الدرس الثالث🌺🌺
#الإظهار_الحلقى👆👆

#تجويد

#قصص_الأنبياء
#الحلقة_الثالثة_والخمسون
#مريم_زكريا_الجزء_الثالث
#مريم_الجزء_الأول

اتكلمنا المرة إللي فاتت عن زكريا عليه السلام وإنه دعا ربنا إنه يرزقه الذرية الصالحة لما شاف إنه بيرزق مريم بنت عمران فاكهة الصيف في الشتاء وفاكهة الشتاء في الصيف،
وكان ده كرامة من ربنا لمريم بسبب كثرة عبادتها وزهدها وتعلقها بالله،
كانت مريم مختلفة عن البنات إللي في سنها، يعني كان جسمها بيكبر وبيقرب من البلوغ أسرع من البنات العادية،
وكان من عادة بني إسرائيل إنهم يحجّون لبيت المقدس،
يعني بيطلعوا في قافلة من مدن القدس ويتوجهوا من هناك لبيت المقدس لأن بيت المقدس كان قبلتهم،
زي ما المسلمين بيتوجهوا للحج في مكة دلوقتي 👌
في يوم من الأيام لما كان عمرها حوالي خمسة عشر سنة
خرجت في قافلة مع أهلها لبيت المقدس وهي كانت من مدينة النّاصرة،
في الطريق..سابت أهلها وتأخرت عن القافلة لسبب معين،
"إِذِ انتَبَذَتْ مِنْ أَهْلِهَا مَكَانًا شَرْقِيًّا"
إيه السبب منعرفش بالضبط..ممكن يكون أصابها الحيض،
أو إنها كانت عايزة تطهر من الحيض...أو غيرها من أقوال العلماء،
المهم إن حصل حاجة خلتها تتأخر عن الناس إللي معاها وراحت وراء جبل قريب كده بس بعيد عن عنيهم،
"فَاتَّخَذَتْ مِن دُونِهِمْ حِجَابًا "
فهي كانت عايزة تكون لوحدها..وفجأة لقت قصادها رجل..فاتخضت وخافت
"فَأَرْسَلْنَا إِلَيْهَا رُوحَنَا فَتَمَثَّلَ لَهَا بَشَرًا سَوِيًّا"
فكرت إن الرجل ده عايز يؤذيها
فقالت له : أعوذ بالرحمن منك لو كنت من المتقين😰
لأن التّقي هو إللي بيخاف ربنا وخوفه من ربنا بيمنعه إنه يعمل أي شيء محرم👌
"قالَتْ إِنِّي أَعُوذُ بِالرَّحْمَن مِنكَ إِن كُنتَ تَقِيًّا"
فالرجل قالها: متخافيش أنا رسول من عند ربك عشان أوهبك غلام..طفل طيب وطاهر، هتكوني انتِ أمه.
"قَالَ إِنَّمَا أَنَا رَسُولُ رَبِّكِ لِأَهَبَ لَكِ غُلامًا زَكِيًّا"

☆قبل ما نكمل هنقف كم وقفة كده مع آيات القرآن نتدبرها 😊
♡ربنا بيقول 《وأرسلنا إليها روحنا》
الروح هنا المقصود به جبريل عليه السلام ..طيب ليه ربنا سمّى جبريل عليه السلام بالروح🤔
احنا كبشر بنتكون من حاجتين هما جسد وروح صح؟
إيه إللي بيحرك الجسد؟
الروح هي إللي بتحرك الجسد..يعني الروح هي السبب في حياة الجسد👌
جبريل عليه السلام هو المَلك المسؤول عن توصيل الوحي،
والوحي ده سبب في حياة القلوب...فالإنسان بيكون حي بحاجتين: حياة جسدية وحياة قلبية👌
الحياة الجسدية كوووول الناس بتشترك فيها حتى الحيوانات بتشترك في الحياة الجسدية دي،
لكن الحياة القلبية دي خاصة بعباد الله المتقين....
"أَوَمَن كَانَ مَيْتًا فَأَحْيَيْنَاهُ" يعني كان كافرا فهديناه👌

يعني باختصار كده الروح تحيا بها الأجساد وجبريل عليه السلام يحيا بسببه القلوب عن طريق الوحي..عشان كده اسمه الروح

♡ نشوف الآية الثانية :
ربنا بيقول عن مريم لما راحت في مكان لوحدها لقت قصادها رجل《بشرا سويا》..ليه ربنا قال بشرًا سويا
عشان يوصّل لنا إن إللي مريم شافته كان من البشر ومكنش من الجن..ده أولاً
ثانيا : البشر إللي هي شافته ده هو في أصله مَلك من الملائكة إللي هو جبريل عليه السلام،
والبشر ميقدروش يشوفوا الملائكة على أصلهم لازم يتمثلوا في صورة بشر عشان نقدر نشوفهم،
فلو كان الرجل إللي هي شافته ده طويل جدا مثلا أو قصير جدا أو في خِلقته أو في شكله أي حاجة مختلفة عن البشر العاديين كان الطبيعي إنها تخاف ويبان إن ده إللي مخوّفها💁‍♂️
لكن القرآن بيقول لنا إن ده مكنش سبب خوفها،
يعني هي مخفتش لمجرد إنها شافت بشر لإن البشر إللي شافته كان بشر سويّ الخِلقة مفيهوش علامة غريبة تستدعي الخوف في حد ذاته.. لأ.. ده بشر طبيعي زي أي بشر.


