هنيالهه الموجود ابوهه
ما تنهظم   لو  زعلوهه
يحضرهه گبل الدمعه والآه
بنيته   بأمان   تعيش  وياه
هنيالهه الموجود ابوهه

،،،،،،،،،،،،،،،،،،،،،،،،،،،،،،،،،،،،،،،،،،


يا بويه علة   گلبي   عله
ياهو اعلى ضيم گليبي اگله
لو رحت بويه سنيني شتفيد
يا بويه  موتك   مو    محله

وين التفت والدنيا ما ترحمني لحضات
ذوله الشماته اتبسمو لمن صحت مات
يا بويه شيردك بعد لا والله هيهات
الجوه التراب شلون شتفيده السلامات ؟

ظليت وحدي ويا ندامه
موتك احس بيه القيامه
والعدهه مثلك لا متنساه
بنيته بأمان تعيش وياه
هنيالهه الموجود ابوهه





،،،،،،،،،،،،،،،،،،،،،،،،،،،،،،،،،،،،،

لو رحت ياهو يظل اليه
وياهو البعد ينشد عليه
اصبح غريبه وگلبي مكسور
سموني من بعدك خطيه

خانگني دمعي وحالي لا متوصفه العيون
خلوني يمه اشبع وفه ها يلتشيعون
جوه التراب البيه محنه شلون مدفون
يرحون اهل الغيره من عدنا ويشيلون

ليهسه ما بارد حچيهم
يسوون لو نبچي عليهم ؟
ويلاه رايح بويه ويلاه
بنيته بأمان تعيش وياه
هنيالهه الموجود ابوهه






،،،،،،،،،،،،،،،،،،،،،،،،،،،،،،،،،،،،،،،،،،

الما عدهه أبو هيه الغريبه
المدفون ما تگدر   تجيبه
هواي البشر والاف الوجوه
بس الگلب   ميت حبيبه

وين التفت والناس لا ما بيهم الراح
ما اگدر احچيلك عذابي وكثر الجراح
اليفگدله والد  (هم ينام ولحظه يرتاح) ؟
الطايح يفزعوله الاهل بس گلبي من طاح


لا وسفه ليش ولا اسم الله
مسمعت كلشي شلون عله

مو يمي والد حتى انخاه
بنيته بأمان تعيش وياه
هنيالهه الموجود ابوهه







،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

يا دنيا ليش شبيچ وياي
بالراح ضيم ودمعه بالجاي
جبت الحياة هموم بهموم
بس هو چان الفرحه ودواي

يا وسفه لا ما حسبت تبعدنه الايام
والچنت انام بشبگته جوى الثرى ينام
يا لحظة فراگ الابو تنعد بالاعوام
هسه اعرفت من تنكسر معذوره الايتام

الماعنده والد وجهه خالي
يا لوعتي ورايح دلالي

يا بويه مثلك وين نلگاه
بنيته بامان تعيش وياه
هنيالهه الموجود ابوهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،







گلبي انكسر من ودعيتك
يا بويه يلعايف     ثنيتك
ياهو اليطب للدار بجفاك
بيتك گبر مو هذا بيتك

شديت گلبي بضلعي لكن بويه ما فاد
تتركني رايح للگبر تحت الرمل غاد
تاخذني يمك مو گلت واللمه تنعاد
لكن  تفرقنه شعجب يا ضيم البعاد

لا يمي لا مرو   واجوني
متشوفهم شلي بعيوني

جوه التراب العشت بحماه
بنيته  بامان تعيش وياه
هنيالهه الموجود ابوهه


لخادم الحسين / رعد الفريجي

قصيدة لاستشهاد رسول الله عليه وعلى آله الصلاة والسلام

،،،،،،،،،،،،،،،،،،،،،،،،،،،،،،،،،،

الما يمهه والد تنكسر   وتطول الونه
يابويه  مو مالت بعد يلشوفتك جنه
ونيت يم   راسك   واحاچيك
غمضت عينك وانه اشم بيك بويه

