جُبَير بن مُطعم والحارث بن حرب كنت بساعدهم وأحميهم لما يخرجوا في تجارة ويعدوا علينا في يثرب🤕
فالرجل راح بسرعة يبحث عن جبير بن مطعم والحارث بن حرب لقاهم عند الكعبة، فقال لهم :
إلحقوا في واحد بينضرب وبيقول إنه يعرفكم 😥
فقالوا: اسمه إيه، قال لهم : سعد بن عبادة😕
قالوا : صح احنا فعلا نعرفه 😮
وراحوا فعلا وخلصوه من المشركين👌
استطاع سعد بن عبادة إنه يلحق بالقافلة ورجع مع الوفد ليثرب، وبدأ التجهيز لاستقبال رسول الله ﷺ والمسلمين إللي هيهاجروا من مكة ليثرب😊

احنا دلوقتي في آخر السنة الثالثة عشر للبعثة، الأوضاع في يثرب مستقرة إلى حد كبير،
الأوضاع في مكة كلها قلق، هم عارفين إن في حاجة بتدبر في الخفاء، لكن إيه هي بالتحديد مش عارفين😕
في وسط الأوضاع دي جاء الأمر الإلهي للمسلمين في مكة بالهجرة ليثرب👌
كل مسلم قادر يجب عليه الهجرة فورا، الموضوع دلوقتي مش اختياري، ده أمر مباشر بالهجرة، الرجال والنساء، القوي والضعيف الغني والفقير الحر والعبد...الكل لازم يهاجر👌
الهجرة معناها إنهم هيسيبوا أموالهم وبيوتهم وذكرياتهم وأهلهم...معناها إنهم هيستعدوا لتكاليف أصعب ، هيحاربوا ويعادوا كل الأرض👌

أمر رسول الله ﷺ الناس بالهجرة وهو لم يهاجر، مستني لما يطمن إن كل واحد يقدر يهاجر خلاص طلع من مكة،
وهو كده بيعلمنا إن القيادة والزعامة مسؤولية وأمانة، مش ترف ورفاهية وإن الزعيم يضحي برعيته عشان يحمي نفسه ومنصبه🙄

بدأ المسلمون بالهجرة وكان أول من هاجر من المسلمين إلى يثرب هو أبو سلمة عبد الله بن عبد الأسد المخزومي وهو ابن عمة رسول الله ﷺ،
بعدما قرر أبو سلمة إنه يخرج وجهز نفسه وزوجته ومعاهم ابنهم سلمة وركبهم على البعير ومسك حبل البعير بيقوده،
شافه ناس من أقارب زوجته أم سلمة،
قالوا له: شوف.. إنت حر في نفسك لكن متاخدش بنتنا وتبهدلها معاك😡
وراحوا شادين حبل البعير وأخذوا أم سلمة إللي قاعدة على البعير وابنها في حجرها،
راح أهل أبو سلمة غضبوا، إزاي يأخذوا منه زوجته، راحوا قايلين :
طب والله ماحنا سايبين ابننا عندها، هاتوا الواد😠
ودول ماسكين الطفل الصغير يشدوه والتانيين يشدوا لحد ما الولد إيده اتخلعت 😳
وأخذه أهل زوجها، وحبسها أهلها وانطلق أبو سلمة ناحية يثرب مهاجر واتفرق بينها وبين زوجها وابنها😶
وقعدت سنة كاملة تخرج كل يوم الصبح تقعد على الطريق تبكي لحد المساء،
فعدى عليها واحد من أبناء أعمامها وشافها فصعبت عليه، فراح مكلم أهلها وقال لهم : متسيبوا المسكينة دي فرقتم بينها وبين زوجها وابنها😓
فاقتنعوا بكلامه وقالوا لها:
روحي لزوجك لو إنتي عايزة😒
فساعتها أهل أبو سلمة رجعوا لها ابنها، فأخذت ابنها وركبت على الراحلة وسافرت ليثرب عشان تروح لزوجها لوحدها،
☆أنا دايما كنت بستغرب من القصة دي، إزاي أبو سلمة قدر يسيب زوجته وابنه إللي ذراعه انخلع ويمشي يهاجر كده عادي😳
لا والأعجب إن زوجته أم سلمة كانت تقول ومين خير من أبي سلمة🤨
واضح إن الناس دي كان عندهم الدين وأوامر الله ورسوله حاجة غالية أوي 😞

