سبحان الله وبحمده🌿

#رسائل_من_القرآن #أدهم_شرقاوي 🤲🏻

امبارح بعتلكم تدعوا لواحدة صاحبتنا بالرحمة،وحقيقي الواحد مبطلش عياط من امبارح على خبر وفاتها وكَم الابتلاءات اللي هي عاشتها قبل ما تموت، وقاعدة أفكر في طفلتها مين هيربيها وبدعي من كل قلبي ربنا يوقفلهم ولاد الحلال..


بالليل جالنا خبر انها عايشة، طبعًا المشاعر مختلطة واول سؤال دار في بال كل واحدة فينا(طب ازاي!!)

طلعت كانت في غيبوبة سكر وافتكروها ماتت ودفنوها، وفاقت في القبر وخلال ما كانت بتنادي مرّ على قبرها رجالة وعرفوا انها مدفونة في نفس اليوم فبعتوا لأهلها وزوجها وخرجوها وفقدت النطق من شدة الصدمة.

الخبر التاني وقعه على قلوبنا أصعب من الخبر الأولاني لأن الأول صعب علينا، لكن التاني اصعب عليها هي، فكرة انك تدخل قبر ويفتكروك ميت وتمر بكل مراحل الموت من الكفن والغسل والجنازة والصلاة والدفن واغلاق القبر وتفوق تلاقي نفسك ليس كما عهدت(مش في سريرك مثلاً!) لا في مكان مظلم وضيق وفيه طبقات قماش كتير مغطياك!
وتفضل تنادي وتصرخ وانت مش فاهم هو انا فين ! طب خرجوني!


صلاح قابيل الممثل، اندفن وهو لسه حيّ وفضل يصرخ لما فاق والراجل المسئول عن المقابر لما سمع صوته خاف ومرضاش يخرجه، ففتحوا القبر بعدها لقوا الكفن متقطع وهو قاعد على باب القبر بس ميت!
مات من الخوف!


موقف لا تُحسد عليه فأسأل الله عز وجل أن لا يجمع عليها خوفين ويؤمنها يوم البعث الأكبر.
لا اله الا الله..


بحكي القصة دي علشان مش كلنا بيكون عندنا فرصة نعيش مشاعر الموت ونرجع تاني، صاحبتنا على قد ما انا مش متخيلة هي وضعها ايه دلوقت، على قد ما هي محظوظة فقط بإن ربنا عز وجل منحها فرصة تانية..

لكن احنا الله أعلم بينا والله وبالفرص المتبقية من رصيد الستر وصبر ربنا عز وجل علينا والأنفاس المتبقية لنا في الدنيا دي..

ربنا يهدينا ويرحمنا برحمته.. ربنا يهدينا
يارب اهدينا يارب
يارب اهدينا ومتدخلناش قبورنا غير وانت راضي عنا وعن أعمالنا وقلوبنا أتم الرضا

يارب ما تكتب علينا لقائك غير واحنا قلوبنا تليق بالمقام دا..
يارب ما ندخل قبورنا غير واحنا من أهل الجنة.

لا اله الا الله.


#زاد

*الأربعون النسائية*🌸🍃


عمليات التجميل نوعان:
النوع الأول : ليس فيه إلا طلب الحسن والجمال ، فهذا النوع من العمليات التجميلية لا يجوز ، لما فيه من تغيير خلق الله تعالى ، لقول النبي ﷺ : ( لعن الله المتفلجات للحسن المغيرات لخلق الله ).


النوع الثاني: ما يحتاج إليه الشخص -امرأة كان أو رجلًا- لإزالة ضرر أو ألم أو شيء ، سواء خلق به الشخص أو نتج عن حادث أو مرض وهذا جائز .

وما زلنا مع فطرة النساء المحبة للتزين أن تكون في أبهى صورة لكن عليها أولا أن تتأكد أن ما تفعله يوافق عليه الشرع
فما هي بعض الأمور التي قد تخالف فيها النساء شرع الله عندما تحب أن تشبع فطرتها في حب الزينة والتزين؟

