الاداء ملا ابو رقيه

كثرت بهاي المسيه جروحك
شيعيت العسكري لو روحك
:::::
شايل جنازة ومشه    والدمع عالخد نزل
الليله ابو صالح ينوح    مضيع وفاكد اهل
انقتل بسم امام        هذا ابن خير العمل
كاتب بفكدك حزين     وبرحيلك مستهل
ينسمع ظل يا ابو صالح نوحك
&&&&
الليله روحك جاي اشوف    حيل بالهم راحله
ساعه بسامره انته          وساعه تمشي لكربله
  هاي دمعاتك تسيل          واعله خدك  نازله
ياهو مثلك يا امام              بالمدن ضيع هله
انته سر وياهو كلي يبوحك
&&&&
شيعيت الوالد انته              ونزليته اعله الكبر
اهموم كاضيها الحياة      بس حزن كاضي العمر
تصبر اعله النايبات          تعبت حتى الصبر
شمر واحد بالطفوف        اليوم اكثر من شمر
ذنوب عدنه وما كدرنه نلوحك
&&&&
الليله بسامره تنزل            نازل ودمعك جره
بيك ثار وشيل سيفك    نار احس متوجره
كوم يا بن حيدر انهض      سوي يوم الاخره
شيل ذو الفقار بيدك         كلها يمك حايره
عاليه مولاي حيل سفوحك
&&&&
تعبينه سنين عمرك     فوك ما عندك تعب
واليجرحك بالذنوب   بعد ميفيد العتب
الذهب لمن تشوف    احجي اكباله بذهب
تنجرح مولاي اكيد     تذكر حسين نسلب
هذا دمعك نازل المذبوحك
&&&&
علي جبار الكعبي

الاداء ملا ستار الصالحي

ميمر// للامام الحسن العسكري عليه السلام

جمرة مصابك مولاي.   ما تطفه تسعر بينه
...........
يالعسكري مولاي نقسم بالله
يومك فجعنه وكل زمن ما ننساه
لوما حضرنه لنعشك وما شلناه
ننصب مجالس كل عام.   بمصابك اتواصينه
............
ننصب مجالس سيدي ونبچي عليك
بلطم الصدور وبالمدامع نرثيك
يالحسن يا مولاي نتمسّك بيك
ما عفنه گبرك هيهات. بهاي المواكب جينه
.............
نلعن بني العباس كل صبح وليل
بلا ذنب يبن الهادي اذوكم حيل
سم وسجن جور وعذاب وتقتيل
والسمّك بهذا اليوم.  سمّم گلب هادينه
............
عالمعتمد يارب عذابك أضعاف
لا هاب منك يا إلهي ولا خاف
ظالم نذل يقتل وريث الاشراف
سَم الحسن بيده ومات.  نشلت يريت يمينه
............
ما ننسه يومك يالحسن لا هيهات
نذكر مصابك باللطم والدمعات
معروف عنك تگضي كل الحاجات
كل حاير وكل ملهوف.  لگبرك يجيك اتعينه
...........
بهاي المجالس تحضر ويانه تنوح
لمصاب ابواليمه الغريب المذبوح
عالرمح راسه بايد چتاله يلوح
وجسمه البقه بلا تغسيل.  يالعسكري مگطعينه

سيد زيد الفحام
--------------------------------------------------------------------

للشاعر سيد زيد الفحام

بصوت خادمكم ستار الصالحي

استشهد الامام الحسن العسكري ع
.
الحسن مضلوم واويلي
:::::-----:::::
عمت عيني يغالي حيلي هديته
هل فراك وهجر لا وين تاليته
يكلبي للدفن بجفاك وديته
الحسن فركاك عذبني واخذ حيلي
.:::::-----:::::
الحسن مضلوم يا عالم مثل جده
صبري اعليه يصعب ينوصف حده
يغايب طال صبري شكثره يا بعده
عليك ابجي نهاري ومانمت ليلي
:::::-----:::::
صبرنه اهوايه لاجن مانفع ذره
شكثر ون بدليلي صار والحسره
كلب مكسور كير الكلب شيجبره
على الي جان كل الوكت يوحيلي
:::::-----:::::
ذبل عود العمر والحيل مترادي
عله امصاب الامام وخلفت الهادي
عله حزني بقيت ونفس محتادي
سوالف وي وحشتي وليل يحجيلي
:::::-----:::::
نعصر كلبي مثل عصرات باب امك
اسولف بالحلم لمن خلص نجمك
يوحيلي بحلات انوم اشوف اسمك
اشوفك وي خيالي وكمت توميلي
:::::-----:::::
الزمان شلون ضالم غيير الواني
اخذ من الغوالي الوحدي خلاني
ويا دمي التعيش بوسط شرياني
ها يا عيني دم ومو دمع سيلي
:::::-----:::::
حسن صالح العيساوي

الشاعر المبدع حسن العيساوي

بصوت خادمكم ستار الصالحي

سامره جنه كل اراضيها
حته الملائك صلت اعليها
****
هاي روضه امن الجنان وكلها تشهد
ومن نطب بيها نشم ريحة محمد
هالارض يا ناس بيها اغله مرقد
وبحناجرنه اسمها اشكد تردد
هاي الارض كل الرزق بيها
حته الملائك صلت اعليها
*
كلمن ايطب أبأرض سامره يرتاح
ادخلوها بسلام المنتظر صاح
للامامين اشكثر ملهوفه الأرواح
والعلم فوك المناره وبعده ما طاح
يحرسها هاي الكاع راعيها
حته الملائك صلت اعليها

