بالبقيع احزانك
ماطفت نيرانك
وابقيعا...........وابقيعا
*******جرحك يخضر مدامع والحزن هدحيلك
والبقيع  ايعيش باجر   والزمن  يوفيلك
من بعيد انشوف حضره مو ظلام بليلك
هناك  تحييهه مواكب والمشي  نهديلك

اسأل   بعنوانك
ماطفت نيرانك
*******
باجر  انشوف الجوامع بس علي اذانك
اشهدو  ان  عليا   من  جميع   اوطانك
شيعي يتحول بقيعك صرحت عنوانك
هلا   بالزاير   تكله  كهوتك  واحسانك

من دموع اشجانك
ما   طفت  نيرانك
*******
باچر الدنيا  بيمينك لو  نشرت اسلامك
خطت الغرقد علمهه من جمال احلامك
يابوفاضل خط عليهه ورفعتهه اعلامك
والبقيع  ايصير  جنه  من حلات ايامك

للعدل.....قرأنك
ماطفت نيرانك
*******
باچر   الغرقد   تردهه   والقبب  تبنيها
حضرت  ام  الكمر باچر بالسمه اتعليها
تبني عمال  الملائك وانت مشرف بيها
روضة  الزهره  وگبرها  بالعرش خليها

ينجرح وجدانك
ما طفت نيرانك
*******
مايظل ظلمه  بقيعك وشحلات الصوره
ان شاءالله ايامك قريبه نعتني ونزوره
يمتى  مشروعك  يبين عاليات ابسوره
غرقدك  يصفه مناره  بالذهب منشوره

ينتظر  ميدانك
ماطفت نيرانك
*******
تنجلي الغيمه يمهدي  ياوكت  بسنينك
والبقيع اينادي  يمتى ينتظر  چا وينك
نايبات الدنيا تركض لوجروح احسينك
كاعد  ويامن  تسولف لو  تجر  بونينك

غربتك ووطانك
ماطفت  نيرانك
******
انه اعرف كلشي هين بس جروح الهيمه
بالخرابه  اتعيش  ظلمه ماتطرها الغيمه
يابو صالح  تنعه  كاعد يا  ركن بالخيمه
جروحك ودمعتهه زينب نادتك بالشيمه

بالطفوف امچانك
ما طفت   نيرانك
*******
تمت بعون الله تعالى
خادمكم....... يوسف الفتلاوي

متى الفرج:
الشوق الى زيارة قبور أئمة البقيع وضلامتهم


دير شوگك يا گلب صوب البقيع
ورفع اچفوفك دمع لله السميع
گبور ما  يمها  ابد  واحد  يزور
ولله مو هينه؟ المصيبه ولا تضيع


الباقر وأم البنين
وگبر زين العابدين
وصادق العلم الرفيع
والحسن ذاكه الحنين


ولله مصيبه…گبور ما بيهن صحن
ولله مصيبه…ينهدم گبر الحسن
ولله مصيبه…يادين ؟ صارت يازمن


غريبه البقيع….

__1

گبور ما  يمها  ابد  بس  الحمام
ماكو؟ دمعه ولا لطم لاكو كلام
اگبور ال الرحمه ما يمهة اليزور
ارفع أيدك يا محب وأبعث سلام


ياهوه اخذ الدموع
للبقيع أشعل شموع
هاي دمعات انكسار
وبگلب يبچي وجزوع


هاي امنياتي…للبقيع اوصل ازور
هاي امنياتي…ولدمع يحچي الشعور
هاي امنياتي…تنبني گلها القبور


غريبه البقيع….

____2

نريد نبچي يم گبر ابن الحسين
يم علي السجاد  نتناثر  ونين 
وناخذ ادموع الهضم منة انكسار
والمدد هم ناخذه من ام البنين


كلش چبير المصاب
گبور ما بيهن قباب
غير سادات الوجود
وسفه متروكه بتراب


ياربي عجل…للفرج مات الصبر
ياربي عجل…تنبني ويحلة العمر
ياربي عجل…طلعته راية نصر

غريبه البقيع….