مهما طال الإبتلاء ربنا هيرفعه في يوم من الأيام، فسبحان من سخر لأم سَلَمة ابن عمها عشان يكلم أهلها وسبحان من غير قلوب أهلها وخلاهم يوافقوا إنها تروح لزوجها👌

هنشوف تضحيات كثيرة في الهجرة، في إللي ضحّى بماله، وإللي ضحّى ببيته، يعني كانت العائلة كلها تخرج وتسيب بيوتها في مكة،
وخدوا بالكم مفيش رجعة مرة أخرى للبيوت دي...يعني مجرد ما يطلعوا من مكة ويهاجروا خلاص 🤚

تتابع المسلمون في الهجرة ليثرب وكان بيستقبلهم المسلمون في يثرب عشان ينصروهم ويساعدوهم،
فبقى المسلمين إللي بيهاجروا من مكة اسمهم: 《المهاجرين》
والمسلمين إللي في يثرب بيستقبلوا المهاجرين وإللي بايعوا رسول الله ﷺ بيعة العقبة الثانية بقى اسمهم :
《الأنْصَار》

☆والأنصار غير النصارى 😅
الأنصار هم المسلمين إللي نصروا وآوَوْا المهاجرين ورسول الله ﷺ
أما النصارى فهم إللي بيتبعوا دين النصرانية، الدين إللي اتحرف من بعد عيسى عليه السلام😊

وكان المسلمون بيهاجروا في السر، لأن لو قريش عرفت عن أحد إنه مهاجر كانت بتمنعه، أو حتى تحاول قتله😑

رسول الله ﷺ فضل مستني شهرين بعد بيعة العقبة الثانية لحد ما كل المسلمين إللي يقدروا يخرجوا من مكة خرجوا وهاجروا ليثرب،
احنا دلوقتي في شهر صفر من السنة الرابعة عشرة من البعثة ،
اتبقى في مكة ثلاثة فقط من إللي يقدروا يهاجروا وهم :
أبو بكر الصديق وأهل بيته وعلي بن أبي طالب ورسول الله ﷺ،
وسبب وجود أبو بكر وعلي في مكة لحد دلوقتي كان بأمر من رسول الله ﷺ لأن كل واحد فيهم له دور هيؤديه بعدين زي ما هنشوف إن شاء الله
طبعا كلكم مستنيين أحكي قصة هجرة عمر بن الخطاب وإزاي إن هو الوحيد إللي هاجر علانية وراح لأهل مكة وقال لهم: من أراد أن تَثْكله أمه أو يُيَتم ولده فليتبعني خلف هذا الوادي فإني مهاجر

◇لكن للأسف القصة طلعت ضعيفة لا تصح عن عمر بن الخطاب

القصة الصحيحة إنه اتفق مع ثلاثة من أصحابه المسلمين إنهم يتقابلوا في مكان برة مكة وقالوا :
أي واحد فينا ميجيش المكان ده الباقي هيعرف إنه اتحبس ومقدرش ييجي، فالباقي يمشي ويهاجروا👌
وفعلا جاء عمر بن الخطاب للمكان وجاء صاحب له والثالث مجاش، فهاجر عمر وصاحبه وهم في الطريق قابلوا عشرين واحد من الصحابة فدخلوا يثرب مع بعض،
وكان سابقهم مصعب بن عمير ومعاه عبد الله بن أم مكتوم الأعمى
وجاء بعدهما عمار بن ياسر، وبلال بن رباح وسعد بن أبي وقاص رضي الله عنهم أجمعين😊
مصدر كلامي كتاب:
《ما شاع ولم يثبت في السيرة النبوية》

