🌙 *همسة الوتر* 🌌

‏لا يستوي ذكر الله في الفضل، ولكن يختلف بحسب الزمان والمكان والحال، *وأفضل الذكر في السحر* *(الاستغفار) وأفضل الذكر عند* *الصباح والمساء (التسبيح)*
⭐⭐

(لنختم القرآن سماعا)

ورد (١٤٥)

(الربع الأول & الحزب السابع والثلاثين)

#القارئ: حاتم الواعر
#ليدبروا على التليجرام
https://www.tg-me.com/GhRoooh/11877

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/WTFI5hzv0LE?feature=shared

#صباحكم_قرآنٌ_يُتلى

"وَأُفَوِّضُ أَمْرِي إِلَى اللَّـهِ.." صباحكم تفويض الأمر لله🤲🏻

#قصص_الأنبياء
#الحلقة_السادسة_والخمسون
#مريم_زكريا_الجزء_السادس
#عيسى_الجزء_الثاني

اتكلمنا المرة إللي فاتت عن مريم عليها السلام لما وضعت عيسى عليه السلام وراحت بيه لقومها وشوفنا إزاي اتهموها في عرضها،
وهي كانت صايمة عن الكلام وأشارت لعيسى عليه السلام.
والكل مستني ومستغرب، وفجأة لقوا صوت طالع من بين إيديها وبيكلمهم، عيسى بن مريم عليه السلام نطق
أنطقه الله وهو لسه رضيع 😮
ربنا أنطق الطفل الرضيع في المهد عشان يدافع عن أمه،
وشوفوا بقى أول حاجة قالها الطفل الرضيع كانت إيه:
"قَالَ إِنِّي عَبْدُ اللَّهِ "👌
يعني أنا مش إله ولا ابن إله ولا أي حاجة من دي خالص، أنا مجرد عبد لله،
"إِنِّي عَبْدُ اللَّه..ِ آتَانِيَ الْكِتَابَ.. وَجَعَلَنِي نَبِيًّا"

ربنا أعطاني الإنجيل، وجعلني نبي ليكم
يعني كإن عيسى عليه السلام بيقول لهم أنا نبي.. وعبد لله... اتولدت بمعجزة، مش من الزنا.. وأمي مش زي ما اتهمتوها أنتم عارفين أصلها وشرفها 😑
بل إنتم يا بني إسرائيل عارفين إن الأنبياء بيبعثوا في نَسَبِ قومِهِم، يعني بيكونوا من أشراف قومهم المعروف عنهم النزاهة وكل الأخلاق الطيبة عشان محدش يطعن في عِرضهم وشرفهم سواء ست أو راجل..
وبالفعل علو المقام والشرف والأخلاق ده كله كان اعترف بيه بنو إسرائيل وهم بيكلموها في الأول لما قالوا لها :
"يا أخت هارون ما كان أبوكِ امرءَ سَوءٍ وما كانت أمك بَغِيًّا"👌

عيسى عليه السلام كَمّل تعريف بنفسه وتعريف بوصايا ربنا له، والناس واقفة مذهولة😳
قال:
"وَجَعَلَنِي مُبَارَكًا أَيْنَ مَا كُنتُ وَأَوْصَانِي بِالصَّلاةِ وَالزَّكَاةِ مَا دُمْتُ حَيًّا"

يعني ربنا جعلني مبارك ومُعلم الخير للناس وداعيا إليه عز وجل ومُحَبِّبِ الناس في طاعة الله👌
ووصاني بالصلاة والزكاة طول ما أنا حي 👌

عيسى عليه السلام كمّل كلامه وقال:
"وَبَرًّا بِوَالِدَتِي وَلَمْ يَجْعَلْنِي جَبَّارًا شَقِيًّا"
يعني ربنا جعلني كمان بار بوالدتي ، وعصمني من إني أكون متكبر على أوامره عز وجل ولا عاصيا له ،
وعصمني من إني أكون متكبر على البشر أقتلهم وأضربهم وأقهرهم 👌

◇طيب سؤال للتدبر: ليه عيسى عليه السلام قال والدتي ومقالش أمي، مع إن لفظ الأم أعم وأقوى من لفظ الوالدة 🤔
يعني كلمة الأم تشمل الأم إللي ولدت وإللي ربت والأم من الرضاعة وهكذا .. ليه بقى قال والدتي😕

لإن عيسى عليه السلام كان عايز يثبت لهم بشكل خاص قضية محددة ويركز عليها من كل قضايا الأمومة:
قضية إن إللي ولدته وأنجبته هي مريم عليها السلام 👌
فلو قال لهم أمي، ممكن يفكتروا أمه الروحية مثلا ولّا أمه إللي تكفّلت برعايته لإنه يتيم،
فقال "والدتي" عشان يُثبت ويؤكد إنه اتولد من مريم رضي الله عنها مش من حد تاني👌

طيب بعد المعجزة الواضحة دي،هل بني إسرائيل اقتنعوا بقى وصدقوا مريم واعتذروا لها؟
أبداااا 😑
هو في ناس كده، مهما ظهر لهم الحق بمعجزات كمان، إللي في دماغهم في دماغهم🙄
ومش عايزين يقتنعوا لأنهم ببساطة بيبقوا مّتبعين لهواهم وعايزين يشمتوا في الناس الصالحين وخلاص، حتى لو همّ عارفين ومتأكدين إنهم على حق وإن إللي اتقال عن الصالحين ده غير صحيح👌