___3

منكسر بينة الگلب والدمعه نار
خلصت اسنين العمر بس انتظار
ربي ارزقنه  ونسافر  للبقيع
حيل مابينه بعد ماضل قرار


يمتى نتعنة ونزور
دوم يجرحنه الشعور
هاي امنيتي الخدم
والدمع سولف قصور


ماضل صبرنه…حيل مشتاگ الگلب
ماضل صبرنه…يمتة بلحسره نطب
ماضل صبرنه…والدمع بينه يصب

غريبه البقيع…

___4

للبقيع الما  نصر  خاسر  اكيد
والربح كلمن اجة وطالب يريد
الصوت ذمة؟ وذمة الطالب حلال
تنبني وهاذه الوعد ماهو بعيد


تنبني وتصبح مزار
من بعد طول انتظار
بيد قائمنة المبين
وعد هذا وبقتدار


بيده أملنه…ويبني كل ارض البقيع
بيده أملنه…والأمل لا ما يضيع
بيده أملنه…والگلب لاسمه يطيع

غريبه البقيع….

_5

✍️محسن الباوي

__

https://www.tg-me.com/asaadshaker

نعي
على لسان السيده الزهراء( ع)
في ذكرى هدم قبور انوار البقيع (ع)

گــبــر مـــا عـنـدي ويـهـدمــوه
هــــدمــــوا گـــبـــر ويـــــلادي

بـظـلـمـهـم لـچـمـوا اضـلـوعـي
واشــكــي الـــحـــال لـلــهــادي

اشـاهـد والــدمــوع اتــســيــل
الـمــنــايـر مــن يــهــدمــوهــه

الـقـبـب وانــوارهــه الـتـزهــي
فـــــوگ الارض ســـــاووهــــه

مــا كــفــه الــحــرگ والــبــاب
ردوا لـلـبــــــقــــــيــــــع اردود

يــعـيـدون الـمــضــه اعـلـيـهه
لــــو عــنــدي گــبــر مــوجــود

اتـانـي الــجــيــت الــمــوعــود
وانــاطـــر لــيــلــي وانـــهــاري

يـــشـــيـــد حــضـــرت اولادي
بــيـــده ويــــاخـــــذ بـــثـــاري

يـــــدري الـغـايــب بــحـــالـــي
يــومــيــه ألّـــچـــم لــچـــمـــه

فـــوگ الـضـلــع والــبــســمــار
اصــد اگــبـــور مـــتـــهـــدمــه

                        *---------------*--------------*

✍ خادم الحسين ع 
      الشاعر رعد الجريخي

(قصيده لذكرى استشهاد الامام الصادق ع)

عايش بينه     عايش بينه
ذكرى امصابك عايش بينه

يالصــــــادق لجـلك ونيـنه
ومأتم لمصــابك منصــوب.
مــن اتمر ذكرى استشهادك
مثل الشمعه اعليك انذوب.
يا ثامـن جـرح الما يشـــفه
كل شيعي ابيومك منكوب.
الما يلطم ويكسـر اضلوعه
امقصـــر وياك اومطــلوب.

التدمع عينه   التدمع عينه
تغفــر ذنبه التـــــدمع عينه
©©©©
يامـدرسة الشيعه الكبرى
چـم باب العلمك مفتوح.
هنـــيال اليتعــنه الـدارك
يرجع مـن عنـدك مملوح.
طـــــلابك هاليله اتندبك
كل واحـد منهم مجروح.
ما ينســـونك يا قدوتهم
يالســـاكن بعمــاق الروح.

ماناسينه     ماناسينه
نذكر فضلك ماناسينه
©©©©
نفس الكسرو ضلع الزهره
وصـابوها بذاك المســـمار.
دخــلو يا مــــولاي الدارك
بغضـــن شـــــبو بيها النار.
خافو تعلن ضـــدهم ثوره
ويرجــع بيـــــدك ذل فقار.
يالمعروف ابشـدت بأسك
ذليــت اعــروش الفـــجار.

