🌟لو تشعر أن حياتك أصبحت مظلمة..
فنورها
بسورة الكهف🌟

قال ﷺ:

«من قرأ سورةَ الكهفِ في يومِ الجمعةِ،
أضاء له من النورِ ما بين الجمُعتَينِ»

❤️وهذا النُّورُ يَقذِفُه اللهُ في قَلبِ القارِئِ،
أو في بَصَرِه، أو بَصيرَتِه، أو في كُلِّ أحوالِه

❤️أو هو نُورٌ يَصعَدُ له مع أعمالِه إلى السَّماءِ،
أو تُشاهِدُه المَلائِكةُ

❤️أو يَسطَعُ له في الآخِرةِ نُورٌ زيادةً على غَيرِه يَومَ القيامةِ

🕊ويَظَلُّ هذا
النُّورُ بهذا المَعنى طُوالَ الأُسبوعِ مِنَ الجُمُعةِ إلى الجُمُعةِ.

- الدُرَر السَّنية

- 🍃🍃

"كثرة الصلاة والسلام على رسول الله لیست خاصة بالصالحين ولا بالمذنبين ، ولا بالعلماء ولا بعوام المسلمين ، بل هي لكل من أراد نزول الرحمات وتفريج الكربات ، وقضاء الديون وزوال الهموم ، بل هي -وربي- لكل من اشتاق لربه ، وشفاعة رسوله فكيف إذا وافقت يوم الجمعة وليلته !"

‏• د. عبدالله العصيمي.

اللهم صلّ وسلم على نبينا محمد ..

تحتاج منا إلى تأمل🔺

{ لا تَحسَبوهُ شَرًّا لَكُم، بَل هُوَ خَيرٌ لَكُم }

- العلاقة اللي حاولت تحافظ عليها وما نجحتش.
- الإبتلاء اللي أنت فاكر إنه غضب من ربنا وأنه النهاية.
- الشخص العزيز عليك اللي فقدته أو ربنا توفاه.
- الكلية اللي عملت اللي عليك وما دخلاتهاش في الأخر.
- الشغل اللي ماتقبلتش فيه وهاتموت نفسك من الحُزن.
- الناس اللي بعدت عنك فجأة من غير ماتؤذيهم.
كل ده " لا تحسبوه شر لكم، بل هو خير لكم"
"طول ما أنت بتعمل اللي عليك ومش بتؤذي غيرك ..
فـ اطمن إنّ أقدار ربنا كلها ليك خير، حتى لو لسه مش شايف الخير ده دلوقتي بس الأكيد إن ربنا بيعوض

بالأحسن: {يؤتكم خيرا مما أخذ منكم}

عايزة اتعلم معنى السند لزوجي؟

ج/ سؤال جميل..لله درك!

ربما ليس هذا مما يُدرك بالكلمات.. لكن كل الذي أستطيع أن أوصيك به دائما في كل حال:

كوني سلامَهُ، ولا تكوني حربَه!

زماننا زمان صعب، علينا كلنا، وفي الحقيقة فإنه لا ملاذ لنا بعد الله تعالى ورحمته إلا أن نتقوّى ببعض، وأن نخفض لبعض جناح الذل والرحمة،

ونفوّت، ونعدّي، ونقدّر أقل شيء، ونساعد بعض ما أمكننا، وأن نستشعر أن الدنيا أيام قليلة،

إلم نستزرعها ونسقيها بالوُد والمحبة والصبر على لأواء الحياة.. فإنها ستمر كفيلم كئيب نتمنى أن ينقضي سريعا.

لصاحبته

#تخيل

أنك موظف في شركة.. وفي اليوم العالمي لشركتك، تقرر تكريم الموظفين بجوائز قيمة جدا!!
بين قطعة أرضٍ، وفيلا وشقة وسيارة وساعة ثمينة و و و....
وإذا بصوت ينادى زملاءك الموظفين واحدا واحدا، فيصعدون على المنصة ويأخذون جوائزهم،..وهم في غاية السرور...
ثم ينتهي التكريم!! ولم ينادي أحدٌ باسمك..

