#قصص_الأنبياء(٢)
#السيرة_النبوية
#الحلقة_الثانية_والخمسون
#سلمان_الفارسي(٢)
#رسول_الله_واليهود

كنا واقفين عند سلمان الفارسي لما كان بيحكي لرسول الله ﷺ قصة بحثه عن الحق،
كان وصل للرجل في عَمّورية وقعد معاه فترة لحد ما جاءه الموت، فسلمان بيحكي لرسول الله ﷺ يقول:
قلت للرجل : يا فلان، توصيني أروح لمين بعدك، وإنت شايف حالك دلوقتي😥
فقال لي: والله يابني مفيش حد على إللي كنت عليه أنا وأصحابي أنصحك تروح له، لكن الزمن إللي إنت فيه ده زمان هيخرج فيه نبي وهو هيبعث بدين إبراهيم،
هيخرج بأرض العرب،
وهيهاجر لأرض بين حرّتين بينهما نخل ، له علامات لا تخفى على أحد: يأكل الهدية ولا يأكل الصدقة، بين كتفيه خاتم النبوة، فلو عرفت تروح البلاد دي روح👌
☆الحَرّة يعني : أرض حجارتها سوداء

فلما مات ودفناه قعدت في عمورية فترة، وبعدين عدّى عليّ تجار من كَلْبٍ فقلت لهم : أعطيكم بقراتي دي وغُنيمتي وتحملوني معاكم لأرض العرب🤔
فقالوا : ماشي اتفقنا، فأعطيتهم وأخذوني معاهم، فلما وصلنا وادي القرى ظلموني وباعوني عبدا لرجل من اليهود😔
فلما كنت عنده وشفت النخل ، تمنيت إن هي دي تكون الأرض إللي صاحبي قال لي عليها،
فو أنا عنده جاء له ابن عمه من قريظة فاشتراني منه وأخذني معاه للمدينة، فوالله أول ما شفتها عرفت إنها الأرض إللي صاحبي قال لي عليها وفضلت موجود فيها،
وانشغلت بشغل الرّق ومسمعتش عن بعثة رسول ولا أي حاجة خالص، لحد ما كنت في يوم شغال على نخلة من بتوع سيدي وسيدي جالس لقينا ابن عم له جاي علينا من بعيد ولما وصل عندنا لقيناه بيقول :
قاتل الله بني قِيلة《الأوس والخزرج، وقِيلة هو اسم أمهم》 ، مجتمعين على رجل بِقُبَاء جاي من مكة بيقولوا إنه نبي😏
فأول ما سمعت كلامة جسمي تلج وساب من بعضه لدرجة إني كنت هقع من فوق النخلة على سيدي 😳
فنزلت من على النخلة وقلت لابن عمه ده:
بتقول إيه بتقول إيه😲
فغضب سيدي وراح ضاربني وقال لي: وإنت مالك أصلا بالموضوع ، روح شوف شغلك😠
فقلت له: مفيش حاجة أنا كنت بس عايز أتثبت من كلامه😓
وكان عندي تمر جمعته، فلما جاء المساء جئتكم وقلت لكم إنكم محتاجين فدي صدقة مني، فأكل أصحابك ولم تأكل، فقلت دي أول علامة،
وبعدين جمعت تمر تاني وقدمته لكم هدية فأكلتَ وقلت لأصحابك يأكلوا معاك، فقلت دي تاني علامة،
ومكنش فاضل غير العلامة الثالثة إللي هي خاتم النبوة فلما شفتها على ظهرك عرفت إن إنت المقصود من وصف صاحبي، فكان رسول الله ﷺ مبسوط إنه أصحابه سمعوا قصة سلمان رضي الله عنه،
وأسلم سلمان ولكنه لسه عبد فكان مشغول في شغل الرّق،

وبما إننا اتكلمنا عن اليهود خلونا نشوف خطة رسول الله ﷺ في التعامل مع اليهود كانت إيه👌

عارفين لما بنبقى داخلين مشروع أو بنقدم على وظيفة أو مسافرين مكان،
الطبيعي إننا بنسأل عن طبيعة الحاجات إللي احنا هنتعامل معاها لأول مرة دي، نعرف طبيعة الناس إللي هنتعامل معاهم، مميزاتهم وعيوبهم،
إزاي نتقي شرهم ، إزاي نتعايش معاهم ومنعرّضش نفسنا إنهم يخدعونا،
أهه ربنا كان بيعمل كده مع رسول الله ﷺ والمسلمين من خلال القرآن👌

