نعي مفجع
مولاتي زينب والعلّويات

بـاچــر يـعـمــه شــدن احـزام
سفره بـعـيـده سـفـرت الـشـام
بـعـده الهضـم والضيـم جـدام
نـشـبـع مناحـه ابـطـول الأيـام


تــدرن يــعــمــه راح عـمـچــن
يــم النـهــر ضـل الـكـفـلـچــن
هـاي الـهـزل هالجـابـوا الـچـن
كـلـچـن تروحن سبي كـلـچـن


ســوگ الــغــرب لـمــن نــطـبـه
وتـفـزع عـلـيـنــه نـاس غـربــه
اتسمعن حچي وشتـام صـعـبـه
وسيـل الـدمـع غـصـبن نـصـبـه

                                         *---------------*---------------*

✍خادم السيده زينب (ع)
الشاعر رعد الجريخي

«اه يزينب اه يزينب»

الشوفه بسهم عاميـنـه
يطلع حچـي مـن عينـه
هـذا الحچـي مجتفينـه... يزينب

تــدرف دمــع مشـتـاگـه
طاح الدمـع على النـاگه
النـاگــه بـركـت طواگــه... يزينب

تسبـي الجرح... صعبة عليهـا
وفـوگ الرمح... تعـايـن وليهـا
وچـه الصبـح... يفهم حجيهـا
تـمنـت يصـح... سالم مشيهـا

زينـب تعايـن على الگمـر خربو حلاتـه
وحسيـن اخوهـا المنذبـح طگـو بناتـه
الام وگلـبهـا يــرف اذا تـأخــر ضنـاهـا
وعون بأثر ذاك الجمــع شافـت مماتـه
༺༺༻༻

گـــاع اليحـن فطــاره
وزيـنـب لـخـو نطــاره
بـهـذا الـعـمـر محتـاره... يزينب

فـرت عبايـه بـهيـمـه
اه يالجره ويا ضيمـه
مامش عرف بالشيمه... يزينب

مـوت وعـدو... وضلـت وحيـده
رادت اخــــو... وتلـزملـه ايـــده 
كلهـم مشــاو... مشـيـه بـعـيــده
وضيم السبو... جــار بـحـمـيـده 

هذا الزمـن فر بضعن وبالعايـله شسـوه
فرهد خيامي والضنه وهم فرهد الخوه
الما بيها حيل بهل عمر تشگف بلسم الله
فوگ التعب ذاك السده تدخل قصر گـوه
༺༺༻༻

عمري التشضه يعاني
حگ خوه طال يتاني
جيت اخو من خواني... يزينب

الفارگ وچه محبوبـه
يموته القهر والنـوبـه
ترجع تعيشـه دروبـه... يزينب

الفارگ محب.. تموته اليالـي
زينـب حـرب.. هذا انا حالي
امشي بدرب.. ومحد بقالـي
دمعي يصب..من اذكر دلالي

يا روحي وكتـچ ما يرد لا لا تحسبين
ذاك الـدلال يـرد الـچ ويـرد الحـسيـن
بتال العمر هذا الجره بضعن الهواشم
بسوط ينگـاد الگبـل ما لمحتـه العيـن
༺༺༻༻

قصة سفر منوهــــــا
تشيع نحـر وياهــــــا 
هذا السبب وداهـــــا... يزينب

المـوت بحبـال تشوفـه
وشافت هدم محيوفـه
وطاخت وهي مجتوفه... يزينب

زينب خـدر... شيخ الهواشم
طبت قصـر... ما بــي اوادم
خان الدهـر... وردتــه نــادم
وحته النهـر... صارلها خادم
 
شل فايده بروي الضمه وعباس عطشان
ذب روحه ما كض جربته والماي خؤان
ما ضل ستر يا هل عرب وحسين ذبحو
وبعد الامان البي اجينـه تـردنه عـدوان