فربنا هنا بيعلمنا إننا منهتمش بكلام الناس مادام احنا صالحين وعارفين ومتأكدين إننا على حق، وإن في نوعية من الناس مهما حاولتي تقتنعهم مش هيقتنعوا 😤
يبقى نعمل إللي ربنا يريده منا وخلاص، لأن ربنا هو إللي هيحاسبنا في الآخرة مش الناس👌

☆خلونا نتدبر الآيات كده ونشوف ليه عيسى عليه السلام قال :لم يجعلني جبارا شقيا،
في حين إن يحيى عليه السلام قال: لم يجعلني جبارا عصيا🤔
يحيى عليه السلام أمه وأبوه كانوا على قيد الحياة،
فلو كان يحيى عاق بيعصي أوامر أمه أو أبوه، فالأم هتواسي الأب ،والأب هيواسي الأم،
فجاء لفظ "عصيا" هنا مناسب لتعريف الوضع فعلا لو حصل عقوق من يحيي عليه السلام 💁‍♂️
ويحيى عليه السلام جاء للدنيا من أب وأم، هو أه جاء بمعجزة، لكن الموضوع لسه منطقي لبني إسرائيل؛ لإن في أب وأم وزواج طبيعي،
فبالتالي بنو إسرائيل تقبّلوا موضوع ميلاد يحيى ومكنش في عداء بين أهله وبينهم بسبب ولادته🤷‍♂️

لكن عند عيسى عليه السلام ومريم وضعهم مختلف زي ما شوفنا؛ لإنه جاء من أم فقط بدون أب 👌
فمفيش زوج أو أب يدعمها لو حصل عقوق،
وكمان معجزة ميلاد عيسى أقوى وأصعب على القبول عند ناس عندهم النزعة المادية عالية زي بني إسرائيل كده
فعشان كد بنو إسرائيل لم يتقبلوا معجزة خلق عيسى ببساطة،
وكانوا كلهم ضد مريم رضي الله عنها بسبب عيسى،
فبالتالي لو عيسى عليه السلام عَقّ مريم في يوم من الأيام، مين إللي هيواسيها وهيرحمها وهي وحيدة تماما😶
فجاء لفظ "شقيا" هنا مناسب أكتر لتعريف الوضع فعلا لو حصل عقوق من عيسى عليه السلام؛
لأن كلمة شَقِيّ معناها الشخص إللي نُزِعت منه الرحمة،
فهو كده هيكون أشد في البعد عن الرحمة لو حصل منه عقوق لأمه👌

◇عندنا بقى سؤال تاني مهم : هو ليه ربنا من الأساس خلق عيسى عليه السلام من أم بدون أب🤔
طبعا ربنا لا يُسأل عما يفعل... لكن احنا هنشوف الحكمة من خلق عيسى عليه السلام بدون أب
♡أول سبب هو بيان قدرة ربنا
احنا مشوفناش خَلق آدم عليه السلام ولا خلق حواء،
لكن سمعنا عنهم والموضوع بقى مستقر في نفوسنا فخلاص سلمنا الأمر لله،
فربنا أراد إنه يُرينا قدرته بإنه يخلق في الدنيا طفل بدون أب،
وإلا فخلق بشر من كومة تراب أصعب من وجهة نظرنا من خلق طفل داخل رَحِم أم، خلق محض بدون زوج
يعني بص كده لكومة تراب وتخيل إن ده كان أصلك👌
فخلق عيسى يشبه خلق آدم من الناحية دي،
يعني من ناحية خلق الشيء من العدم تماما بدون اكتمال أسبابه،
بل في حالة آدم مفيش أسبابه كلها أصلا، فخلق عيسى يشبه خلق آدم في حتة إن ربنا قال للإثنين كن فكان،
"إنَّ مَثَلَ عِيسَى عِندَ اللَّهِ كَمَثَلِ آدَمَ خَلَقَهُ مِن تُرَابٍ ثُمَّ قَالَ لَهُ كُن فَيَكُونُ"
لكن في حالة آدم: التراب اتحول لبشر
وفي حالة عيسى: النفخة اتحولت لبشر
ثم هو مين إللي بيأذن بحصول الحمل؟ مش ربنا؟
ومين إللي هيأ الأسباب الطبيعية المعروفة إللي بيها بيحصل الحمل؟ مش ربنا؟
طيب مش إللي جعل الطريقة الفلانية المعروفة دي لحصول الحمل، قادر برده إنه يجعل طريقة تانية لحصول الحمل 💁‍♂️

وبكده تتم القسمة الرباعية:
خلق الله آدم بلا ذكر ولا أنثى...وخلق حواء من ذكر بلا أنثى،
وخلق البشر من ذكر وأنثى، وخلق عيسى من أنثى بلا ذكر👌
وجعل سبحانه عجوز وعقيم ينجبوا، وجعل عذراء تنجب، وجعل أصحّاء مبينجبوش..
كل ده عشان نتعلم إن قدرة ربنا مالهاش حدود، وإنما أمره إذا أراد شيئا أن يقول له كن فيكون😊

