*الأربعون_النسائية*🌿

نبدأ بخروج المرأة من المنزل 🌸

ما هي الأحكام الشرعية التي تعرفينها وتتعلق بخروج المرأة من المنزل؟

نتعرف على الأحاديث التي ذكرها الشيخ أولا حول هذا الموضوع ثم نناقشها معا:

1-باب قرار المرأة في بيتها خير لها من الخروج ولو إلى المسجد
عن ابن عمر رضي الله عنه قال: قال رسول الله ﷺ : ( لا تمنعوا نسائكم المساجد ،وبيوتهن خير لهن ) رواه البخاري

2- باب الإذن بخروج النساء لحوائجهن
عن عائشة رضي الله عنها عن النبي ﷺ قال: ( قد أذن أن تخرجن في حاجتكن ) متفق عليه


3- باب بيان ما في خروج المرأة من المفاسد
عن عبد الله بن مسعود رضي الله عنه عن النبي ﷺ قال: ( إن المرأة عورة فإذا خرجت استشرفها الشيطان وأقرب ما تكون من وجه ربها في قعر بيتها ) رواه الترمذي

ومعنى استشرفها الشيطان: تطلع إليها وزينها في أعين الرجال ليغويها ويغوي بها.

جاء الإسلام ليحفظ للمرأة كرامتها وعرضها ، وشرع لها من الأحكام ما يحافظ على ذلك ، وقال الله تعالى : ﴿ وقرن في بيوتكن ﴾ ، وبناء على ذلك فإنّ الأصل : بقاء المرأة في بيتها ، وعدم خروجها إلا لضرورة أو حاجة ، فجعل الإسلام صلاة المرأة في بيتها خير لها من صلاتها في المسجد - ولو كان المسجد الحرام - .

فالسنة لزوم البيوت وعدم الخروج إلا لحاجة ؛ لأن هذا من أسباب السلامة ، والخروج إلى الأسواق والزيارات الكثيرة من أسباب الفتنة ، فالأفضل لها عدم الخروج إلا لحاجة.

*فهل معنى هذا أن تظل المرأة حبيسة المنزل*؟🤔

هذا لا يعني أن تظل المرأة حبيسة البيت ، بل أباح لها الإسلام الذهاب إلى المسجد ، وأوجب عليها
الحج والعمرة وصلاة العيد وغير ذلك ، ومن الخروج المشروع لها خروجها لزيارة أهلها ومحارمها
والخروج للاستفتاء وسؤال أهل العلم ، وكذلك أذن للنساء أن يخرجن لحوائجهن ، لكن كل هذا لا يكون إلا وفق ضوابط الشرع من حيث المحرم للسفر ، والأمن في الطريق في الحضر ، وكذا أن تخرج بحجابها الكامل ، وأن لا تكون متبرجة أو متزينة أو متعطرة.

*حكم عمل المرأة خارج البيت*:

العمل الذي يلائم فطرة المرأة الخَلقية ووظيفتها الجسدية لا حرج فيه إذا ما أمنت الفتنة وراعت الأحكام الشرعية ، من خلال امتناع الخلوة وجميع التصرفات غير الشرعية ،

وكان ذلك بإذن زوجها إن كانت متزوجة ، مثل تدريسها للبنات أو عملها في مستشفى للكشف على النساء ، فلا حرج على المرأة في مثل هذه الأعمال _ ولو لم تكن محتاجة _ ، بل قد يكون عملها مستحبً أو واجبً بحسب حالها والحاجة إليها ،

وإن لم تكن هناك حاجة حقيقية إلى عملها ضمن الشروط السابقة فقرارها في بيتها خير لها ، وخروجها للعمل سيكون على حساب وظائفها المنزلية - والتي هي الأصل والأولى بالرعاية -

أذكر عبارة جميلة للشيخ الشعرواي رحمه الله: " المرأة لا تخرج للعمل إلا لو احتاجت العمل أو احتاجها العمل"

ولكن في رأيك لو لم تحتج العمل أو لم يحتجها العمل كما ذكرنا ايهما أفضل العمل أم التفرغ للبيت والأولاد؟


#الأربعون_النسائية
#هبة_حلمي

صباح الخير..

يوم جديد ردّ الله إليك رُوحك وأذن لك بفرصة جديدة لذكره، فلا تضيّعها حسرةً على ما فات لن تغيّره، ولن يُثقلك حمله إن تبتَ عنه واستغفرتَ، بل تُبدّل سيئاتك حسنات، فلم تخسر شيئاً بل كسبت!

ولا تضيّعه خوفًا من آتٍ لن تغيّره، ولا تضمن بلوغه، ولن يصيبك منه إلا ما قد كُتب لك أزلًا فى الكتاب من قبل أن تُخلق.

حرّك جوارحك فى الظاهر، وتوكّل على مولاك -سبحانه- بقلبك وسلّم له أمرك تطمئن، وكمال التوكّل مقام عزيز.

صفحة بيضاء جديدة فاكتب فيها ما تَعْمُر به آخرتك الباقية، ولا تُسوّدها بهموم دنياك الفانية.

فاللهم وجّهنا لما خلقتنا له، واصرفنا عمّا نهيتنا عنه، ولا تشغلنا بما تكفّلت لنا به.

