وتأتى الأجازة ويريدون العودة إلى المقرأة أو الكتاب
فتبدأ مراجعة ما حفظوه فى الأجازة الماضية،
فتأتى المدارس فينقطعون،
وهكذا كل عام،
وفى النهاية: ندور فى دائرة مغلقة، وليس هناك إنتاج،
لأننا علمنا الأولاد أن يعطوا القرآن فضول أوقاتهم؛
علمناهم أن المدارس والدروس أهم من القرآن
أصبحت المقوله الشهيرة عند أولياء الأمور فى الأجازة (أهو يحفظ له آيتين أحسن ما يقعد فى الشارع)
يا أحبابنا: القرآن عزيز  والله
* عظموا القرآن فى قلوب ابنائكم
* ربوا أولادكم على حب  القرآن ..
🌳علموهم :
أن القران وظيفة العمر ..
وأنه مقدم على الدراسة ..
وأنه ليس للصيف فقط .

🌳علموهم :
أن الوقت الذي نخصصه للقرآن لا يؤثر على وقت المذاكرة ..
بل هو يزيد كل شيء بركة .

🌳علموهم :
أن أخذه بركة وتركه حسرة ولا تستطيعه البطلة .

🌳علموهم :
أن الترنم بالقران ألذ وأحلى من كل غناء .

🌳علموهم :
أن القلب الذي لا يعمره القرآن ، يتربع فيه الشيطان ويرتع .

🌳علموهم :
أن بكل آية يتعلمها يرتفع بها درجة في الجنة .

🌳اللهم اجعلنا وأبناءنا من أهل القرآن الذين هم أهلك وخاصتك🤲

#قصص_الأنبياء
#الحلقة_الثانية_والعشرون
#قصة_يوسف(٤)
#الخروج_من_السجن

وقفنا المرة إللي فاتت عند يوسف عليه السلام لما طلب من الساقي إللي فسّر له الرؤيا إنه يحكي قصته عند الملك،
لكن الساقي نسي موضوع يوسف عليه السلام بتقدير من ربنا، وقعد يوسف في السجن حوالي من ثلاثة إلى سبع سنين، المدة بالضبط مكنتش معروفة
"وَقَالَ لِلَّذِي ظَنَّ أَنَّهُ نَاجٍ مِنْهُمَا اذْكُرْنِي عِنْدَ رَبِّكَ فَأَنْسَاهُ الشَّيْطَانُ ذِكْرَ رَبِّهِ فَلَبِثَ فِي السِّجْنِ بِضْعَ سِنِينَ"

في يوم من الأيام الملك رأى رؤيا، رأى إن فيه سبع بقرات ضعاف هزلانين بياكلوا سبع بقرات سِمان
فقام من النوم مفزوع
ليه
لأن الطبيعي إن القوي السمين هو إللي ياكل الضعيف مش العكس
فنام تاني ورأى سبع سنبلات يابسة بيتلفّوا على سبع سنبلات خضراء وبيخلوهم يابسين زيهم، فقال باااس كده الموضوع فيه حاجة
"وَقَالَ الْمَلِكُ إِنِّي أَرَى سَبْعَ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعَ سُنْبُلَاتٍ خُضْرٍ وَأُخَرَ يَابِسَاتٍ"
جمع السحرة والكهان والوزراء وحكى لهم الرؤيا...وسألهم إيه رأيكم ؟ أنا عاوز حد يفسرلي الرؤيا دي
فقالوا له كلهم : رؤيا إيه بس
دي أضغاث أحلام ...أوهام ....واحنا مش اختصاصنا تفسير الأحلام
احنا بنفسر الرؤى بس، لو دي رؤيا كنا فسرناها على طول
"قَالُوا أَضْغَاثُ أَحْلَامٍ وَمَا نَحْنُ بِتَأْوِيلِ الْأَحْلَامِ بِعَالِمِينَ"

