متى الفرج:
((العاشگ لاتلومه))


العاشگ لاتلومه جروحه ملچومه
مــن يسمع بيوت اعزازه مهدومه
ساكت من يحاچونه
يرســم گـــبه بعيونه ...
                    
"""""""""""""""""""""""""""""""""""''''''''''

صفار الگبه ضاعت كل معــانيها
وباب الحاجه هدمو كل طواريها
ودمـــوع الألم بالحسره يخفـــيها
العنده جروح للحيطان يحچـيها

اذا سولفنه بيكم نستحي هوايه
سكته وشـاهدينه طيحت الرايه
اليحبكم نار تدرونه
يرســم گبه بعــيونه ...
               
"""""""""""""""""""""""""""""""""""''''''''''

الاخرس هم يسولف حچيه تأشيره
واحـــنه الســـــانه مــــاتت تعابيره
العــــش الينهـــدم تتحــير الطيره
لذلك جاي اشوف المهـدي بحيره

سدو بابنه والچـــــلمه محبوسه
وياروحي عشگ ياناس متروسه
گلبي لاتلچمــونه
يرسم گبه بعيونه ...
                  
"""""""""""""""""""""""""""""""""""''''''''''

محروگ الگلب والروح محروگه
وأزور آنه شريفه بدمعه مسـبوگه
واگللها ابـــــــوچ بحسرته وشوگه
واحسنها العزيزه بحسره مخنوگه

بيا حال واصيـح وحالي متردي
بصياح الجذب مايسمع المهدي
المهدي صاير شلونه
يرسم گـــبه بعيــونه ...
                       
"""""""""""""""""""""""""""""""""""''''''''''

متحزم كلامي ومـــاتصح فرصه
علي السجاد ياالشايل الف غصه
كــــون بكــربله وارويلك القصه
چـا نبني مقـــــام شكبره للعصه

يامعــــنى الدمع وگليبك وظيمه
گبرك طاح لمن طاحت الخيمه
يبچي من يسئلونه
يرسم كبه بعيــونه ...
                  
"""""""""""""""""""""""""""""""""""''''''''''

الباقر ياحـــــزن بچفوفك تلمه
بيا دمعةّ حزن للصـــادق تكلمه
دمعكم بي سبي بي چلمة العمه
على ياهزله راكب جرحك بهمه

لطمكم مو على البنيان والطوفه
على زينب لطمكم دخلت الكوفه
جرحكم ماتضمدونه
يرسم گبه بعـــــيونه ...


عبد زينب
محمد الإبراهيمي

https://www.tg-me.com/asaadshaker

(( مَطلَبُنا البَقيع ))

………………..………………………………………

مطلبُنا البقيع . و حزنُنا الفجيع
فليسمعِ الجميع . ثأرٌ ولا يضيع

……………………………………………………………


فليسمع سعود الحكم . واسمع ابن تيميه
مطلبنه مو مطلب ضعف . مطلب زلم شيعيه
الحگ ابد ما ينطلب . ينوخذ برجوليه
طبة الكافل للنهر . انعطش الحجاز و ميه

مطلبُنا القباب  . يامن غدت خراب
آلُ ابي تراب  . قدّوُمُهم سريع

……………………………………………………………


جدتكم الوگفت امس . حقد ابگلبها اتزيده
في بيتي نعش المجتبى . ما يندفن ما ريده
اعليها طلعتو ابلا رحم . والظلم تم تجديده
نفس الضرب نعش الحسن . رد هدم گبره بأييده

آه على الامام . في نعشهِ السهام
و قبرهُ رُكام    . في منظرٍ فضيع

……………………………………………………………


من گلشي نابع من علي . يسعود بيكم خوفه
الوهابي بعيونه الصحن . سيف الفقار يشوفه
يخاف البقيع و ينگلب . چن كربلاء و الكوفه
معناها ما يبقى الحكم . وسعود اديه مجتوفه

نساءُ لا رجال . و ترتدي العِقال
نأتيكمُ كحال . ذئبٌ غزا القطيع

……………………………………………………………


هاك استمع هذا الحچي . وادريك تصفن حاير
بالگلب شباچ الحسن . اعليه النبض ظل داير
السجاد نشتمه عطر . ابريّتنه اصبح حاضر
العينين بيتين اصبحن . للصادق و للباقر