ثم قيل: كل من لم ينادَى باسمه فهو مطرود من الشركة.

كيف ستشعر حينها؟؟؟

....توقف قليلا وتخيل الموقف بكل ألمه💔

حسنا!!
ومع الفارق الكبيرة في التشبيه، تخيل يوم الحشر!! والناس من حولك ينالون الجوائز الأبدية وأنت تراهم ينادون بأعلى أصواتهم(هاؤم اقرؤا كتابيه)...

ثم...

ثم... تبقى أنت ...
لا تعلم ماحالك!!!

ثم تساق إلى.....

تخيلت كل التفاصيل؟!

إذن قرر الآن!!
إلى أين تريد أن يكون مساقك؟؟

-{ وَسِیقَ ٱلَّذِینَ كَفَرُوۤا۟ إِلَىٰ جَهَنَّمَ زُمَرًا...... }
-{ وَسِیقَ ٱلَّذِینَ ٱتَّقَوۡا۟ رَبَّهُمۡ إِلَى ٱلۡجَنَّةِ زُمَرًا..... }

#وبحسب قرارك اتخذ المسار الذي سيسوقك إلى ماتريد.
#ليدبروا

▪️انتظرونا غدا إن شاء الله تعالى نبدأ تمام التاسعة مساءً ولمدة ٣ أيام 💛

🍃هل يعاني قلبك من البعد عن الله؟

👈إذًا تعلم الفقه بغيتك؛ فالعلم النافع والمفيد يلقي في القلب خشية من الله تعالى، واستشعار مراقبته دائماً، وتعظيم حرماته، وهذا يدفعنا إلى أداء الواجبات والأوامر، والدعوة إلى الله تعالى، وبيان الحق للعباد، وذلك كما قلنا علامةٌ ودليلٌ على حبّ الله للعبد، وإرادة الخير له.
وبالتالي من فقد خشية الله فلا قيمة لعلمه.

🍃والعلم النافع من أسباب السعادة والهداية إن حرص العبد المسلم على التقوى، وعمل بما يدعو إليه.

🍃هل تعاني من سوء معاملة الناس وضياع الحقوق وكثرة المشاكل في البيت؟ هل تعبت من التعامل مع أبنائك؟

👈كل ما نعانيه راجع إلى عدم فهمنا وتفقهنا في الدين ومعرفة أحكام المعاملات.

📌فعلم الفقه يتعلق بأفعال المكلفين، وعلاقة المكلّف مع ربه، ومع نفسه، ومع غيره من أفراد المجتمع،
وليس قاصرا على العبادات فقط
مثل: الصلاة والصيام والحج ونحو ذلك.

🍃 وإنما يوضح ويبين لنا أحكام المعاملات أيضا:

🔸يعلمني كيف أتعامل مع زوجي وكيف يعاملني زوجي بما يرضي الله فتسعد حياتنا عندما تكون تحت ظل شرع الله.

🔸يعلمني كيف أتعامل مع أبنائي وأربيهم التربية الصحيحة التي ترقى بعباداتهم وإيمانهم.

🔸ويعلمني أحكام العقود والتصرفات والعقوبات والضمانات وغيرها من الأمور التي يُقصد منها تنظيم العلاقات بين الأفراد.

سواءً كانت الأحكام المتعلقة بالأسرة من زواجٍ وطلاقٍ ونسبٍ ونفقةٍ وميراثٍ وغير ذلك،

أو أحكام المعاملات المدنية؛ من بيعٍ وشراءٍ وإجارةٍ،

أو الأحكام المتعلّقة بالجنايات والتعدّيات الصادرة من المكلّف، وأحكام القضاء،

🔸بل يبين الأحكام الدولية التي تنظّم علاقة الدولة المسلمة مع غيرها من الدول.