♡الآية الثالثة😊
لما قالت مريم《إني أعوذ بالرحمن منك》 ليه قالت الرحمن؟ مع إن المفروض هنا كانت تقول الجبار أو ذو الانتقام والبطش عشان تخوفه مثلا ،
؛ لإنها كانت بتحاول تذكّر الراجل ده برحمة ربنا قبل عذابه👌
بتذكّره بالرجاء قبل الخوف من باب الرفق بالناس ودعوتهم للخير قبل ترهيبهم بالضر والعقوبة..
ومريم رضي الله عنها مكنتش تعرف هل الرجل ده تقي ولّا لأ فعشان كده حطت له شرط من باب التشجيع والتحفيز له..وهو :
《 إن كنت تقيا》يعني لو انت من إللي بيخافوا ربنا فإنت مش هتؤذيني.

نرجع بقى لكلام جبريل عليه السلام وإنه قال لها إنه رسول من عند ربنا،
الأول بشرها إن ربنا اصطفاها وطهرها على كل نساء الدنيا..
"إِذْ قَالَتِ الْمَلائِكَةُ يَا مَرْيَمُ إِنَّ اللَّهَ اصْطَفَاكِ وَطَهَّرَكِ وَاصْطَفَاكِ عَلَى نِسَاء الْعَالَمِينَ"
وبعدين قال لها إن ربنا بيبشرك إنه هيوهبك غلام..لكن الغلام ده مختلف ..هو كلمة ربنا ..يعني هيخلقه في رحمك بكلمة كن فيكون..
"إذْ قَالَتِ الْمَلائِكَةُ يَا مَرْيَمُ إِنَّ اللَّهَ يُبَشِّرُكِ بِكَلِمَةٍ مِّنْهُ اسْمُهُ الْمَسِيحُ عِيسَى ابْنُ مَرْيَمَ وَجِيهًا فِي الدُّنْيَا وَالآخِرَةِ وَمِنَ الْمُقَرَّبِينَ"

وهيكون مشهور في الدنيا وهيتعرف اسمه بين المؤمنين بالمسيح عيسى بن مريم..وله وَجاهة وله مكانة عند ربنا...
هيكلم الناس ويدعوهم لعبادة الله وهو لسه مولود في المهد وكمان لما يكبر ..وهيكون من الصالحين المقربين عند ربنا👌
"وَيُكَلِّمُ النَّاسَ فِي الْمَهْدِ وَكَهْلاً وَمِنَ الصَّالِحِينَ"

☆قبل ما نشوف رد فعل مريم عليها السلام عايزين نرجع كده شوية للوراء في الزمن
أصل مريم كان نية صالحة 👌
فاكرين لما أمها حنّة تمنّت إن يكون عندها ولد عشان يخدم الدين ويكون عابد لله، وربنا رزقها ببنت وكأنها زعلت إنها مش هتعرف تحقق إللي كان نفسها فيه...ومع ذلك هي استغلت المتاح إللي ربنا أعطاه لها👌
السؤال بقى
هل أم مريم كانت تتصور يوم ما وضعت البنت إن البنت دي هتكون أفضل نساء العالمين؟
هل تصورت ولا جه على بالها إن مريم دي هتخلف نبي من أولي العزم من الرسل بمعجزة إلهية محصلتش ومش هتحصل إلى يوم القيامة؟
هل تصورت حنة إن النبي ده هينسب لبنتها مريم إللي هي من آل عمران؟

♡وده يعلمنا إننا منستعجلش ومنزعلش لما حاجة عكس إللي احنا عايزينها تحصل
ويعلمنا إن نية الإنسان ممكن في وقت من الأوقات تكون أفضل من عمله👌

نرجع بقى لمريم إللي كانت بتسمع كلام جبريل عليه السلام وهي متفاجئة... بشارة ورا التانية..وقبل كل ده ..إزاي هيكون لها طفل أصلا وهي مش متزوجة ومش ناوية تتزوج ولم تفعل الفاحشة😳
"قَالَتْ أَنَّى يَكُونُ لِي غُلامٌ وَلَمْ يَمْسَسْنِي بَشَرٌ وَلَمْ أَكُ بَغِيًّا"
فلما قالت للمَلك الكلام ده قال لها:
هو أمر ربنا خلاص قضاه..هتحملي بطفل بدون رجل عشان يكون آية ومعجزة للناس على قدرة ربنا الخالق👌
زي ما خلق آدم من غير لا أب ولا أم، وخلق حواء من ضلعه، قاردر يخلق طفل من أم فقط بدون أب💁‍♂️
"قَالَ كَذَلِكِ قَالَ رَبُّكِ هُوَ عَلَيَّ هَيِّنٌ وَلِنَجْعَلَهُ آيَةً لِلنَّاسِ وَرَحْمَةً مِّنَّا وَكَانَ أَمْرًا مَّقْضِيًّا"
بعد ما أخبر جبريل عليه السلام مريم إن حملها أمر من ربنا مفهوش رجعة، نفخ فيها الروح وحملت مريم بعيسى عليه السلام👌

◇يعني إيه بقى الكلام ده
النفخ معناه إني أطلع هواء من فمي .. النفخ المعروف يعني لما تنفخ في أي حاجة ..ده أصل النفخ،
فربنا أمر جبريل عليه السلام إنه ينفخ في جيب الدرع إللي كانت مريم بتلبسه، وهو رقبة الثوب ومدخل الرأس،

فجبريل عليه السلام نفخ في المكان ده والنفخة دخلت في رحم مريم عليها السلام بأمر ربنا،
وعيسى عليه السلام هو الوحيد إللي جبريل عليه السلام نفخ فيه الروح، أما باقي البشر ففي ملك معين مسؤول عن نفخ الروح فيهم بعد تكوينهم في الرحم،
فنفخ الروح كان بداية خلق عيسى عليه السلام في رحم أمه مريم وبعدين كمل مراحل نمو الجنين العادية👌
حملت مريم عليها السلام بعيسى على أرجح الأقوال تسعة أشهر زي باقي النساء، ويقال إنهم ثمانية أشهر..

