حبچ سكن دلالي يزهراء
ياغايتي وآمـالي. يزهراء
ميلادچ اجمل عيد
منـچ شفـاعـة نريد
🌻🌻🌻🌻🌻🌻🌻🌻🌻

يمّ الحسـن يابضعـة من هادينـه
حجة اصطفاچ عله البشر بارينه
مثل الشمس نورچ يلالـي علينه
بميـلادچ انهنـي بفـرح مهـدينــه
انتي الأمـل للشيـعه يزهراء
امرچ فرض ونطيعه. يزهراء
نندب الچ ونعيـد
منچ شفاعة نريد
🌻🌻🌻🌻🌻🌻🌻🌻🌻

اجمـل ليالــي السنــة هـاي الليـله
نور الزچيـــة الزهــره شـع بحيـله
كلمن يعــــادي ام الحسـن ياويـله
نهني الرسول وعلي حامي دخيله
بضعة نبينه الغالي. يزهراء
نورچ علينه يلالي. يزهراء
نصفگ الايد بأيد
منچ شفاعة نريد
🌻🌻🌻🌻🌻🌻🌻🌻🌻🌻

عالدنيه مثل الشمس وجهچ ازهر
انتي امتـداد الهادي وانتي الكوثر
كلمـن يحبـچ يربــح ومـا يخســر
واليبغـضـچ مـأواه النــار التسعــر
حبچ يضل يهدينه يزهراء
خـدامـچ وقبلينــه. يزهراء
مـال وّلـِد ميفيـد
منچ شفاعة نريد
🌻🌻🌻🌻🌻🌻🌻🌻🌻🌻

سبحــانـه رب الصـوّرچ مـن نوره
انتي وعلـي الكـرار نفس الصوره
بحجــاب ربنه وقـدرته مستــوره
چم معجـزه منچ عـدت مذكــوره
بـآيـاتـــچ المعـروفـه. يزهراء
بالمصطفه موصوفه. يزهراء
بسمچ نضل انشيد
منچ شفاعــة نريـد
🌻🌻🌻🌻🌻🌻🌻🌻🌻🌻

خـدامـچ احنه وشيعتـچ يالزهره
ننصـب حفــل ميـلادچ وننتظــره
بهـذا الحفـل مهـدينـه هم نذكــره
نقـدم تهانـي لحضــرتـه ونشِكــره
مهدينــه ماينســانه. يزهراء
حاضر نشوفه ويانه. يزهراء
يغمرنه هالترديد
منچ شفاعة نريد
خادم الزهراء عليها السلام
سيد زيد الفحام
____

ماليه الدنيه السعاده
احله فرحه بهل ولاده
كلها فرحانه وتنادي
ياهله ابضعت الهادي
....................

نورت دنيانه بالطلعه البهيه
والفرح هليله عم اعله البريه
وللرسول الباري انطه اجمل هديه
احله بشره للنبي الزهره الدجيه

والملائك تعتنينه
تشارك بفرحت نبينه
بهل ولاده انسر فؤادي
ياهله ابضعت الهادي
....................

ماكو واحد يبقه هاي الليله محتار
ومعتني المولد الزهره سر الاسرار
العنده حاجه يرجع وفرحان للدار
الليله تكضي الحاجه فاطم ام الاطهار

يالله ياشيعي ارتجيها
وسلم الحاجه بأديها
وگلها انه رايد مرادي
ياهله بضعت الهادي
.....................

ماكو شي يصعب عليها الصعب يسهل
وبالقضايه ام الحسن هيه اتكفل
مايخيب الي طلبها ومنها يسأل
رحمة الله فاطمه وهيهات تنمل

اطلب واخذ التريده
الزهره يمك مو بعيده
وصيح الج حبي وّدادي
ياهله بضعت الهادي
.....................

كلشي بالدنيه هتف فرحان بيها
نزّل الله الخير كله ابين اديها
مامثلها تصير وحده ام ابيها
هل اسم بس فاطمه لايك عليها

هيه ام كل الوطيه
فاطمه الزهره الرضيه
هذا حبي واعتقادي
ياهله ابضعت الهادي
.......................