📌إنه قواعد وقوانين شاملة لكل نواحي الحياة.

#هبة_حلمي
#الفقه_الإسلامي
#فقه_العبادات


🌿🌿🌿🌿🌿🌿🌿🌿🌿
قناة منهج حياة

🌴بالقرآن والسنة نعيش أفضل حياة.

‏ولأن الله قريب جداً
فلطفه بالقلوب لا ينتهي...

يارب قر أعيننا
وبشرنا بما ندعوك به
سراً وجهراً
واجعل فيه خيراً كثيراً ...

#الوتر_مناجاه

🎉بشرى للخاتمات🎉


نُهدي لكن مجتمع على الواتس يضم جميع دوراتنا لتثبيت القرآن  #مجانا

https://chat.whatsapp.com/FmCiC4NuW76H6IUbcjrEl2

الإنضمام للخاتمات فقط فضلا 🚫

صباحكم طاعة 🌹

🎧لنختم القرآن سماعاً (٢٥)

🔘الربع الثالث & الحزب السابع

📽 سورة آل عمران من ( ١٣٣- ١٥٢)

👤القارئ: عبدالرحمن الماجد

#صباحكم_قرآنٌ_يُتلى
#ليدبروا
https://www.tg-me.com/GhRoooh/13828

اللهم ارزقنا الهدى والتقى والعفاف والغنى🤍

#قصص_الأنبياء(٢)
#السيرة_النبوية
#الحلقة_مائة_وخمسة_وثلاثون
#أحداث_السنة_السابعة_من_الهجرة
#فتح_خيبر_الجزء_الأول
#الطريق_إلى_خيبر

اتكلمنا في الأجزاء الأخيرة إللي فاتت عن رسائل رسول الله ﷺ إلي ملوك وزعماء زمانه وشوفنا ردود أفعالهم،
في نفس الوقت إللي رسول الله ﷺ أرسل فيه الرسائل مع السفراء بدأ يجهز جيش يروح يكمل القتال بينه وبين اليهود في خيْبَر👌
قبل ما نبدأ في الكلام عن أحداث خيبر، عايزين نتكلم عن نقطة مهمة:
وهي السفراء إللي رسول الله ﷺ أرسلهم للملوك،
احنا قلنا قبل كده إن كل حاجة رسول الله ﷺ بيعملها وراها حكمة وتفكير وتدبير،
وإنه مش بياخد أي قرار كده وخلاص، وخصوصا إنه قدوة للأمة الإسلامية كلها ويجب اتباعه،
فلما نيجي نشوف السفراء إللي رسول الله ﷺ أرسلهم هنلاحظ إنهم :
◇أولا:
السفراء كلهم كانوا يتصفون باللّباقة والكياسة والذكاء والدهاء وحسن الحوار،
واحنا شوفنا في حوار المقوقس وحاطب بن أبي بلتعة إزاي حاطب كان بيدعو المقوقس للإسلام وشوفنا اختياره للألفاظ،
فرسول الله ﷺ مكنش بيختار أي حد، كان بيختار الشخص الصحيح إللي ينفع للمهمة 👌
وده هياخدنا للنقطة الثانية وهي:
◇إن رسول الله ﷺ مكنش بيختار السفراء على أساس القبيلة ولا أساس درجة القرابة منه ﷺ،
يعني السبع سفراء دول كانوا كلهم من قبائل العرب المختلفة ما عدا واحد فقط وهو عبد الله بن حُذافة السهمي،
ومش هنلاقي أي حد من بني هاشم قبيلة رسول الله ﷺ خرج في المهمة دي، فرسول الله ﷺ بيوصل رسالة للجميع إن إللي يتولى المهام هم الأصلح والأكفأ بغض النظر عن النسب والمكانة العائلية،
وإن القائد الحقيقي هو إللي يهتم بمصلحة الأمة مش مصلحة القبيلة ويهتم بقضايا الرعية مش قضايا العائلة👌

