((الحضره البقيعيه))


على اتراب البقيع عـــيوني تندار
يمته أبابهم واليــــمته چـــــا ويـن
ابو محمد ضـريحه والصحن ذاك
ومجالس للسبي ومصاب الحسين

ونگابل هيامه بحروفه السلامه
بشباچه أمانه من زينب علامه

الحسن معروف طاريه
ابو الحضـــره البقيعيه
كــــــريم وكــــله حنيه .. مولاي الحسن

نَسلُ آلَ ابي طـالب
هــــوه أوالده غالب
اليزوره مايرد خايب .. مولاي الحسن

ويلاه عالبقيع ...
"""""""""""""""""""""""""""""""""""''''''''''

ياحـــــلم العمر يتحقق ابيش
يمته الحضرةّ السجاد ماشين
يمته التربه ناخــذها بالعيون
ونگله سلام إيــودي الحسين

ويضمنه بضمانه ونشاهد مكـانه
ونتحسس عبرته ويرفرف لـوانه

روحه هواي مجروحه
الليل إيخـلص بنوحه
روحه بهـزله مذبوحه .. ياضيم السبي

وردو هــدمو أدياره
ولهسه عيونه تجاره
عالمسلوب وانصاره .. ياضيم السبي

ويلاه عالبقيع ...

"""""""""""""""""""""""""""""""""""''''''''''

چان أزغير بس أكـبار الجروح
بگد عمته رقيه بجدمه چويات
الباقر ذكرياته طــــف الحسين
من حرگو الخيمه بالعره إيبات

وأحزانه بتربته وسنينه بعبرته
والجمره بلهيبه بنفاسه حرگته

شابت عينه ودمـــوعه
زغير ومحنيّ ضـلوعه
وعاشت بي ألف روعه .. يالعشت الركض

وهسه أدياره مـهدومه
يعني جروحه ملچومه
وحتى الگبه مضـلومه .. يالعشت الركض

ويلاه عالبقيع ...
"""""""""""""""""""""""""""""""""""''''''''''

حزن مضلم نشب وياك مولاي
يل بدموع عينك تترس الجود
ياجعفر الصادق تنعى الحسين
كل دمعه التطيح اتصير رادود

والمقتل رويته بمصابك حچيته
وياجدك يويلي وبـــروحك نعيته

مــــن طفيت نيرانك
صارت خيمه بلسانك
تلهــــج وانته بحزانك .. الصادق سيدي

شيبك بالجـرح شيب
صحت ياعمتي زينب
وانته معـــذب مترب .. الصادق سيدي

ويلاه عالبقيع

"""""""""""""""""""""""""""""""""""''''''''''

بعــــدچ گـــاعده أتانين الحسين
بعــــدچ للدرب مشبوحه العيون
نامي وغمضي عينچ يَ ام البنين
جــــزه ضعن الهـــواشم مايردون

مـــولاتي الحنينه مايـــرجع ولينه
مذبوحه الهواشم مسبيه الضعينه

هيه الاصــل بدويه
بس بالشوگ علويه
بيضه صـافيه النيه .. يا أم الگمر

اصيله ام الگمر هايه
صارت للـــــوفه رايه
وهيه إديـــــر القرايه .. يا أم الگمر

ويلاه عالبقيع ...

عبد زينب
محمد الابراهيمي

لحن(الحضره البقيعيه)
بصوت
ملا يونس العتابي

السلام على جنه البقيع

((العاشگ لاتلومه))


العاشگ لاتلومه جروحه ملچومه
مــن يسمع بيوت اعزازه مهدومه
ساكت من يحاچونه
يرســم گـــبه بعيونه ...

"""""""""""""""""""""""""""""""""""''''''''''

صفار الگبه ضاعت كل معــانيها
وباب الحاجه هدمو كل طواريها
ودمـــوع الألم بالحسره يخفـــيها
العنده جروح للحيطان يحچـيها

اذا سولفنه بيكم نستحي هوايه
سكته وشـاهدينه طيحت الرايه
اليحبكم نار تدرونه
يرســم گبه بعــيونه ...

