نصيحة مهمة جدًا لأصحاب الهموم والديون🌿

#قصص_الأنبياء(٢)
#السيرة_النبوية
#الحلقة_الخامسة_والأربعون
#قصص_القرآن
#أصحاب_الجنة
#لقمان

وقفنا المرة إللي عند رسول الله ﷺ وهو بيجهز لهجرته ليثرب،
لكن قبل ما نسيب مكة مع رسول الله ﷺ ونهاجر ليثرب محتاجين نعرف قصتين من قصص القرآن نزلت في مكة خلال الثلاثة عشرة سنة إللي عاشاها رسول الله ﷺ بعد البعثة😊

◇القصة الأولى قصة أصحاب الجنة،
ربنا أنزل آيات في سورة القلم في بداية الدعوة بيحكي لرسول الله وللمسلمين ولكفار قريش قصة رجل صالح من أهل الكتاب وأبنائه الخمسة في الزمن إللي فات،
عشان يضرب لهم المثل ويقول لهم عاقبة إللي بيكفر نعمة ربنا هتكون إيه👌
كان في رجل صالح عنده جنة، يعني حديقة كبيرة جدا مليانة أنواع الشجر والنخيل والثمار ،يُقال إن الجنة دي كان في مدينة من مدن اليمن،
الرجل الصالح ده كان من عادته إنه يقسم الثمار أو المحصول ثلاثة أقسام، قسم بياخده لبيته وأولاده،
وقسم بيوزعه على الفقراء والمساكين، وقسم بيرجعه الأرض تاني عشان يعيد إنتاجه،
وكان ربنا مُبارِك له بسبب صدقته على الفقراء والمساكين،
عياله مكنش عاجبهم الموضوع، بالنسبة لهم أبوهم ده رجل بيضيع فلوسه وإنهم أوْلى بالثمار إللي أبوهم بيوزعها عالناس دي،
المفروض يُؤَمن مستقبلنا احنا، حد عارف المستقبل فيه إيه😤
ماعدا واحد فيهم كان شايف إن إللي أبوه بيعمله هو الصح، وإن الرزق والنعم إللي هم فيها دي بسبب بركة ربنا لهم في البستان بتاعهم،
عدت السنين ومرض أبوهم ومات وورث الأبناء الخمسة البستان، وكان في السنة إللي أبوهم مات فيها دي محصول البستان بتاعهم كثير جدا أكثر من أي سنة فطمعوا
و قالوا:
أبونا ده كان رجل أحمق ، يعني مش بيعرف يدبر أموره،
بيصرف على الفقراء من أموالنا دي😑
فاحنا بقى مش هنعطي لأي أحد حاجة من الثمار دي وهنوفر ونعيش مرتاحين😈
فأخوهم الأوسط قال لهم:
بلاش تعملوا كده، خليكم زي ما كان أبونا بيعمل، الثمر إللي إنتم شايفينه ده بسبب بركة ربنا😥
طبعا مسمعوش الكلام🙃
اتفقوا مع بعض وأقسموا من غير ما يقولوا إن شاء الله ،
إنهم هيصحوا الصبح بدري في أواخر الليل كده عشان يجمعوا الثمار قبل ما أي أحد من الفقراء والمساكين ييجي ومش هيستثنوا ولا واحد من الناس دي👌
"إِنَّا بَلَوْنَاهُمْ كَمَا بَلَوْنَا أَصْحَابَ الْجَنَّةِ إِذْ أَقْسَمُوا لَيَصْرِمُنَّهَا مُصْبِحِينَ"

ده كان تدبيرهم وتخطيطهم، لكن رب العالمين يعلم بكل شيء، فأرسل على البستان بتاعهم عذاب من السماء، يقال إن العذاب ده كان نار أحرقت كل البستان لحد ما بقى أسود فحمة وكل ده وهم نايمين ميعرفوش حاجة😶
"فَطَافَ عَلَيْهَا طَائِفٌ مِنْ رَبِّكَ وَهُمْ نَائِمُونَ* فَأَصْبَحَتْ كَالصَّرِيمِ"

كانوا عايزين يمعنوا حق ربنا في الفقراء والمساكين عشان يحوّشوا ويزودوا دخلهم ونسيوا إن ربنا هو إللي بيرزق،
وإن الثمار دي لولا إن ربنا أذن إنها تخرج مكنتش خرجت،
فعاقبهم الله بعكس إللي كانوا بيخططوا له،
يعني مش بس مفيش حاجة تحوشوها، لأ...ده حتى الجزء إللي كنتم بتاخدوه كل سنة مش هتاخدوا منه ثمرة 👌
"وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ "

