بماي الغيره توضو   ويم الخيمه التمو
كلهم نخوه وعزم   من عدهم والنعم
****
حلفولك بالشارب   نبقه وياك نحارب
شال الشيخ الرايه   وصاح نقاتل واجب

الله مبارك بيهم   ذب الكلفه عليهم
ويبن الزهره انصارك   عد عينك خليهم

هله بالدكو ثايه   وما ردوله احجايه
ارتفعت روس الزلم   من عدهم والنعم
**
وين الحر طب ليها  وكال الروح افديها
زينب خل اتأمن   اخيامك ما ننطيها

بايعناك بدمنه   وللموت اتقدمنه
ما نخضع وعيونك   والموقف يلزمنه

احنه ارجال الهيبه   واكبر راس نجيبه
وبت حيدر لا تهم   من عدهم والنعم
***






ذوله اجناح القائد   وحار الدم مو بارد
عن مبدء بالحومه   كلها تريد تجاهد

نزلو للحربيه   ورسموها الحريه
ذوله اهل الحك ذوله   اويالباطل حديه

ونافع طبها وكرها   وتراجف عسكرها
وامر الطف منحسم    من عدهم والنعم
**
عالطف بيهم شمره   فزعو لبن الزهره
وابن القين تعنه   وضل يذبح بالخزره

طلعو من خيمتهم   ايهوسون برايتهم
وحسين استقبلهم   وتباها بصحبتهم

حي الله الخياله   هاي حسين ارجاله
واحدهم مبتسم   من عدهم والنعم
****









ذيج وهاي اتلاكت   وروس القادة انشالت
كل فرقه اتوجهم   خل نتراجع كالت

بضهر الخيل اتعلو   بذاك الجيش اشسوو
من كد ما كلبوها   بدم العسكر سبحو

صارت حمره الحومه   وعابس شك اهدومه
ايحقق راد الحلم    من عدهم والنعم
***
تمت
تحسين الخفاجي

#قصيدة_العباس_عليه_السلام


نرال ليلة العباس عليه السلام


بيده رايه تشوفه هاي الناس
هذه حيدر دخلهه لو عباس
------------------------------------
من دخل للحومه*
سابگاته اعلومه*
حيدر يسمونه*ذكراهم يومه
ابو فاضل طبهه*
وللمعاره ضبهه*
خيل ولخياله*حارت ابمهربهه

ناده بالجمع *وبصوت مرتفع*وينه الگاطع الماي
اترس جربتي *وبزود خطوتي*انه الاسمي حماي

ارد ابجودي*
ووفي اوعودي*
ارد لحسيني*    شايل الماي

ماتحده جيوش ولاله مقياس
هذه حيدر دخلهه لو عباس
-------------------------------------------------
طبهه ابن الانزع*
سوه بيهم مصرع*
بيده هزهز سيفه*سيوف حدره تركع
شايل ابجفينه*
كل خيام احسينه*
كل حلم عطشانه*براسه وعد اسكينه

غاضب الگمر*گاصد للنهر*الجيش يمه اوهام
بيده رايته*ولماي غايته*بچفه يروي لخيام

يرد للخيمه*
الضمايه الهيمه*
يروي اطفاله.*  اعذوبت الماي

ومنه تجري شهامه وغيره وحساس
هذه حيدر دخلهه لو عباس
-----------------------------------------------------
للشريعه گاصد*
للحرب متواعد*
مايرده العسكر* وي علي متوارد
ولنهر صوبينه*
اتملكه ابچفينه*
وخله بيهم موقف*من بدر وحنينه

للماي من وصل*عباس البطل*يسمع بس الانفاس
كلشي منخرس*علمهم درس *صاحو هذه عباس

كمش بجروفه*
نطق بحروفه*
العطاشه يسمع*عجل الماي

وعله جوده ترفرف ذيج الانفاس
هذه حيدر دخلهه لو عباس
-----------------------------------------------------
ارويحته الوفايه*
شال بيده مايه*
وعاينه بچفوفه* وردله مايه المايه
اشلون اضوگه وشرب*
وگلب اخوي اليلهب*
يادرس للخوه* للوفاء امرتب

ماضاگ العذب*وچلماته التهب*مثل النسمه لحسين
مخلوق للوفه*غيره وعاطفه*كافل ناصر الدين


