(لنختم القرآن سماعا)

الورد (٢٠٢)

(الربع الثاني & الحزب الواحد الخمسين )

#القارئ: عبدالله بصفر
#ليدبروا على التليجرام
https://www.tg-me.com/GhRoooh/12098

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/M8W0LETx04c?feature=shared
#صباحكم_قرآنٌ_يُتلى

اللهم اجعلنا من الصابرين 🤍

#قصص_الأنبياء(٢)
#السيرة_النبوية
#الحلقة_السادسة_والخمسون
#تغيير_القبلة_وفرض_القتال

كنا واقفين المرة إللي فاتت عند الحادثة إللي حصلت وعملت قلق كبير وخلت اليهود والمشركين يشمتوا في المسلمين،
إيه إللي حصل 🤔

في شهر شعبان بعد سرية نخلة إللي حصلت آخر يوم رجب واتكلمنا عليها المرة إللي فاتت، نزلت الآيات بتغيير القبلة😯

احنا كنا عارفين إن رسول الله ﷺ طول فترة مكة كان بيصلي ناحية بيت المقدس أو المسجد الأقصى،
واستمر بعد الهجرة يصلي ناحيته لمدة سنة وسبعة أشهر في المدينة،
وكان رسول الله ﷺ طول فترة مكة بيجعل الكعبة بينه وبين بيت المقدس بحيث إنه يصلي في اتجاه الإثنين،
لكن لما هاجر للمدينة المكان مختلف فكان لازم يتجه ناحية بيت المقدس وكانت الكعبة في ظهر النبي ﷺ،
فكان رسول الله ﷺ يتمنى إن ربنا يُغير له القبلة ويجعلها ناحية الكعبة،
هو مكنش بيدعي لكن كانت مجرد رغبة، كان كل شوية ينظر للسماء منتظر جبريل ييجي يقول له إن خلاص غير القبلة،
وده إللي حصل فعلا👌
جاء جبريل عليه السلام بكلام الله:
"قَدْ نَرَىٰ تَقَلُّبَ وَجْهِكَ فِي السَّمَاءِ ۖ فَلَنُوَلِّيَنَّكَ قِبْلَةً تَرْضَاهَا ۚ فَوَلِّ وَجْهَكَ شَطْرَ الْمَسْجِدِ الْحَرَامِ ۚ"
وكان ده أول نَسْخ يحصل في الإسلام،
والنسخ معناه ببساطة إن ربنا يأمر بأمر وبعدين يغيريه لأمر تاني، فالأمر الجديد بينسخ أو بيمسح الأمر القديم،
زي موضوع تغيير القبلة كده😉
ومش معنى إن ربنا استجاب لرغبة رسول الله ﷺ إن مفيش حكمة من الموضوع، ربنا لا يفعل شيء إلا لحكمة سواء احنا عرفناها وفهمناها أو لأ👌
"ذَٰلِكُمْ حُكْمُ اللَّهِ ۖ يَحْكُمُ بَيْنَكُمْ ۚ وَاللَّهُ عَلِيمٌ حَكِيمٌ "

☆ممكن حد يقول طيب ليه ربنا غيّر القبلة ولسه الدولة الإسلامية في بداية نشأتها يعني كان يستنى شوية وخصوصا إن اليهود كانوا مستنيين أي حاجة تحصل عشان يطعنوا في الإسلام🤔

الفترة إللي حصل فيها تغيير القبلة كانت أنسب وقت، عشان كل واحد يبان على حقيقته،
عشان يبان الصادق في إيمانه وإللي هيقدر يبني دولة الإسلام ويقف قصاد الفتن والشبهات مع رسول الله ﷺ،
من الناس إللي لسه الإيمان مش مستقر في قلوبها وممكن تسيب الإسلام بسبب شبهة ولا اثنين يقولها أعداء الإسلام👌
" وَمَا جَعَلْنَا الْقِبْلَةَ الَّتِي كُنتَ عَلَيْهَا إِلَّا لِنَعْلَمَ مَن يَتَّبِعُ الرَّسُولَ مِمَّن يَنقَلِبُ عَلَىٰ عَقِبَيْهِ ۚ "