♡السبب الثاني:
إن بني إسرائيل ناس ماديين زي ما قلنا وشوفنا.
يعني لو شافوا بعنيهم يؤمنوا، مشافوش لا يؤمنوا😒
فهمّ نشأوا عالمادة وبالغوا في المادية وطغت عليهم،
حتى لما تلاقوا واحد بيحاسب واحد على كل صغيرة وكبيرة في أمور الماديات يقول له: إيه يا أخي انت يهودي 😑
فكل حاجة بالنسبة لهم كده، وكإنهم عاوزين لكل أمر إلهي ينزل معاه معجزة،
وكإن كل أمر إلهي بينزل بيلغي المعجزة إللي قبله ولازم النبي يرجع يقنعهم من الأول كل مرة إنهم لازم يطيعوه لإنه رسول من عند ربنا!
فاكرين لما قالوا لموسى عليه السلام أرنا الله جهرة؟
كان السبب إنهم عاوزين إله متجسد قدامهم يعبدوه، عشان كده أول ما عبروا البحر وشافوا ناس بتعبد أصنام قالوا لموسى :
"اجعل لنا إلها كما لهم آلهة"
وطبعا في فرق بينهم وبين موسى عليه السلام لما طلب إنه يشوف ربنا👌
الفرق بينهم إن موسى طلب الطلب ده من باب الاشتياق لرؤية الله عز وجل، لكن همّ طلبوا من باب إنهم يعبدوا حاجة شايفينها مش غيبية،
فهم نشأوا عالمادة وبالغوا في المادية وطغت عليهم ،
فكان لازم حاجة تكسر عندهم كل شوية حتة المادية والتعلق بالأسباب الزايد عن حده ده، فإيه إللي يكسرها المرة دي🤔
إرسال نبي بدون أب، ومالوش نسب معاهم،
يعني عيسى مالوش نسب متصل ببني إسرائيل 👌
وكل الأنبياء كانوا ييجوا ويقولوا لقومهم "يا قومي"ِ إلا عيسى عليه السلام كان بيقول لهم "يابني إسرائيل"
لإن مفيش أب ينتسب من خلاله ليهم 🤷‍♂️

بعد ما عيسى عليه السلام كلّم بني إسرائيل ووضح لهم هو مين، وبيّن لهم وصايا ربنا ليه، وبرّأ أمه من سوء ظنهم وبهتانهم،
ختم كلامه بإنه وقال:
"والسلام عليَّ يومَ وُلِدتُّ ويوم أموتُ ويوم أُبعَثُ حَيًّا"
بيقول لهم إن يوم لما اتولد ، ربنا عصمه من وَكْزَة الشيطان إللي بتحصل للمولود👌

☆وإيه وكزة الشيطان دي 🤨
كل الأطفال إللي بيتولدوا الشيطان بيمسهم بنزغــة ، يعني بيطعن الأطفال بصباعه كده زي وكزة بإيده في جنبهم، بيصرخ الطفل بعدها ، وده سبب بكاء الأطفال حديثي الولادة أول ما بيخرجوا من الرحم.. لما الطفل بيصرخ ده بيكون بسبب طعنة الشيطان دي،
وطبعا ده بيوضّح شدة العداء إللي بين الشيطان وبين بني آدم😑
والدليل حديث رسول الله ﷺ :
"ما من بني آدم مولود إلا يمسه الشيطان حين يُولد ، فيستهل صارخا من مس الشيطان ، غير مريم وابنها"
فاكرين لما اتكلمنا عن حَنة أم مريم عليها السلام وإنها قالت لما ولدت واتضح إن المولد بنت مش ولد، فقالت : وإني سميتها مريم وإني أعيذها بك وذريتها من الشيطان الرجيم؟
أهو ربنا حمى عيسى ومريم عليهما السلام من طعنة الشيطان ببركة دعاء حنة ده،
فلما جه الشيطان يطعن عيسى عند مولده، ربنا جعل فيه حجاب بينهم، فالشيطان طعن في الحجاب نفسه ومعرفش يوصل لعيسى عليه السلام،
وده معنى السلام والعصمة بتاعة وقت الولادة ، زي ما جه في الآية،
أما "ويوم أموت"؛ فربنا كمان أمِّنُه يوم ما هيموت، وده هيكون بعد ما ينزل عيسى عليه السلام في آخر الزمان ويقتل الدجال، ثم يقعد في الأرض زمن وبعدين يموت.. وهو ده اليوم المقصود في الآية..
طب "ويوم أُبعَثُ حيا"؟
ربنا أمنه كمان يوم البعث، من إنه يصيبه إللي بيصيب الناس من الفزع لما يشوفوا أهوال يوم القيامة 👌

"وَالسَّلامُ عَلَيَّ يَوْمَ وُلِدتُّ وَيَوْمَ أَمُوتُ وَيَوْمَ أُبْعَثُ حَيًّا"

بنو إسرائيل شافوا معجزتين :
ولادة عيسى بدون أب...وطفل رضيع تكلم ،
فهل آمنوا وصدقوا وبرؤوا مريم عليها السلام؟
وهل كان عيسى هو الوحيد إللي تكلّم في المهد ولّا كان في غيره؟

ده إللي هنعرفه الجزء الجاي إن شاء الله 😊

#Eman_Shalapy

⚠️محرمات منتشرة ... تبعدنا عن الجنة⚠️
📌14- قبول الهدية بسبب الشفاعة:

