ابوذيات في تتويج الإمام الحجة عجل الله فرجه الشريف

انطانه الباري مانهوه وردنه
النسايم هبت اتناغي وردنه
خبر تتويج ابوصالح وردنه
امام العصر محبوب الرعيه

يمن بيك الگلوب شكثر هامات
ها گالوا اعدانه رحل. ها مات
تتويجك يذل لعداك هامات
ويفرح شيعتك يبن الزچيه

الشاعر حسن لعيبي الحريشاوي

تتويج الإمام الحجة المنتظر عج

بيوم تتويجك فرح دلالي
انته غالي وتستحق كل غالي
فدوه الك كل عمري ...
يا بو صالح تدري ...
انته غالي وتستحق كل غالي
************
يا نبع طيبه وكرامه
يلوگلك تاج الإمامه
انته عنوان الشهامه
ربك إمقلدك وسامه
تفرح عيوني بضواك تشوفك
وانته كعبة حبها من تطوفك
يا أماني وذخري ..
يا بو صالح تدري ...
انته غالي وتستحق كل غالي
************
غيرة الله وهذا نورك
سور محمي بالله سورك
يا وكت يبدي ظهورك
كون أبوس ايدك وأزورك
يا أمان الروح روحي تريدك
كيّفت هاي المسيه بعيدك
وبظهورك نصري ..
يا بو صالح تدري ...
انته غالي وتستحق كل غالي
************
ذابت الروح بغيابك
يمته أقبّلهن أعتابك
بيدي أدگ يالمهدي بابك
غالي ما تنسه أحبابك
هيچي أحظه وأوصل آنه البابك
حتى أسولفلك عذاب اغيابك
وأستميحك عذري ..
يا بو صالح تدري ...
انته غالي وتستحق كل غالي
************
الليله شوصفلك فرحتي
أعلگ بعيدك شمعتي
عن فرح سالت دمعتي
بطلعتك كحّل نظرتي
تفرح عيوني التشوف أنوارك
تبقه تتّبع يغالي آثارك
يمته يخمد جمري ...
يا بو صالح تدري ...
انته غالي وتستحق كل غالي
************
فرحت الدنيا الوسيعه
بيك يا حامي الشريعه
يبن حيدر والوديعه
نبض شرياني ونجيعه
عمري من غيرك شلي بأيامه
العاشگ بحبك رسم أحلامه
عالي بسمك قدري ....
يا بو صالح تدري ...
انته غالي وتستحق كل غالي
************
للشاعر عمار هليل الواسطي

#لسان_أم_الشهيد_وكل_ام_فقدة_أبنها

ماتت شمعتي وتچايت البيت
ينفت الصــــخر لو يمه ونيت
عني اوليدي غايب 
امه وگلـــبي ذايب
ماتت شمعتي وتچايت البيت

///////////////
١
مات الي اتعـــبت حـــيل ابكبرته
الوقـــــت الضيچ والعازات شلته
ابزغره الخــــــدمة المـنـبر نذرته
أمــام الزهره يـــرفع راسي ردته

الجان بكل عزه يلطم للحسين
مات وفرگته مثل السـجاجين
امصوبتني النوايب
أمـــه وگلبي ذايب
///////////////
٢
الغالي الينفگد شــيخلي بالروح
حــتى بالــــدمع تلگاها الجروح
بعد اولـيدي عمري يعاشر النوح
تــــــبرالي صــــوره وين ماروح

راح الچان عطــره بريتي فواح
اعيش بياأمل مـني الأمــل راح
هدتني المصايب
أمه وگلبي ذايب

//////////////
٣
راح الي يحبني وحـــــــار ملگاه
ادور بالأحـــــــلام الچانت اوياه
على بالي يضل مايــــــوم انساه
لوبيدي اشيلن وســــــكن احذاه

بحضــيني احطه وگـــعد اگعود
هلبت لن زماني بــشوفته ايعود
منتظره واعاتب
أمه وگلبي ذايب

/////////////
٤

هواي دموع عيــــني وتترس الگاع
حلمي ودعيـــــته اويه الولد ضـــاع
وسفه الموت من عندي خذه ابساع
الما سمـــــــــعني حتى چلمة اوداع

الهذا الموت ابد ماحاسبه احساب
راح باحله عمـره زغيــــــــر وشاب
يا فگد الحــبايب
أمه وگلبي ذايب

/////////////

٥
الولـــد ماي وتـــــبده اشلون المه
كلبي يفز لــــون ذكــــرولي اسمه
راح ودنــــيتي صــــــارت مظلمه
تارس عيني چــــان وخوش زلمه

راح الي ضخرته الكبري يانـــاس
حدب ضهري لجله وشيب الراس
گمت ابدربه اراقب
امــه وگلبي ذايب

/////////////

تم بعون الله تعالي
✍️بقلم ام زين العابدين اللامي
من يود يقرا القصيده يذكر هذا
الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه،
#الفاتحه_الى_روح_والدي_ووالدتي 💔💔

((يامهدي))