اللهم طيب الاثر🤲🏻

(لنختم القرآن سماعا)

الورد (١٩١)

(الربع الثالث & الحزب الثامن والأربعين)

#القارئ: هيثم الدخين
#ليدبروا على التليجرام
https://www.tg-me.com/GhRoooh/12060

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻
https://youtu.be/D5JDzG280PY?feature=shared
#صباحكم_قرآنٌ_يُتلى

مفتاح البركه🤍

ملتقى الأحبة 🌷:
#قصص_الأنبياء(٢)
#السيرة_النبوية
#الحلقة_الثالثة_والأربعون
#بيعة_العقبة_الثانية

اتكلمنا المرة إللي فاتت عن إسلام أُسَيد بن حضير وسعد بن معاذ وشفنا إزاي في خلال سنة واحدة انتشر الإسلام في يثرب،
ووقفنا عند وفد المسلمين إللي جاء لمكة عشان يقابل رسول الله ﷺ عشان ينصروه ويدعوه إنه يروح معاهم ليثرب،
وقلنا إنهم كانوا ثلاثة وسبعين رجلا وامرأتين،
بدأ الترتيب بين رسول الله ﷺ ووفد المسلمين من يثرب، هو محتاج يقابل الخمسة وسبعين كلهم،
يعني مينفعش يقابل نصهم مثلا لأنهم وإن كانوا من قبيلتين إللي هم الأوس والخزرج،
إلا إن القبيلتين فيهم بطون كثيرة، يعني عائلات وفروع كثيرة، وممكن ناس توافق على الشروط وناس لأ🤷‍♀️
فهيكون الموقف إيه لو رسول الله ﷺ راح يثرب واكتشف إنهم مش أد المسؤولية أو فيهم ناس معترضة على الإتفاق إللي حصل بينه وبين بعضهم😶
فلازم رسول الله ﷺ يقابلهم كلهم ويطمن بنفسه إن كلهم موافقين على الإتفاق إللي هيتم،
رسول الله ﷺ بيحسب كل خطوة بمنتهى الدقة👌
مينفعش في المرحلة دي يكون في أي خطأ لأن احنا بنحط أساس لقيام دولة الإسلام،
وانتم عارفين إن أهم حاجة في أي بناء هو الأساس

طيب العدد كبير ومكة صغيرة هيتقابل معاهم إزاي وفين من غير ما أي أحد يعرف، احنا محتاجين السرية التامة زي ما قلنا المرة إللي فاتت🤔
شوفوا عبقرية رسول الله ﷺ وتخطيطه الدقيق عشان نتعلم منه👌

♡أولا:
اختار رسول الله ﷺ إن الميعاد يكون في ليلة ثلاثة عشر يعني آخر ليلة في موسم الحج،
لأن ثاني يوم الحجاج هيرجعوا لبلادهم، فلو أحد من قريش عرف أي حاجة عن اللقاء ده، مش هيقدروا يوصلوا للوفد إلا بعد ما يكونوا مشيوا

♡ثانيا:
رسول الله ﷺ خلى ميعاد اللقاء في الثلث الأوسط من الليل، لأن في الغالب كل الناس هتبقى نايمة في الوقت ده👌

♡ثالثا:
بالنسبة للمكان ، اختار رسول الله ﷺ مكان بعيد عن زحمة الحجاج ومفيش حد من الحجاج حاطط خيام فيه، اختار الشِّعب الأيمن من العقبة

♡رابعا:
رسول الله ﷺ مقلش لأحد من المسلمين على اللقاء ده😮
يعني محدش عرف نهائي غير ثلاثة فقط،
العباس عم رسول الله ﷺ وكان في الوقت ده مشرك ولكن كان هيشارك في الإجتماع،
وأبو بكر الصديق وعلي بن أبي طالب عشان يراقبوا مكان الإجتماع👌
ورسول الله ﷺ أخفى على المسلمين لانه عايز اللقاء يكون في سرية تامة،

رسول الله ﷺ قال للوفد إللي هيقابله ياخدوا بالهم وينتبهوا هم كمان عشان محدش من الناس المشركين إللي معاهم يحس بيهم
عمل إيه الوفد؟
بيحكي كعب بن مالك وهو واحد من الوفد المسلم بيقول:
احنا نمنا مع قومنا عادي في المكان المخصص بتاعنا،
ولما ميعاد اللقاء قرب،
كل واحد بدأ يتسلل...يتسحّبوا يعني واحد وراء التاني لحد ماتجمعوا في المكان إللي اتفقوا عليه

اجتمع الوفد وجاء رسول الله ﷺ ومعاه العباس وأبو بكر الصديق وعلي بن أبي طالب في الميعاد المحدد وبدأ الإجتماع إللي هيغير خريطة الأرض كلها

طبعا السؤال المُحير هنا هو إزاي رسول الله ﷺ يجيب معاه واحد مشرك في اجتماع مهم زي ده

قلت لكم إن رسول الله ﷺ مش بياخد أي خطوة إلا بحساب👌
العباس بن عبد المطلب له دور سياسي مهم، المسلمين من يثرب هدفهم إنهم يأخذوا رسول الله ﷺ،
فلازم يعرفوا إن رسول الله ﷺ له قبيلة ذات شرف، فهم لما يأخذوه عندهم لازم يكونوا هم البديل للقبيلة دي

