صباح الثقة بالله ❤️

🎧لنختم القرآن سماعاً (٢٤)

🔘الربع الثاني & الحزب السابع

📽 سورة آل عمران من ( ١١٣-١٣٢)

👤القارئ: يوسف نوح أحمد

#صباحكم_قرآنٌ_يُتلى
#ليدبروا
https://www.tg-me.com/GhRoooh/13819

رسالة اليوم إليك 💌

‏اصبر وتصبر،
فإن أعظم أجر أعد في القرآن
هو للصابرين؛
(إنما يوفي الصابرون
أجرَهم بغير حساب!)
حسنات الصبر غير معدودة،
وأعظم الصبر؛
هو في طاعة
وهذا"ترجيح ابن تيمية"،
فمن صبر على طاعة الله
واجتناب معصيته
وصدق في نيته؛
والله ثم والله
أن يفتح الله عليه
من الخيرات
في الدنيا قبل الآخرة..

💌💌

#رسالة_اليوم

✨من الذين فتح الله
عليهم فتحاً مبيناً؟

✨ولماذا ذكر المؤمنات في هذا الفتح؟


#أحمد_السيد

#قصص_الأنبياء(٢)
#السيرة_النبوية
#الحلقة_مائة_وأربعة_وثلاثون
#أحداث_السنة_السابعة_من_الهجرة
#رسائل_رسول_الله_إلى_الملوك_الجزء_الرابع
#رد_فعل_هرقل_على_رسالة_رسول_الله
#الأَرِيسِيِّين

اتكلمنا المرة إللي فاتت عن الحوار إللي حصل بين هرقل وأبو سفيان، ووصول رسالة رسول الله ﷺ إلى هرقل،
وشفنا إن هرقل أقر واعترف إن محمد ﷺ رسول من عند الله،
هرقل استدعى رئيس الكهنة وكان اسمه ضَغاطِر أو صَفاطِر وكان له مكانة عظيمة جدا عند الكهنة وعامة الناس وكلمة مسموعة أكثر من هرقل نفسه،
فأخبره برسالة رسول الله ﷺ وفي رواية تانية إن هرقل أرسل له دحية الكلبي برسالة رسول الله ﷺ عشان يستشيره،
المهم يعني إن ضغاطر وصلت له رسالة رسول الله ﷺ، فلما قرأها ضغاطر وسأل دحية الكلبي شوية أسئلة عن رسول الله ﷺ فلقى إن كل المعلومات بتشير إلى إن محمد ﷺ هو نبي آخر الزمان إللي بشّر به عيسى عليه السلام،
فقال ضغاطر لهرقل:
أنا مصدقه وهتبعه👌
فقال له هرقل إنه مش هيقدر يعمل زيه؛ لأنه لو اتبع محمد ﷺ ملكه هيزول والكهنة مش هيسكتوا ومش بعيد يقتلوه،
فآثر هرقل إنه يحافظ على ملكه في مقابل عدم الدخول في الإسلام،
أما ضغاطر فأسلم، وقال لرسول النبي ﷺ دحية الكلبي :
أَقرِئ صاحبك مني السلام وقل له أني أشهد أن لا إله إلا الله وأن محمدا رسول الله ، وإني آمنت به وصدقته 👌
فخرج ضغاطر على الأساقفة وأخبرهم بإسلامه ودعاهم لاتباع نبي آخر الزمان لكنهم رفضوا واجتمعوا عليه وقتلوه رحمه الله،
☆والأساقفة دول هم رؤساء القساوسة يعني الأُسقف أعلى منزلة عند النصارى من القسيس.

