بصوت خادمكم الرادود ابو هاشم الربيعي ليلة الأنصار عليهم السلام

محرم ٢٠٢١ (17) ( قصيدة الانصار )

# يامحله هاي الفزعه --- للموت يبن يالبضعه
عابس تقدمنه اوجون - سبعين واحد مجنون
يامحله هاي الفزعه
----------------------------
1) جننه حبك سيدي ----- وأحنه الحضرتك عشاك
لتكول امشي اوما ارد - اولتسولف ابطاري افراك
جم فارس ابجيش العده - يتراجف اوحنظل ضاك
اوعالغبره جم واحد هوه - واليهرب اجروحه اغماك

# ابعينك تشوف الشمره - لأهل الزنود السمره
أنرجعهم ابغير اعيون - سبعين واحد مجنون
يامحله هاي الفزعه
--------------------

2) فزعتنه وعيونك رمح ----- او متوهم اليتلكاه
نخطفله روحه اومايرد -- واليهرب اتكتله الأه
مادام نشتم الهوه ----- زينب فلا اصيح احاه
اولو واحد ايمر بالخيم -- يم زينب اتظل يمناه

# تعرفنه نهوه الملكه -- اوصدر الحبك دركه
والشده يحسين تهون -- سبعين واحد مجنون
يامحله هاي الفزعه
-----------------------------

3) وكفتنه لخيامك درع ----- اومحد يمر ابهالدار
لاتهوه خيمه ابكربله -- اولتشوف بخيامك نار
مادام بنصارك نفس ---- ماتسمع أصياح ازغار
يالزراع ابربعك عزم ---- بنصارك الجيش أحتار

# كلمن يمر انخزره -- والموت ياخذ عمره
وانصارك احنه ايعرفون - سبعين واحد مجنون
يامحله هاي الفزعه


----------------------------

4) غيرتنه وعيونك جمر ---- من الجدم حد الهام
نمطر مراجل بالحرب -- اوبالمعركه انطب كدام
لخيام زينب بالغرب -- بجفوفنه أنسوي أخيام
خدامك أحنه ابكربله - أو شتسوي شوف الخدام

# ربك شملنه ابرحمه --- ونطانه هاي الخدمه
سبعين ألف ميكدرون -- سبعين واحد مجنون
يامحله هاي الفزعه
--------------------------------


5) وكفتنه جن رايه ابحرب --- وسط المعارك تنشاف
اوغيرتنه تمطر مرجله - اومن عدها فرسان اتخاف
بالحومه نرجمهم رجم --- والعسكر انجتفه اجتاف
والفكر أيمر بالخيم -------- نردفله يحسين أرداف

# ويانه شبت حركه ----- او جننه عابس عشكه
والما درو خل يدرون -- سبعين واحد مجنون
يامحله هاي الفزعه



---------------------------------
لخادم اهل البيت ع أبو أحمد المجراوي
لحن واداء الرادود الحسيني ابوجليل الدردوشي

لحن واداء الرادود الحسيني ابوجليل الدردوشي

خطاب زينب ع...لعمها حبيب ر.ض..وزن الدارمي

ترهم.. مقدمه... اساسيه... زنجيل

ألحگ يعمــــــــــنه....ذبحو زلمــــــــــــنه
    ظل الحسين اوحيد ماعنده ناصر
ــــــــــــــــــــــــــــــــــــــــــــــــــــــــ
افزع حبيب وگوم.....  احمي التـــوده
شد ضهره وكت الضيج... ياعمي شده
وحده واجت آلاف....... متجمعه ضده
لم ربعك الزينين.............. والعادي رده

حسينك تحيــــر............ وگبــــاله عسكر
       تّسولف أعيونه اوداع لاچن يكابر
ـــــــــــــــــــــــــــــــــــــــــــــــــــــــــــ

ياعمي ظل وحــيد..حسينك بله اصحاب
حز نحره شمرو انوب....وداله ســـــــلاب
سلب قميصه وصار.... عاري اعله التـراب
ابهالساعه تگعد كون.... اصحابه لطيــاب

وتشوفه بالعيــــــن..... مذبوح الحســين
   فوگ الذبح والضيم  داست  حوافر
ــــــــــــــــــــــــــــــــــــــــــــــــــــــــــــ
حسين التحبه هــواي...كطعوله نحـــــره
ياعم وامام العيـــــن... سحكوله صــدره
من دمه رجل الخيـل.... مصبوغه حمـره
ريتك تجي وتشوف....حالي وتنـــــظره

ماعندي حيــــــله.....منهو اشتكيــــــــله
   ريت انعمت هاليوم كون النواظر
ـــــــــــــــــــــــــــــــــــــــــــــــــــــــــــــ

