#أبشر و #اطمئن

#قصص_الأنبياء(٢)
#السيرة_النبوية
#الحلقة_السابعة_والخمسون
#الطريق_إلى_بدر

كنا واقفين المرة إللي فاتت عند رسول الله ﷺ لما بدأ يجهز الجيش عشان يخرجوا لاعتراض قافلة قريش،
اجتمع لرسول الله ﷺ المرة دي عدد كبير من الصحابة، فقسمهم رسول الله ﷺ لمهاجرين وأنصار وجعل لكل فريق راية،
جعل للمهاجرين راية وكانت مع علي بن أبي طالب، وجعل للأنصار راية وكانت مع سعد بن معاذ،
وجعل راية عامة لكل الجيش وكانت مع مصعب بن عمير،
وجعل رسول الله ﷺ واحد من الصحابة وهو قيس بن صعصعة ومعاه مجموعة صغيرة في مؤخرة الجيش عشان يحمي ظهرهم أو شيء سقط من الجيش يأخذه

خرج رسول الله ﷺ من المدينة مع الجيش وانطلقوا ناحية بدر، لأن عيون المسلمين أو خلونا نقول بلغة عصرنا المخابرات الإسلامية عرفت إن القافلة هتمر في منطقة بدر،
وهي على بُعد سبعين كيلو من المدينة،
فاتجه رسول الله ﷺ ناحية بدر عشان يقطع الطريق على القافلة،
لكن زي ما المسلمين لهم مخابرات، المشركين كمان كان لهم مخابرات
وخصوصا إن قائد القافلة مش حد سهل ده أبو سفيان بن حرب من أذكى وأدهى العرب👌
فعرف إن رسول الله ﷺ خرج من المدينة عشان يعترض القافلة، لكنه ميعرفش رسول الله ﷺ وصل لحد فين بالضبط،
فمحبش يغامر ويضيع وقت،
راح باعت واحد من إللي كانوا معاه لقريش عشان يقول لهم يلحقوا القافلة بتاعتهم،
القافلة دي فيها أموال كثيرة جدا ولو خسروها هتبقى كارثة لأن كل قريش مشاركة في القافلة دي
بعث أبو سفيان واحد اسمه ضَمْضَم بن عمرو الغفاري، لما وصل ضمضم لمكة وقبل ما يدخل عمل حاجة عجيبة جدا
قطع قميصه ودخل مكة يصرخ:
يا معشر قريش!! الغَوْث الغوث!! اللطيمة اللطيمة😱
الحقوا محمد هياخد أموالكم إللي مع أبو سفيان😱
يعني الحقوا القافلة وأغيثوها لأن محمد خرج وهياخدها ويا تلحقوها يا متلحقوهاش

أهل مكة شافوا منظر ضمضم وصريخه، ولسه إللي حصل في سرية نخلة مأثر فيهم،
فكلهم قاموا وأخذوا الموضوع بجدية، وقعد أبو جهل يحمسهم وبدأوا يجهزوا جيش عشان يروحوا يلحقوا القافلة،
وده كان من ذكاء ضمضم،
تخيلوا لو كان دخل عليهم عادي كده وقال لهم أبو سفيان بيقول لكم الحقوه عشان محمد هيهجم على القافلة، كان رد فعلهم هيكون إيه
كانوا هيقعدوا يسألوا في التفاصيل ،
وليه وإزاي وإيه إللي حصل ، وعلى ما يعرفوا التفاصيل وياخدوا القرار هتكون القافلة ضاعت،
فهو عمل الحيلة دي عشان يخرجوا بأسرع وقت ممكن