◇احنا ممكن نشوف قصة ضغاطر إنها قصة واحد أسلم وقُتل وخلاص وعدت،
لكن الموضوع مش بسيط أبدا، انتم متخيلين واحد له مكانة عظيمة جدا مش بس بين عامة الناس لأ ده حتى بين كبار رجال الدولة ومش بس كده ده مكانته وكلامه في نفوسهم أعظم من مكانة هرقل نفسه وكلامه بيمشي على الكل،
ومع ذلك ساب كل ده وقاوم نفسه الأمارة بالسوء وفتنة الدنيا ودخل في دين محدش يعرف عنه حاجة وهو مش بس هيفقد كل المميزات إللي عنده دي، ده كمان هيعرض نفسه للقتل وده واحد ميعرفش عن الإسلام غير لا إله إلا الله محمد رسول الله،
ميعرفش حتى إزاي يصلي، ومع ذلك أخذ القرار باتباع رسول الله ﷺ 👌
عشان نتخيل مع بعض حاجة بسيطة بس من إللي ضغاطر كان فيها، لو واحد فينا عرف إن شغله إللي بياكل منه وبيصرف بيه على أهل بيته فيه حاجة تغضب ربنا هل هنقدر ناخد القرار بإننا نسيب الشغل ده فورا؟
بلاش دي هناخد مثال أبسط من كده، الأفراح المختلطة إللي مليانة محرمات من أغاني وتبرج للنساء ورقص ومعاصي بالكوم،
لو حد فينا اتعزم فيها من أخوه أو أخته أو أي أحد من قرايبه هيرفض إنه يروح لأنه مكان يغضب الله ولاّ هيقول ده فرح أخويا أو فرح أختي إزاي محضرش فرحهم، والناس هتقول إيه وأخويا هيزعل و مبررات كتير ويلاقي صعوبة كبيرة جدا إنه ياخد قرار زي ده😞
ودي حاجة بسيطة جدا لو قارناها بموقف ضغاطر👌
فضاغطر لأنه كان صادق مع الله وكان عايز يرضي الله بجد ومكنش مُدّعي، ربنا سهل عليه إنه ياخد قرار الدخول في الإسلام ومهمهوش هو هيفقد إيه من المميزات إللي عنده ولا همه رد فعل الأساقفة ولا حتى همه إنه هيتعرض للقتل،
لأن هو عارف كويس أوي إن مهما كانت مُتع الدنيا والمناصب والمكانة بين الناس فهو هيسيب كل ده ومش هينفعه غير عمله وكل إللي هو فيه لا يُقارن أبدا بجنة عرضها السماوات والأرض،
فمين إللي يضحي بجنة عرضها السماوات والأرض عشان منصب ولاّ شوية مُتع كلها كم ساعة وهيتركها ويموت💁‍♂️

المهم،
هرقل عرف بمقتل ضغاطر فقال لدحية رضي الله عنه إن ضغاطر كان أعظم مكانة منه عند الأَساقفة ومع ذلك قتلوه فلو هو أسلم بقى هيعملوا معاه إيه😶

وأخذ هرقل رسالة رسول الله ﷺ وحفظها في قَصَبة من ذهب إكراما لها، والقصَبَة حاجة كده زي أنبوب مُجوف يعني أنبوبة فاضية من الداخل،
فعلق رسول الله ﷺ على فعل هرقل بإنه قال:
هرقل أمسكها فلن يزال الناسُ يجدون منه بأسًا ما دام في العيشِ خيرٌ👌
يعني طول ما هم حافظين لرسالة رسول الله ﷺ الملك هيفضل فيهم،
عشان كده الرومان كانوا بيتوَارثوا رسالة رسول الله ﷺ وكان الآباء يوصون الأبناء إن مادام الكتاب ده عندهم فالمُلك هيفضل فيهم،
وبعض قادة المسلمين وسفرائهم شافوا رسالة رسول الله ﷺ عند ملوك الروم على مر السنين، وكان ملوك الروم بيفتخروا برسالة رسول الله ﷺ لهرقل وبيقولوا لهم أد إيه هم محافظين على الرسالة دي وبيعظموها وبيتوارثوها عشان الملك يستمر فيهم.