بعد الجره بالســـــوط... ياعمي اجـــوني
حرگو خيام احســــين.... ضربو امتوني
مثل امي هم بالعيـــــن......سطرو اعيوني 
انطي الوجهي لا  وين.......وسفه سبوني

چتفــــو أيــــــــديه..........غصبن عليــــه
   بين الغرب واجناب مكسوره خاطر
ـــــــــــــــــــــــــــــــــــــــــــــــــــــــــــ
گالولي يخت احسين.... أمشي  ســـــبيه
صعدوني فوگ النوگ..... انه و رقـــــــيه
باجر يزيد ايـــــــگوم....ويصـــد عليــــه
ويسب علي الكـــــرار.... وامي الزجــــيه

باجر يعـــــــــــمي..... مسبيه اســـــــمي
     ودخل غريبة شام  والكل يناظر
ــــــــــــــــــــــــــــــــــــــــــــــــــــــــــــــ

تمت والحمد
رزقهم صلوات ربي وسلامه عليهم
ياسر الــــــــــزيادي

الاداء ملا ياسر الزيادي

هوسات للانصار ر. ض

حبيب ابن مضاهر الاسدي

معصب ورافع الحاجب جاها المعتبر
صويحب الله طلع فازع لبــــو الاكبر

ذب الدرع يشبه طبع حيدر وماكو فرص
بريج الزلم تسمع بلع رمح چنه وبي تغص
گد ما شرس لاما يحس براسه لگباله عبر
والگابله ابچفه انصطر يوگع امن اعيونه فص

هاااا..
((وبچفه الحااار اتولاهم))
وبعد... شسوى
((بگرابه السيف وذلاهم))
ـــــــــــــــــــــــــــــــــــــــــــــ
جون مولا ابي عبدالله ص

بسيفه طب للمعركه ويتبختر اتبختر
جون گد المعـــــركه المو گدها يتكتر

عرجه انتفض شيخ وفرض علزم يدبچ دبچ
بروس الزلم سيفه ردم.يصرچ من الطگ صرچ
زلمه كلف گلبه صلف ربات الحسين ونعم
طب السبع ماچن حرب عنده چن زفه العرچ


هااااا
((برگبهم ضل يشرَگ سيفه))
وشكال بعد
((عطشانه الگاع. ارد ارويها))
ــــــــــــــــــــــــــــــــــــــــ
زهير ابن القين.وعابس الشاكري ر. ض

عرس متخيل الحومه. عالزلم كـــــّور
طبلهم زُهـــــير وطب عابسها المشكّر

طبو سوه الطف استوه والزلم عتوها عت
طول ابعرض لا ما تفض گاع بيديهم صفت
واتبريدت كلها ركضت. صوب ابن سعد الزلم
عج الصياح لحگونا صاح كفو المنعدهم فلت


شصاااحو
((مانكدرهم. كلهم قاده))
وبعد شگالو
((تربايت حيدر. وفنونه))
ــــــــــــــــــــــــــــــــــــــــ
وهب النصراني... ر. ض

عيد هاي الحرب عنده والسبع زمجر
وهب طباها معرس. بشوارب جرجر

حب ارتوى.وبنينوى. يضحك وبالدم نزل
نصراني گال وگلبي مال. بحب الحسين انغزل
حاد الشمر.چفوفه سمر. ذله گدام الزلم
بسيفه الشهم حاط الزلم سمچ چتفها غزل

هااااا
((برگبهم كون ابرّد سيفي))
وبعد شگال
((خادم من عيسى. موديني))
ــــــــــــــــــــــــــــــــــــــــ
✍️ياسر الزيادي

الاداء ملا ياسر الزيادي

ثكيل للانصار رضوان الله عليهم/

يفزعـون..... ربَعك غيره وجــنــــون
يصيرون....بمّچـان اعيــونك عيـون

كلها انصارك اتصيح
بيـك النفس تسبيح...... حسيناااااه
ــــــــــــــــــــــــــــــــــــــــــــــــــــــــــــ
مثل دّوي النحل وتجمع ابعيـــــن
دورة محبس اندارو عالحســــين
موش أصحاب ذوله چن قــراءين
شايبهم كلف عاشگ ميـــــــــادين

يرتلون...أيــه وبيــــــك يقرون
يشمرون...العمايم  من يفزعون

الچفافي لجلك اطيح
بيك النفس تسبـــيح....حسينااااه
ـــــــــــــــــــــــــــــــــــــــــــــــــــــــــــــــ
چبيــــــــر ازغير حته العمره وردات
أجوك وتارسه الأنفـــــاس نشــــغات
قطار الشوگ انته وهما ســـــــچات
صاحو مثلك اعله الــــــذله من بات