الضدك وينه   الضدك وينه
طامس ذكرى الضدك وينه
©©©©
والزهره بهل مجلس تحضر
تلطـــم وتهل دمــع العـــين.
يالمشــــــهد ترويع اطـفالك
مـر ابزينـب والحســـــــنين.
يالمسـموم ابيوم امصـــابك
حــزنن لجـلك دنيـــا ودين.
انس وجن مكسوره الخاطر
وكل انصـــــــارك متــــأذين.

ياوالينه      ياوالينه
انوح الفگدك ياولينه
©©©©

نار الهـم ما تبــــرد ســـاعه
وحزنك يتجـــــدد كل يوم.
يالما شايف راحــه ابعمـرك
يالعشـت وميـت مظلــــوم.
ذكـرك ماگــــدرو يمحـــونه
باقي انته وخصمك مهزوم.
رايـه انته وضلت مرفوعـه
ابچف انصـــارك يالمسموم.

ماحبيـنه    ماحبيـنه
غيرك وهلك ماحبنيه
©©©©

     الخادم
كامل السعيدي

متى الفرج:
طال الغياب... گوم يامحيٌ الشريعه والشعائر
طال الغياب...والبقيـع بلايـــه گبـه ولامنايـر
نسجت اعليها العناكب.... ماتمر بيها المواكب
طال الغياب....... طال الغياب
ــــــــــــــــــــــــــــــــــــــــــــــــــــــــــــــــ
شحچيلك شسولف والجروح هــواي
اخاف اتجاوز حـــدودي العذر مولاي
ليليه الهمــــوم بگلبي تعــــــــزف ناي
واگول الجمعه ياروحي الفرج هالجاي

آه يغالي... بياجرح مشغول بالك الله يدري
آه يغالي...اليامصيبه ويامصاب دموع تجري
صحت يا أبن الأطايب..... ماتمر بيها المواكب
ـــــــــــــــــــــــــــــــــــــــــــــــــــــــــــــــ
دمـــع العيــن وشـــل مابقتلي دمــوع
مثل ون اليتيم بكل وكت مــوجـــوع
وتخيل گبر مخفي وطفل وضلـــــوع
ومسمار ونحر مدمي وعرس وشموع

وينه وعدك... شوكت بركانك يبن حيدر يثور
وينه وعدك... الك كـــم ثار انتظر يوم الظهور
جارت اعلينه النوايب..... ماتمر بيها المواكب
ـــــــــــــــــــــــــــــــــــــــــــــــ
يبـــــــو صبر الچبير المانفذ صبــره
شوكت لمنه الزچيه اتشيد الحضره
وضلعها المنكسر بچفوفك اتجبـــره
وتگطعها الچفــــــوف الأذت الزهره

يبو صالح.... هــــــدموا دار الأمامه اعله البتول
يبو صالح.... التدعي اصحاب الرساله والرسول
شنو اعليها الحرايب...... ماتمر بيها المواكب
ــــــــــــــــــــــــــــــــــــــــــــــــــــــــ
شوكت جرح الحسن ياسيدي يلتم
وتبنيلـــــــــه ضريحه وگبره المهدم
يالچـــــفك عـــلاج الكــل ألم بلسـم
شيعتكـم يبـــو الغـيره لفاها الهــــم

گبر جدك... مــــهدم وممـــنوع يوصل يمـه زاير
گبر جدك... شوكت خدام الحسن تنصب چوادر
بالصحن نلتم يغايب.......ماتمر بيها المواكب
ـــــــــــــــــــــــــــــــــــــــــــــــــــــ

سل سيف الحرايب اذن واطلــــع
واخذ حق البقيع من العدى مربـع
وخليـــــها المـناير بالذهب تلمــــع
علي اشـــهد اذان من الفجر نسمع