نعم ربنا سبحانه وتعالى كثيرة لا تعد ولا تحصى
ومن النعم الجاه والمكانة بين الناس

ومن شكر هذه النعمة أن يبذلها صاحبها لنفع المسلمين 🙂

وده يدخل في عموم قول النبي صلى الله عليه وسلم:
🌴" من استطاع منكم أن ينفع أخاه فليفعل " رواه مسلم

ومن نفع بجاهه أخاه المسلم في دفع ظلم عنه أو جلب خير إليه دون ارتكاب محرم أو اعتداء على حق أحد 👍

فهو مأجور عند الله عز وجل إذا خلصت نيته كما أخبر عن ذلك النبي صلى الله عليه وسلم
🌴بقوله: " اشفعوا تؤجروا " رواه أبو داود

وده في الشرع بنسميه 👈 الشفاعة
فالشفاعة هي التوسط للغير، أو هي بذل الخير للغير،

💡يعني: أن يتوسط لغيره في أمر من الأمور يجلبه له، كما قال -سبحانه-: ﴿ مَنْ يَشْفَعْ شَفَاعَةً حَسَنَةً يَكُنْ لَهُ نَصِيبٌ مِنْهَا وَمَنْ يَشْفَعْ شَفَاعَةً سَيِّئَةً يَكُنْ لَهُ كِفْلٌ مِنْهَا ﴾

لكن هل ينفع ناخد هدية مقابل الخدمة اللي قدمناها أو الشفاعة اللي عملناها ❓🤔

❌لا يجوز أخذ مقابل على هذه الشفاعة والواسطة
والدليل ما جاء عن أبي أمامة رضي الله عنه مرفوعا:
🌴" من شفع لأحد شفاعة، فأهدى له هدية (عليها) فقبلها (منه) فقد أتى بابا عظيما من أبواب الربا ". رواه الإمام أحمد

عارفين ليه ؟ 😊

⬅️لأن الشفاعة من المنافع والمصالح العامة اللي يجب بذلها بلا مقابل،

وهي تشبه زكاة البدن
فلو حد احتاج إلى شفاعتك، واحتاج إلى وساطتك في وظيفة، في عمل وفي أمر من الأمور مما يحتاجه، أو هو مستحق له، وبحق من حقوقه، وكنت قادرا على الشفاعة ولا ضرر عليك في ذلك -فإنك تشفع،
وهذا من الحقوق العامة والمصالح العامة، وعلى هذا لا يجوز أن تأخذ على ذلك مالا .

⚡️وسواء اللي أمامك عرض المقابل
يعني قال ممكن تتوسطلي عند فلان وهديلك 1000 جنيه

⚡️أو الشخص هو اللي عرض بذل مله وجاهه ووساطته مقابل تعيين شخص في وظيفة أو نقل آخر من دائرة أو من منطقة إلى أخرى أو علاج مريض ونحو ذلك

❌فالاتنين لا يجوز
ويكفي فاعل الخير الأجر من الله يجده يوم القيامة.

🌾ولهذا كانت عائشة -رضي الله عنها-، إذا أحسنت إلى قوم أو تصدقت عليهم، فتقول للجارية: ماذا قالوا؟ فتقول: إنهم دعوا لك بكذا وكذا. فتدعوا لهم -رضي الله عنها-، بجميع ما دعوا به، تقول: نرد عليهم ما دعوا لنا، ويبقى أجرنا على الله.

🌾جاء رجل إلى الحسن بن سهل يستشفع به في حاجة فقضاها فأقبل الرجل يشكره فقال له الحسن بن سهل علام تشكرنا ونحن نرى أن للجاه زكاة كما أن للمال زكاة ؟
.
⚠️لكن هناك فرق بين استئجار شخص لإنجاز معاملة ومتابعتها وملاحقتها مقابل أجرة
فيكون هذا من باب الإجارة الجائزة بالشروط الشرعية 👍

وبين أن يبذل جاهه ووساطته فيشفع مقابل مال فهذا من المحظور. 👎

〰🌸🍃〰🌸🍃〰


قناة 🌷همسات الأوابين🌷

تذكير بمواسم الخير 🌸🤍
- صيام يوم #عاشوراء = يكفر السنة الماضية

- مراتب صيام عاشوراء:
١. أن يصوم ثلاثة أيام: عاشوراء، ويوما قبله، ويوما بعده، فيكون أصاب صيام ثلاثة أيام من كل شهر أيضا.
٢. صيام التاسع والعاشر.
٣. أن يصوم العاشر والحادي عشر.
٤. أن يقتصر على صيام العاشر فقط، ولا بأس في ذلك ولا حرج.
الشيخ. محمد صالح المنجد

الدّالُ على الخير = كفاعله 🌱🤍

يقول النبي ﷺ: (صيَامُ يَوْمِ عَاشُورَاءَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ).