صحيوا الصبح ...يلا يا جماعة بسرعة نروح قبل ما أحد ييجي لو إنتم فعلا جادين في كلامكم بتاع امبارح😤
" فَتَنَادَوْا مُصْبِحِينَ * أَنِ اغْدُوا عَلَى حَرْثِكُمْ إِنْ كُنْتُمْ صَارِمِينَ"
مشيوا براحة ومن غير ما يعملوا أي صوت عشان محدش يحس بيهم من الفقراء وييجي يطلب منهم الصدقة🤫
"فَانْطَلَقُوا وَهُمْ يَتَخَافَتُونَ * أَنْ لَا يَدْخُلَنَّهَا الْيَوْمَ عَلَيْكُمْ مِسْكِينٌ * وَغَدَوْا عَلَى حَرْدٍ قَادِرِينَ"

أول ما وصلوا البستان لقوها عبارة عن سواد كل حاجة محروقة 😳
قالوا إيه ده...احنا تهنا ولا إيه؟
"فَلَمَّا رَأَوْهَا قَالُوا إِنَّا لَضَالُّونَ"
فلما اتأكدوا إن إن فعلا ده البستان بتاعهم عرفوا إن ربنا غضب عليهم وعاقبهم بسبب نيتهم الخبيثة بمنع حق الفقراء،
"بَلْ نَحْنُ مَحْرُومُونَ"

هنا تكلم أخوهم الأوسط وكان قد خرج معهم لعله يقول لهم كلمة تنفعهم ويرجعوا عن إللي في دماغهم، قال لهم:
مش أنا حذرتكم ومسمعتوش كلامي😓
"قَالَ أَوْسَطُهُمْ أَلَمْ أَقُلْ لَكُمْ لَوْلَا تُسَبِّحُونَ"

قالوا : فعلا كان معاك حق احنا ظلمنا نفسنا، ومكنش ينفع نمنع الفقراء والمساكين😔
"قَالُوا سُبْحَانَ رَبِّنَا إِنَّا كُنَّا ظَالِمِينَ"
فقعدوا يرموا اللوم على بعض...كل واحد بقى يقول إنت السبب إنت إللي شجعتنا ،
"فَأَقْبَلَ بَعْضُهُمْ عَلَى بَعْضٍ يَتَلَاوَمُونَ "
وبعدين قالوا فعلا احنا اعتدينا وطغينا وتعدينا حدود ربنا واحنا معترفين بغلطنا،
"قَالُوا يَا وَيْلَنَا إِنَّا كُنَّا طَاغِينَ"
لكن الإعتراف بالغلط والتوبة لا يرفع العذاب إللي نزل، فعشان كده قالوا :
لعل ربنا يرزقنا أحسن منها في الجنة بسبب توبتنا دي واحنا عايزين العفو من ربنا😔

" عَسَى رَبُّنَا أَنْ يُبْدِلَنَا خَيْرا مِنْهَا إِنَّا إِلَى رَبِّنَا رَاغِبُونَ"
فهم لما نزل بهم البلاء تابوا ورجعوا لربنا وهو ده المطلوب👌

☆طيب احنا كده فهمنا القصة ..إيه بقى علاقتها بكفار قريش🤔
رسول الله ﷺ قعد يدعوا المشركين لعبادة الله، وأهل مكة ربنا أنعم عليهم بالنعم الكثيرة، رحلتي الشتاء والصيف،
وعندهم زمزم، وعندهم الحرم الآمن،
وعندهم الأموال بالأولاد، نعم لا تُعد ولا تُحصى
هو أعطاها لهم ابتلاء واختبار زي ما ضاعف الثمار لأصحاب الجنة،
لكنهم مع النعم دي كلها كفروا بالله ومش عايزين يسمعوا كلام رسوله، فابتلاهم الله بقحط وجدب،
لدرجة إنهم أكلوا الجلود والجِيَف، ومع ذلك لم يؤمنوا برسول الله ﷺ ومراجعوش نفسهم زي ما أصحاب الجنة عملوا👌
وإللي انتم مش قادرين تستحملوه ده ،عذاب الدنيا بس أما عذاب الآخرة فهو أكبر بكثير😓
" * كَذَلِكَ الْعَذَابُ وَلَعَذَابُ الْآخِرَةِ أَكْبَرُ لَوْ كَانُوا يَعْلَمُونَ"

◇القصة الثانية معانا النهاردة هي قصة لقمان الحكيم😊
ربنا سمى سورة كاملة باسم لقمان، وده بيدل على مكانة لقمان الحكيم،
"وَلَقَدْ آتَيْنَا لُقْمَانَ الْحِكْمَةَ أَنِ اشْكُرْ لِلَّهِ"
الغرض من القصة إننا ناخد منها العبرة زي ما قلنا قبل كده،
لأن القرآن مش كتاب تاريخ عشان يشرح القصص بالتفصيل
يقول ابن كثير في البداية والنهاية إن لقمان اختلفت فيه الأقوال، يعني علماء قالوا إنه كان قاضي في زمن داوود عليه السلام،
وعلماء قالوا إنه كان من أهل النوبة وعلماء قالوا إنه كان عبد حبشي بيشتغل نجار وكان قصير وأنفه أفطس👃وشفايفه كبيرة وغليظة وقدماه مشققة،
ولكن على الرغم من شكله ده إلا إن ربنا أعطاه الحكمة ، وبقى أحسن من ناس كثيرة لدرجة إن ربنا خلّد ذكره وقصته في القرآن، فهو حكيم من الحكماء لكنه مش نبي

