نعي للهلال...... محرم 1445

اهلالك يالمحرم ريت ما شفته
وگبل هاليوم الف ياريتني ميته
اعاين على اهلالك والعيون اتسيل
بيك اشكثر ضيم واسى اتذكرته
شهر بس مو شهر چنك ابمية عام
علي مريت گلبي ابهظم گطعته
شفت بيك السبي والحزن والخوف
بيك حسين عطشان انذبح شفته
قوس اهلالك اتخيلته حافر خيل
ذاك الهشم صدر الولي اتخيلته
اخوي الفوگ ظهر الهزّل من النوگ
ابدرب السبي سويناها فاتحته
هلالك من اشوفه اتهيج الاحزان
اذكر جم اخو بهالشهر فارگته

اهلال الحزن والفرگه   ترا هل
ودمع العين من زينب  ترا هل
اخو من الذبح هم يسلم  ترا هل
لو ما يضل من هاشم بقيه


✍️الخادم فراس موحان الساعدي

عالمنابر ترتفع اصواتنه
حب الحسين وهله غاياتنه
******
عالمنابر نهتف بهذا النداء
حسين رحمه نازله من السماء
للبرايا وبالاخص اهل الولاء
مبينه بكل الكتب وكتابنه
حب الحسين وهله غاياتنه
******
حسين ابو اليمه ابد ماله مثيل
بالنفس ضحى لجل دين الجليل
وبهله وانصار العقيده والكفيل
وللهدايه ايظل اهو مصباحنه
حب الحسين وهله غاياتنه
***
فدوه كل اعمارنه لبن الاباة
مانعوفه شماجره حد المماة
يبقه اخو زينب سفينه للنجاة
سيد الساده ابو ساداتنه
حب الحسين وهله غاياتنه
******
لوصرخنه بسم ابن حامي الحمه
ترتفع هالصرخه لعنان السمه
حسين ثوره للقيامه قائمه
وبسمه تبقى كل زمن صرخاتنه
حب الحسين وهله غاياتنه
******
كل موالي بسم ابو الاكبر لهج
حجه الحسين وهله اسياد الحجج
فايز وحگ فاطمه النهجه نهج
هناك يوم الدين وكت حسابنه
حب الحسين وهله غاياتنه
******
سيدي ياحجة الله المنتظر
طول غيابك يبن فارس مظر
دينكم تعلم يمولاي بخطر
يامن بكل جمعه الك نظراتنه
حب الحسين وهله غاياتنه
******
خادم اهل البيت / ابومحمد العاشور

#عگيلي

يارب وفقنه الهالخدمه
...........
1_وفقنه الخدمت والينه..
هذا حسين العايش بينه..
الننسه الدنيه اومانسينه..

اشمحلاهه انصاره اونتسمه
...........
2_خدامه اويارب وفقنه..
ومن الغالي لاتبعدنه..
جنه وحب حسين الجنه..

وياه عشنه ابخير ونعمه
.............
3_انصار احنه الحزو نحره..
اوخدام اتسجلنه الزهره..
لجله الخادم ضحه ابعمره..

اومن الكافل ناخذ همه
.............
4_لحسين احنه انضل وفايه..
عشاكه ودكينه الثايه..
الهاي الخدمه اونرفع رايه..

نرفعهه اوتوصل للقمه
.............
5_مايغرونه اومانتبدل..
والخادم من يومه امعدل..
رافع راسه اولا ماينذل..

اولجل حسين ايضحي ابدمه

كلمات خادم اهل البيت
مصطفى الغريباوي

ـــــــــــــــــــــــ••❃••ـــــــــــــــــــــــ

الاداء ابو حوراء الميساني

قصيده كعديه للخدام

من فطره الاخذ مبدأ هيامه
حسين ايلبسه تاج الخدامه
دنيه واخره ايفوز
كلمن يخدم حسين
₩₩₩₩₩₩₩₩
ارد اسولف عن درايه ومن وعي وروح القداسه
كلشي يبقى ايعيش فعله ويرجع الفضل الاساسه
وهي اساس الخدمه فطرة موش بس مال ودراسه


الخادم حسينه من صدك
من فطرته معنه العشك
ومن يحس بعده يختنك
دوم ظل مرفوع راسه


ومن حركة كلب يهمل الدمعه
يرضي الله العلي مولجل سمعه
دنيه واخره ايفوز
كلمن يخدم حسين
₩₩₩₩₩₩₩₩
ياموالي صفي نيتك وعيش بجواء الولايه
جلب بحبل ابواليمه وعوف كلمن عنده غايه
سر نجاتك رحمة الله ربك البعثاه هدايه