بسم حيدر... تصــــــــدح الأصوات من فوگ المنابر
بسم حيدر...  تقيم حكمك سيدي وتصحي الضماير
بسيفك اعدائك تحاسب.... ماتمربيها المواكب
ــــــــــــــــــــــــــــــــــــــــــــــــــــــــــــ

خادم أهل البيت
وسام عبد الجليل الركابي

https://www.tg-me.com/asaadshaker

متى الفرج:
هدم قبور البقيع

     يابقيع اهل الُـعـله
     صاحت الـها كربـله
اليا وكت وحشه قبور الطاهرين
عندي الهم ساحه بين الحرمين
     ++++++++++
      بذكرى تهديم القبور
     وحشه مايمچ حضور
وانتي گاعچ تحتويها اربع ايمّه
    الواجه اسيوف وجراح
     يمكن ابگبره استراح
لكن الميت صعب جرحه تلچمه
      الينهدم گبره عليه
    يعني جسمه مرضرضيه
اليختلف بس مندفن راسه اعله جسمه
    الگبه فوگاه من تطيح
    مييت وگلبه جريح
نار هظمه ابروحه مو بس ابخيمّه

وضعج اهواي اختلف
عني لو عن النجف
حته مشهد غربه چانت هسه وين
عندي الهم ساحه بين الحرمين
      ++++++++++
    فتره مرت مو قليل
    والحسن ذاك الاصيل
گبره صعبه ينلفظ اسم الخرابه
      ابكربله ابنه وعضيد
     وعن شريفه مو بعيد
شمله يلتم لو ترك ذيچ الترابه
      گاعي اله استر مكان
     جْورة الكافل امان
ابحنّة القاسم نجيله انحنّي بابه
     اهواي يسمع صلوات
     الما سمعها السنوات
تنحني زواره ملهوفه ابعتابه

كلمن بگلبه حچي
الماشبع گبره بچي
هواي عطشانه المشيته الزائرين
عندي الهم ساحه بين الحرمين
     ++++++++++
     وصلي صوتي للعيل
     منه خجلانه انه حيل
خل يجيني هسه مو جيّة اساره
     افتح اذراعاتي كون
     مو اسير وعالضعون
ابهيئة العوچيه ابنيله مناره
     اسجد اگباله اعتذار
     مني اذا لاحته نار
من ذهب مو من رواگ ابني الستاره
    عندي اله موضع مريح
    يسكن بنفس الضريح
بين الاحسين وعلي الاكبر مزاره

هنا ابد ما ينهدم
الگبره اختار الاسم
هذا قبر الدمعه ماجفتله عين
عندي الهم ساحه بين الحرمين
      +++++++++
      الباقر وآنه ادري بيه
    مو غريبه ارضي عليه
لسه موجوده برملها ذكرياته
    هذا من ضمن الزغار
    اليركض وبذياله نار
گاعي يندلاها راكضها اعله زغره
      لا لهب نار وعناء
    الخيمگه صارت بناء
بيها گبه تكسر افياي اعله گبره
     جده اذا مشتاك اجاه
     الخيل ماتركض وراه
اگباله باب القبله ماكو ابدربه عثره

ماكو شوك اولا لهب
ابوجه يتلگا ذهب
ماكو غربه كلهم اهله حاضرين
عندي الهم ساحه بين الحرمين
     +++++++++
     وحشه كاعج يالبقيع
    مثلي هم جرحج وسيع
نار بيته الصادق الرسمتله صوره
    عن ركض ذيچ الحريم
     ياجرح عمته العظيم
ذكرياته امنين ما وجهه يدوره
      الصادق واهله يجون
      عالشريعه ويلتقون
وين چان اينادي عباس ويزوره
     شگد يحب الهم يلوع
   خل يجي ويشبع دموع
هوه مثل الزهره بالدمعه سروره

