صباح الاخوة🤍

(لنختم القرآن سماعا)

الورد (١٤١)

(الربع الأول & الحزب السادس والثلاثين)

#القارئ: بيشةوا قادر الكردي
#ليدبروا على التليجرام
https://www.tg-me.com/GhRoooh/11851

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/jJwnpG5iF0U?feature=shared

#صباحكم_قرآنٌ_يُتلى

#قصص_الأنبياء
#الحلقة_الثانية_والخمسون
#مريم_زكريا_الجزء_الثاني
#زكريا_يحيى

اتكلمنا المرة إللي فاتت عن زكريا عليه السلام لما كان بيدخل على مريم الطفلة الصغيرة عشان يعطيها الأكل بتاعها ،
فكان بيلاقي عندها فاكهة الصيف في الشتاء ،
وفاكهة الشتاء في الصيف، فلما سألها قالت له إن ده رزق من عند ربنا👌
فوقع في قلب زكريا عليه السلام إن ربنا حقق للطفلة الصغيرة دي كرامة وأعطاها الفاكهة من غير ما تطلب،
أمّال لو أنا بقى دعيت وطلبت بقى ..أكيد ربنا هيستحيب،
ربنا سبحانه وتعالى قال:
"هُنَالِكَ دَعَا زَكَرِيَّا رَبَّهُ "
فكأن زكريا عليه السلام جت له فرصة فاغتنمها👌
يعني يارب إنت إديتها حاجة عجيبة من عجائب الأرزاق من غير ماهي تسألك،
لكن أنا يارب هسألك فيا ترى عطائك هيكون إزاي لمن يسألك
ودعا زكريا وقال:
"رَبِّ هَبْ لِي مِن لَّدُنكَ ذُرِّيَّةً طَيِّبَةً إِنَّكَ سَمِيعُ الدُّعَاء"
يعني يارب هب لي ذرية طيبة على الرغم من كبر سني وشعري إللي شاب وعقم زوجتي.. يا سميع الدعاء يا مَن ترزق من تشاء بغير حساب🤲

☆طيب هو ليه زكريا عليه السلام قال لربنا : "هب لي" ومقلش "أعطني"🤔

لأن الهبة لا يُحاسَب عليها الشخص إللي هيوهبها لي لو لم يهبها لي👌
بمعنى إن أنا لو اديتك هِبة فده فضل من عندي، ولو منعتك الهبة دي فانت ملكش أي حق إنك تزعل أو تضايق،
بعكس لو جيت طلبت مني شيء، وأنا منعته عنك ممكن ساعتها تزعل..
ننزّل الموقف على زكريا عليه السلام:
هو طلب من ربنا الهبة، بمعنى إنه لو إداله الطفل هيبقى كرم وفضل من ربنا عليه عز وجل ،
ولو منعه الطفل، فخلاص مش مشكلة مش هيزعل إن ربنا منع عنه شيء لإنه أصلا بيطلبها وهو شايف إن ملوش حق فيها ولا يملك حاليا أسباب الهبة إللي بيطلبها دي، وكله هيبقى أولا وأخيرا بفضل ربنا..
وده يعملنا جانب من أدب الأنبياء في الدعاء عليهم السلام👌

تعالوا كده نحلل دعاء زكريا عليه السلام ونشوف إزاي دعا ربناو نتعلم منه 😊
◇أول حاجة، زكريا عليه السلام كلم ربنا بينه وبين نفسه، مناجاة في الخفاء من غير ما حد يسمعه..
"إذْ نَادَى رَبَّهُ نِدَاء خَفِيًّا"
قال:
يارب متسبنيش من غير ولد ولا وارث يرث النبوة من بعدي وأنت خير الوارثين🤲
"وَزَكَرِيَّا إِذْ نَادَىٰ رَبَّهُ رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ"

☆عارفين بقى زكريا عليه السلام حالته من ناحية التشخيص الطبي إيه🙃؟
رجل وزوجته داخلين على مائة سنة.. هي عاقر وهو شيخ كبير عجوز.. يعني من الناحية الطبية استحاااالة إنهم يخلفوا أطفال😶
فكان زكريا عليه السلام بيدعو في الخفاء بالليل بينه وبين ربنا... متخيلين لو الناس سمعوه وهو بيدعي بإن ربنا يرزقه طفل، وهو ظروفه زي إللي قلناها كده.. الناس هيكون رد فعلهم إيه