اشعل اشموع الفرح وسط الصواني
فرح هاي الليله تحقيق الاماني
كافي من الحزن بسك يازماني
ابجيت الزهراء كل الخير اجاني

احله فرحه بهل مسيه
مولد الزهره الزجيه
بغضاً بكل الاعادي
ياهله ابضعت الهادي


محمد هادي العقابي

فرحة ميلاد الزهراء ع

مبخوت كل الي حضر.. هليله ميلادچ
امعزب بهذا الفرح .. يا فاطمه اولادچ
مبخوت كل اللي حضر.. يوزع ثواب المنتظر

ــــــــــــــــــــــــــــــــــــــــــــ
كلمن حضر هذا الفرح هاليله ياحضه
يستقبله طه النبي وعليه يترضه
وشكد خسر حيدر علي متحضر ايعوضه
مشروط هالليله الطلب ابيمنته ايقبضه

الحاجه ياخذها نقد .. هالليله بيمينه
من اللحضه هذي يطمئن .. ماتبچي ابد عينه
وميصبه هم ولا كدر.. يوزع ثواب المنتظر
ــــــــــــــــــــــــــــــــــــــــــــ
هنياله كل اللي فرح وشايل الچ ورده
خل ينسه همه ومحنته الواگع ابشده
خل يطلب اشعنده طلب وياحاجه العنده
امعزب الليله الحسن وخجلان ميرده

وحسين ابو اليمه ابد .. ميردها حاجاته
بميلاد امه الطاهره .. يلبيله طلباته
يگضيها ابو اليمه نذر .. يوزع ثواب المنتظر

ــــــــــــــــــــــــــــــــــــــــــــ
السجاد والباقر هلا اتلگوا احبابچ
والصادق بهذا الفرح واگف على بابچ
والكاظم وابنه الرضا يوزعون بثوابچ
وهاليله ولدچ مابچو يالزهره لمصابچ

هاليله لا ماكو حزن .. عاشولچ الفرحه
كلمن ترك حزنه الچ .. ومصابه او جرحه
فرحانه الچ كل البشر .. يوزع ثواب المنتظر
ــــــــــــــــــــــــــــــــــــــــــــ
والهادي لازم دفتره ويسجل الحاضر
ايوافي كل اللي حضر يوم الحشر باچر
والعسكري بهذا الفرح يافاطمه ناذر
للجاي يگضي حاجته وميرده ابد حاير

اعمالنه بهذا الفرح .. عند الله مرضيه
والحاجه بسمچ فاطمه .. يالزهره مگضيه
بسمچ يهون اشما عسر .. يوزع ثواب المنتظر

الشاعر عقيل الحسناوي

على عناد الناصبي      
باركوا الطه النبي
بمولد الزهراء بنته فاطمه
 
* * * *
 
بمولد الزهره فخر كل آنسه
للنبي زفوا التهاني هالمســه
أتباركوله بفاطمه خير النسه
أللي من رب السماء أمقدسه

خل نعيـــد نحتفل      
نبارك لسيد الرسل
وبالتهاني أتعنه أملاك السمه
بمولد الزهراء بنته فاطمــــه
 
* * * *
 
غصبن أعلى الناصبه والكافـره
أحتفلوا في ميلاد بت خير الوره
وألعنوا كلمن يعادي الطاهــره
وهالمحافل للنواصب قاهره

وحق من سن السنن      
مانعوف أم الحسن
كلوبنه بحب الزجيه هايمه
بمولد الزهراء بنته فاطمه

* * * *

سطع نور أم الحسن يزهي ويشع
خلوا هاليوم الهلاهل ترتفـــــــــع
أبهالولاده الطاهره شعلوا الشمــع
وبالسمه صوت الحفل خل ينسمع

أحتفلوا ياشيعة علي      
وهنوا هاليوم الولي
أبن عم المرتضى حامي الحمه
بمولد الزهراء بنته فاطمـــــــه

* * * *

هالمسه شموع الفرح خل تشتعل
بمولد أم حسين خلنه نحتفــــل
عيدينه شايب وشاب وطفــل
المايعيد موموالي ينجعـل

وغصبن أعلى المارضه    
اليوم عيد الرافضـــــه
أويه النبي وجوه الروافض باسمه
بمولد الزهراء بنته فاطمـــــــــــــه

* * * *
 
محلها أسمها بالثغر مثل الشهد
ومنها أفضل هالخلق لا ماشهد
الله عظم فاطمــــــه من المهد
وألها رب الكون بالعصمه شهد

طاهـره بت طاهـره      
جوهره بت جوهره
طه رب الكون دره سلّمــه
بمولد الزهراء بنته فاطمه
 
* * * *
 
الحزن هاليوم أنسه وظل وأنطرح
وأنكتب غفران للصدره أنشــــرح
صفي كلبك يالمحب في هالفرح
خله ينسه كل جرح بيه أنجــرح

أفرح أو أخذ الاجــــر        
بعيد ميلاد الطهّــــر
أتوجه اليوم النبيك كلمـــه
بمولد الزهراء بنته فاطمه
 
