قصيده لأولاد مسلم عليه السلام
تقرأ فزاعيه مربوعه بعده اطوار

هذوله اولاد مسلم يالتنشدون
مضيعين الاهل بالليل يمشون
💔💔
هذوله اولاد مسلم لا تأذيهم
ياسجان بالله ارجوك داريهم
من كثر المشي متورمه رجليهم
عطشانين شربت ماي يردون
💔💔
بهيده ريضو لا لا تذبحوهم
ولد مسلم هذوله لا تروعوهم
اطفال ويتامه وشتطلبوهم
ليش وياهم اتحقق يملعون
💔💔
ولد مسلم ضحايه يا حرامات
مضيعين الأهل واشبعو لجمات
ترفه ارواحهم مثل الحمامات
جدنه المصطفى احنه يگولون
💔💔
ويلادك يمسلم ضاعوا ابليل
راحوا من ادينه بهجمت الخيل
فروا بالبراري وشافوا الويل
بلكي بيوم لن لامهم يرجعون
💔💔
هذوله اولاد مسلم عمهم حسين
ولد أهل المراجل والدواوين
من طف كربله تاهو مضيعين
من جدهم محمد ماتهابون
💔💔
✍️العلويه ام علي الشرع

نعي على اولاد مسلم


انه الوالده ابجي وانادي
نار الولد حركت افادي
وابجي واصيحن يااولادي


ادور وصار الوكت ظلمه
بعد وين الكاكم ييمه
وكلبي عليكم زاد همه

ردوا عليه وجاوبوني
انه الوالده ولتضيعوني
وراكم ترى يعمن اعيوني



يون الكلب ودموعي اتسيل
وعيني ابد مانامت الليل
واصيحن ييمه ويامداليل


يون الكلب والعين تدمع
وكلبي اعلى ولادي تكطع
وافراكهم للكلب يوجع


يمه الوالده شنهو صبرها
لو راح وإليها أو ذخرها
بالحزن تكظي كل عمرها


امكم ييمه اشلون بيها
والليل لو هود عليها
ماتكظي ونتها وبجيها


على الويلاد خل يعمن اعيوني


✍ الشاعره
ام حسين الهلالي

‏مقطع صوتي من خادم

قصائد ليلة السادس مع الالحان 👇
(لسادتي الانصار صلوات الله عليهم)
ياصاحب الزمان
#اللهم_عجل_لوليك_الفرج

العشگ عباده       
حيّ عالشهاده          يالانصار
ــــــــــــــــــــــــــــــــــــــ
اصطفو من اجل الصلاة احسين قد قام العزم
وكربله اطلابه چبيره والعرك بس للزلم
بالبيارغ هوسوله وللحرب شدّو حزم
مومهمه الدنيه كلهه احسين بس هوه المهم

ماخلص مداده     
حيّ عالشهاده           يالانصار
ــــــــــــــــــــــــــــــــــــــ
البشر مهما يعمّر يجي يوم الموتته
بس دجيب اليفهملهه ومايثگل خطوته
اكو ماوفقهم الله للحسين ونصرته
وانتم الصنتو الامانه والتحقتو ابثورته

والمنادي ناده        
حيّ عالشهاده          يالانصار
ــــــــــــــــــــــــــــــــــــــ
واحد وسبعين شيبه خضبوهه امن الدمه
الناس فوگ الگاع تمشي والشهيد اعله السمه
هايه جنه امن الكرامه وهايه حّسن الخاتمه
علي الايروي عطشكم والشفيعه فاطمه

والقتل سعاده      
حيّ عالشهاده          يالانصار
ــــــــــــــــــــــــــــــــــــــ
بالحشر لامام ينفع لا ولا تنفع بنين
اله حب حامي الحميه الينفع وحب الحسين
الما نصر هاي العقيده يعتبر ماعنده دين
ياحبيب ابن مظاهر انته شيخ العاشگين

وانته ابو الاراده       
حيّ عالشهاده          يالانصار
ــــــــــــــــــــــــــــــــــــــ
يالله ياعابس اجتك فرصه هاي امن الذهب
گوم شگلهه قميصك والذبح كلش وجب
وينه جون الكله غيره واسلم التركي اووهب
احسين لو باوع عليكم ينمسح منه التعب

گومو للقياده       
حيّ عالشهاده          يالانصار
ــــــــــــــــــــــــــــــــــــــ
هدو السبعين كلكم عاصفه ابنص البحر
الله باعلهم رحمته واشتروهه بالنحر
صفّو الرايه اعله رايه شدو الظهر بظهر
الزاد حبهم للحسين وراحو بأجمل سفر

حققو مراده      
حيّ عالشهاده         يالانصار

محمد الجماسي


#اللهم_عجل_لوليك_الفرج

عكَيلي .للانصار
.......................

لا منعوفك . لا منعوفك . وحدك بالطف لا منعوفك.
..............................................

نعمه انت ولازم نشكرها.
والثوره انصارك تنصرها.
باجر يوم الطف يذكرها.

عن مبدء نحرم وانطوفك
.................................

تعرفنه انصارك يوم الدم.
يحسين انخانه ولا تهتم.
باجر  جدامك  نتحزم.

غالي  ونركع بين اجفوفك.
..........................................

ما نتخاذل يابو الاكبر .
وفايه  أنسر الخاطر سّر .
واحدنه الكافل لو زمجر..

بين احبابك حلوه انشوفك
.........................................

نقسملك بضلوع الزهره.
غالي  وعنك  ما نتبره.
وفايه ونبصم بالعشره..

خسران  الينكر  معروفك .
........................................