◇تاني حاجة بدأ زكريا عليه السلام الدعاء بأنه أظهر الفقر والضعف والذل لله👌
قال : يارب أنا عظمي بقى ضعيف يعني لو انت شايفني واقف لكن انا عظمي ضعيف😔
وشعر رأسي شاب كله، وأنا عمري ما دعيتك قبل كده ورديت دعائي،
"قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُن بِدُعَائِكَ رَبِّ شَقِيًّا"


◇تالت حاجة بقى قال لربنا في الدعاء السبب هو ليه عايز الولد، فقال :
"وَإِنِّي خِفْتُ الْمَوَالِيَ مِن وَرَائِي وَكَانَتِ امْرَأَتِي عَاقِرًا فَهَبْ لِي مِن لَّدُنكَ وَلِيًّا.. يرِثُنِي وَيَرِثُ مِنْ آلِ يَعْقُوبَ وَاجْعَلْهُ رَبِّ رَضِيًّا"
يعني يارب أنا خايف إني أسيب أحبار اليهود يُفسدوا على بني إسرائيل دينهم ومفيش نبي غيري دلوقتي، وكمان زوجتي عاقر لا تلد😔
فيارب اوهبني من رحمتك ذرية 🤲
لكن مش أي ذرية أنا مش عايز ولد كده وخلاص، لأ أنا عايزه يكون ذرية طيبة يرثني ويرث من آل يعقوب النبوة..

فاستجاب الله دعاء زكريا عليه السلام👌
ومش بس كده
ده ربنا أرسل له الملائكة عشان تبشره وتقوله:
"يا زَكَرِيَّا إِنَّا نُبَشِّرُكَ بِغُلامٍ اسْمُهُ يَحْيَى لَمْ نَجْعَل لَّهُ مِن قَبْلُ سَمِيًّا"
يعني يا زكريا، احنا ملائكة الله جايبين لك البشارة من ربنا إنه استجاب دعاءك وهيرزقك بولد اسمه يحيى من أحسن البشر وأشرفهم،
ومن شرفه وعلو مكانته ربنا بنفسه عز وجل هو إللي سمّاه،
ومش أي اسم، ده اسم مفيش حد قبل كده على الأرض اتسمّى بيه
يعني الملايكة بتبشره بمجموعة من الأخبار السعيدة،
مش بس بتبشره بطلبه فقط،
لأ، ده زيادة عليه كمان حاجات عمره ما كان يتخيل إنه يطلبها أو تكون من نصيبه👌


شوفوا الوضع مع زكريا عليه السلام بقى كله فرح ، فرحته بالاسم والبشرى وتسمية الله لابنه وكل ده، كانت أعظم مما نتخيل،
ومش بس كده، شوفوا البشريات التانية:
"أَنَّ اللَّهَ يُبَشِّرُكَ بِيَحْيَى مُصَدِّقًا بِكَلِمَةٍ مِّنَ اللَّهِ وَسَيِّدًا وَحَصُورًا وَنَبِيًّا مِّنَ الصَّالِحِينَ"
يعني هيكون سيد وحصور👌
و "سيد" يعني شخص كلمته مسموعة وليها أثر في الناس وبيتبعه ناس كتير،
وحصُور يعني معصوم من الذنوب فلا يأتيها،

يعني كإنه حُصِرَ عنها فبقى مانع نفسه من الشهوات الضارة ومن إنها تأثر عليه ومش بس كده، ده كمان نبي من الأنبياء 💁‍♂️
يعني هو طلب ذرية طيبة ربنا رزقه فوق ماكان يتخيل👌

تعالوا بقى نشوف كده إيه ممكن تكون الأسباب إللي تخلي ربنا يعطي زكريا عليه السلام النعم دي كلها ويحقق له المعجزة دي
عارفين الملائكة لما راحت تبشر زكريا عليه السلام بالولد كان فين وبيعمل إيه
كان واقف بيصلي في المحراب بتاعه👌
"فَنَادَتْهُ الْمَلائِكَةُ وَهُوَ قَائِمٌ يُصَلِّي فِي الْمِحْرَابِ "
¤ واحنا قلنا يعني إيه محراب المرة إللي فاتت