إزاي رسول الله ﷺ هاجر وإيه الخطة إللي حطها عشان يقدر يهاجر بسلام،
ده إللي هنعرفه الجزء إللي بعد الجاي تقريبا، لأن الجزء الجاي هنتكلم عن.....
هنتكلم عن إيه😁
تابعوا معانا وإن شاء الله هتعرفوا 🤭


#السيرة_النبوية
#ايمان_شلبي

*الحلقة ال 4️⃣1️⃣ من فقه النكاح والطلاق (د/وفاء العبيدي)
وفيها احكام وشروط الخلع*
👆🏻👆🏻👆🏻👆🏻👆🏻👆🏻

"من استطاع منكم الباءة فليتزوج"
مشهور بين الناس باءة يعني: المال.
هناك معنى آخر نفسي: إنه بوأها وجعلها في منزلةٍ تخصها! ليس كمنزلتها في بيت أبيها.
إذن هنا: من استطاع منكم أن يُبوأها فليتزوج!
أن يبوأها منزلة من نفسه هو!
يغار عليها يحميها يهتم بها اهتمام زائدٍ عن اهتمام أبيها بها! أو أخيها بها.

-الشيخ حاتم الأنصاري.

🌙همسة مسائية🌄

مالذي يقتضيه قولك في ورد أذكارك: "رضيتُ بالله ربًا"؟

• إذا رضيتَ به ربا فقد رضيتَ به إلها..
فلا يستقيم أن تصرف شيئا من محبتك وخوفك ورجائك وعبوديتك لغيره وقد ادَّعيتَ الرضا به.

• وإذا رضيتَ به ربا، فقد رضيتَ به قاسمًا معطيًا مانعًا..
فلا يستقيم أن تسخط من أقداره التي تصيبك، ومن قسمته لك في رزقك، وقد ادَّعيتَ الرضا به.

• وإذا رضيتَ به ربا، فقد رضيتَ به حَكَمًا مشرّعًا..
فلا يستقيم ألا تسلِّم مذعنا لأحكام شريعته، ممتثلا لأمره ونهيه، وقد ادَّعيتَ الرضا به.

وما أعظم أن يتذكر العبد رضاه بكل ذلك، ويناجي الله مقرَّا معترفا بذلك الرضا، مجددا له في كل صباحٍ ومساء.

*الأربعون_النسائية*🌿

ولكن في رأيك لو لم تحتج العمل أو لم يحتجها العمل كما ذكرنا *ايهما أفضل العمل أم التفرغ للبيت والأولاد*؟

لن أتحدث هنا على المجهود المضاعف للزوجة العاملة ما بين عملها خارج المنزل وداخله مما يجعلها تدور في دوامة لا تنتهي تأتي على صحتها وراحتها واستمتاعها بالحياة بل الأهم عباداتها وعلاقتها بربها فلا وقت لديها لأي شيء غير العمل


ولكن سأتحدث عن جانب آخر لمسته وعايشته بنفسي
فقد كانت لي جارة تعمل طبيبة، وإذا لم تجد خادمة تجالس بناتها أثناء عملها طلبت مني أن اجلس معهن حتى تعود
ولكن مازالت كلمات بناتها الصغيرات ترن في أذني بعد عشرات السنين وهن يقلن لها : " لا نريد مالا بل نريدك أنت ".

هذه العبارة على بساطتها وصدقها تختصر محاضرات ومحاضرات .


كلمات أختي وهي تخبرني عن صديقتها التي قررت ألا تعمل مهما كان السبب، لأنها لن تكرر مأساة والدتها الطبيبة التي كانت لا تراها إلا صدفة ، وكانت الورقة المعلقة على الثلاجة هي وسيلة التواصل بينهما.

كلمات طبيبتي كلما ذهبت إليها وهي تشكو لي بُعد أبنائها عنها بسبب انشغالها.


