والله  لو بو محمد ينادينه
نصيح عد عينك نعم لبينه
●●●●●●●●●●●●●●●●●●●●●●
احنه زود  وعزم  شوف ارجالهه
للبقيع    الزلم    تحچي  افعالهه
والله  بس  يامرنه  طود انزالهه
كربله    ويانه    تجي   وتبرالهه

للسعوديه    مشي اتعنينه
نصيح عد عينك نعم لبينه
●●●●●●●●●●●●●●●●●●●●●●
انطينه فتوه وهاك انت اخبارها
اله  سور  الصين   يوصل  دارها
بينه شمره  من الچفيل اسرارها
باچر   الغرقد   عظيمه   انوارها

مثل  لمح البصر  لو طيبنه
نصيح عد عينك نعم لبينه
●●●●●●●●●●●●●●●●●●●●●●
اگبورهم    لازم   ترد   كلها  ذهب
انشوف  غرقدهم  يشع  كله قبب
والمسيح  ويانه هم يحضر وهب
بيد مهدينه السمه تشوف العجب

وياك بالشده   ذخر  تلكينه
نصيح عد عينك نعم لبينه
●●●●●●●●●●●●●●●●●●●●●●
نريد من  عندك  عزم بس لاتهم
باچر انطبهه وعلي عندك  الزلم
لايظل  حاجز  تره نكسر  خشم
كلفة  الصايود يبدي من الزخم

احنه  بالصعباب ثق وفينه
نصيح عد عينك نعم لبينه
●●●●●●●●●●●●●●●●●●●●●●
كون من وادي  النجف فتوه تصح
اتصير   جنه   بالبقيع   اكبر  صرح
انصيح  عد  عينك  ولا نقبل صلح
بيده ينهي همومنه ويشفه الجرح

الكلفه   ماتبقى  ابد تدرينه
انصيح عد عينك نعم لبينه
●●●●●●●●●●●●●●●●●●●●●
احنه  عالنار وهتفنه ابكل عجل
انريدهه   حي  على  خير العمل
باچر  المضمون  حصري لو نزل
بث  مباشر   بالطم نشفي العلل

احنه  شيعة  حيدره حنينه
انصيح عد عينك نعم لبينه
●●●●●●●●●●●●●●●●●●●●●●
تمت بعون الله تعالى
●● يوسف الفتلاوي

الاداء ملا امير الفتلاوي

شوط كربلائي للبقيع
------------------------------


على اگبور البقيع ينوح ويون المهدي يوميه
يظهر يمته حتى هناك اهناك انسوي لطميه

1

المهدي لو ظهر ياناس امهدمه مايخليها
ياخذ ثارهم بالسيف وبيده هو يبنيها
اگبور اجداده بالدمعات يشيدها ويعليها
ظلم الطاغيه ميدوم
من يظهر بذاك اليوم
مايبقه گبر مهدوم
يعليها بعلو النجمات ويبني چم حسينيه

2

من ارضع البقيع الصوت يدوي والمله تسمعه
المهدي القـائم اعله الناس طلع يامحله هالطلعه
كل مخلص يحب حيدر يجي وياه ويتبعه
يظهر بيده بتاره
وتشع عالناس اخباره
يطالب يظهر بثاره
تعله الصرخه ياهالناس تعله الصرخه مدويه

3

يظهر بيده ذوالفقار والمهدي وحامل الرايه
غايه عنده ياهالناس ولازم نعرف الغايه
نجي الارض البقيع بشوگ نجي ونتعنه مشايه
عاشر نحيي بالآهات
مواكب ننزل وهوسات
ومو بس عاشر بدمعات
بأرض البقيع هناك نسوي الاربعينيه

4

المهدي لو ظهر يبني گبر الحسن والسجاد
يدوس هناك من يظهر خشوم الكفر والالحاد
المهدي وي النصر باچر اله وي النصر ميعاد
الناس تسولف بنصره
و هوه آخر العتره
ويظهر گبر للزهره
يظهر باچر المهدي على عناد الوهابيه

5

مايبقه گبر مهدوم والله ويكسر الخاطر
اذا ثار الله يظهر يوم المهدي وعالمله وحاضر
گبر الصادق ويبنيه وگبر لمحمد الباقر
اذا يظهر على الوادم
خلي يسمع الواهم
بزودك كلها يالقائم
مايبقه گبر مهدوم تصبح كلها مبنيه




