📜 القصيدة: عابر ديره ديره
🎤 أداء: مسلم الوائلي
🖋 كلمات: علي الغزي
~~~~~~~~~~~~~~~~~~~~
تباهت كربله ما بين الاقطار
عزيز الزهره عدهه الليله خطار

صاحت والهله من السانهه اتسيل
هله بهاي الحيود الراكبه الخيل
عزيز الزهره عدهه الليله خطار
~~~~~~~~~~~~~~~~~~~~
هله بالجاي گاطع سجت الموت وعابر ديره ديره
مسروجه الخيول و واحد الراي بحيود العشيره
الكل منكم يمينه ملاويه الموت وفرحان بمصيره
جنح جبريل عن حر الشمس گام فيه اعله المسيره

يشراف القبايل واكرم الگوم
الفخر كل الفخر خطاري اليوم
وعساكم بالأمان اكبار وزغار
عزيز الزهره عدهه الليله خطار
~~~~~~~~~~~~~~~~~~~~
هله بگمرة الليل الضوت بطيب كل ظلمه بمجاني
بيرغ للحزن ما ينكس يوم شايلكم زماني
اول بالمفاخر دوم تمسون وما صاحبتوا ثاني
صار سنين اناطر وحسب احساب ولهل ملگه اتاني

سمره وجوهكم من حر الشموس
وللموت الشرف سلمتوا النفوس
يسباع الوغه وسادات الأحرار
عزيز الزهره عدهه الليله خطار
~~~~~~~~~~~~~~~~~~~~
حطوا ارحالكم نصبوها الخيام هذا الماي اشربوه
باجي اعله المحتم يوم يومين وتذبل هاي الوجوه
يم حسينكم لا يدنه مكره حته الريح امنعوه
لو عز الفرات اعله الوديعات ماي العين اعصروه

من گلوبكم جن اسمع الآه
تركض عله الموت تريد ملگاه
دمتوا اعله العهد يا خير الانصار
عزيز الزهره عدهه الليله خطار
~~~~~~~~~~~~~~~~~~~~
يا حي الحسين اربات الأطياب وناموس الامامه
يل جنك محمد طبق الاوصاف بالزي والعمامه
ريت الموت عنك دار مگفاه وما توصل اجدامه
يخسه الليل الاسود كون ياذيك ما تگدر تنامه

تذبل فاطمه لو ذبلت اشفاك
وبلعنة اجدادك تبتلي اعداك
وروحك روح طه وسر الاسرار
عزيز الزهره عدهه الليله خطار
~~~~~~~~~~~~~~~~~~~~
هليله بسلامه تبركت بيك كل اتراب عالگاع
وصوت الحگ الواضح مثل الهلال سمع كل الاسماع
يا گلب الوفه الزارفته الهموم وجاير من الوداع
كل الودعاك تباغض وياك خابت عيشته وضاع

تتناثر محبتك ما ادري منين
وتتباجه اللسن من نلفض حسين
وتتشابح عليك بحيره الانظار
عزيز الزهره عدهه الليله خطار
°°°°°°°°°°°°°°°°°°°°°°°°°°°°°°°°°°°

الاداء ملا مسلم الوائلي

نفرشلك الگاع ابورد لويصح
وبجيتك نشفه ونرد ننجرح
يابوعلي مية هله ___يابوعلي مية هله
_________________________
هلا تنگل هلا يحسين گلناها
جيتك هاي هسه احنه انتمناها
اجيت انته بوكت ماچنه موجودين
چان ارواحنه لجيتك نثرناها

لوهسه جاي وجايب ام الخدر
احنه النجيلك مانضل ننتظر
يابوعلي ميك هله __يابوعلي مية هله
__________________________
هيچ ايام ضعن حسين جاي النه
هلا وكل الهلا ياريحة الجنه
شرفت الارض من ساعة الطبيت
وصارت گاعك وخطار صرنه احنه

يابو العراق وصرنه عندك خدم
ياسيدي وفاضت علينه النعم
يابوعلي مية هله __يابوعلي مية هله
___________________________
اجه ضعن الشجاعه الشايل القاده
الخالقهم الباري اعله البشر ساده
حسين بكل عصر صوته يضل مسموع
الى من ناصراً صوته الك ناده

