الاداء ملا علي

الحارث الملعون گالو ع النهر
ذبح موش اولاد واحدهم گمر

كلمات الشاعر / ملا علي

بصوت. ( مسلم المطيري)

ضاعو طفلین یامسلم ضاعوا طفلین
واتعذر جیت یامسلم ضاعوا طفلین
والها الطفلین دم تجری العین
ضاعوا طفلین یامسلم ضاعوا طفلین

اجیت اشرحلک الحاله او کثر همی
واریدن منک اتعذر یبن عمی
مشدوها صرت من حرگوا اخیمی
او ذبحوا کل هلی او محد بگه یمی
مشدوها البال یامسلم مشدوها البال
دمعی الهمال یامسلم دمعی الهمال
حیرنی البین دم تجری العین
ضاعوا طفلین یامسلم ضاعوا

ذبحوا کل هلی او ماضل بعد والی
اولا کافل یمسلم عندی یبرالی
بایتام او حرم متکفله تالی
وهاذه الی جره والی سده ابحالی
احرس ایتام یا مسلم احرس ایتام
او خدر تنظام یامسلم خدر تنظام
مابین او بین دم تجری العین
ضاعوا طفلین یامسلم ضاعوا

من هجمت علینه الخیل والفرسان
حرگوا کل خیمنه او ما بگه صیوان
هجت بلظلامه اطفال والنسوان
او تتفرج علینه تالی العدوان
او هجت بلیل یامسلم هجت بلیل
او داستها الخیل یامسلم داستها الخیل
او هجت لاوین دم تجری العین
ضاعوا طفلین یامسلم ضاعوا طفلین

یا صبری ابهذاک الیوم یاصبری
طلعت امن الخدر وتحیرت بمری
علایتام ادور والدمع یجری
جمعت الیتامه او لاذو ابکتری
خدر واطفال یامسلم خدر واطفال
وبهاذه الحال یامسلم وبهاذه الحال
هل مرعوبین دم تجری العین
ضاعوا طفلین یامسلم ضاعوا طفلین

او جمعت الیتامه او گلبی اتفطر
لئن ما شوف طفلینک یلمشکر
طلعنه ابلیل مظلم عنهم اندور
لاچن مالگیناهم وسیع البر
وتعذر جیت یا مسلم وتعذر جیت
والهم ونیت یا مسلم والهم ونیت
راحوا لاوین دم تجری العین
ضاعوا طفلین یامسلم ضاعوا طفلین

اعذرچ یلعقیله والگلب محتار
الصار اعلیچ بلطف مثله لاماصار
ریت ابکربله حاضر واصیح الثار
وافدی اسنینی الچ یابضعة الكرار
بلطف ياريت يازينب بلطف ياريت
لجلچ ضحیت یا زینب لجلچ ضحیت
یا اخت احسین دم تجری العین
ضاعوا طفلین یامسلم ضاعوا طفلین


الشاعر عبدالحسن الرویمی

السلام على مسلم واولاد مسلم
لسان حال اولاد مسلم ع

اذبـحـنـي انـه امـكـانـه اذبـحـنـي انـه
امـي وصتـنـي ابـأخـوي
اذبـحـتـو ابـو گـبـلـه وابـوي
اذبـحـنـي انـه امـكـانـه اذبـحـنـي انـه
❀......❀......❀......❀......❀
#نسالكم_الدعاء

من بعد الفجيعه ومقتل حسين
فرو من ضعن زينب يتيمين
قصتهم تألم...ذوله اولاد مسلم
فرو من ضعن زينب يتيمين

أول اسهام المصيبه انرمت من الكوفه
يوم جيش الغدر جرد عالغريب اسيوفه
مارعو للضيف حرمه وانكرو معروفه
خاف بس مو عله روحه عالضعن كل خوفه
شاف الوادم الباعت ذممهه
عنده اعيال ضل كل باله يمهه
غريب وبيهم ايهم...ذوله اولاد مسلم
فرو من ضعن زينب يتيمين

قبل لا دم الإمامه ينسفك بالوادي
عالقصر مسلم تعاله وصوته ضل ينادي
ياسلام الله عليك حسين يبن اسيادي
خويه واشبگلي حميده وعينك اعله اولادي
لن يسمع أبو اليمه سلامه
سالت دمعته ابوجه اليتامه
واعيونه تترجم...ذوله اولاد مسلم
فرو من ضعن زينب يتيمين