¤سؤال ..ربنا قال إن عيسى روح الله
" فَنَفَخْنَا فِيهِ مِن رُّوحِنَا "
هل ده معناه إن عيسى جزء من ربنا😳

طبعا لأ...الإضافة هنا إضافة تشريف وتكريم..فاكرين في قصة صالح عليه السلام لما ربنا خلق الناقة وصالح عليه السلام قال لقومه: هذه ناقة الله..وكمان الكعبة بنسميها بيت الله..كل الحاجات دي منسوبة إلى الله تعظيما وتشريف مش أكثر👌
يعني مش زي ما نقول علم الله وقدرة الله وسمع الله وبصره..دي صفات متصلة بربنا..بعكس الروح إللي بنضيفها لله عشان نبين مكانتها زي ما قلنا💁‍♂️

حملت مريم بعيسى عليه السلام وسلمت أمرها لله👌
أنا عايزاكم تتخيلوا مشاعر مريم عليها السلام
دي واحدة حامل من غير زوج وهي أصلا منقطعة للعبادة يعني مكنتشي ناوية زواج من أصله،
وهي مش شخصية عادية إطلاقا 😶
دي واحدة مشهورة بين الناس يعني العين عليها والناس مركزة معاها بزيادة،
وكمان أبوها كان كبير العلماء عندهم، هيقولوا عليها كانت بتمثل الطهر والعفاف وكذا وكذا،
تخيلوا إن كل ده بيدور في رأس بنت خمسة عشرة سنة😳
بطنها بدأت تكبر والناس بقت تبص لها نظرات ريبة
فانعزلت عن الناس خالص عشان محدش يعايرها بالحمل بدون زوج، وراحت في وادي بيت لحم،
وفضلت هناك لحد ما جاء وقت ولادة عيسى عليه السلام
قبل ولادة عيسى بثلاثة شهور ويقال ستة أشهر اتولد مييين؟
ده إللي هنعرفه الجزء الجاي إن شاء الله 👌


#Eman_Shalapy

فوض أمرك لله🌿

رسائل الهجرة

مع كل سنة هجرية نفتكر إن فيه ناس ضحت بكل غالي ونفيس ..
من أجل أن يقوم هذا الدين ☝️

والسؤال هنا ❓
يا ترى انت هاجرت ولا لأ ؟!

🔹 في هجرة واجبة على كل مسلم ..
الهجرة دي لو ماهجرتهاش ، يبقى انت متأخر في طريقك إلى الله عزوجل ..
الهجرة دي اللي النبي صلى الله عليه وسلم قال عنها
" وَالْمُهَاجِرُ مَنْ هَجَرَ مَا نَهَى اللهُ عَنْهُ "

والسؤال تاني ❓
انت هاجرت ولا لسه ؟!
هي دي الهجرة الواجبة على كل مسلم ..
انك تثبت لله عزوجل صدق انتمائك لهذا الدين وحبك له

- انك تهاجر بقلبك من المعصية للطاعة ..
- انك تهاجر من الإباحية للطاعة ..
- إنك تهاجري من التبرج للحجاب ..
- إنك تهاجر من حياة الغفلة الماضية إلى كل ما يرضي رب العالمين ..

الهجرة دي واجبة على كل مسلم ..
وفي كل وقت لحد ما تقبل رب العالمين مطلوب منك تهاجر ..

🔸قرار الهجرة ده لما تاخده ..

- هتلاقيه أهم محطة في حياتك !
- هتلاقيه نقلة جديدة في حياتك زي ما كانت الهجرة نقلة جديدة في حياة المسلمين
- هتلاقيه بعديه يتمكن هذا الدين في قلبك كما تمكن الإسلام بعد هجرة النبي

خطوات كتير واقفة على قرارك انت ..
يا ترى انت هتهاجر ولا لأ ؟!

الله سبحانه وتعالى يقول :
"وَمَنْ يُهَاجِرْ فِي سَبِيلِ اللَّهِ يَجِدْ فِي الأَرْضِ مُرَاغَمًا كَثِيرًا وَسَعَةً .."

آن الأوان أن نعيش نفسية المهاجر إلى رب العالمين ..
اللهم هجرة إليك 💜

- د.رامي النحراوي

👌👌👌👌👌👌👌👌👌
قد تنتابك مخاوف وهموم حول مستقبلك، ولكنها تتلاشى عندما تتمعن في قوله تعالى
"أليس الله بكافٍ عبده".
فتعلم يقينًا أن الدنيا لله، وأن الرزق من الله، وأن مستقبلك بيد الله وحده..
لا عليك إلا أن تحمل همًا واحدًا وهو كيف ترضي الله، فإنك إن أرضيت الله؛ رضي عنك وأرضاك وكفاك وأغناك 💜

⚠️محرمات منتشرة ... تبعدنا عن الجنة⚠️
📌11- الربا

هنتكلم عن حاجة انتشرت وتوغلت في حياتنا وهي :
👈الربا والتعامل مع البنوك الربوية
سواء بوضع المال فيه وأخذ فوائد أو القروض من البنك لأي سبب كانت هذه القروض

انتم عارفين إنه لم يؤذن الله في كتابه بحرب أحد إلا أهل الربا ؟ 😢
قال الله تعالى: {يَا أَيُّهَا الَّذِينَ آمَنُواْ اتَّقُواْ اللّهَ وَذَرُواْ مَا بَقِيَ مِنَ الرِّبَا إِن كُنتُم مُّؤْمِنِينَ فَإِن لَّمْ تَفْعَلُواْ فَأْذَنُواْ بِحَرْبٍ مِّنَ اللّهِ وَرَسُولِهِ }