¤ممكن حد يقول طيب ما كان يأخذ حمزة ماهو عمه وبرده مسلم
ماهو لو كان أخذ حمزة رضي الله عنه كان هيترسخ في ذهن الوفد إن حمزة جاء عشان هو مؤمن مش عشان بيمثل بني هاشم،
لكن لأن العباس مشرك فده بيوصل لهم معلومة وهي إن بني هاشم مؤمنهم وكافرهم مع رسول الله ﷺ👌
وخلونا نشوف كلام العباس لوفد المسلمين من يثرب
قال العباس :
يا معشر الخزرج!
(العرب كانت بتسمي أهل يثرب كلهم من الأوس والخزرج خزرجا)
مكانة محمد فينا زي ما إنتم عارفين، واحنا دافعنا عنه ضد قومنا، فهو عزيز في قومه ومنيع في بلده، لكنه هو إللي مصمم إنه يسيبنا ويروح عندكم
فلو إنتم شايفين إنكم هتقدروا توفُّوا إللي وعدتوه به وتحموه من إللي يخالفه، خلاص إنتم حرين،
لكن لو إنتم هتتخلوا عنه بعدين فسيبوه من دلوقتي، فهو في عزة ومنعة من قومه

طبعا وفد المسلمين من يثرب في الموقف ده الطبيعي إنه يردوا على العباس رد محترم يجيبوا له فيه القديم والجديد😶
زي مثلا:
إنت بتقول عزة ومنعة
عزة إيه ومنعة إيه وهو في حماية المطعم بن عدي الكافر إللي من قبيلة تانية غير قبيلة بني هاشم😑
بتقول إن رسول الله ﷺ هو إللي صمم إنه ييجي عندنا ويسيبكم ويسيب الحماية إللي إنتم موفرينها له😏
كنتم فين لما ضُرب ورُمي بالحجارة واتشتم واتحط على ظهره أمعاء البعير،
وياريتكم كنتم ساكتين
ده أبو لهب كان بيمشي وراه ويكذبه وسط الناس كلها😑
كان ممكن الكلام ده يتقال وأكثر منه لو دي حاجة خاصة بالدنيا ومفاوضات هدفها مصالح،

لكن الوفد الإسلامي من يثرب كان همه نصرة رسول الله ﷺ، عايزين يكونوا أتباع رسول آلله ﷺ وتحت أمره هم جايين المسافة دي كلها عشان كده،
ردوا بكلمتين على العباس قالوا:
احنا سمعنا إللي قلته👍
اتكلم إنت بقى يا رسول الله وقول إللي إنت عايزه لنفسك ولربك
دي فرصة متتعوضش، أخيرا في ناس عندهم استعداد يعملوا أي حاجة لرسول الله ﷺ
أخيرا جت الفرصة إنه يروح يقعد في مكان يكون فيه عزيز هو الآمر الناهي،
المفروض بقى رسول الله ﷺ يحط شروط معقولة إكراما للناس إللي هيستضيفوه دول
لكن الوضع كان مختلف، رسول الله ﷺ هيقول لهم شروط شاقة جدا مطلبهاش من حد قبل كده عشان هو يقبل إنه يروح عندهم، مع إنه هو إللي محتاج😶

قال لهم تبايعوني على:
◇ السمع والطاعة في النشاط والكسل،
يعني رسول الله ﷺ بيقولهم تسمعوا كلامي في وقت النشاط وفي وقت الكسل زي بعض😶

◇ النفقة في العسر واليسر، يعني وقت مانكون محتاجين فلوس تساعدوني سواء عندكم أموال كثيرة أو قليلة👌

◇ الأمر بالمعروف والنهي عن المنكر، يعني مفيش حاجة اسمها مليش دعوة😶

◇ أن تقوموا لله لا تأخذكم في الله لومة لائم، يعني تقولوا كلمة الحق مهما كان👌

◇أن تنصروني لو أنا جيت عندكم، وتحموني زي ما بتحموا أنفسكم وأزواجكم وأبنائكم،
يعني مش حماية عادية كده وخلاص، ده إنتم هتدافعوا عني زي ما بتدافعوا وتحموا نفسكم وأهلكم،
يعني باختصار حبكم لي يكون أكثر ما بتحبوا نفسكم أو أحد تاني👌

وده يبين لنا الفرق بين بيعة العقبة الأولى وبين بيعة العقبة الثانية،
بيعة العقبة الأولى رسول الله ﷺ كان بيبني شخصية إنسان مسلم عادي فيه القواعد الأساسية،
لكن لما نكون عايزين نبني أمة..نبني دولة فاحنا محتاجين لبذل وعطاء وتضحيات وصبر وقوة تحمل،
عايزين مسلمين من نوع خاص جدا، مسلمين يدافعوا عن الإسلام وحرماته، مسلمين يبذلوا كل طاقتهم في نشر الإسلام في كل مكان،
هي دي الشخصيات إللي كان رسول الله ﷺ عايزها عشان تكمل معاه وبعده المشوار بتاعه👌