*وقفة مع السورة الجامعة✍️*

وَٱلۡعَصۡرِ ۝١ إِنَّ ٱلۡإِنسَـٰنَ لَفِی خُسۡرٍ ۝٢ إِلَّا ٱلَّذِینَ ءَامَنُوا۟ وَعَمِلُوا۟ ٱلصَّـٰلِحَـٰتِ وَتَوَاصَوۡا۟ بِٱلۡحَقِّ وَتَوَاصَوۡا۟ بِٱلصَّبۡرِ ۝٣﴾

*•استثنى الله تعالى من الخسران في هذه السورة من اتصف بأربع صفات*، وجاء ذكرها مرتبا تباعا ...
*وفي هذا الترتيب: إشارة  لترتب بعضها لبعض في الوقوع*؛
وهذا أمر يجده العبد في نفسه في كليات الدين وفروعه.
*فإنك أولا تعلم بالحديث أو السنة فتؤمن  وتصدق.*
•(إلا الذين آمنوا)
*ثم إذا قوي إيمانك بها وصدق؛حملك على العمل والامتثال.*
•(وعملوا الصالحات).
*ثم إذا عملت به ولازمته وجدت أثره ونفعه وأحببته فحثك على الدعوة إليه ووصية الناس به ونصيحتهم وذكرته للأقارب والمعارف وأوصيتهم به وكتبت عنه ونشرته وتكلمت.*
•(وتواصوا بالحق)
*ثم مع انتشار العمل الصالح وملازمته يأتي الابتلاء والأذى فيه فيصبر العبد ويدعو إلى الصبر وتحمل الأذى.*
•(وتواصوا بالصبر)
ومثله كذلك *فإن التواصي بتحمل الأذى يزيد أيضا في نشاط العبد في الدعوة إلى هذا العمل والدعوة إلى العمل تزيد من عمل العبد نفسه ومن ثم تقوي إيمانه..*

وعلى العكس من ذلك يبدأ ضعف المؤمن في العمل الصالح بترك التواصي على الصبر وتحمل الأذى .
ثم يدب الضعف في الدعوة للعمل نفسه والنصيحة به
*فإذا ترك ذلك بدأ النقص في عمله شيئا فشيئا حتى يتركه بالكلية فيزهد في العمل ثم يذوي إيمانه بفضيلة العمل ويذهب عن قلبه بالكلية وربما نفر منه وصد عنه والعياذ بالله.*

.فالزم أول الحصون ولا تبرحها فإنها تحمى ما بعدها من ثغور العمل والإيمان.
الهج بالنصيحة لنفسك وغيرك بتحمل المتاعب في الأعمال الصالحة ...
*ومراتب الناس في كل فضيلة على حسب هذا الأمور الأربع، وهم فيها كذلك يتفاضلون درجات ودرجات.*
وربك يخلق ما يشاء ويختار

✅عبدالله بن بلقاسم💜

بسم الله،

لا تتكاسل عن صيام تاسوعاء غدًا _إن شاء الله_ بحجة أن صيام عاشـوراء فقط يكـفـي، فإن أهمية صيام تاسوعاء تكمن في أنك تصومه متـعـبدًا لله بمتابعة النبي ﷺ ومخـالفة الْـيَـهُـ.ود، وأنت تحتاج بشـدة أن تحيي هذا المعنى في قلبك وأن تؤكده لنفسك في أيامنا هذه بالذات التي اشتد فيها عـ.دوان المـلاعـين على ديننا وإخـواننا.

يقول رسول الله ﷺ: صُومُوا يَوْمَ عَاشُـورَاءَ وَخَـالِفُوا الْـيَـهُـ.ودَ، صُومُوا يَوْمًا قَبْلَهُ أَوْ يَوْمًا بَعْدَهُ.
ويقول ﷺ: لَئِنْ بَقِيتُ إِلَى قَابِلٍ لَأَصُومَنَّ التَّاسِعَ.

ثم تضم إلى ذلك نية صيام يوم الاثنين.
ثم يتضاعف أجر ذلك كله بصيامك في هذا الحر الشـديد لأن المثوبة على قدر المشـقة
استعد لصيام تاسوعاء غدًا فقد كثر خير الله وطاب..

- ميلي سيريو

#قصص_الأنبياء
#الحلقة_السابعة_والخمسون
#مريم_زكريا_الجزء_السابع
#عيسى_الجزء_الثالث
#الذين_تكلموا_في_المهد

وقفنا المرة إللي فاتت عند عيسى عليه السلام لما ربنا أنطقه عشان يدافع عن مريم عليها السلام وهو لسه طفل رضيع،
وكانت معجزة واضحة لبني إسرائيل،
مش يعتذروا بقى لمريم عليها السلام ويقولوا آمنا بالله وحقك علينا
لأ ده كذِّبُوها وقالوا لها إنها بَغِيّ، وكانوا بيسموا عيسى عليه السلام ابن البغي😑

وبعد المرة إللي عيسى عليه السلام تكلَّم فيها في المَهد قدام بني إسرائيل، ما اتكلمش تاني بعدها إلا لما وصل للسن العادي للأطفال بتاع الكلام،
وطبعا بنو إسرائيل مكنوش سايبين مريم وعيسى عليهما السلام في حالهم😑
ده غير إنهم كانوا عايزين يقتلوا عيسى عليه السلام،
فمريم أخدته وهربت من بيت لحم وراحت مكان معين،
إيه هو ؟ منعرفش بالتحديد.. علماء قالوا راحت مصر وعلماء تانيين قالوا إنها راحت دمشق، وعلماء قالوا راحت بيت المقدس،
المهم إن ربنا اختار لمريم وعيسى عليهما السلام مكان بتتوفر فيه مقومات الحياة عشان يعيشوا فيه، زي ما ربنا قال في القرآن:
"وَجَعَلْنَا ابْنَ مَرْيَمَ وَأُمَّهُ آيَةً وَآوَيْنَاهُمَا إِلَىٰ رَبْوَةٍ ذَاتِ قَرَارٍ وَمَعِينٍ "
نشأ عيسى عليه السلام في رعاية مريم رضي الله عنها وكان واضح عليه علامات الذكاء والنّباهة، لكن مفيش أخبار مُوَثقة عن فترة شبابه إللي قبل التلاتين من عمره حصل فيها إيه،
و لما بلغ ثلاثين سنة، ربنا أرسله كرسول لبني إسرائيل.