☆ ممكن تطلع وجهة نظر تقول :
مش كان الأفضل إن رسول الله ﷺ يجعل كل السفراء من قريش، وبكده هترتفع قيمتهم عند الزعماء دول على أساس إن قريش قبيلة عربية مشهورة🤔
حتى لو وجهة النظر دي صحيحة في المقابل هيبقى في رسالة عكسية سلبية وهي:
إن السفارة لا تكون إلا في أشراف الناس، وده مش صحيح، لأن الأكفأ والأفضل هو إللي يتولى المهمة بغض النظر قبيلته أو مكانته إيه👌

◇الملاحظة الثالثة هي إن كل السفراء كانوا من المهاجرين مفيش فيهم ولا أنصاري واحد، ودي حاجة هنلاحظها على مدار السيرة، إن محدش من الأنصار مسك منصب هام أو قيادي في الدولة الإسلامية،
مع إن الأنصار يُعتبروا هم حجر الأساس في قيام دولة الإسلام،
ولعل السبب في كده هو إن الأنصار يستمروا في كونهم رمز للعطاء مش الأخذ،
فالصفة إللي تميز الأنصار هي صفة الإيثار، ومننساش طبعا في أحداث بيعة العقبة الثانية لما الأنصار سألوا رسول الله ﷺ عن المقابل إللي هيأخذوه مقابل نصرة الإسلام ورسول الله ﷺ وعدهم بالجنة،
يعني مفيش أي مناصب في الدنيا كله في الآخرة، فكان الأنصار هم مَضرب المثل في خُلق الإيثار،
لأنهم كانوا بيعطوا عطاء بلا حدود وبدون انتظار أي مقابل في الدنيا،
ومرة واحد من الأنصار جاء لرسول الله ﷺ وقال له:
يا رسول الله! ألا تستعملني كما استعملت فلاناً؟
فقال ﷺ وهو بيكلم الأنصار : إنكم ستلقون بعدي أَثَرَة، فاصبروا حتى تلقوني على الحوض"
يعني رسول الله ﷺ بيقول للأنصار إن الناس هتنفرد عنكم بأمور كثيرة وانتم مش هيكون لكم حاجة مع إنكم أصحاب حق فيها، فاصبروا ومتطلبوش الإمارة لحد ما تقابلوني على الحوض،
وده عشان الأنصار يفضلوا رمز ومثال واضح ونقي لخُلق الإيثار😊

نرجع بقى لقصة خيبر،
منطقة خيبر دي كانت من أكبر التجمعات اليهودية في الجزيرة العربية، بل هي كانت أكبر التجمعات على الإطلاق في الوقت ده،
واحنا عارفين إن ملف اليهود مع رسول الله ﷺ ملف أسود😅
شوفنا بني قينقاع وشوفنا بني النضير وشوفنا بني قريظة، كل قبيلة منهم كان لها كارثة مع رسول الله ﷺ،
وآخرهم كانوا يهود خيبر، فاكرين طبعا غزوة الأحزاب والمحرك الرئيسي لها كان اليهود في خيبر،
ده طبعا غير المؤامرات إللي عملوها بعد الأحزاب ضد رسول الله ﷺ والمسلمين واتصالهم بالمنافقين في المدينة عشان يضعفوا شوكة المسلمين،
وقلنا إن بعد غزوة الأحزاب رسول الله ﷺ كان بيرسل السرايا عشان يؤدب القبائل إللي شاركت في غزوة الأحزاب،
وقلنا إن رسول الله ﷺ كان عايز يحل مشكلة يهود خيبر بس المشكلة إنه كان لازم هيغيب عن المدينة فترة طويلة لكن مينفعش يسيب المدينة من غير ما يكون فيها مقاتلين،
لأنه كان خايف إن قريش تهجم على المدينة ويضطر كده يحارب جيشين في نفس الوقت جيش مكة وجيش اليهود،
يعني كده هيحط نفسه بين فكّي كماشة،
لكن دلوقتي هو خلاص أمّن نفسه من قريش فهيبقى تركيزه كله في قتال يهود خيبر👌