◇في رواية ذكرها أهل السِّيَر بتقول إن هرقل جمع الأساقفة وعظماء الروم في بناء زي القصر كده وأمر الجنود إنهم يقفلوا الأبواب من الخارج،
وخرج عليهم هرقل وبدأ يكلمهم ويقول لهم:
يا معشر الروم! هل لكم في الفلاح والرّشد وأن يثبت ملككم فتبايعوا هذا النبي؟
يعني بيقول لهم لو عايزين الملك بتاعكم يستمر وكمان تحصلوا الفوز في الآخرة اتبعوا نبي آخر الزمان،

فحصل هرج ومرج وقام الناس وانطلقوا ناحية الأبواب عايزين يخرجوا فلقوا الأبواب مقفولة،
فلما شاف هرقل نفورهم عن كلامه ويَأِس من إيمانهم قال للجنود رجعوهم تاني، فقال لهم:
إني قلت مقالتي آنِفًا أختبر شِدّتكم على دينكم فقد رأيتُ👌
يعني بيقول لهم أنا قلت الكلام إللي قلته عشان أختبر دينكم وأشوفكم هتفضلوا ثابتين عليه ولاّ ممكن تغيروه بسهولة،
فسجدوا له جميعا ورضوا عنه.

◇الله أعلم الرواية دي صحيحة ولاّ ضعيفة لكن العلماء ذكروها وهم بيتكلموا عن هرقل، فسواء كانت الرواية دي صحيحة أو ضعيفة، لكن الشاهد إن هرقل لم يُسلم وآثر الملك والحياة الدنيا على الآخرة،
ولو كان صادق في كلامه إنه كان مستني نبي آخر الزمان كان زمانه على الأقل أسلم سرا زي ما النجاشي عمل👌
وعلى فكرة موقف هرقل ده بيتكرر معانا بس في مواقف مختلفة،
يعني مثلا واحد يقول أنا والله عايز ربنا يهديني فأول ما ألاقي وظيفة واستقر هبدأ أصلي والتزم بالدين،
وفعلا ربنا يرزقه بالوظيفة ويخليه يستقر عشان يشوف هيعمل إيه ويوريله نفسه هيعمل إيه، فتلاقيه لا صلي ولا التزم بالدين،
وواحدة تقول أنا ناوية ألبس الحجاب الشرعي الصحيح أول ما أتزوج على طول، فربنا يرزقها بالزواج ومتتحجبش برده،
عارفين كمان زي إيه 😁
زي موقف بني إسرائيل في قصة طالوت وجالوت، لما قالوا لنبي لهم احنا عايزين ملك نقاتل معاه ولما ربنا أعطاهم إللي طلبوه رفضوا واعترضوا إلا قليل منهم،
ربنا بيعطينا الشرط إللي بنطلبه عشان نشوف احنا هنعمل إيه :
"فَيَنْظُر كَيْفَ تَعْمَلُونَ "
ولو الإنسان صادق؛ عمره ما يأخر التوبة ولا الإلتزام بدين الله لأي سبب من الأسباب زي ما ضغاطر عمل،
ضغاطر كان منتظر نبي آخر الزمان هو كمان ولأنه كان صادق أول ما وصل له الخبر تنازل عن كل حاجة حتى حياته في مقابل الدين، وخصوصا إنه كان من 《الأَرِيسِيِّين》 👌