الشاعر السيد رياض الرسل الجابري

قصيدة لذكرى تهديم قبور البقيع في الثامن من شوال


بالبقيـــع أربـــع گبب
تنبنـــي باچـر ذهــب
واالمواكب تنصّبْ يم الضريح
يمنه يالزاير تفضـل وأستريح
*

بينه جمره جمرة الفارگ حبيبه وعنه غايب
بينه جمره جمرة العطشان طفله وگلبه ذايب
بينه جمره للبقيع ولوعته وفعـل النواصب
بينه جمره جمره تسعر بالگلب لجل الحبايب
تطفــه جمــرات الدهر
مــن يجينــه المنتظــر
بعالي صوته أهناك بالدمعه يصيح
يمنــه يالزايــر تفضــل وأستريــح

*

تعله رايه باچـر بعـون الله وترف عالمناير
تعله رايه بالبقيع المهدي همْ ويانـه حاضر
تعله رايه مطرزه ابلون الدمه ونزف المناحر
تعله رايه وتنصب بأرض البقيع اعظم شعائر
ونقـــره مقتل بالدمــع
والخــلايـــق تنفجـــــع
ابصوت عبد الزهره نصرخ يالذبيح
يمــنه يالزايــر تفضــل وأستــريــح

*

للغوالي نبني مرقد من ذهب يسحرها العيون
للغوالي نعتني أنـزور بـرغم كل اليضدون
للغوالي للبقيع من الطفوف أحبابه يمشون
للغوالي تدخل أصحاب المواكب من يعزون
أبصوت ياسين أو وطن
نلطم أبوســط الصحـن
وموكب الخدمه ينصبونه المسيح
يمنــه يالزايــر تفضــل وأستريـــح

*

من نجيكم نگصد لصحن الحسن احنه ابطلبنه
من نجيكم ندري ابو محمد كـريم وما يردنه
من نجيكم آوياكــم أبدم النحـر نكتب عهدنه
من نجيكم نگطع اچفوف اليضدكم واليضدنه
نلبس أثيــاب المجــد
والله عنكم مــا نـــرد
نجيبه خادم يمكم الطايح جريح
يمـنه يالزايــر تفضــل وأستريــح

****

بالمناره نـــرفــع أذان التشهــد بالـــولايه
بالمناره عالمباشــر تستمــع كــل البرايــا
بالمناره نقــره أسماء الايمه أهل الهدايه
بالمناره علم مــرفــوع وعليه مكتوب ايه
اية النصــر المبين
تنظر الها العالمين
قد جاء نصر الله للكون الفسيح
يمنه يالزايــر تفضل واستريـــح

****

الشاعر
موسى البديري

عالبقيع امن الالم   حيلك الليله انهدم
لا مناره ولاعلم   يا امامي
...........

الوحيد انته بحياتك   عايش بدنية مصايب
تعذبت من هل زمن     ماشفت غير المحن
ماكو يوم ايمر سعاده   بلايه دمعه ولا نوايب
لازم تنوح بحزن         عالاهل دومك تون
همك بكلبك تسولف   المن وماكو كرايب
تسمع اهموم الكلب    وانته ساكن بالغرب

ايعينك الله
هدموهه بيوت هاشم     طيحو كل المعالم
ايعينك الله
بياجرح من تعتنيهم       والجروح البيك بيهم
ايعينك الله

روحك شتحمل صبر     منفجع تكضي العمر
وانته ضهرك منكسر       ياامامي
................

اكصد اهلك ياامامي  النامو بذيج المكابر
غربه والمدمع يهل    والغرب ماينحمل
عينك الليله تشاهد    ماكو گبه ولامناير
كبورهم صارت ترب   منضر ايشيب الگلب
كلبك المكسور خاطر  بالصبر روحك تكابر
شفت الام ومحن      من وطن تمشي الوطن

ياحسرتك
من تزور الحسن جدك   عالتراب اتخلي خدك
ياحسرتك
بيا هضيمه تنوح الهم   بيك همه كل املهم
ياحسرتك

همك بروحك كثر       شافت عيونك صور
تبجي دم اعله النحر   ياامامي
..................

بالنفس تتهنه يمته       وانته نار الغاضريه
منهه صدرك مختنك     تشم دخان وحرك
وعالبقيع الليله روحك   بالحزن نصبة عزيه
تنعه وتنوح بدمع        و ونتك ماتنسمع
صارت كبالك الخيمه   وعمتك الراحت سبيه
ساعة اخذوهه العده    والجفوف مكيده                            

آ يزينب
صوتك بنبرة ونينه     وين كفال الضعينه
آ يزينب
ابد ماتطفه جمرتك    بيك عايش ضيم عمتك 
آ يزينب

عفيه كلبك يحتمل    يسروهه اعله الهزل
بيدك تحس الحبل     ياامامي
...............