مين بقى إللي كان موجود في اللحظة دي وسمع الحواااار
ساقي الملك إللي طلع من السجن ونسِي خااالص موضوع يوسف
وفي وسط القصر والملأ قاعدين والسحرة والكهنة والملك قاعد محتار،
إذ فجأةً يطلع صوت حد بيقول: أنا هقول لكم تأويل الرؤيا دي إيه🙋‍♂️
"وَقَالَ الَّذِي نَجَا مِنْهُمَا وَادَّكَرَ بَعْدَ أُمَّةٍ أَنَا أُنَبِّئُكُمْ بِتَأْوِيلِهِ "
طبعا الكل بص مين إللي بيتكلم ده! لقوه ساقي الملك
وكإن نظراتهم ليه ساعتها بتقول : يعني إنت إللي هتجيب التايهة يا فالح
راح على طول قال لهم: ابعتوني بس للسجن.. فيه واحد هناك هو إللي هيفسر كل حاجة 👌
"فَأَرْسِلُونِ"
في اللحظة دي بس افتكر يوسف عليه السلام، وقال بكل ثقة إنه هيجيب لهم خُلاصة الموضوع، وده بسبب ثقته الشديدة في يوسف عليه السلام
وعلى رأي المثل: اسأل مجرب..
هو جرب بنفسه صدق تأويل يوسف للرؤى.. ده غير إنه قعد معاه فترة في السجن وعاشره بنفسه وشاف صلاحه وحسن خلقه وتقواه،
وفعلا بعتوا الساقي للسجن ودخل على يوسف عليه السلام
وأول ما بدأ كلامه مدحه وأثنى عليه، لإنه مش ناسي فعلا أد إيه يوسف كان إنسان صالح ومحترم ومن المحسنين.

فحكى له الرؤيا، وقال له إيه تفسيرها لعلي أرجع وأقول للناس عشان يعرفوا يتصرفوا إزاي وكمان عشان يعرفوا عنك وعن مكانتك وقدرك وفضلك فيكون ده سبب مُحتمل في إنك تخرج من السجن.
"يُوسُفُ أَيُّهَا الصِّدِّيقُ أَفْتِنَا فِي سَبْعِ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعِ سُنْبُلَاتٍ خُضْرٍ وَأُخَرَ يَابِسَاتٍ لَعَلِّي أَرْجِعُ إِلَى النَّاسِ لَعَلَّهُمْ يَعْلَمُونَ"
الساقي بيحاول يغري يوسف ويقنعه إنه يفسر الرؤى لإنه خاف إن يوسف عليه السلام ميرضاش يقولهم على التأويل
يعني أي حد مكانه هيقول أنا واحد سجنتوه ظلم وكمان نسيتوه فطالت مدة ظلمه أكتر وبعدين في الآخر عايزيني أساعدكم وأحقق طلبكم
لكن يوسف عليه السلام المُحسن الكريم ما عملش كده،
فسّر لهم الرؤيا وحتى ماشترطش إنه يطلع من السجن الأول في مقابل إنه يفسّر لهم الرؤيا،
قالهم: تزرعوا الأرض سبع سنين مستمرة وإللي تحصدوه خلوه في السنابل بتاعته حتى لا يَيبس ولا يفسد،
بس خدوا منه إللي إنتم محتاجين تاكلوه فقط،
"قَالَ تَزْرَعُونَ سَبْعَ سِنِينَ دَأَبًا فَمَا حَصَدْتُمْ فَذَرُوهُ فِي سُنْبُلِهِ إِلَّا قَلِيلًا مِمَّا تَأْكُلُونَ"
لإن هييجي بعد كده سبع سنين شداد، فيهم جدْب وقحط ومفيش مطر فمش هتلاقوا حاجة تاكلوها إلا إللي انتم خزّنتوه،
"ثُمَّ يَأْتِي مِنْ بَعْدِ ذَلِكَ سَبْعٌ شِدَادٌ يَأْكُلْنَ مَا قَدَّمْتُمْ لَهُنَّ إِلَّا قَلِيلًا مِمَّا تُحْصِنُونَ"
وبعد كده هييجي عام هينزل فيه المطر والأوضاع تتحسن.
فوضح لهم الموضوع كله بكل أمانة 👌
ثُمَّ يَأْتِي مِنْ بَعْدِ ذَلِكَ عَامٌ فِيهِ يُغَاثُ النَّاسُ وَفِيهِ يَعْصِرُونَ "

☆طيب إزاي هو نبي يساعد ناس كفار😶
لأن المستشار مؤتمن ، زي ما النبي ﷺ قال،
حتى لو إللي بيستشيرني كافر لإن دي أخلاق المسلم بأيّ حال، مادام حد استأمنك على نصيحة يبقى لازم تؤدي الأمانة،