يعني الملائكة مجتش لقيته نايم مثلا ، لأ، ده دعا ربنا باللي هو عايزه وفضل مكمّل في عبادته،
يعني ما دعاش وهو تارك للعبادة، لأ ده دعا، و مخلاش أمنيته تشغله عن محرابه، وكمل عبوديته لله الحق على أكمل ما يكون،
ولا قال أنا هدعي وهجرب كده وأشوف ربنا هيستجيب لي فأكمل عبادة ولّا لأ، زي ما في ناس بتعمل للأسف😶
ودول ربنا قال عنهم:
"وَمِنَ النَّاسِ مَن يَعْبُدُ اللَّهَ عَلَىٰ حَرْفٍ فَإِنْ أَصَابَهُ خَيْرٌ اطْمَأَنَّ بِهِ ۖ وَإِنْ أَصَابَتْهُ فِتْنَةٌ انقَلَبَ عَلَىٰ وَجْهِهِ خَسِرَ الدُّنْيَا وَالْآخِرَةَ"

فالنوعية دي بتبقى بتعبد ربنا بمزاجها ولمزاجها، وعاملين زي بني إسرائيل كده، بيجربوا،
مفيش يقين، وعندهم ريبة وشك وتذبذب، وبيشترطوا على ربنا في العبادة وعاوزين ربنا يعمل لهم إللي نفسهم فيه، وبكده تبقى الحياة وردي وتمام التمام
لكن لو ربنا عمل معاهم غير إللي همّ كانوا متصورينه أو متوقعينه، زي مثلا أخّر عنهم تحقيق الدعاء أو أعطاهم شيء تاني بدل إللي طلبوه ولم يُعطهم إللي عايزينه،
أو ابتلاهم بدل ما يعطيهم، هنا بقى يشتغل سوء الظن في الله ويبقى الواحد من جواه ساخط على ربنا وأقداره وتدبيره وتصريفه للأمور،
إللي هو: إيه ده ؟!.... ده أنا مكانش بيحصل لي كده وانا بعمل المعاصي😳
بقى بعد ما أتوب وأرجع لك وألجأ لك يحصل لي كل ده؟ يعني ياربي هو ده جزائي إني سيبت المعاصي وسيبت التوسل بالقبور وتركت الدجالين والمشعوذين؟!
وإزاي يارب ..وليه يا رب .. واشمعنى يا رب... طب خلاص بقى انا أرجع لحياتي إللي قبل كده وكنت بعمل إللي انا عايزه 😶
زكريا عليه السلام ماعملش كده.. زكريا دعا وكمل في طريق العبادة👌
فربنا استجاب له ووهب له يحيى وفوق منهم عطايا تانية فوق ما كان يتخيل..
"فَاسْتَجَبْنَا لَهُ وَوَهَبْنَا لَهُ يَحْيَىٰ وَأَصْلَحْنَا لَهُ زَوْجَهُ ۚ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا ۖ وَكَانُوا لَنَا خَاشِعِينَ "
فكان سبب الإستجابة إن هو وزوجته إشْياع كانوا طول عمرهم بيعملوا ثلاثة أشياء ميعملهاش غير الصادق وإللي غايته فعلا رضا ربنا وهم:
◇ أولا:《كانوا يسارعون في الخيرات》
أي حاجة فيها خير مش بس بيعملوها، لأ.. دول كانوا بيسارعوا فيها.. مفيش تسويف.. مفيش تأجيل.. وأي حاجة كانت تغضب ربنا كانوا يسيبوها فورا.. مفيش تباطؤ.