ربنا بيحكي عن لقمان وإزاي كان بينصح ابنه، وبيقول لنا القواعد الأساسية في حياة الإنسان قال له:

♡القاعدة الأولى:
يابني لا تُشرك بالله، يعني لا تعبد مع الله إله تاني، متدعيش حد غير ربنا،
متطلبش الحماية إلا من ربنا، مفيش حاجة اسمها خرزة زرقاء بتحمي، مفيش خمسة وخميسة ، مفيش حاجة اسمها إنسان ولا شجر ولاحجر نقعد نتبرك بهم،
متقعدش تتوسل بقبور الأنبياء والصالحين، الناس دي ماتت خلاص مش هتنفع البشر بشيء، توسل لربنا وادعيه على طول من غير واسطة👌
مفيش يابني حد يعرف الغيب غير ربنا، لا عرّافين ولا مُنجّمين ولا غيرهم😑
اوعي يابني تشرك بالله لأن الشرك هو الذنب الوحيد إللي ربنا لا يغفره لو الإنسان مات عليه😓
"وَإِذْ قَالَ لُقْمَانُ لِابْنِهِ وَهُوَ يَعِظُهُ يَا بُنَيَّ لَا تُشْرِكْ بِاللَّهِ إِنَّ الشِّرْكَ لَظُلْمٌ عَظِيمٌ "

♡القاعدة الثانية:
ربنا لا يظلم مثقال ذرة ويعلم كل أمر خفي👌
حتى لو صخرة إنت رميتها في البحر وجوة الصخرة دي حبة خردل ربنا عالم بيها،
فمهما حاولت تُخفي عن ربنا شيء هو بيعلمه، ده يعلم إللي نفسك بتقوله لك من غير ما تتكلم👌
"يَا بُنَيَّ إِنَّهَا إِنْ تَكُ مِثْقَالَ حَبَّةٍ مِنْ خَرْدَلٍ فَتَكُنْ فِي صَخْرَةٍ أَوْ فِي السَّمَوَاتِ أَوْ فِي الْأَرْضِ يَأْتِ بِهَا اللَّهُ إِنَّ اللَّهَ لَطِيفٌ خَبِيرٌ"

♡القاعدة الثالثة:
الصلاة...يابني أقم الصلاة، الصلاة هي الرابط إللي بين الإنسان وبين ربه، واحنا عن اتكلمنا عن الصلاة لما كنا بنتكلم عن فرضها في رحلة الإسراء والمعراج
"يَابُنَيَّ أَقِمِ الصَّلَاةَ"

♡القاعدة الرابعة :
الأمر بالمعروف والنهي عن المنكر👌
من أكثر الحاجات إللي اتكررت معانا كانت الأمر بالمعروف والنهي عن المنكر
قال له :
يا بني أؤمر الناس بالمعروف وانهاهم عن المنكر على قدر استطاعتك لو تقدر بالإيد أو اللسان أو القلب،
وإللي بيؤمر بالمعروف وينهى عن المنكر لازم هيصيبه أذى، فلازم تصبر على الأذى إللي هيصيبك ده،
ومش عشان أصابك أذى يبقى ده مبرر ليك إنك تسيب الأمر بالمعروف والنهي عن المنكر👌
"وَأْمُرْ بِالْمَعْرُوفِ وَانْهَ عَنِ الْمُنْكَرِ وَاصْبِرْ عَلَى مَا أَصَابَكَ إِنَّ ذَلِكَ مِنْ عَزْمِ الْأُمُورِ"

♡القاعدة الخامسة: الأخلاق
قال له : يابني لا تتكبر على الناس، ميبقاش حد بيكلمك ولا إنت بتكلم حد وتميل خدك كده وتبص له بجنب احتقارا له👌
ولما تمشي في الشارع امشي مشية متوسطة لا سريع ولا بطيء ومتمشيش تتمختر وشايف نفسك،
مفيش أي حاجة تدعو إنك تمشي فرحان بنفسك، يوم من الأيام هتبقى في باطن الأرض إللي إنت ماشي بتكبر عليها دي😞
"وَلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحا إِنَّ اللَّهَ لَا يُحِبُّ كُلَّ مُخْتَالٍ فَخُورٍ "
ومن الأخلاق إللي نصح لقمان ابنه بها إنه يوطي صوته لما ييجي يتكلم لأن أعلى صوت وأنكرها والناس بتكرهه هو صوت الحمير ،
فمادام هو مش محتاج إنه يعلي صوته ومفيش مناسبة لتعلية الصوت زي رفع الأذان مثلا يبقى يحافظ على توطية صوته👌

إن شاء الله في الجزء الجاي هنرجع لرسول الله ﷺ عشان نشوف خطته للهجرة ونعرف الأحداث الصحيحة للهجرة😉


#السيرة_النبوية
#ايمان_شلبي

هل للإنسان أجر في أمراضه النفسية كما في الأمراض العضوية ؟

ج/ نعم بكل تأكيد ..

