ياحسين
(رسالة اعتذار)

اشـوف الـخَـدم مـتـحـضـره
                   ايـام اويــهــل عــاشــور

وأجـيـتـك حـامـل اذنـوبـي
                 مــولاي بـگـلـب مـكـسـور

ادري اهــواي أذّيــتــك
                وانـتـه اتفوّت الـمـسـتـور

فــاتــح بـابـك وگـلـبـك
              رغـم الـمـثلـي ما مـعـذور

اجـيـك وتـقـبـل اعـذاري
                  وآنـه ابدنيتي مـغـرور

اروح لـغـيــرك وأنـسـاك
              احـتـاجـك ورد مـجـبـور

احـيّـر بظلمت اسـنـيـنـي
              وأشـوفـن بالمجالس نـور

عـلـيّـه اهـواي مـتـفـضـل
                 من يمك الـف مـشكـور

*------------------------*--------------------*

الشاعر رعد الجريخي




ليلة ١/محرم الحرام /١٤٤٦هجري
الاثنين 8 \7 \2024

بصوت خادمكم الرادود ابو هاشم الربيعي

الشاعر رائد الناشي

اداء ستار الصالحي

#نزله

آنه زينب بت علي
راسي يبقى معتلي
والفخر   كله  إلي
بزود أخوتي أمدلله/كربله ياكربله
____
آنه    حيل     أتعذبت
وبالمصيبه  أتمرمرت
وكلشي بعيوني شفت
لاچن أبقى مواصله/كربله ياكربله
_
صعبه كلش بلوتي
ولله چانت شكوتي
حين ذبحوا أخوتي
صبري بالله أتوسله/كربله ياكربله
_
ريت   لا طال  العمر
ولاشفت ذاكه الظهر
من رجع خالي المهر
وسرجه من عنده خِله/كربله ياكربله
_
أشصار بيه وأشجره
أبقى   حره  وصابره
أحمد  الله  وأشكره
كلشي منه قابله/كربله ياكربله
_
مخدرت فحل الفحول
وآنه   بت  أمي  البتول
حيرت     كل    العقول
بكربله شاني عِله/كربله ياكربله
_
محد المسلي طرف
والعدو بهذا  أعترف
آنه   عنوان   الشرف
خدري منهو يوصله/كربله ياكربله
_
آنه   ستر   الله    العلي
وعرشه بالطف محملي
ومشيتي   بظل   كافلي
بعينه خدري شايله/كربله ياكربله
_
آنه  أخت راعي اللوه
عشنه   وكبرنه  سوه
ضوه  ومرافگ  ضوه
عگبه صرت الكافله /كربله ياكربله
_
بت علي وأخت الشهم
أهزم      وما       أنهزم
خورست    كل     الزلم
حرز حيدر حامله/كربله ياكربله
_
زينب  آنه  أم  الخدر
زلزلت  ذاكه   القصر
بخطبتي جبت النصر
والعدو بيه أبتله/كربله ياكربله
____
الشاعر (أسعد قاسم الگريعاوي)



ـــــــــــــــــــــــ••❃••ـــــــــــــــــــــــ

الشاعر اسعد قاسم الكرعاوي

اداء خادمكم ستار الصالحي

#حبه_حب_عقيده
#محرم_١٤٤٦_هـ

حب حسين مزروع بگلبنه
خـــــدامه ابهويتنه انكتبنه
هالخدمه فريده
حبه حب عقيده
//////////////

نحبه حب عقيده من گلب واللسان
عدنه حسين هُوَ يكون اغله أنسان
اسمع يالتضـدنه ويالعشت خسران
خالد يبقى ابو الســــجاد چن آذان

نبع احساسنه وقبلة عشگنه
هوى الريتنه غيره ماشهگنه
وغيــره مانــريده
حبه حب عقيده

///////////////

هويتنه الحســــين وبــيها معتزين
أمام وأصل ثابت من اصول الدين
يالعــــروة الوثقى البيها متمسكين
رفعة راس ناسه وبيه مهيـــــوبين

يا خيــــمة بختـــنه الذنه بيها
خدمته انبيع كلشي ونشتريها
امسلم عمري بيده
حـــبه حب عقـيده

///////////////

أمــــير أعله الكلب صاير ابوالأكبر
وانه ابليه محبته اختــنگ ما اگدر
دوم ابخـــــــدمته متباهي وتبختر
احس سيد زماني امن اصعد المنبر

الخدمه اشكد لذيذه وبيها واهس
وحـــــــد الموت ماعفنه المجالس
لجله اقره القصيده
حبه حب عقـــــيده
/////////////