فلما الساقي رجع وقال للملك تفسير الرؤيا والناس كلها قاعدة بتسمع معاه، استغرب طبعا جدا!!
محدش عرف يفسر الرؤيا في مصر كلها غير يوسف ده
الراجل ده أمره عجيب وأكيد وراه حاجة👌

فالملك قالهم هاتوا لي السجين ده عايز أسمع كلامه بنفسي..
عايز يشوف مين الشخص ده،
"وَقَالَ الْمَلِكُ ائْتُونِي بِهِ"
فلما بعتوا له حد عشان يجيبه يوسف عليه السلام رفض يطلع من السجن وقال للراجل إللي جاله إرجع للملك بتاعك واسأله الأول عن قصة النساء إللي قطعوا إيدهم،
وكانت القصة اشتهرت ساعتها في المدينة زي ما قلنا، لكن واضح إن الملك كان آخر من يعلم
"فَلَمَّا جَاءَهُ الرَّسُولُ قَالَ ارْجِعْ إِلَى رَبِّكَ فَاسْأَلْهُ مَا بَالُ النِّسْوَةِ اللَّاتِي قَطَّعْنَ أَيْدِيَهُنَّ إِنَّ رَبِّي بِكَيْدِهِنَّ عَلِيمٌ"

فالملك سأل إيه الموضوع... هاتوا النساء...سأل إيه حكايتكم ، إيه إللي حصل يوم الضيافة لما راودتن يوسف عن نفسه؟
"قَالَ مَا خَطْبُكُنَّ إِذْ رَاوَدْتُنَّ يُوسُفَ عَنْ نَفْسِهِ "
فالنساء قالوا بصراحة الراجل ماعملش حاجة وحشة وعمرنا ما عرفنا عنه إلا كل خير،
"قُلْنَ حَاشَ لِلَّهِ مَا عَلِمْنَا عَلَيْهِ مِنْ سُوءٍ "
مين كان موجود وسط النساء دووول
امرأة العزيز ...وخدوا بالكم إن يوسف عليه السلام ماجابش سيرتها خالص مع إنها السبب أصلا في كل إللي حصل😑

لكنه اتكلم بشكل عام عن جماعة النسوة على بعضهم
فامرأة العزيز مابقاش قصادها غير إنها تعترف بفضل يوسف وكرمه وأخلاقه وبراءته، فهو حفظ الود والعشرة ومقبلش أبدا إنه يخون ولي نعمته، عزيز مصر إللي اتربى في بيته وأكرمه، ورفض إنه يقابل الإكرام ده بحاجة سيئة وفيها خيانة شديدة له ولعرضه،
مع إنهم ظلموه وسجنوه رغم براءته، وما أشفقوش عليه ولا رحموا سنين عمره إللي بتضيع بدون ذنب،
لكن كل إنسان بيتعامل بأصله ومفيش حاجة بتضيع عند ربنا
فمش هو إللي جاب سيرتها واسمها، دي هي امرأة العزيز إللي أعلنت براءة يوسف عليه السلام على الناس كلها وأقرت إنها هي اللي راودته عن نفسه وإنه صادق وبريء ،
"قَالَتِ امْرَأَةُ الْعَزِيزِ الْآَنَ حَصْحَصَ الْحَقُّ أَنَا رَاوَدْتُهُ عَنْ نَفْسِهِ وَإِنَّهُ لَمِنَ الصَّادِقِينَ"
ده كان قصاد الملك والنساء والملأ و باقي الناس في القصر كلهم،
فظهرت براءة يوسف عليه السلام للجميع،
وقالت امرأة العزيز إنها اعترفت بالحقيقة أخيرا عشان يوسف يعرف إنها لما جه وقت الكلام والشهادة قالت الحق، ومخانتهوش باتهامه بالفاحشة ظلما وزورا،
لأ، دي اعترفت إنه بريء وإن هي اللي أجرمت،
وقالت ده رغم إنه غايب عن مجلس الملك أصلا ومش سامعها ومايعرفش حاجة عن الموقف ده لإنه لسه في السجن مستني رد الملك على سؤاله عن النسوة قبل ما يخرج،
"ذَلِكَ لِيَعْلَمَ أَنِّي لَمْ أَخُنْهُ بِالْغَيْبِ وَأَنَّ اللَّهَ لَا يَهْدِي كَيْدَ الْخَائِنِينَ"
وأنا مش ببرأ نفسي لإن النفس أمارة بالسوء إلا إللي يعصمهم ربنا.
"وَمَا أُبَرِّئُ نَفْسِي إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي"
فالملك قال لأ ده مش انسان عادي أبدا😳
ده عنده علم وفضل مش عند الناس كلها،
ولما عرَضَت عليه إنه يطلع مارضيش غير لما يبرّأ نفسه وسمعته لإن دي تهمة تمس الشرف،
وكمان إنسان عفيف، وعنده أخلاق ومش بيعامل إللي ظلموه بالإساءة او بالمثل!
هاتوهولي ...ده هيبقى من أهل مشورتي ومن الخواص عندي👌
"وَقَالَ الْمَلِكُ ائْتُونِي بِهِ أَسْتَخْلِصْهُ لِنَفْسِي "