اولادُ طه نور . وليسَ في القبور
وهم لنا زهور . حياتنا ربيع

……………………………………………………………


اهوايه العليكم اصبحن . يهل اللحايه القذره
المحسن و بسمار الذبح . وضلعين من الزهره
وراس التعله اع الرمح . والـ عالهزل متيسره
وراعي الطلابه اشگد صبر . بيكم يطلع صبره

مهديُنا قريب . في قلبهِ لهيب
يغدو لكم نحيب . ولا لكم شفيع

……………………………………………………………


غصبن عليكم تنبني . اربع گبب مرفوعه
ياحاج لا تشرك بعد . وي اللسن مگطوعه
زوار چن يوم الطبگ . يم الحسن مجموعه
وماكو ولي الا علي . وبكل نجِد مسموعه

مشايةٌ نسير . كبيرُ و الصغير
والقائمُ الامير . وسدُّنا المنيع

……………………………………………………… ..…
✍️ ( سيد خضر الزاملي)

https://www.tg-me.com/asaadshaker

السيدة زينب عليها السلام
«««««»»»»»
اليوم زينب تلتفت مامن معين
حشمت عباس ابو كلب الحنين
ليش متحضرونها
زركه شوف امتونها   .  واويلاه  . واويلاه
«««««»»»»»
وين عباس الكفلها ابشيمته
ليش ما يحضرها يوم اتنخته
اشلون تقبل يابو فاضل غيرته
من سمع نخوه العقيله صاحته
دم تسيل عيونها
زركه شوف امتونها   .   واويلاه  . واويلاه
«««««»»»»»
وين ابو الاكبر يشوف الي جره
الجانت الحره الاميره ميسره
اليوم وي شمات تبقى حايره
تموت بين اجناب هايه مخدره
اعليها متقبلونها
زركه شوف امتونها   .  واويلاه  .  واويلاه
«««««»»»»»»
وين جاسم وين الاكبر ما درو
موتت الحره الاميره من اسمعو
الما اجو يوم الدفن لا شيعو
ما قرو ليلة الدفنه و رتلو
الفاتحه و يقرونها
زركه شوف امتونها   .  واويلاه   واويلاه
«««««»»»»»
وين الاقمار المنيره اهل الفخر
وينها افراد العشيره و الكمر
لدفنج حسين يزينب ماحضر
وكلبج اعليهم يزينب منفطر
الله كون بعونها
زركه شوف امتونها   .   واويلاه   واويلاه
«««««»»»»»
وين ما مرو اعليها  بالدفن
ماتت الحره العقيله امن الحزن
ماتت و هيه عليكم بس تون
لحضه ماغمض بليل الها جفن
امتانيه يدفنونها
زركه شوف امتونها   .  واويلاه   واويلاه
«««««»»»»»
حسن صالح العيساوي

الشاعر حسن صالح العيساوي بصوت حسين عدنان الكوبعي

قصيدة في فاجعة هدم قبور الأئمة عليهم السلام في البقيع  ،،، مُلَمّع
ـــــــــــــــــــــــــــــــــــــــــــــــــــــــــــــــ