نزلت الآية وحصل بسببها فتنة كبيرة، تعالوا نشوف ردود أفعال الناس على تغيير القبلة
اليهود إللي في المدينة كانوا من الأول فرحانين إن رسول الله ﷺ بيصلي ناحية بيت المقدس لأنها قبلتهم،
فكانوا مفكرين إن رسول الله ﷺ هيتبعهم في دينهم بعد فترة،
فلما اتحولت القبلة جالهم زي إحباط كده و بدأوا يشككوا المسلمين في دينهم،
وقعدوا يقولوا محمد خالف قبلة الأنبياء قبله، ولو كان نبي كان استمر يصلي ناحية قبلة الأنبياء😏
"سَيَقُولُ السُّفَهَاءُ مِنَ النَّاسِ مَا وَلَّاهُمْ عَن قِبْلَتِهِمُ الَّتِي كَانُوا عَلَيْهَا ۚ "
وكلام اليهود أثّر على ضعاف الإيمان إللي عندهم شك والإسلام مش مستقر في قلوبهم وبدأوا يسألوا :
طب ومصير الناس إللي ماتت قبل تغيير القبلة إيه، وهل ربنا هيقبل صلاتهم ولا لأ،
وهل هياخدوا أجر على صلاتهم إللي فاتت دي ولا لأ،
طيب ماهو لو كانت القبلة الأولى حق يبق هو ترك الحق للباطل،
ولو كان القبلة الجديدة هي إللي حق يبقى هو كان على باطل😕
وكأن يعني الصلاة لبيت المقدس كانت اجتهاد من رسول الله ﷺ مش وحي من عند ربنا فمش هياخدوا أجر على صلاتهم 🙄
ومع ذلك ربنا رد عليهم عشان يطمئن المؤمنين
"وَمَا كَانَ اللَّهُ لِيُضِيعَ إِيمَانَكُمْ"
وشوفوا الفرق بينهم وبين المسلمين الصادقين الثابتين على الإيمان👌
المسلمين أول ما رسول الله ﷺ قال لهم القبلة اتغيرت وصلى بهم العصر محدش اتكلم كله صلى خلف رسول الله ﷺ وخلاص وانتهى الموضوع،
لا وشوفوا الأعجب
واحد من الصحابة صلى مع رسول الله ﷺ، وبعدين وصل لمسجد قباء لقى المسلمين بيصلوا وكانوا راكعين قال لهم:
أشهد إني صليت مع رسول الله ﷺ ناحية الكعبة🤚
راح الصحابة وهم راكعين مدوّرين نفسهم وهم في الصلاة واتجهوا ناحية القبلة الجديدة😮
وأنا عايزاكم تتخيلوا ناس راكعة بتصلي غيروا اتجاههم مائة وثمانين درجة، لأن القبلة زي ما قلنا إللي يقف وهو متجه ناحية المسجد الأقصى يبقى الكعبة في ظهره، فهم غيروا اتجاههم تماما،
وده طبعا خلاهم يتحركوا كثير في الصلاة، ومحدش فيهم فكر إنه يستنى يتأكد من الكلام ويعرف القصة بالكامل،
وربنا قال إن ده اختبار كبير مش هينجح فيه غير المؤمنين،
"وَإِن كَانَتْ لَكَبِيرَةً إِلَّا عَلَى الَّذِينَ هَدَى اللَّهُ "
ربنا بقى رد على كل الناس دي بإجابة بسيطة جدا💁‍♀️
"قُل لِّلَّهِ الْمَشْرِقُ وَالْمَغْرِبُ ۚ يَهْدِي مَن يَشَاءُ إِلَىٰ صِرَاطٍ مُّسْتَقِيمٍ"
فسواء المشرق ولا المغرب كله ملك لله، ثم العبرة مش إن الناس تتجه ناحية المشرق ولا المغرب ،