وقبل ما تقول ده تشدد وفي علماء اباحوا البنوك 😠
اقولك تعالى نشوف كلام علماء الأزهر المعروفين قالوا ايه

✍يقول الشيخ الشعراوي باختصار

من العجيب أن نرى ونسمع أناسًا ينسبون إلى العلم يحاولون جاهدين أن يحللوا ما حرم الله.
وإذا كان بعض العلماء قد قال بالتحليل وجمهرة العلماء لا تزال تقول بالتحريم فلنسلم جدلاً أن العلماء في الإسلام انقسموا حول هذه المسألة بالتساوي تحليلاً وتحريمًا، فما حكم الإسلام في الأمور المشتبهة التي تقف بين الحلال والحرام ❓

هل قال رسول الله صلى الله عليه وسلم في ذلك: فمن فعل ما شبه له فقد استبرأ لدينه وعرضه ؟ أم قال: فمن اتقى الشبهات.

وأنا والله يشهد أربأ بمنسوب إلى علم الإسلام، أن يرضى لنفسه أن يكون ممن لم يستبرئ لدينه وعرضه.

ولو أن هؤلاء حَكَّموا عقولهم وأفهامهم وأنصفوا أنفسهم لقالوا بالتحريم .

💥والشيخ جاد الحق والشيخ محمد الغزالي والشيخ عطية صقر
وغيرهم كتير

وكمان الهيئات الإسلامية العالمية
💡ومعناه ان ده مش رأي شيخ واحد ده راي عشرات أو مئات الشيوخ فيها

👈ففوائد البنوك الربوية حرام باتفاق من يعتد به من أهل العلم ، وقد صدر في تحريمها قرارات عدة من الهيئات العلمية المعتبرة في العالم الإسلامي .

فليه نحط نفسنا في الموقف ده 😳
ليه منحرصش على الحلال ونبعد عن اي شبهة
ليه ناخد راي مرجوح وضعيف ونسيب أراء أغلبية العلماء ورأيهم الراجح ⁉️

📢دي حرب من الله ورسوله مش حاجة هينة

⚠️وكل من يشارك في الربا من الأطراف الأساسية والوسطاء والمعينين المساعدين ملعونون على لسان نبينا محمد صلى الله عليه وسلم

🌴فعن جابر رضي الله عنه قال: لعن رسول الله صلى الله عليه وسلم:" آكل الربا وموكله وكاتبه وشاهديه " وقال: " هم سواء " رواه مسلم .

🌴وحرص النبي صلى الله عليه وسلم على بيان قبح هذه الكبيرة فيما جاء عن عبد الله بن مسعود رضي الله عنه مرفوعا: " الربا ثلاثة وسبعون بابا أيسرها مثل أن ينكح الرجل أمه، وإن أربى الربا عرض الرجل المسلم " رواه الحاكم في المستدرك .

وطبعا كل واحد بيحاول يخرج من الربا بحجة 😡
مثلا ده حرام لو كان بين غني وفقير فقط
👈لكن تحريم الربا عام لم يخص بما كان بين غني وفقير وكم من الأغنياء وكبار التجار قد أفلسوا بسببه

💥وأقل ما فيه محق بركة المال وإن كان كثيرا في العدد قال النبي صلى الله عليه وسلم: " الربا وإن كثر فإن عاقبته تصير إلى قل " رواه الحاكم ومعنى قل أي نقصان المال.

💥وقال تعالى: {يَمْحَقُ اللَّهُ الرِّبَا وَيُرْبِي الصَّدَقَاتِ} .

👈وكمان الربا ليس مخصوصا بما إذا كانت نسبته مرتفعة أو قليلة فكله حرام

💥وصاحبه يبعث من قبره يوم القيامة يقوم كما يقوم الذي يتخبطه الشيطان من المس والصرع.😥

قال تعالى: {الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ} ،

🌿ومع فحش هذه الجريمة إلا أن الله أخبر عن كيفية التوبة منها فقال تعالى لأهل الربا: (فإن تبتم فلكم رؤوس أموالكم لا تظلمون ولا تظلمون) وهذا عين العدل.

فلو حاطط فلوسك في بنك ومكنتش تعرف إنه حرام تعمل ايه ؟ 🤔

💥يجب على من تاب من الربا أن لا يأخذ إلا رأس ماله فقط ، لقول الله تعالى : ( وَإِنْ تُبْتُمْ فَلَكُمْ رُؤُوسُ أَمْوَالِكُمْ لا تَظْلِمُونَ وَلا تُظْلَمُونَ ) .
👈وما زاد على ذلك فلا يحل له أخذه ، فإن أخذه وجب عليه التخلص منه بإنفاقه في وجوه الخير والبر.

❌ومال الفوائد ده مال خبيث لا يدفع منه زكاة ولا صدقة فإن الله طيب لا يقبل إلا طيبا ولا يجوز لهم الاستفادة منه بأي نوع من الاستفادة لا بأكل ولا شرب ولا لبس ولا مركب ولامسكن ولا نفقة واجبة لزوجة أو ولد أو أب أو أم ولا في إخراج الزكاة ولا في تسديد الضرائب ولا يدفع بها ظلما عن نفسه وإنما يتخل ص منها خوفا من بطش الله تعالى.

🍁ويجب أن يصرف في المصالح العامة للمسلمين ، من مدارس ومستشفيات وغيرها . وليس هذا من باب الصدقة وإنما هو من باب التطهر من الحرام .