قال النبي ﷺ : " ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه ".

الشيخ عبد العزيز الدميجي

ان كنت املك ثمن الحج لنفسي واريد ان أأخذ والدتي وزوجتي هل يجوز الانتظار والتأجيل لتدبير المبلغ المطلوب؟

ج / بل يجب عليك الحج فورا، ثم متى تيسر لك الحج ثانيا وإحجاج أمك وزوجتك فافعل مأجورا.

الشيخ محمود مداد

مابسمعش أغاني عشان حرام. بس ليه ماينفعش أروح أفراح فيها أغاني؟ يعني أنا بروح مجاملة للي قدامي وإاننا كقرايب بنتجمع مع بعض ونتكلم مابنركزش في الأغاني أصلا ومش إحنا اللي مشغلينها.

ج / قلت الأغاني حرام، وأنا سائلك ..

1. هل تصح المجاملة في الحرام؟

2. هل هناك مدخل للقرابة في قبول الحرام والرضا به؟ .. لو قريب لك دعاك للتجمع على كأس خمر أو تدخين مخدرات ستفعل لأنهم أقرباؤك والأمر مجرد مجاملة؟

3. هل أنت كمسلم ينتهي دورك عند اجتناب الحرام أم هناك شعيرة واجبة في حقك هي الأمر بالمعروف والنهي عن المنكر؟

فما بالك أنت بفعل هو دليل على الرضا والموافقة على الحرام ودعمه؟!

4. هل كونك غير المباشر للحرام يُحل لك المشاركة فيه؟ .. يعني لو إنسان هو اللي بيقتل وأنت بتراقب له الطريق = كده مش عليك حاجة علشان مش أنت اللي بتقتل؟!
هل لو إنسان هو من أحضر الخمر = تشربها لأنك لست أنت من أحضرها؟!

الله جل وعلا قال في صفة عباده: "والذين لا يشهدون الزور" ، لا يشهد الإنسان الزور ولا يقره ولا يرضاه لأي سبب، لمجاملة أو غيرها.

نظر الله أعظم من نظر البشر، ورضا الله أولى من رضاهم، ولحظة في مقام سخط من الله أسوأ من قطيعة كل الناس ..

ومع ذلك .. لا أقول لك قاطع أهلك وأرحامك .. نحن ابتلينا بمثل هذا والناس وضعاف والجهل فاشٍ .. فاذهب مبكرًا وسلّم وأحسن إليهم وسعك لكن لا تشهد معهم محرمًا أبدًا.

الشيخ كريم حلمي

انا لو قرأت القرآن من غير صوت كأنى معملتش حاجه و مش هاخد عليه اجر ؟! اصلى لما بقرأ بصوت عالى مش بركز و مش بفهم

ج / متقرأش بصوت عالي .. أسر القراءة بصوت خافت جدًا بقدر ما تُسمع نفسك فقط

الشيخ كريم حلمي

دايما بسمع جملة ما بقبلش العوض والعوض حرام، يعني لو حد خرب حاجة ما يصلحهاش ازاي؟

ج/ هذا إطلاق غير شرعي، وإنما هو مجرد إطلاق عرفي من باب المسامحة والتجاوز، لكن من أفسد شيئًا على صاحبه فعليه ضمانه وإصلاح ما أفسده إلا أن يسامحه صاحب الشيء.

والله أعلم.

الشيخ كريم حلمي

*الأربعون_النسائية* 🌿

هل تخرج البنت بدون إذن والدها؟

إذا كان ولي أمرها يملك أمر تزويجها ، فمن باب أولى : أن يملك القيام عليها في أمرها كله ، ومن
ذلك : أن يأذن لها في الخروج من بيته ، أو لا يأذن ؛ خاصة مع فساد الزمان وتغير الأحوال ، بل
الواجب على الولي – أبًا كان أم أخًا - أن يتحمل هذه المسؤولية ، ويحفظ أمانته التي عنده ، حتى
يلقى الله تعالى وقد أدب ابنته وعلمها وأحسن إليها ، والواجب على الفتاة أن لا تخالفه في مثل ذلك ،
وفي أمر المعروف كله ، ولا تخرج من بيتها إلا بإذن وليها

فهل المعقود عليها قبل الدخول تستأذن والدها أم زوجها؟

يلزم الزوجة طاعة زوجها واستئذانه إذا انتقلت إليه ، كما يلزمه أن ينفق عليها ، وأما إذا كانت في
بيت أبيها ولم يدخل بها الزوج ، فلا يجب على الزوج أن ينفق عليها ما دامت في بيت أبيها ، وليس عليها طاعته ، وإنما تستأذن أباها وتطيعه ، فإذا انتقلت إلى زوجها كانت طاعته أوجب .