اضيف اليها كلمة تذكرتها لصديقتي
هي استمرت في عملها بالجامعة وانا استقلت حتى اكون مع أولادي

قالت لم اربي اولادي بل يعتبرون امي وحماتي امهم
لم استطع أن اربيهم كما اريد

ما وصلنا إلى ما وصلنا إليه من انهيار المجتمع إلا حين تركت الأم وظيفتها الأساسية وهي أعظم وأخطر وأنبل وظيفة وهي وظيفة تربية الأبناء

يقول أحمد شوقي في الأبيات التي نحفظها جميعا ولكن لا نعيها :

ليس اليتيمُ مَنِ انتهى أَبَواهُ ...... مِن هَمِّ الحياةِ وَخَلّفاهُ ذَليلا
إنَّ اليَتيمَ هو الذي تَلقى لَهُ ...... أُمّاً تَخَلَّت أو أَباً مَشغولا.

أجل، إنها أم تخلت عن وظيفتها، ولا وقت لديها لمتابعة أبنائها ومعرفة أين يذهبون ومن هم أصدقاؤهم .

لاوقت لديها لأبنائها لأنها انشغلت بأهدافها هي وظنت أن مقياس نجاحها وإثبات وجودها وكيانها لا يكون إلا بالعمل وارتقاؤها فيه.

عندي وجهة نظر أخرى وهي أن كثيرا من النساء خرجن للعمل دون حاجة للعمل ولو جلسن في البيوت لكان هناك أماكن للرجال ليجدوا وظائف ويفتحوا بيوت

لم تهدم كثير من البيوت بسبب العلاقات بين الرجال والنساء في العمل

نعود للأحاديث🥰

إذا ضوابط خروج المرأة للعمل:
-أن يكون العمل مباحًا.
-أن يكون الخروج لحاجة شخصية أو لحاجة المجتمع.
- إذن الزوج أو الولي.
-عدم التفريط في حق الزوج أو الأولاد.
-ملائمة العمل لطبيعة المرأة.
-الالتزام باللباس الشرعي.
-عدم مس الطيب وهو العطر.
-الاعتدال في المشي.
-عدم الخلوة أو الاختلاط بالرجال

حققنا الضوابط الحمد لله
لكن نريد أن نؤكد على الشرط الثالث وهو إذن الزوج أو الولي

فمن الأمور التي يغفل عنها كثير من الزوجات أنه لا يجوز لهن الخروج من البيت إلا بإذن الزوج ، فلا يجوز للمرأة الخروج من بيت زوجها إلا بإذن منه .

فإن الله تعالى يقول عن المطلقة في الطلاق الرجعي وهي ما زالت في العدة : ( لَا تُخْرِجُوهُنَّ مِن بُيُوتِهِنَّ وَلَا يَخْرُجْنَ إِلَّا أَن يَأْتِينَ بِفَاحِشَةٍ مُّبَيِّنَةٍ)

إلا أنه يستثنى من ذلك أن تخرج لعذر شرعي كالخروج إلى قضاء حوائجها المهمة وتعود بعد زمن قصير ؛ لأن العرف يبين لنا رضا الزوج في مثل ذلك ،

والخروج لواجب عليها عند أكثر العلماء كالخروج للسؤال عن أمر دينها ، أو للحج الواجب عليها ، أو لزيارة والديها عند بعض أهل العلم.

وأما أن تخرج من البيت بغير إذن الزوج وليس لها عذر شرعي فلا يجوز ، بل تكون امرأة ناشزًا عاصية ليست لها نفقة عند أكثر أهل العلم ،


هذا بخصوص الزوج فهل تستأذن الفتاة التي لم تتزوج؟
ولو عليها الاستئذان فمن تستأذن؟


#الأربعون_النسائية
#هبة_حلمي

اللهم ارزقنا من فضلك 🌿

(لنختم القرآن سماعا)

الورد (١٩٢)

(الربع الرابع & الحزب الثامن والأربعين)