رسول الله ﷺ كان مستعجل في الخروج لليهود لقتالهم في خيبر، فهو خرج بعد أقل من شهر من صلح الحديبية في شهر محرم، وده القول الراجح، في أقوال تانية بتقول إنها كانت في شهر صفر وأقوال إنها كانت في شهر ربيع الأول،
لكن الراجح زي ما قلنا إنها في شهر محرم،

وسبب استعجال رسول الله ﷺ لفتح خيبر أنه كان لا يأمن غدر قريش وحلفائها،
يعني قريش ممكن تغدر في أي وقت، عشان كده حب يستغل فرصة إن الصلح لسه في البداية فيتحرك بسرعة،
وسبب تاني هو:
إن اليهود أكيد هيوصل لهم خبر صلح قريش مع رسول الله ﷺ، ولأنهم عارفين تاريخهم الإسود مع رسول الله ﷺ والمسلمين فأكيد هيتوقعوا إن هيكون في هجوم عليهم قريب، وبالتالي هياخدوا احتياطاتهم ويستعدوا للقتال،
عشان كده كل ما كان رسول الله ﷺ أسرع في الهجوم كان ده في مصلحة المسلمين👌
والسبب الثالث في استعجال رسول الله ﷺ لقتال اليهود هو إنه ﷺ كان عايز يرفع معنويات المسلمين المنكسرة بعد صلح الحديبية،
لأنهم مكنوش لسه شافوا الخير إللي ترتب على صلح الحديبية، يعني مثلا مراسلة الملوك والزعماء مكنتش نتيجتها ظهرت لسه،
لأن رسول الله ﷺ أرسل الرسائل من هنا وجهز جيش المسلمين للخروج لخيبر من هنا،
وطبعا عشان الواحد يسافر ساعتها للأماكن البعيدة دي محتاج شهر رايح وشهر راجع على الأقل😅
فلسه متضايقين من الصلح إللي حسوا إنهم مظلومين فيه،
وربنا كان بشرهم في سورة الفتح بغنائم يأخذوها،
فكل ده كان لرفع معنويات الصحابة:
" وَعَدَكُمُ اللَّهُ مَغَانِمَ كَثِيرَةً تَأْخُذُونَهَا"

لكن في مشكلة كبيرة هتواجه رسول الله ﷺ 😕
وهي مشكلة المنافقين👌
ثبت لرسول الله ﷺ خيانة المنافقين وإن في تعامل بينهم وبين اليهود، ولو خرجوا معاه في الجيش أكيد هيعملوا مشاكل وخيانتهم هتتكرر وده هيأثر على جيش المسلمين ورسول الله ﷺ مش عايزهم معاه في الجيش،
وطبعا رسول الله ﷺ ميقدرش يقوم ويقول للمنافق انت متخرجش معانا عشان انت منافق😅
لأن النفاق ده حاجة قلبية، واحنا ملناش غير الظاهر، والمنافقين كانوا بيظهروا الإسلام، فمش هينفع يقول للمنافقين إنهم ميخرجوش،
طب إيه الحل😶
الحل إن رسول الله ﷺ يُعلن في الناس إن محدش يخرج للقتال في خيبر غير الألف وأربعمائة إللي شهدوا صلح الحديبية 👌
ودول كلهم كانوا مؤمنين، ربنا شهد لهم بكده في القرآن:
"لَّقَدْ رَضِيَ اللَّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشَّجَرَةِ"

