#قصص_الأنبياء(٢)
#السيرة_النبوية
#الحلقة_الثالثة_والسبعون
#نصر_المسلمين_في_أُحد

اتكلمنا المرة إللي فاتت عن ترتيبات جيش المسلمين قبل بداية القتال، وشفنا إزاي كانوا متحمسين وروحهم المعنوية عالية،
هنروح لمعسكر المشركين ونشوف ترتيباتهم إيه هم كمان😊
كان أبو سفيان قائد جيش المشركين في أحد،
قسم جيش المشركين لمَيْمنة وميْسرة وخلى قائد الميمنة خالد بن الوليد،
والميسرة قائدهم عكرمة بن أبي جهل، وصفوان بن أمية جعله قائد المشاة، أما الراية فكان يحملها بني عبد الدار،
احنا قلنا قبل كده إن الراية مهمة جدا،
لأنها طول ماهي واقفة ده معناه إن الجيش لسه بقوته وبيقاتل، أما لو وقعت الراية فهي الهزيمة👌
فكان المسؤول عن حمل الراية في جيش المشركين في غزوة بدر وكمان في غزوة أحد هم بنو عبد الدار،
أبو سفيان أراد إن يحمسهم ويحفزهم عشان يبذلوا أقصى طاقة عندهم في الدفاع عن الراية فقال لهم:
يا بني عبد الدار!
إنتم تركتم الراية تقع يوم بدر وحصل إللي حصل، يعني إنتم مشاركين في الهزيمة إللي حصلت،
فلو مش هتقدروا تدافعوا عن الراية النهاردة سيبوها من دلوقتي واحنا هنشوف حد تاني يكون أد المسؤولية دي👌
طبعا بنو عبد الدار غضبوا وثارت حميتهم، فقالوا لأبي سفيان:
احنا نسيب اللواء😡
بكرة هتشوف وقت الحرب هنعمل إيه😤
مش بس أبو سفيان إللي كان بيحمس المشركين، ده هند بنت عتبة زوجة أبي سفيان هي كمان والنساء إللي معاها كانوا بيشجعوا جيش المشركين على الحرب عن طريق إنشاد الشعر الحماسي،
بس مين طبعا في فرق بين إللي بيقاتل عشان شوية مكاسب في الدنيا وبين إللي بيقاتل عشان عايز جنة عرضها السماوات والأرض😊
حاول أبو سفيان إنه يفكك صفوف المسلمين، فأرسل إلى الأنصار يقول لهم:
احنا مش عايزين نقاتلكم، علاقتنا بكم كويسة من زمان ، فخلوا بيننا وبين بني عمنا، يعني إنتم ارجعوا وسيبوا أقاربنا من القرشيين نقاتلهم😤
فطبعا الأنصار رفضوا كلام أبو سفيان وصمموا على قتال المشركين والدفاع عن رسول الله ﷺ،
مين بقى كان مع المشركين في الغزوة دي😬
أبو عامر الراهب إللي سماه رسول الله ﷺ الفاسق أبو حنظلة بن أبي عامر إللي تزوج قبل المعركة بيوم بابنة عبد الله بن أبي بن سلول إللي اتكلمنا عليهم المرة إللي فاتت
أبو عامر الفاسق ده راح وقف أمام الانصار وقال لهم:
يا معشر الأوس ! أنا أبو عامر، تعالوا قاتلوا معايا وسيبوا محمد😈
فقالوا له: لا أنعم الله بك عينا يافاسق😡
دعوا عليه وقعدوا يشتموه
فقال أبو عامر : قد أصاب قومي من بعد شر😳
يعني قومي اتغيروا للأسوأ من بعد ما تركتهم🙁
أبو عامر ده أخذ مجموعة من المشركين وقعدوا يحَفُروا حُفَر في أرض أحد عشان المسلمين يسقطوا فيها،
واصطف الجيشين عشان يبدأوا القتال،
لو أخذنا بالنا هنلاقي إن غزوة أحد بالنسبة للمسلمين أسهل من غزوة بدر🤔
لأ ن في غزوة أحد فقدت قريش معظم قاداتها، يعني مفيش حد من القادة الكبار غير أربعة تقريبا،
بعكس في غزوة بدر كان قادة المشركين كلهم حاضرين،
والغزوة دي المسلمين عارفين بها من البداية فاستعدوا لها مضبوط،
المشركين جاءوا من مكة وهي مسافة بعيدة جدا حوالي خمسمائة كيلو، فده لوحده إرهاق لجيش المشركين، بعكس المسلمين إللي خرجوا من المدينة لمنطقة أحد وهي قريبة جدا من المدينة كم كيلو متر بس،
ده غير إن الروح المعنوية للمسلمين عالية جدا بعكس المشركين إللي اتهزموا في بدر وحصلت لهم أزمات خلال السنة إللي فاتت دي كلها،
أيوة عدد المسلمين أقل لكن أسباب النصر كلها مجتمعة في جيش المسلمين،
ده غير البشارة إللي رسول الله ﷺ بشّر بها المسلمين وهي إنهم لو صبروا وثبتوا الملائكة هتيجي تقاتل معاهم💁‍♀️
"بَلَىٰ ۚ إِن تَصْبِرُوا وَتَتَّقُوا وَيَأْتُوكُم مِّن فَوْرِهِمْ هَٰذَا يُمْدِدْكُمْ رَبُّكُم بِخَمْسَةِ آلَافٍ مِّنَ الْمَلَائِكَةِ مُسَوِّمِينَ"
بدأ القتال بين المسلمين والمشركين يوم السبت السابع من شهر شوال في السنة الثالثة من الهجرة،
ومحصلش مبارزة زي ما حصل في غزوة بدر، على طول بدأ القتال👌
وأسرع طريق لكسب المعركة وهزيمة العدو عند العرب هو إسقاط راية الخصم، فهجم المسلمون على راية المشركين عايزين يسقطوها،
كان حامل راية المسلمين هو مصعب بن عمير، وكان إللي بيدافع عن راية المشركين بني عبد الدار زي ما قلنا، فبدأوا يدافعوا عنها بكل قوتهم👌
كان إللي بيقود المعركة حمزة بن عبد المطلب، وعلي بن أبي طالب والزبير بن العوام كانوا بينظموا القتال بشكل رئيسي،
حمزة عارف إن لو أسقط الراية خلاص المعركة انتهت،
فهجم هو ومجموعة معاه على راية المشركين،
قعد يقاتل يمين ويسار لحد ما وصل لحامل الراية وقتله😮
وسقطت الراية، فطبعا اهتز جيش المشركين في أول كم دقيقة تسقط رايتهم
على طول واحد تاني من بني عبد الدار راح ماسك الراية ورافعها، فراح حمزة ضربه وقتله فسقطت الراية للمرة الثانية😬