العبرة في تنفيذ أوامر ربنا، واتباع رسول الله ﷺ وهل فعلا لما ييجي الأمر للناس هيسمعوا الكلام بدون نقاش زي ما المؤمنين الصادقين عملوا،
ولا هيقعدوا يشككوا ويجادلوا ويشمتوا 👌
"لَّيْسَ الْبِرَّ أَن تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ وَلَٰكِنَّ الْبِرَّ مَنْ آمَنَ بِالله"

لسه يادوب طالعين من اختبار تحويل القبلة إلا وفي اختبار تاني😯

ربنا فرض على المسلمين الصيام، فرض صيام شهر رمضان كامل، يعني كمان أسبوعين المسلمين هيصوموا لأول مرة في حياتهم شهر كامل،
مفيش تدريب قبلها مفيش تهيئة، فجأة كده ربنا قال لهم إن رمضان القادم هتصوموه،
وده صعب عليهم في بيئة صحراوية حارة زي المدينة،
" يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ"

ومش بس كده ده اتفرض عليهم الزكاة بالنصاب المعروف دلوقتي،
يعني قبل كده كان في زكاة ، لكن كان على حسب مقدرة كل
واحد، لكن دلوقتي بقى في حد معين مطلوب منهم،
والإنسان بطبيعته مش بيحب القيود وخصوصا القيود المادية، والزكاة مهما كان قيمتها بسيطة إلا إن الإنسان مطبوع على حب المال :
"وَتُحِبُّونَ الْمَالَ حُبًّا جَمًّا"

ومن الفرائض إللي ربنا فرضها على المسلمين في شهر شعبان كان القتال،

☆شوفوا اختبارات وفرائض ورا بعض ورا بعض، وده كله عشان ربنا يُهيء المسلمين للي هيحصل في المستقبل👌

احنا قلنا قبل كده إن ربنا أَذِن للمسلمين بالقتال عشان يدافعوا عن نفسهم ويردوا عن أنفسهم الظلم الواقع عليهم من قريش،
لكن دلوقتي الوضع اختلف، ربنا فرض القتال على المؤمنين👌
شوفوا الآيات:
"وَقَاتِلُوا فِي سَبِيلِ اللَّهِ الَّذِينَ يُقَاتِلُونَكُمْ وَلا تَعْتَدُوا إِنَّ اللَّهَ لا يُحِبُّ الْمُعْتَدِينَ"
"وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُم مِّنْ حَيْثُ أَخْرَجُوكُمْ ۚ وَالْفِتْنَةُ أَشَدُّ مِنَ الْقَتْلِ ۚ"
"وَقَاتِلُوهُمْ حَتَّىٰ لَا تَكُونَ فِتْنَةٌ وَيَكُونَ الدِّينُ لِلَّهِ"

الآيات دي لما نزلت كان لها الأثر الكبير على المشركين وعلى اليهود وعلى المسلمين أنفسهم
الناس بصفة عامة بتكره القتال لأن الحروب لا تأتي إلا بالدمار والخراب وقتل الناس😓
"كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ "
لكن في نفس الوقت الشيء إللي المسلمين كارهينه ده قد يكون خير لهم وهم مش شايفينه،
"وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ""

