استشهاد رسول الله (ص)

كاعده اتنطر وعودك   بيه لهفه
يمته تأخذني لترابك يمك اغفه
مضلم الكون بمصابك        كاعده بدمعي عله بابك
------------------------------------------------------------------------------------
يا محمد فاطمه أنه وغرك عيوني الدمع
راح كل شي وحته صوتي بعد ماضن ينسمع
الفاكده أمها ومات ابوها بعد ما تحمل وضع
عايشه بوعدك واتاني لحضه لحضه وننجمع
        جنت تستقبلني واكف  هسه وينك
          انه وعيوني بدمعهن   فاكدينك
وانكسر ضهري لـغيابك          كاعده بدمعي عله بابك
------------------------------------------------------------------------------------
رد قميصك بلكي عطره يهون عليه اليمر
بلكي يشفي جروح فگدك يهدي لچمات العمر
وحشه هاي الدنيا بويه ويعجز ضماد الكسر
واليهديني بمصابك شمة تراب الگبر
            تشهك الروح عله كبرك وابقه اتاني
            تكول بلكي اليوم اشوف الواعداني
وانتضر منك جوابك               كاعده بدمعي عله بابك
------------------------------------------------------------------------------------
بويه بويه الشوك شهكه تكطع ابتوت الكلب
وترسم الدمعه بوجنتي وتنحفر لمن تصب
غاب طه يعني حزني ويعني كل عزي انسلب
يعني نور عيوني راح عليه بس هم انكتب
                 غياب نور الله بغيابك هدلي حيلي
                   راح شوف العين عكبك يادليلي
وحزنت الكعبه وكتابك                  كاعده بدمعي عله بابك
------------------------------------------------------------------------------------
اسمك بكل صوت أذان يزيد شوكي لشوفتك
الباب ياخذ نضر عيني يعيد ذكرة دكتك
العين تهمي الروح تشجي بويه طالت غيبتك
دمعي جف بلا جفوفك وشهضمها بنيتك
            التفكد امها يزول همها بحضن ابوها
               شلون بالعاشت وحيده وفاركوها
بويه واستصعب عتابك                 كاعده بدمعي عله بابك
------------------------------------------------------------------------------------
عمري خلصته بدلال وياك ما مر كلبي هم
والدمع ما مر عيوني ولا أعرف معنى الالم
بويه بس غمضت عينك جفني بالدم انرسم
انهدم ركن الدين كله وياه كل حيلي انهدم
           بلليت تراب كبرك من دمعتي
     بلكي تسمع صوت كلبي وتشفي علتي
وامسح جروحي بترابك        كاعده بدمعي عله بابك

علي العزامي

#قصيده_لشهادة_رسول_الله (ص)
#الشاعر_ملا_محمد_الساعدي



ياطبيب أگلوبنه بيك ياخيعونه
ياحبيب الكل فرد ماله حبيب
==============≈===================
يا رسول الروح ياخير العمل
يا أمل كل ظال ماعنده أمل
اليوم نتنخاك ياسيد المقل
تنظر الماخاف من الله شعمل

بسم دينك باگنه وللمهالك ساگنه
وينك اگليبي نبض رادك طبيب
==============≈===================
يمته روحي تشوف نقطة نورك
وتنبهر بجمل خصايل سورك
العالم الليله صبح مأسورك
گلبي شدني امشي يريد ايزورك

يا ربيع أعمارنه تولّهت عشاگنه
يمته تطلعلي واشوفك يالقريب
==============≈===================
يالمحب بالطيف زايد نوحي
والجسد گدامه گعدت روحي
ها يروحي اشبيچ قري وبوحي
گالت بأحمد تطيب اجروحي

ليه كل اسنادنه وصي بيه احفادنه
هوه للبلسم دوه محله النصيب
==============≈===================
الشكر لله الوهبنه المصطفى
الينطق اسمه بيه معگود الشفه
نجح كلمن صان دينه ومانفه
هذا حب وخلاص كله وعاطفه

محله كل ايامنه نخدم الماعافنه
يوصي بينه وهوه راحل للرقيب
==============≈===================
هالعزاء أيظل على طول الدهر
بسم أل المصطفى يجري نهر
نخدم أل البيت نحچيهه ابفخر
وكل خدامتنه تره نقطه ابحر

تضحيات أسيادنه لجل يعله ارشادنه
سم قتل حرگ الخيم واحد غريب
==============≈===================
مُسلِمين مسلّمين الكل أمر
ناطرين الطله لو كل العمر
سيدي عدنه صبر يعله الصبر
والظهور انطره أحر من الجمر

ريت رد اعمادنه للحقيقه قادنه
گلي يمته اترد حبيبي من المغيب
==============≈===================

#الشاعر_ملا_محمد_الساعدي

ويلاه ويلاه يالهادي ويلاه

#الشاعر_الميرزا_محمد_الساعدي

فاطم هالليله انعزيهه

#الشاعر_الميرزا_محمد_الساعدي

قصيدة بمناسبة استشهاد النبي محمد صلى الله عليه وآله وسلم

بلا روح اظل بعدك يغالي
بجي ونوح بعد عينك صفالي
روحك يبويه الفاركَتني 
بيد المنيه سَلمَتني
بجي ونوح بعد عينك صفالي
**********
يالوعيت بشوفتك      يا محنة شبكتك
انته ابوي وامي من اول حياتي
وياك كبرت كَامتي     وشلت باسمك هامتي
بت رسول الله احسها اعظم صفاتي
مالي طولك دنيتي      يفك وجهك ضيكَتي
من اشوفن شخصك اعله البيت آتي