◇ثانيا: 《يدعوننا رغبا ورهبا》
يعني بيدعوا ربنا برجاء وخوف.. برجاء يعني بطمع في كرمه إللي ملوش حدود، عشان يرزقهم إللي عنده بكرم ويكون عند حسن ظنهم في واسع كرمه..
و بخوف يعني خوف من عقابه وعذابه ومن عدم قبوله لأعمالهم فيدخلوا على الآخرة من غير ما يكون عندهم أعمال فيدخلوا النار والعياذ بالله،
فبيدعوا ربنا خوفا من عقابه عشان يصرفهم عنه وعن عذابه،
فكانوا عارفين زي ما ربنا غفور رحيم فهو شديد العقاب،
وهو ده تمام الإيمان؛
لإن الإيمان لا يكتمل ولا يقوم إلا بالرجاء والخوف مع بعض، زي الطير كده ما يعرفش يطير بجناح واحد..
والنبي ﷺ قال: "لو وُزن خوف المؤمن ورجاؤه لَاعْتَدلا"

ثالثا: 《كانوا لنا خاشعين》
يعني متذللين..متواضعين لله.. مُخبتين.. مخلصين.. مؤمنين باللي ربنا أنزله..

فنقدر نختصر السبب إللي خلى ربنا يستجيب لزكريا عليه السلام ويرزقه الولد إن كان هو وزوجته عندهم رصيد كبير جدا
زي يونس عليه السلام لما كان في بطن الحوت وربنا أخرجه لأنه كان من المُسَبِّحين.. فاكرين
وكمان أيوب عليه السلام لما صبر على البلاء وكان زي ما ربنا وصفه بإنه نِعْم العبد إنه أواب، وربنا استجاب له بأقل إشارة صدرت منه لما قال : "أنِّي مَسَّني الضر وأنت الراحمين"

¤طيب هقولكم على قصة تانية يمكن ناس كتير متعرفهاش
عارفين رسول الله ﷺ الحبيب ..أحب خلق الله إلى الله ..حصل خلاف بينه وبين زوجته حفصة بنت عمر بن الخطاب رضي الله عنهما، فطلقها😢
شوفوا،
كسر المرأة طلاقها زي ما رسول الله ﷺ قال،
فما بالكم إذا كان إللي طلق هو رسول الله😳
《السبب في الطلاق مفيش فيه حديث واضح لكن العلماء استنبطوا السبب من القصة إللي جت في القرآن: "وإذ أسَرَّ النبي إلى بعض أزواجه حديثا فلما نبأت به"..
قالوا: إن الزوجة هنا حفصة، فلما أفشت سر النبي ﷺ ..رسول الله طلقها》

☆احنا بنذكر لكم هنا كلام العلماء عشان احنا عارفين فضول البعض الناس مننا، هنسيب الموضوع كله ونمسكوا في: طيب هو طلقها ليه يا تري🤔
المهم.. فلما طلقها ، قعدت تبكي ودخل عليها اخوان امها الإثنين بيواسوها وهي بتبكي وتقول:
والله ما طلقني من شِبع... يعني هو ماطلقنيش عشان زهق مني😔
فوهمّ عالحال ده، لقوا الباب بيخبط! بيفتحوا الباب لقوه رسول الله ﷺ!
فاستغربوا ..إيه إللي خلاك تيجي يا رسول الله مش إنت طلقتها.. !؟ فقال رسول الله ﷺ -وهي قاعدة وبتسمع:
جاءني جبريل وقال إن الله جل جلاله أرسلني من فوق العرش وقال: قل لمحمد راجع حفصة ..
يعني رجَّع حفصة لعصمتك تاني👌
طيب ليه يارب من فوق سبع سموات تنزّل وحي في قضية زي دي وتقول لرسول الله راجع حفصة😳
هل عشان جمالها وحسبها ونسبها؟ ولا عشان إيه..؟
فيأتي الجواب: راجع حفصة فإنها ((صوّامة قوامة))..
شوفتوا الرصيد😊
يعني من الأسباب الرئيسية لاستجابة الدعاء ورفع البلاء إن الإنسان يكون له رصيد عند ربنا وقت الرخاء👌

وانتم طبعا عارفين الحديث إللي بيقول: "تعرّف إلى الله في الرخاء يعرفك في الشدة"
والحديث التاني "من سرّه أن يستجيب الله له عند الشدائد والكرب فليُكثر الدعاء في الرّخاء"..
يبقى احنا عندنا ثلاثة أسباب:
المسارعة في الخيرات// والدعاء رغبا ورهبا//والخشوع لله.
لو بتعملوا الثلاثة دول : أبشروا ❤️