لكن طبعا الأعراب والمنافقين إللي تخلفوا عن رسول الله ﷺ في الحديبية مسكتوش، طلبوا من رسول الله ﷺ إنهم يخرجوا معاه لما عرفوا إنه هيروح خيبر وربنا وعده بفتح خيبر وخيبر دي مليانة بالخيرات والثمار يعني زي ما ربنا مغانم كثيرة👌
"سَيَقُولُ الْمُخَلَّفُونَ إِذَا انْطَلَقْتُمْ إِلَىٰ مَغَانِمَ لِتَأْخُذُوهَا ذَرُونَا نَتَّبِعْكُمْ "
لكن رسول الله ﷺ أعلن إن محدش هيروح معاه خيبر غير إللي حضروا صلح الحديبية،
"قُلْ لَنْ تَتَّبِعُونَا كَذَٰلِكُمْ قَالَ اللَّهُ مِنْ قَبْلُ"

خرج جيش المسلمين المكون ألف وأربعائة مقاتل باتجاه خيبر، وطبعا زي ما رسول الله ﷺ توقع 😑
أرسل المنافقون إلى يهود خيبر يخبروهم بقدوم رسول الله ﷺ وجيش المسلمين لخيبر،
لأ وكمان شجعوهم على قتال رسول صلى الله ﷺ وقالوا لهم:
متخافوش منهم، ده أعدادهم قليلة ومعاهم أسلحة قليلة، وانتم أعدادكم أكبر وأسلحتكم أقوى وأكثر منهم👌
وصلت رسالة المنافقين لأهل خيبر، فبدأوا يستعدوا للقتال وتحصنوا داخل حصونهم،
ومش بس كده ده أرسلوا واحد من زعماء اليهود اسمه كِنانَة بن أبي الحقيق، إلى قبائل غَطفان المُرتزقة وعرضوا عليهم المال عشان يساعدوهم ويعاونوهم في حرب المسلمين،

☆بالمناسبة كنانة بن أبي الحقيق ده هو أخو أبو رافع سلام بن أبي الحقيق إللي قتله المسلمين في سرية عبد الله بن عتِيك،
واتكلمنا عن قصة اغتياله في الجزء السادس والتسعون لو تفتكروا😁

المهم،
كنانة بن أبي الحقيق عرض على قبائل غطفان نصف ثمار خيبر في مقابل مساعدتهم لهم في قتالهم ضد المسلمين،
فوافقوا وبدأت قبائل غطفان تجهز جيش لمساعدة اليهود في خيبر،
لكن عيون رسول الله ﷺ أو خلونا نقول مخابرات رسول الله ﷺ اكتشفت تحرك قبائل غطفان وعرف إنهم عايزين يساعدوا اليهود في خيبر،
فبسرعة رسول الله ﷺ أخذ قرارات سريعة عشان يُأَمّن خطة هجومه على حصون خيبر،
◇أولاً:
قام بتأمين المدينة ، لأن المدينة دلوقتي مفيهاش مقاتلين وتقريبا فاضية، فلو حصل وجاءت قبائل للهجوم على المدينة رسول الله ﷺ وجيشه هيضطر للرجوع وكمان المدينة هتتعرض للخطر،
فكان لازم تأمين المدينة، طيب عمل إيه بقى عشان يأمنها🤔
جهز رسول الله ﷺ سرية بقيادة الصحابي أبّان بن سعيد رضي الله عنه وخلاّه يتجه ناحية أعراب نَجد حول المدينة عشان يُثير الرعب في المنطقة، وبالتالي محدش هيتجرأ إنه يهاجم المدينة سواء من قبائل غطفان أو غيرها👌

◇ثانيا:
جهز رسول الله ﷺ سرية ثانية وأمرهم إنهم يتوجهوا لديار غطفان مش لجيش غطفان، وأمر رسول الله ﷺ السرية دي إنها تُظهر أمرها ولا تتخفى،
واحنا عارفين إن من عادة رسول الله ﷺ إنه لما كان يخرج للغزوة أو يأمر بخروج سرية كان يأمر الصحابة بالسرية وإنهم يتخفوا،