#القارئ: هيثم الدخين
#ليدبروا على التليجرام
https://www.tg-me.com/GhRoooh/12061

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻
https://youtu.be/p9rap9eK_d8?feature=shared
#صباحكم_قرآنٌ_يُتلى

نصيحة مهمة جدًا لأصحاب الهموم والديون🌿

#قصص_الأنبياء(٢)
#السيرة_النبوية
#الحلقة_الخامسة_والأربعون
#قصص_القرآن
#أصحاب_الجنة
#لقمان

وقفنا المرة إللي عند رسول الله ﷺ وهو بيجهز لهجرته ليثرب،
لكن قبل ما نسيب مكة مع رسول الله ﷺ ونهاجر ليثرب محتاجين نعرف قصتين من قصص القرآن نزلت في مكة خلال الثلاثة عشرة سنة إللي عاشاها رسول الله ﷺ بعد البعثة😊

◇القصة الأولى قصة أصحاب الجنة،
ربنا أنزل آيات في سورة القلم في بداية الدعوة بيحكي لرسول الله وللمسلمين ولكفار قريش قصة رجل صالح من أهل الكتاب وأبنائه الخمسة في الزمن إللي فات،
عشان يضرب لهم المثل ويقول لهم عاقبة إللي بيكفر نعمة ربنا هتكون إيه👌
كان في رجل صالح عنده جنة، يعني حديقة كبيرة جدا مليانة أنواع الشجر والنخيل والثمار ،يُقال إن الجنة دي كان في مدينة من مدن اليمن،
الرجل الصالح ده كان من عادته إنه يقسم الثمار أو المحصول ثلاثة أقسام، قسم بياخده لبيته وأولاده،
وقسم بيوزعه على الفقراء والمساكين، وقسم بيرجعه الأرض تاني عشان يعيد إنتاجه،
وكان ربنا مُبارِك له بسبب صدقته على الفقراء والمساكين،
عياله مكنش عاجبهم الموضوع، بالنسبة لهم أبوهم ده رجل بيضيع فلوسه وإنهم أوْلى بالثمار إللي أبوهم بيوزعها عالناس دي،
المفروض يُؤَمن مستقبلنا احنا، حد عارف المستقبل فيه إيه😤
ماعدا واحد فيهم كان شايف إن إللي أبوه بيعمله هو الصح، وإن الرزق والنعم إللي هم فيها دي بسبب بركة ربنا لهم في البستان بتاعهم،
عدت السنين ومرض أبوهم ومات وورث الأبناء الخمسة البستان، وكان في السنة إللي أبوهم مات فيها دي محصول البستان بتاعهم كثير جدا أكثر من أي سنة فطمعوا
و قالوا:
أبونا ده كان رجل أحمق ، يعني مش بيعرف يدبر أموره،
بيصرف على الفقراء من أموالنا دي😑
فاحنا بقى مش هنعطي لأي أحد حاجة من الثمار دي وهنوفر ونعيش مرتاحين😈
فأخوهم الأوسط قال لهم:
بلاش تعملوا كده، خليكم زي ما كان أبونا بيعمل، الثمر إللي إنتم شايفينه ده بسبب بركة ربنا😥
طبعا مسمعوش الكلام🙃
اتفقوا مع بعض وأقسموا من غير ما يقولوا إن شاء الله ،
إنهم هيصحوا الصبح بدري في أواخر الليل كده عشان يجمعوا الثمار قبل ما أي أحد من الفقراء والمساكين ييجي ومش هيستثنوا ولا واحد من الناس دي👌
"إِنَّا بَلَوْنَاهُمْ كَمَا بَلَوْنَا أَصْحَابَ الْجَنَّةِ إِذْ أَقْسَمُوا لَيَصْرِمُنَّهَا مُصْبِحِينَ"