كان إيه بقى رد فعل الوفد المسلم على كلام رسول الله ﷺ 😊
الطبيعي إنهم يتناقشوا ، يقولوا مثلا طيب احنا هنقدر على كذا ومش هنقدر على كذا،
طيب شيل الشرط ده ونتناقش في ده، لكن محدش فيهم اعترض😶
رئيس الوفد المسلم بدأ يتكلم وكان اسمه :
《البراء بن مَعرُور》
قال لرسول الله ﷺ:
والذي بعثك بالحق لنَمْعنّك ونحميك زي ما بنحمي نسائنا ، فبايعنا يا رسول الله🤝
فوالله احنا أبناء الحرب، يعني احنا أقوياء متقلقش💪🏻
هو إللي بيتحايل على رسول الله ﷺ عشان يقبل بالبيعة🌴
وكان هو أول واحد حط إيده في إيد رسول الله ﷺ عشان يبايعه على نصرته والجهاد معاه ضد أي أحد يعتدي عليه👌

☆عارفين البراء بن معرور ده👆 مات قبل ما رسول الله ﷺ يهاجر ليثرب بشهر واحد😓
يعني مات بعد مبايعته دي بشهرين تقريبا، وعارفين كمان لما لقى نفسه هيموت وهو لسه موفّاش بأي حاجة من إللي وعد بها رسول الله ﷺ عمل إيه؟
أوصى بثلث ماله لرسول الله ﷺ يتصرف فيه زي ماهو عايز،
كأنه بيقول يا رسول الله أنا مقدرتش أوفي ببيعتي...غصب عني...لكن على الأقل خذ مالي...أي حاجة أساعدك بها😔

ربّاه إني قد وهبْتُ حياتي ومَنَحْتُ عمري للهُدى ومَمَاتي فاقبل إله العرش مني بَيْعتي
يا من إليك أبُوحُ بالعبراتِ

في وسط ما كان البراء بن معرور بيكلم رسول الله ﷺ وبيقنعه قاطعه واحد من المسلمين إللي أسلموا في بيعة العقبة الأولى وهو أبو الهيثم بن التيّهان،
وقال لرسول الله ﷺ:
شوف يا رسول الله..احنا عندنا عهود ومواثيق بينا وبين اليهود إللي عايشين معانا في يثرب، واحنا هنقطع عهودنا معاهم،
فهل لو احنا عملنا كده وبعدين ربنا أظهرك ونصرك هترجع لقومك وتسيبنا 😓
ممكن حد يفكر إن الإعتراض ده فيه تطاول على رسول الله ﷺ وإنه إزاي يفكر كده برسول الله ﷺ وهو صاحب الأخلاق العالية
لكن الوضع كان غير كده، أبو الهيثم كان متأكد إن رسول الله ﷺ مش هيسيبهم ويتخلى عنهم،
بس هو حب إن رسول الله ﷺ يقول كلام يطمّن به أي حد في قلبه شك وخايف من المستقبل وبكده يقفل كل أبواب الشيطان
فرسول الله ﷺ تبسم وقال له:
"بل الدم الدم والهدم الهدم، أنا منكم وأنتم مني أحارب من حاربتم وأسالم من سالمتم"
يعني رسول الله ﷺ بيقول لهم إني دمي هو دمكم وأنا منكم إللي هتحاربوه أحاربه، وإللي تسالموه أنا أسالمه،
مع إن الاتفاق إنهم إللي يحاربوا مع رسول الله ﷺ عشان ينشروا ويدافعوا عن الإسلام،
لكن رسول الله ﷺ طمنهم إن لو أي أحد هجم عليهم عايز يؤذيهم هيحارب معاهم ويدافع عنهم👌

☆شوفوا رسول الله ﷺ بيعلمنا حاجة مهمة جدا👌
وهي إن القائد لا ينقص من قدره شيء لو جندي من جنوده اعترض عليه وحب يستفهم،
يعني بيقول لنا بطريقة عملية اسمعوا لآراء إللي حواليكم حتى لو كانوا أقل منزلة،
طمنوهم ...حسسوهم إن القيادة غير مفروضة عليهم وإن الموضوع مش حاكم ومحكوم وقائد وجندي،
لكن أنا منكم وأنتم مني👌