المطلقة فترة العدة هل تستأذن أم لا؟

خروج المطلقة أثناء العدة هل يحتاج إلى إذن؟
المرأة إن كانت في عدة طلاق رجعي لم يجز لها الخروج إلا بإذن زوجها ، أما إن كانت معتدة من
طلاق بائن ، فلها الخروج لحاجتها ، ولو بغير إذنٍ ؛ لزوال الزوجية.
قال النووي رحمه الله : " إن كانت رجعية فهي زوجته ، فعليه القيام بكفايتها ، فلا تخرج إلا بإذنه "

المجموعة التالية من الأحاديث حول زينة المرأة والكلام عنها سيطول فنأجله للحلقة القادمه إن شاء الله ❤️

سبحانك اللهم وبحمدك أشهد أن لا إله أنت أستغفرك وأتوب إليك

#الأربعون_النسائية
#هبة_حلمي

صباح الرضى 🤍

(لنختم القرآن سماعا)

الورد (١٩٣)

(الربع الأول & الحزب التاسع والأربعين)

#القارئ: محد جبريل
#ليدبروا على التليجرام
https://www.tg-me.com/GhRoooh/12071

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻


https://youtu.be/3-QFQKM1Hsg?feature=shared
#صباحكم_قرآنٌ_يُتلى

من أعظم الأذكار التي تحمي من العين والسحر وظلم العباد

#قصص_الأنبياء(٢)
#السيرة_النبوية
#الحلقة_السادسة_والأربعون
#بداية_هجرة_رسول_الله

اتكلمنا عن بيعة العقبة الثانية وإزاي الأنصار بدأوا يُهيؤوا يثرب لاستقبال رسول الله ﷺ و المسلمين إللي هيهاجروا، وشوفنا فعلا أعداد من الصحابة هاجروا ليثرب ، وكان لما المسلمين بيوصلوا ليثرب كان بيستقبلهم الأنصار ويضيفوهم ويراعوهم ،
كل واحد ياخد إللي يقدر عليه من المسلمين المهاجرين من مكة، إللي ياخد له رجل وإللي ياخد له اثنين، كل واحد وإللي يقدر عليه😊

كل يوم قريش تصحى الصبح يلاقوا واحد منهم اختفى، يلاقوا عيلة كاملة اختفت، الناس دي بتروح فين😳
هم كانوا عارفين من موسم الحج إن أهل يثرب لهم علاقة بالموضوع، لكنهم مش متأكدين أوي ومش فاهمين إيه إللي بيحصل بالضبط😕
فبدأت تأتي لهم أخبار من يثرب من معارف لهم هناك إن المسلمين بيهاجروا إلى يثرب،
فالموضوع ده عمل لهم قلق، المسلمين بدأ يكون لهم مكان هيستقروا ويتجمعوا فيه،
وده إللي قريش مش عايزاه نهائي لأن الموضوع ده له مخاطر كبيرة بالنسبة لهم
خلونا نشوف إيه هي المخاطر من وجهة نظر قريش:
◇أولا:
لو دعوة الإسلام انتشرت في الجزيرة العربية احتمال كبير جدا إن قريش تفقد مكانتها وتجارتها،
لأنهم كانوا بيكسبوا كثير جدا من بيع الأصنام، فمين إللي هيشتري أصنام لما الناس تدخل الإسلام🙃

◇ثانيا:
كفار مكة عارفين كويس أوي إن المسلمين مش مهاجرين ليثرب عشان يقضوا فترة راحه
دول عارفين إن المسلمين أصحاب قضية، عايزين يقيموا دولة إسلامية وهيرجعوا في يوم من الأيام عشان يحكموا مكة،
ما هو رسول الله ﷺ بقاله ثلاثة عشرة سنة بيقول لهم إن الحكم لله فقط،
فأكيد المسلمين هيرجعوا في يوم من الأيام عشان يقيموا حكم الله في مكة

◇ثالثا:
هجرة المسلمين ليثرب بالذات كان مشكلة بالنسبة لهم لأن يثرب فيها مميزات مش موجودة في أي مكان تاني وده مش في مصلحة قريش نهائي، ومن المميزات دي:

♡إن سكان يثرب إللي هم الأوس والخزرج من أعز قبائل العرب وأقواهم في الحرب،
ولولا إنهم كانوا مشغولين في الحرب إللي كانت بينهم كان زمانهم بقوا قوة كبيرة مشهورة في الجزيرة العربية تهدد باقي القبائل👌
فتخيلوا القوة دي لما تنضم لرسول الله ﷺ بعد ما يتوحدوا هتبقى عاملة إزاي