،،،،،،،،،،،،،،،،،،،،،،،،،،،،،،،،،،،،،،،،،،،


يا ماي عطشانه وردت من وجهك الماي
الما عدهه والد ما تسد وحشتهه الهواي
يا موت حيل استعجلت شو من وكت جاي
العايفهه ابوهه  شما   تون  ما تطلع براي

تانيني يا موت انتظر
يا  جنه مدفونه بگبر ؟

وي   والدي  بهداي  اوصيك
غمضت عينك وانه اشم بيك بويه

،،،،،،،،،،،،

مهيوبه بويه ولا يمر خوف اعله بالي
ما دام   سالم    ما  يهم كل  الجرالي
يا غالي مثلك وين اكو  يا اغله غالي
حاچيني  چنهه اتحزمت سود الليالي

افتحلي صدرك والحظن
بنتك   تره   ويمك  تون

شنهي اليبعد الروح ماذيك
غمضت عينك وانه اشم بيك بويه

،،،،،،،،،،،،،،،،،،،،،،،،،،،،،،،،،،،،،،،،،،،


شبساع  تذبل  يا ورد متگلي شبساع ؟
يلساكن بنص الگلب لا تسكن    الگاع
لا وحگ شيبة والدي  ما  أحمل وداع
ضيعت كلشي بغيبتك حتى العمر ضاع

معذور  يا نبض الگلب
فگد الابو كلش صعب

لو راح منك  ما   اخليك
غمضت عينك وانه اشم بيك بويه


،،،،،،،،،،،،،،،،،،،،،،،،،،


محتاره   اظل   بدنيتي  لتغمض  العين
وياي   شد  حيله  الدمع  ما قصر  البين
چلماتك  الكلهن  هلا  والملگه چا  وين ؟
يمك   واريد   امروتك   لتمد   الايدين 

لتسبل ايدك مو   متت
چاوبني بويه اتمرمرت

باريتني  وكل ظني اباريك
غمضت عينك وانه اشم بيك بويه

،،،،،،،،،،،،،،،،


يا بويه خلصت  وانتهت  غطاك   التراب
من بعد عينك  يلأبو  ما   ظلت   أحباب
راح  الامان   بموتتك  وگليبي    ينصاب
من هسه محسن يستعد للعصره  والباب

والدار  باچر  تحترگ
وتخلص الناس الصدگ

الينسطر خدهه اتعاين اعليك
غمضت عينك وانه اشم بيك بويه


،،،،،،،،،،،،،،،،،،،،،،،،،،،،،

  كلمات  الخادم
    رعد الفريجي

#قصائد1446 #ه‍ــ


ـــــــــــــــــ  ✦ʚɞ ✦ʚɞ✦ ـــــــــــــــ


نعي
لأستشهاد النبي صلى الله عليه واله


.....

الزهره شگد فجعها بُعد ابوهه
شكثر شافت مصايب بعد ابوهه
منو الگال الهه غيره بعد ابوهه
لچن بعده احملت اعظم رزيه

.......

ابوچ المانخلف شوره ورايه
يمن نسلچ بزغ آيه ورايه
اموت وموتتچ تصبح ورايه
بكسر ضلعچ وفاتچ يالزچيه
.....
الشاعر محمد حسن ضيغم

لأستشهاد الرسول صلى الله عليه وعلى آله  السيده الزهراء عليها السلام على القبر الشريف ،،،،،

****
يم   گبر   الابو   لحضات   ودوني
اريد  احچيله  هاي المره  بعيوني

*

اريد اوصل لابوي الطوول افراگه
واشم   اتراب گبره  بيوم  الملاگه
يبعد  التعباهه    الموت   مشتاگه

بقيت   بلا نفس لحظه ويدفنوني
اريد  احچيله  هاي المره  بعيوني

***


يماي  تموت ليش وروحي  عطشانه
وحگ شيبة  لحيتك    والله   تعبانه
دگوم    من  الگبر  يمك وصلت  آنه

يم   اهل    المحنه   هنانه خلوني
اريد  احچيله  هاي المره  بعيوني

****

تعبني  الدهر  جيتك  واريد  انخاك
اذا يمك  مچان  احظني اريد  وياك
تره  الشيبني  بويه  شما يمر طرواك