باب منع النساء من لبس الثياب الضيقة التي تصف أو الرقيقة التي تكشف أو القصيرة التي لا تواري الجسم كله ، ومن تضخيم الشعر فوق الرأس:
عن أبي هريرة رضي الله عنه قال: قال رسول الله ﷺ : ( صنفان من أهل النار لم أراهما : قوم معهم سياط كأذناب البقر يضربون بها الناس ، ونساء كاسيات عاريات(1) مميلات(2) مائلات(3) رءوسهن كأسنة البخت(4) المائلة لا يدخلن الجنة ولا يجدن ريحها وإن ريحها ليوجد من مسيرة كذا وكذا ) رواه أحمد.
(1)كاسيات عاريات: تلبس ملابس ضيقة أو شفافة أو قصيرة.
(2)مميلات: يحملن غبرهن على فعلهن.
(3)مائلات: منحرفات عن طاعة الله. وَقِيلَ : مَائِلات إِلَى الرِّجَال مُمِيلات لَهُمْ بِمَا يُبْدِينَ مِنْ زِينَتهنَّ وَغَيْرهَا .
(4)البخت: نوع من الإبل عظام السنام.

خلع المرأة للحجاب وإبداءها زينتها للأجانب وإظهارها محاسنها هو ما يعرف في الشرع بالتبرج ، وهو معصية لله ورسوله ، وقد يكون سببًا في حرمان المرأة من الجنة . فقد روى البخاري في صحيحه عن أبي هريرة رضي الله عنه أن رسول الله ﷺ قال: ( كل أمتي يدخلون الجنة إلا من أبى ) قالوا: " يا رسول الله ومن يأبى؟ " ، قال: ( من أطاعني دخل الجنة ، ومن عصاني فقد أبى ) .
والتبرج في الشرع من كبائر الذنوب ، فقد جاءت أميمة بنت رقيقة إلى رسول ﷺ تبايعه على الإسلام فقال: ( أبايعك على ألا تشركي بالله شيئًا ولا تسرقي ولا تزني ولا تقتلي ولدك ولا تأتي ببهتان تفتريه بين يديك ورجليك ولا تنوحي ولا تتبرجي تبرج الجاهلية الأولى ) .

ومن تأمل في هذا الحديث الشريف يجد أن رسول الله ﷺ قد قرن التبرج الجاهلي بأكبر الكبائر.
والتبرج شر ونفاق ، فقد روى البيهقي عن أبي أذينة الصدفي رضي الله عنه : أن رسول الله ﷺ قال: ( خير نسائكم الودود الولود المواتية المواسية إذا اتقين الله ، وشر نسائكم المتبرجات المتخيلات وهن منافقات لا يدخل الجنة منهن إلا مثل الغراب الأعصم ) .

ولكن ما معنى رؤوسهن كأسنمة البخت المائلة؟

قال الإمام النووي : ومعنى " رؤوسهن كأسنمة البخت " أن يُكبرنها ويعظمنها بِلَفِّ عمامة أو عصابة أو نحوها .
وقال أيضا : وأما " رؤوسهن كأسنمة البخت " فمعناه يُعظّمن رؤوسهن بالخُمُر والعمائم وغيرها مما يُلفّ على الرأس حتى تشبه أسنمة الإبل البخت.
واختار القاضي : أن المائلات يمشطن المشطة الميلاء . قال : وهى ضفر الغدائر ( الضفائر ) وشدّها إلى فوق ، وجمعها في وسط الرأس ، فتصير كأسنمة البخت .
قال : وهذا يدل على أن المراد بالتشبيه بأسنمة البخت إنما هو لارتفاع الغدائر فوق رؤوسهن وجمع عقائصها ( ضفائرها ) هناك وتكثرها بما يضفرنه حتى تميل إلى ناحية من جوانب الرأس كما يميل السنام .
والخلاصة في قوله ﷺ " رؤوسهن كأسنمة البخت " أنه ينطبق على من يُظّمن رؤوسهن بالعمائم والعصائب ونحوها كالطرح .

وهنا نسأل سؤالا:
تصفيف الشعر على هيئة الكعكعة يدخل في هذا الأمر؟

جمع الشعر بما هو معروف عند النساء ـ بالكعكة ـ إذا كانت على الرقبة ، لا يدخل فيما ذكره النبي ﷺ من صفات مذمومة لبعض نساء أهل النار وهي أن رؤوسهن كأسنمة البخت المائلة .
سئل الشيخ ابن عثيمين - رحمه الله - : ما حكم وضع الحشوى داخل الرأس؟ أي: ما حكم تجميع المرأة لشعرها فوق الرأس أو ما يسمونه بوضع الكعكة؟
فقال الشيخ: الشعر إذا كان على الرأس على فوق فإن هذا عند أهل العلم داخل في النهي , أو في التحذير الذي جاء عن النبي ﷺ في قوله: ( صنفان من أهل النار لم أرهما بعد ) وذكر الحديث وفيه
( ونساء كاسيات عاريات مائلات مميلات رؤوسهن كأسنمة البخت المائلة ). فإذا كان الشعر فوق ففيه نهي , أما إذا كان على الرقبة مثلًا فإن هذا لا بأس به إلا إذا كانت المرأة
ستخرج إلى السوق فإنه في هذه الحال يكون من التبرج ؛ لأنه سيكون له علامة من وراء العباءة تظهر ، ويكون هذا من باب التبرج ومن أسباب الفتنة فلا يجوز.