قبل ما المسلمين يعرفوا أصلا إنهم هيهاجروا للمدينة ويتعاملوا مع اليهود كان ربنا بيحكي لهم قصص عن بني إسرائيل وعن موسى عليه السلام ومواقفه مع فرعون وكمان مواقفه مع بني إسرائيل،
عشان ربنا يوسع آفاق المسلمين، انتم هتكون لكم دولة في يوم من الأيام، فمحتاجين تعرفوا أصناف الناس الموجودة معاكم على الأرض ومنهم اليهود،
فربنا أراد إنه يوصل للمسلمين فكرة عامة عن بني إسرائيل، إللي هم أجداد اليهود إللي عايشين في يثرب،
ولما يدخلوا المدينة يبقى عندهم انطباع إن اليهود دول أهل كتاب زينا، وده هنلاقيه في آية :
"ولَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ"
وكمان هم أتباع رسول زينا، موسى عليه السلام وبيعبدوا إله واحد وهو الله، وهم اتأذوا وصبروا على ظلم فرعون:
"وَتَمَّتْ كَلِمَتُ رَبِّكَ الْحُسْنَىٰ عَلَىٰ بَنِي إِسْرَائِيلَ بِمَا صَبَرُوا"
وربنا قال عنهم إنه اختارهم على العالمين،
"وَلَقَدِ اخْتَرْنَاهُمْ عَلَى عِلْمٍ عَلَى الْعَالَمِينَ"
فكل ده بيعطي للمسلمين انطباع إيجابي عن اليهود إللي هيتعاملوا معاهم لما يتقابلوا، وخصوصا إن المنطق والعقل بيقول إن اليهود هيتبعوا رسول الله ﷺ🤷‍♀️

لكن في نفس الوقت ربنا علم الصحابة في القرآن إن بني إسرائيل دول برده فيهم سلبيات وعيوب،
فلازم تكونوا على حذر، فهم سيئو الأدب مع الأنبياء قالوا لموسى:
"أُوذِينَا مِنْ قَبْلِ أَنْ تَأْتِيَنَا وَمِنْ بَعْدِ مَا جِئْتَنَا " مفيش جديد يعني🙄
وكمان متمردين على أوامر ربنا وبيتحايلوا عليها، زي قصة عبادة العجل وقصة أصحاب السبت إللي اتكلمنا عنهم في قصص الأنبياء
ده غير كفرهم بالنعمة ونكرانهم للجميل، يعني فيهم العبر😑
فكده الصحابة هيبقى عندهم نظرة متوازنة لما ييجوا يتعاملوا مع اليهود،

نطمع في إسلامهم ونعاملهم بالحسنى عشان نرقق قلوبهم وفي نفس الوقت نكوت على حذر من مكرهم👌

من الحاجات إللي رسول الله ﷺ عملها عشان يرقق قلوب اليهود ويثبت لهم أننا فريق واحد من المؤمنين، إلهنا واحد قبلتنا واحدة نؤمن بكل الأنبياء السابقين إنه :
◇كان بيصلي وقبلته لبيت المقدس، إللي هي أصلا قبلة اليهود،
فاحنا يا جماعة متشابهين في كل حاجة اهه مش فاضل غير إنكم تؤمنوا برسول الله ﷺ فقط،
وخصوصا إن علامات رسول الله ﷺ موجودة عندكم في التوراة، وانتم كنتم بتتوعدوا الأوس والخزرج بالنبي إللي هيظهر🤷‍♀️

◇الحاجة الثانية :
إن رسول الله ﷺ لما دخل المدينة عرف إن اليهود بيصوموا يوم عاشوراء، فرسول الله ﷺ سألهم : إيه اليوم إللي انتم بتصوموه ده؟
فقالوا : ده يوم عظيم ربنا أنجى فيه موسى وقومه وأغرق فرعون وقومه، فصامه موسى شكرا لله فاحنا كمان بنصومه،
فقال لهم رسول الله ﷺ: احنا أحق وأولى بموسى منكم، فصامه رسول الله ﷺ وأمر الصحابة بصيامه👌

طبعا الكلام ده كله 👆بوحي من رب العالمين
يعني رسول الله ﷺ مش من نفسه كده عمل التشريعات دي😶
" إِنْ هُوَ إِلَّا وَحْيٌ يُوحَىٰ"

جمع رسول الله ﷺ اليهود أكثر من مرة واتحاور معاهم ودعاهم للإسلام، كان ساعات يكلم القبائل مجتمعين، وساعات يكلم الأفراد،
وكان يأتيه بعض اليهود عشان يسمعوا منه ويشوفوا هل هو فعلا النبي المذكور عندهم في التوارة ولا لأ،
من اليهود إللي جاءوا لرسول الله ﷺ واحد من علمائهم،
من بني قينقاع اسمه عبد الله بن سلام،
فدخل على رسول الله ﷺ وقال له :
أنا هسألك عن ثلاثة أمور محدش يعرفهم غير نبي فعلا👌
إيه هو أول شيء يحشر الناس، وإيه أول طعام يأكله أهل الجنة،
وإزاي الولد ساعات يكون شبه أبوه، وساعات يكون شبه أمه وأخواله😈
فقال له رسول الله ﷺ:
الحاجات دي جبريل أخبرني عنهم قبل كده، فقال له عبد الله بن سلام : ده عدو اليهود 😕
فقال رسول الله ﷺ:
أما أول شيء يحشر الناس فنار تخرج من ناحية المشرق فتحشرهم ناحية المغرب،
وأول طعام يأكله أهل الجنة هو زياة كبد الحوت.

