اَلدُّعَاء فِي اَلصَّلَاةِ قَبْلَ اَلسَّلَامِ مِنْ أُرْجَىٰ أَوْقَات اَلْإِجَابَةِ...!

كثرة التثاؤب أثناء قراءة الفاتحة تحديدا، سواء في الصلاة أو غيرها بتدل على أي حاجة؟

ج/ بتدل على الكسل، اطرد عنك التثاؤب واكظمه ما استطعت.

الشيخ محمود مداد

معلش تحمل سؤالي، أنا بنت عندي ٢٩ سنة زهقت من كتر ما بسمع في الشارع والمواصلات ياحجة و حقيقي بقا عندي إحباط كبير.
أنا بلبس خمار و بفكر أقلعه و ألبس طرح كبيرة برضه يمكن شويه تفرق، أنا مش عاوزة أتزين والله أنا بس تعبت من الكلمة فعلا و ضاقت نفسي بيها و ببكي بس مش هاين علي أخلع الخمار، علي ذنب؟

ج/ اللي يقلق أكثر: هذه الحالة النفسية الهشة والشخصية الضعيفة التي تقدم على قرار مفصلي في الحياة بسبب كلمة عادية بتتقال لنصف بنات مصر المحجبات.

بالعكس ده شيء جيد معناه أن حجابك صحيح وشرعي، لأنه يستر زينتك ويخفي جمالك.

وخلي الشباب والجمال والزينة للبيت.

الشيخ عمرو شاهين

بعد إذن حضرتك، هو آخر وقت ممكن أصلي فيه العشاء لحد إمتى؟!! أنا بأخرها للساعة ١٢ بالليل علشان تحتسب قيام بشفعها ووترها.

ج / لا، لا يجوز أبدًا أن تفعلي ذلك عامدة قاصدة من غير بأس.

وقت صلاة العشاء إلى ثلث الليل الأول، ولا علاقة بين الشفع والوتر وبين العشاء، ووقت الوتر من بعد صلاة العشاء عمومًا، صلي العشاء بعد الأذان، ثم صلي قيام الليل والشفع والوتر بعدها إن أحببتِ.

الشيخ كريم حلمي

كيف يمكن للمسحور فك السحر؟

ج/ يرقي نفسه ويحافظ على الأذكار والصلاة وتلاوة القرآن والدعاء.

ومعظم ما يظنه الناس سحرا إنما هو أعراض نفسية وسلوكية تحتاج لمتخصص، مع تقوية الحالة الإيمانية.

عافاك الله..

الشيخ عمرو شاهين

ممكن شخص ظلمني وانا مش مسامحه يستغفر ربنا وربنا يسامحه ويضيع حقي؟

ج/ الحمد لله وحده.

مستحيل.

حقوق العباد المادية والمعنوية، خطّان أحمران في شريعة رب العالمين.

إذا لم تأخذ حقك في الدنيا، فستأخذه في الآخرة من حسناته، أو يأخذ من سيئاتك.

الشيخ خالد بهاء الدين

‏قال الشوكاني -رحمه الله- :

" مِن أكثر الأذكار أجورًا وأعظمها جزاءً، الأدعية الثابتة في الصباح والمساء؛ فإن فيها من النفع والدفع ما هي مشتملة عليه فعلى من أحب السلامة من الآفات في الدنيا والفوز بالخير الآجل والعاجل أن يلازمها ويفعلها في كل صباح ومساء ".

● [ قطر الولي (٣٨٦) ]

#اذكار-الصباح

* ‏﴿مَا كَانَ اللَّهُ لِیَذَرَ المُؤمِنِینَ عَلَىٰ مَاۤ أَنتُم عَلَیهِ حَتَّىٰ یَمِیزَ الخَبِیثَ مِنَ الطَّیِّبِ ﴾.

يطول البلاء ويشتد مع كثرة الغثاء، حتى تتمحَّصَ الأمَّة فلا يقودها إلا الأصفياء.