ده كان تدبيرهم وتخطيطهم، لكن رب العالمين يعلم بكل شيء، فأرسل على البستان بتاعهم عذاب من السماء، يقال إن العذاب ده كان نار أحرقت كل البستان لحد ما بقى أسود فحمة وكل ده وهم نايمين ميعرفوش حاجة😶
"فَطَافَ عَلَيْهَا طَائِفٌ مِنْ رَبِّكَ وَهُمْ نَائِمُونَ* فَأَصْبَحَتْ كَالصَّرِيمِ"

كانوا عايزين يمعنوا حق ربنا في الفقراء والمساكين عشان يحوّشوا ويزودوا دخلهم ونسيوا إن ربنا هو إللي بيرزق،
وإن الثمار دي لولا إن ربنا أذن إنها تخرج مكنتش خرجت،
فعاقبهم الله بعكس إللي كانوا بيخططوا له،
يعني مش بس مفيش حاجة تحوشوها، لأ...ده حتى الجزء إللي كنتم بتاخدوه كل سنة مش هتاخدوا منه ثمرة 👌
"وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ "

صحيوا الصبح ...يلا يا جماعة بسرعة نروح قبل ما أحد ييجي لو إنتم فعلا جادين في كلامكم بتاع امبارح😤
" فَتَنَادَوْا مُصْبِحِينَ * أَنِ اغْدُوا عَلَى حَرْثِكُمْ إِنْ كُنْتُمْ صَارِمِينَ"
مشيوا براحة ومن غير ما يعملوا أي صوت عشان محدش يحس بيهم من الفقراء وييجي يطلب منهم الصدقة🤫
"فَانْطَلَقُوا وَهُمْ يَتَخَافَتُونَ * أَنْ لَا يَدْخُلَنَّهَا الْيَوْمَ عَلَيْكُمْ مِسْكِينٌ * وَغَدَوْا عَلَى حَرْدٍ قَادِرِينَ"

أول ما وصلوا البستان لقوها عبارة عن سواد كل حاجة محروقة 😳
قالوا إيه ده...احنا تهنا ولا إيه؟
"فَلَمَّا رَأَوْهَا قَالُوا إِنَّا لَضَالُّونَ"
فلما اتأكدوا إن إن فعلا ده البستان بتاعهم عرفوا إن ربنا غضب عليهم وعاقبهم بسبب نيتهم الخبيثة بمنع حق الفقراء،
"بَلْ نَحْنُ مَحْرُومُونَ"

هنا تكلم أخوهم الأوسط وكان قد خرج معهم لعله يقول لهم كلمة تنفعهم ويرجعوا عن إللي في دماغهم، قال لهم:
مش أنا حذرتكم ومسمعتوش كلامي😓
"قَالَ أَوْسَطُهُمْ أَلَمْ أَقُلْ لَكُمْ لَوْلَا تُسَبِّحُونَ"

قالوا : فعلا كان معاك حق احنا ظلمنا نفسنا، ومكنش ينفع نمنع الفقراء والمساكين😔
"قَالُوا سُبْحَانَ رَبِّنَا إِنَّا كُنَّا ظَالِمِينَ"
فقعدوا يرموا اللوم على بعض...كل واحد بقى يقول إنت السبب إنت إللي شجعتنا ،
"فَأَقْبَلَ بَعْضُهُمْ عَلَى بَعْضٍ يَتَلَاوَمُونَ "
وبعدين قالوا فعلا احنا اعتدينا وطغينا وتعدينا حدود ربنا واحنا معترفين بغلطنا،
"قَالُوا يَا وَيْلَنَا إِنَّا كُنَّا طَاغِينَ"
لكن الإعتراف بالغلط والتوبة لا يرفع العذاب إللي نزل، فعشان كده قالوا :
لعل ربنا يرزقنا أحسن منها في الجنة بسبب توبتنا دي واحنا عايزين العفو من ربنا😔

" عَسَى رَبُّنَا أَنْ يُبْدِلَنَا خَيْرا مِنْهَا إِنَّا إِلَى رَبِّنَا رَاغِبُونَ"
فهم لما نزل بهم البلاء تابوا ورجعوا لربنا وهو ده المطلوب👌