"""""""""""""""""""""""""""""""""""''''''''''

الاخرس هم يسولف حچيه تأشيره
واحـــنه الســـــانه مــــاتت تعابيره
العــــش الينهـــدم تتحــير الطيره
لذلك جاي اشوف المهـدي بحيره

سدو بابنه والچـــــلمه محبوسه
وياروحي عشگ ياناس متروسه
گلبي لاتلچمــونه
يرسم گبه بعيونه ...

"""""""""""""""""""""""""""""""""""''''''''''

محروگ الگلب والروح محروگه
وأزور آنه شريفه بدمعه مسـبوگه
واگللها ابـــــــوچ بحسرته وشوگه
واحسنها العزيزه بحسره مخنوگه

بيا حال واصيـح وحالي متردي
بصياح الجذب مايسمع المهدي
المهدي صاير شلونه
يرسم گـــبه بعيــونه ...

"""""""""""""""""""""""""""""""""""''''''''''

متحزم كلامي ومـــاتصح فرصه
علي السجاد ياالشايل الف غصه
كــــون بكــربله وارويلك القصه
چـا نبني مقـــــام شكبره للعصه

يامعــــنى الدمع وگليبك وظيمه
گبرك طاح لمن طاحت الخيمه
يبچي من يسئلونه
يرسم كبه بعيــونه ...

"""""""""""""""""""""""""""""""""""''''''''''

الباقر ياحـــــزن بچفوفك تلمه
بيا دمعةّ حزن للصـــادق تكلمه
دمعكم بي سبي بي چلمة العمه
على ياهزله راكب جرحك بهمه

لطمكم مو على البنيان والطوفه
على زينب لطمكم دخلت الكوفه
جرحكم ماتضمدونه
يرسم گبه بعـــــيونه ...


عبد زينب
محمد الإبراهيمي

لحن(العاشگ لاتلومه)
بصوت
ملا امير الكناني

((الفاگدله))


الفــــاگدله بشر ما يگدر يگوم
بس شلون اذا فاگدله معصوم
العمر خلص مواعيد  
روحي الشوفته تريد ...

"""""""""""""""""""""""""""""""""""''''''''''

راح اسكت و دمعي الي يحاچيك
عــلى خدودي كتبلك راح اتانيك
خــــايف خـــاف من تضهر نأذيك
وانته اعـــــله السبايه حيل مابيك

يالمــهدي انتظر مولاي شتگول
بدربك گلبي راح يصير مشتول
يجي و يروح چم عيد
العمر خــلص مواعيد ...

"""""""""""""""""""""""""""""""""""''''''''''

صــــرت شگــــــد أَبذر عاليمرون
على المايسوه وشل شوف العيون
اشوفن بس خـيالك والله ممنون
عشگك خَله منـي انسان مجنون

بطــــــــاريك صرت مولاي طماع
عليها يدوس جدمك احسد الگاع
حـتى الگـاع متــهيد     
العمر خلص مواعيد ...

"""""""""""""""""""""""""""""""""""''''''''''

عني يگـــوم ظل اليگعد أحذاي
هلي گطعو درب مجلسكم وياي
الغيرك ما شكيت وليـك شكواي
المجلس مـــاي وآنه بعازةّ الماي

الغايب منه واحد يدري الغياب
المافاگد عَليهَ يگــــــول چذاب
تبچي هــواي شتريد      
العمر خلص مواعيد ...

"""""""""""""""""""""""""""""""""""''''''''''

انه دم و لحم و احساس و اشواگ
يضحكون من اگولن حيل مشتاگ
بنيـــــته و كــــــمليته بيت الفراگ
تعال الجيتك حــتى النفس ضاگ

بعدني عله العهد بهدومي السود
يالمصعدني رتبه و صـرت رادود
دين الخـدمه تسديد     
العمر خلص مواعيد ...

"""""""""""""""""""""""""""""""""""''''''''''

الفتن سبعين الف بس احنه سبعين
الشمر مــــوجود بس الغايب حسين
ارجع يبن فـــــــــاطم لا تجي الحين
هـــــــــاي حچـــايةّ الما صانو الدين

درو لو طلع نورك تعمي الابصار
وتَكَشف اسرار ويطلعــــون كفار
واحدهم غـــده بعيد
العمر خلص مواعيد ...

