ياصاحب الزمان ......  ياصاحب الزمان
____
يمته تشرق على البريه وينتهي هذا الظلام
وتنتهي كل المآسي ويصبح العالم سلام
وتسكت احلوگ الشماته وينقطع شر الكلام
  وتاخذ ابثار اليتامه وتاخذ ابثار الخيام
___
تدري يالمهدي وغلاتك حيلي من الفركه باد
روحي خضره ومن غيابك يبست او صارت رماد
يمته يامحيي الشريعه اطمن اگلوب العباد
يمته اذبن ثوبي الاسود وينتهي هذا الحداد
____
انه لو ظاكت الدنيه بيه ادك بابك واجيك
شعندي غيرك يابو صالح بكل صلاة انه ادعي ليك
من ارفع جفوفي ابدعائي جني احس كظت اديك
اه ياشوك الملاگه الشايله  بكلبي عليك
___
يمته تظهر يابو صالح وينتهي هذا العناء
وتفرح الدنيا ابظهورك ونقره الك هذا الدعاء
صوت جبرائيل ناده من السمه بهذا النداء
طلع البدرو علينا كوكباً من السماء
___
حلمي بس يمك اموتن عايش الهذا الطموح
بيه لهفت طفل ظايع مشتهي الملكه وينوح
هيج اناطر جيتك انه مفرفح محمل جروح
مدلي جفك يابو صالح منيتي الجفك الوح
____
من ارفع ايدي وبدعائي دوم اناديك  العجل
وانه كلي ذنوب ودعي والله ماخذني الخجل
اتوبه يامولاي اگلك جنت عايش  بالجهل
شلون لو جتني المنيه وسير عليه  الاجل
__
ارزقني من قبري اجيلك معتني ولابس جفن
شاهرا سيفي وملبي دعوتك يابن الحسن
ارزقني اسولفلك البيه وهنه ابد ماينسن
خيام محروكه وتراجي هواي بس ماينحجن

حسبن الزيدي

__

قصيدة بحق ام البنين عليها السلام


يارحمه الله الواسـعة   يم البنـــين الاربعة
  باب الفرج للمحتار   عدها يصير الماصار
                   ام البنين الاربعة
--------------------------------------------------
ام البنـين اتميـزت  بيها العقول اتحيرت
انخاها لوحاجة اكلفت  كل حاجة تطلبها كَظت

انخاها وانته ملهوف  ومشي عليها الحسين
تطي الحوائج بالايد  تكَظيلك برمشه عين

هاي العفيفة الطاهرة  خل يدري بيها الما درة
هايه خزانة الاسرار  عدها يصير الماصار
------------------------------------ ----------
بالدنيا لو صابك عسر  انخاها يتحول يسر
بالشدة اقره من تـــمر  الفاتحة تسهيل امر

أسأل عليها التاريخ  من فاطمة ماكو اثنين
نحسبها بعد الزهراء   باب الله للمحتاجين

معروفة ساعات الشدد فاز الندبها وانسعد
منقولة عنها الأخبار   عدها يصير الماصار
------------------------------------------------
حيدر ترة ايعرفچ عدل  واختارچ بحكمةوعقل
ياهي الي مثلچ تحتمل  تطي الولد لجل الكتل

اطت ولدها قربـان    والباري كلشي اطاها
صارت مَثل بالايــثار    باب الفـرج خلاها

بيها دعـُـائك ينسمع     والهم بسـمها يرتفع
هيبتها من الكرار    عدها يصير الماصار
--------------------------------------------------
ام البـنين ام الوفه  بالحاجة تدري وعارفه
علمها حيدر كل صفه  عدها الفرج عدها الشفه

اطلبها دوم بأخلاص   الـشدة تنحل بساع
ما تعتذر ام عـباس  تشـفي جميع الاوجاع

بالــشدة دايم تنذكر    ماتـسد باب وتعتذر
يرضى لرضاها الجبار  عدها يصـير الماصار
------------------------------------------------
صارت مثل بالمرحمة   وعن فاطمة هم فاطمة
المخلص الله ايكرمة   كل طلب منها ايتممة