#في_ظلال_آية

(لنختم القرآن سماعا)

الورد (١٩٧)

(الربع الأول & الحزب الخمسون )

#القارئ: محمد جبريل
#ليدبروا على التليجرام
https://www.tg-me.com/GhRoooh/12086

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/IfoHiHwtD14?feature=shared
#صباحكم_قرآنٌ_يُتلى

#قصص_الأنبياء(٢)
#السيرة_النبوية
#الحلقة_الواحدة_والخمسون
#موقف_قريش_من_المدينة
#سلمان_الفارسي(١)

اتكلمنا المرة إللي فاتت عن طريقة رسول الله ﷺ في حل المشاكل إللي واجهته مع أوضاع المسلمين المختلفة،
وإزاي حط خطة للتعامل مع المشركين،
واتبقى لنا إننا نعرف إزاي رسول الله ﷺ اتعامل مع مشركي قريش ومع اليهود إللي معاه في المدينة،
بالنسبة لمشركي قريش فالوضع معاهم كان خطير، لأنهم لما عرفوا إن رسول الله ﷺ هاجر للمدينة بعثوا رسالة تهديد ووعيد لعبد الله بن أُبي بن سلول إللي هو كان المفروض هيكون ملك المدينة وكان رئيس بعثة الحج لسه من كم شهر قالوا له فيها :
إنتم آويتم صاحبنا! واحنا نحلف باللات والعزى إما إنكم تقتلتوه أو تطردوه من عندكم، يا إلا هنجيلكم بجيش ونقتلكم ونأخذ نساءكم وأبناءكم عبيد عندنا😡

فالتهديد جاء على هوى عبد الله بن أبي بن سلول، بس كده، ده هو ده إللي أنا عايزه😈
عمل إيه بقى عبد الله بن أُبي بن سلول، راح جمع المشركين من الأوس والخزرج وشرح لهم موقف قريش وإزاي إنهم هييجوا بجيش ويغزوا المدينة، فاحنا لازم نشوف حل،
وأحسن حل إننا نحارب المسلمين ونطلعهم من المدينة 👌
اجتمع المشركون من الأوس والخزرج واجتمع المسلمون وبدايات حرب أهلية في المدينة ولسه الدولة الإسلامية في البداية
جاء رسول الله ﷺ ووصل إليهم قبل ما القتال يبدأ وحاول يهدأ الوضع،
لكن المشكلة إن دول مسلمين وكفار، طيب المسلمين هيذكرهم بالله وبالعقيدة و...و... وهيستجيبوا، لكن المشركين هيقول لهم إيه 😕
مينفعش يذكرهم بالله ولا بالجنة ولا بالنار
فاستغل رسول الله ﷺ حاجة مهمة بيشترك فيها الطرفين
قال لهم:
هو تهديد قريش لكم وصل بكم للدرجة دي!
ده قريش مكنتش هتقدر تعمل فيكم إللي إنتم هتعملوه في نفسكم لو تقاتلتم👌
مش إنتم إللي قريش تخدعكم بخدعة مكشوف كده!
إنتم عايزين تقاتلوا أبناءكم وإخوانكم؟!
فرسول الله ﷺ حرك فيهم روح التحدي وأثار فيهم النخوة والعزة، وذكرهم بالرحم إللي بينهم،
وفعلا الناس هدأت وتفرقوا وانتهت المشكلة
فرسول الله ﷺ قضى على الموضوع من جذوره👌