واگلهم    مي  ورد علگبر  رشوني
اريد  احچيله  هاي المره  بعيوني

**

اريد  الوحدي  ويمك  واسولف  كون
واگلك من وكت اهل الوفه  يروحون
يدافي  الشبگه ماتت ما تگلي  شلون

الهلا  يطمهه  التراب شلون حاچوني
اريد  احچيله   هاي    المره  بعيوني

***

اريد  ابچي  اعله  گبرك  هلبت تجاوب
جاباني    حنانك     بويه  ما     اعاتب
يحاضر   بالنفس   بس  بالگبر    غايب

صرت    ام    الحزن  بعدك   يسموني
اريد  احچيله   هاي    المره  بعيوني

***

أگلك   چلمه  وامشي  لعالم  احزاني
التفگد     والد  لحد  موتهه      أتاني
واگلك  ما  وفيت   وهالاجيت   آني

مشتاگه  الچفوفك  تمسح    أمتوني
اريد  احچيله   هاي    المره  بعيوني


كلمات الخادم /  رعد الفريجي

فزاعيه/ستشهاد الرسول

#قصائد_شهادة_الرسول_الاكرم_صلى عليه واله وسلم
ــــــــــــــــــــــــــــــــــــــــــــــــــــــــ

فاطمة الزهراء (عليها السلام ) تخاطب أمير المؤمنين ( عليه السلام ) ساعة دفن والدها

*يا غوثي وا غوثاه* .. *أدفني ريت اوياه*

————— (١) —————

طلبه يــ باب الجـود .. و باب النبي طاها
بنت النبي المحـمود .. اتلبي رجــــواها
مـني الگــلب ممرود .. الفرگه مقسـاها

بويه صعب أنساه .. *أدفني ريت اوياه*

————— (٢) —————

يا رحــمة الرحمان .. أرحمني يا حيدر
و أدفــني بالتربـان .. افراگــه ما أگـدر
بعد النبي العدنان .. جنحـاني تتكسر

و يضربني من عاداه .. *أدفني ريت اوياه*

————— (٣) —————

يا حـــيدره بو تـــراب .. هــيل التُرب بالهـون
نور المـــدينه غــــاب .. و أطفـــاله ينوحـون
و بعده انعصر بالباب ... و الـ خدي يلطمون

ذي أول المأســـــاه .. *أدفني ريت اوياه*

————— (٤) —————

أرجـــــوك يالكـــرار .. و دمعة رجائي سيل
لا تدفن المخـــــتار .. و يصبح نهاري ليل
و تنصب علي لكدار .. و الويل بعــد الويل

و أتنفـــس الويلاه .. *أدفني ريت اوياه*

————— (٥) —————

ضلع الصبر احنيت .. في ساعه اوداعه
و يا حيدره اتمنيت .. تمهلني لو ساعه
نظره أخيره أرجيت .. للحلوه أطبــاعه

و اتزود ابملگاه .. *أدفني ريت اوياه*

————— (٦) —————

ظلمــت عليّ دنياي .. بعد الأبــو الحاني
اهوا الضوى والماي .. وأنفاسي وأوطاني
و دونه تصب عيناي .. أمطـــار أحـــزاني

تسقي جروح الآه .. *أدفني ريت اوياه*

————— (٧) —————

يا معـــدن الحكمه .. و يا موطن الأسرار
اجنازة نبي الرحمه .. ريضــها يا كـــــرار
ما أحتمـــل رسـمه .. لن تحجبه الأستار

و ما أنظر امحياه .. *أدفني ريت اوياه*


————— (٨) —————

خلينـــــي يالكـــــرار .. عطــره أشمـــنه
و مستودع الأسرار .. صدره أضمنه
آنـا مــن المخـــتار .. واهوا جزء منه