☆ في حديث تاني بيقول إن بعد ما أهل الجنة هياكلوا كبد الحوت هياكلوا ثور الجنة ، وبعدين لحم الثور 🤔
لكن العلماء استنبطوا حكم، قال بعضهم، إن الحوت من الحيوانات المائية التي تشير لعنصر الحياة على وجه الأرض،
والثور من الحيوانات البرية التي تشير إلى الحرث والكسب في الارض،
فلما أهل الجنة يأكلوها ده كأنه إشارة إلى نهاية الدنيا وبداية الآخرة👌

أما الولد فساعات يكون شبهه لأبوه وساعات الشبه لأمه و أخواله:
وده لما يسبق ماء الرجل ماء المرأة يكون الشبه لأبوه، ولو سبق ماء المرأة ماء الرجل كان الشبه لها 👌

فقال له عبد الله بن سلام : أشهد أنك رسول الله 🤚
وبعدين قال :
يارسول الله اليهود قوم بُهْت، كذابين وبينكروا الحقيقة، فلو عرفوا إني أسلمت هيقولوا إني بكذب وبقول كلام مش موجود في التوراة، فأنت اسألهم عني الأول،
فاختبأ عبد الله بن سلام داخل البيت،
وجاء اليهود فسألهم رسول الله ﷺ عن عبد الله بن سلام :
تقولوا إيه عن عبد الله بن سلام، إيه رأيكم فيه؟
قالوا :
ده أعلم واحد فينا وابن أعلمنا وأحسن واحد وابن أحسن واحد فينا، وسيدنا وابن سيدنا
فقال لهم رسول الله ﷺ: طيب إيه رأيكم لو أسلم؟
فقالوا : أعاذه الله من ذلك😲

فخرج عليهم عبد الله بن سلام وقال لهم:
أشهد ألا إله إلا الله وأن محمدا رسول الله
فقال اليهود:
ده شرنا وابن شرنا وأسوا واحد فينا، وقعدوا يشتموه😶
فعبد الله بن سلام قعد يقول لهم : اتقوا الله انتم عارفين إنه رسول الله، آمنوا به 👌
فقالوا له : كذبت😡

فرسول اللهﷺ قعد يهدي الأمور لحد ما مشيوا، فكده بقى الموضوع واضح قصاده ﷺ،
هم عارفين إنه نبي لكن مش عايزين يؤمنوا به😑
وده كان حال كل اليهود، عارفين إنه رسول لكن لم يؤمنوا به استكبارا وحسدا، فلم يسلم من اليهود إلا القليل👌

يبقى كده رسول الله ﷺ

والصحابة هيعيشوا مع اليهود في المدينة، يبقى احنا محتاجين قوانين تنظم الأمور البلد،
عشان محدش يظلم الثاني 🤷‍♀️
نشوف القوانين أو خلينا نقول المعاهدة إللي حصلت بين رسول الله ﷺ وبين اليهود

◇أولا:
اليهود بقائلهم المختلفة هيعيشوا مع المؤمنين في المدينة لكل واحد دينه الخاص،
"لَا إِكْرَاهَ فِي الدِّين"
◇ثانيا:
المسلمين لهم اقتصادهم الإسلامي وذمتهم المالية الخاصة بهم، واليهود لهم ذمتهم المالية الخاصة،
فمش معنى إن الرئاسة في الدولة للمسلمين يبقى نظلمهم ونأخذ حقهم أو ناخذ ممتلكاتهم👌
◇ثالثا:
لو حصل حرب أو حصار على المدينة فيجب على الجميع المسلمون واليهود الدفاع عن المدينة يدا بيد👌
◇رابعا:
إذا حصل حرب الكل يساهم بأمواله عشان يدافع عن البلد، ويكون بينهم النصح والبر، وينصروا المظلوم👌
◇خامسا:
لا تُجَار قريش ولا من ناصرها، بند واضح وصريح، عشان محدش ييجي بعدين من اليهود الماكرين إللي بيتحايلوا على كل الأوامر ويقولوا لرسول الله ﷺ أصل إنت مقلتش
أهه بيقولها لهم واضحة وصريحة :

تقطعوا علاقتكم بقريش، ولا تُجيروا ولا تحموا أي احد من قريش ولا أي أحد يناصر قريش👌
ولو قريش هجمت على المسلمين في المدينة يجب على اليهود إنهم يساعدوا المسلمين في حربهم ضد قريش،
مش العكس👌
◇سادسا:
مفيش أي أحد من اليهود يخرج من المدينة إلا بإذن رسول الله ﷺ، زي نظام الجوازات كده،
يعني عايز تطلع برة المدينة تروح لرسول الله ﷺ وتستأذنه
ليه طيب التضييق ده 🤔
لأن اليهود ممكن يشعلوا نار الفتنة برة المدينة فيدخلوا المدينة في مشاكل ملهاش لازمة😑
◇سابعا:
أي خلاف أو مشكلة بين اليهود والمسلمين فالحكم فيها لله ولرسوله👌