مين هم بقى الأَرِيسِيِّين أو الأَرْيُسِيِّين إللي رسول الله ﷺ ذكرهم في رسالته لهرقل وقال :
"فَإِنْ تَوَلَّيْتَ فَإِنَّ عَلَيْكَ إِثْمَ 《الأَرِيسِيِّينَ》"
لما العلماء شرحوا الحديث، قالوا إن كلمة الأَرِيسِيِّينَ معناها الفلاحين،
يعني رسول الله ﷺ بيقول لهرقل لو انت مش عايز تدخل في الإسلام فلا تقف حائل بين الفلاحين وبين الإسلام،
لكن لو الكلام ده صحيح فاشمعنا الفلاحين، طيب وفين باقي البشر إللي عايشين في الدولة الرومانية، هرقل مش هيشيل وزرهم لو منعهم من الدخول في الإسلام🤨
عشان كده حصل اضطراب بين العلماء وهم بيفسروا معنى الكلمة دي، لكن اتضح إن كلمة الأَرِيسِيِّينَ بتشير لمعنى تاني خالص ووراها قصة مَخفيّة،
عشان نعرف أصل القصة محتاجين نرجع بالزمن إلى الوقت إللي رُفع فيه عيسى عليه السلام إلى السماء،
لو تفتكروا في الحلقة الأولى من السيرة قلنا إن بعد رفع عيسى عليه السلام تفرق الحواريين أتباع عيسى إللي كانوا على التوحيد الدين الذي جاء به عيسى عليه السلام وبقوا يدعوا الناس له،
وكان للحواريين أتباع، ولكن اليهود مكنوش بيسيبوهم وكانوا بيحرضوا ملوك الرومان عليهم ويقولوا لهم إن الناس دي هيخربوا ملككم، فكانت الملوك تعذب من يتبع الحواريين فكانوا بيؤمنوا في السر، وحتى الحواريين نفسهم اتعرضوا للتعذيب الشديد جدا،
وكان من أكثر الناس تعذيبا للحواريين واحد من علماء اليهود اسمه 《شاوُل الطرسُوسِي》،
بعد فترة شاوُل ده ادعى إنه آمن بالمسيح بعد ما قابله وهو راجع من دمشق وإنه عاتبه إزاي يعذب أصحابه العذاب الشديد ده، وادعى إن المسيح أمره بنشر تعاليم دينه بين الأمم، لكن مش كل الحواريين صدقوه، البعض كذبه والبعض صدقه،
كان من إللي صدقه واحد من الحواريين اسمه بِرنابا وبدأ يدافع عنه وقدمه إلى الحواريين فقبِلُوه ،
وبما يمتلكه شاوُل من حدة ذكاء وقوة حيلة استطاع إنه يأخذ مكان مرموق بين الحواريين واتسمى بـ بولس،
ونجح الخبيث ده فى تغيير دين المسيح من دين إلاهى كان أرقى من اليهودية مكملا لها وتحويله إلى طقوس وثنية، ونجح في إللي كان اليهود عايزينه، بإنهم يلغوا دين المسيح عشان ميكنش لهم منافس،
وكان الحواريين هربوا لأماكن مختلفة من العالم وبدأوا ينشروا دين عيسى إللي هو التوحيد أو الإسلام بين الناس،
واحنا بنقول الإسلام لأن الدين عند ربنا واحد وهو الإسلام مع اختلاف الشرائع،
وكانوا بيعلموا بعض عن طريق رسائل بيبعتوها لبعض،
وشاول سافر مع برنابا لروما عشان ينشروا دين النصرانية هناك،
حصلت خلافات كثيرة بينهم بعدين وتفرقوا عن بعض وكل واحد منهم راح في طريق،
الدولة الرومانية إللي كانت على الوثنية مكنتش بتسيب الحواريين ولا أتباعهم، كانوا بيعذبوهم وقتلوا من الحواريين وأتباعهم ناس كثيرة، وقتلوا شاول أو بولس زي ما سمى نفسه وقتلوا برنابا،
واتعرّض النصارى لمذابح كثيرة جدا على مدار السنين كان أشدها قسوة في عهد دقلديانوس سنة 284 ميلاديا،
فهو صمم إنه مش هيتوقف عن قتل النصارى إلا لما توصل الدماء لحد ركبة فرسه😶

