من بدأ يومه وهو في ذمة الله فليبشر بكل خير في كل أموره؛ فهو في كَنَف من بيده مقاليد الأمور.

قَالَ رَسُولُ اللَّهِ ﷺ: «مَنْ صَلَّى صَلاَةَ الصُّبْحَ فَهُوَ فِي ذِمَّةِ اللَّهِ» (صحيح مسلم 657).

(في ذمة الله) قيل الذمة هنا الضمان وقيل هي الأمان.

#صلاة_الفجر
#اذكار-الصباح

صباحكم طاعه🌿

(لنختم القرآن سماعا)

الورد (٢٢١)

(الربع الأول & الحزب السادس والخمسين )

#القارئ: ياسر سلامة
#ليدبروا على التليجرام
https://www.tg-me.com/GhRoooh/12169

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/k2yq761fTeM?feature=shared
#صباحكم_قرآنٌ_يُتلى

اللهم اجعلنا منهم يارب العالمين 🤍

اللهم اجعلنا منهم يارب العالمين 🤍

#قصص_الأنبياء(٢)
#السيرة_النبوية
#الحلقة_الخامسة_والسبعون
#حماية_المسلمين_لرسول_الله_في_أحد

اتكلمنا المرة إللي فاتت عن هزيمة المسلمين وتعرض رسول الله ﷺ للأذى الشديد وحتى قيل إنه مات وكان السبب في الهزيمة هو عصيان الرماة لأمر رسول الله ﷺ،
أكيد في ناس بتسأل :
هو ليه رسول الله ﷺ والمسلمين إللي معاه يتحملوا نتيجة خطأ مجموعة منهم، يعني هل من العدل إن السبعمائة إلا قليل يتحملوا نتيجة خطأ أربعين شخص😓
يعني كان ربنا ينصر رسول الله ﷺ والمسلمين وبعدين يبقى يعاقب الرماة على عصيانهم 🤷‍♀️

يجاوبنا على السؤال ده حديث رسول الله ﷺ :
"مثل المؤمنين في توَادّهم وتراحُمهم وتعاطفهم مثل الجسد إذا اشتكى منه عُضو تداعى له سائر الجسد بالسهر والحمى"

المسلمين كلهم زي الجسم، هو لو الإنسان ضرسه وجعه ولا إيده وجعته بيقدر ينام؟
طبعا مبيقدرش، هل العين تقول طب أنا ذنبي إيه إني لا أنام عشان في ألم في الضرس ولا في اليد، ولا بتسهر وبتتألم هي كمان؟
في الإسلام مفيش حاجة اسمها أهم حاجة نفسي وبس، في الإسلام الفرد ممكن يضحي بمصلحته الشخصية عشان مصلحة الجميع،
فلما واحد من المسلمين يعمل خطأ يتحمل نتيجته كووول المسلمين👌
وهنا ييجي ضرورة الأمر بالمعروف والنهي عن المنكر👌
لأن المعصية طول ماهي في السر لن تضر إلا صاحبها، لكن أول ما الناس تجهر بها هتضر كل المجتمع،
شوفوا ربنا بيقول إيه:
" وَاتَّقُوا فِتْنَةً لا تُصِيبَنَّ الَّذِينَ ظَلَمُوا مِنْكُمْ خَاصَّةً "

وربنا قال للمسلمين إنه أعطاهم النصر إللي وعدهم به في البداية، لكن أول ما حصل النزاع بين الرماة وقائدهم عبد الله بن جبير وعصوا أمر رسول الله ﷺ ونظروا إلى الدنيا حصلت الهزيمة👌
"وَلَقَدْ صَدَقَكُمُ اللَّهُ وَعْدَهُ إِذْ تَحُسُّونَهُم بِإِذْنِهِ ۖ حَتَّىٰ إِذَا فَشِلْتُمْ وَتَنَازَعْتُمْ فِي الْأَمْرِ وَعَصَيْتُم مِّن بَعْدِ مَا أَرَاكُم مَّا تُحِبُّونَ ۚ مِنكُم مَّن يُرِيدُ الدُّنْيَا وَمِنكُم مَّن يُرِيدُ الْآخِرَةَ ۚ "