عدها الوفه ماله حدود  وي النبي واحبابة
خلاها للـعالم بـــاب     الباري ماسد بابة

اذكرها من تدعي العلي   لاشك همومك تنجلي
اذكرها عند الاسفار     عدها يصير الماصار
------------------------------------------------
اقسم عليچ ابحيدرة  وابنچ الكَطعوا منحرة
والبطل سبع الكَنطرة  وزينب الحرة الصابرة

قبلـينا عـدچ خدام  وسجلينة من خدامچ
نطلب شفاعة من حسين  فدوة لتراب اجدامچ

بسمچ طلبنه نرفعة  وانتي شفيعة مشفعة
ياحرة عدچ خطار     عدها يصير الماصار


أسالكم الدعاء رائد الاسدي

الاداء ملا ستار الصالحي

سيدي يمتى الفرج يابوصالح
               ـ-----ـ

بالدعاء يبن الزچيه اچفــــــوفنه شلناها
ننـدب اللهم عجل فزعتـــــــــــك ردناها
جارت اعلينه النواصب گوم گص يمناها
ابشـــع انواع الجرائم ســيدي شفـــناها

    سيدي يمتى الفرج يابوصالح
              ـ-----ـ

رد ابن سـفيان يحكم وانته تعرف جـــوره
صــحن زينب گال ينسد منـع حتى انزوره
يمتى برض الشام اشـوفن رايتك منشوره
وتفشل الثوره الخبيثه وثورتك منصـــوره

    سيدي يمتى الفرج يابوصالح
               ـ-----ـ

يم مقام الحــــره زينب رد ابن مرجانه
وهيه وحــدها وغريبه العجل يا مولانه
اگلوبهم مابيها رحمه ابلا ضمير اعدانه
ولي گال اهدم گبرها گوم گص السانه

   سيدي يمتى الفرج يابوصالح
             ـ----ـ

حاير بأاهل السـقيفه ذوله مــــن ياطيـــنه
بالدنانير وطمعهم دينـــــــــهم شــــــــارينه
حكم قتل الشيعي جائزه عدهم مشرعينه
ودينــه بدعه وخــرافه سيــــدي امسـمينه

سيدي يمتى الفرج يابوصالح
               ـ----ـ

يابوصالح شنهي ذنب الشيعي اليذبحونه
الان ماضي ابنهج حيــدر ضلو يبغضـــونه
لچن رغــــم الظلم نبـــقه اجبال ميهزونه
بحب علي نحيه ونمـــــوت وابد ميهمونه

    سيدي يمتى الفرج يابوصالح
ـ----ـ

✍الخادم
كامل السعيدي

بصوت ملا وهب الخضرائي

بصوت ملا حسين العيساوي

قصائد ولادة فاطمه الزهراء «عليها السلام» مع الالحان

ياصاحب الزمان
#اللهم_عجل_لوليك_الفرج

#ولادة_الزهراء

نور يم عرش السمه
من يصلها فاطمة

خالق الدنيا ابخلقها هو باها
نارت الدنيا بكبرها أبضواها
الكاع الها و السما والله سماها
من مثلها او هاي ابوها النبي طه

والبرية خادمة
من يصلها فاطمة
*
فاطمة هيه احفظت هذا الوجود
منعرف لولاها تسبيح او سجود
هم مثلها بالخلك اي والله عود
هاي اسمها ألي أبادلنه الجحود

أبلا معلم عالمه
من يصلها فاطمة
*
هالسمه والله أو أرضنه هالوسيعة
كلها صارت أجل عيناها الوديعة
الله باها بيها أملاكه الرفيعة
هاي جبريل الأَمرها انت التطيعة

هالجليلة الحالمة
من يصلها فاطمة
*
سر وجودي بل وجود الدنيا كلها
والخلائق كلها مخلوقه ابفضلها
هاي كعبة او وينه وينه إلي يصلها
هاي نور الله الجبير الما مثلها

من ذنب ذي سالمة
من يصلها فاطمة
*
اليكول بجاه فاطم بالدعاء
ينكشف عنه او يروح أعظم بلاء
تنفتحله أبواب عظمى بالسماء
يبقى مرتاح بحياته او بالفناء