فزكريا عليه السلام، لما الملائكة بشرته بالولد وهو قائم بيصلي قال :
إزاي يكون عندي ولد وامرأتي عاقر وعمري خلاص داخل عالمائة سنة😮
"قَالَ رَبِّ أَنَّىَ يَكُونُ لِي غُلامٌ وَقَدْ بَلَغَنِيَ الْكِبَرُ وَامْرَأَتِي عَاقِرٌ"

فرد المَلَك على زكريا:
"قَالَ كَذَلِكَ قَالَ رَبُّكَ هُوَ عَلَيَّ هَيِّنٌ وَقَدْ خَلَقْتُكَ مِن قَبْلُ وَلَمْ تَكُ شَيْئًا"..
يعني ربنا لما بيريد شيئ بيتحقق لإن بيده الأمر كله والأسباب كلها، بيهيأ الأسباب،
ولو مفيش أسباب؟ يقول للشيء كن فيكون...
ثم انت مستغرب ليه يا زكريا؟ ما ربنا خلقك انت وكل الناس من العدم👌
فمش صعب عليه إطلاقا يخلق بشر من بشر تاني حتى لو عجوز عقيم..
فزكريا عليه السلام من فرحته عايز يبقى في علامة ظاهرة كده إن الحمل حصل فعلا،
فربنا أوحى له إن العلامة بتاعتك إنك مش هتقدر تكلم الناس ثلاثة أيام إلا بالإشارة..
لما تكون لوحدك تتكلم عادي لكن لما تكون مع الناس مش هتقدر تتكلم إلا بالإشارة..
يعني ده مش هيكون بسبب إنك مريض، لأ، انت صحيح ومعافى تماما👌
"قَالَ رَبِّ اجْعَل لِّيَ آيَةً قَالَ آيَتُكَ أَلاَّ تُكَلِّمَ النَّاسَ ثَلاثَةَ أَيَّامٍ إِلاَّ رَمْزًا "
فلما خرج زكريا عليه السلام من المحراب عشان يمارس حياته ويدعو قومه ويذكّرهم بالله، مبقاش عارف يتكلم فعلا..
طب هل سكت وقال خلاص أنا مرفوع عني القدرة على الكلام حاليا فمش هدعو الناس لحد ما يرجع لي صوتي😕
لأ،
استخدم معاهم لغة الإشارة عشان يذكرهم بالله👌
"فَخَرَجَ عَلَى قَوْمِهِ مِنَ الْمِحْرَابِ فَأَوْحَى إِلَيْهِمْ أَن سَبِّحُوا بُكْرَةً وَعَشِيًّا"
فأوحى إليهم يعني أشار إليهم من غير كلام..

☆يعني لازم نبلغ دين ربنا مهما كانت قدراتنا محدودة أو فيها عجز،
ندعو بالمتاح، وربنا بيحاسب على الوسع والطاقة مهما كانت بسيطه


حملت زوجة زكريا عليه السلام بالنبي يحيى.. وبعد ثلاثة أشهر من حملها حصل حادث هو الأول والوحيد من نوعه على الأرض، هيعمل قلق وضجة شديدة جدا بين الناس 😳
إيه إللي هيحصل؟

ده إللي هنعرفه الجزء الجاي إن شاء الله 😁


#Eman_Shalapy

*من أفضل ما قرأت في تربية الأطفال :*

1- مهما فعل أولادك من أخطاء، *فهذا لا يبرر لك أن تعاملهم كالحيوانات!*

2- ليس معني أنك أنجبت أن *تعتقد أن أولادك ملكية خاصة،* تضربهم متى شئت، وتهينهم متى شئت، وتمنع عنهم ما تريد وقتما تريد!

3- ستُحاسب يوم القيامة مرتين، *الأولى عن تربية أولادك على القيم والأخلاق والتمسك بالهوية،* *والثانية عن تعديك عليهم بالضرب "فوق ما حدده الشرع"* والسب واللعن والاستهزاء والإهانة!

4-  كما أمر الشرع بأن يكون للأبوين مزية خاصة في المعاملة *"ولا تقل لهما أُفٍ ولا تنهرهما"* فهناك أمر من الشرع كذلك بأن *"كلكم راع وكلُ مسئول عن رعيته"* فلا تطالب بالأولى وتنسى الثانية.