"وَأَطِيعُوا اللَّهَ وَرَسُولَهُ وَلَا تَنَازَعُوا فَتَفْشَلُوا وَتَذْهَبَ رِيحُكُمْ "

فربنا بيقول لنا بطريقة عملية : مفيش مُحابَاة لأحد، حتى رسول الله ﷺ إللي هو أحب الخلق إلى الله،
في سنن كونية هتمشي على الكل، أطعتم الله ورسوله وتركتم النزاع والفرقة هيبقى في نصر،
هتعصوا أوامر ربنا ورسوله وهتتخانقوا على الدنيا وكله عايز ياخد حتة هتشوفوا هزيمة وخذلان مكنتوش تتخيلوها👌
"ذَٰلِكَ بِأَنَّ اللَّهَ لَمْ يَكُ مُغَيِّرًا نِّعْمَةً أَنْعَمَهَا عَلَىٰ قَوْمٍ حَتَّىٰ يُغَيِّرُوا مَا بِأَنفُسِهِمْ"

الصحابة في الوقت ده مكنوش لسه يعرفوا موضوع المنافقين،
لكن بعد الهزيمة في أحد كله بان على حقيقته، إللي كان بيدافع ويقول أيوة احنا معاكم دلوقتي بقى شمتان وبيقول تستاهلوا إللي جرى لكم إنتم إللي عملتم في نفسكم كده لو كنتم سمعتم كلامنا مكنش حصل لكم كده🙄
"الَّذِينَ قَالُوا لِإِخْوَانِهِمْ وَقَعَدُوا لَوْ أَطَاعُونَا مَا قُتِلُوا"
أيوة المسلمين اتهزموا في أحد لكن اتعلموا دروس كتير عمرهم ما كانوا هيتعلموها إلا بالهزيمة دي👌
وهنشوف إزاي إن الصحابة استفادوا من خطأهم في أُحد واتعلموا الدرس ومحدش فيهم كرر نفس الخطأ تاني، وبالتالي لم يهزموا في أي غزوة بعد كده👌

نرجع لرسول الله ﷺ إللي كان لسه واقع في الحفرة
ومش قادر يقوم من شدة الضرب إللي تعرض له والدم إللي نزفه ﷺ والمسلمين إللي كانوا حوله بيدافعوا عنه،
لدرجة إن امرأة من النساء إللي خرجوا مع الجيش عشان يطببوا الجرحى ويسقوهم الماء اسمها أم عمارة
《نُسَيْبة بنت كعب》 لما لقت رسول الله ﷺ في الحالة دي ومكنش حوله ناس كثير يدافعوا عنه مسكت السيف وبقت هي إللي تحارب وتدافع عن رسول الله ﷺ،
وأُصيبت رضي الله عنها بجراح كثيرة، ومنها إن ابن قمئة إللي ضرب رسول الله ﷺ على كتفه ،ضربها بالسيف هي كمان وعمل جرح شديد عندها فضلت تشتكي منه طول عمرها،
وصل ثلاثين رجل من المسلمين عند رسول الله ﷺ وشافوه واقع في الحفرة والدم بينزل منه، فاستماتوا في الدفاع عنه ﷺ وبدأوا يصدوا هجمات المشركين،
والمشركين مش ساكتين عايزين يوصلوا لرسول الله ﷺ بأي طريقة، فبدأوا يرموا عليه السهام وهو ساقط في الحفرة

فأبو دجانة صاحب العصابة الحمراء إللي أخذ سيف رسول الله ﷺ حاول يرد السهام إللي نازلة على رسول الله ﷺ زي المطر بالترس إللي معاه مقدرش😥
راح نازل على طول قصاد رسول الله ﷺ وغطاه بجسمه وجعل ظهره للسهام عشان يحميه منهم،
فظهره اتملى بالسهام وكان لابس درع لدرجة إنه بقى عامل زي القنفذ🦔 من كثرة السهام إللي رميت عليه رضي الله عنه
شاف رسول الله ﷺ إن أنسب حل دلوقتي إنه ينسحب بالمسلمين من أرض المعركة عشان يعيد ترتيب أوضاعهم مرة ثانية بدل ما يعرض المسلمين كلهم للهلاك،
قام رسول الله ﷺ من الحفرة بمساعدة الصحابة وانسحبوا ناحية جبل أحد، فكانوا بيقاتلوا المشركين وهم بينسحبوا للجبل،