بس انظر القبلك خدم
حصل امراده وماندم
وبكل وكت باقي علم
من البدايه للنهايه

جيل الجيل هالوادم تذكره
برسم الخدمه ممنونه وتشكره
دنيه واخره ايفوز
كلمن يخدم حسين
₩₩₩₩₩₩₩₩
شرف من تخدم حبيبك بصدق نيه بلا مطامع
حسين موثوب وتلبسه منهجه اخلاص وتواضع
مو رياء كبال ناسك من تهل لجله المدامع

كل عمل لله التعمله
طبع الرياء بي مشكله
هالذنب لا تتحمله
البي مصالح لو منافع


حسين ايريد فطره وكلب صافي
شما تبذل جهد لجله عوافي
دنيه واخره ايفوز
كلمن يخدم حسين
₩₩₩₩₩₩₩₩
الخادم عبدالمعين الشمري

قصيدة رقم ١

شوط كربلائي للهلال
             
مـحـَرم عـَود إو جانـــــَه  نِشـِم ريحـَتـها أحزانـَه
أبو الأحرار ما نِنـســـــــاه  وَفي إو هَيـهات يـِنـسانـَه
*١*
مـحـَرم يـِحمِـــــــــل إلآلام   واجب نِحـيي أيامــَه
نواجـــِه سَطـوَة الظـلام  يـِشِد كل مؤمن إحـزامـَه
يعيش المـبـغِض إبأوهام يخيب إبصوتـَه إعـلامه
إحـنـَه إحسين والينــه
تِهِل خيراتـَه إعلينه
بالمحشر يلاﮔينـــه
دِنـيـَه إو آخِرَه وَيـاه  والمهيـــــوب ويـانـَه
*٢*
مـحـَرم مَوسِـم الأحـزان   مَوسِم مِحنـَة الزهـرَه
وإحـياءَه فـَرض وإيمـان وإحنـَه إبشوﮒ نِنـتـَظـرَه
نريد إنـشارِك العطشان   إحسين إلـرِسـَم ثـَورَه
نِعـلِنـها مآتِمنــــــــَه
نِحييها شعايـِرنـَه
تِعـَلـمـنـَه منابـِرنـَه
نعين المـخـلـص إو نِرعاه والمعبـــــــــود يـِرعانـَه
*٣*
مـحـَرم مَنـبَــر التـَغـيير    رِسَم مَجـدَه أبو الثوار
مَنـهَجـنـَه إو عليه إنـسير    مَنـهَج نبعة المـخـتار
ننادي للعدل والخيـــــــر    قِدوَتـنـَه علي الكرار
نواجه واجـــــب الظالـِم
نكون العون للوادِم
نـَهِجـنـَه إيبارِكـَه القايـِم
تـنـظـرنـَه الأبي عينــــاه عَمـَلـنـَه إيشوفـَه مَولانـَه
*٤*
مـحـَرم عـَبـرَة الطيبيـــــن   يروي كل مَجاهِد دوم
ما أعـظـَم مصاب إحسيـن  رضيعَه قـَدمـَه المظلوم
أبو اليـِمه أقام الديــن  عـَزِمـنـَه من جهادَه اليوم
نواجه كـل يزيد إيجور
والفاسِد عليه إنـثور
عقيدَتـنـَه سلاح إو نور
والمهدي إبصَبر نِنـخــــاه  يـِظـهَر كِثـرَوا إعدانـَه
*٥*
مـحـَرم بالعمل نِحييـه  عمل خير إبـتـَراحـمـنـَه
أمـر الله نسير إعليه   والطيبـات تِجـمَعـنـَه
والهادي النبي نِرضيه   مجالـِسـنـَـه تـَعـَلـمـنـَه
نِصـَلـي إعلى النبي إو آله
نريــده الصوت يـِتـعالـَه
والملهوف هِنـيالـَه
على المذبــــــــوح واويلاه ثـَوري إبـزود عِنـوانـَه
*٦*
مـحـَرم يـِجــرَح الأرواح  يعيد إمـصاب أبو اليـِمـه
يصير إلـنـَه السواد إوشاح   نـَعـزي فاطِمَـه إمـه
حـِزِنـه دوم ما يـِنـزاح إلا إيـهِل أبو الهِمـه
طالت غيبـِتـــــَه إعـلينـَه
أبو الثارات مَهدينـَه
يـَمـتـَه يـِظـهـَر إيجينـَه
عـَجـل بالفرج رَبــــــــــــاه  مِنـتـَظـرين ﻳـِﻠـﮔـانـَه