5- من يقول لك لقد شُتمنا وضُربنا واتبهدلنا ثم أصبحنا أسوياء، *فهذا قد لا يدرك عمق ما قال،* لأنه قد يكون متهوراً وهو لا يدري، وقد يكون من النوع الذي لا يحب المواجهة ولا يستطيعها وهو لا يدري، وقد يكون مراوغاً عند التحديات وهو لا يدري، وقد يكون بوجهين وثلاثة وهو لا يدري، وقد لا يستطيع مواجهة الميكروفون وهو لا يدري، وقد يهرب من القيادة وهو لا يدري، وقد يظن بنفسه عدم وجود أي قدرات خاصة لديه بسبب هدم ثقته في نفسه وهو صغير وهو لا يدري، وقد يكون نرجسياً أو سيكوباتياً أو غير ذلك وهو لا يدري، *يعني السوي نفسياً لا يقول عن نفسه أنه سوي نفسياً* إنما هذا يكون من كلام الناس القريبين منه، أو من المتخصصين، لأن من علامات اضطراب الشخصية *عدم شعور المضطرب بأن لديه اضطراب!*

6-  هناك فرق بين الامتلاك وبين المسؤولية، فالأسرة مسؤولية وليست امتلاك، والأولاد مسؤولية وليسوا أملاك، والرعاية مسؤولية وليست منّ، والتربية مسؤولية وليست تشريف، والحياة مسؤولية وليست للمتعة والانبساط!
فالدنيا ظل زائل!

7- كلنا بنغلط مع أولادنا، فالاعتراف بالخطأ خيرُ من التمادي فيه، وعدم انتباهك لهذا سيجعلك في الدنيا على محك العقوق وفي الآخرة على محك العقوبة!!

محمد سعد الأزهري

#الأسرة_أمن_وأمان

⚠️محرمات منتشرة ... تبعدنا عن الجنة⚠️
📌10 - تطيب المرأة عند خروجها من المنزل:

كام واحدة قبل ما تخرج تقعد تظبط نفسها وتتشيك قدام المرايه
وفجأة تقوم ماسكة زجاجة العطر وتغرق نفسها بيها
وريحتها تجيب آخر الشارع
ولو في الشغل قبل ما توصل للمكتب يكون كل اللي في الدور عارفين وصلت من ريحتها 😠

وكانها بتقول أنا جيت يا جماعة👱🏻‍♀ كله يبص ويعمل حسابه ويفرش الأرض رمل ويجهز الورد 💐

انتي مش عارفة الرسول صلى الله عليه وسلم قال ايه ؟ 😱

امسكي أعصابك ومتتخضيش ☹️

قال النبي صلى الله عليه وسلم : " أيما امرأة استعطرت ثم مرت على القوم ليجدوا ريحها فهي 👈 زانية " رواه الإمام أحمد والترمذي

"أيما امرأة استعطرت فمرت على قوم ليجدوا ريحها فهي 👈زانية، وكل عين زانية" رواه النسائي وابن خزيمة وابن حبان في صحيحيهما

أخدتي بالك من كلمة زانية 😳
💡يفهم من هذا أن وصف المرأة بأنها زانية أى تشبُّهاً

مش كده بس
خدي عندك الحديث ده كمان 😢

قال صلى الله عليه وسلم " أيما امرأة تطيبت ثم خرجت إلى المسجد ليوجد ريحها 👈 لم يقبل منها صلاة حتى تغتسل اغتسالها من الجنابة " رواه الإمام أحمد

وعن يحيى بن جعدة : أن عمر بن الخطاب خرجت امرأة في عهده متطيبة , فوجد ريحها فعلاها بالدرة ( يعني ضربها بالسوط ), ثم قال : تخرجن متطيبات فيجد الرجال ريحكن , وإنما قلوب الرجال عند أنوفهم , اخرجن تفلات ( يعني غير متطيبات ) ) .سنده صحيح

عارفين المشكلة فين ؟ 🤔
المشكلة إن العطر ده هيجذب الرجل ويبقى وسيلة للفتنة والإغراء
⬅️والمرأة الحرة العفيفة بتبتعد عن كل حاجة ممكن تثير الفتنة من قريب أو بعيد

✍قال ابن القيم في أعلام الموقعين:

في الكلام على اهتمام الشرع بسد الذرائع أنه نهى المرأة إذا خرجت إلى المسجد أن تتطيب أو تصيب بخورا وذلك لأنه ذريعة إلى ميل الرجال وتشوفهم إليها فإن رائحتها وزينتها وصورتها وإبداء محاسنها تدعو إليها، فأمرها أن تخرج تفلة وألا تتطيب وأن تقف خلف الرجال وألا تسبح في الصلاة.