حُزناً نَعاكُم قلبي الصّريع
يا مَن سَكَنتم أرضَ البقيع

بالدّمعِ والآلامْ يا قادةَ الإسلامْ

ـــــــــــــــــــــــــــــــــــــــــــــــــــــ

يظل جرح الگلب ينزف
وأبد جمراته ما تبرد

عليكم يا أهل طه
نبينا المصطفى أحمد

وهاي الأمة ظلمتكم
وعلى اسروج الحقد ترتد

إتبعت ضدكم التهميش
ونُصبت إلكم المرصد

وهكذا ديدنُ الدخيل
يَجرَا ويطغى على الأصيل

بالظلمِ والإجرامْ يا قادةَ الإسلامْ

ـــــــــــــــــــــــــــــــــــــــــــــــــــــــــ

كلمَن ينكر التاريخ
عساهن يعمن اعيونه

علي شگد حاولو گبره
يحفرونه ويطلعونه

وعجز كل طاغي وعوانه
وتلاشى اللي يمكرونه

باءت بالفشل كِلهه
ومُحال الحق يِحجبونه

يَعلو شموخاً فوقَ السحابْ
قبرُ الوَصيِّ أبي تُراب

بالمَجدِ والإكرامْ يا قادةَ الإسلامْ

ــــــــــــــــــــــــــــــــــــــــــــــــــــــــ

ناصِب وٱنتهز فرصة
وصدره بالبغض مشحون

يغيظه بالبقيع ايشوف
من آل النبي مدفون

لذلك هدّم بحقده
مقابر وانفجع هالكون

وعليكم صارت الهجمة
لأن للهادي تنتسبون

فِعلٌ ويَندَى لهُ الجَبين
لِمَا جَنَاهُ الحِقدُ الدّفين

يا أيها الأَعلَامْ يا قادةَ الإسلامْ

ـــــــــــــــــــــــــــــــــــــــــــــــــــــ

رِموا نعش الحَسَن بِسهام
أكيدَاً ينهِدِم گبرَه

وبو الباقر علي السّجاد
الخَلّص بالحِزن عمرَه

وتِهون الدمعة عالباقر
سموم النايبة تغدرَه

وَوِن للعالِمِ العارف
جعفر صادق العترَة

لَمْ يَسلَموا مِن بَعدِ المَمات
مِن بُغضِ أربابِ المَثلَبات

والكِذْبِ والإيهامْ يا قادةَ الإسلامْ

ـــــــــــــــــــــــــــــــــــــــــــــــــــ

بإذن الباري ولطافه
ورَحِمته تنجلي الظلمة

ويِطِلّ اعلينه أبو صالح
وعَدالة يِنشُر بحُكمه

بمَواكِب يمشي للغَرقَد
وحَوله الشيعة ملتمة

ومَنايِر يبني لَجدادَه
الأئمة وسادة الأمّة

يَبني صروحَاً لِلأصفياء
يَغَارُ مِنها نَجمُ السّماء

والشّمسُ والأَجرَامْ يا قادةَ الإسلامْ

ــــــــــــــــــــــــــــــــــــــــــــــــــــ

إذا شاءَ الله أبو صالح
يبني لكل گبر قُبّة

ويقيم بكل گبر مأتم
ويِطَفّي النار اللي بگلبه

وينعى لجَده أبو اليِمّة
ومصايب طَفّه وينِدبَه

ويِجري الدمعة للراحت
سبية وباتت بخِربة

بِالدّمع يَنعَى وَازَينَبا
وَماجَرى في ذاكَ السِّبَا

وَ حَالِكِ الأيامْ يا قادةَ الإسلامْ

ــــــــــــــــــــــــــــــــــــــــــــــــــ

بقلم الأستاذ /  ستار عذاب الحچامي

ميمر للبقيع  (((  أحنه الخدم  )))

……………………………………………………………

احنه الخدم •• نقسم قسم
برض النبي  ••  نرفع علم
چم موكب الشيّدناه •• نبني البقيع ابـ ساعه

……………………………………………………………


احنه الملينه العالم اعزوبيه
ارض العراق وللكرم مضويه
وبكل متر تطلعلك حسينيه
ابراحة عشگ موش ابتعب مبنيه

نوصل غداً  ••  يم الحسن
ازنود السمر •• تبني الصحن
وين ابن تيميه انصيح ••  وين الاقزام اتباعه

……………………………………………………………


عونة بناء و للبقيع انهاجر
ركضة طوريج بعزاء العاشر
اهل المواكب بالخدامه انفاخر
نبنيها ما نصبر تظل الباجر

عيب وفشل •• طال الامل
ابطبگة جفن •• ننهي العمل
انصيح احنه ولد الزهراء •• ضنوة علي واشياعه

……………………………………………………………


دمعة عشك تجري الاساس اتحفره
كل خادم ويشلع گلب من صدره
انجمعن و بيهن بناء انعمره
الحايط يظل ينبض ابحب الزهره

انصيغ الرگب •• فضه و ذهب
أگلادة عشگ  ••  لربع گبب
انمد الخدم زوليات •• انصير احنه فرشه الگاعه

……………………………………………………………


مثل الثريه انطب عليهم نرعد 
جوگات ( ياثار البقيع ) انردد
شلة سعود امن المواكب تشرد
نلطم و جوانه البقيع ايورّد