يفورون....مثل الگهوه بـــــدلال
يتانــون...حچاية هــدو تنــگال

هبولك مـــثل ريح
بيك النفس تسبيح....حسيناااااه
ـــــــــــــــــــــــــــــــــــــــــــــــــــــــــــــــ
عشگ ماكو بكماله هيچي عشگوك
وشم بالروح مو بالگلب رسمـــــوك
ضلام الدنيه كلها وگمره شـــــافوك
تاج ومفخره اعله الراس شــــالوك

فرد لون....گلبهم والنــِـــــــــوايات
والعيون....تشوفك سور وايــــــات

ملــــو عدوانهم قيح
بيك النفس تسبـــيح....حسيناااااه
ـــــــــــــــــــــــــــــــــــــــــــــــــــــــــــــــ
عابس جننيته وثوبه شــــــــگاه
كلشي يملكه حتـــــه الدرع ذباه
وهب نصراني لجلك دينه باعـاه
شمر حته الصليب وسجد للـّــــه

ينقلون...وهب سماك العيـــون
يگولون..بصم بالعشره ممنون

يقسم ابروح المسيح
بيك النفس تسبيــــح.... حسيناااااه
ـــــــــــــــــــــــــــــــــــــــــــــــــــــــــــــــ
تحيـَــر انصارك او شنريد نــــــوصف
تموج الگــــــاع بيهم رعبــــــو الطف
اليوم الما عرفهم خـــــــله يــــــعرف
مدد يابو رقيه الــــــنزل يهـــــــــتف

يصيحون..حسين وشوفتك مـــــاي
يشوفون.....لدمــــاهم انــــته شراي

دمانه گبلك اتسيح
بيك النفس تسبيح.... حسيناااااه
ــــــــــــــــــــــــــــــــــــــــــــــــــــــــــــ
شكرا ابا عبدالله ص
خادم الزهراء ع
المـــــلا ياسر الزيادي

الاداء ملا ياسر الزيادي

صدقت مولاي ابا عبدالله.ص.. بحثنا تواريخ العوالم فلم نجد انصار اوفى واشجع من انصارك...

مجنون الحسين ص. عابس الشاكري



حگه تجنن شگ الثـــــــوب
هوا الما شافك ويـــــــذوب

شمر. درعه وي طاسه
الحرب. عنـــده وناسه
ـــــــــــــــــــــــــــــــــــــــــــــ
فزع عابس. گلب شايل. صلب والكل تخافه
لچن يّم. العشگ يصبح. نــــده يــنگط ترافه
نزل راجل. والي يسطره. يشمره شگد مسافه
طوه الحومه. طوي بسيفه.ترك بيهم حسافه

لجل احسين الــــروح اتهون
فنهم لحدوده ايــــــــگربون

عشگ. بــگليبه جـاسه
الحرب. عنــده وناسه
ــــــــــــــــــــــــــــــــــــــــــــــ
رعُب طبهم. وگف نصهم. ولا هزه جمعهم
كلف عابس.گصى بيهم. مله الگاع بجثثهم
سطر يسطر. غده بچفه. خلس اكبر زلمهم
وگف وگفت.اسد ضاري. لوه بالحومه اذنهم

طبهم طبــــت ملك الموت
شيخ وزلمه وهم مبخوت

الگرب. يسحگله راسه
الحرب. عـــنده وناسه
ـــــــــــــــــــــــــــــــــــــــــــــ
منو بگده. الگرب حده.يسحله من الشوارب
قوي ابعزمه.منو يلزمه. حليب الغيره شارب
مثل طبع. الفحل طبعه. يـلگط من يحارب
لصعب عدهم. سهل عنده. شكثر خايض تجارب


ياهو يشوفه يصيـــــــح ادخيل
ماخــــــــذ من حيدر چــم حيل

بطل. كلــــــــــــــه فـراسه
الحرب. عنــــــــده وناسه
ــــــــــــــــــــــــــــــــــــــــــــــــ
شمر ويه. الدرع سيفه. وطلب منهم نزالــــه
الجمع كله. رجف منــه.رفض يـــدنه لقـــتاله
العشگ خله. عقل عابس.يغوص ابحب خياله
يهنياله. العشگ مثله.  عشگ ماكو بكـــــماله

حتــــــه العاشگ من اسنين
ما يوصل عشگه وي حسين

عشگ. ماكــــــــو بقياسه
الحرب. عنــــــــده وناسه
ــــــــــــــــــــــــــــــــــــــــــــــــ
تمت بفضلهم ع
✍️ياسر الزيادي

الاداء ملا ياسر الزيادي