ــ
الشاعر المرحوم جابر الخزرجي النجفي

الاداء ابو حوراء الميساني

حضرنه كلشي يحسين وهلالك متانينه
.
.
المواكب و الخدم و الراية
ابيوتنه ما تخله بيها اقرايه
الشاعر و رادود اجو عنايه
الله يعلم خدمه موعن غايه
انصارك احنه و خدام بالدفتر تخلينه
.
.
حسين غيرك ماتشوف عيونه
عليك وادم كامو يحسدونه
بغير نظره ضلوا يشوفونه
حسين من دربك امل يردونه
بس احنه كدها يحسين العاذل مبجينه
.
.
سفرتك يحسين هايه وحاضره
الطير لو جه ما نحط بخاطره
ابوتنه يحسين بسمك عامره
اول هلال الشهر و اباخره
ابيوتنه بسم الله تستقبل العانينه
.
.
سنه صار اعله الوعد يل غالي
حسين افديك العمر و اعيالي
ماكو غيرك انته تارس بالي
حته لو نايم تصير اكبالي
ماعدنه غيرك محبوب يحسين تعرف بينه
.
.
الشاعر و رادود كلمن دوره
كتب واحد يدي واحد طوره
العلك البيرغ وشال الصوره
لحسين كل اعمارنه منذوره
فدوه الك يامولاي بس كون ترضه اعلينه
.
.
حسن صالح العيساوي

بصوت خادمك وخادم خدام الحسين ع

ستار الصالحي

لسان حال السيده زينب عليها السلام بعد واقعة الطف الأليمه عندما ترى هلال شهر محرم
🏴🏴🏴
آيا عاشور المآسي هيجتلي احزاني
بين اهلالك عليه والقهر وافاني

انحب بشهرك و ون
وگلبي يسبيه الحزن
آيا عاشور المآسي هيجتلي احزاني
🏴🏴🏴
اهلال شهرك يامحرم والله گلبي ايألمه
بس انظره ايهيج حزني وتهمل ادموعي دمه
اهلي و اخواني افگدتهم چنهم انجوم السمه
واعظم امصاب الفجعني فگد بضعة فاطمه

وفگد اخوتي الاربعه
هد كياني وضعضعه
وابچي كل ليلي ونهاري وانتحب خلاني
آيا عاشور المآسي هيجتلي احزاني
🏴🏴🏴
يامحرم الك لوعه من انظر اهلالك يهل
اذكر امصاب الهواشم والدمع مني ايهمل
احسين اخيي ظامي شفته اگبال عيني ينچتل
ومن غدر ارجاس اميه ماسلم حتى الطفل

ينذبح ظامي الچبد
ويلي ابسهم الحقد
فگد عبدالله ومصابه افجعني و اذاني
آيا عاشور المآسي هيجتلي احزاني
🏴🏴🏴
يامحرم من تجيني بحسره ابگه وانتحب
من اذكر اهوال الشفتهه نار دلالي تشب
ابعيني شفت الخيل غارت والمخيم يلتهب
وطاحت اجيوش الاعادي بالنسه سب وسلب

وتركض اطفالي بذعر
حافيه اتدوس الجمر
يوم عاشر من محرم كل ألم راواني
آيا عاشور المآسي هيجتلي احزاني
🏴🏴🏴
وين ماباوع اشوفن فاجعه يم فاجعه
الشباب ابدور چنهم عالوطيه امصرعه
بلا چفوف الگمر شفته جسمه يم المشرعه
وشفت اخوي احسين جثته وصله وصله امگطعه

اشلون انسه اللي سده
الشتم واسياط العده
اشما احشم بس يجيني صوت سب عدولني
آيا عاشور المآسي هيجتلي احزاني
🏴🏴🏴
يامحرم هذا اهون لاچن الأدهى وأمَر
نظرة اشماتة عدوي التركت ابگلبي اثر
ايزيد يتبسم بوجهي ايگلي عديت الفخر
راس اخوچ اگبالي هذا وجسمه بالطف ظل وذر

وين عباس وعلي
امأسره وبلا ولي
ويضرب الراس بعصاته ويشتم بخواني
آيا عاشور المآسي هيجتلي احزاني
🏴🏴🏴
يامحرم بعد اهلي گلي شيفيد العمر
لوعتك تبگه بدليلي تلتهب مثل الجمر
حرگ الخيام ونهبهن چتل اخوتي والأسر
ذكرى تبگالي اليمه لحد ميطمني الگبر

مايفارگني الهظم
والبواچي واللطم
اتروح واترد يامحرم وانه اظل بشجاني
آيا عاشور المآسي هيجتلي احزاني
🏴🏴🏴
(سيدناصر الموسوي)