♡موقع يثرب الجغرافي بيهدد قوافل قريش، لأنها تقع على طريق قوافل قريش من وإلى الشام،
فيثرب تقدر تعمل حصار على مكة وتجارتها في أي وقت، وده هيسبب لهم خسارة كبيرة جدا لأن عيشتهم كلها على التجارة 😕
ده غير إن يثرب مدينة حصينة، يعني محمية حماية طبيعية محدش يقدر يهجم عليها بسهولة👌
فحتى لو فكروا إنهم يحاربوا أهل يثرب فهتكون حرب صعبة جدا عليهم

♡يثرب بيسكنها اليهود، وهم أهل سلاح وأموال وأعداد كبيرة، وهم أهل كتاب وأتباع الانبياء، وكانوا عارفين إن ده زمن خروج آخر الأنبياء،
والمتوقع إنهم هيدخلوا في الإسلام ويتبعوا رسول الله ﷺ،
وده مصيبة كبيرة جدا لأهل مكة😶

بالإضافة لكل إللي فات ده، الناس إللي هاجرت دي من أهل مكة أصلا، يعني كل واحد من زعماء مكة إما فقد ابن أو أخ أو ابنة، وفي ناحيتهم حب فطري،
ولولا محمد ﷺ والدين إللي جاء به ده مكنش كل ده حصل،
فهم في ضغط نفسي رهيب ومتغاظين جدا من الحال إللي وصلت له الأمور ومحتاجين يشوفوا حل😑
والحل الأساسي إنهم ميسمحوش لمحمد ﷺ إنه يهاجر ليثرب، لأن محدش من المسلمين ولا الأوس والخزرج هيقدر يعمل أي حاجة إلا لما يكون محمد ﷺ بينهم،
يبقى لازم يسيطروا على محمد ﷺ ويمنعوه من الهجرة بأي طريقة👌
لكن إزاي هيسيطروا عليه وهو من قبيلة بني هاشم القوية، وصعب إنهم يدخلوا معاها في صراع😕

عشان كده اجتمعوا في دار الندوة ، ودي زي قاعة اجتماعات كده، محدش بياخد قرارات مهمة إلا في دار الندوة دي،
فكل رؤوس المشركين من قريش من القبائل المختلفة ماعدا بني هاشم طبعا، اجتمعت في دار الندوة عشان يشوفوا حل للأزمة بتاعتهم دي👌
اجتمعوا وبدأ كل واحد فيهم يقول الحل إللي عنده للمشكلة دي، كان عندنا فريقين:
فريق معتدل كان شايف إن حبس رسول الله ﷺ في مكة كفاية عشان يحل المشكلة🤷‍♀️

الفريق التاني كان زي ما بنقول عليه دلوقتي وبنسميه اليمين المتطرف🙁
ده كان رأيه إن رسول الله ﷺ لازم يُقتل عشان المشكلة تتحل من جذورها،
والفكرة دي كانت عاجبة الجميع لكن مين إللي هيضحي بنفسه ويواجه قبيلة بني هاشم😶
ماهو أي قبيلة قوية يُقتل حد من أشرافها مش بيسبوا دمه يروح هدر

فراح أبو جهل طالع لهم بفكرة شيطانية قال لهم:
احنا هنختار من كل قبيلة شاب قوي ونخليهم يحاصروا بيت محمد، وأول ما يطلع من بيته يقوموا كلهم ضاربينه بالسيوف ضربة رجل واحد وبكده دمه يتفرق بين القبائل،
وبني هاشم مش هيبقى قصادهم حل غير إنهم يقبلوا بالدِّيَة، لأنهم مش هيقدروا يحاربوا كل قبائل العرب
فعجبهم رأي أبو جهل جدا واتفقوا على كده فعلا،
لكن....ويمكرون ويمكر الله👇🏻
ربنا أخبر رسول الله ﷺ عن طريق جبريل عليه السلام قال الله عز وجل:

"وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ "
وأمره جبريل عليه السلام بالهجرة ليثرب،
فهنسيب كفار مكة يخططوا ويجمعوا الشباب ونخلينا مع رسول الله ﷺ عشان نشوفه هيتصرف وهيعالج المشكلة دي إزاي👌
رسول الله ﷺ عنده كذا مشكلة محتاجة حل 😕
أولها هل أبو بكر الصديق جاهز للسفر في الميعاد إللي جبريل عليه السلام حدده له،
لأن أبو بكر هسيب أهله كلهم...أمه وأبوه وزوجته وبناته ويمشي مع رسول الله ﷺ،
ورسول الله ﷺ عنده أمانات الناس محتاجة ترجع،
هم أه كانوا بيكذبوه وبيؤذوه، لكن مفيش مانع يأتمنوه على أموالهم🤔
فإزاي هيلحق يرجعهم وهو لازم يطلع قبل الفجر قبل ما قريش تجتمع على قتله
أول حاجة حب يرتب مع أبو بكر رضي الله عنه هيطلعوا إمتى ويمشوا إزاي،
ولأن الموضوع محتاج سرية تامة رسول الله ﷺ راح لأبو بكر في وقت الظهر، يعني الوقت ده مجدش بيطلع فيه من بيته بسبب الحر،
وكمان زيادة في السرية كان مغطي رأسه ووجهه بملابس،
أول ما وصل لبيت أبي بكر الصديق ودخل ، كل إللي في البيت استغرب من مجيء رسول الله ﷺ في الوقت ده لأنه مش من عادته إنه يزورهم في الوقت ده 🤨
فقال رسول الله ﷺ لأبي بكر أخرج الناس إللي عندك، يعني عايز يكون مع أبو بكر لوحده،
فقال له أبو بكر:
مفيش حد غريب، دول أهلك يا رسول الله،
وكان إللي موجودين هم أسماء وعائشة ابنتا أبي بكر، وكانت السيدة عائشة في الوقت ده زوجة رسول الله ﷺ،
فقال رسول الله ﷺ لأبي بكر إن ربنا أذن له بالهجرة،
فقال له أبو بكر : الصحبة يا رسول الله 😥
يعني أنا هكون صاحبك في الرحلة دي،
فرسول الله ﷺ قال له : أيوة إنت هتكون صاحبي في الرحلة دي👌
فبكى أبو بكر الصديق رضي الله عنه من الفرحة 😊
شرف مخصوص لأبي بكر الصديق رضي الله عنه👌
حتى السيدة عائشة قالت أنا عمري ما تخيلت إن في حد ممكن يبكي من الفرح لحد ما شفت أبي بكر😮

مع إن الموضوع خطير ولو المشركين مسكوهم هيقتلوهم لكنه متصورش للحظة إنه ممكن يفارق رسول الله ﷺ،
وعشان كده كان مجهز راحلتين عشان كان عنده أمل إنه يهاجر مع رسول الله ﷺ،
لأنه لما كان ناوي يسافر ليثرب رسول الله ﷺ قال له متسافرش دلوقتي يمكن ربنا يجعل لك صاحب يسافر معاك،
فأبو بكر قعد يجهز في الراحلتين دول لحد ما ييجي الوقت إللي هيقدر يسافر فيه
فقبل ما رسول الله ﷺ يسأل أبو بكر هنسافر إزاي كان أبو بكر قايله يا رسول الله في راحلتين أنا مجهزهم👌


بدأ رسول الله ﷺ يرتب مع أبو بكر الصديق رضي الله عنه الرحلة هتكون إزاي،
احنا اتعودنا من رسول الله ﷺ إن كل حاجة في حياته بيخطط لها وبيرتب لها مضبوط، وبياخد بالأسباب عشان خططه تنجح

الخطة هتكون كالتالي:
◇الأمانات إللي عند رسول الله ﷺ هيسيبها لعلي بن أبي طالب وهو يؤديها عنه.
◇نقطة الإنطلاق هتكون من بيت أبي بكر لأن الراحلتين عنده، وكمان عشان يتجنب حصار قريش إللي هيفرضوه على رسول الله ﷺ لما يتجمعوا عشان يحاولوا يقتلوه.

◇هيخرجوا من فتحة خلفية من بيت أبو بكر عشان لو كان في أحد من المشركين مراقب باب بيت أبو بكر.

◇لما يخرجوا مش هيتجهوا لطريق يثرب على طول، لأن ده أول مكان كفار قريش هيدوروا عليه فيه لما يلاقوه اختفى من مكة،
وهيتجهوا ناحية غار ثور ويقعدوا فيه ثلاثة أيام لحد ما الأوضاع تهدأ شوية في مكة👌
وبعدين يتجهوا ناحية يثرب، وفي طريقين ليثرب، طريق سهل ومعروف وطريق تاني مش معروف وطويل وصعب لكنه أكثر أمنا من الطريق المعتاد،
فهيختاروا الطريق الصعب ده يمشوا فيه عشان هو أكثر أمان
لكن كده هيواجه رسول الله ﷺ مشكلتين، الأولى :
إزاي هيقدر يمشي في الطريق الصعب ده وهو ميعرفوش،
والمشكلة الثانية :
خلال الثلاث أيام دي هيسيبوا الجمال بتاعتهم فين ،أي حد هيشوفهم هيشك على طول وهييجوا يدورا😕
فكان الحل إنهم يستعينوا بواحد خبير في طرق الصحراء ، وفي نفس الوقت هيسيبوا معاه الجمال بتاعتهم لحد ما ييجي وقت الخروج من الغار بعد ثلاثة أيام،
لقوا واحد اسمه عبد الله بن أُرَيْقِط مع إنه كان مشرك ولكنه كان ماهر جدا وخبير في طُرق الصحراء👌
ورسول الله ﷺ اختاره مع إنه مشرك كان لسببين :
الأول : إنه كان ثقة يعني مش هيروح يشيع سر رسول الله ﷺ،
والثاني : إن مكنش في المسلمين حد في خبرته ولا مهارته👌