#الأربعون_النسائية
#هبة_حلمي

صباح الكلم الطيب🌿

(لنختم القرآن سماعا)

الورد (٢١٣)

(الربع الأول & الحزب الرابع والخمسين )

#القارئ: بلال الغازي
#ليدبروا على التليجرام
https://www.tg-me.com/GhRoooh/12140

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/touUhQL--Ak?feature=shared
#صباحكم_قرآنٌ_يُتلى

اللهم انا نسألك حبك وحب من يحبك وحب كل عمل صالح يقرّبنا الي حبك 🤍

همســــــــــة الضحــــ☀️ــــــى

إن لم يكن في برنامجنا اليومي

ركعتا الضحى،،، وحزب من القرآن،،، ووتر من الليل،،، وكلمة طيبة،،، وخبيئة لا يعلمها إلا الله،،،

⚠️ فأي طعم للحياة بقي ...

✋🏻رتّب جدولك ...

واجعل تلك الأمور من ضمنها يومياً ستجد راحة وأنُساً في يومك بإذن الله تعالى .


*ركعتيّ الضحى*
غمامتين تُظلكم بظلال باردة
وتغدق عليكم بأجر ثلاث مئة وستون مفصلاً
أي شيء يُغنينا عن هذا الفضل
لاتنسوا *ركعتي الضحى* !

* #صلاة_الضحى *🕌

#قصص_الأنبياء(٢)
#السيرة_النبوية
#الحلقة_السابعة_والستون
#حياة_رسول_الله_مع_الصحابة(٢)
#زيد_ثابت_وزاهر_بن_حرام
#قصة_هاروت_وماروت_والسحر

اتكلمنا المرة إللي فاتت عن حياة رسول الله ﷺ مع الصحابة في المدينة وشوفنا بعض مواقفه معاهم،
هنكمل النهاردة إن شاء الله الكلام عن حياته ومواقفه مع الصحابة ونحكي كام موقف لرسول الله ﷺ،


رسول الله ﷺ كان بيمازح أصحابه وكان متواضع جدا معاهم، وكان قريب منهم جدا زي ما ربنا أمره :
"وَاخْفِضْ جَنَاحَكَ لِلْمُؤْمِنِينَ "
كان في صحابي اسمه زاهر بن حرام يعيش في البادِية، من البدو يعني، وكان من الصحابة إللي حضروا غزوة بدر،
فكان لما يأتي المدينة كان بيجيب معاه لرسول الله ﷺ هدية زي الثمار والنباتات والأدوية العشبية إللي مش بتكون موجودة إلا في البادِية وكان رسول الله ﷺ بيجهزه في سفره،كجزاء مقابل هديته،
فكان رسول الله ﷺ يقول :
"إن زاهر باديَتنا ونحن حاضروه"
يعني هو بيفيدنا بالحاجات إللي بيجيبها من البادية ومش موجودة عندنا،
واحنا بنجهزه بالحاجات إللي بيحتاج لها من البلد،

وكان زاهر بيُضحك رسول الله ﷺ وبيحكي له مواقف فكاهية ،وكان رسول الله ﷺ بيحبه،
وكان زاهر دمِيم ، يعني بلغة عصرنا شكله وحش...
في يوم من الأيام كان زاهر في سوق المدينة بيبيع بعض أغراضه ورآه رسول الله ﷺ فجاءه من وراه وحضنه وفي رواية إنه حط إيده على عينه،
تخيلوا الموقف، واحد رافع إيده وماسك ملابس مثلا وبيعرض بضاعته في السوق وبعدين رسول الله ﷺ جاءه وحضنه من تحت إبطه وراح مغمي عينه وقعد رسول الله ﷺ ينادي:
"مَن يشتري العبْد...مَن يشتري العبْد"
من باب المزاح، إن البائع بقى هو إللي بيتباع دلوقتي😁
فزاهر قعد يقول : أرْسلني، يعني سيبني، وهو ميعرفش إن إللي حاضنه ده رسول الله ﷺ،
فلما أخذ باله من إن الشخص إللي حاضنه ده هو رسول الله ﷺ قعد يلصق ظهره برسول الله ﷺ تبرّكا به ﷺ،
وقال له زاهر:
إذاً تجدُني كاسدًا يا رسول الله😅
يعني مش هتلاقي حد يشتريني ولا يرغب فيّ أو ثمني رخيص، بسبب شكله
فقال له رسول الله ﷺ: لكنك عند الله لست بكاسد، لكنك عند الله ربِيح👌
يعني إنت عند ربنا غالي مش رخيص، لأن الله لا يَنظر إلى شكل الناس ولا ملابسهم ولا لون بشرتهم،
لكنه ينظر إلى قلوبهم👌