صوته ايعلي •• انتم هلي
ميت هله   •• ابشيعه علي
يااهل يثرب ما مات •• حسين وهذوله اسباعه

……………………………………………………………


وبكربلا ماي الحسين انقدمه
وهناك كهوه بحب كريم اليمه
وادعيه انوزع من عليل الامه
عالوادم الباقر نثوّب علمه

مثل البرق  •• نلمع خُلق
جعفر رسم •• بينه الصدق
بالفعل مو بالكلمات •• جعفر نشيل اطباعه

……………………………………………………………


ام البنين و يمها ننصب منبر
ننعه اعل ابنها حسين جسمه توذر
بسحگ الحوافر عالتراب اطشّر
وزينب تشاگف من سياط العسكر

يم الوفه   ••  ابنج صفه
ابلا ناظره •• ومايه انچفه
وحضّروا لسكينه احبال  •• من اگطعوها اذراعه

……………………………………………………………
✍️ ( سيد خضر الزاملي )

جديد

ياحسين امصيبتك ننعاهه
اشما يمر عاشور ماننساهه
حُسين حُسين ياحُسين مولا .. ٢

➖➖➖➖➖➖➖➖➖

ياحســين ابچي العمــر لمصيبتك
اشما تمر ذكرى الطفوف ومحنتك
اتعلمت من زغـري احيي اقرايتك
والمجــالس ســـــــيدي اهـــواهه
حُسين حُسين ياحُسين مولا .. ٢


//////////////

ياحسين انته الحلم ونته الامل
ابلايه حبـك ابد ما يقــبل عمل
يبـــقه الك تاريخـنه ايعبر جمل
وثـورتك ما ينطمس ذكــــراهه
حُسين حُسين ياحُسين مولا .. ٢


///////////////

يمن ضحيت ابصحبــتك والاهل
الك نقــره وننــعه والمدمــع يهل
نذكر اجروحك ترى ابكل مستهل
ابطــور حمزه امصـيبتك نقراهه
حُسين حُسين ياحُسين مولا .. ٢


//////////////

يابو الاكبر بينه جمره اموجره
للرظـــيع السابح ابـدم منحره
على المنبر لونعه الناعي وقره
تحظر الزهــــره ونون ويــاهه
حُسين حُسين ياحُسين مولا .. ٢


//////////////

اه ياليل احدعش يدمـي الگلب
بيه زينب ضلت امضيعه الدرب
اتحيــــرت بعيالهه ابديرة غرب
مابقه اليحمها مــن اعـــــداهه
حُسين حُسين ياحُسين مولا.. ٢


//////////////

تم بعون الله تعالى
ام زين العابدين اللامي
أسالكم الدعالي،والوالديه
الفاتحه الى روح والدي ووالدي 💔 💔

يمته يــــــاثار  الله تاخذ ثارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

كـــــــــوم ســـــــل بتارك وليها استعد
عدنه ثــــــــــار وثــــــــــارنه لازم يرد
نحرك الهــــــــــجمو عله اديـــار الورد

  ولاترحمه الشــــــغل نار بدارك
  وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

حان وكــــــــت الثار يـــــــابن فاطمه
  بعد مانســـــــــكت  وحك رب السمه
  بالبقـــــــــيع اكبور عـــــــدنه مهدمه

   كافــــي نايم بالغــــــمد فقارك
   وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

الدم يندهــــــك اكــــــعد ولم الحجي
كافي يوميه عله جــــــــرحك تنتجي
   كلي عــــــــــد  يابير  همك تشتجي

     وعدمن مخلي يمهدي اسرارك
     وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

  سنين صـــــــــارلنه الضهورك ننتضر
  واحنه منـــــــــتضرين منك بس أمر
   الذبحو اهلك مــــــــــايفيدلهم عذر

   الطلعتك منتــضره كل انصارك
   وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

هـــــد يمن  بيك الله جاعــــــل قوته
يابوجــــــــــف المـــــــايثني بسطرته
الحرك دارك كــــــوم وحـــــرك  لشته

    خل يهب عله الخليفه اعصارك
    وتحرك أصحاب السقيفه بنارك


ــــــــــــــــــــــــــــــــــــــــــــــــــــــــــــ

  كــــــــــوم ياحيل الله وسرج مهرتك
  وخلها  فــــــوك امتونك اترف رايتك
  بســـــــم ثــــــار حسين أعلن دولتك