وفضل اضطهاد النصارى وتعذيبهم مستمر لحد ما مسك حكم الرومان الملك قُسْطَنطِين العظيم،
قُسْطَنطِين كان بيعبد الأوثان وكان سمح بالحرية الدينية والتعايش بين النصارى وبين الوثنية،
لكن قُسْطَنطِين شاف التفرّق إللي كان فيه النصارى، وكثْرة خلافاتهم وصراعاتهم المذْهبية؛ يعني طائفة بتقول إن عيسى رسول من عند الله وليس بإله،
وناس بتقول إنه إله وناس بتقول إنه ابن إله، فهو كان عايز يبقى الدين واحد الناس كلهم يمشوا عليه،
والأوضاع المضطربة دي هتأثر على استقرار الدولة الرومانية،
فتدخّل عشان يَعْتمد مذهب طائفة من طوائفهم ويكون هو المذهب السائد، فدعا إلى مَجْمع كَنَسي،
فأمر بجمع كل كبار القساوسة في الامبراطورية عشان يناقشوا قضية ألوهية المسيح ويتفقوا على منهج واحد،
وكانت معظم الكنائس موجودة على أراضي الدولة الرومانية،
فجاء كبار القساوسة واجتمعوا في 《نِقيّة》 واتعرف المجمع ده باسم 《مَجمَع نِقية》،
فاجتمع الأساقفة عشان يناقشوا قضية تأليه المسيح،
وكان أغلبية إللي حضروا على دين عيسى عليه السلام الصحيح دين التوحيد، إللي بيقول إن عيسى عبد الله ورسوله،
وكان القساوسة دول لهم تلاميذ وأتباع وبيعلموا الناس دين عيسى الصحيح،
الملك قُسْطَنطِين كان على الوثنية وتعدد الآلهة عند الرومان ده كان حاجة عادية، وكمان إن الإله يتزوج ويخلف برده كان شيء عادي،
فكان يميل لعقيدة التثليث وإن عيسى إله ابن إله، وكان رافض تماما لفكرة توحيد الله،
وكان على العقيدة دي بعض كبار القساوسة إللي لهم مصالح، وتمت كتابة وثيقة تُقر بألوهية المسيح لأول مرة في تاريخ النصرانية،
وأمر قُسْطَنطِين كل الموجودين من كبار القساوسة إنهم يوقعوا عليها، كل إللي على دين المسيح الصحيح رفضوا في البداية،
لكن مع التهديد بالقتل وهم عارفين بطش الرومان والمجازر إللي كانوا بيعملوها ،وكمان هم عايزين يرجعوا لكنائسهم وتلاميذهم عشان يعلموهم ويكملوا دعوة المسيح،
لأنهم لو قُتلوا كلهم دعوة المسيح هتكون في خطر فعلا،
فقالوا خلاص خلونا نوقّع على الوثيقة دي ونمشي من هنا ومش حتة ورقة يعني مضينا عليها مُكرهين هي إللي هتعمل أزمة🤷‍♂️
وفعلا وقّعُوا على الوثيقة دي،
ما عدا ثلاثة فضلوا مصممين على رأيهم، كان من الثلاثة دول واحد اسمه :
《آريُوس》
وآريوس ده كان وقف ضد أسقف مدينة الإسكندرية في دعوته لتأليه المسيح وبدأ يدعو الناس للتوحيد،
ووصلت دعوته ليوسابيُوس رفيق دربه وكان هو كمان على عقيدة التوحيد ، ووصلت الدعوة لباقي الكنائس المسيحية فأعلن الجميع تأييدهم لدعوة آريوس،
وبعد كده أعلن أساقفة كنائس العالم تأييدهم لدعوة آريوس،
يعني هو مكنش أُسقف عادي كان له مكانة عالية جدا بين الأساقفة، فكان طبيعي إنه يقف بالمرصاد للوثيقة إللي أصدرها قُسْطَنطِين،
بعد ما الأساقفة وقعوا حصلت المفاجأة🙊
قُسْطَنطِين أمر بعزل ونفي كل إللي رفضوا التوقيع في البداية ورافضين لمذهب تأليه المسيح😶
وأمر بتعيين مكانهم قساوسة يؤمنوا بعقيدة تأليه المسيح،
لأن قُسْطَنطِين وإللي معاه عارفين إن الأساقفة وقّعوا مُكرهين وناويين يرجعوا لدعوة التوحيد،
وكانت نتيجة المجمع تقرير ألُوهية المسيح - عليه السلام - وأنَّه ابنُ الله - تَعالى الله عن قولهم - وقرَّروا أنَّ هذا الإله تجَسَّد في صورة البشر؛ لِخَلاص الناس ثم ارتفع إلى السماء 🙄
ولأن آريوس كان أكثر واحد مُعاند ومعروف بمعارضته الشديدة لفكرة تأليه المسيح أصدروا قرار بلعن آريوس وحرق كتبه وكتب كل من معه من الموحدين، وأي حد هيتبع آريوس هيتعرض للتعذيب والقتل،
وطبعا بما إن الأقوى هو إللي بيكتب التاريخ ويقدر ،فهم نسبوا كل إللي على دين المسيح الصحيح لآريوس وسموهم 《الأريسيين》
وإللي بدلّوا دين عيسى عليه السلام وقالوا بألوهيته سموا نفسهم 《الآرثُوذُكس》، ومعناها الأصوليين، يعني إللي ييتبعوا أصل الدين المسيحي 😑
فبقى لما يُقال أريسيين يبقى هم دول إللي غلط، لكن الآرثُوذُكس هم الصح واتقلبت الآية،
وأتباع التوحيد كانوا بيرفضوا لفظ الأريسيين ده ويقولوا احنا أتباع المسيح مش أتباع آريوس،
لكن أعداءهم عايزين يشوهوا صورتهم، ويصرفوا نظر عامة الناس عن القصة الحقيقية للأريسيين،
ظن أعداء التوحيد إنهم انتصروا على آريوس وقضوا على دعوة التوحيد،
لكن ربنا له تقدير تاني، وزي ما أخرج من قصر فرعون من يؤمن بموسى عليه السلام ويحميه من صغره، كذلك أخرج من قصر قُسْطَنطِين من يؤمن بدين التوحيد ويساعد
المستضعفين إللي بيتعرضوا للتعذيب والقتل👌