فقام أخوهم الثالث ومسك الراية، واشتد المشركون على حمزة عشان يمنعوه من قتل حامل الراية، وهم بيدفعوا حمزة عن الراية علي بن أبي طالب ومعاه مجموعة من المسلمين هجموا من الناحية التانية على حامل الراية فقتلوه وسقطت الراية

فقام أخوهم الرابع وحمل الراية، وعلي بن أبي طالب لسه موجود حول الراية فاستطاع إنه يهجم على حامل الراية وقتله وسقطت الراية للمرة الرابعة😶
والمشركين معنوياتهم باظت، تخيلوا كده الموقف ، المشركين شايفين من بعيد الراية بتاعتهم كل شوية تقع وترتفع ..تقع وترتفع
فالمشركين اجتمعوا حول علي رضي الله عنه بيدفعوه بعيد عن الراية، وقام أخوهم الخامس ورفع الراية،
في نفس الوقت إللي المشركين بيدفعوا حمزة وعلي، جاء عاصم بن ثابت رضي الله عنه ومعاه مجموعة وهجم على حامل الراية وقتله وسقطت الراية😁
وعاصم بن ثابت من السابقين للإسلام من الأنصار، وبعد إسلامه عاهد الله إنه لا يمس مشرك ولا يمسه مشرك،
وكان من المقاتلين الأقوياء،
فالمشركين مبقوش عارفين يعملوا إيه، يقاتلوا من هنا المسلمين يهجموا من الناحية التانية،

