مسلم المطيري

هالليلة مولد فاطمة 
***
هالليلة مولد فاطمة      أنوار شعّت بالسمه
أنوار أم حسين   شعّت عله الكونين
***
تنولد هالليلة آيات المجد
يعني قرآن الجلالة ينولد
باب للرحمة الزچية تنگصد
بحر من جود ومكارم من يمد
ميلادهه الكل البشر     عنوان للعز والفخر
تحضرنه بالدارين       شعّت عله الكونين
**
مولد الزهرة ولادة للعدل
مولد احكام وقوانين الرسل
امن الأنس والجان لا ما ينقبل
كل عمل ألا ابمحبة هالنسل
نسل النبي خير الأمم    يبقه عله الدنيه علَم
وتشاهده كل عين    شعّت عله الكونين
****
عاشت بهالدنيه هاي اگصر عمر
وچانت ابّين الكواكب كالبدر
شجرة طيبة وعالبشر حاصل تدر
أثمرت سبطين هالأمة الطهُر
ريحة نبينه المصطفى    بالعصمه ربنه شرّفه
والدة هالنورين     شعّت عله الكونين
**
كل حرف من عدهه تفسيره كتاب
لو تدوّن وبقوانين الحساب
منهه يتعلّم مضامينه الحجاب
وهيه بافضل عمر وبريع الشباب
أصل الحجاب ام الحسن   ماكو مثلهه ابكل زمن
زوجة أبو السبطين     شعّت عله الكونين
***
أزهرت دنيانه من هذا الأسم
فاطمة الزهره أسمهه والنعم
وردة مزروعة ابّساتين الحلم
من محمد معدن ابواب العلم
نور الهداية متّصل  من عدهة ولآخر شبل
من خالق التكوين       شعّت عله الكونين
***
الشاعر قاسم الساعدي المندلاوي:

ناجي القرناوي

ميلاد_زهرة_الاكوان


شعت انوارك فاطمه ،،،،،هالليله هالليله
واتزينت سابع سمه ،،،،،،هالليله هالليله


دوحة محمد ازهرت ،،،،،،هالليله هالليله
الاكوان كلها اتزينت ،،،،،،هالليله هالليله
الاملاك كلها استبشرت ،،،،،،،هالليله هالليله
وجنات ربي اتعطرت ،،،،،هالليله هالليله
مغلوگ باب الحاطمه
مولوده الليله فاطمه

🌺🌺🌺🌺🌺🌺🌺🌺🌺🌺🌺

نرسل تباشير الفرح ،،،،،،هالليله هالليله
صدر النبي بيها انشرح ،،،،،،هالليله هالليله
جبريل صوته من صدح ،،،،،هالليله هالليله
كل شيعي يحييها بفرح ،،،،،،هالليله هالليله
كل شيعي حصل مغنمه
مولوده الليله فاطمه

🌺🌺🌺🌺🌺🌺🌺🌺🌺🌺🌺


هنوا النبي المختار ،،،،،هالليله هالليله
في كوثر الجبار ،،،،،هالليله هالليله
جنه وتفوح ازهار ،،،،،هالليله هالليله
مولوده بيها اسرار ،،،،،هالليله هالليله
بالجنه فرحه قائمه
مولوده الليله فاطمه

🌺🌺🌺🌺🌺🌺🌺🌺🌺🌺🌺

بيها الخلق فرحانه ،،،،،هالليله هالليله
بيها أزهرت دنيانه ،،،،،،هالليله هالليله
وغصبن على العادانه ،،،،،،هالليله هالليله
الشيعي رفع عنوانه،،،،، هالليله هالليله
شعت انجوم اللبسمه
مولوده الليله فاطمه

🌺🌺🌺🌺🌺🌺🌺🌺🌺🌺🌺

بالطاهره تهنينا ،،،،،،هالليله هالليله
بالمهدي يظهر لينا ،،،، هالليله هالليله
واشموعنا بإيدينا ،،،،هالليله هالليله
ياربي تفرج بينا ،،،،،،هالليله هالليله
بيه تشفي صدر العالمه
مولوده الليله فاطمه