وبكل محرم انت من تستمع
لازم تنصره مو فقط بالدمع
يابوعلي مية هله __يابوعلي مية هله
____________________________
لوذاك الزمان واحنه مخلوقين
وبس نسمع خبر ياناس اجانه حسين
فزعه تصير عدنه ياابوعبدالله
امن اتراب الضعن ناخذ نكحل العين

ونكحل اعيون بخبر مقدمك
ياسيدي وكلنه نجي ونخدمك
يابوعلي مية هله ___يابوعلي مية هله
____________________________
يبو السجاد كون بجيتك الخدام
موجودين كون وشادين احزام
چا نصبو مواكب بالدرب مولاي
واجو يستقبلونك شايلين اعلام

وادم تعشگك وانته عدهم هوه
وابنص جرحهم صاير انته الدوه
يابوعلي مية هله ___يابوعلي مية هله
_____________________________
✍️احمد علي البغدادي
محرم الحرام 1446هـ

الاداء احمد علي البغدادي

((ضعن العشگ))


ضعن العشگ طب نينوى
وطشـــو ورد فــوگ الورد
والســـــاده بعمـــايم خضر
تخليــــمن ويـــاهــوّ الّتعد
فـــزعو ينصـــبون الخــيم
وهذا الگــــمر خيمه يــشد

خيـــــمه وبنـص خيمه
دگـــــوها لــ ام الشيمه
هــــــاي الهواشـم هايه
وزرعوها خضره الهيمه

شبان هاشم ياصعاب المسئله
لو همه لو ماكو رجال ومرجله
فرحانه بيهم كربله نسل النبي
وتشرفت بيـــهم أراضي كربله

"""""""""""""""""""""""""""""""""""''''''''''

وجاسم غده يدگ خيمته
وبفيايه محبوسه الشمس
ورتـــب مضيفه وگهـــوته
ومزهب الدله مـــن أمس
جاسم كـــريم ابن الكـرم
وعطر الكـــرم ماينحبس

وضــــل يحد بسيفه
الجيش يمكن ضيفه
معزب ومـيرد بشــر
الذبح صــــار بكيفه

جــــسام يملكها الارض يملك فضا
والمـــاگضه مــن سيفه بعينه گضا
طب للمعسـكر مرتدي زي الحسن
والمجتبى رد لو علي المـــــرتـضى

"""""""""""""""""""""""""""""""""""''''''''''

والاكبر بصــوته العذب
ناده اعله عمته اتفضلي
صـــح آنــــه ياعمه علي
بس انتي بت حيدر علي
أنصب مخــــيم عالسـمه
بــس گــــولي عمه أدللي

والاكـــــبر بتــرديده
دگ المخـــــيم بيده
نبراسه عباس الگمر
والعشگ الله يـزيده

يرجــوزةّ الحـب يــــاغلايم فاطمه
ولدان طـبو كـــــربله مــــن السمه
بالماي والحب غسلو وجوه الخـيم
والماي خير من الله لا ماكـو ضـمه

"""""""""""""""""""""""""""""""""""''''''''''

وتـــلاگت عيون الگمر
وعيون ابو اليـــمه سوه
گلاله ســــولف يــااخي
يــامشيـــخاني بنيــنوى
انته الهوى واكثـــر بعـد
هوه الهوى يشمك هوى

أنصب اخــيامك آنه
روحي بعشگ ولهانه
آمرني وآنه بخدمتك
ياجيش هــذا أهنانه

آنه جبيل الجيــش جعفر قارعه
آنه الاجيب الماي عون المشرعه
عبدالله وآنه خيلهم مـو مشـكله
خيل وزلـم نفنيها أحنه الاربــعه

"""""""""""""""""""""""""""""""""""''''''''''

وتحـــــزم الكافـــل ندى
وطــــش الاريج بخـيمته
ومن غيرته معطر الخيم
وزينـــــب تشـــم بغـيرته
گلتـــله يافاضــــــل وفه
كافـــل ضــــعنه وسـمته

مـــن الله اسمك هيبه
والشاطـي يمي وجـيبه
ضميتك الـهذا الـوكت
ياخــــويه يبـــن النـيبه

يـــــاروح ابـوي وياعزيز العد هلك
وأمــك حنينه بيا حـــــليب أدللك
وانته الحنين ومـــابعد مثل حصل
كلهن الك ياخوي هاي عيوني الك