☆زاهر كان حُر ورسول الله ﷺ لما كان بيمزح كان لا يقول إلا الصدق، فلما قال من يشتري العبد، كان يقصد إن زاهر عبد لله😊


وهنا نقطه مهمه لازم نعرف إيه إللي حصل مع الصحابة إللي رسول الله ﷺ ردهم قبل ما يطلع في غزوة بدر

لما رسول الله ﷺ قرر إنه يخرج لقافلة أبي سفيان، وقال للصحابة مين يخرج معي، جاءه كام واحد من الصحابة عايزين يخرجوا معاه، لكن رسول الله ﷺ رجعهم وقال لهم مش هينفع تخرجوا معايا، ليه🤔
لأن سنهم كان صغير، مينفعوش للقتال، من الصحابة دول كان عبد الله بن عمر بن الخطاب، وكان لسه مكملش اثنا عشرة سنة،
وكمان رجّع زيد بن ثابت لأنه مكنش لسه أكمل ثلاثة عشرة سنة، إللي هو بلغة عصرنا بنقول عليهم أطفال😑
الأطفال دول كان همهم الجهاد في سبيل الله، كان همه إنهم ينصروا رسول الله ﷺ،
طبعا رسول الله ﷺ كان بيأخذ بأسباب النصر، ومن الأسباب دي إنه يعطي المسؤولية للي يقدر يتحملها،
حاجة جميلة إن الأطفال دول عايزين يخرجوا للجهاد ووخداهم الحماسة بس احنا في دين الإسلام بنحسبها بالواقع وبالأسباب مش بالمشاعر👌
فردهم رسول الله ﷺ لأنهم لسه غير مؤهلين للجهاد💁‍♀️

طيب خلاص بقى يقفوا ويجيلهم اكتئاب عشان معملوش إللي كان نفسهم يعملوه، زيد بن ثابت إللي كان نفسه يخرج للجهاد مع رسول الله ﷺ ولقى باب الجهاد اتقفل قصاده يعمل إيه😕
يعمل زي ذو القرنين، فاكرين
"ثم أتْبَع سبَباً"
الباب إللي يتقفل قصادنا خلاص نشوف غيره على طول👌
باب الجهاد مقفول دلوقتي يبقى أشوف باب الإنفاق على الفقراء، معنديش فلوس، يبقى أشوف باب الدعوة إلى الله بحسن خلقي ومعاملاتي الطيبة مع الناس، أشوف قدراتي إيه وأوظفها لخدمة الدين👌
وده إللي عمله زيد بن ثابت رضي الله عنه 😊
زيد بن ثابت دوّر على باب تاني يخدم منه الإسلام، شاف إن عنده قدرات مختلفة مش موجودة عند حد،
فهو حافظ سبعة عشرة سورة من القرآن، وبيعرف القراءة والكتابة ودي كانت حاجة نادرة جدا في الزمن ده،
وفوق كده كان ذكي وعنده مَلَكة التعلم بسرعة، فذهب مع أمه لرسول الله ﷺ يعرضوا عليه طاقة زيد العلمية عشان رسول الله ﷺ يستعملها في خدمة الدين،
فاختبره رسول الله ﷺ وشاف إن عنده فعلا موهبة،
فأمره رسول الله ﷺ بأمر يُعتبر غريب🤔
أمره إنه يتعلم لغة اليهود، اللغة السريانية👌
يعني يتعلم لغة أجنبية غير لغته العربية، وده لأنه ﷺ لا يأمن اليهود على كلامه،
يعني اليهود ممكن يأخذوا كلام رسول الله ﷺ ويحوّروه،
أو يطلب من اليهود قراءة حاجة بلُغتهم فينقصوا الكلام أو يزودوه، فاحنا محتاجين واحد نثق فيه يكتشف الحيل والألاعيب إللي أعداء الإسلام بيستخدموها للطعن في الإسلام👌