ماسمعنه بغير زينب    هاشميه ويسروهه
وعينهه صوب النهر     تريد فزعه من الكمر
وإلهه عباس شيجيبه    حرمه زينب مارعوهه
هواي اذاهه الشمر        ياهضيمه ام الخدر
ضلت اتنادي الكفلهه     وليه يالمهدي ولوهه
وماحضر راعي العلم     عينه طافيهه السهم

ياكفيلي
هواي نادت يوم عاشر     الحك اختك بالمخاطر
ياكفيلي
رجع ازنودك الجسمك     زينب انه اختك وحشمك
ياكفيلي

وبالكمر تدري شجره     جفوفه طاحن عالثره
وعلى زينب ناضره      ياامامي
................

سيدي لحسين جدك      عالدمع محد يعينك
تبجي ودموعك دمه     وتندب امك فاطمه
وبالسهر ليلك تخلصه    عالنحر زايد ونينك
خنكو بريته النَفس      وصدره بي حافر فرس
يوم عاشر من محرم    خضبو لحية حسينك
وطهر بدمه الارض       وتمم الربه الفرض

والظهورك
ندعي يارب البريه      عجل بثار الزجيه
والظهورك
نرتقب يالمهدي سيفك    تاخذ امن اعداك حيفك
والظهورك

ننتضر يابن علي     همنه بسمك ينجلي
شيعتك وانته الولي    ياامامي



محمد هادي العقابي

📜 القصيدة: ثار البقيع
🎤 أداء: مسلم الوائلي
🖋 محمود الموسوي
~~~
           ثار البقيع .. ثار الحسن
~~~~~~
بأربعين حسين باجر عندي فكره وغايه
كون من تگضي الزياره انشيل نفس الرايه
ونكتب عليها البقيع وثار عدنه بهايه
توصل الأربع مراقد باجر المشايه

الحسن باجر ناره .. اترحب بخطاره
~~~~~
عدنه ثار وما نطالب كون ناخذ ثارنه
الگاع لأهل البيت لازم والبقيع اديارنه
والحسن شيخ المدينه وبالكرم يختارنه
موكب انحط بالبقيع انعزب ابخطارنه

حلوه العزوبيه .. تصير بحسينيه
~~~~
باجر اخبار البقيع تصير بيد الساده
لو طلع مهدينه تندگ للبقيع اوتاده
باجر الأضرحه تصعد والشمس نشاده
هذا گبر الحسن عالي لليريد امراده

باجر انعليها .. گبتك نبنيها
~~~~
باجر الخدمه جبيره والهله شمحلاها
المجلس بأربع مراقد والخدم تتباها 
يابو صالح والقصيدة بصوتك انته اقراها
يالثارات الحسين هناك رايه وياها

الثار باجر لو عله .. للبقيع وكربله
~~~
باجر انحط المواكب والبقيع انزوره
وتطلع المشايه كلمن بيده شايل صوره
بيها مرسوم الحسين وهيبة الله ونوره
وابو فاضل يمه واگف حته ياخذ دوره

بالبقيع ايطگ نهر .. ياخذ الثار الگمر
°°°°°°°°°°°°°°°°°°°°°°°°°°°°°

الاداء ملا مسلم الوائلي

( بـنـاء الـبـقــيـع )

بـنـاء الـبـقـيـع مـطـلبـنـا
*-*-*-*-*-*-*-*-*-*-*-*-*-*-*-*
( ١ )
طـلب عـدنه وطلـبـنـه يـصيـر بالـزور
بـحـيـل الله نـهـب ونـبـنـي الـكـبـور
وي الــمـهـدي بـاجـر نـاخـذ الـثـار
صبـرنـه هـواي يـسـتر عـلي من نثـور

زلـمـنـه مـوزره كـلـهـه
نـحـلهـه ان شـاء الله نـحـلـهـه
مـانـتـعـب ولا نـنـسـه
ومـن اتـمـيـل نـعـدلـهـه

حـلـفـنـه ولا اضـنـون الـيـمـيـن ايـطـيـح
خــدام وعــزمـنــه ومــا نــهـاب الــريـح
يــوم الـهــمـه يــوم ثـمــانـيــه بـشــوال
وضـحـت كـلـش ومـا حـاجـه للـتـوضـيـح