فمسك الراية أخوهم السادس فقتله عاصم، امرأة اسمها سُلافَة لما شافت الراية كل شوية تقع وتترفع عرفت إن حامل الراية بيُقتل فتوجهت ناحية الراية فوصلت مع قتل عاصم لاثنين من حملة الراية وكان الاثنان هم أولادها😮
فصرخت وقالت:
من يأتيني برأس عاصم أشرب في جمجمته الخمر وأعطي وزنها ذهبا لمن يأتيني به👌
فاجتمع الناس على عاصم عايزين يقتلوه لكن هو كان قوي محدش قدر يقتله،
وحمل الراية واحد تاني من بني عبد الدار للمرة السابعة، اجتمع بعض المشركين مع بعض وقالوا لو الوضع استمر كده هتبقى كارثة، لازم نشوف حل😥
فقالوا إيه الحل🤔
قالوا زي ما هم بيهاجموا الراية بتاعتنا احنا كمان نهاجم رايتهم💪🏻
فجهزوا مجموعة وانطلقوا نحو مصعب بن عمير عايزين يقتلوه عشان يسقطوا راية المسلمين، ومصعب ثابت بيدافع عن راية الإسلام والمسلمين معاه بيحموه، وبقى في معركتين في نفس الوقت، معركة عند راية المشركين ومعركة عند راية المسلمين،
في الوقت ده كان في كتيبة من المشركين بقيادة خالد بن الوليد بتحاول تلف خلف جيش المسلمين من ناحية الجبل إللي عليه الرّماة إللي اتكلمنا عنهم المرة إللي فاتت، عشان يهجموا على المسلمين من الخلف،
فأول ما قرب خالد بن الوليد لقى سيل من السهام نازل عليهم من فوق الجبل فتراجع ومقدرش يهجم، وكل شوية يحاول يقرب تمنعه سهام الرماة وفشلت محاولاته👌

استطاع حمزة وعلي وعاصم إنهم يصلوا لحامل راية المشركين فقتلوه وسقطت الراية للمرة السابعة،
والمشركين بيتصدموا كل صدمة والتانية ومش عارفين يعملوا إيه ولواء المسلمين ثابت متحركش💁‍♀️
حمل راية المشركين واحد ثامن من بني عبد الدار برده، ما هم وعدوا أبو سفيان إنهم هيقاتلوا وهيدافعوا عن الراية، وكان من طبيعة العرب إنهم بيوفُّوا بكلمتهم ولو على رقبتهم👌
والمشركين بيحاولوا يدافعوا ويحموا حامل الراية والمسلمين عايزين يوصلوا له ويقتلوه،
في نفس وقت معركة الرايات كانت في أحداث تانية بتحصل في أرض المعركة زي مثلا رسول الله ﷺ كان يَنبِل لسعد بن أبي وقاص، يعني كان رسول الله ﷺ بيعطيه السهام ويقول له :
ارمِ فداك أبي وأمي!
يعني رسول الله ﷺ بيقول له يرمي السهام على المشركين، وفداك أبي وأمي كلمة للتعبير عن حبه لسعد وعظم منزلته عنده،
مش إنه يعني هيفدي سعد بأبوه وأمه، لأن في الوقت ده كان أبواه ﷺ ميتين، ولم يجمع رسول الله ﷺ أبويه لأي أحد غير سعد بن أبي وقاص رضي الله عنه😊
فكان سعد لما يضرب بالسهم يصيب به المشركين إما يقتلهم أو يصيبهم بجرح،
خرج واحد من بني عبد الدار ضخم ومغطي نفسه بالدروع وكان راكب على جمل وهو من أقوى فرسان قريش،
وكانوا بيسموه كبش الكتيبة،
المسلمين لما شافوا منظره خافوا، فقام الزبير بن العوام وراح ناحيته عشان يحاول يقتله،
مش عارف يقتله إزاي راح ناطط فوق الجمل وشد الرجل وقعه في الأرض وقعد عليه وقتله😅
فلما شافه رسول الله ﷺ قال:
إن لكل نبي حواري وحواريي الزبير، الحواري يعني الناصر من أصحابه ﷺ،
المسلمون قتلوا إحدى عشر رجل من حاملي الراية، ولحد دلوقتي المشركين لم يقتلوا ولا واحد من المسلمين،
فكانت معنوياتهم صفر،
وكان من أشد المقاتلين أبو دجانة الأنصاري إللي أخذ سيف رسول الله ﷺ ،انطلق يقاتل المشركين وراح وراءه الزبير بن العوام بيراقبه ويشوفه هيعمل إيه بالسيف،
فكان أبو دجانة يقتل بسيف رسول الله ﷺ أي واحد يقابله من المشركين،
واخترق أبو دجانة صفوف المشركين لحد ما وصل لآخر الجيش بتاعهم وكان في آخر الجيش النساء ودي كانت من عادة العرب،
إنهم يخلوا النساء في آخر الجيش عشان لو حصل هزيمة تكون النساء أول الهاربين فميقعوش رهينة في أيدي أعدائهم،
فرأى أبو دجانة إنسان عمال يشتم في الناس فرفع السيف ولسه هيقتله لقاه بيوَلْوِل، فعرف إنها امرأة ومرضاش يقتلها،
قال أكرمت سيف رسول الله أن أضرب به امرأة،