هيلانة أم قُسْطَنطِين العظيم الملك الروماني تدخل في المسيحية الصحيحة إللي كان يدعو لها آريوس😁
"وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ "
استغلت الامبراطورة هيلانة نفوذها في المملكة الرومانية واستطاعت ترجع كثير من الأساقفة الأريسيين لكنائسهم وتقريبهم للحاشية الملكية،
وكان من الأساقفة إللي قربتهم يوسابيوس صاحب آريوس،
ويوسابيوس مع علمه بالمسيحية كان سياسي حكيم👌

فبدأ يوسابيوس يناقش الامبراطور قُسْطَنطِين العظيم بكل هدوء وحكمة عن حقيقة دعوة المسيح للتوحيد،
وإن الدعوة إللي بيدعوا لها آريوس مش حاجة جديدة وهي نفسها الدعوة إللي جاء بها الكتاب المقدس وهي توحيد لله بالعبادة، وشوية شوية بدأ قُسْطَنطِين يُعجب بكلام يوسابيوس، وعرف حجم الكارثة إللي عملها لما أصدر وثيقة تأليه المسيح😶
ودخل قسطنطين في دين المسيحية الصحيحة على منهاج آريوس، وحاول إنه يصلح إللي عمله لكن مش هينفع يعزل كل الأساقفة إللي عيّنهم مرة واحدة هتحصل كارثة في الامبراطورية، فبدأ يسحب البساط من تحت رجلهم شوية شوية،
لحد ما تمكن من إعادة الأساقفة إللي عزلهم قبل كده ولغى قرارات مجمع نيقية، وعفى عن آريوس واستقرت دعوة التوحيد،
وأرسل قسطنطين في طلب آريوس عشان يرجّعوا مرة ثانية، وفعلا رجع آريوس والناس استقبلوه بالحب والترحاب في الشوراع، وكان لما رجع أكل من طعام الكنيسة على حسب طقوسهم،
وهو ماشي وسط الناس وقع في الأرض وبدأ يرجع دم وجاله إسهال شديد ودي أعراض تسمم،
ومات آريوس مسموما، واستقرت دعوة التوحيد، وقبل ما يموت قسطنطين وزع الامبراطورية على أولاده الثلاثة،
كل واحد فيهم اتبع المذهب السائد في المكان إللي أخذه،
فواحد شجع عقيدة التوحيد إللي كان ينادي بها آريوس،
وواحد ثاني شجّع عقيدة التثليث،
وبعد فترة تم توحيد الامبراطورية الرومانية على يد ابن قسطنطين إللي كان يتبع مذهب آريوس وفرض عقيدة التوحيد على الناس،
لكن بعد موته جاء للحكم ملك روماني يدعو لعقيدة التثليث وإن عيسى إله وبدأ التنكيل والقتل والتعذيب في أتباع دين التوحيد أو زي ما سموهم:
《الأريسيين》
وكان من الأريسيين دول الرجل النصراني صاحب غلام أصحاب الأخدود إللي اتكلمنا عنه في أول حلقتين من السيرة😊
عرفتم ليه ضغاطر وهرقل أيقنوا إن محمد ﷺ كان رسول من عند الله، مش أي حد يعرف تاريخ الأريسيين عند النصارى، فمابالكم لما يطلع واحد من أعماق الصحراء من العرب يقول لملك الروم فإن لم تسلم فإن عليك إثم الأريسيين👌