قريش جمعت جيش كبير جدا حوالي ألف وثلاثمائة مقاتل وخرجوا عشان ينقذوا القافلة،
وخرج كل سادات قريش تقريبا، أبو جهل ، عقبة بن أبي مُعَيْط، ، عتبة بن ربيعة، أُبي بن خلف، وغيرهم،
ولم يخرج أبو لهب ...خاف، وخلى واحد تاني كان عليه دين لأبي لهب يخرج مكانه،
فقال له أبو لهب اخرج مكاني وأنا هتنازل عن الدين، فخرج الرجل مكان أبي لهب،
أمية بن خلف بقى مكنش عايز يطلع معاهم😕
لأنه خايف من كلام سعد بن معاذ إللي كان قاله له قبل كده إن رسول الله ﷺ قال إنهم هيقتلوه،
فلما عرف أبو جهل إن أمية بن خلف مش ناوي يخرج جاء له وقال له:
يا أبا صفوان!
إنت لو قعدت ومطلعتش مع الناس، الناس هيتكاسلوا ومش هيرضوا يخرجوا، فأقنعه بالخروج معاهم،
ولما تجهز أمية بن خلف للخروج زوجته قالت له :
مش فاكر لما صاحبك من يثرب قال لك إن محمد قال إنه هيقتلك، بلاش تخرج😥
فقال لها: أنا مش هخرج معاهم، أنا بس همشي معاهم شوية وأرجع👌
خرجوا كلهم واختار المشركون أبو جهل عشان يكون قائد الجيش،
لكن واجهتهم مشكلة
وهي إنهم خافوا من قبيلة بني بكر، خافوا ليخرجوا من مكة فتقوم بني بكر هاجمة على مكة وهم كان بينهم ثارات قديمة، فاحتاروا😕
فجاء الشيطان وتمثل في صورة رجل من أشراف بني كنانة هو سراقة بن مالك وقال لهم:
أنا هجيركم وأحميكم من بني بكر فاخرجوا ومتقلقوش 👌
"وَإِذْ زَيَّنَ لَهُمُ الشَّيْطَانُ أَعْمَالَهُمْ وَقَالَ لَا غَالِبَ لَكُمُ الْيَوْمَ مِنَ النَّاسِ وَإِنِّي جَارٌ لَّكُمْ"

فانطلق الجيش من مكة متوجه ناحية المدينة، وكان جيشهم فيه مائة فرس وستمائة درع، ومعاهم جمال كثيرة جدا ،
وكانوا بيذبحوا كل يوم عشرة جمال عشان ياكلوها،
في حين إن المسلمين الثلاثمائة إللي خرجوا كان كل ثلاثة بيبدلوا على بعير،
يعني واحد يركب واثنين يمشوا وهكذا، وكان أكلهم في الرحلة دي التمر، فالمسلمين بصفة عامة كانوا فقراء،
فلو بصينا للوضع هنلاقي إن رسول الله ﷺ في خطر،
ناس جايين متجهزين وواكلين وعلى أتم الاستعداد،
في مقابل رسول الله ﷺ وأصحابه إللي خارجين عشان يعترضوا قافلة عليها أربعين رجل فقط

في الوقت إللي جيش قريش كان خرج من مكة،
كان أبو سفيان عرف إن جيش رسول الله ﷺ هينتظر القافلة في بدر،
فراح أبو سفيان مغير اتجاهه وعرف يهرب بالقافلة من طريق تاني👌
كده القافلة بقت في أمان، فبعث أبو سفيان رسالة للجيش إللي خرج يقول لهم ارجعوا لأن خلاص السبب إللي خرجتم عشانه بقى في أمان فمفيش داعي لأي قتال،
طبعا إللي فرح بالموضوع ده أكثر واحد أمية بن خلف

وفي ناس برده مكنوش عايزين يدخلوا في معركة مع رسول الله ﷺ، لأنهم هيقاتلوا أبناءهم أو إخوانهم،
فمصدقوا إن القافلة بقت في أمان عشان يرجعوا، لكن أبو جهل معجبوش الموضوع،
راح قايم واقف وقال لهم:
والله ما هنرجع إلا لما نوصل بدر ونقعد فيها ثلاثة أيام فنذبح الذبائح ونشرب الخمر ونعمل حفلة وتسمع بينا العرب وبقوتنا فيخافوا مننا 😤
"خَرَجُوا مِنْ دِيَارِهِمْ بَطَرًا وَرِئَاءَ النَّاسِ وَيَصُدُّونَ عَنْ سَبِيلِ اللَّهِ "