الناس إللي بتقعد تقول ده الرسول عمل معاهدات مع اليهود، فاحنا كمان نعمل عادي 😤
حلو أوي مفيش مشاكل، لكن هل المعاهدة إللي رسول الله ﷺ عملها مع اليهود فيها أي مخالفة لشرع ربنا؟

اعرفوا وعرفوا الناس إن رسول الله ﷺ لما عمل المعاهدة مع اليهود كانت اليد العليا للإسلام والمسلمين،
مكنتش بالذل والإمتهان إللي احنا عايشين فيهم دول😡
وهنشوف لما اليهود هيخالفوا شروط الإتفاق رسول الله ﷺ هيعمل فيهم إيه👌

إيه بقى موقف اليهود من شروط المعاهدة إللي رسول الله ﷺ حطها دي،
يعني هل وافقوا ولا اعترضوا ولا عملوا إيه🤔
المفاجأة إنهم وافقوا ومحدش فيهم اعترض على حاجة، مع إن أعدادهم كبيرة ومعاهم السلاح والأموال يعني هم يعتبروا دولة مستقرة،
بعكس الدولة الإسلامية إللي لسه في بدايتها وتعتبر ضعيفة ومحدش معترف بيها،
فليه بقى اليهود سلموا كده لرسول الله ﷺ 🤨
ده إللي هنعرفه الجزء الجاي إن شاء الله😊

#السيرة_النبوية
#ايمان_شلبي

يا شيخ متي يفرج الله همي؟
ج
حين تنتهي فترة تأديبك، حين تقطع حبال أملك بالبشر
وتوقن أن الله وحده من يقدر على إنقاذك، حين تشفى جراح قلبك، حين يصغر الأحبة في قلبك ويبقى فيه الحبيب الأعظم المستحق للحب اللا نهائي الله جل جلاله

حين تمتلئ بالأنس بالله والفرح بقربه، حين تعي جيدا معنى ( و ما خلقت الجن و الإنس إلا ليعبدون)

حين يستجيب الله دعاءك الذي لم يسمعه أحد سواه، حين تبكي فرحا أن ربك يريدك أن تعود إليه بابتلاء

حين تهتف كل ذرة فيك :
اللهم ردنا إليك ردا جميلا، اللهم نسألك حبك وحب من يحبك وحب كل عمل يقربنا الى حبك..

الحمد لله .. وبعد،
توسع الأخوات الرهيب في وضع صورهن في الاستوري و على الصفحات سواء كن منتقبات أو كاشفات وجوههن أمر يستحق التعقيب ونصحهن لله.

الأمر في ازدياد مرعب وتطور سريع جدًا .. والدائرة تتوسع بشكل كبير حتى من أخوات كن أبعد ما يكون عن هذا لسنوات طوال.
لكن يبدو أن التعايش مع الأمر والاعتياد جعل هذه العادة السيئة تنتشر بلا نكير حتى صار أمرُا معتادًا.

وبغض النظر عن التأصيل الفقهي سواء قلنا بالتحريم المتحقق بلا ريب في بعض الصور أو قلنا بالكراهة الشديدة جدًا - على الأقل - في بعض الصور المنضبطة نسبيًا= فإن هذا أمر قبيح وانتشاره بين الصالحات محزن، فاتقين الله في أنفسكن والله .. خاصة لمن كانت يُحتذى بها لالتزامها وديانتها.

أما الاستدلال بقياس وضع الصورة على حال بروز المرأة في الشارع أو تعاملها مع الرجال لحاجة= فهذا قياس فساده غني عن البيان.

ورحم الله امرأة قبلت النصيحة وأعادة النظر في شأنها هذا.
أسأل الله أن يستركن في الدنيا وفي الآخرة عن عذاب النار.
آمين

#الأربعين_النسائية🌿

نكمل بإذن الله أحاديث الأربعون النسائية واليوم نبدأ بموضوع خطير انتشر للأسف وكان سبب في كثير من المفاسد والفتن نتيجة التهاون فيه
ولو سرنا على شرع الله لاختفت كثير من مشاكلنا

فاجتماع الرجال والنساء في مكان واحد ومزاحمة بعضهم لبعض من الأمور المحرّمة في الشريعة ؛ لأنّ ذلك من أسباب الفتنة وإثارة الغرائز ومن الدّواعي للوقوع في الفواحش والآثام .
فقد جبل الله , الرجال على القوة والميل إلى النساء ، وجبل النساء على الميل إلى الرجال مع وجود ضعف ولين ، وقد سد الشارع الأبواب المفضية إلى تعلق كل فرد من أفراد النوعين بالآخر ؛ لأن النفس أمارة بالسوء والهوى يعمي ويصم ، والشيطان يأمر بالفحشاء والمنكر.
وقد راعى النبي ﷺ منع اختلاط الرّجال بالنساء حتى في أحبّ بقاع الأرض إلى الله وهي المساجد وذلك بفصل صفوف النّساء عن الرّجال ، والمكث بعد السلام حتى ينصرف النساء ، وتخصيص باب خاص في المسجد للنساء وحتى أثناء المشي في الطريق .