☆قبل ما نكمل الأحداث في قصة عيسى عايزين نعرف هل في حد تاني تكلم في المهد ..يعني هل تكلم أطفال رُضّع غير عيسى عليه السلام 🤔
يجاوبنا على السؤال ده رسول الله ﷺ
قال إنه لم يتكلم في المهد إلا ثلاثة عيسى عليه السلام وعرفنا قصته،
والثاني غلام جُرَيْج، و الثالث إللي تكلم في المهد: رضيع امرأة بني إسرائيل.
قال رسول الله ﷺ: "لَمْ يَتَكَلَّمْ فِي المَهْدِ إِلَّا ثَلاَثَةٌ: عِيسَى..."
والحديث ده يا جماعة هو الوحيد الصحيح،
يعني أي حديث تاني ورد فيه غير الثلاثة دول، يا إما ضعيف أو موقوف،
يعني طفل أصحاب الأخدود، والشاهد إللي في قصة يوسف عليه السلام إللي قالوا إنه طفل، وابن ماشطة فرعون،
كلهم فيهم كلام👌

◇خلونا نشوف قصة غلام جُرَيج.
جُرَيج ده كان عابد من عُبّاد بني إسرائيل، كان في عهد أنهي نبي؟ منعرفش🤷‍♂️
إللي يهمنا الموقف إللي حصل معاه..
جريج ده كان في الأول تاجر وكان بيخسر مرة ويكسب مرة،
ففي مرة قال:
"التجارة دي مش نافعة 😑
أنا هشتغل في تجارة متخسرش أبدا! والتجارة إللي ما بتخسرش وبتكسب دايما هي عبادة ربنا، أنا هتاجر مع الله 👌
لإن الحسنة بعشر أمثالها والله يضاعف لمن يشاء،
وإللي بيعمل سيئة بتتحسب له سيئة واحدة و لو معملهاش بتتكتب له حسنة تخيلوا👌
ده غير إن سلعة ربنا "الجنة" إللي فيها كل النعيم وكل العوض وكل المكسب... فهل في تجارة أربح من كده 💁‍♂️

جُرَيْج خرج خارج البلد و بنى له صَوْمَعة من الطين وانعزل عن الناس وبقى بيتعبد فيها لله، وده كان أمر مشهور بالطريقة دي عند اليهود والنصارى،
والصّوْمَعة دي يعني أوضة كده مرفوعة عن الأرض، مالهاش سلم ، بيطلع فيها المُتعبد عن طريق حبل ولما يطلع يشد الحبل وراه، عشان محدش يطلع له ويزعجه،
ولما يحب ينزل يقوم منزل الحبل ونازل عليه ويشوف حاله،
ففي يوم من الأيام كان جُرَيج ده بيتعبد في الصومعة بتاعته كعادته،
فجت أمه عنده تحت الصومعة وبدأت تنادي عليه :
يا جريج.. يا جريج.. !
واقفة تنادي عليه وتبص لفوق وحاطة إيدها على حواجبها عشان يعني تغطي عينها من الشمس،
و الوصف الدقيق ده موجود في الحديث بالظبط كده حتى إن رسول الله ﷺ وهو بيحكي الحديث للصحابة مثّل لهم بإيده إزاي كانت أم جريج حاطة إيدها على عينها وهي بتنده لابنها
جُريْج سمع والدته بتنادي عليه، وهو ساعتها كان بيصلي زي نافلة كده مش صلاة فرض يعني،
فبقى محتار وقعد يقول في نفسه:
أمي ولّا صلاتي؟ ..أمي ولّا صلاتي..؟
يعني يارب أرد على أمي ولّا أكمل صلاتي؟
لحد ما حسم أمره في الآخر واختار صلاته وساب أمه تنادي بدون ما يرد عليها ويشوف محتاجة إيه،
فأمه مشيت..
جت له تاني يوم في صومعته لحد عنده، وكان برده بيصلي ، فندهت عليه بنفس الطريقة إللي قلناها👆
وبردو فضل محتار: ياربي أمي ولّا صلاتي ..؟
أمي ولّا صلاتي..؟ فاختار صلاته زي المرة الأولى، وأمه مشيت،
المفروض طبعا إنه لما يخلص صلاته عشان يروح ينام مثلا أو ياكل أو يقضي حاجته؛ كان يروح لبيت أمه يشوفها كانت عاوزة إيه، لكن معملش كده للأسف😶
وتالت يوم حصل نفس الموقف بالضبط واختار صلاته...
وكل مرة أمه تمشي خايبة الرجا، وتعبانة وحزينة وقلبها مكسور،
لكن المرة دي أمه قبل ما تمشي رفعت إيدها للسما ودعت عليه
قالت :ياربِّ لا تُمِته حتى يَرَى وُجُوهَ المياميس أو المومسات🤲
☆المياميس مفردها مومس يعني المرأة البغي التي تتخذ الزنا مهنة وتتكسب منها👌