لسه هيصعدوا على الجبل شاف أُبي بن خلف رسول الله ﷺ وجاء بسرعة على فرسه ناحية رسول الله ﷺ وهو بيقول :
لا نجوت إن نجا..لا نجوت إن نجا! يعني يا أنا يا هو👌
فالصحابة قالوا لرسول الله ﷺ:
واحد فينا يروح يقتله يا رسول الله 🤔
فقال لهم اتركوه👌
فأول ما قرب من رسول الله ﷺ مسك رسول الله ﷺ حربة ورماه بها، فأصابته بخدش، يعني جرح بسيط جدا، ومع ذلك قعد يصرخ من الوجع وطلع يجري وهو بيقول :
قتلني والله محمد..قتلني والله محم
والمشركين مستغربين🤨
فقالوا له: إنت شكلك اتجننت🙄
مفيش حاجة فيك 😒
فقال لهم : هو كان قايلي في مكة إنه هيقتلني، فوالله لو بصق عليّ لقتلني

☆يعني هو عارف ومصدق رسول الله ﷺ سبحان الله

معداش على أبي بن خلف يوم إلا وكان ميت، وأبي بن خلف هو الرجل الوحيد إللي قتله رسول الله ﷺ ولم يقتل بيده غيره ﷺ 👌
بعد ما انهزم المسلمون وحصل فيهم الاضطراب وقُتل سبعون من الصحابة، بدأ المشركون يُمَثّلوا بالقتلى، قطعت النساء آذان الرجال من المسلمين وأنوفهم وعملوها قلائد يعني سلاسل ولبسوها ،

☆ملحوظة هامة:
التمثيل بجثث القتلى لا يجوز في شريعة الإسلام🙅‍♀️❌
التمثيل يعني إن الشخص يقعد يقطع في أطراف الميت ويشوه جسمه ويقطع أنفه أو أذنه، إلا لو الكفار عملوا كده في المسلمين، يعني لو الكفار مثلوا بقتلى المسلمين، فمُباح للمسلمين إنهم يمثلوا بقتلى الكفار على سبيل 《القصاص》 وتركه أفضل 👌
يقول الله عز وجل:
"وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُم بِهِ ۖ وَلَئِن صَبَرْتُمْ لَهُوَ خَيْرٌ لِّلصَّابِرِينَ "
هند بنت عتبة شافت حمزة بن عبد المطلب مقتول وهو إللي كان قتل أبوها واشترك في قتل أخوها، فنزلت عليه بالسيف تقطع فيه، شقت بطنه وقطعت أذنه وأنفه😶

☆ملحوظة هااامة👌
مفيش ولا حديث صحيح عن إن هند بنت عتبة أخرجت كبد حمزة رضي الله عنه وأكلت منها ولما لم تستسغها رمتها، يعني لقت طعمها وحش رمتها 🙅‍♀️❌
كلها أحاديث إما منكرة، أو أحاديث ضعيفة منقطعة

بدأ رسول الله ﷺ بالصعود على الجبل فوقفت قصاده صخرة مقدرش يعديها بسبب جراحه وتعبه،
فجلس طلحة بن عبيد الله إللي كان مصاب بتسعة وثلاثين جرح عشان رسول الله ﷺ يطلع على ظهره ويتسلق به الصخرة، فقال له رسول الله ﷺ:
أوجب طلحة، يعني طلحة عمل كل حاجة يقدر يعملها، وكان أبو بكر الصديق رضي الله عنه يقول لما يتذكر يوم أُحد:
ذلك اليوم كله لطلحة، يعني اليوم ده كان بتاع طلحة من إللي عمله فيه رضي الله عنهم أجمعين،
و الصحابة بيصعدوا الجبل شافوهم خالد بن الوليد وأبو سفيان،
فجمعوا المشركين عشان يمنعوا الصحابة من إنهم يصعدوا الجبل،لأنهم لو صعدوا الجبل خلاص مش هيقدروا يوصلوا لهم🤷‍♀️
وهم عايزين يتأكدوا إن رسول الله ﷺ خلاص قُتل زي ما ابن قمئة قال ، فقال رسول الله ﷺ :
إنهم لا ينبغي لهم أن يعلونا ،يعني مينفعش يطلعوا ورانا، لازم نمنعهم👌
فكلّف رسول الله ﷺ مجموعة من أصحابه إنهم يدفعوا المشركين ويمنعوهم من طلوع الجبل وراء المسلمين وكان على رأس المجموعة عمر بن الخطاب رضي الله عنه،
فقاتلوا المشركين قتالا شديدا لحد ما استطاعوا إنهم يمنعوهم من الصعود للجبل واستطاع رسول الله ﷺ وإللي كانوا معاه إنهم يختفوا في الجبل👌