عبد زينب
محمد الأبراهيمي

•{رسائل إشتياق}•

رسائل إشتياق بلا نهاية
إلى من ساكن بكل الخلاية

يالتجري بشراييني
تره الفرگة تأذيني

١/ ألا يا أيها المحجوب
ترى الفرگة تعور اگلوب
و حيلي امن السهر متعوب

وراك سنيني شمعة تذوب
و لا أملك صبر أيوب
دخيلك رِد عليْ مكتوب

طغه شوگي و ما أتحمل هذا الحال
متى ساعي بريدك يرجعلي بمرسال
كل ليله عيوني تسولف بالدمعات
ترى دنيا بلا وجهك بلا راحة بال

و كالعادة إلك مكتوبي يبدي
شنو تسوى الحياة بلايه مهدي

بدونك موحشة سنيني
تره الفرگة تأذيني

٢/ إذا ما شائت الأقدار
أشوفك و اكحل الأنظار
فإن الموت أهون صار

يمهدي وداعتك محتار
منو العنك يجيب أخبار
و لا هُدهُد يمر عالدار

منو أسأل و يگلي المهدي بيا صوب
منو يلحگ روحي بطارش لو مكتوب
أنا متعلعل من جمعه لجمعه عليك
و صفه مولاي اغروب يذبني اعلى غروب

برضوى أم طوى يالمهدي ساكن
أدورك رايد بكل الأماكن

مكانك ما تدليني
تره الفرگة تأذيني

٣/ رسائل تنكتب كل يوم
من ملچوم إلى ملچوم
تكتل فرگة المعصوم

لون يتسولف المضموم
لبچيها الليالي دموم
أبد ما جاي أشوف النوم

أنا ذاك الباقي بدونك صم اتراب
على ساعه و ياخذ عمري الريح الهاب
أنا صاير ندبة و أقرى الندبة عليك
عسى چفك يالمهدي يدگ اعلى الباب

أتانيك بملامح مو ملامح
غصن يابس بدونك يا بو صالح

ذبل عودي و رياحيني
تره الفرگة تأذيني

٤/ أحبك و اعترف مولاي
ملذات الحياة اهواي
و خاف أتعثر بممشاي

أهم كل الرسائل هاي
أريدك سيدي وياي
دخيلك لا تهد يمناي

إذا كثرت زلات ابن آدم والله
منو غيرك يحتضنه و يوگف وياه
أنا وحدي بهاي الدنيا أخاف اهواي
و ترى والله يضيع العبد بلا مولاه

أخاف الدنيا تغريني بشكلها
و عوفك يا بو صالح و اخضع الها

وحدي لا تخليني
تره الفرگة تأذيني

٥/ أنا الناجي بدمع ذكراك
أنا المذنب إذا أنساك
أنا الراجي أموت وياك

آنا المفتقر بجفاك
أنا العارف ألم فرگاك
أنا الخائف و لا ألگاك

أنا رايد بالحب أجتاز المعقول
تره هذا الحب العاقل مو مقبول
مثلا على باب البيت أكتب يا ناس
منو يعرف عن المهدي اخبار يگول

وصل بيّه الجنون أبعد مراحل
صعب يترجم بكل الرسايل

يمهدي و بينك و بيني
تره الفرگة تأذيني

٦/ بعد بيه بعد بيه
رسائل كلها حنيه
ترى هذا الحچي شويه

أجي و ارد اكتب شبيّه
و تضل تتراجف إيديه
عبد يحچي وي راعيّه

و لا أعرف أعبر يمك لو حرفين
أنا شاطر بس بالدمعة و چلمة وين
يبو صالح و انته الأعلم بالمضموم
بلا ما أحچيلك تقره شتحچي العين

الرسائل تنتهي إلا من أشوفك
تجي و بالسهلة تستقبل ضيوفك

متى بعينك أحط عيني
تره الفرگة تأذيني


*الشاعر الموفق ياسر المطوري*

الاداء ملا مصطفى السوداني

مــولاي غريــب .... بــويه غريــب

مولاي اروحـن وارجـع نـادم
چا يمته اتوبـن مثـل الـوادم
ياخذني طيشي وتردني يدك
وانا ذنوبي مطوگتنـي خاتـم

هل مره اوعدك وعد اليوافي
الزم خدمتي ولكلشي جافـي
رايد اعيشن بـس الحضـرتك
وما انسه فضلك خير جتافي