قصة الأريسيين قصة طويلة وفيها أحداث كثيرة وأسماء تانية أنا مقلتهاش عشان الأسماء هتلخبطكم
فأنا قلت لكم المختصر المفيد،

إن شاء الله المرة الجاية هنرجع لرسول الله ﷺ ونتكلم عن فتح خيبر😊



#Eman_Shalapy

🎧 أذكار المساء
بصوت الشيخ /
مشاري بن راشد العفاسي

مفيش مرة صليت على النبي إلا وذهب عني شيء ثقيل في نفسي.
مش شرط تنقضي حاجتي في ساعتها وإلا لما خلق الله الصبر والأجر.
ولكن لما تتفكر فيها؛،إن الصلاة على النبي مرة يصلي الله عليك بها عشرا!
يعني ربنا ينزل عليك رحمته عشرة مرات، ده بيخليك تستزيد من الصلاة على النبي.
وبالاستزادة هنا والتفكر في رحمة ربك، تجد الهم اللي داخلك بدأ ينقضي شيئا فشيئا..
حتى الوقت الثقيل يمر عليك خفيفا.
الصلاة على النبي تجارة رابحة مع الله سبحانه وتعالى.
لا تخرج منها خاسرا أبدا.

-أ. إسلام منصور

أجورٌ عند الله 💡

🍃وبهذا نفهم كيف أن تفقهك في الدين وتعلمك لطريقة أداء عباداتك بشكل صحيح ومعرفة أحكام الدين هو مفتاح كل خير، وهل هناك خير من أن تعبد الله على بصيرة، وأن تنقي عباداتك من البدع التي ما أصابت أحدا إلا بسبب جهله بأحكام شرع ربه.

🍃وقد نرى مسلما لا يحفظ القرآن كاملا، لكن ليس من المقبول أن نرى مسلما لا يعرف كيف يصلي،
أو مسلمة لا تعرف أحكام الحيض.

📌فكما أهتم بحفظ القران وتلاوته يجب أن أهتم بتعلم الفقه خصوصا فقه العبادات.

🍃كيف لا ونحن نعلم الغاية من خلقنا فقد جاءت صريحة واضحة في آية من آيات سورة الذاريات، فقال تعالى: (وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ)

والعبادة لا تكون إلّا بمعرفة وتعلم الفقه الإسلامي وأدلته، والأحكام المتعلّقة به.

📚ولذلك سنلقي الضوء على بعض أهم ما يهم المسلم في عباداته بإذن الله.

📕ولكن قد يسأل سائل ويقول:
ألم يقل الله في سورة التوبة {وَمَا كَانَ الْمُؤْمِنُونَ لِيَنفِرُوا كَافَّةً ۚ فَلَوْلَا نَفَرَ مِن كُلِّ فِرْقَةٍ مِّنْهُمْ طَائِفَةٌ لِّيَتَفَقَّهُوا فِي الدِّينِ وَلِيُنذِرُوا قَوْمَهُمْ إِذَا رَجَعُوا إِلَيْهِمْ لَعَلَّهُمْ يَحْذَرُونَ}

فهل تعلم الفقه واجب على كل المسلمين؟

💡ليس من المطلوب أن يكون كل المسلمين علماء وفقهاء في كل التفاصيل الفقهية وإنما يكفي أن يتفرغ بعض المسلمين لدراسة العلم الشرعي بتعمق ويكونوا على أهبة الاستعداد لتعليم باقي المسلمين كل ما يحتاجونه في أمور دينهم، وهؤلاء من نطلق عليهم العلماء أو الشيوخ.


