الاداء ملا مسلم الوائلي

قصيدة علئ وزن التجليبه

عن هلال شهر محرم الحرام

شهر عاشور اجانه وهلت أحزانه
بس ذبح ودمه هالشهر عنوانه
♾♾♾♾♾♾

هل شهر الحزن بالامه وهمومه
واظن ام الخدر بهلاله مالومه
الدهر باجر عليها ايلملم اغيومه
وجثث وليانها تتوسد الحومه
ومابين الاعادي تبقى حيرانه
♾♾♾♾♾♾♾♾
ما بين الاعادي حيره حيرتها
زينب ياهضيمه تسيل دمعتها
ومن هذا الشهر جن بدت ونتها
مختنگة يويلي وتجر حسرتها
تون بسكوت من الونه وجعانه
♾♾♾♾♾♾♾♾
تون بسكوت ويلي ام الخدر وسفه
مصايب هل شهر ياهلخلگ کلفه
الكافل عالشريعة ينگطع چفه
وعينه بالسهم يم الجرف تغفه
وكلها امچتله بالحومه خوانه
♾♾♾♾♾♾♾♾♾
تتکتل هله    وسفه.   الجيدومه
الطف ومحرم  شايعه    اعلومه
حسين اعله الثره ومسلبه اهدومه
وعبدالله. الطفل  غرگان    بدمومه
وسهم ويلي العطش بالنحر نیشانه
♾♾♾♾♾♾♾♾♾
سهم العطش ياويلي ابنص النحر
اجثيره المصايب ياهلي ابهذا الشهر
جن بي ذبح وادموم ياشهر الكدر
من شفته هل والله احس گلبي انعصر
وتيهته دربي واصبحت دوهانه
♾♾♾♾♾♾♾♾
تيهته دربي وانخمش مني الگلب
نيران باجر بالخيم جنها تشب
باجر يحالي شلون والله شگد صعب
امشي سبيه انه وحرم ويه الغرب
وحدنه نمشي لوين يا ملفانه

♾♾♾♾♾♾♾♾♾
تمت بااقلام خادمات أهل البيت عليهم السلام ✍
✍الشاعرة هاجر الزينبية
✍ام زهراء الزيداويه البصراويه
🙏🙏نسألكم الدعاء 🙏🙏

الاداء ملا ستار الصالحي

نعي ... لسان حال السيدة زينب عليها السلام عندما رأت هلال محرم الحرام.


عليمـن ياشـهـر عـاشــــور هلّيت
موحش عگب خوتي ومظلم البيت
بيــك بـلا اهــل وخــــوان ظلّيت
ميتـه ولا اشــوفـك ثـانـي ياريت
ياشـهـر الحــزن بـدمــــوع ناديت
چـم عـلّه وجــرح بـگـليـبـي خلّيت
...

ياشـهـر المـحـرّم لا تـهـل غيب
جرحك لا تظن چم يوم ويطيب
غيـر آلام گـلّي ويــــاك شتجيب
مصاب حسين هدني وبيّن الشيب
ماظـل كـتـر سـالـم بيّـة وتصيب

...

يجرحني الدمع بالعين. لاهل
غريبه ومابقتلي خوان. لاهل
هـلالك ياشـهـر عاشـور. لاهل
عسه ولاشفتك وشفت الاذيّه

سيد زيد الفحام

الاداء ملا ستار الصالحي

موشح //
مواساة الامام الحجة عج ليلة واحد محرم بهلال شهر محرم

شكد هظم كلبك حمل يبن الحسن
هل هِلال الفاجعـه وسلب الضعن

————

هل هلال النايبه وكسر الظهر
هل هلال البيه مخسوف الگمر
حلت أيام الرزايــا والقهر
وكل مصايب كربله بگلبك سرن

——-

ما نسيت الطف ولا دمعك نشف
شتنسه وجبين العدا من الغيره جف
طفل ضامي ومنسگه من الجاري چف
وعين ابوه ومنحره بنله جرن

———

كل صباح وكل مسه اتشوف الحرم
إبلا خيام تبات حرگوها الخيم
ما بُره جرحك ولا لحظه إلتأم
والنسه بصحره الطفوف اتطشرن

——

إليِضَيّع واحد من أهله يحير
وانت فاگد حجة الباري الچبير
عيلتك مابين مچتول وأسير
وسفه ربات الخدور اتيسرن

——-

جسم أبو اليمه ومشاهد رضته
وخنصره ونحره ومثلث جبدته
بيك للطلعه حسرته ولوعته
جبال هم وللحشر ما ينِسَن

——

لون ما شايف شنو بالطف جره
عليك كافي حسين شابگ أكبره
موسد بكتره ويشم بمنحره
مثل شمسين وعلى الغبره هون

——

يحفر بگلبك يمولاي المصاب بنينوى هواي گظت إلكم شباب
مصرع القاسم دليلك مِنه ذاب
كل جروحه بجسمك الطاهر مضن