لما رسول الله ﷺ قال الكلام ده لوفد المسلمين من المدينة استبشروا وراحوا قايمين عشان يبايعوا رسول الله ﷺ،
لكن واحد منهم قال لهم : استنوا ..استنوا😳
إنتم عارفين إنتم بتبايعوا على إيه
فقالوا له : أه عارفين
فقال لهم: يا جماعة إنتم بتبايعوه على حرب الأحمر والأسود من الناس، يعني بتبايعوه على حرب كل الناس إللي في الارض،
فلو إنتم أموالكم خلصت وقتل أشرافكم ونويتم تتخلوا عنه، فمن دلوقتي سيبوه يشوف غيركم😤
لأنكم لو تخليتم عنه بعد كده هيبقى خزي الدنيا والآخرة😶
لكن لو هتقدروا تكملوا على الرغم من المصائب إللي هتحصل لكم، خلاص كملوا فهذا خير الدنيا والآخرة👌
فقالوا :خلاص عادي احنا هنأخذه حتى لو فقدنا أموالنا وأشرافنا😤
ولسه هيبايعوا راح أسعد بن زرارة ماسك يد رسول الله ﷺ و قايل لهم :
استنوا 🤚
براحة كده وافهموا، احنا مش جايين من يثرب إلا واحنا عارفين إنه رسول الله،
لكن معنى إنكم هتخرجوه من بلده يعني هتقطعوا علاقاتكم بكل العرب، وأحسن ناس فيكم هتموت،
فلو هتقدروا تصبروا على كده خلاص خذوه ، مش هتقدروا سيبوه من دلوقتي👌
أسعد بن زرارة عارفينه طبعا وعارفين نشاطه في نشر الدعوة
هو بيأكد تاني على نفس المعنى ، يعني يا جماعة آخر تحذير، مفيش رجوع وقت ما تبايعوا، اتأكدوا كويس،
لكنهم كانوا واثقين من قرارهم وعايزين ينصروا رسول الله ﷺ بأي طريقة

لكنهم سألوا رسول الله ﷺ سؤال مهم جدا
قالوا : يارسول الله! لو احنا وفّينا بكل إللي اتفقنا عليه،
إيه هو جزاءنا ؟
قال لهم رسول الله ﷺ : جزاؤكم 《الجنة》
الثمن لكل التضحيات إللي هتضحوا بها هو الجنة، مفيش وعد لا بدولة ولا نصر ولا تمكين ولا أي حاجة،
النصر والتمكين هييجي في يوم من الأيام، لكن إنت ممكن تموت قبلها
فمفيش جزاء لكم غير الجنة👌
أول ما سمع المسلمين كلام رسول الله ﷺ قالوا:
رضينا، لا نقيل ولا نستقيل🤚
يعني يا رسول الله لا احنا هنرجع في كلامنا ونندم، ولا إنت تطلب إلغاء الإتفاق👌
فنزلت آية:
"إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ ۚ يُقَاتِلُونَ فِي سَبِيلِ اللَّهِ فَيَقْتُلُونَ وَيُقْتَلُونَ ۖ
وَعْدًا عَلَيْهِ حَقًّا فِي التَّوْرَاةِ وَالْإِنجِيلِ وَالْقُرْآنِ ۚ
وَمَنْ أَوْفَىٰ بِعَهْدِهِ مِنَ اللَّهِ ۚ فَاسْتَبْشِرُوا بِبَيْعِكُمُ الَّذِي بَايَعْتُم بِهِ ۚ وَذَٰلِكَ هُوَ الْفَوْزُ الْعَظِيمُ"

رسول الله ﷺ طلب من الوفد الإسلامي إنهم يتفقوا ويختاروا من بينهم مجموعة يقدر رسول الله ﷺ يتعامل معاهم ويتكلم معاهم،
لأنه صعب إنه يكلم السبعين مرة واحدة
فقال لهم من كل ستة طلعوا لي واحد، مع إن رسول الله ﷺ كان ممكن هو إللي يختارهم، لكنه بيعلم الصحابة واحنا من بعدهم إن الناس من حقها تختار إللي يمثلها،
لأن لما الناس هي إللي تختار هيسمعوا ويطيعوا للي اختاروهم،

قعد الأوس والخزرج مع بعض لأول مرة بعد قتال سنين، عشان يختاروا من يمثلهم أمام رسول الله ﷺ،
بعد مبايعة الإثنا عشر نقيب لرسول الله ﷺ سمعوا صرخة عظيمة😳

مين إللي صرخ ده ، وقال إيه
ده إللي هنعرفه الجزء الجاي إن شاء الله 😁


#السيرة_النبوية
#ايمان_شلبي

ممكن أتكلم مع خطيبي في حدود عشان نعرف بعض أكتر؟

ج / جملة نتعرف على بعض أو نعرف بعض أكثر مجرد ذريعة شيطانية وحيلة إبليسية يغوي بها الشيطان المخطوبين أو من يوشك أن يخطبوا أو من لا يوشك حصول ذلك منهم لكنهم يحلمون به ولو على المدى البعيد، يغريهم بها على التوسع في الكلام غير المفيد بل الضار والمفضي يقينًا أو ظنًا غالبًا إلى التجاوز غير المحمود.

أقول لك: أنا متزوج لي قريب من عشرين سنة وأستطيع أن أزعم أن زوجتي لا تعرفني جيدًا، حذار من هذه الحيلة التي بها لا يعرف أحد أحدًا، ولكن يتجمل كلاهما للآخر بما ليس فيه ويظهر ما لا يتصف به عادة حتى يكتشف كل منهما بعد الزواج أنه لم يعرف شيئًا.

ولو كانت قصة التعرف هذه حقيقية فلماذا يقع الطلاق بين من ظلا يتعارفان ربما لسنين؟

الخلاصة لا يضحكن عليك الشيطان، الخاطبان أجنبي كل منهما عن الآخر، لا يجوز بينهما الحديث إلا بضابطه بين كل رجل وامرأة أجنبية وذلك وجود الحاجة مع أمن الفتنة وعدم الخضوع منها بالقول، ربنا يتمم بخير.