ناسه خدام اشكثر
يمه كل موكب يمر
امحزم ابنصهم يدگ اعله الحسين
عندي الهم ساحه بين الحرمين
     +++++++++
      الماتت امن الانتظار
      ليش تبقى ابلا مزار
بفاتحه چم حاجه خلصت لو قروها
      خل تجي ام البنين
      بين ابنها والحسين
ابكد دمعها الحره راح ايدللوها
      تنسه كل ذاك الجراح
      ويّه كل طرة صباح
من مراقدهم يجوها ايقبلوها
     من ذهب مو من تراب
    حضره يبنوها الشباب
ويخدم الزوار عباس اليجوها

تلزم الوادم سره
يم ضريح الطاهره
وبمحرم تشبع انواعي وانين
عندي الهم ساحه بين الحرمين

    ثائر الربيعي

https://www.tg-me.com/asaadshaker

ذكرى هدم القبور الطاهره
شابحه عليك العيون شيبت حته الجفون
فرگتك لاماتهون يابو صالح
****
يمته يالمهدي تجي وتبني بقيعك
امر الله امرك اواجب نطيعك
بلگي يالمهدي بده يخضر ربيعك
يبست گلوب ويبللها نقيعك
تبني حضره لفاطمه توصل لحد السمه
وتمسح اثار الدمه يابوصالح
****
تبني الگبور وتشيدلهن مناره
وسيفك ابيدك بده يوضح قراره
تزهي گاعه هالبقيع بهل غياره
چنها بين الحضرتين شهل الزياره
تسوي بيدك حضرتين للحسن وام الحسين
وحضره هم لإم البنين يابوصالح
*
رايه تاخذ بيدك وتنصب عزائك
يم گبر عمك بده يعله بكائك
تنزف لچبد الحسن لسه دمائك
وبيك اثر كسرة ظهر من كربلائك
البقيع وكربله ثنينهن كرب وبله
إونينك البيهن عله يابوصالح
****
تصلي يم گبر الزچيه بالونين
بيك شوغه من اثر قتل الجنين
بگلبك اليدري فقط رب العالمين
شبيك من شوغه عله مصاب الحسين
گلبك انشال برمح وعشت يالمهدي الذبح
ليل ماشفت الصبح يابوصالح
****
إكبور اهلك تنتظر يمته تمرها
چالخيم يالمهدي چن شبوا جمرها
والگبور المابعد ينفع صبرها
تريدك لثار وبعد انت ذخرها
ملت اكبور وتصيح وانت ابو گلب الجريح
والحمل باقي طريح يابوصالح
*
تعتني يالمهدي تبچي بكل مسيه
بالمدينه تنحب لثار الزچيه
وتبچي من دم عينك لثار السبيه
رمش عينك شيب لعمتك رقيه
انت يالطبعك حنين ماشفت بس الونين
تبچي لمصاب الحسين يابوصالح
***
تمت ولله الحمد/ المقصر معالحسين
علي النائلي