قريش مسكتتش طبعا😶
بعتوا للمسلمين رسالة تهديد ووعيد من باب الحرب النفسية:
متفكروش إنكم بعد هربتم ليثرب يبقى خلاص مش هنعرف نجيبكم😈
ده احنا هنجيلكم وهنبيدكم في البلد إلي انتم فيها دي👌
وده حتى لو كان مجرد تهديد فمش مستبعد خالص إن قريش تبعت حد يغتال رسول الله ﷺ،
عشان كده رسول الله ﷺ كان يبيت ساهرا من غير نوم حذرا من غدر قريش لدرجة إنه في مرة قال من شدة التعب:
ياريت ييجي رجل صالح من أصحابي يحرسني الليلة دي!
فسمع رسول الله ﷺ صوت فقال : مين؟
فقال : سعد بن أبي وقاص، فقال رسول الله ﷺ: وإيه إللي جابك دلوقتي؟!
فقال سعد:
أنا خفت عليك يا رسول الله فجيت أحرسك😥
فدعى له رسول الله ﷺ بخير، وبقى الصحابة يتنابوا في حراسة رسول الله ﷺ لحد ما ربنا أنزل آية:
"وَاللَّهُ يَعْصِمُكَ مِنَ النَّاسِ"
فقال للناس خلاص كده محدش هيقدر يقربلي ولا يؤذيني👌

ومن الحاجات إللي قريش عملتها مع أهل يثرب إللي استضافوا رسول الله ﷺ،
إنهم قطعوا علاقتهم مع يثرب وهددت أهل يثرب بمنعهم من الحج والعمرة ودخول مكة،
وده عكس القوانين المتعارف عليها إن أي أحد ييجي عايز يعتمر أو يحج يُعطى الأمان ويكرم وكانت قريش بتفتخر بكده،
لكن دلوقتي مفيش قوانين بقى واحنا هنمشي الدنيا على مزاجنا😏

وشوفوا القصة إللي حصلت مع سعد بن معاذ رضي الله عنه سيد الأوس لما راح مكة عشان يعتمر حصل معاه إيه👌
لما وصل مكة اتقابل مع صاحبه من أيام الجاهلية أُمية بن خلف، فقال له سعد :
شوفلي كده ساعة البيت يكون فاضي ومفيش حوله ناس عشان أطوف بالبيت،
فأخذه أمية وراحوا عشان يطوف بالبيت فلما طاف بالبيت قابل سعد أبو جهل😶
وكان معاه أمية فسأله أبو جهل:
هو مين إللي معاك ده يا أبا صفوان😒
فقال له أمية : ده سعد😕
وأبو جهل كان يعرف سعد ومع ذلك تعمد إنه يتجاهله، لأن أمية قال له سعد فقط، لو مكنش يعرفه كان قال له ده سعد بن معاذ سيد الأوس،
فنظر أبو جهل لسعد وقال له:
أنا شايفك بتطوف وانت آمن ولا كأنكم آويتم الناس إللي غيرت دينها محمد وأصحابه إللى غيروا وقلتم إنكم هتساعدوهم وتنصروهم😏
والله لولا إنك مع أبو صفوان مكنت رجعت لأهلك سليم😡

☆ده تهديد واضح وصريح من أبو جهل بأذية سعد بن معاذ
راح سعد رادد عليه بقوة وقايله:
والله لو إنت منعتني من الطواف حول البيت أنا همنع عنك ما هو أشد عليك ، همنع عنك طريق المدينة😤

لأن قوافل قريش التجارية إللي هم معتمدين عليها في حياتهم لازم تعدي على المدينة، فتخيلوا لما أهل المدينة يقطعوا عليهم الطريق كده مكة هيحصل فيها أزمة اقتصادية جامدة 😬
فهو رد على تهديد بتهديد ، وسعد بيعلمنا إن احنا مينفعش نتذلل ولا نخضع لكافر لأن ده هيزيدهم تكبر،
بعكس الثبات على المبدأ والوقوف بثبات وحزم قصاد الظلم والكفر فده بيهز كيان الظالم ويخوفه،

فأمية بن خلف لما شاف سعد بن معاذ غضب وصوته عالي قال له : مترفعش صوتك على أبا الحكم ده هو سيد مكة
فقال له سعد : سيبك من دفاعك عنه فرسول الله ﷺ قال لنا إننا هنقتلك😒
فقال أمية : في مكة ولا برة مكة😲
فقال له سعد : معرفش😕
فقال أمية وهو خايف : والله محمد لا يكذب 😥
ورجع أمية لزوجته وحكى لها إللي حصل فقالت له : والله محمد لا يكذب 😥