يعني هو شاف إن مش من الرجولة إنه يقتل امرأة بسيف رسول الله ﷺ،
وكانت المرأة دي هي هند بنت عتبة زوجة أبو سفيان، فتركها وذهب👌

☆ هو ليه المشركين أخذوا معاهم نساء للمعركة 🤨
الرجل العربي طبيعته الأصيلة إنه بيغير على نسائه جدا وفي قصص كتير عن غيرة العرب قبل الإسلام وحتى غيرة الصحابة،
فكان وجود النساء في الجيش دافع كبير جدا إنهم لا ينهزموا أمام أي عدو، لأنهم لو انهزموا نسائهم هيكونوا إماء، عبيد يعني فبيحاربوا بكل قوتهم عشان نسائهم لا يقعوا في الأسر😊

أما المسلمين مكانوش بياخدوا النساء معاهم
لكن كان في بعض النساء بيخرجن مع الجيش، زي ما رسول الله ﷺ كان بيأخذ بعض زوجاته معاه، وزي بعض النساء 《العجائز》 إللي كانوا بيخرجن مع المسلمين عشان يسقين الجيش الماء،
ويُداوين الجرحى لأن الرجال بينشغلوا بالحرب ومفيش حد يقوم بالمهمة دي، فاللي بيخرج لسُقيا الماء ومداواة الجرحى هم النساء العجائز،
أما النساء الصغيرات في السن لا يخرجن لخوف الفتنة👌


وسط القتال ومع اشتداد المعركة سقط أول شهيد من شهداء المسلمين، عبد الله بن حرام، إللي اتكلمنا عنه المرة إللي فاتت، وقُتل عمرو بن الجموح صاحبه إللي كان عنده عرج في رجله،
وكان سأل رسول الله ﷺ هل لو أنا مت شهيد هدخل الجنة ورجلي تبقى صحيحة مفيهاش عرج😥
فقال له رسول الله ﷺ: نعم👌
فحلف وقال والله ما أرجع إلى بيتي حتى أدخل الجنة😤
فعمر بن الخطاب رضي الله عنه قال له:
متحلفش على ربنا
فقال له رسول الله ﷺ:
استنى يا عمر! في ناس لو أقسموا على الله لأبرّهم منهم عمرو بن الجموح👌
فقاتل عمرو حتى قتل رضي الله عنه،
حمزة بقى رضي الله عنه من بداية المعركة واحنا شايفين شدته على المشركين، ومكنش حد يقرب منه إلا ويقتله فخرج رجل من المشركين يتحدى المسلمين في مبارزة ،
فتقدم له حمزة وقتله بضربة واحدة😮
مين إللي كان بيراقب حمزة وهو بيقتل ده ويقتل ده
وحشي بن حرب إللي سيده جبير بن مطعم وكان وعده لو قتل حمزة هيعطيه حريته،
فسأل وحشي الناس إللي حواليه هو مين ده إللي عمال يهزم أي حد يقرب منه😳
فقالوا له ده حمزة بن عبد المطلب😑
فقال وحشي، أيوة هو ده إللي بدور عليه👌
ووحشي مكنش عارف حمزة لأنه كان مغطي نفسه بالدرع بتاعه،
فضل وحشي يراقب حمزة من بعيد ومعاه حربة في إيده وكان ماهر جدا في الرماية ونادرا لو أخطأ هدفه،
فاضل مستخبي وماسك الحربة في إيده بيهزها مستني الفرصة المناسبة عشان يرمي بها حمزة،
وحمزة بيتحرك هنا وهنا بطنه انكشفت راح وحشي رامي الحربة دخلت في بطنه تحت سرته،
وسقط حمزة وحاول إنه يقوم مقدرش ومات شهيدا رضي الله عنه😔