༺༺༻
ومن انوو يرچبــونچ
درتي الخو لـو عونـچ
الخلـه يتغيـــر لـونـچ... يزينب

الـ طبت القصر مجبوره
وكــل اخوتـج منحــوره
ردتــي الــيعينـــچ دوره... يزينب

تـالي والكت ... بنـص الشـماته
ويــنه الولي ... طـگـو خـواتـه
عين الـنذل ... تـنــظر بنـــاتـه
بـ شام وقصر ...راحـن ســبايه

زينب تباوع علـ عـده شـلون الوكت مال
ومحـتاره تنـضر للنحر لـو تحمي العيـال
ضيم الـگلب مــاينحمـل يـانـاس چــتال
وراس الاخـو بيــن الــغرب يـهدم الحال

    العنوان.. شوغة اميره
      «عبد ال محمد»
منتظر خالد المنصوري

‏مقطع صوتي من الشاعرمنتظر المنصوري

بشان هلال محرم

🚩🚩🚩🚩🚩

هل اعلينه الشهر
  والشيعه بالقهر
تبچي ادگ الصدر
  للغالي للغالي
__

كل محب يبچي بالدمع
يرسم صور بعتابه
يذكر حديث من النبي
اشلون صار  امصابه
قصة حسين بكربـلا
نـاره  غدت لهابه
تچوي دليل اليعشگه
ايريد شـم اترابه

ابثوب الاسود يعلن  للحداد
وسط المجالس ذايب الفاد

  وابـإيده  رايته
مخنوگه ارويحته
يصرخ ابحرگته 
للغالي للغالي
_

ياشهر عاشور بحزن
تستقبلك الوادم
كلمن بصرخه معتني
يحسين دمعه ساچم
عنده عقيده بالعزا
العلي يواسي وفاطم
يبچي بچي فقد عزيز
والليل كله لاطم

ابفكره ايروح يوم المصيبه
ابلوعه ايصيح ينعه حبيبه

مرمي فوگ الثره
وعظامه امكسره
يتخيل الجره
للغالي للغالي
__

بنوح ينصب ماتمه
وياالخطيب ابحساس
من يقرا بواليمه انذبح
بالضيم يلطم للراس
ياقلب يتحمل صبر
والحزن لا ماينقاس
من حقه لومات بقهر
وتقطعت الانفاس

شلون الخيام محروقه بالنار
وزينب والايتام بالبر طشار

مسبيه الحرم
عدها الحيل انهدم
مابقى بس الالم
للغالي للغالي
__

من مجلس المجلس يطب
بفكره يدور  الزهره
لانها تصيح اعله الولد
ابلوعه تجري العبره
عطشان ماروه الچبد
وبالسيف حزو نحره
مرمي ثلاثه بالشمس
بالخيل سحقو صدره

وين المحبين اتعزي بالدموع
تواسي بالمصاب القلب مفجوع

وسجله من الخدم
وميبقى بالندم
لحسين شما خدم
للغالي للغالي


الخلود الحسيني
نسالكم الدعاء

محرم ١٤٤٤هـــ
#اهوازي

من طاحو سوة السبعين والهد ياهو اليرده
حسين ملاكة لاكة الخيل والعسكر وصل حده
           ×××××××××××××××××××××
حسين بعازة السبعين زلم الحرب طالبهه
الخيل التهد حيل اتريد واتريد اليكابلهه
حكهه الزلم هسه اتغير راح الجان راعبهه
و ين يروح ابو سكينه وكلهه اتجمعت ضده
           ×××××××××××××××××××××
باب الخيمة ضل حسين يربي وبس تصد عينه
كلهم عالترب ميتين جا ياهو اليجي ايعينه
هسه حسين ضل وحده حسافة وصفك جفينة
يعينه الله اليضل اوحيد ولا والي اليضل عنده
           ×××××××××××××××××××××
وين أهل الكرم والطيب الما سدو مضايفهم
حسين ملاگة لاكه الخيل هسه حسين رايدهم
الما عنده زلم وانصار وكت الحرب عازتهم
بس بشوفة ضل حسين ياخذ بيه و ايردة
           ×××××××××××××××××××××
زادت على حسين اهموم ضاكت ياهو اليحلهه
زلم والخيل عالصيوان تركضلي بمشاعلهه
ياهو ايوصل المرسال لأزلام الوغى ايكلهه
حسافة حسين هسه احتار لا والي ويضل وحدة
          ×××××××××××××××××××××
احتار حسين وين ايروح ساعة يروح  لخيامة
وساعة يرد يحشمهم وما يوجد الجدامه
يعينه الله اليصوبة البين مثل حسين بالهامة
وكاس الحيل وياكم برملت كربلة اتبدة
          ×××××××××××××××××××××
الخادم أحمد داود