لكن في ناس رفضت كلام أبو جهل، وانشقوا عنه زي الأَخنس بن شُرَيْق، أخذ معاه بني زُهْرة وكانوا ثلاثمائة رجل ورجع بهم لمكة، وبكده جيش الكفار بقى ألف رجل فقط،
لكن برده لسه العدد كبير في مقابل ثلاثمائة من المسلمين😕
وصل جيش مكة لمكان قريب من بدر اسمه العُدْوَة القصوى،

في الأثناء دي كان وصل لرسول الله ﷺ الأخبار إن القافلة هربت وإن قريش خرجوا بجيش كامل عشان يحاربوا المسلمين
طبعا الوضع صعب دلوقتي، احنا خارجين من المدينة بجيش قوي بالنسبة لقافلة بسيطة،
لكن بالنسة لجيش منظم موقفنا خطير، واحنا مش عاملين حسابنا، طيب إيه الحل😥
مفيش غير حلين : إما إن رسول الله ﷺ يرجع للمدينة ويتجنب مواجهة المشركين،
أو إنه يتقدم لبدر ويحصل الصدام والمواجهة مع قريش،

والاختيارين أحلاهما مر😐
تعالوا كده نفكر مع رسول الله ﷺ في مميزات وعيوب كل اختيار👌
◇الاختيار الأول: إنهم ينسحبوا ويرجعوا للمدينة،
لو المسلمين انسحبوا ده هيهز كيان المسلمين ويضعفهم،
وهيخلي المشركين يتمادوا في حرب المسلمين، كل شوية هنلاقيهم جايين بجيش،
وكمان هيضيع مكاسب سرية نخلة بإنهم بقى لهم شوكة والناس بتخاف منهم،
ثم مش بعيد إن المسلمين لو انسحبوا ورجعوا للمدينة المشركين يروحوا وراهم ويغزوا المدينة ودي كارثة 😶

◇الاختيار الثاني: إنهم يواجهوا المشركين ويقاتلوهم
لكن المشكلة إن أعدادهم قليلة وغير مجهزين😕

رسول الله ﷺ كان رأيه إنه يواجه المشركين و يقاتلهم،
لكنه ميقدرش يفرض رأيه على الناس إللي معاه زي أبو جهل ما عمل،
لأن احنا في الإسلام عندنا مبدأ الشورى، وهو ده إللي عمله رسول الله ﷺ، جمع الجيش بتاعه سواء القادة أو عامة الجيش وبدأ يسألهم نعمل إيه؟
المستشار الأول لرسول الله ﷺ أبو بكر الصديق قال له :
نقاتلهم يارسول الله👌
المستشار الثاني عمر بن الخطاب رضي الله عنه قال نفس كلام أبو بكر،
واحد من أصحابه ﷺ وهو المقداد بن عمرو قال لرسول الله كلمة فرح بها رسول الله ﷺ جدا قال:
يا رسول الله! اعمل إللي إنت شايفه صح، فوالله مش هنقول لك كما قال بنو إسرائيل لموسى اذهب أنت وربك فقاتلا فإنا هاهنا قاعدون،
ولكن هنقول لك : اذهب أنت وربك فقاتلا إنا معكما مقاتلون👌

سورة البقرة كانت أول سورة نزلت في المدينة بعد الهجرة، وكانت بتتكلم عن بني إسرائيل بعد ما موسى عليه السلام خرج بهم من مصر،
فربنا بيقول للصحابة شوفوا بني إسرائيل عملوا إيه مع نبيهم، بعد ما ربنا نجاهم من فرعون الطاغية،
خدوا بالكم متعملوش زيهم👌
الصحابة فهموا من قصص الأنبياء إن ربنا مش بيحكي لهم القصص دي للتسلية، ولكن للعبرة والعظة والتعلّم
وجاء وقت التطبيق العملي👌
ربنا نجّى الصحابة من ظلم قريش وخرجوا مع رسول الله ﷺ لمكان آمن،
فجاء وقت الاختبار دلوقتي يا ترى هتعملوا إيه، هتعملوا زي بني إسرائيل ولا هيكون لكم موقف ثاني💁‍♀️
وكان للصحابة فعلا موقف ثاني، الصحابة مكرروش غلطة بني إسرائيل واتعلموا الدرس،
وقالوا لرسول الله ﷺ إنهم معاه ومش هيسبوه مهما كان قراره👌

على الرغم من كلام المقداد إلا إن رسول الله ﷺ لسه بيطلب من أصحابه المشورة:
أشيروا علي أيها الناس! نعمل إيه؟!