عموم المسلمين تقبلوا أمر ربنا عادي، لكن في بعض المسلمين مشفتش الخير إللي وارء الأمر ده،
وطلبوا من رسول الله ﷺ إنه يؤجل لهم القتال، يعني هم مقتنعين بأمر ربنا،
بس بسبب ضعف إيمانهم وخوفهم من اتحاد المشركين واليهود، والمؤمنين لسه قلة، فقالوا نؤجل موضوع القتال،
والكلام ده طالع من مين، طالع من صحابة،
لكن من حكمة ربنا إن يحصل موقف زي ده مع رسول الله ﷺ عشان احنا نعرف نتعامل معاه إزاي👌
والغريب إن الطائفة دي هي هي إللي لما كانوا في مكة مكنوش قادرين يصبروا على أذى المشركين وكانوا عايزين يحاربوهم في الوقت إللي ربنا كان مانع الرد على المشركين،
يعني عندهم الموضوع معكوس،
شوفوا ربنا بيقول إيه في وصف الموقف ده:
"أَلَمْ تَرَ إِلَى الَّذِينَ قِيلَ لَهُمْ كُفُّوا أَيْدِيَكُمْ وَأَقِيمُوا الصَّلَاةَ وَآتُوا الزَّكَاةَ "
في فترة مكة يعني،
"فَلَمَّا كُتِبَ عَلَيْهِمُ الْقِتَالُ إِذَا فَرِيقٌ مِّنْهُمْ يَخْشَوْنَ النَّاسَ كَخَشْيَةِ اللَّهِ أَوْ أَشَدَّ خَشْيَةً ۚ"
فلما ربنا فرض القتال في المدينة كان رد فعلهم مختلف،
مع إنهم المفروض أول ناس تكون مرَحبة بالقتال لأنهم هم إللي طلبوا في الأول،
"وَقَالُوا رَبَّنَا لِمَ كَتَبْتَ عَلَيْنَا الْقِتَالَ لَوْلَا أَخَّرْتَنَا إِلَىٰ أَجَلٍ قَرِيبٍ"

لكن بسبب ضعف الإيمان دخل الخوف في قلوبهم،
وربنا قال لهم ولأي أحد ممكن يكون في موقفهم الحل :
"قُلْ مَتَاعُ الدُّنْيَا قَلِيلٌ وَالْآخِرَةُ خَيْرٌ لِّمَنِ اتَّقَىٰ وَلَا تُظْلَمُونَ فَتِيلًا"
الدنيا مهما عيشتم فيها خايفين على عمركم فالمتاع بتاعها قليل،
أما الآخرة هتعيشوا فيها للأبد متاعها لا ينتهي،
ووضع ربنا لهم ولنا قاعدة مهمة جدا في الآية إللي بعدها على طول👌
"أَيْنَمَا تَكُونُوا يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ"
إنتم خايفين من اتحاد المشركين واليهود عشان ممكن يقتلوكم، طيب مانتم كده كده هتموتوا،
مهما اختبأتم ومهما تحصّنتم في الحصون لكم عُمْر محدد مجرد ما ينتهي هتموتوا،
سواء كنتم داخل المدينة وسط أهلكم أو بتقاتلوا المشركين واليهود، ومادام إنتم كده كده هتموتوا يبقى تموتوا وتكونوا في مكانة عالية👌
فلما ذكر لهم رسول الله ﷺ آيات القرآن رجعوا عن كلامهم ومحدش تخلف منهم عن رسول الله ﷺ بعد كده😊

كل الأحداث دي كانت بتدل إن في حاجة هتحصل قريب
دخل شهر رمضان وصامه المسلمون،

احنا قلنا من شوية إن ربنا فرض صيام رمضان، لكن الفرض هنا كان فرض اختياري،
يعني إللي عايز يصوم يصوم، وإللي مش عايز يصوم ميصمش لكن بشرط👌
وهو إنه بكل يوم هيفطره هيطعم قصاده مسكين،
"أَيَّامًا مَّعْدُودَاتٍ ۚ فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۚ
وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ ۖ فَمَن تَطَوَّعَ خَيْرًا فَهُوَ خَيْرٌ لَّهُ ۚ وَأَن تَصُومُوا خَيْرٌ لَّكُمْ"

شوفوا
في حاجة اسمها الأمر على الوجوب والأمر على الاستحباب، يعني في أوامر من ربنا فرض مفيهاش كلام، وفي أوامر من ربنا مستحبة،
فربنا فرض صيام رمضان وأمر به في الأول على وجه الاستحباب،
فلما الناس جربوه واتعودوا عليه وبدأوا يختاروا الصيام بإرادتهم، ربنا فرض عليهم الصيام الفرض الإلزامي،
طبعا باستثناء المريض أو المسافر
فهو كان بيعمل لهم تهيئة الأول،