نقرأ الأحاديث معا:
باب تخصيص النساء بباب في المسجد:
عن نافع عن ابن عمر رضي الله عنه قال: قال رسول الله ﷺ : ( لو تركنا هذا الباب للنساء ) ، قال نافع: "فلم يدخل منه ابن عمر حتى مات" رواه أبو داود

باب ليس للنساء وسط الطريق:
عن أبي أسيد الأنصاري أنه سمع رسول الله ﷺ يقول وهو خارج من المسجد فاختلط الرجال مع النساء في الطريق فقال رسول الله ﷺ للنساء: " ( استأخرن فإن ليس لكُن أن تحْقُقْنَ الطريق عليكن بحافات الطريق ) فكانت المرأة تلتصق بالجدار حتى إن ثوبها ليتعلق بالجدار من لصوقها به"رواه أبو داود
ومعنى أن تحْقُقْنَ: هو أن تركبن حُقها وهو وسَطها

باب طواف النساء من غير اختلاط بالرجال:
عن ابن جريح قال "أخبرني عطاء إذ منع ابن هاشم النساء من الطواف مع الرجال قال: كيف يمنعهن وقد طاف نساء النبي ﷺ مع الرجال؟ قلت: أبعد الحجاب أو قبل؟ قال: أي لعمري لقد أدركته بعد الحجاب ، قلت: كيف يخالطن الرجال؟ قال: لم يكن يخالطن ، كانت عائشة لتطوف حَجْرَة - يعني ناحية - من الرجال لا تخالطهم" رواه البخاري

باب تخصيص النساء بمجالس العلم وإفرادهن بمكان مستقل عن الرجال عند الحاجة:
عن أبي هريرة رضي الله عنه قال: جاء نسوة إلى رسول الله ﷺ فقلن: "يا رسول الله ما نقدر عليك في مجلسك من الرجال ، فواعدنا منك يوما نأتيك فيه فقال: ( موعدكن بيت فلان ) وأتاهن في اليوم ولذلك الموعد قال: فكان مما قال لهن ( ما من امرأة تقدم ثلاثًا من الولد تحتسبهن إلا دخلت الجنة ) ، فقالت امرأة منهن : أو اثنان ؟ ، قال : ( أو اثنان ) " رواه أحمد

إذا لدينا أربعة أحاديث واضحة وصريحة تحذرنا من الاختلاط حتى في أشرف الأماكن وهي المساجد ودروس العلم وبصحبة النبي صلى الله عليه وسلم فكيف بغيرها؟

#الأربعين_النسائية
#هبة_حلمي

اللهم حسن الاثر🤲🏻

(لنختم القرآن سماعا)

الورد (١٩٩)

(الربع الثالث & الحزب الخمسون )

#القارئ: محمد عبادة
#ليدبروا على التليجرام
https://www.tg-me.com/GhRoooh/12089

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/oiqd35Ob3oo?feature=shared
#صباحكم_قرآنٌ_يُتلى

أهل "والقرآنُ إن صَحِبته في الدنيا كظلّك؛ ‏أظلّك في الآخرة، مُصاحبًا لك!||•🌿

#قصص_الأنبياء(٢)
#السيرة_النبوية
#الحلقة_الثالثة_والخمسون
#أحداث_السنة_الأولى_من_الهجرة

كنا واقفين المرة إللي فاتت عند المعاهدة إللي رسول الله ﷺ عملها مع اليهود وشفنا القوانين إللي رسول الله ﷺ وضعها عشان ينظم العلاقة بين اليهود والمسلمين وشفنا إزاي اليهود وافقوا على المعاهدة دي،
وكان السؤال إللي بيفرض نفسه هو : ليه اليهود وافقوا كده بكل بساطة على كلام رسول الله ﷺ من غير ما يعترضوا مع إنهم الأقوى 🤔
موافقتهم كان لها أسباب:

◇أولا :
اليهود بطبعهم جبناء جدا، فلما يلاقوا إللي يواجههم بقوة ويكون ثابت على مبدأ، يخافوا ويقلقوا، وينزلوا على شروط القوي،
"لأَنْتُمْ أَشَدُّ رَهْبَةً فِي صُدُورِهِمْ مِنَ اللَّهِ"
وهم أحرص الناس على حياة، أهم حاجة عندهم إنهم يعيشوا، مش مهم العيشة عاملة إزاي لكن أهم حاجة إنهم عايشين،
"وَلَتَجِدَنَّهُمْ أَحْرَصَ النَّاسِ عَلَى حَيَاةٍ "

◇ثانيا:
اليهود كانت قبائل متفرقة وفي تفرق كبير بينهم، فكل فريق له عداوات مع الفريق الثاني،
"بَأْسُهُم بَيْنَهُمْ شَدِيدٌ ۚ تَحْسَبُهُمْ جَمِيعًا وَقُلُوبُهُمْ شَتَّىٰ"
فرسول الله ﷺ كان عارف الفُرقة إللي بينهم دي وعارف إنهم مش هيتحدوا فكان بيتكلم بكل قوة وثبات👌