على الرغم من سقوط حمزة إلا إن المسلمين استمروا في قتالهم ضد المشركين بكل قوة، وحصل الاضطراب في جيش المشركين وخصوصا إن بعد مقتل حامل الراية الحادي عشر محدش حملها مرة ثانية،
فانهزم المشركون وبدأوا يهربوا، انتصار زي انتصار بدر،
المسلمين سبعمائة والمشركين ثلاثة آلاف لكن :
" إِنْ يَنْصُرْكُمُ اللَّهُ فَلا غَالِبَ لَكُم" 👌
هرب المشركون وتركوا وراءهم النساء والأموال والدروع،
كل واحد هرب بحياته، فكان نصر عظيم للمسلمين
"وَلَقَدْ صَدَقَكُمُ اللَّهُ وَعْدَهُ إِذْ تَحُسُّونَهُم بِإِذْنِهِ"

بدأ المسلمون في أرض المعركة يلموا الغنائم، خلاص تقريبا المعركة انتهت ومبقاش في حد في أرض المعركة ما عدا كتيبة واحدة بس،هي كتيبة خالد بن الوليد إللي كانت بتراقب المعركة من بعيد،
في ناس تانية شافت المسلمين وهم بيلموا الغنائم، فهياخدوا قرار خطير جدا هيغير كل حاجة في أرض المعركة 😞

مين الناس دي، وإيه الكارثة إللي هتحصل للمسلمين ده إللي هنعرفه الجزء الجاي إن شاء الله👌


#السيرة_النبوية
#ايمان_شلبي

*تسجيل الحلقة ال 0️⃣2️⃣من فقه النكاح والطلاق وفيها*
*الإيلاء وتعريفه وشروطها واحكامه*د/وفاء العبيدي
👆🏻👆🏻👆🏻👆🏻

نصيحة وتثبيت لمن يبر بوالده المريض ويترك مذاكرته ليرعاه في مرضه، ذكرنا بالأجر.

ج / الله أكبر !

وأي أجر في انتظارك إن صلحت نيتك.

دونك باب من أبواب الجنة مفتوح على مصرعيه، فلا تقصر وتجلد ولا تدخر جهدا فسرعان ما ستمضي الأيام، وينقضي الأجل، وتذهب تلك الفرصة.

والله سيذهب التعب والنصب، وستتمنى لو ان أباك حي تحمله العمر كله !

الشيخ أحمد عبد السلام

هل يجوز دفع صدقة بدل الاعتذار من شخص اغتبته وكم يجب أن يكون ثمنها؟

ج/ الذي أفتي به في كفارة الغيبة هو اختيار شيخ الإسلام ابن تيمية وهو أنه لا يجب إخبار من اغتبته بما وقع منك لِمَا يترتب على ذلك من المفسدة، وإنما تستغفر له مع التوبة النصوح وتذكره بخير ما أمكن..

وأما الصدقة عنه فيجيز ذلك فقهاء الحنابلة ويرون أن إهداء ثواب القرب إلى حي أو ميت ينفعه.

الشيخ محمود مداد

تعبت من الحياة، لا أجد فيها ما يفرحني :(

ج / الحياة ليست دار فرح بالأساس، الحياة دار نصب وتعب ومشقة.