لكن أكيد محتاجين نحفظ أموالنا في مكان نطمن عليه من السرقة
وفيه ناس مش بتعرف تشغل أموالها وتستثمرها في مشاريع هتعمل ايه ؟

البديل موجود وهو حفظ المال في بنوك إسلامية او فروع المعاملات الاسلامية في البنوك بحيث يكون ربحها مش ثابت 😊

〰🌸🍃〰🌸🍃〰

قناة 🌷همسات الأوابين

من وفق للتسبيح قبل منامه أعطي قوة 💪....

اللهم امين 🤲🏻

(لنختم القرآن سماعا)

الورد (١٤٣)

(الربع الثالث & الحزب السادس والثلاثين)

#القارئ: بيشةوا قادر الكردي
#ليدبروا على التليجرام
https://www.tg-me.com/GhRoooh/11861

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/rpwcVgu2SfU?feature=shared

#صباحكم_قرآنٌ_يُتلى

#قصص_الأنبياء
#الحلقة_الرابعة_والخمسون
#مريم_زكريا_الجزء_الرابع
#يحيى

اتكلمنا عن زكريا عليه السلام لما دعا ربنا إنه يرزقه بولد عشان يرث النبوة، وربنا استجاب دعاؤه وحملت زوجته "إشياع" بيحيى عليه السلام،
ولدت إشياع يحيى عليه السلام، وكان يحيى مختلف عن باقي الأطفال؛ لإن ربنا أعطاله الحكمة والفَهم من وهو صغير ،
حتى لما كِبِر شوية وكان الأطفال يقولوا له تعالى نلعب كان بيقول لهم:
احنا متخلقناش للعب وكان يسيب اللعب ويتعبد لله، و ده إللي ربنا قال عنه في القرآن:
" وَآتَيْنَاهُ الْحُكْمَ صَبِيًّا"

يحيى عليه السلام كان طائع لربنا من صغره وزاهد في اللعب ، وعنده جدية في الإلتزام، وده كان بسبب إن ربنا قال له《يَا يَحْيَى خُذِ الْكِتَابَ بِقُوَّةٍ》💪🏻
يعني خد التوراة باجتهاد وبجدية وهمة عالية.. ومش هتعرف تاخدها بجِد واجتهاد غير لما تفهمها صح الأول،
ولما تفهمها صح ساعتها العقيدة هتستقر عندك وتقدر تطبقها في أقوالك وأفعالك كلها 👌
فيحيى عليه السلام من صغره وهو بيطيع أمر ربنا👌
طب إيه باقي صفات يحيى عليه السلام؟
من الحاجات إللي ربنا رزقه بيها كانت: الحنان.. يعني الرحمة والعطف والشفقة والرأفة...
"وحَنَانًا مِّن لَّدُنَّا وَزَكَاةً وَكَانَ تَقِيًّا.."
ولو ركزتم هتلاقوا إن الصفة دي لها حكمة رائعة 😮
لما اتولد يحيى عليه السلام، كان زكريا عليه السلام وزوجته إشياع عمرهم كم ؟
كانوا قريبين من المائة سنة💁‍♂️
يعني كانوا محتاجين حد يكون حنين عليهم في سنهم الكبير ده، فربنا وهبه الحنان الوافر من فضله عز و جل بجانب البر،
لأن الإنسان ممكن يكون بار بأبويه من غير ما يكون حنيّن🤷‍♂️
يعني يحسن إليهم ويسمع كلامهم وكل حاجة لكن مفيش حنية تتحس من تصرفاته أو أفعاله👌
ده غير كده كمان مكنش بيرهقهم باللعب الكتير وهو صغير زي باقي الأطفال لإنه مكنش له في اللعب أصلا عليه السلام👌
وفي خاصية كمان ليحيى عليه السلام ربنا اختصه بيها وحده عن كل بني آدم،
وهي إنه مش بس معملش أي خطأ... لأ، ده حتى مفكرش ولا جه على باله كده إنه يعمل الغلط:
ربنا قال:
"سَيِّدًا وَحَصُورًا وَنَبِيًّا مِّنَ الصَّالِحِينَ"، وكنا قلنا من حلقتين فاتوا إن "سيد" يعني شخص كلمته مسموعة وليها أثر في الناس وبيتبعه ناس كتير،
وقلنا إن "حصور" يعني معصوم من الذنوب، لا يأتيها، يعني كإنه حُصِرَ عنها فبقى مانع نفسه من الشهوات الضارة ومن إنها تأثر عليه..
☆وفي معنى تاني للحصور وهو إللي بيمنع عن نفسه شهوة الميل للنساء من أساسه، عشان يبقى منقطع للعبادة لله فقط
¤طيب لو المعنى ده هو المقصود، مش دي كده تبقى الرّهبَانِيّة إللي ربنا نهانا عنها 🤔

شوفوا، ربنا بيقول:
"وَاذْكُرِ اسْمَ رَبِّكَ وَتَبَتَّلْ إِلَيْهِ تَبْتِيلًا"
في نوعين من التّبَتل..
◇نوع معناه إن الإنسان يفرَّغ نفسه لعبادة الله بعد ما يُلبي احتياجاته البشرية الطبيعية، زي الأكل والشرب والنوم وهكذا، وده تبتل محمود..
و التبتل ده إللي كانت عليه مريم "البتول" عليها السلام،
يعني هي كانت منقطعة لعبادة لله وكمان زاهدة في الرجال، زي يحيى عليه السلام لما كان عابد لله و زاهد في النساء.. فكان التبتل إللي من النوع ده جائز في شريعة يحيى ومريم عليهما السلام👌