زيد بن ثابت إللي يادوب عنده ثلاثة عشرة سنة دلوقتي تعلم اللغة السريانية كتابة وقراءة وأتقنها كأنه من أهلها بالضبط،
عارفين زيد عمل كده في أد إيه
أتقن لغة اليهود في سبعة عشرة يوما😳

لما الإنسان يُخلص العمل لله، ويكون همه فعلا نصرة الإسلام ربنا بيفتح عليه من بركاته ويرزقه التوفيق،
تخيلوا إن زيد بن حارثة بقى ترجمان الدولة الإسلامية، ترجمان رسول الله ﷺ، رسول الله ﷺ ..
رسول الله بيستغل كل الطاقات المتاحة لبناء أمة الإسلام،


دلوقتي محتاجين نعرف قصة هاروت وماروت كمان
احنا اتكلمنا قبل كده عن اليهود لما كانوا بيقولوا للأوس والخزرج إن في نبي هيخرج وصفته كذا وكذا وإنهم هيتبعوه ويقتلوا الأوس والخزرج قتل عاد وثمود،
ولما رسول الله ﷺ بُعث أنكروا الصفات إللي وصف بها رسول الله ﷺ في التوراة، وقالوا إن مش هو ده الرسول إللي مذكور عندنا في التوارة،
فأنزل الله :
"وَلَمَّا جَاءَهُمْ رَسُولٌ مِنْ عِنْدِ اللَّهِ مُصَدِّقٌ لِمَا مَعَهُمْ نَبَذَ فَرِيقٌ مِنَ الَّذِينَ أُوتُوا الْكِتَابَ كِتَابَ اللَّهِ وَرَاءَ ظُهُورِهِمْ كَأَنَّهُمْ لا يَعْلَمُونَ "
فتركوا التوراة وتركوا العمل بها، فلما تركوا التوراة اتجهوا للكتب إللي الشياطين افترتها على سليمان عليه السلام،
"وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ"
فاكرين
سريعا كده، قلنا إن سليمان عليه السلام لما مات الجن
بدأت تبحث تحت عرشه عن الكتب التي كان يكتبها الكاتب بتاعه وإللي يُقال إن كان اسمه آصف،
وكان يكتب فيها كل شيء عن سليمان عليه السلام،
عن الملك وعن الشريعة ..كل شيء،
فلما الشياطين أخرجت الكتب بدأوا يكتبوا ما بين السطور كلمات السحر والكفر ودعاء غير الله،
وخرجوا على الناس وقالوا لهم إن دي كتب سليمان وإنه كان مسخّر الجن والطير والريح بالسحر ده،
وإن مفيش حاجة اسمها نبوة، وإن سليمان كان مسخرهم بالسحر،
والناس قرأت الكتب لقت فيها فعلا كلمات السحر والكفر بالله ودعاء غير الله، فانتشر بين الناس إن سليمان عليه السلام كان بيتعامل بالسحر وكان كافر بالله،
"وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا "
فربنا دافع عن سليمان عليه السلام وقال إنه لم يكفر ولم يكن ساحر، وإن الشياطين هم إللي كفروا بيعلموا الناس السحر، وبيعلموهم السحر إللي أُنزل على الملكين
هاروت وماروت،
والملكين دول ربنا أنزلهم وجعلهم في صورة رجلين صالحين في مدينة بابل في العراق، مهمتهم إنهم يدافعوا عن سليمان عليه السلام،
فكانوا بيعلموا الناس السحر ويوضحوا لهم إن في فرق بين السحر وبين النبوة،
وإن السحر ده ممكن أي حد يتعلمه، أما النبوة فهي اختيار من الله عز وجل...معجزة ،مش حاجة مكتسبة، يعني مفيش واحد يعبد ربنا لزمن معين أو يتعلم علم معين فربنا يرزقه النبوة ويبقى نبي،
لأ...النبوة والرسالة اصطفاء خااالص من عند ربنا👌
فكان الملكين بيقولوا للناس إن السحر ممكن تتعلموه، لكن السحر ده كُفر بالله، وإن احنا فتنة واختبار وابتلاء من الله،
"وَمَا يُعَلِّمَانِ مِنْ أَحَدٍ حَتَّىٰ يَقُولَا إِنَّمَا نَحْنُ فِتْنَةٌ فَلَا تَكْفُرْ"
فلو الشخص أصرّ على تعلم السحر ده يعلموه🤷‍♀️
"فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ"