لكن الشأن هل الإنسان يخرج من هذه الحياة إلى بلاد الأفراح أم إلى مواطن الأتراح؟

نحن نستعين بالسعادة في الحياة على محاولة إتمام السير فيها بثباتٍ فقط، يسّر الله لنا الوصول على خير!

الشيخ كريم حلمي

🍃والنساء في طاعة الزوج.. مذاهب (3)

🌷الصنف الثالث هي الزوجة التي فهمت الطاعة بحق ، تعرف حقوقها وواجباتها
فتطيع زوجها بالمعروف وفي غير معصية الله ، تنصاع لأوامره ، وتخضع لزوجها ذلك الخضوع الجميل💚 الذي به تكسب ثقته ومحبته وتشعره بالسعادة التى يطمح لها
فيعطيها الحب والمودة أضعافا مضاعفة ، تتقرب منه وتتحب إليه فتجده أكثر تمسكا بها ، ملبيا لها جميع رغباتها.

وما أن تظل الزوجة تحيط زوجها بهذه الرقة وهذه الليونة وتشعره أنها بحاجته دائما ، إلى حبه، إلى رعايته، إلى رجولته حتى تمتلك مشاعره وإذا به يعمل كل جهده لإسعادها وإرضائها، حتى أن حياته لا تطيب إلا بها.


والحمد لله 🤲🏻الذي جعل في طاعة المرأة لزوجها تماشيا مع فطرتها .
فقد فطرنا الله عزوجل نحن النساء على الاستكانة فلا نشعر بأنوثتنا إلا بجوار رجل قوي، نعطي له حق الطاعة والاحترام، ويعطينا الحب والرعاية والاهتمام.

أما من تحارب🙅🏻‍♀️ طبيعتها وتخالفها بالعناد والتعامل بالندية مع الزوج وكسر كلمته 🔨

فهنا الزوج ⬅️إما أن يرفض هذا التعامل ويبادر بطلاقها !!

وإما ⬅️أن يهينها ويحاول كسر شوكتها وتأديبها بالضرب واستخدام العنف الجسدي

وإما ⬅️أن يقبل هذا التعامل ووقتها لابد وأن تشعر هي نفسها بالتعاسة إن عاجلا أو آجلا، وذلك لأنها تفقد رويدا رويدا شعور الأنثى بداخلها، والتي تحب دائما أن يحوطها زوجها بالرعاية والحب والاهتمام، وأن تشعر بقوته، وضعفها الأنثوي تجاهه.


يتبع ↩️

#هبة_أبو_شوشه
#لتشرقي_ندية
#مذاهب_النساء

هل استشعرنا اسم الله المنان ؟؟

(لنختم القرآن سماعا)

الورد (٢٢٠)

(الربع الرابع & الحزب الخامس والخمسين )

#القارئ: محمد رشاد الشريف
#ليدبروا على التليجرام
https://www.tg-me.com/GhRoooh/12163

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/0SP2Cc4q87U?feature=shared
#صباحكم_قرآنٌ_يُتلى

دلالة و إعانة 🌱

*السبب: فأما من أعطى واتقى*
*النتيجة: فسنيسره لليسرى*

إذا ضاقت بك الدنيا، فتصدق من مالك وقلبك، 

أطعم جائعا، ودل حيرانا، وأقم متعثرا، واقض دينا. 

الصدقات ليست أموالا فقط، 
جبر الخواطر صدقة، 
وإزالة دمعة صدقة، 
والمسح على قلب مكسور صدقة، 

ثم إنه لا شيء أجلب للهموم من المعاصي، 
ولا شيء أريح للقلب من الطاعات، 

فإذا ضاق صدرك، وانشغل قلبك، 
فراجع عباداتك! 
*الضحى صدقة عن 360 مفصل*
*الضحى يا اوابين*

_

إذا كنت تبحث عن إجابات في هذه الحرب: فقد أتيت إلى المكان الصحيح! 🔖

حان الوقت لتفتح كتاب الله وتجيب أسئلتك 📖 لأننا لن نتحول #من_الغثاء_إلى_الطوفان دون إجابات قوية تثبتنا.

إليك: أنتَ تسأل وسورة الزمر تجيب!

ميمنة | #غير_ذي_عوج