☆طيب ليه يوسف عليه السلام رفض إنه يخرج من السجن على طول🤔
لأن لو مكنش عمل كده الناس كانت هتفكر إنه طلع من السجن عشان فسّر الرؤيا للملك مش عشان هو كان مظلوم💁‍♂️
وكمان عشان ميكونش في قلب الملك حاجة من ناحيته،
ما هو ممكن بعدين بطانة السوء تيجي توقع بين يوسف وبين الملك بسبب الموضوع ده ويخلوا في قلب الملك شك من ناحيته
فلما الملك شاف يوسف عليه السلام انبهر بجماله وبهيبته، لإن النبوة بتدي للإنسان هيبة وجلال، فالملك قاله من النهاردة إنت ليك مكانة عظيمة عندنا،
"فَلَمَّا كَلَّمَهُ قَالَ إِنَّكَ الْيَوْمَ لَدَيْنَا مَكِينٌ أَمِينٌ"
فيوسف عليه السلام قاله اجعلني وزير المالية وأنا خازن أمين وعندي علم وبصيرة بالأحداث إللي هتيجي.
"قَالَ اجْعَلْنِي عَلَى خَزَائِنِ الْأَرْضِ إِنِّي حَفِيظٌ عَلِيمٌ"

☆وهنا يجوز للإنسان إنه يمدح نفسه في موقف زي ده ويزكي قدراته الشخصية ومهاراته في تولي المسؤولية لو كان يعلم من نفسه فعلا إنه أدها عشان يعرّف الشخص إللي قصاده مكانته وقدره وإمكانياته،
وكمان يجوز إنه يطلب الإمارة لو شاف إنه هو فعلا أهل ليها ..وخصوصا لو مفيش حد عنده نفس قدراته فلازم يتولى المسؤولية👌

♡ نقف هنا بقى وقفة كده عشان نشوف حكمة ربنا في الأحداث دي
تخيلوا كده لو كان الساقي حكى للملك عن يوسف عليه السلام أول ما طلع من السجن وطلب منه يخرّج يوسف لإنه بريء، هل كان الملك هيهتم أصلا بالموضوع؟!