الشاعر : أبو زينب علي الظالمي

الاداء ملا ستار الصالحي

بجاه دمع ايتامك .... خل اعيش ايّامك
ــــــــــــــ
عيوني تترقب محرم واحسب آنه ايامه
ياحسين وردت اسمي يصير من خدامه
رايد امن امك تحطني ابدفتر اللطامه
وكون دمعي ادموم ينزف للضعن واخيامه
بجمر ذيج اخيامك .... خل اعيش ايّامك
ــــــــــــــــ
عيوني لو شافت الرايه بأيدي الطم عيني
اذكر العباس مرمي وبيّه زاد اونيني
موجفوفه الكَطّعوهن ريتهن جفّيني
وريت بالطف دمي يجري كَبل دم حسيني
بجسمي كون اسهامك .... خل اعيش ايّامك
ــــــــــــــــ
ومن اصد موكب ابعيني تروح بيّه اجدامي
للعزاء وحيل الطم راسي لجل الضامي
عالسطخ بوّل محرم ترف كل اعلامي
جنّي اسمعها الزجيه وينهم خدّامي
تهيج بيّه آلآمك .... خل اعيش ايّامك
ــــــــــــــــ
خلّي كل عمري محرم بس مشي وقرايه
ولجل زينب كون يبقى بكل وكت مبجايه
ياحسين امن الطفوله بيدي شايل رايه
وبالمهد اصرخ ييمّه اخذيني للمشّايه
شما ترف اعلامك .... خل اعيش ايّامك
ــــــــــــــــ
يا الاهي كون موتي ايصير وكت ازياره
وكون يم شباج كّبره ادموعي ضل تتجاره
العاشك اليعشك حبيبه الصحن يصبح داره
واليموت ابهيج موته حسينّه المختاره
يل نصرت اسلامك .... خل اعيش ايّامك
ــــــــــــــــ
الشاعر  محمد حسن ضيغم.   

الملا ابو محمد باقر الشيباني

الليله الثانيه
.
.
.

يا أول عشگ اخضر .. بين ادموعي والمنحر
وگبل ما امي اعرفها
عرفتك يا ابو الاكبر

____
يسالوفة الحب البيك .. جمــره وما اظن تبرد
والفـك عينه بخيامك .. طـبيعي اعليك يتعود

عشگتك من صدگ لاموحچي السان
يا اكــبر ضمــه ويــا اعـــذب انــسان
سمـــعت هـــواي بـس ماسامع بيوم
نهر انتـه وعجــيبه اتــموت عطشان
 
ياماي الحــياة انـــته .. وبالطف منچفي شفته
ياصـورة جمال الله
المافــــد يوم تتغير

___

بحبك يــوم اذا اكبــــر .. حزني ايزيد عشر اضعاف
الماشافك ضوه اعيونه .. كلشـي بدنيــــته مــاشاف

عرفتك من چنـــت ما اعرف الحيل
وبچيتــك علگـمي اشما وشل الليل
المــثل صــدرك عطـر بيه للفراشات
شلون اتدوس فــوگاه سيدي الخيل
 
صدرك شو درب صاير .. يركض بيه اچم حافر
عطر الجنه بظلوعك
لكن بالطــف اتبعثر

____

يمالك روحي واحساسي .. الحـــب امسيطر اعليه
يمـحله ويــاك المـــسامر .. امنــَـبدي اعيوني ليليه

اسافرلك جــرح واگــطع مسافات
اريد اســـتشــعر اشــــويه معانات
قريتك بس تهت في اول اوسطور
ولگيـتك قــصه متروسه جـراحات
 
قريت وماگدرت اعبر .. منك منسلب خنصر
اتلعثم كلشي بحساسي
وبديت ابــذكرك اتعثر

---------

بفـَيك عايش اسنيني .. بوكت بيه حسره چان الضل
من چانت شمس تموز .. ثـــلاثه بجســــمك اتــــذبل
يالمنطيني كلــشي صارن هواي
وحقك اشفافك الماضاگن الماي
اضل مديون الك گــد السماوات
ونذر ابقه اسولف ســيدي بهاي
 
يمغرگني بفــضالك .. سلام الله اعله دلالك
حيره شلون ارد فضلك
يراعي الصــدر المكسر

----------

طبع الشــمعه احــبنه .. چيــه تتعــذب الشمعه
الفـــرح مايوم دورته .. ادور دوم عــــالـدمــعه

ماعايــش حــياتـي حــتى ارتــاح
شلون ارتـــاح يالراسـك عــالرماح
اثنعش طبره تعيس ابداخلي دوم
وبذني تـــدوي شــو نبــرات ذباح
 
ياضربات ابن جوشن .. بنحرك سيدي اشسون
اتراب الطف يبو اليمه
من دمك صبح احمر
--------
حيدر تركي الكربلائي