لما المسلمين قدروا يمنعوا جيش المشركين من إنهم يطلعوا الجبل المشركين تفاجؤوا😳
بقى الناس إللى احنا كنا خلاص هزمناهم وضربناهم هم إللي بينزلونا من على الجبل دلوقتي😶
ومع ذلك سبحان الله، قريش بدأت تسحب نفسها ولم تُصمم إنها تطلع الجبل وراء المسلمين، قالوا بس خلاص كفاية إللي احنا عملناه فيهم،
فحب أبو سفيان إنه يتأكد إذا كان رسول الله ﷺ فعلا قُتل ولا لأ زي ما ابن قمئة قال، فنادى للمسلمين :
أفيكم محمد🤔
يعني محمد ﷺ لسه عايش، فرسول الله ﷺ أشار للصحابة بإنهم ميردوش على أبو سفيان فسكتوا،
فقال أبو سفيان : أفيكم ابن قحافة🤔
فأشار لهم رسول الله ﷺ إنهم ميردوش والصحابة ساكتين،
فسأل أبو سفيان : أفيكم عمر🤔
فمحدش من الصحابة رد، ففرح أبو سفيان وقال :
خلاص كده الثلاثة دول ماتوا وارتحنا منهم👌
فعمر بن الخطاب رضي الله عنه مقدرش يمسك نفسه😅
حس بغيظ وشماتة فمقدرش يسكت فرد عليه وقال له:
يا عدو الله! إللي انت ذكرتهم دول أحياء وربنا أبقى على ما يسوؤك😠
يعني ربنا أبقى على حياة إللي يضايقك ويحرق دمك😅

أبو سفيان لما سمع كلام عمر اتصدم، لأنه كان وصل له إن رسول الله ﷺ كان خلاص قُتل، فقال له :
ناشدتك الله يا عمر، هو محمد فعلا حي ولا قتلناه😳
فقال له عمر : بل حي
فقال أبو سفيان: أنت عندي أصدق وأبر من ابن قمئة👌
☆المشركين كانوا بيحترموا المسلمين، يعني هم كانوا بيقاتلوهم ويعذبوهم، لكن في داخلهم كل الاحترام للمسلم إللي بيدافع عن عقيدته ومبادئه وتضحيته في سبيل دينه،
عشان كده أبو سفيان صدق عمر، وكان عنده أصدق من صاحبه ابن قَمئة👌

أبو سفيان طبعا اتغاظ إن رسول الله ﷺ والوزيرين بتوعه لسه عايشين😕
فحب يرد الغيظ ده للمسلمين قال لهم :

قد كان فيكم مُثلة لم آمر بها ولم تسُؤني 😒
يعني الجثث بتاعة أصحابكم حصل فيها تمثيل، وأنا مأمرتش بكده، بس أنا عادي مزعلتش يعني،
مع إن العرب أصلا من طبيعتهم إنهم لا يمثلوا بالجثث، بس عادي يعني مادام مع المسلمين يبقى مفيش مانع نكسر القاعدة ونخالف كل قوانينا🙁

أبو سفيان حب يحس بنشوة الانتصار فقال بصوت عالي : أُعْلُ هُبل! يعني بيعظمه وإنه هو إللي نصرهم،
فسكت الصحابة وهم متضايقين وحاسين بالقهر،
فقال لهم رسول الله ﷺ:
ألا تجيبوه؟
قالوا: نقول إيه يا رسول الله😓
فقال لهم : قولوا الله أعلى وأجلّ!