حسين كلما صد عليهم يجري دمع الناظر
لان حيل حسين يفهم معنى كسر الخاطر
ماهي أيام ويصير ابكربله الما صاير
امن الخطر خايف عليهم من نهار العاشر
لن ابكربله اتحل الفجيعه
بيهم ضاگت الگاع الوسيعه
يوم اوداع يرسم...ذوله اولاد مسلم
فرو من ضعن زينب يتيمين

اشتدت الحيره اعله زينب من عگب ولياهه
كلشي ماضل عدهه بالطف بس دمع عيناهه
من بعد حرگ المخيم فرت ايتاماهه
وين تنطي الوجه زينب حارت ابمنواهه
حيره احتارت وماضلهه كلشي
للعباس لو لحسين تمشي
جرح الغربه يلچم...ذوله اولاد مسلم
فرو من ضعن زينب يتيمين

ولد مسلم نار بيهم چنهه نار الخيمه
محمد من الخوف يركض هو وابراهيمه
بعدو اعله الغاضريه الگاع وحشه وهيمه
ويلي كل واحد للاخر يشكي همه وضيمه
من گد الركض كلما يتعبون
واحد يشبگ الثاني وينامون
حال الخوف يرسم...ذوله اولاد مسلم
فرو من ضعن زينب يتيمين

سنه مرت عن حبسهم والامر بيهم صدر
هم مثل مسلم أبوهم مرو ابنفس الخطر
والمصير ابيت حرمه من بعد ذاك المفر
وابن هالحرمه يريد الجائزه اعليهم عثر
أخذهم عالنهر والسيف سله
الچبير ايگله آني اذبحني قبله
ذبح الخوه يهدم...ذوله اولاد مسلم
فرو من ضعن زينب يتيمين

سيد علي الموسوي

‏مقطع صوتي من سيد علي الموسوي

ابــوذيــه نـعـي لسان حال ام اولاد مسلم ع

لـفـاني هـم فـكـد مـسـلـم ٠٠٠ وراهــم
لاهــــم مـــوتـــه يازينب ٠٠٠ وراهــم
يـتـامـه والـشـمـر يـركض ٠٠٠ وراهــم
ويــن الــگــاهــم ابــهــل مــغـربـيـه

#الشكرلله خادم الزهراء ع ملا علي
#نسالكم_الدعاء281
🕊🎶🖤🎶🕊

( لمسلم وِلد )


الـمـسـلـم وِلــد  **   مــثـــل الـورد
يــــوم الاجــت  **  خـيــل الـحقـد

فرّوا لـچـن ما يدرون ويـن الـوجـه ينطونـه

                                   *---------------*---------------*

يـوم الاجـتـهـم لـلـخـيـم خـيّـالـه
ركـضـوا سـويـه والـدمـع يـتـلالـه
ايشيّب دلـيـلـه الـصـوراهـه ابـالـه

خـوف ورعـب   نــار وحــرب
هــذا الـمــفــر    كـلـش صعب

حالتهم بهذا الحال وبس الدمع يجرونه

                                   *---------------*---------------*

انعدمت ابگلب الاعـادي الشيـمـه
رعـبوهـم وطـلـعـو لـعـد الـهيـمـه
ألـهـم دمـعـنـه والـعـزاء انـقـيـمـه

الـدگ الـصـدر   مـاكـو عـذر
ألــهــم نـضــل   نـحـّي الامـر

الماعدهم ابگدنه اجروح اعله البچي ايلومونه

                                   *---------------*---------------*

اتـخـيـل اشلون الـغـرب والـصـوره
جــار الـزمـان ويـفــتــر ابـنـاعـوره
خـلـه الـيـتـامـه بـالـفـلـه مـذعـوره

مـــن الـــزمــن   شـافـوا مـحـن
اخـيـول الـعـده   لــمــن اجـــن

اشحال الطفل بالميدان ايخاف العده ايدوسونه

                                   *---------------*---------------*

اتـحـمـلـوا خـوف وظـلام الـغـربــه
حـالـتـهـم اتأذي الـغـيـور وصـعـبـه
مالـومـن لـلـيسـعـر عـلـيـهـم گـلـبـه