وحتى لو كان اهتم كان ممكن يقول لأي وزير ولّا أي مسؤول عنده يشوف الموضوع،
ولو طلع يوسف فعلا كانت الناس هتفضل بصّاله بعين الشك والريبة وهو بقى بدل ما يستهلك طاقته في الدعوة إلى الله هيستهلكها في تبرئة نفسه، ده إذا كان طلع أساسا
ماهو العزيز كان ممكن يعرف بالموضوع ويعالج الموضوع بشكل لئيم مع الوزراء ولا أي مسؤول بحيث إن يوسف يفضل في السجن ده أو يتحط في سجن منفرد لوحده حتى عشان يضمنوا إن الفضيحة خلاص متسيطر عليها تمام،
ده إذا ما حاولوش يقتلوه ولّا حاجة عشان يخلصوا منه تماما ويطمنوا أكتر😑
فربنا أراد ليوسف عليه السلام إنه يخرجه من السجن والناس كلها تعرف براءته بشكل مذهل وما حدش ينساه،
وخدوا بالكم إن إللي شاف الرؤيا كان الملك مش أي حد،
لأن الملك لما بينشغل بحاجة بتلاقي كل إللي حواليه مشغولين بنفس الحاجة ويتكلموا فيها، فلما الملك يعطي ليوسف عليه السلام المكانة كل الناس هتعرف
وكمان حكمة ربنا إنه خلى الملك حكى الرؤيا قصاد الملأ كلهم والسحرة والكهنة وبان جدا إنهم عاجزين
هو مش كان ممكن الملك يحكي الرؤيا دي للساقي وهم لوحدهم والساقي يقوله إن في واحد كذا وكذا وابعت هاته وهو هيقولك التأويل و...و...إلخ؟
وبعدين ينادي الملأ ويقول لهم الراجل ده عرف يفسر الرؤيا وعنده علم بالتأويل،
كانوا هيقولوا إيه ساعتها؟
كانوا هيقولوا طيب ماحنا عارفين زيه
لو كنت سألتنا كنا هنقولك نفس الإجابة بس إنت مسألتناش
فربنا أظهر عجزهم الأول عشان يبان فضل يوسف عليه السلام👌
فربنا بيورينا إن ممكن السبب الوحيد إللي إحنا شايفين فيه النجاة ...ممكن يكون فيه الهلاك، وكمان بيورينا إن ممكن أعظم البلاء 《زي السجن》 يتفك بأبسط الأسباب
《زي الرؤيا 》إللي ممكن ماتخطرش على بالنا
عشان يقولنا بطريقة عملية إن الأمر كله بيده سبحانه فماتقلقوش

☆يعني ده معناه إن يوسف عليه السلام تعلق قلبه بالسبب وتوكل على حد غير ربنا عشان كده ربنا عاقبه بإنه يفضل في السجن
لأ طبعا
لإن الأخذ بالأسباب لا يتعارض مع التوكل على الله👌
فاحنا لازم ناخد بالأسباب الدنيوية دايما، وبعدها ننسى خالص إننا أخدنا بالأسباب ونتعلق فقط بالله عز وجل من بيده كل شيئ.
وده إللي يوسف عليه السلام عمله، لأنه متهم ظُلم والإنسان لازم يبرأ نفسه وخصوصا الأنبياء، وكمان يوسف عليه السلام عنده رسالة لازم يبلغها

للناس، فإزاي هيؤدي رسالته في الدعوة إلى الله وهو متهم في عرضه؟
ده غير إن الأنبياء معصومين أصلا فالتوكل الكامل أصل في قلوبهم،
فاستمرار وجود يوسف عليه السلام في السجن كان لمصلحته، عشان لما يخرج يكون عزيز، وكمان هو اتعلم في السجن أمور ماكنش هيتعلمها إلا في المكان ده👌
فلو ربنا قدر عليك أي بلاء وبتاخد بالأسباب ومش لاقي نتيجة فإنت في إحتمال من ثلاثة:
◇إما إنك اتعلقت بالأسباب فربنا بينبهك عشان تثق وتوقن فيه هو بس 100%،
◇أو إن ربنا يريد إنه يعلمك حاجات عمرك ماكنت هتتعلمها إلا وإنت في الإبتلاء ده 👌
◇أو إن ربنا يريد إنه لما يفرَّج عنك البلاء يفرَّجه من وسَعَه أوي، زي ما هنشوف مع يوسف عليه السلام،
وهنشوف القاعدة إللي يوسف عليه السلام هيحطها لنا في الآخر عشان نقدر نعدي من كل بلاء👌

بعد الأحداث دي كلها الأمور استقرت ليوسف عليه السلام وبدأ يُشرف على زراعة الأراضي ويدير الأموال والمزروعات لحد ما عدت أول سبع سنين،
وكان يوسف عليه السلام خزّن طعام كتير وبقى عندهم فائض يكفيهم ويكفي غيرهم،
وانتشر في كل مكان إن مفيش أكل غير في مصر،
فكل الناس بقوا ييجوا مصر عشان يشتروا الأكل، وكان مين إللي جه لمصر من ضمن الناس إللي جم
إخوة يوسف عليه السلام
جت لحظة الإنتقام والمواجهة
يا ترى عمل معاهم إيه بقى

ده إللي هنعرفه الجزء الجاي إن شاء الله.