◇النوع الثاني إللي هو الرّهبَانِيّة، والرهبانية دي كانت في النصارى مش في اليهود،
يعني ربنا لما قال: "وَرَهْبَانِيَّةً ابْتَدَعُوهَا ما كتبناها عليهم إلا ابتغاء رِضوانِ الله فما رَعَوْها حَقَّ رِعايَتِها"
كان بيتكلم عن النصارى إللي هم هييجوا بعد عيسى عليه السلام،
والرهبانية مذمومة لأنها بتشدد على النفس في العبادة فوق طاقتها بزيادة،
زي الصيام كل يوم بدون راحة، وقيام الليل كله يوميا بدون راحة في الليل،
ده بالإضافة إلى إن الرهبانية كانت بتدعو لترك الزواج وبتدعو لترك أكل اللحم..
فزي ما شوفنا، تبتل يحيى ومريم مش من النوع المذموم أو المنهي عنه..
لأ كان بيتعبد لله، لكن بعد إعطاء الجسد حاجته الحياتية من راحة وأكل وغيره بدون حرمان ، ماعدا الزواج، فده بيكون زهدا فيه زي ما قلنا من شوية👌

وكان من صفات يحيى عليه السلام كمان إنه كان بار بأبوه وأمه بيراعي ربنا فيهم جدا مش مجرد حنان فقط لأ، ده إحسان في الإرضاء والمعاملة،
ومكنش متكبر نهائي، بالعكس كان خافض للجَناح وطبعه ليّن ومتواضع، سواء مع أبويه أو مع الناس،
ومكنش بيظلم ولا بيقهر حد، كان بيُشِع صلاح في كل شيء، أعماله صالحة وعقيدته صالحة ونيته صالحة،
"وَبَرًّا بِوَالِدَيْهِ وَلَمْ يَكُن جَبَّارًا عَصِيًّا"

ده غير إنه كان نبي وكمان ربنا ألقى عليه السلام في المواضع التلاتة للحياة اللي الإنسان بيكون فيها أضعف ما يكون؛
لأنه بينتقل من عالم لعالم تاني، ومواضع الضعف التلاتة دي هي:
◇يوم الولادة؛ لإن الإنسان بيكون داخل عالم جديد عليه وهو الدنيا،
◇ويوم الوفاة؛ لإنه بيكون ساب العالم إللي اتعود عليه وداخل في عالم تاني أصعب وهو عالم القبور،

◇ويوم البعث، إللي هيقوم فيه للحساب، ولاشك ده أصعب المواضع😞
فلما كانت الأحوال الثلاثة دي أشق ماتكون على الإنسان ربنا سلم على يحيي وأعطى له الأمان والسلامة زيادة فضل وإنعام منه عز وجل على يحيى عليه السلام👌
وربنا الشكور دايما بيكون كده مع العبد الطائع الشكور، بيضاعف له الفضل والإحسان
"وَسَلامٌ عَلَيْهِ يَوْمَ وُلِدَ وَيَوْمَ يَمُوتُ وَيَوْمَ يُبْعَثُ حَيًّا"
يعني يحيى عليه السلام كان حصور.. تقي.. سيد.. مؤثر في الجماهير.. حنون.. بار.. متواضع.. خافض للجناح.. زاهد في اللعب.. متبتل.. عالم.. فاهم.. حكيم.. حسن الأخلاق..

☆وعايزكم تركزوا في صفات يحيى عليه السلام إللي قلناها دي كووولها وتخلوها في دماغكم عشان هنشوف إللي هيحصل بعد شوية👌

عاش يحيى عليه السلام في بني إسرائيل، وكان محبوب ومعروف ، سيد بقى وبيتبعه ناس كتير زي ما قلنا

في يوم من الأيام يحيى عليه السلام جمع بني إسرائيل في بيت المقدس عشان يقول لهم خمسة أوامر ربنا أمره إنه ينفذها وإنه يأمر بني إسرائيل همّ كمان إنهم ينفذوها👌
رسول الله ﷺ بيقول:
"إنَّ اللَّهَ أمرَ يحيى بنَ زَكَريَّا بخمسِ كلماتٍ أن يعملَ بِها ، ويأمرَ بني إسرائيل أن يعمَلوا بِها"
الأوامر دي كالتالي :
♡الأمر الأول:
أمرهم إنهم يعبدوا الله ولا يشركوا به شيئا

♡ الأمر التاني:
قال لهم ربنا بيأمركم بالصلاة ..
ولما تصلوا متقعدوش تتلفتوا يمين وشمال وتنشغلوا بحاجة تانية غير الصلاة؛
لإن ربنا بيبقى ناظر لقلب العبد وهو بيصلي، فلازم العبد يحقق الخشوع في الصلاة، وكل ما كان الإنسان مهتم بموقفه بين يدي الله في الدنيا، ربنا هيهون عليه وقفته بين يديه يوم القيامة

♡الأمر التالت:
أمرهم بالصيام...
وطبعا احنا عارفين فضل الصيام، وإن رائحة فم الصائم أطيب عند ربنا من ريحة المسك👌

♡الأمر الرابع:
أمرهم بالصدقة..