كان الصيام من الفجر إلى المغرب لكن لو الصائم لم يفطر عند المغرب ونام، لا يجوز له إنه يأكل أي شيء،
وينتظر لتاني يوم المغرب عشان يأكل أو يشرب، وكان اقتراب الرجل من زوجته في الليل محرم طول شهر رمضان،
فكان واحد من الأنصار بيشتغل في النخيل بالنهار وكان صائم،
فلما حضر وقت الإفطار سأل زوجته عندك طعام؟
قالت له : لأ، ولكني هروح أجيب لك أكل😕
وكان شغال طول اليوم وتعبان فغلبته عينه ونام، فجاءته زوجته ومعاها الأكل فلما شافته نام قالت:
خيبةً لك!! يعني بالعامية يا خيبتك😅
زعلانة عليه يعني إنه نام وكان تعبان ومش هياكل غير تاني يوم المغرب،
فلما وصل لنصف النهار وهو صائم أُغْميَ عليه، فأخبروا رسول الله ﷺ، فنزلت آية التخفيف من ربنا،
"أُحِلَّ لَكُمْ لَيْلَةَ الصِّيَامِ الرَّفَثُ إِلَىٰ نِسَائِكُمْ"
"وَكُلُوا وَاشْرَبُوا حَتَّىٰ يَتَبَيَّنَ لَكُمُ الْخَيْطُ الْأَبْيَضُ مِنَ الْخَيْطِ الْأَسْوَدِ مِنَ الْفَجْرِ ۖ ثُمَّ أَتِمُّوا الصِّيَامَ إِلَى اللَّيْلِ ۚ "

في شهر رمضان عرف رسول الله ﷺ إن في قافلة لقريش جاية من الشام،
وكانت القافلة دي من أكثر قوافل قريش مالا، فيها ألف بَعير،وما لا يقل عن خمسين ألف دينار ذهبي،
يعني لو المسلمون عرفوا يأخذوها هتبقى غنيمة كبيرة جدا لهم، وضربة اقتصادية شديدة لقريش👌
وكان القائد على القافلة دي أبو سفيان بن حرب، سيد من سادات مكة، وكان إللي بيحرس القافلة حوالي ثلاثين إلى أربعين رجل،
فلأهمية القافلة دي قرر رسول الله ﷺ إنه يخرج للقافلة دي بنفسه وجمع معاه أكبر عدد ممكن من الصحابة،
ولأول مرة يخرج الأنصار مع رسول الله ﷺ في غزوة،
لما كان في المدينة عرض أمر الخروج للقافلة على المسلمين،
فوافق أبو بكر ووافق عمر،
وقال سعد بن عبادة زعيم الخزرج والله يارسول الله لو أمرتنا إننا نروح معاك لحد اليمن هنروح👌
فخرج مع رسول الله

ﷺ المرة دي حوالي ثلاثمائة وثلاثة عشر أو أربعة عشر أو سبعة عشر صحابي،
كان المهاجرين ثلاثة وثمانون، وكان الأنصار مائتين وواحد وثلاثين،
يعني ثُلثين الجيش تقريبا كان من الأنصار،
بدأ رسول الله ﷺ يجهز ويرتب الجيش عشان يطلع يعترض قافلة أبو سفيان،

هل هيقدر رسول الله ﷺ إنه يأخذ القافلة ويعوض المهاجرين عن خسارتهم؟
ده إللي هنعرفه الجزء الجاي إن شاء الله 😊

#السيرة_النبوية
#ايمان_شلبي

*تسجيل الحلقة ال 6️⃣1️⃣ من فقه النكاح والطلاق وفيها*
*📌حكم الطلاق وبيد من يكون*
*📌الفاظ الطلاق*
د/وفاء العبيدي

همتي قلت كثيرا في الدعاء، بقيت أقول المكتوب هيحصل وخلاص؛ لأنى دعيت كتير وسنين طويلة بالزوج الصالح ولا يحدث، قل لي شيئا يعيد همتي للدعاء.