☆طيب احنا كده فهمنا القصة ..إيه بقى علاقتها بكفار قريش🤔
رسول الله ﷺ قعد يدعوا المشركين لعبادة الله، وأهل مكة ربنا أنعم عليهم بالنعم الكثيرة، رحلتي الشتاء والصيف،
وعندهم زمزم، وعندهم الحرم الآمن،
وعندهم الأموال بالأولاد، نعم لا تُعد ولا تُحصى
هو أعطاها لهم ابتلاء واختبار زي ما ضاعف الثمار لأصحاب الجنة،
لكنهم مع النعم دي كلها كفروا بالله ومش عايزين يسمعوا كلام رسوله، فابتلاهم الله بقحط وجدب،
لدرجة إنهم أكلوا الجلود والجِيَف، ومع ذلك لم يؤمنوا برسول الله ﷺ ومراجعوش نفسهم زي ما أصحاب الجنة عملوا👌
وإللي انتم مش قادرين تستحملوه ده ،عذاب الدنيا بس أما عذاب الآخرة فهو أكبر بكثير😓
" * كَذَلِكَ الْعَذَابُ وَلَعَذَابُ الْآخِرَةِ أَكْبَرُ لَوْ كَانُوا يَعْلَمُونَ"

◇القصة الثانية معانا النهاردة هي قصة لقمان الحكيم😊
ربنا سمى سورة كاملة باسم لقمان، وده بيدل على مكانة لقمان الحكيم،
"وَلَقَدْ آتَيْنَا لُقْمَانَ الْحِكْمَةَ أَنِ اشْكُرْ لِلَّهِ"
الغرض من القصة إننا ناخد منها العبرة زي ما قلنا قبل كده،
لأن القرآن مش كتاب تاريخ عشان يشرح القصص بالتفصيل
يقول ابن كثير في البداية والنهاية إن لقمان اختلفت فيه الأقوال، يعني علماء قالوا إنه كان قاضي في زمن داوود عليه السلام،
وعلماء قالوا إنه كان من أهل النوبة وعلماء قالوا إنه كان عبد حبشي بيشتغل نجار وكان قصير وأنفه أفطس👃وشفايفه كبيرة وغليظة وقدماه مشققة،
ولكن على الرغم من شكله ده إلا إن ربنا أعطاه الحكمة ، وبقى أحسن من ناس كثيرة لدرجة إن ربنا خلّد ذكره وقصته في القرآن، فهو حكيم من الحكماء لكنه مش نبي

ربنا بيحكي عن لقمان وإزاي كان بينصح ابنه، وبيقول لنا القواعد الأساسية في حياة الإنسان قال له:

♡القاعدة الأولى:
يابني لا تُشرك بالله، يعني لا تعبد مع الله إله تاني، متدعيش حد غير ربنا،
متطلبش الحماية إلا من ربنا، مفيش حاجة اسمها خرزة زرقاء بتحمي، مفيش خمسة وخميسة ، مفيش حاجة اسمها إنسان ولا شجر ولاحجر نقعد نتبرك بهم،
متقعدش تتوسل بقبور الأنبياء والصالحين، الناس دي ماتت خلاص مش هتنفع البشر بشيء، توسل لربنا وادعيه على طول من غير واسطة👌
مفيش يابني حد يعرف الغيب غير ربنا، لا عرّافين ولا مُنجّمين ولا غيرهم😑
اوعي يابني تشرك بالله لأن الشرك هو الذنب الوحيد إللي ربنا لا يغفره لو الإنسان مات عليه😓
"وَإِذْ قَالَ لُقْمَانُ لِابْنِهِ وَهُوَ يَعِظُهُ يَا بُنَيَّ لَا تُشْرِكْ بِاللَّهِ إِنَّ الشِّرْكَ لَظُلْمٌ عَظِيمٌ "