طبعا احنا مستغربين من تكرار طلب رسول الله ﷺ المشورة بعد كلام أبو بكر وعمر والمقداد🤔
أصل إللي اتكلموا دول كانوا من المهاجرين ورسول الله ﷺ عايز يسمع رأي الأنصار،
لأن بيعة العقبة الثانية إللي بايع فيها الأنصار كانت بيعة على نُصرة رسول الله ﷺ والدفاع عنه داخل المدينة،
وهم دلوقتي خارج المدينة فرسول الله ﷺ عايز يعرف رأي الأنصار إيه وخصوصا إنهم ثلثين الجيش يعني هم الأغلبية
فلما كرر رسول الله ﷺ طلب المشورة ، سعد بن معاذ سيد الأوس وحامل لواء الأنصار انتبه وقال لرسول الله ﷺ:
كأنك عايز رأينا احنا يا رسول الله🤔
فقال له رسول الله ﷺ: أيوة عايز رأيكم!
فقال سعد بن معاذ رضي الله عنه:
يا رسول الله! احنا آمنا بك وصدقناك، وشهدنا إن إللي إنت جئت به ده هو الحق🤚
وعلى الأساس ده عاهدناك على السمع والطاعة، فاعمل إللي إنت عايزه يا رسول الله وشايفه مناسب،
فوالله لو مشيت في البحر لنمشي وراك من غير ما ولا واحد فينا يتخلف عنك👌
واحنا لا نكره إنك تستعملنا في مواجهة عدونا،
فاحنا بنصبر في الحرب، ولعل ربنا يُريك منا إللي يفرحك ويُقر عينك به، فامشي على بركة الله

روح المكان إللي إنت عايزه، واعمل علاقات مع الناس إللي إنت عايزها،
واقطع علاقات مع الناس إللي إنت مش عايزها،

وخذ من أموالنا إللي إنت عايزه، وأعطنا إللي إنت عايزه،
مع العلم إن إللي إنت بتأخذه مننا أحب إلينا من إللي إنت بتتركه لنا،
وأي قرار احنا بناخده هو تابع لقرارك😊

رسول الله ﷺ بعد ما سمع كلام سعد فرح واتحرك بكل نشاط وحماس وقال لهم :
سيروا وأبشروا، فإن الله وعدني إما النصر على المشركين أو إننا نأخذ القافلة 👌
بدأ المسلمين يخططوا إزاي هيواجهوا المشركين،
عملوا إيه واختاروا أرض المعركة إزاي،

ده إللي هنعرفه الجزء الجاي إن شاء الله😁

#السيرة_النبوية
#ايمان_شلبي

#رسائل_من_القرآن #أدهم_شرقاوي 🤲🏻

*الأربعون النسائية*🌿


وننتقل لأمر آخر وضح النبي صلى الله عليه وسلم أن سبب لكون أهل النار من النساء
فهل تعرفن ما هو؟

عن ابن عباس رضي الله عنه قال: قال رسول الله ﷺ : ( أريت النار ، فإذا أكثر أهلها النساء يكفرن قيل: "أيكفرن بالله؟" قال: يكفرن العشير ، ويكفرن الإحسان ، لو أحسنت إلى إحداهن الدهر ثم رأت منك شيئا قالت: " ما رأيت منك خيرا قط" ).

والعشير: هو المعاشر ـ أي المخالط ـ والمراد به في هذا الحديث الزوج.

وكفران نعمته جحدها وإنكارها وعدم شكرها ، وإنما اختصت النساء بكونهن أكثر أهل النار وبالذم على كفران العشير ؛ لأن وقوع ذلك منهن أكثر.

قال المناوي: فرأيت أكثر أهلها النساء ؛ لأن كفران العشير والعطاء وترك الصبر عند البلاء فيهن أكثر.