ج/ الدعاء طاقة لا تتبدد، وثواب لا ينقطع.

هو في صحيفتك..

يدفع عنك بلاءً،
أو يرفعك في الجنة درجة،
أو يقرِّبك من تحقيق المطلوب،
أو يعوِّضك عن المطلوب بما هو خير منه، فكيف تتوقفين عن الدعاء؟!

الدعاء لا يأتي إلا بخير،
لكن الله سبحانه وتعالى وحده هو الأعلم بهذا الخير.
وهو القادر على إيصاله إليك.

د.خالد أبوشادي

نفسي امنع نفسي من التبرج يا شيخ :( بس انا بحب الميك اب والعطور واللبس القصير الضيق قل لي شيئا يثبتني والله بحب اتبرج مش علشان الشباب بحب اكون حلوة بين البنات وابرز جمالي قدام البنات بس طبعا كدا هيبان كل حاجة قدام الشباب قل لي شيئا يبعدني عن هذا التفكير و راعي حبي للتبرج..

ج / لن تحصل لك النجاة يوم القيامة حتى تتركي ما تحبين إلى ما يحبه الله ورسوله، فإن وافقه ما تحبين ما يحبه الله فتلك نعمة يجب شكرها، وإن خالف هواك ما يحبه الله فتلك ذنوب يجب تركها.

ولا يمنع الإسلام الزينة عن المرأة ، لأنها مسألة فطرية تنزع إليها، ولكن ينظم ذلك ويوجهه مع من يحل له رؤية ذلك.

قال النبي صلى الله عليه وسلم : " صنفان من أهل النار لم أرهما: قوم معهم سياط كأذناب البقر يضربون بها الناس، ونساء كاسيات عاريات مميلات مائلات رؤوسهن كأسنمة البخت المائلة لا يدخلن الجنة ولا يجدن ريحها" رواه مسلم

وقال صلى الله عليه وسلم: "أيما امرأة استعطرت فمرت على قوم ليجدوا ريحها فهي زانية" رواه النسائي وغيره.

قال سبحانه: {فَلَا وَرَبِّكَ لَا يُؤْمِنُونَ حَتَّىٰ يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنفُسِهِمْ حَرَجًا مِّمَّا قَضَيْتَ وَيُسَلِّمُوا تَسْلِيمًا}.

الشيخ سالار حسو

لو سرقت فلوس وانا طفل أعمل ايه ؟ هل أردها وللا ليس عليا وزر ؟ وأردها ازاي لو مش متذكر قيمتها ؟

ج / الحمد لله وحده.

لا بد من ردها، وحاول أن تتذكر قيمتها، أو تحتاط في التقدير.

الشيخ خالد بهاء الدين

لو شتمت وضوئي كده انتقض !!

ج / الشتم لا ينقض الوضوء ، والمسلم ليس بشتام.

الشيخ وجدان العلي

لو تكرمت يا شيخ، أريد منك كلاما يشجعني ويساعدني على تجاوز القلق والخوف خاصة وأنني خضت تجربة أليمة وأخاف أن تتكرر.

ج/ أكثر مخاوفنا ناشئ من أوهامنا والإصغاء إلى الوساوس، وما رأيت شيئا يدفع هذه الأشياء عن النفس مثل التدثر برحمة الله -عَزَّ وَجَل- علينا في السجود وإطالة المناجاة، والانشغال بما ينفعنا، والتعلق دائما بقول أرحم الراحمين: {الشيطان يعدكم الفقر ويأمركم بالفحشاء والله يعدكم مغفرةً منه وفضلا}.

فليس للشيطان عمل مثل بث المخاوف والهموم والأحزان في قلب الإنسان!