☆يعني هم عارفين إنه صادق أهه ومصدقينه وبيحلفوا على صدقه🤦‍♀️
صدق الله :
"وَجَحَدُوا بِهَا وَاسْتَيْقَنَتْهَا أَنْفُسُهُمْ ظُلْمًا وَعُلُوًّا"

بعد قطع العلاقات مع المدينة، قريش استغلت علاقاتها بالقبائل العربية وطلبت منهم إنهم يقطعوا علاقاتهم مع المدينة زي حصار اقتصادي كده،
وكمان راسلت اليهود إللي عايشين في المدينة عشان يوقفوا تعاملتهم مع المسلمين،
وبكده يفرضوا حصار اقتصادي داخلي وخارجي على المسلمين،
لكن رسول الله ﷺ كان له ترتيب تاني وكان سابقهم بخطوة وعامل حسابه لموقف زي كده
هنشوف رسول الله ﷺ عمل إيه عشان يحل الأزمة دي بعدين إن شاء الله
المطلوب مننا نعرفه دلوقتي إن قريش مش سايبة المسلمين في حالهم وعمالة تؤذيهم مع إنهم بُعاد عنها،
فهم بقى يستاهلوا إللي هيحصل فيهم بعدين👌

احنا هنرجع دلوقتي للمسلمين عشان نشوف رسول الله ﷺ بعد ما حل مشاكلهم إيه القوانين إللي هتنظم الحياة في المدينة، فبعد حل المشاكل ياتي الدستور

◇أولا:
إنهم أمة واحدة مفيش أي فرق بينهم نهائي.

◇ثانيا:
كل قبيلة تتولى أمور الدِّية بنفسها يعني المهاجرين من قريش، لو واحد من المهاجرين قتل رجل وله دِيَة يجتمع كل المهاجرين عشان يساعدوه في دفع الدّية،
وكذلك الأنصار لو واحد من قتل رجل وله دية يجمعوا من بعض ويساعدوا أخوهم،
ولو في قبيلة لم تقدر القبيلة التانية تساعدها لحد ما يسددوا الدية👌
¤معنى الدِّيَة :
يعني لما الإنسان بيقتل خطأ يجب على القاتل إنه يدفع مال بدل النفس إللي قُتلت دي

◇ثالثا:
المؤمنين يُوقفوا الظالم أو المعتدي أو الباغي منهم ، ويجتمع كل المؤمنين عليه، حتى لو كان أب أو أخ أو أي صلة قرابة،
فأنا مش مع الظالم الباغي ده مهما كان🤚

◇رابعا وده خطير👌
لا يقتل مؤمنٌ مؤمناً في كافر، ولا ينصر مؤمن على كافر
معناه إيه الكلام ده🤔
دلوقتي المسلمين هيدخلوا في جهاد مع إللي حواليهم من القبائل العربية، فلما واحد مسلم من الأنصار يقتل واحد كافر من المشركين وهو أخ أو ابن أو أب لواحد من المهاجرين،
ميجيش المهاجر يزعل وتأخذه الحمية ويقوم قاتل أخوه المسلم عشان قتل قريبه الكافر،
فالإسلام وضع قاعدة إن الولاء لأخوة الدين فقط، مفيش أخوة بين مسلم وكافر حتى لو في بينهم صلة قرابة👌

◇خامسا:
مهما يحصل من خلاف بين المسلمين في شيء فلازم يرجعوا لله ورسوله عشان يحكم بينهم، وإللي يحكموا به لازم يتنفذ،
يعني المصدر الرئيسي للتشريع هو القرآن والسنة👌