وهذا الوصف "كفران العشير ، أو كفرن الإحسان" ، هو أغلبي ، وليس عامًا لهن كلهن ؛ ذلك أن فيهن – ولا شك – من هن من ذوات الإيمان ، وذوات التقوى ، ومن تخاف الله, وتراقبه.

كما أن في الرجال - أيضًا - من هو جاحد للإحسان ، وجاحد للمعروف ، قال الله :﴿ إِنَّ الْإِنْسانَ لِرَبِّهِ لَكَنُودٌ ﴾
قال الحسن: "يعد المصائب ، وينسى النعم".

وليس هذا الوعيد مختصًا بالنساء ، بل هو عام في جحد النعمة وكفران العشير ، فقد بين العلماء أن هذا الحديث يستفاد منه ما هو أعم من شكر نعمة الزوج وعدم جحد معروفه ، بل يشمل حفظ النعم والشكر لمن أسدوه .

قال العيني ـ رحمه الله ـ في بيان فوائد هذا الحديث: منها: تحريم كفران الحقوق والنعم ، إذ لا يدخل النار إلا بارتكاب حرام.

وقال النووي: توعده على كفران العشير وكفران الإحسان بالنار يدل على أنهما من الكبائر.

وقال ابن بطال: فيه دليل على أن العبد يعذب على جحد الإحسان والفضل وشكر النعم ، قال وقد قيل إن شكر المنعم واجب.

وبه يتبين لك أن الذي يجحد النعمة وينكرها من غير سبب متعرض للوعيد ، وفي الترمذي من حديث أبي سعيد س ( من لم يشكر الناس لم يشكر الله ).

وقوله ﷺ : ( تكفرن العشير ) ، الكفر هنا بمعنى المعصية ؛ ذلك أن الكفر ، والظلم ، والفسق.. ، كلها قد تطلق على المعصية وهو ما دون الكفر ، ككفر العشير والإحسان والنعمة والحق ، وعلى الكفر المخرج من الملة نفسه ، كالكفر بالله . وإذا كانت الأحاديث قد بينت أن أكثر أهل النار من النساء فقد أرشد النبي صلى الله عليه وسلم النساء إلى شيء يفعلنه فما هو؟

أرشدنا النبي ﷺ إلى التصدق والاستغفار.

فقال ﷺ : ( يا معشرَ النساء ، تصدَّقْنَ ، وأكثِرْنَ الاستغفار ؛ فإنِّي رأيتكنَّ أكثرَ أهل النار ) فإنَّ الاستغفار يجب على كلِّ مذنب ، ويستحبُّ في حقِّ جميع الناس رِجالًا ونساءً ، ولكنه في حق النساء أوجبُ وآكد .

إذا المرأة مأمورة أمرًا متأكدًا برعاية حق زوجها والاعتراف بفضله وأن لا يحملها الغضب لشيء ما رأته أو لتصرف عارض على جحد نعمته وإنكار فضله وأن تقول هذه الكلمة المذمومة ـ ما رأيت منك خيرًا قط ـ وفي الحديث: ( لا ينظر الله إلى امرأة لا تشكر لزوجها وهي لا تستغني عنه ) .

فإذا استفز المرأة الغضب وخالفت هذا الهدي الجليل وعدلت عن سواء السبيل فكفرت نعمة زوجها فلتبادر إلى التوبة النصوح ولتندم على ما اقترفت ، والله يقبل التوبة عن عباده ، فإن تابت توبة صادقة عفا الله عنها ، فإن التائب من الذنب كمن لا ذنب له ، وأما إن أصرت على المعصية ولم تـتب منها فهي متعرضة لهذا الوعيد الذي توعد به الله تعالى كافرات العشير كما أخبر بذلك النبي ﷺ .

وإذا كان الإسلام قد أوجب طاعة الزوج ، فهل عليها طاعته إن أمر بمعصية؟

باب إذا دعا الزوج زوجته إلى معصية فعليها أن تمتنع ولا تجيب:

عن عائشة أن امرأة من الأنصار زوجت ابنتها ، فتمعط شعر رأسها، فجاءت إلى النبي فذكرت ذلك له ، فقالت: "إن زوجها أمرني أن أصل في شعرها" ،فقال: ( لا ، إنه لٌعن الموصلات ).