كـلــهـــم ألــم    ابـحـرگ الـخـيـم
ركضـوا ركـض   حـافـي الــجــدم

الهجمت عَليه الصوبين المن يدير اعيونه

                                  *---------------*---------------*

قصتهم اتـخلـي الـمـحـب بـهـمـومـه
بالـحـومـه ما بيـن الـعـده بالحـومـه
ابذيچ الضهيره القاسيّـه الـميشومـه

ابسـيـل الـدمـع    اصـعـب وضـع
مـاضــل امـــل    طــش الـجـمـع

نبقه ابحزنهم للموت ابدگ الصدر خلونه

                                   *---------------*---------------*

يـاهـو اليردهـم والـمـديـنـه ابـعـيـده
ومسراهـم ابـدرب الخـطـر والـبـيـده
غـربـه ويـتـامـه هالجـرح شـيـفـيـده

دمــع الـحــزن     فـوگ الـجـفـن
صـار الـزمـن      مـثـل الـسـجـن

ابگلب اليتامه المجروح نار الغرب مكنونه

                                   *---------------*---------------*

✍خادم اولاد مسلم (ع)
الشاعر رعد الجريخي

بصوت. مسلم المطيري

لمسلم ولد


كلمات الشاعر
رعد الچريخي

#محرم_الحرام_1445

ساداتي اولاد مسلم صلوات ربي عليهم

بعد ما وقع الحسين ص واصحابه واهل بيته ع هجمت الخيل واحرقو الخيام.. من شدت الخوف والهول طفلين هامو على وجه البيداء😔💔

((زغار الطف))


من كثر هاي الخيل والنار
النهبت خيمنه
وخيل ع خيل اتشَمر لزغار
خفنه وركضنه
حفــاي نركض والرمل حار
زيد عطشنه

دنيه ليل ومـا دريـــــــنه
ضعنه مــــن گدما مشينه
زغار وچبـيره المــــــدينه
اي عـــــــــرف لا ما لگينه

بويه بويه بويه
بگد مــــــــلامح ديره
بينه دارت حيــــــــره

بويه بويه بويه
اباب كــــــــلما نگعد
أهله گامــــــت تطرد

بويه مسلم بويه... بويه مسلم بويه
ــــــــــــــــــــــــــــــــــــــــ
من التعب ما ضل بعـــــد راي
حته نطيعه
طوينه الصحاري اميال حفاي
اليندل تضيعه
خوف وعطاشه والمشي هواي
گصدنه الشريعه

للنهـر لمّــــــــــن وصلنــــــــه
گمنه نعتب مـــــــــــــا شربنه
روينه مــــــــــاي الله ابدمعنه
نمـــــــــنه يم جرفه ابعطشنه

بويه بويه بويه
بحال يكسر خاطر
ذكرنه يوم العاشر

بويه بويه بويه
ياهضم بي نحچي
نشكي لله ونبچي

بويه مسلم بويه... بويه مسلم بويه
ــــــــــــــــــــــــــــــــــــــــ
بين الدروب ابساعت اغروب
لاگـتنه حره
نسكت لـَون سألتنه چـندوب
ألسكته مره
سألت والسؤال يذوب الگلوب
خافين سره

حچولي من ياديره انتم
وياهو ابوكم ياهي امكم
صحنه أحنه اولاد مُـسلم
للــــــــه ليـله انبات يمكم

بويه بويه بويه
لمَن عرفت طاحت
ودمعه بالخد لاحت

بويه بويه بويه
عمت عيني عليكم
امــــكم انه وبيتكم

بويه مسلم بويه... بويه مسلم بويه
ــــــــــــــــــــــــــــــــــــــــ
دره بينه اللأيــــــــــــم وياها بالدار
لما أله ذمه
شهر سيفه بــــــــوجهنه بدل منغار
يذبحنه همه
رايد روسنه چـــــــــــن يطلب ابثار
ماعنده رحمه

بويه مسلم مــــــــن عرفنه
لا رحــــــــــم سنه اودمعنه
نوه ونيتـــــــــه يحز رگبنه
هنـــــــا اجت عالبال اختنه

بويه بويه بويه
عفنه اختنه بالبــــــــر
ادور او تتحــــــــــسر

بويه بويه بويه
ذبـــــــح واهـــــگ بينه
مثل نحـــــــــــــر احسينه

بويه مسلم بويه.... بويه مسلم بويه
ــــــــــــــــــــــــــــــــــــــــ
تمت بفضلهم ص
✍️ياسر الزيادي