♡الأمر الخامس:
أمرهم بذكر الله ..
و ده بقى الحصن الحصين للإنسان.. فإللي بيذكر الله عامل زي واحد في أعداء بيجروا وراه،
وبعدين فجأة لقى حصن حصين قصاده، فراح داخل فيه وأنقذ نفسه من الأعداء،
فالإنسان طول ماهو بيذكر ربنا فهو في حصن منيع ضد كل أعداؤه، ضد الشيطان والدنيا والهوى وصحبة السوء👌

دي كانت الأوامر الخمسة إللي يحيى دعا ليها بني إسرائيل..
وعاش عليه السلام بينهم يدعوهم لأخذ الأوامر بجدية ويتابعهم،
لحد ما في يوم من الأيام الحاكم الروماني هيرودس إللي اتكلمنا عنه قبل كده وقلنا إنه دخل في اليهودية حب يتزوج واحدة من محارمه يُقال إنها بنت أخوه،
وزواج المحارم كان محرم في شريعة يحيى عليه السلام،
فلما يحيى أنكر على الحاكم الأمر ده،
الحاكم مقدرش إنه يخالف أمره، لإن يحيى كان خطيب الناس ومحبوب منهم وهو القائم بالنبوة بعد زكريا عليه السلام..
لكن البنت كانت طمعانة في المُلك ، فمش عاوزة تفوّت فرصة الزواج بالحاكم هيرودس،
وكانت البنت دي بَغِي، يعني فتاة زانية بتبيع عِرضَها مقابل المال،
وفي نفس الوقت والدتها كانت مشجعاها على إنها تتزوج من الملك،
فتزينت البنت ودخلت على الملك عشان تُغويه ، فلما سمع كلام الشيطان ووافقها على الزنا، رفضت وقالت له:
مش مسموح إلا بشرط.. إنك تتزوجني.. هي مش بتقول كده عشان هي عفيفة ، هي بتقول كده عشان بزواجها منه فقط هتكون ملكة..
فالملك قال لها: بس يحيى قال لأ!..
فقالت له: اقتله..!
مهر زواجي هو إنك تجيبلي رأس يحيى 😈
ففعلا بسبب غواية الشيطان له وغواية البنت البَغِيّ دي، الملك أرسل جنوده لمكان يحيى عليه السلام،
وقطعوا رأسه وحطوها في طبق ورجعوا بالطبق للملك، وقدمه للمرأة البغي😶
فربنا خسف بيها الأرض..!
البنت بدأت تغوص في الأرض وتصرخ، وأمها جنبها بتصرخ ..
وأول ما قربت تغوص بالكامل في الأرض، أمها قطعت راسها عشان تقتلها وتخفف عنها الألم والرعب..
فالأرض لفظت جسد البنت بعد قطع رأسها،
فبقت جثة راسها مقطوعة جنبها على الأرض، زي ما عملت في يحيى عليه السلام، والجزاء من جنس العمل، وما ربك بظلام للعبيد..

◇قصة موت يحيى عليه السلام ذكرها ابن كثير في التفسير...
لكن العلماء مختلفين برده هل يحيى قُتل أصلا ولّا مات بشكل طبيعي🤔
لإن مفيش نص صريح واضح بيقول إيه إللي حصل مع يحيى عليه السلام ومع زكريا.. كلها مجرد روايات لبعض المفسرين..
ويقال إن زكريا عليه السلام كان في دمشق لما قُتل يحيى عليه السلام،
وإن بني إسرائيل نفسهم كانوا عايزين يتخلصوا من زكريا عليه السلام ويقتلوه فهرب منهم،
وهروبه ده مكنش عشان نفسه لكن كان خايف عليهم ومش عاوزهم يتحملوا وزر قتل نبيين، هو وابنه يحيى،
فلما وصل لمكان معين، دخل في شجرة انفتحت له زي الباب كده بأمر الله،
فالشيطان مسك طرف ثوبه وخلّاه ظاهر للناس، وتجسّد الشيطان في صورة بشر، وقال لبني إسرائيل إللي كانوا بيبحثوا عن زكريا...إنتم بتدوروا على إيه؟ فقالوا له زكريا..
فقال لهم أهه، مش ده طرف هدومه؟
فقعدوا يخبطوا عالشجرة ويقولوا اخرج يا زكريا، فالشيطان قال لهم انشروا الشجرة بالمنشار،

فجابوا المنشار ونشروا الشجرة وزكريا عليه السلام جواها فقتلوه عليه السلام😞
"أَفَكُلَّمَا جَاءَكُمْ رَسُولٌ بِمَا لَا تَهْوَىٰ أَنفُسُكُمُ اسْتَكْبَرْتُمْ فَفَرِيقًا كَذَّبْتُمْ وَفَرِيقًا تَقْتُلُونَ"

☆يعني همّ مكنش عندهم ذرة عقل وتدبر كده 😑
مفكروش خالص هو إزاي ممكن حد يدخل وسط شجرة إلا لو كان دي بمعجزة من قوة إلهية غير بشرية🤦‍♂️
يعني مكنش عندهم ذرة خوف من ربنا؟!
بالبساطة دي بيتحدّوا ربنا عز وجل؟! 😶
يعني مش يقولوا إيه ده ! الشجرة انشقت وبعدين رجعت اتقفلت تاني؟
لأ.. قتلوه بدم بارد وقلب كالحجارة أو أشد قسوة..
وده حال بني إسرائيل على مر الزمن👌

☆ملحوظة:
احنا كنا حكينا قبل كده عن قصة النبي أشْعِيا وإنه مات بنفس الطريقة دي كده،
والمفسرين مختلفين هل قصة القتل دي خاصة فقط بزكريا ولّا بأشعيا ولّا حصلت للاتنين بالفعل🤔
و القصتين دول من الإسرائيليات إللي رسول الله ﷺ قال نحكيها دون تصديق أو تكذيب🤷‍♂️
فاحنا بنحكيها عشان نفهم الأحداث ماشية إزاي،
لكن بصفة عامة ده كان حال بني إسرائيل دائما مع أنبياء الله مع اختلاف التفاصيل هنا أو هناك..
وعشان كده ربنا استبدل أمتهم بأمة تانية غيرهم، إللي هي أمة محمد ﷺ، فلازم نستفيد من قصصهم ونتعلم👌