#Eman_Shalapy

‏
🌑🌕 أذكار المساء الصحيحة🌕🌑
‏ ࿐༜.. ࿐༜.. ࿐༜


🌕 - *((أمْسَيْنَا وَأَمْسَى الْمُلْكُ للهِ، وَالْحَمْدُ للهِ، وَلاَ إِلَـهَ إِلاَّ اللهُ وَحْدَهُ لاَ شَرِيكَ لَه, لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، رَبِّ أَسْأَلُكَ خَيرَ مَا فِي هَذِهِ اللَّيلَةِ وَخَيْرَ مَا بَعْدَهَا، وَأَعُوذُ بِكَ مِنْ شَرِّ هَذِهِ اللَّيلَةِ وَشرِّ مَا بَعْدَهَا، رَبِّ أَعُوذُ بِكَ مِنَ الْكَسَلِ وَسُوءِ الْكِبَْرِ، رَبِّ أَعُوذُ بِكَ مِنَ عَذَابٍ فِي النَّارِ وَعَذَابٍ فِي الْقَبْرِ).*

📚(مختصر مسلم: 1894)

🌕 - *((إذا أمسى فليقل: اللَّهُمَّ بِكَ أَمْسَيْنَا وَبِكَ أَصْبَحْنَا، وَبِكَ نَحْيَا وَبِكَ نَمُوتُ، وَإِلَيْكَ الْمَصِيرُ))*

📚(الصحيحة: 262) .

🌕 - *((اللَّهُمَّ أَنْتَ رَبِّي، لاَ إِلَـهَ إِلاَّ أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ, أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي، فَاغْفِرْ لِي؛ فَإِنَّهُ لاَ يَغْفِرُ الذُّنُوبَ إلاَّ أَنْتَ)).*

📚(مختصر البخاري: 2420)

🌕 - *((يَا حَيُّ يَا قَيُّومُ بِرَحْمَتِكَ أَسْتَغِيثُ, أَصْلِحْ لِي شَأْنِي كُلَّهُ, وَلاَ تَكِلْنِي إِلَى نَفْسِي طَرْفَةَ عَيْنٍ))*

📚(صحيح الترغيب: 661)

🌕 - *((اللَّهُمّ عَالِمَ الْغَيْبِ وَالشَّهَادَةِ, فَاطِرَ السَّمَوَاتِ وَالأَرْضِ, رَبَّ كُلِّ شَيْءٍ وَمَلِيكَهُ، أشهد أن لا إله إلا أنت, أَعُوذُ بِكَ مِنْ شَرِّ نَفْسِي، وَشَرِّ الشَّيْطَانِ وَشَِرَْكِهِ, وَأَنْ أَقْتَرِفَ عَلَى نَفْسِي سُوءًا أَوْ أَجُرَّهُ إِلَى مُسْلِمٍ)).*

📚(صحيح الكلم: 21)

🌕 - *((اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالآخِرَةِ, اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِي, وَدُنْيَايَ, وَأَهْلِي, وَمَالِي, اللَّهُمَّ اسْتُرْ عَوْرَاتِي وَآمِن رَّوْعَاتِي, اللَّهُمَّ احْفَظْنِي مِنْ بَيْنِ يَدَيَّ, وَمِن ْ خَلْفِي, وَعَنْ يَمِينِي, وَعَنْ شِمَالِي, وَمِنْ فَوْقِي، وَأَعُوذُ بِعَظَمَتِكَ أَنْ أُغْتَالَ مِنْ تَحْتِي)).*

📚(صحيح الكلم: 23),
(صحيح ابن ماجه: 3135)


🌕 *أمسينا على فطرة الاسلام وعلى كلمة الاخلاص وعلى دين نبينا محمد صلى الله عليه وسلم وعلى ملة ابينا ابراهيم حنيفا مسلما وما كان من المشركين*


🌕 - *((أَعُوذُ بِكَلِمَاتِ اللهِ التَّامَّاتِ مِنْ شَرِّ مَا خَلَقَ)).*
ثلاث مرات

📚(مختصر مسلم: 1453),(صحيح الترمذي: 3604/م

🌕- *((سُبْحَانَ اللهِ وبحمده عَدَدَ خَلْقِهِ, وَرِضَا نَفْسِهِ, وَزِنَةَ عَرْشِهِ, وَمِدَادَ كَلِمَاتِهِ))*

ثلاث مرات
📚(الصحيحة: 2156)