الشيخ محمود مداد

كيف يكون حضور القلب وقت الذكر؟

ج/ أن تذكر حاجة الإنسان إلى تسبيحةٍ يوم تطاير الصحف والعرض على الله!

وأن تبصر معاني ما تقول ليعي قلبك، فلا يردد حروفًا وكلماتٍ لا يعرف معناها..

وأن تستحضر قوله تعالى في الحديث الإلهي الجليل:

"أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملإ ذكرته في ملإٍ خيرٍ منهم"!

وهذا شرفٌ هائلٌ يقف الحرف بين يديه حسيرًا لا يستطيع التعبير عنه!

الشيخ وجدان العلي

ممكن أتكلم مع خطيبي في حدود عشان نعرف بعض أكتر؟

ج / جملة نتعرف على بعض أو نعرف بعض أكثر مجرد ذريعة شيطانية وحيلة إبليسية يغوي بها الشيطان المخطوبين أو من يوشك أن يخطبوا أو من لا يوشك حصول ذلك منهم لكنهم يحلمون به ولو على المدى البعيد، يغريهم بها على التوسع في الكلام غير المفيد بل الضار والمفضي يقينًا أو ظنًا غالبًا إلى التجاوز غير المحمود.

أقول لك: أنا متزوج لي قريب من عشرين سنة وأستطيع أن أزعم أن زوجتي لا تعرفني جيدًا، حذار من هذه الحيلة التي بها لا يعرف أحد أحدًا، ولكن يتجمل كلاهما للآخر بما ليس فيه ويظهر ما لا يتصف به عادة حتى يكتشف كل منهما بعد الزواج أنه لم يعرف شيئًا.

ولو كانت قصة التعرف هذه حقيقية فلماذا يقع الطلاق بين من ظلا يتعارفان ربما لسنين؟

الخلاصة لا يضحكن عليك الشيطان، الخاطبان أجنبي كل منهما عن الآخر، لا يجوز بينهما الحديث إلا بضابطه بين كل رجل وامرأة أجنبية وذلك وجود الحاجة مع أمن الفتنة وعدم الخضوع منها بالقول، ربنا يتمم بخير.

الشيخ محمود مداد

هدية نبوية ❤️❤️ 🌱🌱🌱🌱

قلبك زي الزجاجة ولا الإسفنجة؟ 🤔


وخلي بالكم احنا في زمن صعب
كثر فيه الشبهات والأقاويل والكلام وكثر فيه أهل البدع والمذاهب الفكرية وكتير منهم كمان بيتكلم باسم الدين😔

وكثير وقع في فخ هذه الأفكار وتشربها وتأثر بيها ففسد قلبه وثارت الشكوك في نفسه وتسلط الشيطان عليه بوساوسه فقلت العبادة وكثرت المعصية وأصبح القلب يعيش في وحشة وفقد الراحة😢

انتم لسه مقررتوش ؟😳
يالا بسرعة اختاروا تحبوا قلوبكم تكون إسفنجة 🧽ولا زجاجة 🍶 ؟

ولا أقولكم قبل ما تاخدوا قراركم تعالوا نشوف شيخ الإسلام ابن تيمية نصح تلميذه ابن القيم بإيه

💎يقول ابن القيم عن هذه النصيحة: (ما أعلم أني انتفعت بوصية في دفع الشبهات كانتفاعي بذلك)

نقرأ الوصية وفتحوا عينكم 👀 كويس

✍يقول ابن القيم في عرضه لهذه الوصية: قال لي شيخ الإسلام – رضي الله عنه – وقد جعلت أورد عليه إيراد بعد إيراد: ( لا تجعل قلبك للإيرادات والشبهات مثل السفنجة، فيتشربها؛ فلا ينضح إلا بها ولكن اجعله كالزجاجة المصمتة، تمر الشبهات بظاهرها ولا تستقر فيها؛ فيراها بصفائه ويدفعها بصلابته، وإلا فإذا أَشربت قلبك كل شبهة تمر عليها صار مقراً للشبهات )

مش فاهمين ؟ 🧐

معناها لما نسمع شبهات أو كلام مش عارفين مصدره ومش متأكدين من صحته
منخليش قلبنا زي الإسفنجة يشربها وميطلعش الا هي
لكن نخلي قلبنا مثل الزجاجة هيشوفها بصفاؤه لكن يدفعها ويبعدها عنه بقوته وصلابته لو كانت غلط

لسه المعنى موصلش ؟ 😊
تعالوا نرجع كده لأيام المدرسة🤓 ونطلع صور الجمال من العبارة

نبدأ بالإسفنجة 🧽 :
🔸المشبه : القلب
🔸المشبه به : الإسفنجة أو الزجاجة
🔸وجه الشبه : الشبه كبير
🔹 الإسفنجة رقيقة لينه مفيش فيها صلابة

🔹 بتمتص كل حاجة لو لقت مية نظيفة هتمصها ولو لقت مية مش نظيفة فيها طين أو عفن أو نجاسة كمان هتمتصها من غير تمييز

🔹 لما تمص سائل مش هتطلع لما تعصره غير السائل ده ( فلو شربت مية وعصرناها هتطلع مية ولو تشربت بمية فيها طين هتطلع مية فيها طين وهكذا )

