعتي وبالهم أنه ظليت
وحسبات البقت تاخذني وتردني

○•┈---★•..✵.•---★┈•ـ○

حسبه البقت تاخذني او توديني
الدربك شابحه بويه بقت عيني
وخوفي يالابو اتروح وتخليني
وأكظي للعمر ابنوحي أو وني

○•┈---★•..✵.•---★┈•ـ○

بويه من رحت من يمي يا حيدر
احس گلبي عليك بهظم يتحسر
هاي الليله جنهه الخاطري تكسر
وجن بيك الدهر يالغالي يفجعني

○•┈---★•..✵.•---★┈•ـ○

من ابطيت بويه لابت الــــــروح
وجن اسمع صداها يالولي اتنوح
يبو زينب خفت من زينب تروح
وخلافك يبويه الوكت يهظمنـي

○•┈---★•..✵.•---★┈•ـ○

اجـوني شايلينك الحسن وحسين
وشفت راسك يحـيدر منجـسم نصين
بهظم نــزلت يبويه دموعهه للعين
وجنك يالولي رايح تفارگنـــــــــي

○•┈---★•..✵.•---★┈•ـ○

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

آآآه يا زينب 😭

https://youtu.be/LTWnbV0vCtA?si=JjXhmMx7sWwMJiha


وااا إماماه وااا علياه

فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل وفقكم الله لكل خير

ارتفعت راية اعلان الحزن لمصاب سيدنا ومولانا علي أبن أبي طالب عليه السلام بأشهد أن عليً ولي الله
وااا إماماه وااا علياه 😭😭😭

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
الليالي الحيدريه

قصيده لفقد الأب كأني بلسان حال مولاتي زينب عليها السلام... تقرأ تجليبه وبعدة اطوار

يل افراگـك يهدمني ويأذيني
بويه اوياك اخذني ولا تخليني

ৡ✵ ৡ✵ •┈┈┈• ✵ ৡ✵ৡ

اخذني وياك بويه يالرحت عني
وفراگك يهد حيلي ويعذبني
يعل روحي يبويه نوحي أو وني
تظل ليل ونهار اتهل دمع عيني

ৡ✵ ৡ✵ •┈┈┈• ✵ ৡ✵ৡ

يغالي يالرحت عني اخذني اوياك
وتدريني أبد ما احمله الفرگاك
اظل امعلعله يا والدي بجفاك
وتِذَوب الروح يا حسرتي وونيني

ৡ✵ ৡ✵ •┈┈┈• ✵ ৡ✵ৡ

يالشالوك بويه بنعش گدامي
اگظيها بهظم من بعدك ايامي
ويظل يعصر بگلبي همي وآلامي
ويا جمر الفگد بالروح يجويني

ৡ✵ ৡ✵ •┈┈┈• ✵ ৡ✵ৡ

يالفراگك أمجيد وبويه ما احمله
يالفگدك الگلبي يالأبو سله
اظل ابجي ونوحن العمر كله
يا والدي اتمنه الموت يلفيني

ৡ✵ ৡ✵ •┈┈┈• ✵ ৡ✵ৡ

يالروحتك عني هدمت حيلي
اگظي بالدمع امساهره ليلي
وخلافك نحيله ألهم يتجيلي
الهظم حسباته تاخذني وتوديني

ৡ✵ ৡ✵ •┈┈┈• ✵ ৡ✵ৡ

يريت الموت ياخذني واجي يمك
صعب وحيل مكلف يالابو همك
ويضمني اللحد يا بويه اليضمك
ما اريده بغيابك عمري وسنيني

ৡ✵ ৡ✵ •┈┈┈• ✵ ৡ✵ৡ

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
الليالي الحيدريه

قصيده لفقد الأب كأني بلسان حال مولاتي زينب عليها السلام... تقرأ بطور الفزاعي وبعدة اطوار

اليروح من عدهه الأبو كون الموت يلفيها

✹✭┈✺✺---- ​​‌༄✹✭​​​​◌‌*

تگظي العمر متمرمره
وبعده تظل امحيره
وكسر الگلب اشيجبره
ومتعلعله ايخليها

✹✭┈✺✺---- ​​‌༄✹✭​​​​◌‌*

اتعيش بالدنيا صعب
تبقه تون وتنتحب
ودموعها بحرگه تصب
ومظلم الكون اعليها

✹✭┈✺✺---- ​​‌༄✹✭​​​​◌‌*

تبجي تظل ابابه
دمعة هظم سجابه
تصرخ تظل يا يابه
روحي الهظم ماليها

✹✭┈✺✺---- ​​‌༄✹✭​​​​◌‌*

افراگ الابو ما تحمله
تبقه اخلافه امعلعله
من فگد ابوها ناحله
وبس الحزن غاطيها

✹✭┈✺✺---- ​​‌༄✹✭​​​​◌‌*

بگلبهه يعصر الالم
اي كلمه منهه تنهظم
والعمر اتعيشه بسكم
اي موقف يبجيها

✹✭┈✺✺---- ​​‌༄✹✭​​​​◌‌*

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
الليالي الحيدريه

قصيده للإمام علي عليه السلام كأني بلسان حال مولاتي زينب عليها السلام...تقرأ بطور فزاعي جنوبي برباط الهوسه


لا لتروح يا حـيلـي وتجوتي
وغيرك يالابو شعندي بدنيتي

✵ـ•┈┈<◆✹✺✹◆>•┈┈•ـ✵

لا لتروح يا حيلي ويا عافيتي
يا نسمة هوى بويه ونفس ريتي
بعدك للحـــــــزن والنوح تاليتي
يا شمعة حياتي ويا ضوه بيتي

( تخليني   بعدك مهظومه )

✵ـ•┈┈<◆✹✺✹◆>•┈┈•ـ✵

اخلافك بالهظم اگظي العمر كله
وفراگك ابگلبي خله الف عله
وجمر دمعي يبويه عيني التهله
ظليت ابونيني ونوحي اتسله

( هد حيلي   يا يوم فراگك )

✵ـ•┈┈<◆✹✺✹◆>•┈┈•ـ✵

من يوم الرحت وآنه بسگم حالي
وبمصابك يبويه ذاب دلالي
وكاسر خاطري فرگاك يالوالي
يهد حيله اليفارگله شخص غالي

( يگظي ايامه  اينوح اعليه )

✵ـ•┈┈<◆✹✺✹◆>•┈┈•ـ✵

بويه يالرحت مالك بعد جيه
لو راح الابو ايهد حيل البنيه
تظل بعده بحزن تشبع مهظميه
وتگله ابعازتك يلي اگطعت بيه

( تون اعليه   وتبجي بحرگه )

✵ـ•┈┈<◆✹✺✹◆>•┈┈•ـ✵

لو مات الأبو بته تظل بالهم
تگظي ايامهه مهمومه تتألم
وتهل عيونهه دمعاتهه من دم
الكون اخلاف ابوها بعينها اظلم

( ما اريده   عمري اخلافك )

✵ـ•┈┈<◆✹✺✹◆>•┈┈•ـ✵

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

غير مبري الذمه من يحذف الاسم أو يغيره وينسب الكلام له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


https://www.tg-me.com/azhar979

https://youtu.be/vjpcM-RZUo8?si=8N4FvM0WCXIn-1yR

آآآه يا زينب
ساعد الله قلب مولاتنا زينب عليها السلام بمصاب والدها الإمام علي ابن ابي طالب عليه السلام
عظم الله لكم الأجر يا موالين
فضلا وليس أمرا نرجوا دعمكم لهذا 👇المقطع جزاكم الله خير الجزاء وجعلها في ميزان حسناتكم