ومن تأمل فضل الله -عَزَّ وَجَل- عليه للحظة؛ لاطمأن قلبه وأحسن الظن بربه جَلَّ جَلاله، وأنجز ما يحسنه في حياته.

الشيخ وجدان العلي

هم ولادنا بيجيبوا الوقت ده كله للأجهزة منين ؟

عشان مش بيشيلوا أطباقهم
عشان مش بيعملوا سندويتشاتهم
عشان مش بيقعدوا مع اخواتهم
عشان مش بيروحوا يشتروا طلبات البيت
عشان مش بيكووا هدومهم
عشان مش بيقروا
عشان مش بيكلموا أو يزوروا قرايبهم
عشان مش بيساعدوا جيرانهم
عشان مش بينزلوا يتمشوا مع أصحابهم
عشان مش بيقعدوا معانا يسألونا عن يومنا
عشان مش بيساعدوا اخواتهم في واجباتهم
عشان مش بيغيروا ديكور اوضتهم
عشان مش بيعملوا فطار ولا عشا
عشان مش بينزلوا يصلوا في المسجد

افتكروا كده احنا كنا بنعمل ايه في يومنا زمان ..

احنا اللي دلعنا ولادنا .. و نزلنا سقف توقعاتنا منهم .. و بقينا بنعمل لهم كل حاجة !

متخيلين الانسان اللي مايعرفش في الدنيا غير موبايله ده .. هايطلع شكله ايه لما يكبر ؟!!!

ادوهم مسؤوليات .. وتابعوهم .. وحددوا وقت الأجهزة .. و ماتخافوش من ثورتهم و اعتراضهم ..

مسؤوليتنا قدام ربنا نطلع انسان متزن .. مسؤول عن نفسه .. و حاسس بمسؤليته عن غيره ..

وعن_عمره_فيما_أفناه

*الأربعون النسائية* 🌿

ننتقل لمسألة أخرى أثيرت حولها الكثير من الشبهات

باب لعن الملائكة لمن تهجر فراش زوجها حتى تصبح أو ترجع:
عن أبي هريرة قال : قال النبي ﷺ : (إذا باتت المرأة مهاجرة فراش زوجها لعنتها الملائكة حتى ترجع).

إن الزواج مبني على التفاهم والمحبة والتراحم والمعاشرة الحسنة بالمعروف وإعطاء كل من الزوجين للآخر حقه ، قال الله تعالى:﴿ وَعَاشِرُوهُنَّ بِالْمَعْرُوفِ ﴾و﴿ وَلَهُنَّ مِثْلُ الَّذِي عَلَيْهِنَّ بِالْمَعْرُوفِ ﴾

وينبغي لكلا الزوجين أن يكون سترًا ولباسًا لصاحبه يعفه عن التطلع إلى ما حرم الله تعالى ، وأن يقيما حياتهما على طاعة الله ومن ذلك تشاورهما في برامجهما ، ولكن شرع الله حاكم عليهما ويجب التسليم له دائمًا . ولا شك أن امتناع الزوجة عن موافقة زوجها في طلب الفراش معصية خطيرة يجب الحذر منها ؛ لما توجبه من سخط الله ولعن الملائكة ، كما في الصحيحين عن أبي هريرة رضي الله عنه أن النبي ﷺ قال: ( إذا دعا الرجل امرأته إلى فراشه فلم تأته فبات غضبان عليها ، لعنتها الملائكة حتى تصبح ).
وفي صحيح مسلم عن أبي هريرة رضي الله عنه أن النبي ﷺ قال: ( والذي نفسي بيده ما من رجل يدعو امرأته إلى فراشه فتأبى عليه إلا كان الذي في السماء ساخطًا عليها حتى يرضى عنها ).