قد دل القرآن والسنة على أن للزوج حقًا مؤكدًا على زوجته ، فهي مأمورة بطاعته ، وحسن معاشرته ، وتقديم طاعته على طاعة أبويها وإخوانها ، بل هو جنتها ونارها ، ومن ذلك: قوله تعالى : ﴿ الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِم }.

وروى ابن حبان عن أبي هريرة قال : قال النبي ﷺ : ( إذا صلت المرأة خمسها و صامت شهرها و حصنت فرجها و أطاعت زوجها قيل لها : " ادخلي الجنة من أي أبواب الجنة شئت " ) وصححه الألباني ،

وروى أحمد والحاكم عن الحُصين بن مِحصن: "أن عمَّةً له أَتَت النبي ﷺ في حاجة ، ففَرَغت من حاجتها ، فقال لها النبي ﷺ : ( أذاتُ زوج أنتِ؟ ) قالت: "نعم" ، قال: (كيف أنتِ له؟ ) قالت: "ما آلُوه -أي: لا أُقصِّر في حقَّه- إلَّا ما عَجَزتُ عنه" ، قال: ( فانظُري أين أنتِ منه ؛ فإنَّما هو جنَّتُك ونارُك ) .

نسأل سؤالا آخر

ماهو الأولى في الشرع طاعة الزوج أم الوالدين؟

انتظرونا غدا بإذن الله 🌹

#الأربعون_النسائية
#هبة_حلمي

#همسة_الوتر

🔹قال ابن القيم رحمه الله :
*- ربما تكون نائماً على فراشك أو ماضياً في شوؤنك وأبواب السماء تقرع بدعوات لك وأنت لا تعلم ولا تشعر .*
*- ربما من فقير ساعدته ،*
*- أو جائع أعطيته ،*
*- أو حزين أسعدته وأفرحته ،*
*- أو مكروب نفست عنه ،*
*- أو غير ذلك من وجوه البر والإحسان والمعروف ، فصنائع الخير والمعروف لا تضيع لا في الدنيا ولا في الآخرة .*

💌 أذكار النوم
🌹قراءة سورة الملك
🌹وتركم يرحمكم الله
🌹النوم على طهارة

فضل قيام الليل ؟!| الشيخ منصور السالمي ونايف الصحفي

💎💎 اللهم آت نفوسنا تقواها وزكها أنت خير من زكاها 🤲🏻

(لنختم القرآن سماعا)

الورد (٢٠٤)

(الربع الرابع & الحزب الواحد الخمسين )

#القارئ: عبدالله بصفر
#ليدبروا على التليجرام
https://www.tg-me.com/GhRoooh/12108

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/5h4VM845RjE?feature=shared
#صباحكم_قرآنٌ_يُتلى