شهيد الخوه*
اعله حبه ويهوه*
سقاهه اخيامه* امروه ولماي

منزله عضمه هايه يانبراس
هذه حيدر دخلهه لو عباس
-------------------------------------------------------
اعله متنه الجربه*
كوراهه الصعبه*
اعله جنح الخوه*حسين ينبض گلبه
مايريد ايامه*
بس يصل لخيامه*
بالغدر وصلوله *صوبوله الهامه

صابوو چبدته* من صاب جربته*بسهام لاحو العين
ياحيف عالنفل*مغدور ينچتل*ناده ادركني يحسين

قسم ميعوفه*
هداله اچفوفه*
اعله حبه اتسمه*ساقي للماي

مدرسه للوفاء ايعلم الناس
هذه حيدر دخلهه لو عباس
------------------------------------
علي سليم الحسناوي

نعي للعباس ع جديد محرم

┄┉❈❥❀❥❈┉┄

يعباس  بشاربي  زينب  كلت
ا
انت  بخدر   العقيله   تكفلت

بحماك  مدللت   حيدر   اجت

بديره غربه شلون منها تعذرت

┄┉❈❥❀❥❈┉┄

تعتذر عباس من زينب  صدك

عاهدتها  عنها    ابد   ماتفترك

زينب  بطاري  فراكك  تختنك

تدري من نار الهضيمه  تحترك

┄┉❈❥❀❥❈┉┄


زينب  الجانت  عزيزه  مدلله

ترضه   وحدها   تضل   بكربله

عليها   يتجسر  شمر   وحرمله

ياهضيمه   دموع  زينب   هامله


┄┉❈❥❀❥❈┉┄


لليتامه  والحره  صاير  عويل

ياهضيمه  المدامع  دم  تسيل

زينب  تنادي   وينك   يالكفيل

يبو فاضل تدري بحملي ثجيل

┄┉❈❥❀❥❈┉┄


يبو فاضل  تره زينب  ولوها

بعد  عينك  خيمتها  حركوها

ايام  وحرم   بالبر  طشروها

هضمها الشمر من سب ابوها

┄┉❈❥❀❥❈┉┄

((✍بقلم العلويه ام رائد زوين))

حسين مولاي   حسين مولاي
**
مكطوع راسك وشحلات عيونك
بالدنيه كلها ماكو اليشبهونك
خليهم ايعطشوني ليعطشونك
انته حبيبي وما اعيش بدونك

حبيتك   العشك سميتك   تطيب جروحي  وبروحي  حبك اغله حب
قراني  صرت وجداني  احب كد نيتي  وبريتي  غيرك ما يطب
بحروفك   همت وطيوفك   اضل عطشانك ومجانك  باقي بالكلب
حسين مولاي   حسين مولاي
***
يحسين احبك وعشك انسانيتك
انته الوحيد الماكو من حنيتك
ليش الحوافر سلبت عافيتك
من دون هاي الوادم اختاريتك

مذبوحي  اجيك بنوحي  واخلي احلامي  كدامي  ودخل عتبتك
بالحضره  شعوري اشكبره  اعله كبرك اسعي  وبدمعي   اقره زيارتك
ممنونك  اريدن عونك    كلت من زادك   ومرادك  وامشي بصايتك
حسين مولاي   حسين مولاي
*





يا سيد الحب دمعتي قربانك
ماصدك ايضيع اليدك بيبانك
ارزقني حركه وخل اعيش احزانك
انه بدليلي سجلت عنوانك

نجيني  الدرب دليني  ملكت احساسي  ونفاسي  يا عشكي الصدك
اتعبلك   شنو مقدملك   خدمتك نعمه  والخدمه اتحب المحترك
وفقني  الدموع ارزقني   مشيت بجالك  وقرالك   ايات العشك

حسين مولاي   حسين مولاي
**
يحسين بهدومك ستر عيوبي
انسه الملح والزاد ابد مو ثوبي
بس انته بالدنيه صحت محبوبي
بدربك مشيت ونوريت ادروبي

وعيونك  اضيع بدونك   بعد رتبني  وادبني  وجبر خاطري
مو نادم   اصير خادم   شرف من اكنس   بالمجلس  عشكك مصدري
يالغالي   سكنت ابالي   اريدن قربك  وبحبك  صرت اكبر ثري

حسين مولاي   حسين مولاي
**





كل مجلس احضر من تصير اقرايه
شويه الرمح يحسين وانته اهوايه
انه امن احبك تدري مو عن غايه
كلب اليعوفك هذا تيه رايه