دي كانت أهم القوانين إللي رسول الله ﷺ حطها عشان تنظم حياة المسلمين في المدينة،

من الأحداث إللي حصلت في أول الأيام إللي جاء فيها رسول الله ﷺ للمدينة،
إن في عبد من عبيد اليهود اسمه 《سلمان الفارسي》 جاء لرسول الله ﷺ ومعاه طبق في تمر وقال لرسول الله ﷺ :
أنا عرفت إن إنت لسه جاي البلد وإنك إنت وأصحابك فقراء فأنا جبتلكم التمر ده صدقة مني😊
فرسول الله ﷺ

شكره وقال لأصحابه كلوا وهو لم يأكل لأن الأنبياء حرام عليهم أكل الصدقة،
فسلمان مشي وهو بيقول في سره : هذه واحدة
جاء تاني يوم ومعاه طبق تاني فيه تمر فقال سلمان لرسول الله ﷺ: أنا شفتك امبارح مكلتش فجيبتلكم النهاردة التمر ده هدية
فأخذه رسول الله ﷺ وقال لأصحابه كلوا وأكل معاهم،
فسلمان قال في سره : هذه الثانية
سلمان بدأ يتحرك وراح خلف رسول الله ﷺ وحاول يشوف ظهره كأنه بيدور على حاجة، فرسول الله ﷺ لاحظ إللي سلمان بيعمله فراح موقع الرداء إللي كان على كتفه فبان ظهره وظهر خاتم النبوة،
فراح سلمان نازل على ظهر رسول الله ﷺ ومسكه وقعد يبكي بشدة😥
رسول الله ﷺ استغرب ، وقال له :
تعال قصادي كده وفهمني في إيه !
فجلس سلمان قصاد رسول الله ﷺ وبدأ يحكي له قصته
قال له :
أنا كنت رجل فارسي من بلد اسمها أَصْبَهان، وكان أبي رئيس القرية، ومكنش بيحب حد زي ما بيحبني،
وفضل حبه لي يزيد لحد ما حبسني زي البنات في البيت وخلاني أنا ملازم النار، يعني إللي قاعد جنب النار ومحافظ عليها على طول مشتعلة ومتنطفيش،
وكان أبي عنده بستان كبير جدا، فانشغل في يوم من الأيام عن البستان بسبب إنه كان بيبني بيت له،
فقال لي : أنا مشغول روح شوف لي أخبار البستان ،وقال لي على حاجات هو عايزها،
وأنا ماشي عديت على كنيسة من كنائس النصارى فسمعت أصواتهم وهم بيصلوا وأنا مكنتش اعرف أي حاجة عن العالم الخارجي بسبب إني محبوس،
فلما سمعت صوتهم وأنا ماشي دخلت أشوف إيه الناس دي وبيعملوا إيه،
فلما شفتهم عجبتني صلاتهم وحبيت أكون زيهم، وقلت والله ده أحسن من الدين بتاعنا، وفضلت قاعد عندهم لحد ما الشمس غربت ومرحتش البستان بتاع أبي،