*تريد أن يحبك اللَّه ؟|الشيخ عبد الرزاق البدر*☁️☁️

#قصص_الأنبياء(٢)
#السيرة_النبوية
#الحلقة_الثامنة_والخمسون
#قبل_معركة_بدر

اتكلمنا المرة إللي فاتت عن تجهيزات جيش مكة لحرب المسلمين، وشوفنا في المقابل قلة تجهيزات الجيش الإسلامي بقيادة رسول الله ﷺ،
وصل جيش مكة لمكان اسمه العُدْوة القصوى يعني جنوب وادي بدر،
ووصل رسول الله ﷺ للعُدْوة الدنيا يعني للجزء الشمالي منه،
وفي نفس الوقت ده كانت قافلة أبو سفيان موجودة على نفس خط الجيشين،
يعني هم الثلاثة كانوا على ثلاث خطوط متوازية ||| ومحدش يعرف حاجة عن الثاني 😮
شوفوا وصف ربنا في القرآن:
"أَنتُم بِالْعُدْوَةِ الدُّنْيَا وَهُم بِالْعُدْوَةِ الْقُصْوَىٰ وَالرَّكْبُ أَسْفَلَ مِنكُمْ ۚ وَلَوْ تَوَاعَدتُّمْ لَاخْتَلَفْتُمْ فِي الْمِيعَادِ ۙ وَلَٰكِن لِّيَقْضِيَ اللَّهُ أَمْرًا كَانَ مَفْعُولًا"
دلوقتي محتاجين نعرف مكان الجيش بالضبط، فخرج رسول الله ﷺ بنفسه ومعاه أبو بكر الصديق في عملية استكشافية وعرفوا مكان الجيش إللي كان في العُدوة القصوى،
١_استعدي بالمراجعة لكن رسول الله ﷺ معرفش عددهم كان كم بالضبط، ولا عدد قادتهم ولا وضع الجيش الداخلي كان إيه🤔
فأرسل زي ما تقولوا فرقة استكشافية صغيرة
كان فيها علي بن أبي طالب والزبير بن العوام وسعد بن أبي وقاص،
قدرت الفرقة دي إنها تمسك غلامين من جيش قريش، فأخذوهما وراحوا لرسول الله ﷺ،
وبدأ يسألهم عن الجيش وعددهم أد إيه، فقالا له : احنا منعرفش😕
فسألهم : طيب هم بيذبحوا في اليوم كم بعير، يعني بيذبحوا كم جمل عشان يأكلوا؟
فقالا له: يوم بيذبحوا تسعة ويوم بيذبحوا عشرة🤔
فقال رسول الله ﷺ :
عدد الجيش ما بين التسعمائة والألف👌
لأنه كان من المعروف عندهم إن المائة شخص بيكفيهم جمل واحد😉
فسألهم رسول الله ﷺ:
فيهم مين من أشراف قريش؟!
فقالا له: عتبة بن ربيعة وشيبة بن ربيعة
《فاكرينهم وفاكرين إرسالهم لعدّاس لرسول الله ﷺ لما كان في الطائف》
أمية بن خلف وأبو جهل بن هشام، وعقبة بن أبي مُعيط.

فكده كل قادة المشركين موجودين في الجيش وعرف رسول الله ﷺ أعداد جيش المشركين وأنهم ثلاثة أضعاف جيش المسلمين،
يبقى احنا محتاجين نعمل خطة عشان نعوض الفرق في العدد، احنا عددنا قليل بس عندنا إمكانيات تانية ممكن نستغلها
ومن الحاجات إللي ممكن نستغلها لمصلحتنا هي أرض المعركة👌
فاتجه رسول الله ﷺ لأرض بدر عشان يقيم معسكر المسلمين فيها،

،استقر رسول الله ﷺ في أرض بدر وجاء الليل، وفجأة نزل المطر😮
والمطر مع أرض رملية يعمل طين ويخلي الحركة صعبة😕
لكن ده محصلش مع المسلمين،
ربنا أنزل عليهم مطر خفيف هين، خلى الأرض متماسكة من تحت أرجلهم، وشربوا منه واغتسلوا،
في حين إن المطر نزل على معسكر المشركين شديد جدا وبقت الأرض مطينة عندهم وعملت برك مية خلتهم مش عارفين يتحركوا

تخيلوا بقى المسلمين هيواجهوا جيش ثلاثة أضعاف عددهم،
فالطبيعي إنهم يكونوا قلقانين وبيفكروا ومش عارفين يناموا،
وخصوصا إن دي أول معركة حقيقية للمسلمين👌
يعني هم في السرايا والغزوات إللي قبل كده كانوا بيخرجوا من المدينة عشان يعترضوا قوافل قريش، بس مكنش بيحصل مواجهة بينهم وبين القوافل إللي كانوا بيخرجوا عشانها،
وطبعا استفادوا كثير من السرايا والغزوات دي بإنهم كسروا الحاجز النفسي إللي كان عندهم، متخليني بقالهم أربعة عشرة عام لم يقاتلوا،
فكانت السرايا والغزوات دي زي فترة تدريب سواء تدريب نفسي أو جسدي فهم تدربوا على ركوب الخيل وعلى التخطيط للمعارك وعلى فنون القتال،
فكل ده كان تمهيد للمعركة الكبيرة إللي هتحصل 👍🏻