🌕 - *((بِسْمِ اللهِ الَّذِي لاَ يَضُرُّ مَعَ اسْمِهِ شَيْءٌ؛ فِي الأَرْضِ وَلاَ فِي السَّمَاءِ وَهُوَ السَّمِيعُ الْعَلِيمُ)).*
ثلاث مرات

📚(صحيح الترمذي: 3388)


🌕 - *((سُبْحَانَ اللهِ وَبِحَمْدِهِ)).*
مائة مرة

📚(مختصر مسلم: 1903)
,(صحيح أبي داود: 5091)

🌕 *(لاَ إِلَـهَ إِلاَّ اَللهُ وَحْدَهُ لاَ شَرِيكَ لَهُ, لَهُ الْمُلْكُ, وَلَهُ الْحَمْدُ, وَهُوَ عَلَى كُلِّ شَيْءٍ قَدِيرٌ).*
مائة مرة

📚(صحيح الترغيب: 658)

🌕 - (قُلْ : *" قُلْ هُوَ اللَّهُ أَحَدُ والمعوذتين* حين تصبح وحين تمسى ثَلاَثَ مَرَّاتٍ ، تَكْفِيكَ مِنْ كُلِّ شَيْءٍ)

📚(صحيح الترمذي ).
(وأبو داود )رقم/5082

#أذكار_المساء

هذه سبعة أسئلة شائعة عن الأضحية:

❶- هل يُشترط سن محدد في الأضحية؟

ج/ نعم، يُشترط في الضأن أن يتم ستة أشهر عند الجمهور وسنة عند الشافعية.
ويشترط في الماعز أن يتم سنة عند الجمهور، وسنتين عند الشافعية.
ويشترط في البقر أن يتم سنتين.
وفي الإبل أن يتم خمس سنين.

وسواء في ذلك كله الذكر والأنثى.

🔵🔵🔵

❷- هل تصح الأضحية إن كانت سمينة جدا لكنها لم تبلغ السن المشترطة؟

ج/ كون الأضحية سمينة لا يكفي، بل لا بد أن تبلغ السن المشترطة.

ودليل ذلك ما رواه البخاري وغيره أن رسول الله -صلى الله عليه وسلم- خطب يوم النحر فبين للناس أن من ذبح قبل الصلاة فتلك شاة لحم، ومن ذبح بعد الصلاة فهي أضحية مقبولة.

فقام أبو بردة بن نيار فقال: إنه ذبح قبل الصلاة.
فقال رسول الله _صلى الله عليه وسلم_ : تلك شاة لحم.

فقال أبو بردة: إن عندي عناقا جذعة (أي ماعز جذعة بنت ستة أشهر والماعز يشترط فيه تمام السنة) وهي خير عندي من شاتي لحم فهل تجزئ عني؟
فقال رسول الله _صلى الله عليه وسلم_ : نعم ولن تجزئ عن أحد بعدك.

🔵🔵🔵

❸- هل يجوز أن يشترك أكثر من فرد في أضحية واحدة؟

ج/ أما الضأن والماعز فلا يجوز الاشتراك فيها.

وأما البقر والجاموس والإبل، فيجوز الاشتراك فيها بشرط ألا يقل نصيب الواحد عن سبع.

🔵🔵🔵

❹- هل يجوز أن تشترك المرأة مع زوجها أو الابن مع أبيه في شاة واحدة أو سبع واحد؟

ج/ لا يجوز أن يشترك اثنان في أضحية من الضأن أو الماعز كما مر، والمخرج في هذه الحالة أن تهب الزوجة إلى الزوج المال أو يهب الولد إلى أبيه المال، ثم هو يضحي عن نفسه وعن أهل بيته.

🔵🔵🔵

❺- هل يجوز أن ينوي بعض المشتركين بنصيبه شيئا غير الأضحية؟

ج/ نعم، يجوز أن ينوى بعضهم الأضحية وبعضهم العقيقة مثلا.
ويجوز أيضا أن ينوي بعضهم الأضحية وبعضهم اللحم عند جماهير العلماء.

🔵🔵🔵

❻- هل يجوز أن يجمع بين الأضحية والعقيقة في شاة واحدة أو سبع واحد؟

ج/ قولان لأهل العلم، الأرجح منهما والله أعلم عدم الجواز؛ لأن كلا من الأضحية والعقيقة سنة مقصودة لذاتها، ولها سبب يخالف سبب الأخرى، والمقصود منها غير المقصود من الأخرى، فلا يتداخلان..