مش معنى كلامي إن الواحدة تخرج والناس تهرب من ريحة عرقها من على بعد كيلو 😖

بالعكس الإسلام دين النظافة وبيحب الرائحة الطيبة بدليل إنه نهى من أكل ثوم وبصل إنه يصلي في المسجد جماعة حتى لا يؤذي المصلين برائحة فمه وأمر بالاغتسال وأمر بسنن الفطرة من سواك ونتف الإبط وحلق العانة وغيره وغيره مما يدل على حرص الإسلام على النظافة

📢لكن أزيل رائحة العرق بالطريقة اللي ترضي ربنا ومن غير ذنوب

عن أبي هريرة قال : قال رسول الله صلى الله عليه وسلم : (( طيب الرجال ما ظهر ريحه وخفي لونه , وطيب النساء ما ظهر لونه وخفي ريحه ))سنده صحيح أحمد وأبوداود.

✍قال المناوي في فيض القدير: طيب الرجال اللائق بهم المناسب لشهامتهم ما ظهر ريحه وخفي لونه كالمسك والعنبر.

✍قال العامري : نبه المصطفى صلى الله عليه وسلم على أدبه للرجال وللنساء ففيما ظهر لونه رعونة وزينة لا يليق بالرجولية. وطيب النساء ما ظهر لونه وخفي ريحه أي عن الأجانب كالزعفران؛ ولهذا حرم على الرجال المزعفر.

✍قال البغوي : قال سعد : أراهم حملوا قوله: وطيب النساء على ما إذا أرادت الخروج، أما عند زوجها فتتطيب بما شاءت . انتهى

💡يعني كل الكلام ده لما تكون خارج البيت أو هيشم رائحتها أحد ليس من محارمها
لكن ممكن تتعطر عند زوجها و محارمها وتعيش حياتها

طيب مزيل العرق يعتبر عطر ❓

نقرأ كلام العلماء

يمكن تقسيم أنواع مزيل العرق – من حيث حكم استعمال المرأة له – إلى نوعين :

🌷الأول : مزيل عرق معطر برائحة ظاهرة ،
❌فهذا النوع لا يجوز للمرأة استعماله خارج المنزل، إذا غلب على ظنها أنها ستمر ببعض الرجال فيشمون رائحته .
والدليل على ذلك حديث زَيْنَبَ امْرَأَةِ عَبْدِ اللَّهِ رضي الله عنهما قَالَتْ : قَالَ لَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ : ( إِذَا شَهِدَتْ إِحْدَاكُنَّ الْمَسْجِدَ فَلَا تَمَسَّ طِيبًا ) رواه مسلم .
فإذا كان صلى الله عليه وسلم قد نهى المرأة عن الخروج إلى المسجد بالطيب ؛ لأن الغالب أن الرجال سيجدون من ريحها بسبب قرب المكان وعدم الحواجز بين الرجال والنساء ، فمن باب أولى أن تمنع المرأة التي تخرج إلى الأسواق ومجامع الناس من استعمال الطيب .

🌷النوع الثاني : مزيل عرق غير معطر ، أو له رائحة يسيرة غير ظاهرة ، لا تتعدى من استعمله ،
✅فهذا النوع لا حرج على المرأة أن تستعمله ، وليس هناك ما يمنع منه

عايزين ايه أكتر من كده
عندكم بدائل كتير حلال 🙂

〰🌸🍃〰🌸🍃〰
قناة 🌷همسات الأوابين🌷

"يؤجر المرء على محاولاته المستمرة رغم انعدام الشغف وتأخر النتائج✨

‏يؤجر المرء على بثّ الطاقة والأمل في نفوس المحيطين به رغم حاجته لمن يدعمه ويحفزه.