◇ثالثا:
اليهود أهم حاجة عندهم مصالحهم، فهم قبلوا بكلام رسول الله ﷺ عشان يحافظوا على مصالحهم،
ولو دخلوا في مواجهة مع الأوس والخزرج إللي بيشتروا منهم، مش هيلاقوا حد يبيعوا له، فبالتالي تجارتهم هتضيع🤷‍♀️

◇رابعا:
الرهبة والرعب في قلوبهم من رسول الله ﷺ والمؤمنين👌
بمعنى إن ربنا بيلقي في قلوب اليهود الرعب من المؤمنين لما بيقابلوهم،
ودي حاجة خاصة بالمؤمنين الصادقين، والنصر بالرعب ده جندي من جنود الله رسول الله ﷺ قال :
"نُصرت بالرعب مسيرة شهر"
يعني يكونبين العدو وبين رسول الله ﷺ مسافة شهر والتاني قاعد مرعوب

طيب بعد ما اليهود وافقوا على المعاهدة واتفقوا مع رسول الله ﷺ هل التزموا بكلامهم وعاشوا مسالمين مع المسلمين في المدينة😕
لأ طبعا...عملوا كوارث..حاولوا يفرقوا بين المسلمين ويثيروا الحرب بين الأوس والخزرج وحاولوا يقتلوا رسول الله ﷺ ،
وبقوا يشجعوا الأوس والخزرج على عدم الإنفاق ،


نرجع لرسول الله ﷺ ونشوفه إزاي اتعامل مع الحصار الاقتصادي الداخلي والخارجي إللي حاولت قريش تفرضه على رسول الله ﷺ،
قلنا قبل كده إن قريش استغلت علاقتها بالقبائل واتصالتها مع اليهود عشان يحاصروا المسلمين اقتصاديا في المدينة،
لكن رسول الله ﷺ كان متوقع حاجة زي كده،
إيه هي أهم الحاجات إللي الإنسان بيحتاجها عشان يعيش🤔
الماء والغذاء💁‍♀️
طيب الماء موجود في أبار اليهود والمسلمون بيشتروا منهم الماء،
طيب لو اليهود رفضوا بيع الماء للمسلمين، هتبقى مشكلة جامدة😶
يبقى الحل إن المسلمين يكون عندهم بئر خاص بهم👌
قال رسول الله ﷺ للمسلمين :
مين يشتري بئر روما وله الجنة؟
فاشتراها عثمان بن عفان رضي الله عنه وراح لرسول الله ﷺ وقال له إنه اشتراها، فقال له رسول الله ﷺ اجعلها سبيل للمسلمين،
يعني هو اشتراها بآلاف الدراهم ورسول الله ﷺ قال له خليها للمسلمين ببلاش 😮
خدوا بالكم إن التربية الإيمانية إللي رسول الله ﷺ ربى عثمان رضي الله عنه عليها خلال السنين إللي فاتت دي هي خلت عثمان يتنازل بكل سهولة عن آلاف الدراهم إللي عاش عشان يجمعها،
الدافع الرئيسي هو إنه يريد الحنة👌
وبكده تم تأمين المصدر الرئيسي للمياه للمسلمين في المدينة،
طيب الغذاء وباقي السلع هنجيبها منين🤔
هنجيبها من السوق، والسوق بإيد اليهود برده😕
يبقى الحل إننا نعمل سوق موازي للمسلمين، لأن المسلمين لازم يكون لهم الاقتصاد الخاص بهم،
افرضوا اليهود رفعوا ثمن السلع، المسلمين هيعملوا إيه😑
يبقى أول حاجة عشان الدولة تقف على رجلها إنها تعتمد على نفسها في تدبير أمور معيشتها، عشان متبقاش تحت رحمة أحد👌
بدأ رسول الله ﷺ مع المسلمين يبحثوا عن أرض واسعة تنفع تكون سوق، دوروا في كذا مكان مكنش في مكان مناسب، لحد ما جاء له رجل وقال له:
أنا لقيت أرض مناسبة إيه رأيك تشوفها يا رسول الله🤔
فراح معاه رسول الله ﷺ ولما شافها عجبته وضرب الأرض برجله وقال : أيوة ده السوق بتاعكم، فمحدش ينقص من قيمته ولا حد يفرض عليه ضرائب👌
يعني أي حد عايز ييجي يبيع في السوق ده ييجي من غير ما يدفع ضرائب ولا رسوم ولا أي حاجة،
وبدأ السوق يكبر شوية شوية، أيوة هو مش زي سوق اليهود ،
لكن على الأقل المسلمين هم المتحكمين فيه بقوانينهم وشريعتهم هم👌
وبكده رسول الله ﷺ فوّت على قريش فرصة إنهم يحاصروه اقتصاديا✌

احنا دلوقتي في السنة الأولى من الهجرة، رسول الله ﷺ رتب أموره وعمل المعاهدات وبدأت الدولة تستقر،
حصلت أحداث كثيرة في السنة دي من الأحداث إللي حصلت: إن رسول الله ﷺ تزوج بعائشة رضي الله عنها وهي ابنة تسع سنين،
بتحكي عائشة رضي الله عنها إنها كانت بتلعب مع أصحابها على المرجيحة فلقت أمها أم رومان بتنده عليها وهي مش عارفة عايزة إيه،