يبن اليحضر وكت الشده .
جدامك  ماي  ونتبده.
الماكو بكَلبه حسين شعنده..

يصبح محروم من اطيوفك
....................................

ياوجه الباري وميزانه.
ليش اخت زينب حزنانه.
باجر عد عينك تلكَانه.

بالحومه ونهتف بحروفك.
.......................................

باجر.  ياعنوان  الكوثر.
منذور النحرك جم منحر.
نرضيك  الحد  مانتوذر.

نتعفر من ذاري اطفوفك.
..........................................

✍ ابو منتظر الحجامي......2024

لسادتي الانصار محرم١٤٤٣هــ #اساسية

شالت راس ابنها وذبت الراس
تره بس ام وهب سوتها يا ناس
مدري اشناذره هاي المسيحيه
حته اتصير بالطف كربلائيه
*
ياهي بموت ابنها اليوم من فرحتها مرتاحه
وبالخيمه تشيل الراس وتشمره اعله ذباحه
كل ام من ابنها ايروح تلزم باب النياحه
ونشوف ام وهب يا ناس تفرح لو رمح لاحه

حي الله المسيح الموقف ايصيح
ومن يمه تمر وتسلم الريح
وامه اتكله ماريدك ترد ليه
حته اتصير بالطف كربلائيه
*
صاحت يا وهب ماريد ترجع سالم انساها
والأم البنين بساع يبني الفاتحه اقراها
عيسى بدم وريدك راح من تنذبح يتباها
ويصيح ام وهب حياج بيج الغيره شفناها

انه وعيسى وانته نحب الحسين
روح وبالحشر نتلاكه بعدين
ولازم كل مره تصبح حسينيه
حته اتصير بالطف كربلائيه
**
يشبه جاسم العريس عاف العرس وتعنه
يدري بكربله لو مات عيسى ايكوده للجنه
اول شاب نصراني منيته اليوم يتمنه
وشعدها ام وهب يا ناس كامت تعجن الحنه

اتكله بذمتك لا تشرب الماي
ربيتك وهب لتضيع ارباي
امك عدها حاجه وتدعي يوميه
حته اتصير بالطف كربلائيه
*
من وكفت امام الجيش كل كلمه قصر تبني
صاحت يا شمر اسمع مو انه الاعز ببني
كل هذا الجمع والخيل لتضن والله يرهبني
كص راسي صحت وياه ورد اعله الخيم ذبني

لو عنده ولد عبد الله اسميه
واحلف مثل ابوه للموت اوديه
وزوجة وهب صاحت صيحه ثوريه
حته اتصير بالطف كربلائيه
****
شالت راس ابنها اتصيح حته لو تذبحونه
ما اهتم ونوح اعليه وكلبي ما تحركونه
من كد ما يحب الموت مات وفاتح عيونه
مو بس عابس انجن بيك حته ام وهب مجنونه

صاحت يم ولد زينب اذبحوه
ونصراني الحسين اوليدي سموه
جانت تمتلك غيره ولائيه
حته اتصير بالطف كربلائيه
***
خل ام المسيح اتشوف هاي الفاضله الحره
وبوكفتها ويه حسين نصرت فاطمه الزهره
بيها ايسولف الانجيل لازم والصحف تقره
دم الطاهر امن ايطيح يصبح عالظلم ثوره

مريم لبستها تاج الاكرام
وبجيش النساء وكفت بالخيام
مثل ام وهب حرمه انطوني ياهيه
حته اتصير بالطف كربلائيه
*
تمت
تحسين الخفاجي

محرم_1446هـ
أنصار مولاي الحسين ع -


طبـت الأنصار حـمره اعيـونهه
والعجايب طلعت امن افنونهه

ناس مالت ناس صفره وشارده
اليوم ماكـو اعيون بالطف بارده
بالـمـلاگه الـمــوت يــرعـب نـابه
ومالـت الحـومه ابعجاج الـهـاده

صفره من الخوف صاير لونهه
والعجايب طلعت امن افنونهه

دكــت السبعه ابـثـگـل دبچـاتهم
اصـگــور بر وصفـگت ريـشـاتهم
هـــــاي وادم للطـلابه اگـدودهه
وكـل فـنـون البل حـرب مـالاتهم

الگاع مدري شلون عدلهه امتونهه
والعجايب طلعت امن افنونهه

الجيش طاح وما بعد بي گـومه
وصاحوا النه المعركه ومحسومه
أشيوخ تفـرض بالمغـاره ابكيفهه
وابن ابـوه اليـشرد امـن الحـومه

والعدل عالمـوته يصرخ عونهه
والعجايب طلعت امن افنونهه

تـرعــد السـبعـين طبـت فــايـره
المـوت اكشّر بالارگاب الطــايـره
إكـبـار وأصغـار الــرجف عـاميهه
وعطشوهه الـگــاع حي الـغـايره

ناس ميته ولا تـگـلي اشلونهه
والعجايب طلعت امن افنونهه

رايـــة الأنـصـار حـل مـيــعــادهه
وشـدت الحـومه وتـشد بعـنـادهه  
مـن ابـو فـاضل خـذوهه الـغـيـره
ضلمه صارت والـفــرار اشـفـادهه

وطبـوا ايلاگوهه وايكسرونهه
والعجايب طلعت امن افنونهه

نـاس صـارت تـنـشطـر بـدروعهه
وكل عشيره أتفرهدت مجموعهه
صار نــفـخ الصـوّر والله الـسـاتر
وبالسمه السبعه العـساكـر لـوعهه

صاحـوا الله الـسـاتر اليأذونهه
والعجايب طلعت امن افنونهه


الشاعر  خيري الصفراني