وإذا تعارضا فقدم الأضحية لأن وقتها ضيق تفوت بفواته أما العقيقة فمتى تيسر يمكن أن تعق عنه.

🔵🔵🔵

❼- هل يجوز بيع الجلود والتصدق بثمنها؟

ج/ لا يجوز بيع للمضحي بيع الجلد والتصدق بثمنه، ولكن يجوز أن تتولى الجمعيات الخيرية المرخصة جمعها وبيعها نيابة عن الفقراء وإيصال ثمنها لهم..
لأن الجمعيات المرخصة لها نيابة عن عموم الفقراء الموجودين في نطاق عملها.

🔵🔵🔵

تقبل الله منا ومنكم.

الشيخ أحمد عبد السلام

من عظيم فائدة التوقيت الصيفي وطول ساعات النهار ، أن اليوم - بتوفيق الله- سيتسع لمهام العشر الاوائل من ذي الحجة ، فهي خير أيام الدنيا ، وبقي القليل لإستقبالها ، فمن أراد أن يتغنمها يروض نفسه من الآن ..

من تظبيط ساعات النوم والحرص على جعلها في ليل هذه الأيام لا نهارها .
الصبر على الطاعات لساعات .
تدريب اللسان على الاكثار من الذكر ، فهي أيام الذكر .
الصلاة على وقتها .
تلاوة القرءان .
الإقلاع عن المحرمات .

*رسالة اليوم إليك💌*


﴿وَكُلُّهُم آتيهِ يَومَ القِيامَةِ فَردًا﴾

مهما ازدحمت حياتُكَ بالنَّاسِ
لا تنسَ أن الرحلة فردية!

حين يدخل عليك ملك الموت ستراه وحدك،
وحين تُحمل في التابوت ستكون وحدك،
وحين تُوضَع في القبر ستوضَعُ وحدكَ،
وحين تُسأل ستُسأل وحدك،
وحين تُبعثُ ستبعث وحدك،
وعندما يحين وقتك للحساب؛
ستقف بين يدي الله وحدَكَ،
حتى في زحمة المحشر
ستقول: نفسي، نفسي!
فاتقِ الله في نفسك!"
⁩💌💌

#ليدبروا

•
‏يَا رَبِّ صَلِّ عَلَىٰ النَّبِيِّ وآلِهِ
وعَلَىٰ الَّذِينَ مَضَواْ عَلَىٰ مِنوَالِهِ

واجعَل لِعَبدِكَ فِي نَبِيِّكَ أُسوَةً
يَنجُو بِهَا فِي الحَشرِ مِن أهوَالِهِ 🌿

سنن الجمعة 🌿

آن أوان الراحة والإتكاء🌿

سورة الكهف للشيخ فارس عباد


تأتي سورة الكهف كل جُمعة لتخبرنا أن:

‏السَّفينةُ التي لو لم تُثقَبْ، لسُلِبتْ!
‏والغلامُ الذي لو لم يُقتلْ، لأشقى والديه!
‏والجدار الذي لو لم يُقَمْ، لضاعَ مالُ اليتيمين!

‏مع كلِّ ثقبٍ، وكل فَقْدٍ، وكلِّ نعمةٍ
‏ردد بيقين: اللهمَّ صبرًا على ما لم نُحط به خبرًا

مهما بلغت جراحاتك، ومهما كبرت الهموم حولك، وتكالبت القيود، وأنت غارق في ظلام الظلم والشتات تذكر أنَّ الله قادر على كشف الضر عنك في لحظات
كم من فرجٍ انبلج نوره من الظلام
وكم من لطفٍ زاحم البلاء لينزاح

ومعك مفاتيح الأبواب المغلقة بأمر الله؟
منها؟
اجلس نصلي على رسول الله صلى الله عليه وسلم
تتبدد همومك، وتغفر ذنوبك، ويصبح محلهما طيبٌ وبركة ومكرمات
يزداد الحب حتى تحشر مع الحبيب في أعلى المقامات

أرباح في الدنيا والآخرة لن تجد مثلها أرباح

اللهم صلِ وسلم على نبينا محمد وعلى آله وصحبه أجمعين.

-م. مريم سكّاف.