بحضرةّ حبك جيتك نادم
مذنب بس الجـدك خادم
غافـــر ذنبي
وانته تحبني ... يامهدي

"""""""""""""""""""""""""""""""""""''''''''''

بحضرتك .. جيت ألك .. وتدري بعمالي
استحـــي .. مـن الذنب .. وحـبك أگبالي

وأوراقي بچفوفك وانــته قاريهن
حاسبهن غلطاتي وتعـرف شبيهن
يا مهدي سامحني مروتك محيهن

اغـفر ذنبي بروح القاسم
مذنب بس الجدك خادم
بيدك لمني
وانته تحبني ... يامهدي

"""""""""""""""""""""""""""""""""""''''''''''

يالغدت .. دمعتك .. حمره بذنوبي
ياوسف .. ســيدي .. وأنته محبوبي

دمعاتك من تنزل تلچم جروحي
اعذرني مـــــولايه ياسبـب نوحي
واغفرلي عثراتي ياعشـگ روحي

الله اليعــــلم وانته العالم
مذنب بس الجدك خادم
روحي تهزني
وانته تحبـني ... يامهدي

"""""""""""""""""""""""""""""""""""''''''''''

خدمتي .. دمعتي .. وتسمع احساسي
كل عزه .. سيـدي .. لطـــمتي براسي

حبيتك وانفـــاسي حَبت الخنگه
يالعمتك مسبيه وروحي محترگه
ياصحره ياديــره طـــالت الـفرگه

تبچي الليل وآنـــه النايم
مذنب بس الجدك خادم
بيدك جرني
وانته تحبني ... يامهدي

"""""""""""""""""""""""""""""""""""''''''''''

الرايتــك .. حسرتي .. چنهه خفاگه
يالصدگ .. ننتضـــر .. يمتــه نتلاگه

كل مره وأتنطر رايةّ المـهدي
مولايه وعيوني غيرك شعندي
دمعاتي بغيابك يچّون بخـدي

ياثار حســــين ويـــالقائم
مذنب بس الجدك خادم
اسمـــع وني
وانته تحبني ... يامهدي

"""""""""""""""""""""""""""""""""""''''''''''

الدولتك .. ننتضر .. وثـــارك نريده
للنحــــر .. للطفل .. الگطعو وريده

والزينب والسكنه تـبدي ثاراتك
للهــــزله والتـــله حمره دمعاتك
يا مهدي چا وينك تبچي عماتك

انته تون وعمـــرك هايم
مذنب بس الجدك خادم
وتعرف عني
وانته تحبني ... يامهدي

عبد زينب
محمد الابراهيمي

لحن(يامهدي)
بصوت
ملا محمد علي اللامي

(لفقد الام )

نزلوني بكبرهه خل احاجيهه
هاي امي الحنينه ودنيتي بيهه
..........

يهلي لخاطر الله وياهه خلوني
مامتعوده ماشوفنهه بعيوني
هاي اليلة وحشة يمهه عوفوني
بالفركه تواسيني واواسيهه

..........

الشالت ضيم كلبي شلون اعوفنهه
تبرد بالكبر   ياناس  اخافنهه
شلون اتراب هاي الكمره يدفنهه
اريد انزع عباتي وبيهه اغطيهه

.........

عسه عميه ولا شوفن جنازتهه
هاي التسع تشهر روحي شالتهه
مامش احن من الام عله بتهه
وحشه المكبره وشلون اخليهه

..........

وحشه المكبره وليل ضلمه هواي
يمه لخاطر الله كومي ردي وياي
يانور البعيني وضحكتي وسلواي
يل جنت عله روحي دوم ابديهه

..........

شلون ارجع ورد للبيت من دونج
صار اضلم ييمه بغمضة عيونج
شلونج يالحنينه بكبرج  شلونج
بعدج على حسين الدمعه تبجيهه

...........

الشاعر
مصطفى الحسني

((سؤال الباب))


سؤال الباب جوابه أخيام
والبسمـــــار جوابه اسهام
الچف ألي سطر فاطم
نفسه ألي ذبح جــاسم .. ذبح جاسم

"""""""""""""""""""""""""""""""""""''''''''''

الحرگ بابچ حرگ خيمه وطك يتيمه
الهــد عليكم هـــد عليهن ودنـيا هيمه

الجرح نفسه بتفاسيره
نفس الصوره والسيره
اهـــنانه النار مشعوله
وبالطف نارهـم حيره

والضـــلموج مو أسلام
والبسمار جوابه اسهام
الماخــــله ضلع سالم
نفسه الي ذبح جاسم .. ذبح جاسم

"""""""""""""""""""""""""""""""""""''''''''''

نفســـه هوه السحگـ محسن اسمه حافر
الحرگ چفچ حــــــرگ چفها بيوم عاشر

الدفع بابچ يبت طه
نفسه أرقية ضرباها
ماخذ منها تـــرچيـه
هوه نفسه سلبـــاها

والأذوچ اهـــــل الشام
والبسمار جوابه اسهام
وَبّــــــابچ رمح ساهم
نفسه الي ذبح جاسم .. ذبح جاسم