☆رسول الله ﷺ بيعلم الصحابة وبيعلمنا إن مش عشان حصل للمسلمين هزيمة مادية يبقى ده مانع من الفخر بعقيدتكم كمسلمين👌
فقالوا : الله أعلى وأجل 😤
فرد عليهم أبو سفيان : لنا العُزّى ولا عُزّى لكم😏
فقال لهم رسول الله ﷺ : ألا تجيبوه؟
فقالوا : نقول إيه يا رسول الله🤔
قال : قولوا الله مولانا ولا مولى لكم، فقال الصحابة :
الله مولانا ولا مولى لكم
فأبو سفيان مسكتش
قال: يوم بيوم بدر😈
يعني زي ماهزمتونا في بدر هزمناكم في أحد💁‍♂️
فقال رسول الله ﷺ للصحابة إنهم يقولوا:
لا سواء يعني مفيش مقارنة، قتلانا في الجنة وقتلاكم في النار
فانسحب أبو سفيان من أرض المعركة ولم يقعد فيها لحظة واحدة

طيب هل كده يعتبر المشركين انتصروا فعلا في غزوة أحد؟
والمسلمين هيعملوا إيه عشان يخرجوا من الأزمة دي ورسول الله ﷺ لسه لحد دلوقتي بينزف والدم مش راضي يقف
ده إللي هنعرفه الجزء الجاي إن شاء الله 😊


#السيرة_النبوية
#ايمان_شلبي

بسم الله،

وَنُرِيدُ أَن نَّمُنَّ عَلَى الَّذِينَ اسْتُضْعِفُوا فِي الْأَرْضِ
وَنَجْعَلَهُمْ أَئِمَّةً
وَنَجْعَلَهُمُ الْوَارِثِينَ

اللهم امنن على إخـواننا الذين استضعـفوا في الأرض واجعلهم أئمة واجعلهم الوارثين.

#علمتني_أمي_عائشة (1)


🌷اليوم بإذن الله نستكمل السير داخل بستان أمهات المؤمنين، ونبدأ في رحلة جديدة ماتعة مع أمنا عائشة رضي الله عنها؛ لنرتقي بأيماننا حين نرى كيف كان إيمان أمنا عائشة، ونرتقي بأنوثتنا حين نشاهد بقلوبنا وبصيرتنا اللمسات الأنثوية الرائعة لها، نتأمل في مواقفها الرائعة لنسير على دربها ونقتفي أثرها.


🌷 ستكون رحلتنا مع أمنا عائشة مختلفة عن رحلتنا السابقة مع أمنا خديجة فلن نبدأ بميلادها حتى وفاتها، ولكننا سنعيش مع بعض مواقفها لنتعلم منها.

🌷لن نسير معا بترتيب هذه المواقف زمنيا فلسنا بصدد سرد سيرتها العطرة كاملة فلنفتح قلوبنا وعقولنا لهذه المواقف الرائعة فكم فيها من العبر والعظات، وكم فيها من حلول لكثير من المشكلات، وكم فيها من دُرر عظيمة ينتفع بها من كان له قلب مبصر وعقل واع، نسأل الله أن نكون من أصحاب القلوب المُبصرة والعقول الواعية.


رضا  الجنيدي

✍️كلنا راحلون ويبقى الأثر. فلنترك أثرا قبل الرحيل

*رسالة اليوم إليك 💌*

{ يُدَبِّرُ الْأَمْرَ }

لا تجزع إن لم يتحقق لك أمرا أنت راغب فيه مع الوقت ستدرك إنه لم يكن خيرا لك
💌💌

#رسالة_اليوم

صباحكم ثقه ويقين بالله🌹

(لنختم القرآن سماعا)

الورد (٢٢٢)

(الربع الثاني & الحزب السادس والخمسين )

#القارئ: ياسر سلامة
#ليدبروا على التليجرام
https://www.tg-me.com/GhRoooh/12170

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/lbXOLN7YUHA?feature=shared
#صباحكم_قرآنٌ_يُتلى

حقاً كام ضاع من اعمارنا💔