فالمفروض إن اي أحد في موقفهم ميشوفش النوم🤷‍♀️
لكن إللي حصل كان غير كده، الجيش كله نام😳
ربنا جعل المسلمين كلهم يناموا بما فيهم الحرس إللي كان بيحرس جيش المسلمين😯
ربنا أنزل عليهم الأمان وهدوء الأعصاب محدش بقى يفكر في عدد ولا طريقة قتال ناموا مرتاحين البال ولا كأنهم في أرض معركة

معسكر المشركين بقى كان مضطرب من البداية أصلا👌
أمية بن خلف مكنش عايز يقاتل، والأخْنَس بن شُرَيق انسحب أصلا،
والناس مترددة مش عارفين هيقاتلوا ليه بعد ما القافلة خلاص بقت في أمان،
لدرجة إن عتبة بن ربيعة وهي سيد من سادات مكة وكان رافض إنه يقاتل رسول الله ﷺ قال للناس:
يا جماعة اسمعوا كلامي، إنتم لو دخلتم في معركة مع المسلمين هتقتلوا منهم ناس،
والناس دي إما آباءكم أو أبنائكم، وكل واحد هيبص للثاني ويقول له إنت إللي قتلت أخي أو أبي يوم بدر فيكره بعضكم بعض ،فخلوها في رقبتي وارجعوا👌
فغضب أبو جهل وقال : واضح إنك جبان😤
هو محمد وأصحابه إيه غير مائة رجل هنخلص عليهم في قاعدة😏
فقال له عتبة بن ربيعة: بكرة تعرف مين الجبان إللي هيودي قومه في داهية😑

ووجه عتبة الكلام لقومه وقال لهم : والله كأني شايفهم بيضربوكم وبيقضوا عليكم😓
طبعا الكلام ده قصاد الناس كلها ، فده أثر على نفسيتهم بالسلب، يعني القادة عمالين يتخانقوا ومترددين أمّال احنا الجنود نعمل إيه😶

والموضوع موقفش على كده، جاء حكيم بن حزام إللي كان شارك في نقض الصحيفة لو تفتكروا
وقال لعتبة بن ربيعة:
تحب إنك تاخد شرف إنك حميت الناس من القتل إللي ممكن يحصل لهم النهاردة
فقال له عتبة : أعمل إيه؟
فقال له حكيم:
إنتم عايزين من محمد دم عمرو بن الحضرمي إللي قُتل في سرية نخلة صح، خلاص ادفع إنت لأهله الدية بتاعته وترجع بالناس🤷‍♀️
فقال له : أنا معنديش مشكلة، المشكلة في أبو جهل فانت روح له وقل له :
إيه رأيك ترجع بالناس إللي معاك دي عن ابن عمك؟

فراح حكيم بن حزام لأبي جهل وكلمه، فرد عليه أبو جهل وقال له: وهو عتبة ملقاش حد غيرك يبعته😏
فقال له حكيم: أه ملقاش غيري، وإنت بتتكلم عن سيد من سادات مكة على فكرة😒
فرفض أبو جهل الرجوع وصمم على القتال👌

راح واحد منهم عشان يشوف عدد المسلمين أد إيه، ورجع وقال لهم إنهم حوالي ثلاثمائة، وإن المسلمين شكلهم مش سهلين خالص، ومفيش واحد فيهم هيستسلم أو يقبل الموت إلا لما يقتل رجل منكم،
فلو مات مننا ثلاثمائة رجل يبقى إيه المكسب إللي احنا حققناه😕
فكروا كويس وخدوا القرار👌

التردد والقلق وعدم الاتفاق بين قادة المشركين كان سبب كبير في اضطراب جيش المشركين،
والقلق والحيرة دي طبعا منعتهم من النوم وخلتهم قلقانين ومش عارفين يعملوا إيه،
ناس طالعة تحارب وهي أصلا مش مقتنعة بالحرب دي، هتكون النتيجة عاملة إزاي😏
عدت الليلة على الفريقين زي ما شفنا وجاء صباح يوم المعركة.

اليوم بدأ إزاي، وإيه الأحداث إللي حصلت في معركة بدر،
ده إللي هنعرفه الجزء الجاي إن شاء الله😊



#السيرة_النبوية
#ايمان_شلبي

الدرس الرابع عشر🌺🌺
#مد_البدل👆👆

#تجويد