◇من الفوائد كمان إللي ممكن نستفيدها من قصة يحيى عليه السلام، إنه بالرغم من كل صفاته دي ومكانته بين الناس، إلا إنه قُتل في النهاية على يد بَغِي😞
وده يصبرنا في كل زمان لما نلاقي الظالم والكافر والفاجر متسلطين على الصالحين المؤمنين.. يقتلوهم ..يعذبوهم.. يأخدوا أموالهم يظلموهم..
هل ده معناه إن الفجار دول أغلى عند ربنا من الأتقياء؟
مستحيل طبعا،
لكن من ضمن حكمة ربنا في ده إن الظالم يُضاعَف عليه العذاب في الآخرة، والمؤمن المظلوم يزداد في الدرجات والأجر،
وصبر الله على الظالم مَكرُمة للمظلوم إذا صبر المظلوم ورضي بقضاء الله وثبت على الإيمان👌
طب ليه🤔
لأن عداد الحسنات بتاع المظلوم شغال 👌
ودي حسنات متعبش فيها💁‍♂️
الواحد لما بيكون عايز يعمل عمل صالح لازم يكون مخلص في العمل ده عشان ربنا يعطي له أجر العمل،
فيقعد يجاهد نفسه عشان يبقى مخلص وياخذ أجر..لكن المظلوم مش محتاج مجاهدة في الإخلاص ده حسناته بتتكتب له وهو نايم
أما زكريا عليه السلام،
فربنا أراد له إنه يكسب أجر الصبر الجميل على فَقْد الابن، ومش أي فَقْد ده فَقَده بعد عطش السنين، فياخد أجر الصبر العظيم ويكون قدوة للناس في ده على مر الزمن👌
وكمان همّ كده كده هيموتوا🤷‍♂️
سواء زكريا أو يحيى أو غيرهم من أهل الحق في كل زمان.. فيموتوا شهداء في سبيل الله أكيد أفضل خاتمة الواحد ممكن يختارها لنفسه💁‍♂️
و كما قيل: هي متيةٌ واحدة، فلتك في سبيل الله

بعد موت يحيى وزكريا عليهما السلام، مين

النبي إللي ربنا أرسله في بني إسرائيل🤔
إيه ده
هو لسه فيهم أمل بعد كل إللي عملوه ده😳

ده إللي هنعرفه إن شاء الله في الجزء الجاي😅


#Eman_Shalapy

⚠️محرمات منتشرة ... تبعدنا عن الجنة⚠️
📌12- القمار والميسر

قال الله تعالى: {يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ} المائدة/90.

📖كان أهل الجاهلية يتعاطون الميسر ومن أشهر صوره عندهم أنهم كانوا يشتركون في بعير عشرة أشخاص بالتساوي ثم يَضرب بالقداح وهو نوع من القرعة فسبعة يأخذون بأنصبة متفاوتة معينة في عرفهم وثلاثة لا يأخذون شيئا.

ايه ده هنتكلم عن القمار ؟ 😳
أكيد ده هزار 😡

استنوا بس
متستعجلوش
مش بهزر ده انا بتكلم جد الجد كمان 😅

انتم مش عارفين إن في صور كتير للقمار بنعملها واحنا مش عارفين 😞

📌للقمار في زماننا عدة صور منها:
♨️ ما يعرف باليانصيب وليه صور كثيرة ومن أبسطها شراء أرقام بمال يجري السحب عليها فالفائز الأول يعطى جائزة والثاني وهكذا في جوائز معدودة قد تتفاوت فهذا حرام ولو كانوا يسمونه بزعمهم خيريا.

♨️ أن يشتري سلعة بداخلها شيء مجهول أو يعطى رقما عند شرائه للسلعة يجري عليه السحب لتحديد الفائزين بالجوائز.

♨️ ومن صور الميسر في عصرنا عقود التأمين التجاري على الحياة والمركبات والبضائع وضد الحريق والتأمين الشامل وضد الغير إلى غير ذلك من الصور المختلفة حتى أن بعض المغنين يقومون بالتأمين على أصواتهم.

♨️ اللعب بالشطرنج أو بلياردو أو غيرها من الألعاب ويبقى الخاسر هو اللي يدفع المشروبات او ايجار اللعبة

♨️ وفي حاجة مهمة جداااااااااااااااااااا ومنتشرة جدا جدا جداااااااااااااااااااااااااااااااااااا
وهي المسابقات اللي بتبعتي الاجابة على رسالة في الموبايل أو تتصلي برقم وقيمة المكالة بتكون أعلى من المكالمة العادية
طبعا كلنا عارفينها ☹️

تعالو نشوف رأي الشرع فيها

📚الدخول في المسابقات المباحة عن طريق إجراء مكالمة أو إرسال رسالة نصية جائز شرعاً بشرط أن لا تكون تكلفة المكالمة والرسالة على المتصل والمرسل أكثر من الثمن الاعتيادي قبل المسابقة ، فإن زاد القائمون على المسابقة شيئاً - ولو يسيراً – على الثمن ، أو تأخروا في الرد على أصحاب المكالمات - مع احتساب الدقائق عليهم – ، أو سألوا أسئلة سهلة معروفة : صارت المعاملة من الميسر – أي: القمار - المحرَّم .

وكله كوم وأندية القمار كوم تاني 😭

اللهم إنا نسألك الرزق الحلال والبركة فيه.

〰🌸🍃〰🌸🍃〰

قناة 🌷همسات الأوابين🌷