فسألتهم : هو الدين بتاعكم ده أصله منين 😮
قالوا له : من الشام، فرجعت لأبي وكان بعت حد يدور علي وانشغل بي وساب كل أشغاله،
فلما شافني قال : إنت كنت فين يابني😳
هو أنا مش قلت لك تروح تعمل إللي قلت لك عليه😑
فقلت له : يا أبي أنا عديت على ناس بيصلوا في كنيسة فعجبني دينهم، ففضلت قاعد عندهم لحد ما الشمس غربت😚
فقال لي: يابني الدين ده مفيهوش خير، خليك في دينك ودينك آبائك، هو أحسن من دينهم😥
فقلت له : لا والله دينهم أحسن من ديننا😤
فخاف أحسن أروح أتبعهم فراح حاطط في قدمي قَيْد وحبسني في البيت، فبعثت للنصارى وقلت لهم :
لو جاء لكم أي قافلة من الشام عرفوني، فبعد فترة جاءت قافلة من الشام فأخبروني،
فقلت لهم: لما يخلصوا إللي جايين علشانه وخلاص هيرجعوا بلدهم قولوا لي، فلما كانوا خلاص راجعين قالوا لي،
فخلصت نفسي من الحديد وسافرت معاهم لحد ما وصلت للشام، فسألت الناس مين أحسن واحد فقيه في الدين ده، قالوا : الأُسْقُف في الكنيسة، فروحت له وقلت له :
الدين ده عاجبني وعايز أتبعك وأكون معاك أخدمك وأتعلم منك وأصلي معك،
فقال لي : ادخل.
فدخلت معه وكان رجل سوء، يأمر الناس بالصدقة ويحمسهم فلما يجمعها من الناس يحوشها لنفسه وميعطيش حاجة للمساكين،
لحد ما جمع سبع قِلال مليانين ذهب وأموال ورقية، وأنا كرهته جدا لما لقيته بيعمل كده، فلما مات اجتمع الناس عشان يدفنوه فقلت لهم:
الرجل ده كان رجل سيء، كان يأمركم بالصدقة ويحمسكم ويرغبكم فلما كنتم بتجيبوا الصدقة كان بياخدها لنفسه😑
فقالوا لي: وإنت عرفت منين😕
فقلت لهم : أنا هوريكم الكنز بتاعه
فأخذتهم ووريتهم مكان الكنز فطلعوا السبع قِلال ، فلما شافوا الذهب والورِق قالوا : والله ماحنا دافنينه😠
وصلبوه ورجموه بالحجارة،
وبعدين جابوا رجل تاني خلوه مكانه، فكان رجل مشفتش زيه، كان طائع زاهد متعبد همه الآخرة،
فمحبتش حد أد ما حبيته، وقعدت معاه فترة من الزمن،
وبعدين جاءته ساعة الوفاة، فقلت له:
يا فلان، أنا كنت معاك وحبيتك جدا، وإنت شايف حالك دلوقتي، فتوصيني أروح لمين وتأمرني بإيه😥
فقال لي:
بص يابني، أنا معرفش حد على إللي أنا عليه ده،
الناس بدلت وغيرت وتركوا أكثر ما كانوا عليه إلا رجل واحد ولكنه في المُوصل وهو فلان، فهتلاقيه زيي، فروح له👌
فلما مات روحت الموصل لصاحبه وقلت له:
أنا جايلك من طرف فلان هو إللي وصاني بك قبل ما يموت،
فقال لي : خليك عندي،
فقعدت عنده ولقيته زي صاحبه بالضبط، لكن معداش وقت طويل ومات، فسألته قبل ما يموت :
يا فلان ، إنت شايف إللي إنت فيه، وفلان هو إللي أوصى بي إليك، فانت توصيني أروح لمين وتأمرني أعمل إيه😥

فقال لي : أنا معرفش حد على إللي كنا فيه إلا رجل بنُصَيْبِين وهو فلان، فروح عنده👌
فلما مات ودفناه روحت نُصيبين وحكيت له قصتي، فقال لي: خليك عندي.
فلقيته زي صاحبيه بالضبط، لكنه مات على طول، فقلت له: يافلان، فلان صاحبك الأول كان أوصى بي لفلان، وبعدين هو أوصاني ليك، فانت توصيني أروح لمين بعدك😥
فقال له : أنا معرفش حد زينا غير رجل بعَمُّورِيّة ، فلو إنت حابب روح له،
فلما مات ودفناه، روحت لصاحبهم في عمورية وحكيت له
قصتي، فقال لي: خليك عندي، فقعدت عنده فلقيته على نفس منهج أصحابه واشتغلت وبقى عندي مال، لدرجة إن بقى عندي بقرات وغُنيمة، غنمة صغيرة يعني
فجاءه الموت، فسألته : توصيني أروح لمين ، وأنا كنت جايلك من طرف فلان وفلان وفلان 😥
فقال :........
هنعرف الجزء الجاي إن شاء الله قال إيه😅