تنحفظله المكرمة
من يصلها فاطمة
***
فاضل عباس الخزاعي

افرح يالموالي هاي فرحتنه
بميلاد الزجيه انهني شيعتنه
&&&
ابميلاد الزجيه تفرح الصوبين..تفرح مهجتي وتفرح وياها العين
مهمومه الزجيه انظلمت من اسنين..خل نفرح الليله بيها بضعتنه
&&&
فرحتنه الجبير صارت بهاليوم..ويفرح كل موالي كلبه ظل مهموم
خل يفرح ويانه البلزمن مظلوم...بميلاد الزجيه اتصير جمعتنه
&&&
بميلاد الزجيه نعلن الافراح..ونداوي بفرحنه اليوم كل أجراح
ميهمنه الرحل من عدنه خله وراح..متهمنه المأسي وحزن امتنه
&&&
نتحمل الظيم الصار واليجره..بميلادج نعلك اشموع يالحره
نصيح ابصوت هذا مولد الزهره..الج نفرح يحره وهاي لمتنه
&&&
نشعلها الشموع انعلك الزينه..بميلادج حزم للفرحه شدينه
نعلنها الافراح اليوم هبينه..فوك النجم تعله هيه رايتنه
&&&
فوك النجم عالي راية الزهره..بالمولد نعيد اليوم بالذكره
محتفله اهلنه تهني العتره..وتهني القائم هاي لحظتنه
&&&
انهني القائم والنبي وحيدر..بميلاد الزجيه اليوم نتحضر
علكنه الزينه والشمع اخضر..وهلينه الدمع يامحله دمعتنه
&&&
هلينه الدمع بالفرحه مولاتي..تطلع بالغصب من عندي اهاتي
وتنزل عالوجن ابسكته دمعاتي..الج مرخوصه تفرح هيه جلمتنه
&&&

خادم اهل البيت
الحاج ابو علي السعيدي

مواليد وأفراح أهل البيت
هلا بضعة الهادي …. وام ابيها
اهي تتباهه بمي …. وام ابيها
تحيات المنابر …. وام ابيها
بلستعداد ياخذلج تحيه..

بصوت. مسلم المطيري
زنـجـيـل أبـو ذيـات للـزهـراء (ع)
سـيــد عـــلاء الـحـيّـــدري

علي يـوم الـحشـر شـافـع ... وفـاطـم
ومن حــرّ الـدرك مـنّـجــه ... وفـاطـم
علي علـم الـنبـي المُـرسل ... وفـاطـم
فـخــر للـنـاس دنـيــا وآخـــريـّــه

فـخـــر للـنــاس أم حـسيــن ... وصّـلـه
وأبـد ما يـوم حـبهـه أنگـطع ... وصّـلـه
الـگـمــر من الـزچـيّـه صُـبـح ... وصّـلـه
نـــور الـنــور فـاطـمــة الـزچـــيّــــه

نــــور الــنــور كـــل الــنـــور ... مـنّهـه
جـلـيلـه وما شـفـت فد يـوم ... مـنّهـه
لـــون تـنّـهــانـي كـل الـنـاس ... مـنّهـه
فــلا عـوفــچ يـبـت سـيــد الـبـريّــه

فـلا عـوفـچ وأنـه مـحـبّتـچ ... شـرّيـان
يـنبـض الـگـلـب يـالبالگـلـب ... شـرّيـان
شـمـا جــاب الـبـغـض ويّــاه ... شـرّيـان
أمـيـــر الـجـان عـنـد الـحـيّـدريّـــه

أمـيــر الـجـان وأنّـســـه ... عدنه حيدر
وعـلى دروب الـشـهـاده ... عدنه حيدر
ألــــچ خـــــدّام كـلّـنـــه ... عدنه حيدر
نـطـب ويّــــاچ للـجـنّـــه ســويّـــه

ـــــــ ـــــــ ـــــــ ـــــــ ـــــــ ــــــ ــــــ ــــــ ــــــ

الـشـاعـر
ســيـد عـــلاء الـحـيّـــدري