وين ماروح اسمع الكم فاجعه
وين ماروح قصة اكبور اربعه
اسمع اصريخ وسبي
قصص بيت ال النبي . وين ماروح
.
.
ماكو غيرك انته ماكو تاخذ الثار بيمينك
الك ننطر يبو صالح الحك النه انته وينك
الكبور و هدموهن ماكفه ذبحت حسينك
كل ليالي الجمعه بيهن يبو صالح ناطرينك
.
بدمع مسفوح ونقره يالمهدي الدعاء
بدمع مسفوح الفرج من رب السماء
المهدي احلفك بالعبي
قصص بيت ال النبي . وين ماروح
.
.
شفنه اشكال المصايب مابقه شي بعمرنه
احنه مو ايوب احنه خلص يالمهدي صبرنه
اكبور اهلك هدموهن مته تضهر يا ذخرنه
جرد البتار و طلع نشف بجفك دمعنه
.
كون موجود مابقبنه الهسه سكته
كون موجود الحاكم بجفه دفنته
بثار بيت الطالبي
قصص بيت ال النبي . وين ماروح
.
.
البقيع تريد نهضه تريد كلامه وصف قتال
الشمر يحكم يمهدي على عرشه لا يزال
حيل اذونه النواصب كام تحكمنه الجهال
هيه وحده الامل بيها نهضتك وينك تعال
.
حكم سفيان والبشر خرسه السان
حكم سفيان اشوكت نسعلك اذان
انته تسمع مطلبي
قصص بيت ال النبي . وين ماروح
.
.
ذبل عود الجان يزهي عمري كوطر للكبر
و انه مو ايوب حتى امتلك هلكد صبر
احنه كل يوم اليجينه نكول باجر بالفجر
واحنه نفس الحال نفسه كلي مولانه العذر
.
ليش مهدوم فاطمه الزهره كبرها
ليش مهدوم بس لبو صالح نضرها
يعيل بيها الناصبي
قصص بيت ال النبي . وين ماروح
.
.
العتب نعرف يغثك ندري بهمومك ثجيله
ندري ضيم شكثر شايل اهموم كلبك مو قليله
العذر منك يمهدي ماكو غيرك نشتكيله
غير وجهك يابو صالح تدري ما عدنه وسيله
.
الثار مطلوب مايضيع ولا يحروح
الثار مطلوب بيدك تشافي الجروح
تعلي راية مذهبي
قصص بيت ال النبي . وين ماروح

الشاعر حسن صالح العيساوي

اعتذار من الكمر خل يوصله
طول عمري حاير بهل مسئله
شلون ابو القاسم يظل بلا ظريح
اعتذر لو عندي قبه بكربله
*
اعتذار الكمر راده يوصل القبر الحسن
شلون اخيي يگضي عمره بلا مزار ولا صحن
شجره ابو القاسم جبيره اغصانها كلهن محن
استحي لو عندي قبه واستحي وعندي وطن

ابو دلال السود ما عنده مظيف
هدمّوا قبره الفلا بيهم شريف
الكمر عمره وجنّ اسمعنّهَ يصيح
أعتذر لو عندي قبه بكربله
*
اعتذار الحسن هذا يمر على زين العباد
العنده حاجه منين يدخل ما إلك باب المراد
يا غريب العمر كله شلون يگظي بهل بلاد
لا بواجي ولا مدامع لا رويه ولا سواد

الراحت ارگبة بأثر كثر السجود
يا اللهي شلون يبقى بنص يهود
من التمنى المشرعه بيها يطيح
اعتذر لو عندي قبه بكربله
*
اعتذار ومن امامي الباقر السن العَلّمَ
هذا استاذ المبادء هذا استاذ القيم
يا حسافه تراب قبره ألبل سمه وزع نّعم
السهم ذاك بوسط عيني وبالهدم نفس السهم

الشاهد بعينه اثر حرق الخيام
وسفه قبره ينهدم من الئام
من الامام الباقر القوله صحيح
اعتذر لو عندي قبه بكربله

*
اعتذار من العلّومّه ترست أوراق الكتاب
ياحلاتِ النعمه كون الصادق تنوره قباب
ونجتمع كل يوم جمعه ونكعد نصدر عقاب
وتحضر ام كلثوم تشهد هيه هم ظد التراب

العلّمَه طش اعله الملائك اجمعين
تراب فوگه ولوّن تمطر صار طين ؟
من الخلص عمره على اجداده جريح
اعتذر لو عندي قبه بكربله

اعتذر لّآل الرساله واعتذر من الرسول
شلون حمزه تراب قبره والله كلش مو قبول
الجان من خبزاته ينطي لو يجي يمه لسئول
هسه بس تراب قبره وليجي يصبح ذهول

لجان كدام النبي يشهر حسام
ومو درع يلبس فقط ريشة نعام
من الذي لوكض حسامه جنه ريح
اعتذر لو عندي قبه بكربله
**
يونس كريم الزيداوي
https://www.tg-me.com/asaadshaker