طيب إزاي رسول الله ﷺ وأبو بكر الصديق هيعرفوا إللي بيحصل في مكة وهم في الغار🤔
يبقى محتاجين حد يجيب لنا الأخبار، فدي هتكون مهمة عبد الله بن أبي بكر الصديق،
وعشان محدش يتتبع أثار أقدام عبد الله فهنحتاج لعامر بن فُهيرة مولى أبي بكر إنه يأخذ أغنام أبي بكر يمشي بها كأنه خارج لرعيها،
فيمشي بها على أثار أقدام عبد الله بن أبي بكر،
شوفوا رسول الله ﷺ بيحسب حساب كل خطوة 👌
مع إن ربنا كان ممكن ينصره بدون أي تخطيط ولا حاجة ولكن عشان احنا نتعلم الأخذ بالأسباب
اتفق رسول الله ﷺ مع أبي بكر الصديق على الخطة وبعدين رجع لبيته،

《وفي رواية بتقول إنه خرج على طول مع أبي بكر مباشرة للهجرة ومرجعش بيته، ومقابلش المشركين أصلا》

بدأ رسول الله ﷺ يجهز نفسه ولما جاء وقت الخروج لقى المشركين محاصرين بيته ومستنيينه يخرج عشان يقتلوه
فجاء جبريل عليه السلام لرسول الله ﷺ وقال له اخرج من بين المشركين وإنت بتقول :
"يس* وَالْقُرْآنِ الْحَكِيمِ* إِنَّكَ لَمِنَ الْمُرْسَلِينَ * عَلَى صِرَاطٍ مُسْتَقِيمٍ * تَنْزِيلَ الْعَزِيزِ الرَّحِيمِ * لِتُنْذِرَ قَوْمًا مَا أُنْذِرَ آبَاؤُهُمْ فَهُمْ غَافِلُونَ *
لَقَدْ حَقَّ الْقَوْلُ عَلَى أَكْثَرِهِمْ فَهُمْ لَا يُؤْمِنُونَ * إِنَّا جَعَلْنَا فِي أَعْنَاقِهِمْ أَغْلَالًا فَهِيَ إِلَى الْأَذْقَانِ فَهُمْ مُقْمَحُونَ *
وَجَعَلْنَا مِنْ بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ"
فربنا مش هيخليهم يشوفوك، سواء عن طريق إنه يعمي أبصارهم عنك، أو يخليهم يناموا وهم واقفين،
خرج رسول الله ﷺ من وسط المشركين وهو بيقول الآيات وفعلا محدش من المشركين رآه، ووصل لبيت أبي بكر وبدأوا يستعدوا للخروج،
فجهزت لهم أسماء بنت أبي بكر الماء والطعام إللي هيحتاجوه معاهم في رحلتهم،
ومكنش في أي حاجة تضع لهم فيها الأكل فشقت نطاقها نصفين والنطاق عبارة عن قماشة بتتشد حول الوسط والمرأة بترفع ثوبها عشان ميضيقهاش وهي بتشتغل ويوقعها،
فشقته ووضعت فيه الأكل والماء وأعطتهم لرسول الله وأبي بكر وكانت حامل في شهورها الأخيرة،
فسميت في اليوم ده ذات النطاقين😉

☆عندنا ثلاث نقط في الجزئية دي 😊
النقطة الأولى وهي :
◇ طلب رسول الله ﷺ من علي بن أبي طالب إنه ينام في فراشه تمويه يعني،
القصة دي اختلف فيها أهل العلم هل هي صحيحة ولا لأ،
في علماء قالوا إن سندها حسن مقبول
وعلماء قالوا إنها غير صحيحة وسندها فيه ضعف

◇النقطة الثانية هي:
إن قصة وضع رسول الله ﷺ للتراب على رؤوس المشركين بعد ما خرج من البيت وقرأ أول آيات من سورة يس غير صحيحة 🙅‍♀️❌
المصدر :
《كتاب : ما شاع ولم يثبت في السيرة النبوية》

◇النقطة الثالثة هي:
موضوع إن أسماء بنت أبي بكر الصديق كانت بتروح لرسول الله ﷺ وأبي بكر الصديق في الغار عشان تعطيهم الأكل والماء دي لا تصح مطلقا بأي حال من الأحوال🙅‍♀️❌😑

الحديث في صحيح البخاري إنها شقت نطاقها وحطت فيه الأكل والماء قبل ما يخرجوا أصلا،


جهز رسول الله ﷺ نفسه مع أبي بكر الصديق وخرجوا وبدأو رحلتهم ،
هل هتنجح خطة رسول الله ﷺ في تضليل المشركين ولا إيه إللي هيحصل ؟
ده إللي هنعرفه الجزء الجاي إن شاء الله 😊


#السيرة_النبوية
#ايمان_شلبي