🔹 لما تفضل الإسفنجة تمتص حاجة ولنفرض مثلا هتمتص عفن بعد فترة الاسفنجة نفسها هتتحول لعفن ومعدش ينفع معاها تنظيف
واسألوا ليفة المواعين وهي تقولكم 🤗


طيب والقلب ؟ 🤔
🔺 القلب كمان رقيق زي الإسفنجة لأنه مكان الحب والود والرحمة والتوكل والصدق والتوبة وكل المعاني الرقيقة دي

🔺وزي ما الاسفنجة بتتلون وبتتعصر بحسب اللي امتصته
القلوب كمان على ما تعودت واتربت عليه
فلو اتعودت واتربت على التوحيد والافتقار لمولاها والتوكل عليه ومعرفة الحلال والحرام وتبقى حريصة إنها تعرف دينها وتتأكد من المعلومات اللي بتسمعها لأن هدفها إنها ترضي ربنا وبس


وما أكثر القلوب الإسفنجية في حياتنا دلوقتي😢

عنيهم مقفولة 😵 وقلوبهم عماله تمص كل حاجة زي الإسفنجة بالظبط
مش قادرة تفرق بين الحق والباطل
مش قادرة تبعد الشبهات عن قلبها
بل بعد ما تشربت بالكلام ده بتعصره وتنقله في كل مكان

ده لأن قلوبهم 🖤 بالظبط زي الإسفنجة

نعوذ بالله أن تكون قلوبنا كذلك


طيب واللي قلبه زي الزجاجة ؟ 🍶
ده حاجة تانية خالص 👍
ده قلبه ❤️ مليء بقوة الإيمان ونور البصيرة

لما يكون القلب زي الزجاجة الصلبة النظيفة المتغطية

تقدر منها تبص على كل اللي حواليك ببصر نافذ وبصيرة منورة قلبك بحيث أول ما تشوف الشبهة تقول دي شبهة مش علم نافع ومتدخلهاش جواك وتنفر منها ❌

وتشبيه القلب بالزجاجة فيه كثير من المعاني البلاغية والعلمية والإيمانية :

1⃣ أن القلب هنا مش زي الاسفنجة طري فهو صلب في إيمانه وعلمه وبصيرته واثق من منهجه غير متردد فيه ولا شاك.

2⃣ أن هذا القلب صافٍ مثل صفاء الزجاجة البلّورية النظيفة ، فيُشوف الأمور والمسائل على حقيقتها ويعرف يفرق بين الحق والباطل والمعروف والمنكر والدليل الصحيح والاستدلال الفاسد، والواضح من حقائق الدين والعلم والإيمان وشبهات الباطل، والخاطر الإيماني الرباني والخواطر الشيطانية


3⃣ أن هذا القلب صلب لأن الزجاجة مع صفائها هي مغلقة و لا يوجد فيها كسور ولا شقوق
فهو لصلابته يدفع الشبه ويردها وينكرها وتفضل الشبهة بره مش عارفة تدخل ليه ابدا

نسأل الله أن يجعلنا منهم

〰🌸🍃〰🌸🍃〰

//همسات الأوابين

والله ان حياتنا من غيرها لمشتته

#قصص_الأنبياء(٢)
#السيرة_النبوية
#الحلقة_الرابعة_والأربعون
#هجرة_المسلمين_ليثرب

وقفنا المرة إللي فاتت عند رسول الله ﷺ لما كان قاعد مع وفد المسلمين من يثرب، وشفنا البيعة إللي حصلت،
واختار الوفد المسلم من بينهم اثنا عشر رجلا عشان يكونوا مسؤولين عن كل الوفد ويمثلوا كل المسلمين إللي في يثرب،
وقال لهم رسول الله ﷺ :
إنتم المسؤولين قصادي عن كل المسلمين في يثرب، وأنا المسؤول على المسلمين من أهل مكة،
فقالوا : ماشي اتفقنا 🤝
وطلب رسول الله ﷺ من الاثنا عشر رجل إنهم يختاروا واحد منهم يكون رئيسهم عشان التواصل والمتابعة يبقى سهل
فاختاروا أسعد بن زرارة يكون هو رئيسهم
وبعد ما خلاص اتفقوا وكل حاجة تمام ، سمعوا صرخة عظيمة جدا، صوت عالي جدا بيقول:
يا أهل الجَبَاجِب، هل لكم في مُذَمّمٍ والصُّبَاةُ معه قد أجمعوا على حربكم😲
يعني يا أهل المنازل أو يا أهل الخيام، يقصد أهل مكة،
إلحقوا مذمم اجتمع مع الصابئين إللي غيروا دينهم عشان يحاربوكم،
ومذمم يقصد به رسول الله ﷺ لأنهم غيروا اسمه من محمد لمُذَمّمٍ، نوع من أنواع الأذى إللي كان بيتعرض له رسول الله ﷺ، حتى كان من أدب رسول الله ﷺ ونظرته الإيجابية للموضوع، كان يقول :
شوفوا ربنا بيصرف عني أذى قريش إزاي، بيدعوا على مذمم وبيشتموا مذمم وأنا محمد
فرسول الله ﷺ لما سمع الصرخة قال :
هذا شيطان العقبة، اسمع عدو الله، أما والله لأَفْرُغَنّ لك👌
يعني اصبر عليّ بس أما أفضالك👌
فتوجه للوفد المسلم وقال لهم :
ارجعوا للخِيم بتاعتكم، قبل ما أحد من المشركين ييجي👌
المفروض دلوقتي إن الوفد المسلم يروح بسرعة قبل ما المشركين ييجوا،
لكن الوضع كان مختلف
قام واحد من الوفد اسمه العباس بن عبادة وقال لرسول الله ﷺ :
والله يا رسول الله لو عايز نحارب أهل مِنَى كلهم دلوقتي 👌
خدوا بالكم إن الإتفاق كان إن المسلمين في يثرب ينصروا رسول الله ﷺ ويدافعوا عنه ويجاهدوا معاه لما يروح عندهم يثرب،
فهم دلوقتي بيعطوا رسول الله ﷺ أكثر من البيعة ومن إللي اتفقوا عليه، لأن إللي عايز الجنة بيبذل أي حاجة مهما كانت عشان يوصل لها،
يعني كأنهم بيقولوا بالدليل العملي يارسول الله ده أول إثبات مننا على صدق بيعتنا 🤚