يا ديني   الك خليني   عبد وتشرف  واعله الطف  قربني بعد
دمعاتي   بسجل مولاتي   بعد صفيني  وقويني   ونطيني المدد
جنسيتي   العزاء حريتي   لبست الاسود   ما ابرد  وبقه اعله العهد

حسين مولاي   حسين مولاي
***
تمت
تحسين الخفاجي

*قصيدة لمسلم لسان حال ابنته حميده "بوية بوية"*
*من📚ديوان عبرات وأنين في رثاء الطاهرين ج٢
❥━──➸➽❥❂❥━──➸➽❥❂
بويه بويه  بويه بويه انه حميده رد عليه
بويه بويه شو عفتني لوحدي بالغاضريه
بويه گوم ارجع الي ... عگبك انه منهو الي
بويه بويه لا تخليني وحيده اصفك بديه
❥━──➸➽❥❂❥━──➸➽❥❂
بويه لا تتركني وحدي بديرة غربه
فرگتك بوية عليه حيل صعبه
مناطرة الباب واتاني وعيني تربه
عيوني تربي لجيتك ... بويه تكتل روحتك
بويه بويه لا تطول غيبتك بوية عليه
❥━──➸➽❥❂❥━──➸➽❥❂
لا تطول غيبتك اه يا ضوه العين
أخاف تغدر بيك هالگوم الملاعين
اسئل الوادم عليك وأنشد حسين
اسئل وماكو جواب ... بويه طولت الغياب
بوية بوية وروحتك عني اضن ما الها جيه
❥━──➸➽❥❂❥━──➸➽❥❂
روحتك عني بعيده يا هوه الهاب
گلبي صار عليك من الحزن عطاب
جرحي بغيابك كبر ينزف ولا طاب
ما اضن جرحي يطيب ... وأنه فارگت الحبيب
بويه بويه ريتها وياك انه اخذتني المنيه
❥━──➸➽❥❂❥━──➸➽❥❂
ريتهه اخذتني المنيه بويه وياك
ولا أضل بديرة غربه گاعده انعاك
ردلي يا بوية تره يكتلني فرگاك
ردلي يا ريع الگلب ... بعدك عليه صعب
بويه بويه بعدك عليه صعب واگطعت بيه
❥━──➸➽❥❂❥━──➸➽❥❂
اگطعت بيه يوالي ودمعي جاري
اگضي انه بالنوح ليلي وي نهاري
من رحت ما فكرت بويه بحالي
من رحت ما فكرت ... وأنه من بعدك حرت
بويه بويه من عگب عيناك دهري خان بيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

نعي
مشهد الطفله واشواك الطف

،،،،،،،
مرعوبه اركضت والنار بخيامي
سحكت علشوك بويه وشكك اجدامي
طحت والشمر يضحك بويه كدامي
ويكلهم جيبو ذيج الخارجيه
،،،
عن دربي توخر الشوك جنت وخايف عليه
هسه الشوك بويه حسين شكك هاي رجليه
اركض بويه بين اجناب زحمه وانه علويه
من اصيحن بسمك الجلاد يركضلي ويطك بيه

ملائي
ورمت اجدامي انه اركض خايفه  ورمت اجدامي
والكلب دامي  منهد ماعايفه والكلب دامي

من يداويهه اجدامي جروحهه من يداويهه
مونبت بيهه شوك المعركه مونبت بيهه
،،،،،،،،،،
الطفله مع السيده زينب
..
الحكيلي يعمه الشوك موتني
اصحين اخ من رجليه لومتني
يعمه بجدمي جرح جبير جرحني
شلت جدمي ياعمه واديه

لحكيلي عمه  دم رجلي تصب لحكيلي عمه
والدي يلمه  عن دربي كبل والدي يلمه
،،،،،،،،،،،،،،،
جواب السيده زينب للطفله
،،،،،،،
يعمه الشوك خنطلعه بدينه
وكومي لايجي الجلاد لينه
يعمه اخلاف ابوج اتسلبينه
وسبيه اتلوذ ضلينه بسبيه

يعمه جدامج الترفات وسفه الشوك يدميهه
اداوي متنج الوارم لو جدمج اداويهه
ابوج حسين جثته بعيد بطلي ولاتحشميهه
يعمه بعيني شفت الخيل ركضت داست عليهه
.............................
بشار السامي