وإذا أراد الله شيء وأَذِن بوقوعه، بيهيأ له أسبابه..
يعني احنا ممكن نستغرب دلوقتي:
إزاي يعني واحد عابد ومنعزل عن الناس في صومتعه حتى منعزل عن أمه و هيشوف وجوه النساء البغايا😳
بالعقل متجيش 😕
لكن ربنا له أسباب بيسببها..
خلونا نشوف ترتيب ربنا للأحداث والأسباب كانت إزاي👌
جُريج كان مشهور بين الناس، فكان في مجموعة كده من بني إسرائيل قاعدين مرة في مكان فيه فِسق وفجور، زي ملهى ليلِي كده
وبدأوا يتكلموا على جريج وصبره على العباده وإزاي إنه زاهد ومبيفكرش في الدنيا ومش مهتم لأي حد،
مين سمعتهم
امرأة بغي من بغايا بني إسرائيل😶
قالت لهم:
لو تحبوا أنا أقدر أفتنه لكم وأراوده عن نفسه😈
فقالوا:
ماشي موافقين اعملي إللي انتِ عايزاه.. ورّينا 😈
راحت البَغِي لصومعة جريج، وقعدت تتعرض له عشان تفتنه بزينتها ، وهو مش معبرها خالص ولا كإنها موجودة
مش تسكت بقى وترجع وتقول لهم ده صعب ومحصن نفسه جامد🙄
لأ..دوّرت على حيلة تانية،
كان في راعي غنم معدّي، جاء وقعد في ظل الصومعة، فتعرضت له وراودته عن نفسه وأغوته وحملت من الراعي ده بطفل في بطنها،
وبقت ماشية تقول للناس في بطني ابن جريج،
فالناس صبروا عليها لحد ما وِلدت، وسألوها ابن مين ده قالت: ابن جريج،
قالوا هاتوا الفؤوس.. احنا هنروح نكسر عليه صومعته الكذاب الفاسق ده.. !
طب والبغي؟ مش مفروض تعاقبوها هي كمان مثلا ولّا إيه النظام؟ 🙁
المهم،
كل واحد أخذ فأس، وطلعوا على صومعة جريج، وكان بيصلي في الوقت ده،
قعدوا يكسّروا في الصومعة بتاعته من تحت،
فلما سمع أصوات الفؤوس خرج لهم وقال لهم بتعملوا إيه!!

قالوا له بقى: انزل يا فاجر يا فاسق يا كذاب يا اللي بتمثل علينا التدين وانت منافق 😡
فقال لهم : أنا عملت إيه😳
قالوا له :انزل الأول واحنا نتفاهم، فنزل ، فراحوا على طول واخدينه رابطين إيده لورا بالحبل،
وبدأوا يتخانقوا معاه يعرَّفوه هو عمل إيه وإن خلاص البغي فضحته وكشفت المستور ومش هيفيد الإنكار في شيء، وكإن البغي هي الصادق الأمين وجُريج لو دافع عن نفسه فهو الخائن الكذاب😟
فأخدوه لملك القرية عشان يحاسبه،
مين ملك القرية ده
أبو المرأة البغي إللي عملت الحدوتة دي كلها 😶
والمفروض بقى إن ملك القرية هو إللي هيحاسبه💁‍♂️

يعني مش كفاية إنه و نِعم الأب يعني، لا وهيبقى ونِعم الحاكم كمان
مهازل كانت بتحصل في بني إسرائيل فعلا وحدث ولا حرج😬
المهم وهمّ ماشيين في الطريق لملك القرية، كان الناس من كل مكان بقى متجمعين وشايفين الفضيحة وعمالين يتكلموا وفيه ضجة كبيرة حاصلة..
وكان وسط الناس دي ميين المُومِسات😊

فلما شافهم عرف إن دي دعوة أمه عليه👌
مشيوا بجريج وهو مربوط ومذلول ومفضوح، لحد ما وصلوا لملك القرية فقال له:
إيه إللي إنت عملته ده يا جريج😑
ده احنا كنا شايفينك أعبد واحد فينا لحد ما عملت عملتك وأحبلت المرأة 😡
يعني خليتها تحمل بولد..
☆شوفتوا الإيمان والتقوى إللي بتشُرررر من الكلام
يعني سياتك يا أبو البغي شايف إن إللي يعمل كده يبقى فاسق وفاجر؟ طب وبنتك سايبها كده ليه حضرتك😐

المهم، عمل إيه جريج في الموقف العصيب ده😶
هل قعد يدافع عن نفسه ويقول يا جماعة معملتش حاجة، ده هي إللي جت لي وأنا معبرتهاش و...و...؟
هو عارف إن الناس دي إللي استنت تسع شهور عشان يعملوا الفيلم ده مش هينفع معاها أي كلام🙄
فبكل هدوووء وثبات قال لهم:
هاتوا لي مَية اتوضأ
فجابوا له المية.. اتوضى وصلى ركعتين.

☆ملحوظة:
الأمم السابقة كان عندهم صلاة ووضوء عادي زينا، بس طريقة الصلاة والوضوء مختلفة عن إللي عندنا في الإسلام👌

بعد ما جريج صلى قال هاتولي الولد،
فجابوا الولد وهو عمره لسه يوم، فضربه بصباعه كده، زي لكزة كده👆 وقال له:
يا غلام من أبوك؟
فنطق الطفل الرضيع وقال: الراعي.
طبعا كلهم أصابهم الذهول😳
وقعدوا يعتذروا له، وقالوا له هنبني لك صومعة جديدة طوبة ذهب وطوبة فضة،
فقال لهم : لا ذهب ولا فضة رجعوها بس زي ما كانت وسيبوني في حالي 😒
وطبعا بعد الحادثة دي زادت محبتهم له وكِبِر في نظرهم وبقى له مكانة عندهم...