لكن رسول الله ﷺ قال لهم : أنا لم أؤمر بذلك، يعني مجاليش الأمر من ربنا إني أقاتل أهل الحج👌
أيوة إنتم بايعتم وكل حاجة لكن مش ده وقت التطبيق
والحكمة فعلا إن ميكونش أي مواجهة دلوقتي بين الوفد وبين أهل مكة،
لأنهم هيُبادوا كلهم😶
حلو أوي إنهم يموتوا كلهم شهداء، لكن فين الدولة إللي احنا عمالين نخطط لبنائها، فين الأمة الإسلامية إللي هتنشر الدين في كل الدنيا😕
يبقى الصح إننا ننسحب دلوقتي ونتجنب المواجهة ، لحد ما نبقى أقوى وييجي الوقت المناسب للمواجهة 👌

سمع الوفد الإسلامي كلام رسول الله ﷺ ورجعوا للخيام بتاعتهم وباتوا مع باقي الوفد المشرك إللي هما جم معاهم،
تاني يوم جاء كفار مكة لرئيس وفد الحج إللي جاء من يثرب وكان مشرك واسمه :《عبد الله بن أُبَيّ بن سَلُول》

☆ خليكم فاكرين اسمه عشان هيكون له دور في أحداث رهيبة هتحصل بعدين👌

المهم قعدوا معاه وقالوا له بأسلوب في ترغيب وترهيب:
يا معشر الخزرج !
احنا وصل لنا إنكم قعدتم مع صاحبنا ده، عشان عايزين تطلعوه برة مكة وتبايعوه على حربنا😒
وأنتم أكثر ناس منحبش إن يكون في بينا وبينهم حرب،
لكن لو استمريتم على الوضع ده هنحاربكم، وإنتم عارفين كويس أوي مين هي قريش😈

فعبد الله بن أبي بن سلول قال لهم بكل انفعال:
الكلام ده مش صحيح، عمر ما حاجة زي كده تحصل من غير ما يستشيروني، ده أنا حتى لو في يثرب مش هياخدوا قرار زي ده إلا لما يسألوني😲
هو فعلا صادق لأنه ميعرفش إللي حصل بين الوفد المسلم وبين رسول الله ﷺ، وهو بيتكلم بكل ثقة لأن الأوس والخزرج كانوا شبه متفقين إن إللي هيحكم يثرب عبد الله بن أبي سلول،
لأن يثرب مكنش لها رئيس، لكنهم اتفقوا على الرجل ده بس لسه الموضوع مش رسمي،
فهو عمال يدافع والمسلمين قاعدين ساكتين يبصوا لبعض ولا كأنهم عملوا حاجة

المشركين من أهل مكة اقتنعوا بكلام عبد الله بن أبي بن سلول ومشيوا، وبعدها كانوا لموا حاجتهم وخلاص مشيوا راجعين ليثرب،
لما كفار قريش رجعوا داخل مكة، عرفوا إن فعلا حصل لقاء بين الوفد من أهل يثرب وبين رسول الله ﷺ، عرفوا منين وإزاي،
ممكن من صوت الشيطان إللي سمعوه أو حد شاف الوفد وهم بيتسللوا،
المهم إنهم عرفوا وخلاص، فراحوا راجعين للوفد تاني لقوهم مشيوا لأنه كان آخر يوم في الحج،
ودي حاجة رسول الله ﷺ كان عامل حسابه فيها👌
حاولوا يلحقوهم وطاردوهم فعلا لحد ما لحقوا اثنين المنذر بن عمرو وسعد بن عبادة وكانا مسلمين، وكمان من النقباء الاثنا عشر
المنذر بن عمرو قدر يهرب، سعد بن عبادة معرفش، راحوا ماسكينه ومكتفينه ورجعوا بيه لمكة وقعدوا يعذبوه ويضربوه، لحد ما واحد من الناس سأله: إنت يابني ملكش حد هنا في قريش تعرفه يقدر يحميك 😥
فقال له سعد من تحت الضرب : في...