"""""""""""""""""""""""""""""""""""''''''''''

المنع حگچ منع حگـــها ويسراها
نفسة قنفذ سوطة نفسه اللوعاها

الذَبـــچ بالترب گوه
ذبــــها وهـــيه تتلوه
وماگالت أرحمــوني
گالت والعشگـ يسوه

العشگـ ذابح نحور احلام
والبسمــــار جوابه اسهام
واليظـــلم گلب هايم
نفسه ألي ذبح جاسم .. ذبح جاسم

"""""""""""""""""""""""""""""""""""''''''''''

الچتف حيدر چتف زينب بيا رزيه
الأخذ ارثــــچ هوه يصرخ يــاسبيه

اليضدچ عمـره ماصلى
ذبح بســهامه عــبدالله
وعَطَشّ طفله ملچومه
وبفعـــاله نــكر ( الله )

والخلووّ بســهر ما نام
والبسمار جوابه اسهام
والبيده الگلـــب ثالم
نفسة الي ذبح جاسم .. ذبح جاسم

"""""""""""""""""""""""""""""""""""''''''''''

الكسر ضلعچ سحگـ ضلعه بيامصيبه
الهــــدم بيتچ صاح زينـب يــــاغريبه

نفسه ألي سحگـ صدره
چَـوه جفــــوفچ بجمره
شيطان العمـــــــر هوه
الشمر هم قاتل الزهره

الجرح ماطاب ولاهوْ التام
والبسمار جــــــوابه اسهام
اليضدج دينة ماسالم
نفسة الي ذبح جاسم .. ذبح جاسم

"""""""""""""""""""""""""""""""""""''''''''''

من السقيفه المونضيفه كل مصابچ
ياعـــــــزائچ كـــربلائچ هــوه بابچ

حرگو خيمةّ ضعــونچ
وشافت كلشي عيونچ
مــــــــولاتي وبعد أكثر
السوط النفسه بمتونچ

بعد لاوين سبي والشام
والبسمار جـوابه اسهام
نفس الحاكم الحاكم
نفسه ألي ذبح جاسم .. ذبح جاسم

عبد زينب
محمد الابراهيمي

لحن( سؤال الباب)
بصوت
ملا محمد علي اللامي

جاء رجلا دخل على الإمام الصادق ع وقال له: يا ابن رسول الله إني فقير ولا أملك شيئا أعيش به
فقال له الامام أنت لست فقيرا. قال الرجل كيف وأنا لا أملك من حطام الدنيا شيئا فقال له الامام بكم تبيع ولايتنا؟ قال الرجل والله لا أبيعها بملك الدنيا. قال له الامام  إذا أنت غني ولست فقيرا


نحن الأغنياء ـ بحب طـه الولي
نحن الأغنياء ـ بحب حيدر علي
نحن الأغنياء ـ بحب فاطمة  وَبـَنُوها
             ـ;;;;;;;;;;;;;;;;;;;;;;;;;ـ

يكفينه ويغنـــينه حبهم للابد
مانترك خدمتهم منخون الوعد
ذكراهم راحتنه ودين ومعتقد
من نلفض أسماهم احلى امن الشهد


يكفينه الولاء ـ العترت مذهبي
يكفينه الولاء ـ الكل بيت النبي
نحن الاغنياء ـ بحب فاطمة  وَبـَنُوها
             ـ;;;;;;;;;;;;;;;;;;;;;;;;;;ـ

ياخير ويانعمه وياسور المجد
ياصوم وتسبيح وآيات الحمد
بالضيج وبالشده اعليهم نستند
من عدهم ناخذها الحاجات ونرد

انوار السماء ـ ابحبهم نختلي
انوار السماء ـ بيـــــهم نعتلي
نحن الاغنياء ـ بحب فاطمة  وَبـَنُوها
         ـ;;;;;;;;;;;;;;;;;;;;;;;;;;;ـ

حبونه ونطونه رفعه ومنزله
واليصدق بالخدمه الزهره ادللـه
اتربينه ابمجلسهم سادات المله
ابلا حبهم لاجاه ولادر نقبله

نحن الاوفياء ـ منهم مانمل
نحن الاوفياء ـ بيهم نحتفل
نحن الاغنياء ـ بحب فاطمة  وَبـَنُوها
         ـ;;;;;;;;;;;;;;;;;;;;;;;;;;;ـ

من نخدم من نتعب لشراف النسب
ايلومونه العادونه دوم ابلا سبب
جهال وماعرفو ثمرة هل تعب
حامض عنه ايگول المالاح العنب

حب الاوصياء ـ نعمه وهم رزق
حب الاوصياء ـ جنه ابلا فرق
نحن الاغنــياء ـ بحب فاطمه  وَبـَنُوها
         ـ;;;;;;;;;;;;;;;;;;;;;;;;;;ـ

✍الخادم
كامل السعيدي

الاداء كامل السعيدي