عنها شحجي والله ما تكفي العبارات
بيها تخدم نزلت أملاك السماوات
نور كبتهم عمه عيون المجرات
والحمام اشكد يحب بالمرقد ايبات
ينسه الحزن كلمن كصد ليها
حته الملائك صلت اعليها

هاي اشرف بقعه بيها نكحل العين
واحنه من نشتم هواها انشم الحسين
موطن الاحرار والناس الموالين
والارض سامره تتعنه الملايين
بدم النحر قررنه نفديها
حته الملائك صلت اعليها
*
هالارض يا ناس ابد ماكو بغلاها
اتبركت بالمهدي والباري اصطفاها
المهدي بيها وشايل بجفه لواها
صرحة الاحرار يتردد صداها
بجمل قصائد كمنه نرثيها
حته الملائك صلت اعليها
*
كل موالي الليله يتباها بشعاره
بقعه العشاك والناس الغياره
نركض امن بعيد لو شفنه المناره
حلوه سامره بكثر طعم الزياره
والخير بهل البيت ماليها
حته الملائك صلت اعليها
*
تمت
تحسين الخفاجي

الاداء ملا عصام المحمداوي

نعي بصوت. مسلم المطيري

نعي لسان حال الامام الحجه عج باستشهاد ابيه الامام العسكري عليه السلام

بدمع سجاب واسوني يشيعه
بفكد عودي عشت بعظم فجيعه
نهدم حيلي وحك حامي الشريعه
ضيعني زماني شلون ضيعه


التف دين الاسلام ابثوب الاسود
من شاف الجبد بالسم تمرد
اعاين للرسول ادموعه عالخد
جرحه من المصيبه صعب ينشد

يشيعتنه اريد اتساعدوني
بالماتم تنشفوها عيوني
بدمع سجاب لمن تواسوني
لجن جرح انفتك من تندبوني



انا المنتظر معروف بلسم
لجروحي الدموع تصير بلسم
ابوي الكظه يا هلناس بلسم
غسلته ودفنته ابذني اديه


عليك اعظم مصايب سدت وجرن
ودموعك حكهن امنتهيج وجرن
مصايب عودك وكربله وجرن
نار الثار ياروح الزجيه


الخادم عبدالمعين  الشمري

الإمام العسكري مخاطباً
الحجة القائم عليهما السلام




يبني اوصيِّـتِي /  ساعة دفنـِـتِي
تذكر عمِّــــتِي ...  زينب
ماتت آلام  /  من ضيم الشام ...  زينب

ــــــــــــــــــــــــــــــــــــــــــــــــــــــــ

ساعة تلقيني / وغسلي وتكفيني
أنعه وبچيني / لعمتي العلويه

بعد الكفلوها / طلعت شافوها
بالصوط آذوها / حرمه وموليه

مچتوفه ايديها / وهزله امرچبيها
شمر اليحديها / وراحت مسبيه

بت اشرف نبي /  تمشي اويه اجنبي
محروگة عبي ...   زينب
مصيوبه اسهام  /   من ضيم الشام ... زينب

ــــــــــــــــــــــــــــــــــــــــــــــــــــــــ

المحد شافاها / ولحد سمعاها
فگدت ولياها / وظلت محتاره

حامي اصواوينه / لوتسئل وينه
مگطوعه ايمينه / ومگطوعه ايساره

وي طيحت جوده /  وسهمه وعاموده
وصلوها احدوده /  وسحگوها ازغاره

من طاح العلم /  ماظلت خيم
واتچوت جدم ...  زينب
مچويه اجدام   /   من ضيم الشام  ... زينب

ــــــــــــــــــــــــــــــــــــــــــــــــــــــــ

صورتها ابـالي / ابتوديع الغالي
دمعتها اتلالي / وتشم بالمنحر

ساعه وميمونه /  رد خالي ابدونه
گالتله شلونه /  گاللها اموذر

والعشر اخيوله /   لعبت بي جوله
باگن من طوله / وعافنه امطشر

حزو منحره / گطعو خنصره
واتسلب تره ...  زينب
گربت لـ ايام   /  من ضيم الشام  ... زينب

ــــــــــــــــــــــــــــــــــــــــــــــــــــــــ

يلـغايب هيه /  اول علويه
تطلع مسبيه   من ديره لديره

للشام وكوفه / راحت مچتوفه
والكل ملهوفه /  تنظرها  ايسيره

راس الكفلاها / يبره لـممشاها
تعثر و وياها / يتحرك غيره

سهمه امن الدمع /  خضر چن زرع
وسفه ابهلـ وضع  ...  زينب
بي نار اخيام /  من ضيم الشام ... زينب

ــــــــــــــــــــــــــــــــــــــــــــــــــــــــ

يلمهدي اونيني / لا ما يكفيني
لو كل اسنيني /  زينب ابچيها

ابذكره استشهادي /  يا زينب نادي
خل حزنك بادي /   بالسادي اعليها

جرد بتارك / جهز انصارك
الها اطلب ثارك / طلعه انتانيها

اطلب يا ذخر  / ثارات الخدر
يلجيتك تسر ... زينب
ثار الايتام / من ضيم الشام ... زينب

ــــــــــــــــــــــــــــــــــــــــــــــــــــــــ
سيد علي عبدالزهره الناجي

بصوت. مسلم المطيري