💥فهل يغنينا ذلك عن التعلم الشخصي للفقه؟

هذا ما يفعله كثير من المسلمين للأسف حينما يتركون التفقه في دينهم تماما وينصرفون إلى العلوم الأخرى وهذا خسارة وأي خسارة.

⚠️ليست خسارة في المال أو أمر دنيوي فقد يعوض
أما خسارة الدين فهي الخسارة الحقيقية

📌علينا أن نعي أن هناك جزءا من الفقه يجب على كل مسلم أن يتعلمه ويأثم إذا لم يتعلمه ونسميه (فرض عين)، وهو القدر الذي تتوقف عليه صحة العبادة؛ فيجب عليه أن يتعلم كيف يتطهر وكيف يصلي وكيف يصوم .

وإذا وجب عليه الحج يجب عليه أن يتعلم كيف يحج ، وإذا كان تاجرا يجب عليه أن يتعلم فقه البيع ، وإذا أراد أن يتزوج عليه أن يتعلم فقه الزواج، وهكذا.

📌وهناك نوع آخر يسمى فرض كفاية لو تعلمه بعض المسلمين بحيث تحصل به الكفاية يسقط الإثم عن الباقين، مثل صلاة الجنازة والأمر بالمعروف والنهي عن المنكر.

أيضا المهن والصناعات
فإذا لم يكن هناك أطباء وطبيبات مسلمات يحصل بهن حد الكفاية يأثم كل المسلمون.

إذا لم نجد صانعا ماهرا في حرفة معينة
👈يأثم كل المسلمون، وهكذا.

🍃 فهل هذا ما نستفيده من تعلم علم الفقه فقط - رغم أهميته ورغم أنه يكفي ليجعلنا نحرص على تعلمه - أم أن هناك أمورا أخرى نحصل عليها عندما نتعلم الفقه؟

هذا ما سنعرفه في لقائنا القادم بإذن الله.

#هبة_حلمي
#الفقه_الإسلامي
#فقه_العبادات


🌿🌿🌿🌿🌿🌿🌿🌿🌿
قناة منهج حياة

- مر أمير على بيت فألقى إليهم شيئا من المال ففرح أهل البيت سوى الابنه الصغرى بكت فلما سألوها عما يبكيها قالت : مخلوق نظر إلينا فاستغنينا فماذا لو نظر إلينا الخالق الغني !

- قال رسول الله صلى الله عليه وسلم في الحديث القدسي عن ربه (( يا عبادي ! لو أن أولكم وآخركم وإنسكم وجنكم ، كانوا على أتقى قلب رجل واحد منكم ، ما زاد ذلك في ملكي شيئا.
- يا عبادي ! لو أن أولكم وآخركم ، وإنسكم وجنكم ، كانوا على أفجر قلب رجل واحد ، ما نقص ذلك من ملكي شيئا .
يا عبادي ! لو أن أولكم وآخركم ، وإنسكم وجنكم ، قاموا في صعيد واحد فسألوني ، فأعطيت كل إنسان مسألته ، ما نقص ذلك مما عندي إلا كما ينقص المخيط إذا أدخل البحر )) ..

- فيا من تحتاج إلى أي شىء ألجأ إلى
الغني وحده 💛💛

• الله يغنيك عن كل أحد
ولا أحد يغنيك عن الله
فإذا وجدت الله فما فقدت شيئا
وإذا فقدت الله فما وجدت شيئا
فأنت بالله ولله ..

فكن مع الله ❤️

#العيش_مع_أسماء_الله_الحسنى

- سورة: الكهف .
- القارئ: علي جابر .