أمك أنه اوياجاسم ابگلبي جَرِح
ماحسبت ليلة زفافك تنذبح 
ماتم شبابك ... بالدم خضابك


يا جاسم اللوعات متراكمه اعليّه 
اوشحچي عن الأحزان كل الحزن بيّه 
دهري رماني اسهام ماخطه بالرميَه 
وبهالوضع ظليت لاميته لاحيّه 

عن ياهظم أحچي يجاسم واشتچي
ماظل سندً بالموزمه اعليه ارتچي 
همت ابمصابك ... بالدم خضابك



فگدك يجاسم سيف كل ساعه يذبحني
اوبمرادف النكبات صار الظهر محني 
اويبني ابتوالي الليل  بس تسمع الحني  
اولولحظه تغفى العين اهمومك يصحني

طيب الوسن راح اوتبدل بالسهر 
ما تنسي اوفگدك يعيشني ابقهر
فاجع احبابك ... بالدم خضابك


كل والده لوصار عرس الولد تفرح
وتشاهد العريس ورده ابعطر تنفح
لاجن وسافه اوحيف بيه الهظم طوّح 
زفيتك اعلى الموت يالعرسك ابمذبح 

يبن الحسن عرسك صبح لي فاجعه 
اوماهلهلت يالغالي بس گلبي نعه
حسره ابغيابك ...  بالدم خصابك



من قسوة الأيام عدوانك اتزفك 
شهروا عليك ارماح  مترصده الحتفك
يالغالي والأشفار  رووها من نزفك 
والأكلف امن ادماك متحنيه چفك
 
وانه بعد جفني تحنه بالدمع 
اومن جمرتي ابدلالي اعلگ لك شمع
عشت ابعذابك ...  بالدم خضابك 



جاسم يا أغلى الناس يالشيبت راسي
بالطف مرام البين ماچان الي ناسي
مني اخطفك ياحيف وانخمدت انفاسي
اوصحت ابگلب ممرود يمه الدهر جاسي

يانجمتي الغيبها دهري بالدمه
ابون الگلب أنشد ييمــه هايـمه
حاسب حسابك؟ ...  بالدم خضابك



إنته حلم ماصار واصبح جرح بالطف
وأنته أمل خطفوه من مهجه تتلهف
يالمنحرك گطعوه ومن النزف ما كف
تنطي العهد عيناي دمعتها ما تنشف

عيني إلك مثل السحابه الهاطله
تشرح هظم عرس المنيه ابكربله
يصعب ذهابك ... بالدم خضابك



ولاتنسونا من الدعاء

أخوكم

خادم محمد وآل محمد

حامد البدري

لتگليلة ….
بعيني اليم عيونج طاحت
لتكليله بروحي الشاغَت
هسه يكول بنيتي اشتاگت


لا تگلليله اعله دمعي
ما أريده يشوف وضعي ..وما أريد اكسرله خاطر

امن امس وآنه وياج احجي
لهسه ما لحگنه نبجي .. وما كدر كلبي يكابر

مسحي دمعج ما أريدن
حسين ابوي يشوف خدج
خاف لو شافَج يسألج
منهو جان يموت عندج ؟

وشتحجيلة؟ ….
لو شاف آثاري اعله خيالج
وشكد عثرت روحي اكبالج
رحمي بحالي ورحمي بحالج

بصوت. مسلم المطيري

وين ابو فاضل اخوي اشكيله

كلمات الشاعر
مرتضى مكطوف الموالي

( أبو ذيه ) نعي إلى العقيلة زينب عليها السلام



طشني الدهر باحزانه ولم باي
وهم حسين حوطني ولم باي
اجيتك ابره لظعوني وألم باي
أدور إخواني أصحاب الحميه


يوم العاشر ودهري جفاني
تهل حسره على إخواني جفاني
يريت وكون متفصله جفاني
عليه ولاشفت ذيج المسيه


الدهر ياحيف لخواني ولاهم
وسلط شمر بضعوني ولاهم
يريت الموت صوبني ولاهم
يصوب زينب وروح الزجيه


من الهم ذبح أبو اليمه كفلنا
واخيي ظل عالشاطي ال كفلنا
غرايب بينهم محد كفلنا
ولا واحد كفل ضعن الزجيه


محمد يارسول الله ولونه
اعداك وضيعو دينك ولونه
لون حيدر حظر زينب ولونه
اجه لحسينه ما أصبح سبيه


محمد دعبل النوري