♡القاعدة الثانية:
ربنا لا يظلم مثقال ذرة ويعلم كل أمر خفي👌
حتى لو صخرة إنت رميتها في البحر وجوة الصخرة دي حبة خردل ربنا عالم بيها،
فمهما حاولت تُخفي عن ربنا شيء هو بيعلمه، ده يعلم إللي نفسك بتقوله لك من غير ما تتكلم👌
"يَا بُنَيَّ إِنَّهَا إِنْ تَكُ مِثْقَالَ حَبَّةٍ مِنْ خَرْدَلٍ فَتَكُنْ فِي صَخْرَةٍ أَوْ فِي السَّمَوَاتِ أَوْ فِي الْأَرْضِ يَأْتِ بِهَا اللَّهُ إِنَّ اللَّهَ لَطِيفٌ خَبِيرٌ"

♡القاعدة الثالثة:
الصلاة...يابني أقم الصلاة، الصلاة هي الرابط إللي بين الإنسان وبين ربه، واحنا عن اتكلمنا عن الصلاة لما كنا بنتكلم عن فرضها في رحلة الإسراء والمعراج
"يَابُنَيَّ أَقِمِ الصَّلَاةَ"

♡القاعدة الرابعة :
الأمر بالمعروف والنهي عن المنكر👌
من أكثر الحاجات إللي اتكررت معانا كانت الأمر بالمعروف والنهي عن المنكر
قال له :
يا بني أؤمر الناس بالمعروف وانهاهم عن المنكر على قدر استطاعتك لو تقدر بالإيد أو اللسان أو القلب،
وإللي بيؤمر بالمعروف وينهى عن المنكر لازم هيصيبه أذى، فلازم تصبر على الأذى إللي هيصيبك ده،
ومش عشان أصابك أذى يبقى ده مبرر ليك إنك تسيب الأمر بالمعروف والنهي عن المنكر👌
"وَأْمُرْ بِالْمَعْرُوفِ وَانْهَ عَنِ الْمُنْكَرِ وَاصْبِرْ عَلَى مَا أَصَابَكَ إِنَّ ذَلِكَ مِنْ عَزْمِ الْأُمُورِ"

♡القاعدة الخامسة: الأخلاق
قال له : يابني لا تتكبر على الناس، ميبقاش حد بيكلمك ولا إنت بتكلم حد وتميل خدك كده وتبص له بجنب احتقارا له👌
ولما تمشي في الشارع امشي مشية متوسطة لا سريع ولا بطيء ومتمشيش تتمختر وشايف نفسك،
مفيش أي حاجة تدعو إنك تمشي فرحان بنفسك، يوم من الأيام هتبقى في باطن الأرض إللي إنت ماشي بتكبر عليها دي😞
"وَلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحا إِنَّ اللَّهَ لَا يُحِبُّ كُلَّ مُخْتَالٍ فَخُورٍ "
ومن الأخلاق إللي نصح لقمان ابنه بها إنه يوطي صوته لما ييجي يتكلم لأن أعلى صوت وأنكرها والناس بتكرهه هو صوت الحمير ،
فمادام هو مش محتاج إنه يعلي صوته ومفيش مناسبة لتعلية الصوت زي رفع الأذان مثلا يبقى يحافظ على توطية صوته👌

إن شاء الله في الجزء الجاي هنرجع لرسول الله ﷺ عشان نشوف خطته للهجرة ونعرف الأحداث الصحيحة للهجرة😉


#السيرة_النبوية
#ايمان_شلبي

هل للإنسان أجر في أمراضه النفسية كما في الأمراض العضوية ؟

ج/ نعم بكل تأكيد ..

قال النبي ﷺ : " ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه ".

الشيخ عبد العزيز الدميجي

ان كنت املك ثمن الحج لنفسي واريد ان أأخذ والدتي وزوجتي هل يجوز الانتظار والتأجيل لتدبير المبلغ المطلوب؟

ج / بل يجب عليك الحج فورا، ثم متى تيسر لك الحج ثانيا وإحجاج أمك وزوجتك فافعل مأجورا.

الشيخ محمود مداد