و أشگد صعب فرگاه .. *أدفني ريت اوياه*

#شهادة_النبي_الأعظم
#مفضل_حبيب

بدايت مجلس

الاداء ملا محمد الحسيني

#قصائد_شهادة_الرسول_الاكرم_صلى_الله_عليه_وآله

ــــــــــــــــــــــــــــــــــــــــــــــــــــــــ


ماينزل بفكده وحي من أبو الزهره يستحي
يادمعه نزلي جرحي بجفوني بجفوني
------------------------------------------
1= طه الكالها أنطوا الأ جير أجره
وابسط أجر دمعتـــنه لبو الزهره
نفدي أعمارنه للمصطفى وعمره
ولو ندري البحر ما ينملي بكطره
--------------------------------
ما ننسه يـومك يالنبي أنته التهامي العربي
ياحسرتي سبيني سبي بجفوني بجفوني
**
2= محمد والسماء أشكد تحب أسمه
الباري مأيده بحـــيدر أبن عمه
من نوره علي ودمه نفس دمه
جان بحلكه مـن يشتاقـــله يشمه
--------------------------------
من بعدي مولاكم علي ولا ني من واله علي
شايلها ياصـورة علي بجفوني بجفوني



3= نبي ماكو تأذه كـــالها مثــلي
ليل نهار نيران الحقــــد تغلي
يجازيـــني تره اليتمسك باهلي
وبــــــيوم القيامه ينحسب خلي
----------------------------------
الماناسي حك العتره بالجــنه ياخذ قصره
دمعاتي ألك متحضره بجفوني بجفوني
***
4= وحياتك يامحـــــمد كلنه خدامك
نهجك ما نعــوفه نموت كدامك
رفضنه سلام غــيرك نتبع أسلامك
ماتهوه وبدينه أتــرفرف علامك
--------------------------------
أنته الغــــرام الأولي ما ننسه طرواك وعلي
وصوني بالدمعه هلي بجفوني بجفوني






5= بعدنه ننتضر شبلك يبو القاسم
شما طالت الغيبه المنــتضر قادم
خله براحته والـمهم بس سالم
لا بد ما يعـــود الشيعته القاءم
---------------------------------
هيبة محــــــــمد هيبته ونعيش كلنه بدولته
حضرت نفسي بخدمته بجفوني بجفوني
**
الخادم عبد الجليل المالكي

الاداء ملا محمد الحسيني

في مصاب رسول الله مُحمّد (صلى الله عليه وآله)

من هالمصيبه ابدت اعظم رزيه
مات النبي ونجرح گلب الزچيه
.......................

الليله ودّع عترته الهادي مُحمّد
مات مغدور النبي ياناس نشهد
بعترته وصّه الصحابه وبيها ردد
عالزچيه وحيدر واولاده اكّـد

بغيابه ما ينذكر. امر الوصيه
مات النبي ونجرح گلب الزچيه
.......................

ويلي من مات النبي وغمّضها لعيون
طاحو عليه حيدر وفاطم ينوحون
والحسن وحسين يم جدهم يونّون
راح ذاك الچانو بجاله يعيشون

راح النبي وعترته شافو اذيه
مات النبي ونجرح گلب الزچيه
.......................

غمضن عيون النبي والزهره يمه
شبگته ام الحسن تبچي وتشمّه
بويه بويه تصيح مفجوعه وتكلمه
للگبر ويّاك اخذني الدنيا ظلمه

يابويه لا تبتـعـــد ايـدك بديه
مات النبي ونجرح گلب الزچيه
.......................

من رحل طه النبي وعّلن غيابه
ناحت الاكوان والعترة لمصابه
عافت المختار مطروح الصحابه
بالسقيفه جتمعو ونكرو كتابه

يم النبي بس علي حامي الحميه
مات النبي ونجرح گلب الزچيه
.......................

عالخلافه جتمعو وعافو نبيهم
عصو امره وبايعو واحد بديهم
رفضو الراده النبي قائد عليهم
الثاني والاوّل تولّوها بحچيهم

ضد فاطمه وضد علي. صارو سويه
مات النبي ونجــرح گلب الزچيه
.......................

الگالو عله الهادي "يهجُر" مايطيعوه
بآخر انفاس الرسول الهادي اذّوه
لأن وصّه بحيدر الكرار كرهوه
لاشك الثاني والاوّل همه سمّوه

اسّسو ظلم وحقد. للغاضريه
مات النبي ونجرح گلب الزچيه

سيد زيد الفحام.