فهل تدخل الزوجة في هذا الوعيد إذا كانت معذورة؟
بالطبع لا

لا تلعن الملائكة الزوجة الممتنعة عن فراش زوجها إلا أن تكون غير معذورة ، فإن كانت معذورة بمرض أو حيض أو نفاس أو صوم واجب فإنها لا تُلعن ولا حرج عليها إن لم تجبه إلى ذلك ، بل يأثم زوجها الذي يدعوها ويصر على دعوتها أو يكرهها وهو يعلم حالها . بل قد يحرم عليها إجابته ، كأن دعاها وهي حائض ، أو صائمة في صيام واجب أو محرمة بنسك.

ومن جملة ما ذكره بعض أهل العلم في أعذار المرأة التي تخرجها من هذا الحديث ، ما لو كان الزوج ظالمًا لها بهجرها ، فامتنعت عنه عقوبة له على ظلمه ، فإن الحديث لا يشملها .
قال ابن حجر : "أما لو بدأ هو بظلمها فلا" أي: فلا يتجه عليها اللوم الوارد ، وهذا مقتضى العدل الذي قامت به السموات والأرض ، قال الله تعالى: ﴿ وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ ﴾، وقال سبحانه: ﴿ وَجَزَاءُ سَيِّئَةٍ سَيِّئَةٌ مِثْلُهَا ﴾.
ويمكن أن يستدل لعدم مؤاخذتها بسبب ظلمه ، بما رواه البخاري من حديث عبد الله بن زمعة س أن النبي ﷺ قال: ( لا يجلد أحدكم امرأته جلد العبد ثم يجامعها في آخر اليوم ).



#الأربعون_النسائية
#هبة_حلمي

وتمدّدتْ . . . ذاتُ الجمالِ، على سريرِ الغاسِلةْ . .
وتجمّدتْ كلُّ الملامحِ وارتخى الكتِفانِ يعتذرانِ .. عن تلكَ الثّنايا النّاحِلةْ
وتهيّأتْ مِثْلَ الجميعِ ..
تقولُ إني راحِلةْ . .
سكنَ الشُّحوبُ وزُرْقةُ الأمواتِ في قسماتِها
أين المساحيقُ التي ذابتْ على وَجَناتِها
أين الأناقةُ والبريقُ يُطِلُّ من لفتاتِها
وحدائقُ الحُسنِ المضيءِ تميسُ في ضحكاتِها .
رِفقًا بهذا الوجهِ والجيدِ الذي أودى بهِ طوقُ الأجلْ !
كم ماسَ تيهًا واشرأبْ
كم مالَ للدّنيا بِحُبْ
كم هزّهُ صوتُ الطّربْ وانساقَ يحدوهُ الأمل . . .
لا تخدشي ديباجةَ النّحرِ اللميسِ السّاحِرِ
كمْ كانَ هذا النّحرُ يزهو ذاتَ يومٍ بالنفيسِ الفاخِرِ
يُضفي على الألماسِ بعضَ بريقِهِ
ويهزُّ أرضَ الحُسنِ هزًّا كالعُبابِ السّاخرِ .
ما لليدِ البيضاءِ في صمْتٍ .. تُغادرُها الخواتِمُ والحُليّ
ما للطلاءِ الغضِّ عن تلك الأظافرِ ينجلي
أين التفاصيلُ الصّغيرةُ والنقوشُ تفرّعتْ فوقَ الإهابِ المِخمليّ .
قدْ آنَ للجسدِ المُنعّمِ أنْ يُوارى في الثّرى . .
وكأنّه ما مسَّ ديباجًا ومِسكًا أذفرا . . كلا
، ولا ماءُ الحياةِ بروضِهِ يومًا سرى ! . .

هيّا احضري الثوب "الأخيرَ"

(لنختم القرآن سماعا)

الورد (٢٠٣)

(الربع الثالث & الحزب الواحد الخمسين )

#القارئ: عبدالله بصفر
#ليدبروا على التليجرام
https://www.tg-me.com/GhRoooh/12107

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/OUJzcd-PtOg?feature=shared
#صباحكم_قرآنٌ_يُتلى