وخدوا بالكم لأن هتلاقوا حاجات مكذوبة وموضوعة بتقول إن الملكين دول ربنا ركّب فيهم الشهوة ونزلوا إلى الأرض وزنيا بامرأة،
فمسخ الله المرأة لكوكب الزهرة، والملكين بيتعذبوا في الدنيا و...و...،الكلام ده غير صحيح🙅‍♀️❌


استمر الاعتقاد عند اليهود بأن سليمان عليه السلام ساحر حتى عهد رسول الله ﷺ، ما عدا بعض العقلاء من اليهود،
فلما جاء رسول الله ﷺ من نسل إسماعيل عليه السلام مش من منهم، اتبعوا الكلام إللي موجود في الكتب المفتراة على سليمان عليه السلام،
فكانت الآية إللي ربنا دافع بها عن نبيه سليمان عليه السلام:
"وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ"

☆فيه هنا سؤال: هل السحر فعلا موجود، يعني موضوع إن حد يعمل لحد سحر والكلام ده حقيقي🙊

السحر ثابت وموجود وذكره الله في القرآن ، وكمان اتفق أكثر الأمم من العرب والفرس وبعض الروم والهند على إثباته، وهو من العلوم إللي ممكن فعلا أي حد يتعلمها،
وبيستعين فيها بالجن، لكن الجن لا تستجيب للي عايز يتعلم السحر إلا إذا كفر بالله أولا،
وطبعا يقدم القرابين للجن ويفعل الموبقات عشان الجن تساعده،
والسحر فيه إللي بيقتل وفيه إللي بيمرض وفيه إللي بيفرق بين الرجل وزوجته،
طبعا يا جماعة كله بأمر الله، محدش يقدر يضر حد إلا بعلم ربنا وإذنه👌
رسول الله ﷺ بيقول :
"واعلم أن الأمة لو اجتمعت على أن يضرّوك بشيء لن يضروك إلا بشيء قد كتبه الله عليك"
وربنا بيقول :
" وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ"

والإنسان يتحصّن من السحر بالأذكار والتقرب إلى الله والمداومة على الطاعة وذكر الله،
ولما تفتحوا باب البيت أو تقفلوه تقولوا بسم الله، فلما تسمّوا على كل حاجة الشيطان مش بيكون له أي تأثير على الإنسان👌

السؤال المهم بقى هل رسول الله ﷺ سُحر ولا لأ
ده إللي هنعرفه الجزء الجاي إن شاء الله 😁✌


#السيرة_النبوية
#ايمان_شلبي

صلاة العصر🌿

ينفع أقلع الحجاب عشان أتزوج و أرجع ألبسه تاني بعد الزواج؟

ج / إنا لله!

أرضي نفسي والناس في سخط الله؟!

وهل أرضى أصلًا بما يغضبه جل وعلا؟!

ما قيمة الزواج أصلًا برجل لا يبحث عن المرأة الدينة الصالحة؟!

ما وزن الدنيا كلها، والناس والزواج في غضب الله وعقوبته ومقته؟!

"من أرضى الناس في سخط الله = سخط الله عليه وأسخط عليه الناس. ومن أرضى الله في سخط الناس = رضي الله عنه وأرضى عنه الناس".

والزواج والقلوب والدنيا بأسرها بيد الله جل وعلا وفي خزائنه. وإن ما عند الله لا ينال بمعصيته، وإنما ينال بطاعته.

وتفكيرٌ خيالي جدًا أن تظني أنك سيمكنك الصعود من هذا المنحدر مرة أخرى.

الشيخ كريم حلمي

قراءة القرآن من المصحف لها فضل أو ثواب أكتر من القراءة من موبايل أو تابليت مثلا؟

ج/ نفس ثواب القراءة واحدة، ولو قرأ غيبا من غير نظر في شيء. وما يزيد على ذلك فهو أمور مستقلة.

فاقرأوا القرآن حسب ما يتيسر، إن كانت الطهارة حاصلة والمصحف حاضر بيسر فالقراءة من المصحف أحق وأولى، وإن لم يكن متيسرا، أو لم يكن وضوء فاقرأ من غير مصحف.

ودع عنك من يقطع على الناس سبل الخير بدعوى أن هذا أنقص أو أن غيره أكمل.

المهم أن تكون على خير.

الشيخ عمرو بسيوني