أليام مضت ذيج الزهيه
ونا اليوم اريدنها المنيه
بعدك الوحشه عاشرَتني
بيد المنيه سلمَتني
**********
ودعتني بروحتك     وطلكَتها دنيتك
بس عفت همها ومصايبها اليه
بويه يا بويه صحت     ليش من عندي رحت
كل حياتي من بعد عينك اذيه
ردت موتي بهالعمر    ولا اعيشن بالجمر
كون تاخذ روحي من هسه المنيه

بلياك حياتي ما ردتها
ترى وياك مشت روحي وخذتها
بس الدموع الرافكَتني
بيد المنيه سلمتني
**********
رحت يا نور البصر         بيه تارك يا اثر
يا مصيبه بروحي صارت يا رزيه
الديره من دونك احس        ظلمه ما بيها شمس
والظلام بداخلي ويحيط بيه
يالعفتني وارحلت           شنهو حالي ما كَلت
شنهو بعدك يجري يا بويه عليه

بده هذا فكرهم من غيابك
ولا فاد ابد بيهم كتابك
وليه بعد عينك ولَتني
بيد المنيه سلمَتني
**********
اللي اسمهم صحبتك      حين ساعة دفنتك
متت انته والوصيه خالفوها
كل وصيتك والامر            وياك راحن للكبر
وما خذو كلمه وعليهم طبقوها
ما رعو حرمة هلك          بالبدايه اخذو فدك
وكل حقوق الفاطمه لا ما رعوها

ولا جن ابوي انته ونبيهم
ولا جن كتاب الله بديهم
هالزمره والله عجبَتني
بيد المنيه سلمَتني
**********
غدرو بحيدر علي       لله ما جنه الولي
والخلافه اخدوها منه بالسقيفه
نسو بيعتهم إله     ونسو امرك للمله        
انته ما جنك مخليه الخليفه
كَيدو جفه بحبل    من حقدهم هالفعل
ما رعو عترة رسول الله الشريفه

اللي كَامو بايعوه أول بدايه
النيه جانت يغدرونه بالنهايه
هاي المصيبه العذبَتني
بيد المنيه سلمَتني
**********
تدري داري يا أبي       يقتحمها الاجنبي
وبين باب وحايط يكسرون ضلعي
وتنسطر عيني تره        وحيدر الله يصبره
يباوع بعينه ويشوف شلون وضعي
انته وصيت الفحل         يبقى ثابت كالجبل
حتى لو شاهد بخدي يسيل دمعي 

صحت صوت عجب صبرك يحيدر
تره الموت ترده عني تكَدر
كال الوصيه عطلَتني
بيد المنيه سلمَتني
**********
جعفر عطيه البزوني

استشهاد الرسول (ص)

بويه كل دمعچ عليه لا تهلين
اول اهل البيت للجنه تروحين
ضلعچ بعدي ينصاب ضمي الحيل للباب
يبويه يبويه
****
ادري بويه اموادع الوالد اذيه
وادري تتمنين موتتنه سويه
كلها ايام وتجيني يالزچيه
شلون جيه وشايله انواع الرزيه

هسه لفراگي بچت عينچ يزهره
لكن بيوم التجيني اعليها سطره
يفتت گلبي لصواب ضمي الحيل للباب
يبويه يبويه
****
مو وكتها الونه يالزهره الحبيبه
مو مصيبه افراگي بس بابچ مصيبه
الگال اهجر حظر احچايه عصيبه
مات ابوها فاطمه وهسه غريبه

اي غريبه والصبر يبنيتي لازم
بابچ يحرگه وان موجوده فاطم
ادري وحاسب احساب ضمي الحيل للباب
****
الدنيه مُرّه واجهيها بدمعه مُرّه
چم مصيبه اتلوعچ والباري ادره
بابچ وبسمار والمحسن يزهره
وما يحظرچ حيدر وخانگته عبره

لا تندبينه تره عنده وصيه
بالصبر مچتوف حماي الحميه
تخونه كل الاصحاب ضمي الحيل للباب
يبويه يبويه
****
فوگ گبري فاطمه لا يعلى ونچ
ضمي حيلچ يالعزيزه وهذا حزنچ
هواي منچ دمع يطلب بويه ضلعچ
وتنترس هاي العبايه بفيض دمچ

صرخه من باب السمه راح استمعها
يا محمد فاطمه كسرو ضلعها
وانا بلحدي مرتاب ضمي الحيل للباب
يبويه يبويه
****
صبري ماهو بعيد يافطم لقانه
الله حظرلچ تره اوسع جنانه
انصب الضلعچ عزاء بنفسي انه
المجلسچ حتى العرش يبچي البچانه

السطرتچ والمحسن المذبوح ننعه
وكل نهر بالجنه بويه انترسه دمعه
يخلص هذا المصاب ضمي الحيل للباب
يبويه يبويه
****

الشاعر اياد الديراوي