وفي نقطة مهمة عاوزين نبينها هنا:
☆جُريج مش نبي يا جماعة، يعني مفيش وحي يقول له إن الرضيع ده هينطق لو ضربته بصباعك وسألته،
وأكيد مكنش متوقع أصلا إن الولد هينطق لإن مش العادي إن طفل رضيع يتكلم🤷‍♂️
لكن صدق رجاؤه في الله ورصيده الكبير عن ربنا هو إللي خلى ربنا يحقق له المعجزة دي👌
هو عارف إنه بريء وإن أكيد ربنا معاه لإنه مظلوم في شرفه وعِرضه.. فهيخاف من إيه...؟
فاكرين لما اتكلمنا في البداية عن إزاي إن البشر عاملين زي الآلات بينفذوا قدر ربنا فينا؟
جريج كان فاهم الموضوع كله، عشان كده قرر إنه لا يوجه لهم أي كلام نهائي، ويلجأ للقهار القدير عز وجل، إللي أذن بتسلطهم عليه بالظلم، وإللي قادر وحده على رفع الظلم ده بحوله وقوته👌
وكأن لسان حاله بيقول:
انتم اتحركتم بسبب دعوة أمي عليّ إللي ربنا استجاب لها ونزل عليّ البلاء ده،

خلاص يبقى هروح للي أنزل البلاء وأتوسل إليه إنه يرفعه.. وعشان كده طلب وضوء وقام وصلى الركعتين ودعا..
الموضوع بسيط جدا💁‍♂️
فخلّوا قصة جُريج في بالكم دايما واعملوا زيه وقت تسلط الناس عليكم بالظلم والأذى👌
وعلى فكرة قصة جريج تشبه قصة مريم عليها السلام،
ربنا أنطق عيسى عشان يدافع عن أمه البريئة،
وبرده أنطق رضيع جريج عشان يبرئه،
مشكلتنا في اليقين وإننا بنفكر إن البشر همّ إللي بإيدهم إنهم يضرونا أو ينفعونا،
وناسيين إن كل حاجة بقدر ربنا والمطلوب إننا أول حاجة لازم نعملها إننا نلجأ لربنا الأول وبعدين ناخد بالأسباب👌
ابدأوا ازرعوا اليقين جواكم واحدة واحدة،
وخلّوا قصة جُريج في بالكم دايما واعملوا زيه وخلوا عندكم صدق لجوء لله ويقين في نصرته عشان ربنا يكافئكم زي ما كافأه👌

كده خلصنا قصة جريج..
باقي بقى قصة الرضيع الثالث إللي تكلم في المهد.. رضيع امرأة بني إسرائيل..
كان في بني إسرائيل امراة قاعدة بترضع ابنها الصغير في يوم كده، ومنعرفش برده هي كانت في زمن أي نبي🤷‍♂️
فا وهي بترضع ابنها عدّى من قصادها راجل راكب على فرس، وماشي في موكب مهيب وأثار الغِنى واضحة عليه ..
فالمرأة انبهرت بالمنظر! وقالت يارب ابني يبقى زيه😮
فالطفل ترك الرضاعة وقال : يارب ما تخلينيش زيه😒!
ورجع يرضع مرة تانية😳
أكيد الأم استغربت واتفاجئت ويمكن جه في بالها إيه ده هو الصوت ده جه منين ولّا أنا بيتهيألي ولّا إيه😶
الله أعلم إيه كان رد فعلها بالظبط مش موضوعنا.. لكن كملت رضاعته تاني وعدت الموضوع لإن مفيش في إيديها حاجة تعملها غير كده
بعد شوية وهو برده بيرضع، عدى عليهم أَمَة من الإماء،
يعني بنت مملوكة لأحد الناس..
عدت قدامهم والناس نازلين فيها ضرب وعمالين يقولوا سرقتِ.!. زنيتِ..!
فالمرأة إللي بترضع ابنها قالت: يارب ابني ميكونش زيها😥
فالولد ساب الرضاعة تاني وقال: يارب خليني زيها!
ورجع يرضع تاني😳!
فالأم قالت : لأ بقى إنت إيه حكايتك 😧
فالطفل قال لها:
الرجل إللي كان على الفرس، كان جبار من الجبابرة -وفي رواية إنه من أهل النار..
والبنت كانت مظلومة ومعملتش حاجة بالعكس أخلاقها كويسة👌

☆والعبرة إللي ناخدها من القصة دي إننا مناخدش أبدا بظاهر الأمور👌

ممكن نظن سوء في حد لإن الناس بتتكلم عنه، ويطلع بعيد عن كل الشبهات أصلا، لكن خدعتنا المظاهر إللي الناس فرضتها على الموقف،
عشان كده ربنا قال لنا: " والله يعلم وأنتم لا تعلمون"

إيه إللي حصل بعد ما عيسى عليه السلام بقى رسول لبني إسرائيل؟
ده إللي هنعرفه الجزء الجاي إن شاء الله👌

#Eman_Shalapy