كافي يگلبي عوف اليضحكك ختار اليگلك صون المجالس
حسين نكسـر ضهـره يخايب خلي الدمـوع تنگـع الملابس 
كون البواچي تعب المحاجر وكلشي يلجمك حته لمحابس
༺༺༻༻ ** ༺༺༻༻
مــولاي غريــب .... بــويه غريــب

منكر يجيني ويسألنـي باچـر
ودمعة ادري تخــوف المگابر
راحن سبايـه هل كلمـه هايه
اسمعها اموت بكسر الخواطر

ما ريده البيض خلـولي رايه
حته ابقه خـادم حد النهـايه
يـا يمـه ابنـج راح الحبـيبــه
خلص حياته باجمل الحكايه

خلصته عمري بدرب الشهامه وابچي الغريب السلبو ثيابه
لبسته هدمي وما عفته عاري وبدمعي انوي اغسل خضابه
بكل يوم اعيشه اذكر خيامـه وختم كسرتـي بي اه مصابه
༺༺༻༻ ** ༺༺༻༻
مــولاي غريــب .... بــويه غريــب

لو لفني بيني وعافوني اهلـي
وصنطه المگابر ما يمي ضلـي
مـالـي سـواك ورايـد تجينـــي
تحضني بويه ويوليدي گــلـي

تخلص اموت وتحضرني ربعي
وتنصب عزيه ويلجمني ضلعي
واسمع بواچي ودمعه ع گبـري
وهلي الرضاك وتوصلني تسعي

        « بًسِمً آلَلَهّ آلَرحًمًنِ آلَرحًيَمً
وجعلنا منهم ائمة يهدون بأمرنا لما صبروا وكانوا بأياتنا يوقنون»

حسين الهداني ونطيته كلمه ما اهوه غير اليحجيلي بيك
رادوني اعوفك ونسه لمجالس بدمعي اغسل ذنبي وجيك
ما عفتك انـا ولا اريـد اعـوفك وتـونس انا مـن الطم عليك
༺༺༻༻ ** ༺༺༻༻
مــولاي غريــب .... بــويه غريــب

غرانـي ذنبــي ورافـگ شبـابـي
نـوم اللـــحد نـاسـي والـترابـي
والحفره ذيچ الضيـگه المضلمه
وكلشي بصفحتي قرار عذابـي

دنـيا گصيـره وعـمــري تفـرهـــد
تسـحبني بـيدك وبـذنــبي ابعـــد
انـــتـه علـ مودي گـاطـع وريــدك
زينـب اخيـتـك علـ هـزله تصعــد

كـل مااموتن يحيني مجلس عايش عل الله وعلـ الخدامه
لمـن تجـيني سـاعه منيتي مـاريد اعيشن خـوف الـندامه
خـادم يـندبك كـل همـه صايـر بـدربك يضل ثـابت جدامه
༺༺༻༻ ** ༺༺༻༻
      القصيده.. ديار المنيه
        «عبد ال محمد»
  منتظر خالد المنصوري

يــا اول واخــــر عــشگ
شو بـس الك گلبي يدگ
حســين      بــس الك عاطفتي
حســين      يامـــلح ســالفــتي
حســين      يــا ابـا عـــــبدالله
 
***

حبـــتك ويـدري الله شـگد حبـي يابــواليمه
الحد ما وصلت المرحله الوادم يگلولي اعمه
ماشــوف غيـــرك ســيدي والحــمدلله نـعمه
هــوه اليعيـــش ابعالـمك مــيريد ايــد تلزمه
 
عيــشـــنـي مــولاي بــولـع
خليني احس معنى الجزع
حــسين        ولا ماتفارگ شفتي
حــسين        ياملــح ســالفـــتي
حــسين        يـــاابــا عـــــبدالله
 
***

اتنفـــسك باللـــحـظات واتلــــذذ ابأنــــفاسي
 نص ســاعه اذا ماارثيك اعتبر روحي قاسي
انسه امي صَدگ مرات وشخصك ابد ماناسي
غـــيرك وحـــق العباس مــحد يعيــش براسي
 
يالمنتشلني امن العدم
اغزلني بخيوط الخيم
حسين        وكثر بمـعرفتي
حسين        ياملح ســالفتي
حسين        يـــاابا عـبدالله
 