لكن المرة دي أمرهم إنهم يُعلنوا أمرهم، والسبب في كده عشان يوهموا جيش غطفان إن رسول الله ﷺ خرج لغزو ديارهم مش غزو ديار اليهود، فيرجع جيش غطفان مرة ثانية إلى دياره ولا يشترك مع أهل خيبر في الدفاع عن حصون خيبر،
وفعلا هو ده إللي حصل😅
جيش غطفان لما سمع بسرِيّة رسول الله ﷺ رجع بسرعة قبائله إلى دياره، وتركوا يهود خيبر يواجهوا رسول الله ﷺ لوحدهم🤭

◇ثالثا:
رسول الله ﷺ غيّر اتجاهه للوصول لحصون خيبر، يعني المفروض إنه كان هيدخل خيبر من ناحية الجنوب، فشاف أدلة عشان يشوفوا له طريق تاني من ناحية الشمال يدخل منه لحصون خيبر،
وأدلة مفردها دليل والدليل هو الرجل الخبير بطُرق الصحراء،
وفعلا وصل رسول الله ﷺ لحصون خيبر من ناحية الشمال وبكده رسول الله ﷺ حقق أمرين أو ضرب عصفورين بحجر:
أولاً:
هيقف حائل بين غطفان وبين خيبر بجيشه، فجيش المسلمين هيفصل بين قبائل غطفان وبين مدينة خيبر.
ثانياً:
هيمنع اليهود من إنهم يهربوا إلى الشام، وبكده يُحصر اليهود في منطقة خيبر، والطريق إلى الشمال مغلق بالجيش الإسلامي👌

بجد منتهى العبقرية من رسول الله ﷺ في التخطيط للحرب، كل حاجة معمول لها حساب😮
إللي ميعرفش حياة رسول الله ﷺ هيفكر إنه مجرد واحد بيعبد ربنا وبيبلغ آيات القرآن وطول النهار قاعد في المسجد وسط الصحابة،
ميعرفش عقلية رسول الله ﷺ وتخطيطه وإزاي كان بيستغل كل الطاقات إللي عنده وبيضع قدرات كل واحد في المكان الصحيح،
مع رسول الله ﷺ مكنش في حاجة اسمها طاقة مُهدرة ولا كان في حد ملوش لازمة كلهم كانوا مهمين في أماكنهم حسب قدراتهم،
وده إللي احنا محتاجينه في حياتنا دلوقتي👌
كل واحد فينا محتاج يعرف إيه قدراته بالضبط وهل قدراته تتناسب مع رغباته ولاّ لأ؛ عشان يقدر يوظفها في مكانها الصحيح👌
لأن الواحد فينا ممكن يكون عايز وحابب يكون له دور معين لكن قدراته مش مساعداه ويفضل يحاول فيها ويفشل ويجيله احباط،
وفي نفس الوقت قدراته دي يقدر يوظفها في حاجة هو مش حاببها لكن هيبقى مبدع فيها،
زي مثلا قصة زيد بن ثابت إللي اتكلمنا عنه قبل كده وقلنا إنه خرج مع رسول الله ﷺ في غزوة بدر ورسول الله ﷺ رجعه عشان كان سنه صغير،
هو كان عايز يخرج للجهاد لكن قدراته متنفعش، لكن هو كان عنده قدرات تانية وهي القراءة والكتابة وكان حافظ لسبعة عشرة سورة من القرآن،
فرسول الله ﷺ وجّهَهُ لإنه يستغل القدرات إللي عنده،
فبقى كاتب للوحي وتعلم لغة اليهود وبقى هو المسؤل عن المراسلات بين رسول الله ﷺ وبين اليهود،
فأظن أننا محتاجين نركز أكثر على قدراتنا ومميزاتنا ونستغلها صح بغض النظر احنا بنحبها وعايزينها أو لأ 👌

إن شاء الله المرة الجاية هنتكلم عن أحداث فتح حصون خيبر حصن حصن


#Eman_Shalapy