الشاعر احمد داوود

بصوت ستار الصالحي

من سار الضعن عباس ردناك
بس راس برمح ياخويه شفناك
.
.
شسولفلك مصايب مو مصيبه
طلعت بالكلب مو راسي  شيبه
مو سبعه العجايب لاله يا ناس
شمر حادي الحرم هاي العجيبه
شتمونه العده من عكب عيناك
.

نعي





رملة ام القاسم ع





هلبت يرد لو ســاعه واعي
ويگلي نوحــچ مـاله داعي
من كبريــته عود للشــيب
شو عافني بطرگ النواعي



يمه الولد من هسه غـــايب
تگابلـني اريدنها الحـــبايب
والطم لطــم مالت سوادين
فدوه امـه راحت للحواجب



جرحي بعد ياهو اليــروفه
جسام ما ضنـــي اشــــوفه
محله اللبس محله حچاياه
كلهن رمل صـارن ازلــــوفه



چنت افرش فراشه واعدله
وانصبـله گلبي مـــوش كله [[ الكله ]]
يامن منــيه تصيبني ويــاه
شلها بعــــمرها بعـــد رملـه



ضلت بگلبي اعليـــــه لهفه
عود الــولد بـــــــيدي ازفه
حار الوكت والرمل يــچوي
ياهـــــي التناوشني مــهفه



گلبي انثلم من خاب ضني
خلافك برد يالولد حضـني
الما عنده رحمه ليـه باچي
واصبح مثل بالـعرب وني







             عبد العليلـه
✍حيدر ابو كيان الفاطمي

كون الولد عندي هواي     ويجرولك مثل الماي
رازقني كون بميه.           گبالك اگول شويه
         يا يمه يحسين.     يا يمه يحسين
                     **
حـسـين سـيـد مـو اخـو مـولاي انـه مـعلمتهم
ربـيـتلك اربـع زلـم  واعـلـه الـوفه مـدرسـتهم
يـا يـمـه بـس هـاذ الـظـنه ومك قليل تحسهم
وگبـالك اخـجـل يـلولد بـس اربـعه من تعدهم
كـلـش قـليله خوانك.      ولكـثره عد عدوانك
كلك وفه وحنيه           گبالك اگول شويه
                         *
يـحـسـين وديـت الـولد مـو اخـوه لا خـدامك
وصيتهم كـلهـم سـوه يـموتون تحت اجدامك
لولادفرهم عالشـمـس يـصيرون في الخيامك
يحسين من تبدي الـحـرب بـلولد شـد حزامك
ربـيـتلك خـوش زلام      وعيـونـهـم لا متنام
حسبه الحرب مگضيه.     گبالك اگول شويه
                  ****
عـبـاس خـلـه اعـله الشمس من تطلـع يغطيها
وخـل رايـتـه ترف بسمه وفوگ السـمه يعليها
وصـيـته گـتـله المـشـرعه وگـال انه مـا اطيها
فـلاح صـيـر اعـلـه النهـر والـروس اشـتل بيها
احويلي بس راس الزين  وجر الكتايب بطين
جايبته ام بدويه.         گبالك اگول شويه
                      ***
يوليدي الموادع صعب وشلون اعيش بـدونك
ومتعلمه يـوميـه الصبح يحسين اصد لعيـونك
يـكـتـلـني يـايـمه الـقهر اليلي شـخلصه بدونك
بـس تـنـزل انـتـه بـنـيـنـوه عدوانك يذبحونك
بذبحك تره يذبحوني.     بهذه الجره يعذبوني
وعيني توشل اميه.     گبالك اگول شويه
                   *
بعـيـونه ودعـنـي ومشه وفتحت كل اجروحي
گلالي ماشي الكـربله من الجسد طلعت روحي
حـسـيـن مـا يـرجـع بـعـد يـم الـبـنين ونـوحـي
رايـح عـزيـز امـه بـعـد وسـمـه صبح مـذبوحي
گلبي شيصبره بلياك. يحسين اخذ روحي وياك
وبجي عليه يوميه.      گبالك اگول شويه