***

عطشان بس مو للماي عــطشان للــون والنوح
محتاجـلك يامـــولاي يالمــجلسك يروي الروح
بهالحاله وانته اعله الگاع وللدنيا چفك مفتوح
مذبوح وتــلم الناس اشحال انــته لو مامذبوح
 
بين الحوافر والرمل
وتوزع اثـياب الطفل
حسين        يابعـد طايفتي
حسين        ياملح سـالفتي
حسين        يــا ابا عبـدالله
 
***

يقــرون گـدامي أســماء وما يرف جفني اعليها
وحاء اسمك امن يذكرون يفز گلبي من طاريها
كـــلمة احـــبك والله ثـــق بـس الـك حاچـــيها
الـماشـافتك نــور ونـــار ياابــو علـــي اعمـــيها
 
ارزقني مـــن نــارك لهب
ونطيني توفيق ام وهب
حسين       بهذي انته التفتي
حسين       يامـــلح سالــفتي
حسين       يـــا ابـــا عبـدالله
 
***
 
يالماخذ اگلوب الناس ارحمني ياابو ارقيه
مجنــونك وما اخفــيك مــولاي تعلـــم بيه
الالــف وتســعمية جرح بــيهــن امــر ليليه
ودمعة عيوني سيدي بخـدي احس مسبيه
 
يالراســك بــراس الرمح
الدمعه عله مصابك ربح
حسين     الروحي اگول اشفتي
حسين     يــاملـــــح سالــــفتي
حسين      يـــاابــــا عـبـــــدالله
***
حيدر تركي الكربلائي

الاداء ملا امير الفتلاوي

وين اليوجعك حاچيني وارتاح
يـبن امـي شـشد وكـلك اجراح


أبــدي مـنـيـن شَــبـدي وكـلك مـوذر
امسح دم رگـبـتك شـو عـظـم ينـجر
شسوي وزينب الگامت تلچمك حيف
امد ايدي اعله صدرك چفي بيه يعثر

الحوافر فوگ صدره شلون تنزاح
ويـن الـيـوجعك حاچـيني وارتاح

٭٭٭٭٭٭٭٭٭٭٭٭٭٭٭٭٭٭٭

اعله ريحت امي خويه حسين شميتك
عــثـرة ابـعــثـرة گـــــوة وانــتــدلـيـتـك
مـطـشـرينك بـحيث الدرب كلـه حسين
ابـعـباتـي وخـوتـك يـحسـيــن لـمـيـتـك

جسمك ماكمل منه شكثر راح
يبن امي ششد وكلك اجراح
٭٭٭٭٭٭٭٭٭٭٭٭٭٭٭٭٭٭٭

ويـن اهـدومـك الحـلوات يـمسـلب
مگـطع وانته ميت ليش چـا تنسب
وجفك بيه نقص عبد الله لوخنـصر
ترة خلافك بچت زينب على زينب

بالطف كلشي صار ابعيني ذباح
يـبن امـي شـشد وكـلك اجـراح

٭٭٭٭٭٭٭٭٭٭٭٭٭٭٭٭٭٭٭

مو مـن عـاتك خـويه تجـافيني
اجـيت اركـض الك يالماتلاگيني
حيلك ذاكه ويـنه باكـتـه ياخيل
واحچي وياك وانته ماتحاچيني

صوت ضلوعك ابأذني شكثر طاح
يـبـن امـــي شــشد وكـلك اجـراح

٭٭٭٭٭٭٭٭٭٭٭٭٭٭٭٭٭٭٭

لا غـيـمـة الـتـفـيي فـوگـك ولا ضــلّ
وجـرحـك من نزيفـه شو رمـل ينـزل
رگد كلشي ابحلاتك حته شيبك طاح
سـمـوم الـضـهـر خوية وداعتك تكتل

حـته ابنومتك ماضنه ترتاح
يبن امي شَشد وكلك اجراح

٭٭٭٭٭٭٭٭٭٭٭٭٭٭٭٭٭٭٭

يالمثگل الرمح من فيظ دم راسك
شـيـال الرمـح ماشـايـل احساسك
كل ساعه تطيح امنالرمح يحسين
مـن تـشـوف طـايـح راس عباسك

تـعـبـان اشـثـكر من گـد الارماح
يـبن امـي شــشـد وكـلك اجـراح


الخادم حسين علي الگرغولي

الاداء ملا امير الفتلاوي