احنه بلا مـــــــــجالس دوم مانرتاح
وي حســــــــــين مادورنه كل ارباح
الكلا للضلم وصـــط المعارك صاح
مانوفيه لو قدمــــــــــنه لجله ارواح

وقعـــــــنه العهد وياه بالدم
شيب وشاب للخدمه اتحزم
بالحب حب نزيده
حبه حــب عقيده
////////////

مــــن نســــمع اقرايه اتصير بالمسجد
نحضــــــر اعيونه وبس بالواجي انهد
محـــــــــــرم كاعـدين ايام لجله انعد
بمواكبنه نضل وحـــــــزام لجله انشد

المواكب تنصب مصــابح عاشور
نلطم عالمصيبه ونخسف اصدور
وحق راية عضيده
حبه حــب عقيده

/////////////

تم بعون الله تعالي
بقلم ام زين العابدين اللامي
من يود يقرا القصيده يذكر
هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔💔

الشاعرة ام زين العابدين اللامي

اداء الرادود ستار الصالحي

ميمر
{ يا أهل العزم }


         شــدوا الــحِــزم     يــهــل الـــعـــزم
         بــي نــفــتــخــر     هـــــذا الاســـــم

خـدام ابـــو الـيـمـه حـسـيـن نــتــفـاخـر أيسمونه

                              *---------------*---------------*

    شـــكــــراً يــــرب شـــهـــر الـــحــــزن.. عادنّه
    وصــــار الـلـــطـــم لٱجــل الـــســبــط.. عادنّه
    يـخـسـر تــــره كــلـــمــــن حـــچـــه و.. عادنّه

           تـــاج الــشــرف     بـيــنــه انـعـرف
           احـنــه الـخــدم     بــيــرغــنــه رف

العاشگ يصير ومجنون عـقـلـه اكتمل بـجــنــونـه

                              *---------------*---------------*

    نـــقـــســـم وحــق مــن بـالـــهـــزل.. مسراهه
    نـار الــعـــشـــگ وســـط الـگـــلـــب.. مسراهه
    هــــايــه الـــمــــســــيــره ولـلأبــــد.. مسراهه

           هـــذا الــــدرب     كــلــش صــعــب
           بــس لـلـمـحـب     راحــــت گــلــب

الــچــاويــتــه نار الخيمات يعرف صدگ مضمونه

                              *---------------*---------------*

    اصــفـــوف الــعــزه شــــوگ الـگـلـب.. هاملهه
    ودمــــعـــــة حـــزن فــــوگ الـجـفـن.. هاملهه
    هـــــاي الـــخـــدم عـــالــي انــــرفــع.. هاملهه

           مــاكــو عــــــذر     الــدگ الــصــدر
           عــمــر الــخَــدم     فــــدوه ونــــذر

بـهـذا الـنـهـج مـعـتـقـديــن وخــل العده ايلومونه

                              *---------------*---------------*

    الـــعـــاده الـلـطـم مــــن الـــبــــشــــر.. ماعِدّه
    عَــــدّه الــــزمـــــن عــــنـــــه الاجــــر.. ماعَده
    جـــــرح ابـمـحـب مـــثـــل الــخــــدم.. ماعِده

            الـحـَس بـحـرگ     گــلــبــه الـيـدگ
            يــعــرف صـدگ     مـعـنـى العـشـگ

العاف الــمــدامــع والـنـوح بـيـهـن رمـاد اعـيـونـه

                              *---------------*---------------*

    نــــــــــــور الــــمـــآتـــــم بــالارض.. شع ليهه
    وكــل الـخـــدم صـــيـــت وشــرف.. شع ليهه
    حــرگـه بـــگـــلـــبـــنــه وهـالـخلـگ.. شع ليهه

            شــوگ الــدمــع     بــي نــنــجــمــع
           الـعــاده الـلـطـم     خــل يــسـتـمــع

انـزيـد الـمـآتـم والـنـوح رغـمـاً عـلـى الــعــادونــه

                              *---------------*---------------*

    مـــن الــمــــجــــالـــس كــــل مـحـب.. مايلهه
    عــــطــشــه الــضـــمـــايـــر والـلـطــم.. مايلهه
    يـخـســر تــــــره الـــــــراح وبــــعــــد.. مايلهه

           الـعـاش إبــألــم     جــرح الـخــيــم
           شــامــخ يـضـل     ثـــابـــت قــــدم

الـعـافــوا نـهـجـنــه ومـاشين ويــن الدرب يلگونه

                              *---------------*---------------* 


✍خادم الحسين ع
    الشاعر رعد الچريخي

لشاعر رعد الجريخي

اداء الرادود ستار الصالحي

المتالق موسى البديري


اداء الرادود ستار الصالحي