مسلم ستار المحمداوي

هذا الجرئ… في كربلاء
اين الكفيل من العقيله
✿────↻✿...✿↺────✿
✿────↻✿...✿↺────✿
اذا السبايا سُيرت.•.•معناها عرفوا بامري
اذا الكفوفُ قُطَعت.•.•معناها وصلوا خدري
اذا الخُيام اُحُرِقت… معناها سبي اتحضري
أذا الرماحُ أرتَفعت … معناها رووس التسري
ياهل ترئ… اين الورئ

*خير السبل انته الوسيله*
*أين الكفيل من العقيله*
✿────↻✿...✿↺────✿
الحگ علي يابو الفظل ولزلم كلهم نومه
باوعت چاوينه البطل عباس وين علومه
شفت السيوف مطشره وروس جن معدومه  
شفت الجفوف موذره والخنصر وي هدومه

ماذا ارئ…خير التقئ

*وين الامل روحي العليله*
*اين الكفل من العقيله*
✿────↻✿...✿↺────✿
عايفني خويه بوحدي وسط الزلم بالهيمه
وخيامي كلها محرگه وهدومي صارن خيمه
سكنه تصيح اعله الكفل فوگانه صارت غيمه
شوف الخيام موجره والگلب حار بضيمه

خير النساء.•.•صعب الجفاء

*حملي ثكل منهو ليشيله*
*أين الكفيل من العقيله*
✿────↻✿...✿↺────✿
ياخويه والخدر بچت من شافته ميمونك
يبجي ويهل دمع الوفه من باوع اعله عيونك
شاف الزنود مگطعه لبيهن تره يهابونك
يصهل يحاچيني بحزن راحوا تراهم دونك

ذبح القفاء.•.• اهل الكساء

*عفت الاهل عفت العليله*
*أين الكفيل من العقيله*
✿────↻✿...✿↺────✿
التموا علي ياكافلي سعد وابن مرجانه
ينشدني چاوين الكفل ومتعلي فوگ احصانه
هذا كفيلچ علثره والدم يخر بلسانه
مضروب وبراسه العمد متغيرااات
الوانه
حربُ ضُروس.•.•بيها النُفوس

*ماينعرف صبحه وي ليله*
*اين الكفيل من العقيله*
✿────↻✿...✿↺────✿
يازينب انتي اتحضري  للشام دربج بأمري
صرتي سبيه اخت الكفل هليوم أگعدي بقصري
هيهات گالها الفحل سبي الترك موقدري
صرت الكفيله الهم بعد والخطبه صارت نصري

*سهُم العيَوُن.•.•ضَرب المَتُون

*بعدك سبوني اهل الرذيله*
*اين الكفيل من العقيله*
✿────↻✿...✿↺────✿

يابالحسن من اخطبت  بالقصر نااازل زلزال
بنص القصر گالوا علي لسجاد صاح اخت أرجال
زينب انه رغم السبي والقصر شاهد عالحال
احجي بفصاحتهم هلي ولساني ينطق بافعال
*طشت الرؤوس.•.•يومُ عبوس*

*سبي وقتل يبن الجليله*
*اين الكفيل من العقيله*
✿────↻✿...✿↺────✿
✿────↻✿...✿↺────✿
#لااجيز_حذف_اسم_الشاعر
✍باقر جبار الشويلي

ها عباس هاي الخيل اجــت ردها
وصلت صوب خيمتنه وجزت حدها
.
.
حدها الخيل عبرت ياهو يحميني
وسط الجيش خــويه لا تخليني
ها عباس شو ساكت بعد عيني
جــر السيف و تلكه الي عانيني
ترضه ام عون بالديران وحدها
.