عبد زينب
محمد الابراهيمي

لحن (ضعن العشگ)
بصوت
ملا حيدر المنصوري

عند الحسين الملتقى عند الحسين
حـباب ودعنـه شكثر هـاي السنين
     عـاشـور جان ايلمـنه بيهم 
    وعله الخيم نسمع بچيهم
       ...........................
ودعـنـه  خــدام  اشـكــثـر  ودعــنـه
عـليهـم   بجينه  اومانفـع  مـدمـعنه
عـاشـور  مـن  ايـمـر  گبـل يجمعنه
وگبورهم هـاي  الــسنـه   تمـنـعـنه
الشـايـل بـكـلبه جـرح مـن الـطفوف //
هـنـاك غـير الـجـنه والله مـا يـشوف //
    ضلينه نشـتاك لحچيهم
  وعـله الخـيـم نسعنمع بجيهم
       ............................
يلـتـم شـمـلـنـه بحسره يـم الـمـنحر
ونداوي ظـهـر حسـين نــدري تـكسر
وهـنـاك نبچي بحـرگــه يـم الخدّر
والقصّر البــيـنه يـظــل يـتــعـــذر
نــعــتـــذر لــحـســيـن لــو صـــار الـقـاء //
وحـنه بـس بـخـدمـتـك عـشـنه الـبقـاء   //
    وبـالـعـزه مـرفـوعـه اديـهـم
    وعله الخـيم نسـمع بچــيهم
        .................... ......
الــعــام چانو  بـالــــعـــزه ويّانه
واحـدهـــم بــنــار الــهــجــر خــلانـــه
وبالـمـوكب اذكـر مـن كـعـدنه اهــانـه
ونبجي عله سكنه من العطش ذبلانه
ليش واحـدهـم  سكـن جــــوه الــتــراب //
الـمـا يغـيـب مـن الـمجالس هـسـه غــاب  //
     ودري بحـسيـن اليـجيـهم
    وعله الخيم نسمع بچيهم
      ................................
بـــيـهـم الـشـاعـر والـيـنـــظــم المأتم
وبـيـهـم الــيـنـعـه  عــالـجـــرح يــــتــألم
وبـيــهـم اليـطـبـر هــامــتـه ويـطـــلع دم
وبـيـهم النـاسـي عـيـاله بس بـيـك اهـتم
جــان كــل هـمـهــم  يـقــيــمــون الــعــزاء //
جـمــرة الــخـــدام  مــن طــــف كـــربـــلاء //
       تسـأل مــجالسهـم علــيهم
     وعـله الخـيـم نسـمع بجيهم
       ...............................
حسين اليـخدمك ما تمـس جسمه الـنـار
بـــيــك عـتـــقـدنـه والله يـبــن الـــكــرار
عـالـفـطـــره حبيناك مـــن جنه زغـــار
وگـبـرك نــشـــوفــه ســيـــدي أوســـع دار
بــدفــتــرك   مـــــولاي  ســـجـنه  خــــدم //
وخــلـي  وســط  گــلـوبـنـه نــار الـخــيــم //
           وحـنه هـم باجـر نـجــيــهـم   
            وعـله الخـيـم نسـمع بجيهم

الشاعر خالد جودي العارضي

مقدمات الليالي (الليله الثانيه)
من عاشور ثاني ليله ▪️من عاشور ثاني ليله
________
هاي الليله يالخدام احيوها
بسمكم ليلة الخدام تدروها
اليوم اعيونكم لحسين اعموها
مجالسكم تره همه يشوفوها

من عاشور ثاني ليله ▪️من عاشور ثاني ليله
________
هنيال الخدم خدمة ابواليمه
وكلمن ينكتب خادم على اسمه
تره ياناس هالخدمه صدگ نعمه
من الباري نزلت للبشر رحمه

من عاشور ثاني ليله ▪️من عاشور ثاني ليله
_________
يخادم بالعزا دگ صدرك بحرگه
امامك اعوجيه الجانت اتسحگه
اشلون الصدره راح يحصل الشهگه
مالومه اعلى حبه الخادم وعشگه

من عاشور ثاني ليله ▪️من عاشور ثاني ليله
_________
✍️احمد علي البغدادي

الاداء احمد علي البغدادي