الـبـيـارغ رفـرفـت والـنـيـه عـكـدوهـه
شـدوهـه الـجـفـافـي السـود شـدوهـه
بـيـهـم طـلـكـت الـغـيـره زلـم عـبـاس
مــره جفـوفـهـم والصـعــبـه لاكـوهــه

بـنـاء الـبـقـيـع مـطـلبـنـاُ
*-*-*-*-*-*-*-*-*-*-*-*-*-*-*-*
( ٢ )
شيطـان السكـت ع الحـق ابـن شـيـطـان
الـعـنـبــر يـضــل عــنـبـر والـدنــان ادنــان
نـفـزع فـزعـه وحـده ولـو فـزعـنـه اضـيـج
تـعـلـمـنـه الـشــجـاعـه مــن كـمـر عـدنــان

هـاي الـمـره سـلـمـيـه
وروح الـمشـت مـسبـيـه
الـمـهـلـه البـيـنـه مـن تكـضـي
نـجـيـكـم مـيـه بـالـمـيـه

هـدمـتـو الـبـقـيـع شـلـون يـالـرعـيـان
يـا ولــد الـحـرام ويـا نـسـل سـفـيــان
غـيـره منـيلـكـم يـوشـالـت التـاريـخ
شــطـلـعـون وامـكـم هـنـد يـالـغـمـان

بـنـاء الـبـقـيـع مـطـلبـنـا
*-*-*-*-*-*-*-*-*-*-*-*-*-*-*-*
( ٣ )
جـمـاعـه بـالـحـجـاز نـصـلـي مـن انـغـيـر
والـتـكـبـيـر كـلـه الـحـيـدر الـتـكــبـيـر
حـي عـلـى الـبـقـيـع نـحـطـهـه بـالاذان
شـيـعـه وعـانـديـنـه والـنـريـده يـصـيـر

اصـلـنـه مـبـيـن واضـح
وقـائـدنــه ابــو صـالـح
وحـده اصـيـر صـولـتـنـه
وابـد مـا نـهـده ونـسامـح

حـلـفـنـه ولا اضـنـون الـيـمـيـن ايـطـيـح
خــدام وعــزمـنــه ومــا نــهـاب الــريـح
يــوم الـهــمـه يــوم ثـمــانـيــه بـشــوال
وضـحـت كـلـش ومـا حـاجـه للـتـوضـيـح

بـنـاء الـبـقـيـع مـطـلبـنـا
*-*-*-*-*-*-*-*-*-*-*-*-*-*-*-*
( ٤ )
وحـده الـغايه وحـده ومـا صـير اثـنـين
انفـحط الكـاع مـن نـتوكل علـى حسـين
ما نسـكت بـعد والـزهـره مـا نسـكـت
الـسـن بالـسن نحـط والـعيـن هـم بالـعـين

اهـل غـيـره اسـئل اعـلـيـنـه
ابـيـض حـيـل مـاضـيـنـه
سـمـره افـعـالـنـه سـمـره
وحـك افـعـال مـهـديـنـه

بـاجـر نـوكـف اعـلـه حـدودهـه ونـبـنـي
نـتـعـاون ونـشـمي يـشـد ضـهـر نشـمـي
نـسـويـلـه ضـريـح الـحـسـن يـسـتـاهـل
ونـلـتـم يـمـه نـلـتـم والـدمـع يــجـري

بـنـاء الـبـقـيـع مـطـلبـنـا
*-*-*-*-*-*-*-*-*-*-*-*-*-*-*-*
( ٥ )
حـجـيـنـه مبـين وواضـح وعـدنـه اثـبـات
هـيـهـات احـنـه نخـضـع لا ابـد هيـهـات
حـذرنـه وقــد أحـذر مــن انــذر
الـمـجـالـس عـلـمـتـنـه انفـوج بالصـعبـات

مـشـايـه لـبـو الـزهــره
نـمشـي والـحجـي نـكسـره
نـرد الـصـاع كـلـه هـنـاك
ونـبنـي لـكل وطـن حضـره

مـن يـضهـر المـالح يـكشـف المـضـموم
نـخـلـيـلـه مـنـايـر كـل كـبـر مـهـدوم
نـسـوي الـما يصـير ونعـتـني بـلا خـوف
وسـفـه اتـرابـهـم يـابـس اشـيـوخ الـكـوم

بـنـاء الـبـقـيـع مـطـلبـنـآ

✍️ابـو طـوعـه
انـور الـسـهـلانـي

الاداء علي الوائلي