‏يؤجر المرء على ثباته لأنَّ ثمة من يتكئ عليه!❤️‍🩹

‏يؤجر المرء على الإستماع للآخرين والتهوين من أزماتهم ومحاولة تخفيف أثقالهم
رغم كل ما في صدره من ضيق وتعب

يؤجر على ثباته أمام النَّاس خوفًا أن يحملهم أثقاله

‏يؤجر لأنَّه يذهب إلىٰ الله طالبًا يد العون
‏يؤجر على سعيه كل يومه أملًا في تحقيق معجزة تبدل حاله وحياته.

‏يؤجر المرء علىٰ سعيه، لحظاته الصعبة ، صمته الطويل

‏يؤجر علىٰ ثقته بالله، رغم انعدام النتائج لكنه يثق بأن كل شيء سيكون على ما يرام"🩵.

#نصائح

أين ذهبت جذوة التزامك الأولى؟
لماذا برد إيمانك؟! من الذي أطفأ نور التقوى في أقوالك و أعمالك!
لماذا أصبح التساهل في أوامر الله من عادتك؟!
أهذا عهدك مع ربك! أين ذهب بكاء العين، وركيعات القيام!
أين ذهب المصحف والسواك ودروس العلم على هاتفك؟
أصبحت لا تستطيع استكمال مادة واحدة دون ملل أو نقد للخطيب أو الشيخ، أصبح العلم الذي تعلمته وبالا عليك!
أصبحتَ لا تكف لسانك، ولا تغض بصرك!
أصبح شغلك الشاغل قيل وقال!
أين ذهب حلم إعلاء كلمة الدين، وحمل هم الإسلام؟ أم أنك أصبحت حملًا على هذا الدين؟
أين ذهبت الدعوة إلى الله أم أنك أصبحت تحتاج إلى من يدعوك أنت إلى الله.
أصبحتِ تتساهلين في شكل جلبابك الذي يحدد جسدك وحجابك ونقابك ذو الألوان الملفتة، ولا بأس عندك من إظهار يديك وتزيينهما ونسيتِ قول الله (ولا يبدين زينتهن) أصبح التقاط الصور ونشرها لا بأس به عشان تبقي منتقبة كيوت ونسمع ضحكتك تجلجل هنا وهناك وحتى لا يقال عنك متزمتة ومعقدة ومتشددة وأنت لا تدرين أنها خطوات كل خطوة تأت بأختها، تفريط يتبعه تفريط ثم.... سقوط والله المستعان

أهذا دين! أم لعب بالدين!

تالله ما اوقعكم إلا قلة التعلق بالله وتمام الافتقار إليه، والركون إلى الدنيا، وتصديق كلام عدو الله ااذي يعدكم الفقر والخوف والحزن، ثم خوف نظرة المجتمع والناس،  ثم اتباع أصدقاء سوء في هيئة متدينيين! لا همة عندهم ولا سعي وحجتهم: أنا قلبي نظيف وكذبوا! لو أحسنوا الظن لأحسنوا العمل!

لا تتبع إلا سبيل الله، ولا هدي غير هدي رسول الله تصل

(يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ (2) كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ)

يا عباد الله أفيقوا هذا ليس أنتم ولا هذه حقيقتكم!

منقول

كل أمرك بإذنه
لا تظن أنّ حساباتك الدقيقة
هي التي ستوصلك لما تريد ،
وأنك ستنام لتنفيذ كل ما خططته لغدك
*فيبدو أنّك لم تعرف أنّه حتى نوم عينك بإذنه ..*
#وكٌل أمورك لله واسعي
وستري معية الله معك ..
#إطمئن
*الوتــر ياطالبين الجنة* 🍃

هل استشعرنا هذه النعمة؟

إنّ الذي أخرجك من بين الصُّلب والتَّرائِب، سيخرجك من بين الكَرْب والمصائِب ..

💌💌صباحكم فرج بإذن الله

(لنختم القرآن سماعا)

الورد (١٤٢)

(الربع الثاني & الحزب السادس والثلاثين)

#القارئ: بيشةوا قادر الكردي
#ليدبروا على التليجرام
https://www.tg-me.com/GhRoooh/11852

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/oa-y0iWO8FM?feature=shared

#صباحكم_قرآنٌ_يُتلى