#السيرة_النبوية
#ايمان_شلبي

مهما كان حظك قليل في أي أمر من أمور الدنيا
خليك راضي .. سيدنا عمر قال:

ستمضي أقداركَ على كل حال، فاجعلها تمضي وأنتَ راضٍ عنها ، فَلَرُبما ثوابُ رضاكَ يُرضيك.💙

في الغالب إن اللي بيقرأ كلامي دا بنات وأخوات ملتزمات .. فاللي هتكلم فيه هيألمهم نفسيًا لو فيه عندهم مشكلة في الشيء دا .. اللي هو برّ الأم ..

مش هتكلم عن البرّ نفسه لأن أنا معرفش أعمله ولا حتى أتكلم عنه .. ولكن هتكلم عن بعض الحاجات اللي بتحصل معانا كلنا في المواقع .. قلت الموضوع هيألم الملتزمات أكتر لأن الموضوع دا لو حدث من غير الملتزمة هيبقى وارد إنه يحصل منها .. ومش أقصد إهانة لأحد .. وكمان برّ الأم مش للملتزمة بس .. ليكِ أنتِ كمان .. لأن أنتِ كمان هتُسألي عن معاملتك لها .. وردك عليها .. وطريقة كلامك معاها .. في بنات ذوق أوي مع أمهات أصحابها .. ويا طنط وحضرتك وتدلعها .. وتعامل أمها أسوء معاملة .. أنتِ إيه يابنتي قلبك جاحد !!

أنتِ ازاي بيهون عليكِ أمك تعيط بسببك وبسبب اللي بتعمليه فيها .. أقسم بالله كل حركة وكل همسة بنعملها معاهم .. والله كل دا هيترد لي ولكِ يا فـ أولادنا يا فـ حياتنا.
نتقِ الله ..ربنا قرن التوحيد ببرهم.
"لا تعبدون إلا الله وبالوالدين إحسانًا"

معظمنا ودي حاجة سائدة بين الأخوات الملتزمات .. إدخال السرور على قلب مسلم .. ونسيت إن أمها أول من يستحق أن تدخل عليها السرور ولو بكلمة أو ابتسامة .. وإنا لله وإنا إليه راجعون ..

تفكر تسعد زميلتها دي .. وتفرح دي .. وتطيب بخاطر دي .. وتجبر كسر دي .. وتعمل حفلة لفلانة وعلانة .. وتشتري هدايا غالية جدا .. و ممكن كمان الهدية اللي بتجيبها بتكون واخدة فلوسها من أمها.

أنتِ مش متخيلة الحسرة اللي بتكون في قلب أمك بتبقى ازاي .. وأنتِ كل شوية بتفكري في دي ودي .. وتفرحي دي ودي .. وعمرك مرة ما فكرتِ تفرحي أمك .. ولا عمرك مرة فكرتي تعملي أي شيء يسعدها أو يرضيها لله حتى مش ليها ياستي ..

هي متستحقش ؟
بالله عليكِ متستحقش تعملي أي شيء يفىح علشانها؟

الجماعة بقا بتوع فاقد الشيء لا يعطيه .. اركني على جمب الله يرضى عنك لأن كلامك دا كلام والعياذ بالله ميطلعش من الكافر .. الكافر بيبقى معترف بفضل أمه عليه ولكن بيقول مشغول .. أنتِ مسلمة !
ليه الأنانية دي .. ليه القلوب بقت بالجحود دا والقساوة دي .. وعلى مين؟
على أمك !

على فكرة لما أمك بتعمل أي شيء معاكِ هي والله العظيم ما قصدها تضايقك .. بس هقولك كلمة كانت دايمًا أماني تقولهالي .. ربنا يحفظها ويبارك فيها ويرزقها البر بأمها ويرزق أمها كل خير يا رب .. كانت دايمًا بتقولي شيء مفهمتوش غير بعدها بكتير ..