فلما راحت لها أخذتها لحد باب البيت وأنا عمالة أنهج، فلما هديت شوية مسحت وجهي ورأسي بالماء وبعدين أدخلتني الدار، فلقيت مجموعة من نساء الأنصار في البيت وقلن:
على الخير والبركة،
فسلمتني لهن فقعدوا يعدلوا في هدومي ويهيؤوني،
وبعدين لقيت رسول الله ﷺ داخل علينا فسلموني له ودخل بي وأنا بنت تسع سنين👌

☆قلنا قبل كده مواصفات السيدة عائشة وإنها كانت طويلة وإنها مش زي بناتنا إللي عندهم تسع سنين،
هي كانت امرأة بالغة تنفع للزواج
وقصة زواج رسول الله ﷺ من السيدة عائشة وهي بنت تسع سنين موجودة في صحيح البخاري،
ثم أنا بستغرب بصراحة من الناس إللي بتقعد تقول إزاي رسول الله ﷺ يتزوج بنت صغيرة كده
هو انتم يا جماعة معداش عليكم نساء قصيرات متزوجات من رجال طوال جدا،
اشمعنى يعني عقلكم جايب دي ومش جايب دي😕
ده على افتراض يعني إن عائشة رضي الله عنها مكنتش امرأة طويلة بالغة تنفع تتزوج زي البنات إللي عندهم سبعة عشرة وثمانية عشرة سنة🙄
ثم تعالوا هنا😡
يعني المشركين واليهود أيام رسول الله ﷺ وإللي واقفين ومستنيين غلطة لرسول الله ﷺ عشان يشهروا به ويعملوا مشكلة ويطعنوا في رسول الله والإسلام،
هيفوتهم إنهم يتكلموا عن رسول الله ﷺ ويستنكروا إنه تزوج بطفلة😑
ده غير كده موضوع إن الرجل يتزوج امرأة وفارق السن بينهم كبير ده كان شيء عادي أيام الجاهلية،
فالموضوع محتاج إننا نفهم الأمور بعصر رسول الله ﷺ وعقلية الناس إللي كانت عايشة فيه مش بعصرنا احنا👌

من الأحداث إللي حصلت برده في السنة الأولى من الهجرة، واحد من المسلمين خرج مهاجر من مكة للمدينة اسمه صهيب الرومي،
من أوائل المسلمين واحنا حكينا قصته قبل كده، وقلنا أد إيه كان ماهر وبارع لدرجة إن سيده أعتقه وبقى غني،
فلما جه عشان يهاجر خبى أمواله في مكان وطلع في الليل مهاجر،
فشافه ناس من أهل مكة وطلعوا يجروا وراه عشان يمسكوه،
فوقف وقال لهم: إنتم عارفين مهارتي في رمي السهام، وإن كل سهم هرميه هقتل منكم واحد👌
فقالوا له : إنت جيت لنا فقير صعلوك معندكش أي مال، ولما بقى عندك فلوس عايز تاخد أموالنا وتهرب 😡
فقال لهم: يعني لو أنا أعطيكم الفلوس تسبوني أمشي🤔
فقالوا له : أه هنسيبك😤
فقال لهم : طيب عارفين مكان كذا وكذا، روحوا احفروا هتلاقوا أموالي كلها هناك👌

فسابوه وراحوا حفروا وطلعوا الأموال وأخذوها😕
لما وصل الخبر لرسول الله ﷺ قال عن صهيب :
ربح البيع أبا يحيى، ربح البيع أبا يحيى.
ونزلت فيه:
"وَمِنَ النَّاسِ مَنْ يَشْرِي نَفْسَهُ ابْتِغَاءَ مَرْضَاتِ اللَّهِ وَاللَّهُ رَءُوفٌ بِالْعِبَادِ"

من الأحداث إللي حصلت إن اليهود قالوا من باب الفتنة بين المسلمين إنهم سحروا المهاجرين فمبقاش يولد لهم مولود ذكر😳
لحد ما جاءت أسماء بنت أبي بكر الصديق رضي الله عنها وكانت حامل، فلما وصلت قباء ولدت عبد الله بن الزبير، فذهبت به لرسول الله ﷺ ووضعته في حجره وطلب تمرة ثم مضغها وحنك فم عبد الله بالتمرة ودعا له،
وكان عبد الله بن الزبير هو أول مولود يولد للمسلمين في المدينة بعد الهجرة،
وفرح الصحابة به فرح شديد لدرجة إنهم أخذوه وحملوه وقعدوا يكبروا😅