تمت بعون الله ➿➿➿➿➿➿➿➿➿➿➿

مسلم المطيري

جديد
مولود
للزهراء عليها السلام
.......
هنو خديجه اليوم هنوها
ابمولد الزهره يالتحبوها
ابمولد الزهره يالتحبوها
.....
هنو خديجه الباري انطاها
نسمه محمد النبي طاها
ابمولد الزهره الله حياها
فاطمه الزهره الحور ولدوها
هنو خديجه
يالتحبوها
......
هنو خديجة ابضعة المختار
نسمه ميمونه شعت الانوار
اجمل هديه الحيدر الكرار
ام الايمه يلتعرفوها
هنو خديجه
يالتحبوها
.....
هنو خديجه اوفرحو اوياها
ايحبها رسول الله اويهواها
دون النسائي فاطمه انطاها
ابمولد الزهره الحور حضروها
هنو خديجة
يالتحبوها
......
هنو خديجه اوعلنو الفرحه
ابمولدها حور العين منشرحه
يا مرحبا بيها اويا مرحه
ابمولد الزهره الجنه زينوها
هنو خديجه
يالتحبوها
....
هنو خديجه اومن يدانيها
فازت ابگلب النبي اوباريها
احله هديه اونعمه منطيها
بضعة الهادي الحور حيوها
هنو خديجه
يالتحبوها
.....
هنو خديجه اوباركو الها
مولد الزهره الله كملها
سيدة نساء الجنه وافضلها
اسيه اومريم وامها خدموها
هنو خديجه
يالتحبوها
.....
الحاجة ام احسان الخاقاني.

((مشكوله))


مشكــــوله ذمــــتك ياشام
صرت احسب اللحضه ايام
محتـــــام مــــن ذاك العام .. للزياره

مسهـــرني بــــــدروبك ليل
مراويني چــم ويـــــل بويل
مشتاگ بس ويـــــن الحيل .. للزياره

بســناين كــــل عشـــايرنه يفزعون
اذا شيخ العشـــيره ايغمض العيون
ويــــذبون العگـــل كلــــــهم يونون
چا شو سكته احنه وراحت ام عون

شيختنه الحـــبيبه
هـم ردت غــــريبه
وومنــــوعه الزياره
هاي اعظم مصيبه

يازينب غريبه غريبه ...

"""""""""""""""""""""""""""""""""""''''''''''

يادمعةّ الحــب جروح
وبلايه دم بس مذبوح
معقوله اضلن مـاروح .. للزياره

هــا يالعقيـــله وتدرين
بــــــالبر غدينه متيهين
ومدري الدروب ولاوين .. للزياره

ماترضاش روحي بساعه وتهيد
سهـــرانه ومدامع مدري شتريد
أگـــله شبيچ هيدي تگلي بعيد
حــياةّ بدون زينب گلي شتفيد

واگضـيها ملامه
واشواگ وندامه
واتمنالي اجـناح
هنياله الحـمامه

يازينب غريبه غريبه ...

"""""""""""""""""""""""""""""""""""''''''''''

من بعيد اوديلـــچ آه
هاي السنه چم ويلاه
بابچ بعد ويـــن الگاه .. للزياره

مايهب عطره الفواح
هاي السنــه مامرتاح
ويموت حگه الماراح .. للزياره

المتعـود يروح اتمـــوته الاشواگ
وتذبل عيــنه من ادمـوع الفراگ
الهوى هذا اليشمه يصير خــناگ
وترجف إيده من الحرگه والساگ

وبروحه الحزينه
وبزينــــب ونينه
مگطوعه دروبچ
يا أمنه الحــنينه

يازينب غريبه غريبه ...

"""""""""""""""""""""""""""""""""""''''''''''

وبحــالي مــولاتي شلون
حاچيني مولاتي ام عون
گلبي اعله بابچ محـزون .. للزياره

ضميــــــت عود آنه دموع
وبصـــدري ضميت ضلوع
وثاري الدرب شو مگطوع .. للزياره

ياجرح الأّهـوّده وياهو يسكت
گلبي مـن ضلوعي يريد يفلت
گوه امچلب ويـــازينب يصيح
يعـت بيـه يـــوادم حيل ويّعت

ياشـــــام انته موتي
يموشـــــلي صــوتي
اصـــــــرخ ياغــريبه
وهيه اتصيح اخوتي

يازينب غريبه غريبه ...

عبد زينب
محمد الابراهيمي

لحن(مشكوله)

بصوت ملا علي الوائلي