« أمي وأمك تفكيرهم غير تفكيرنا .. زمانهم غير زماننا .. وهما ميقصدوش أنهم يضايقونا .. بس إحنا مش متفاهمين سوا بس »

يا جماعة ياللي بتتكلموا عن التمس لأخيك سبعين عذر .. وإن لم تجد فضع عذر من عندك.

بالله عليك أليست أمك أولى الناس بأن تلتمسي لها الأعذار السبعين والمئة !
ألا نتقِ الله في أمهاتنا💔

🌱{قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ} [الأنعام:162]..

ايه عظيمة بتنقل الفكر والروح من تحجيم الدين في شكل صلاة وصوم وزكاة وحج ⬅️ إلى عقيدة راقية، وتصور للدين واضح كامل متكامل جليل..

للاسف ترسخ في اذهان كتير من الناس إني علشان أكون عابد لازم أنعزل عن حياة الناس واعيش في صومعة او مسجد 😓

أو إن الدين فقط شعائر تعبديه ملهاش علاقة بمعيشة الناس ولا بمعاملاتهم 😳

💡لكن جاء الإسلام بدينٍ يَعبر حدود الجدران والصدور، بينظم حياة كاملة ومهيمن على كل ملامحها ومجالاتها وانشطتها

📢كل ما يخطر على بالك ويمس حياتك هو عباده

فالدين منظومة حياة كاملة شاملة..
أن يكون المحيا لله، والممات لله، 👍 وليس فقط الصلاة والصوم ❌ ..

وحياة الإنسان في سبيل ليها طعم مختلف .. 🙂

أن يكون هدفه إرضاء ربه، في كل سكناته، وحركاته، ومعاملاته وصمته، وكلماته، 👈 هذه هي الحياة لله!

🔸باكل من حلال علشان أتقوى على طاعة الله
🔸ابتسامتي للناس هي لله
🔸وانا بطبخ وواقفة في المطبخ بعمل كده لله
🔸نومي لله
🔸لعبي وترفيهي عن نفسي بالمباح لله
🔸صبري على متاعب الحياة لله هو لله

باختصار 📢 حياتي كلها لله

ومن رسخ في ذهنه هذا المعنى هيقدر يتحمل مالا يتحمل غيره 👍

وهل كان نوح عليه السلام ليطيق السخرية ، ويصبر على الدعوة وتكاليفها ألف سنة إلا خمسين عامًا، لولا أنه عاش مع الله وبالله ولله⁉️

وهل كان يوسف عليه السلام ليصبر على السجن، بل ويُصرِّح أنه أحب إليه من لذيذ عيش فيه عصيان لمولاه، لولا أنه رجل يحيا بالله ولله ومع الله ⁉️

وهل كان إبراهيم عليه السلام ليواجه قومه ويصبر على أذاهم وبطشهم، لولا ذلك ⁉️

وهل كان أيوب عليه السلام ليتحمَّل أعوامًا من الضُر والمرض والآلام، لولا أنه عاشها في أنس بمولاه ⁉️

وبعدين يختم المعنى القرآني الأخَّاذ بقوله:
🌱{لاَ شَرِيكَ لَهُ وَبِذَلِكَ أُمِرْتُ وَأَنَاْ أَوَّلُ الْمُسْلِمِينَ} [الأنعام:163]..

ففارق كبير بين واحد حياته ممزقة بين شركاء متشاكسين؛ من جنيه وشهوة وشبهة ❌

وبين واحد عرف طريقه، وسارع إليه، ومكتفاش بمجرد المعرفة والمسارعة بل كمان اختار يكون من السابقين إلى هذه المِلَّة الكاملة المتكاملة، والمنظومة الجامعة الشاملة فتنعَّم بالحياة لله وبالله ومع الله. ✅

〰🌸🍃〰🌸🍃〰

قناة 🌷همسات الأوابين🌷