فكان عبد الله بن الزبير أو مولود للمهاجرين بعد الهجرة، وكان النعمان بن بشير هو أول مولود للأنصار بعد الهجرة 😊
في السنة الأولى من الهجرة زيدت الصلاة،
يعني احنا عندنا خمس صلوات مفروضين من أيام الإسراء والمعراج كل صلاة ركعتين،
دلوقتي عدد الركعات نفسها هتزيد، يعني الظهر والعصر والعشاء هيبقوا أربع ركعات والمغرب ثلاثة لكن الصبح هيفضل ركعتين زي ما هو

طيب إزاي المسلمين هيجتمعوا للصلاة🤔
بدأ المسلمون يتشاوروا ، فريق قال :نحط راية لما ييجي وقت الصلاة والناس تقول لبعضها، في ناس قالت طيب نسعتمل البوق، وكان اليهود بينادوا يه لصلاتهم،
فكرهه رسول الله ﷺ،
فقالوا ممكن نستعمل الناقوس، جرس النصارى يعني، فكرهه برده رسول الله ﷺ،
فقام واحد من الصحابة اسمه عبد الله بن زيد ومشي وهو عمال يفكر في حل،
فلما رجع بيته ونام شاف رؤيا، إن في رجل بيقول له لما يأتي وقت الصلاة قل:
الله أكبر الله أكبر ....إلى نهاية الأذان، فصحِي من النوم وراح لرسول الله ﷺ وحكى له على الرؤيا فاستبشر بها رسول الله وقال له إنها لرؤيا حق👌
وقال له علمها لبلال فهو احسن صوتا،
فلما أذن بلال سمعه عمر بن الخطاب وجاء لرسول الله ﷺ وقال له والله يارسول الله أنا شفت الأذان ده في رؤيا رأيتها
فقال له رسول الله ﷺ : الحمد لله.
وبقى الأذان المعروف هو النداء للصلاة
من الأحداث إللي حصلت إرسال رسول الله ﷺ حمزة بن عبد المطلب في سرية من المهاجرين عشان يرصدوا قافلة لقريش،
إيه إللي حصل مع السرية وهل نجحت في مهمتها ولا لأ،
ده إللي هنعرفه الجزء الجاي إن شاء الله😊


#السيرة_النبوية
#ايمان_شلبي

الأربعين_النسائية🌿


الاختلاط منه ما هو محرم ومنه ما هو جائز:

فالاختلاط المحرم :هو اجتماع الرجال والنساء في مكان خاص , أو موطن يدعو إلى الفساد والريبة أو اشتمل على محظور شرعي ، كأن تكون هناك مماسة بين الجنسين ، أو عدم احتجاب النساء ، ونحو ذلك. وحقيقته أن يخالط الرجل المرأة ويجلس إليها كما يجلس إلى امرأته أو إحدى محارمه بحيث يرتفع الحاجز بينهما ويطلع على مفاتنها , ويتمكن من التأثير عليها لو أراد ، ويزداد الأمر سوءًا إذا كان ملازمًا لها كالاختلاط في التعليم , أو مجال العمل , وكل من ابتلى بذلك علم أنه لابد أن يطلع على خصوصيات المرأة , ولا بد أن يخلو بها.

الاختلاط الجائز: وهو كل ما كان في الأماكن العامة وتدعو الحاجة إليه ويشق التحرز عنه , ولا محظور فيه كاختلاط النساء بالرجال في الأسواق والمساجد والطرقات ووسائل المواصلات , ونحو ذلك , وكل ما ورد في الشرع من الرخصة محمول على هذا القسم ولا يمنعه أحد من أهل العلم.
ولكن يشترط لجواز الاختلاط على هذا النحو شروط - وإن كان الأولى الاحتياط في ذلك كله لفساد الزمان وأهله - .

فماهي هذه الشروط يا ترى؟

شروط الاختلاط الجائز:
الشرط الأول : أن يخلو من تبرج المراة وكشف مالا يجوز لها كشفه.

الشرط الثاني : أن يخلو من النظر إلى مالا يجوز النظر إليه.

الشرط الثالث : أن لا تـتكسر المرأة في الكلام وتخضع فيه.

الشرط الرابع : أن لا يكون مع خلوة ، فإن كان مع خلوة - بأن كان رجل وامرأة في مكان لا يراهما فيه أحد - حرم الاختلاط.

الشرط الخامس: أن لا تظهر المرأة على حالة تثير الرجال من تعطر واستعمال لأدوات الزينة.

الشرط السادس: أن يخلو من إزالة الحواجز بين الجنسين حتى يتجاوز الأمر حدود الأدب ويدخل في اللهو والعبث كالاختلاط الذي يحدث في الأفراح .

الشرط السابع: أن يخلو من مس أحد الجنسين الآخر دون حائل فلا تجوز المصافحة.

الشرط الثامن: أن يخلو من تلاصق الأجسام عند الاجتماع.

وهذه الشروط الثلاثة الأخيرة من الحواجز التي وضعها الدين بين الرجل والمرأة حذرا من الفتنة والتجاذب الغريزي الذي قد يغري أحدهما بالآخر ، فإذا توفر في الاختلاط هذه الشروط كان حلالًا وإن فقد شرط من هذه الشروط كان الاختلاط حرامًا.

#الأربعين_النسائية
#هبة_حلمي