   وخل تصل سابع سماء اخبارك
   وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

سيفك اشـــــــتاك اليمـــــــنتك يالابي
يابو صـــــالح  كــــــوم  رد ثار السبي
  ودوس باجــــــر  شكو شارب ناصبي


وخل بذنهم  يدك صوت انذارك
  وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

  ذنــــــــــي ثاراتك وبـــــــــد ماينسن
  عيون كـــــــل عاشك لـــــك يتنطرن
  بيدك الحــــــــــل والعكد يبن الحسن

   بالعدل تحـــكم الباري اختارك
  وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ

  يمته  تشرق  شمسك وتضوي الارض
اشكد بعـــــــدلك يبو الغيره وتنتهض
  متنه وبجيتك يــــــــــرد بينه النبض

   انعيش من نشتم يمهدي ازهارك
   وتحرك  أصحاب  السقيفه بنارك

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي

يا أبا صالح💔:

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

المحب أسود عليكم دوم .....هدماه

وهدم گلبه البقیع بیوم ........هدماه

علی الکفار یالمهیوب .....هد ما

بقی بروحي صبر يبن الزچيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

نادو  وياي ياغايب .......يجماعه

تطشر دينك ومحد........يجمعه

متى تظهر يبوصالح......يا جمعه

وتشيد   مرقد   الزهره   الزچيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

خادم أئمة البقيع
جهاد البصيراوي

مرت سنه        من فارگيت اخواني
مرت سنه      وردت عليه احزاني
تجرحني هاي الايام         وين السنه اوين العام
****
يازماني اليوم اخوتي             دارت عليهم سنه
وآنه من العام ابجي           لحد ما ظهري انحنه
تعب گلبي من المصايب      وغير الجروح شجنه
وآنه من كثر  النوايب         كمت امشي مدوهنه

من كربله     ابجي واحن يوميه
من كربله     زينب مشت مسبيه
مدري الدهر ليه شضام       وين السنه اوين العام
**
بيّن اهلال المصيبه       وگلبي من شافه انلجم
ومن جديد انعاد حزني     وبالسمه الطف انرسم
ذيج آنه البالمخيم              وحرگو عليه الخيم
اركض وعالنار اصيحن            وين شيال العلم

وتذكرت     ذاك الركض بالهيمه
وتذكرت     ماعندي ظلت خيمه
عمه تصيح الايتام       وين السنه اوين العام
***
ذاك اخوي مگطعينه          عله امتون المشرعه
وبالسهم ممروده عينه          والجفوف امگطعه
هاي رايه وذيج جربه     وذاك اخوه يم مصرعه
محني يمه ولزم ظهره     وعله اخوه هل مدمعه

صاح بحزن      حاجيني مو شاب الراس
صاح بحزن              خلينه نرجع عباس
ظل جرحه ينزف آلام       وين السنه اوين العام
**
عالتراب حسين نايم       عفته وجروحه شكثر
مانسيت شلون اخيي     من گطع نحره الشمر
بعيني شفت الاعوجيه       شلون تسحك عالصدر
ضلع من ينكسر منه              ضلع مني ينكسر

حر وعطش       ولحسين ما صح الماي
حر وعطش     وراسه برمح عالي هواي
جابوه اگبالي الظلام      وين السنه اوين العام
****
ذيج ليله يم الاكبر      تبجي والمدمع جريح
وهاي رمله يم ابنها      حنتك يبست تصيح
ومن اذنها تون رقيه     وظلت اتگوم وتطيح
والرباب شلون تنظر      نحر عبدالله ذبيح

يم المهد    تلولي وتصيح اسم الله
يم المهد           خافن يفز عبدالله
تعبان عبدالله ونام       وين السنه اوين العام
***
رحت من يمهم سبيه           وهيج وكتي بيه مال
ورم من الصوط متني      وبيدي مشدودة الحبال
آنه ما متعوده امشي                وتنظر عليه الرجال
درت عيني عله الشريعه         اهنا يبوفاضل تعال

وينك صحت         وينه الكفل گلولي
وينك صحت        عباس شافو طولي
خويه وشسولف عالشام       وين السنه اوين العام
****
تمت
ميثم العمري