* * * *

طرت من الفرح بالجو وعالي
أهلهل عالي والميت وعالي
بعد ما أهتم الجرحي وعالي
شفاني مولد الزهره الزچيه

                               سلام المشعل

بصوت.( مسلم المطيري)

ولادة الزهراء ع

يازهراء يازهراء يازهراء
****
بالفرح هنوني .. يا رسم بعيوني
كلهم ايعرفوني .. انا اهواچ
بسملة قرئاني .. دنيتي و ايماني
بمولدچ هذا اني .. اطلب ارضاچ
يم حسن تدريني .. تعّبني سنيني
الجنتچ اخذيني .. الليله ارجاچ

يا زهراء يا زهراء يا زهراء
****
حبچ بشرياني .. اي بشر خلاني
الله كلشي انطاني .. من هويتچ
انتي آيه بروحي .. ظمدتلي جروحي
يا انيسة نوحي .. ما نسيتچ
عايشه بأنفاسي .. ياورد بحساسي
ياهلي وكل ناسي .. استوطنيتچ

يا زهراء يا زهراء يا زهراء
****
عصمة الله ودينه .. انتي سر تكوينه
خالقچ بارينه .. بقعه من نور
الوالدچ يهديله .. ام نبي بتجليله
يم حسن هالليله .. الهادي مسرور
عالعرش مرسومه .. گبل لا حل يومه
اسمچ اويه انجومه .. بالفله ايدور

يا زهراء يا زهراء يا زهراء
****
يا رضات الباري .. جنه انتي وناري
انتي كل اشعاري .. هل مسيه
يا عشگ دلالي .. غيره ما يحلالي
اول انتي وتالي .. يالزچيه
واللذي يعادوني .. فنهم ايمنعوني
اتمسكت يدروني .. للمنيه

يا زهراء يا زهراء يا زهراء
****
نظره من عيونچ .. انطي ليحبونچ
والمحب من دونچ .. گلبه مهموم
شيعتچ فرحانه .. والحزن عافانه
والعشگ خلانه .. نهتف اليوم
احشرنه ربي اوياها .. وعادي من عاداها
وآلي من والاها .. صرخه للدوم

يا زهراء يا زهراء يا زهراء
****


الشاعر اياد الديراوي

مسلم المطيري

مولد السيده فاطمة الزهراء ع

اللهــــــــــم صــل على … محمد وآل محمد
انولدت فاطمة الزهراء … كوثر للنبي محمد
                ـ🌹🌹🌹🌹🌹ـ

بلحظة مانولدت ســـاجده لربها
اميره اعله النسـاء الباري نصبها
واجب عالبشر كلها انكتب حبها
الماحبها خسر والجـــنه ماطبها

جـــــددنه العهد بولاء … محمد وآل محمد
نولدت فاطمة الزهراء … كوثر للنبي محمد
              ـ🌹🌹🌹🌹🌹ـ

جبــــــــــرائيل بعنان العرش كبر
حين انولدت وشــع نورها وازهر
نزل يم باب طه وجاب هالمصدر
بالاصلاب گله نكتبت الحــــــيدر

الكون فيهم اســتضاء … محمد وآل محمد
نولدت فاطمة الزهراء … كوثر للنبي محمد
               ـ🌹🌹🌹🌹🌹ـ

نور الزهــــره مايرهم اگباله افياي
ماينصـد عكس نور الشمس بهواي
كلشي اتغيــــــر ابيت النبي الوفاي
اليشرب مايهم يشــعر ابطعم الماي

اصبــــــح الكل سـعداء … محمد وأل محمد
انولدت فاطمة الزهراء … كوثر للنبي محمد
                ـ🌹🌹🌹🌹🌹ـ

من شجرة علي الزهراء غصن ريحان
عطــــــــرها منفـرد ويفوح بالبســتان
متبسم علي ابميــــــــــلادها وفرحان
كعـــبه امـــــن الادب والزهد والايمان

تقيــــــــه بنت الاتقياء … محمد وآل محمد
انولدت فاطمة الزهراء … كوثر للنبي محمد
             ـ🌹🌹🌹🌹🌹ـ

✍️الخادم
كامل السعيدي

الاداء كامل السعيدي

في ولادة فاطمه الزهراء عليها السلام

ارسل تحياتي للزهره مولاتي
گلبي انشرح يحله الفرح
للزهره مولاتي
............

من مدّه ياناس الفرح ما مر عليه
مر عله گلبي ونشرح هاي المسيه
وتأمّلت وتفحّصت شنهو القضيه
جاوبني گلبي مولد الزهره الزچيه

ليلة ولادتها. والدنيه ضوّتها
اول عبد انثر ورد
للزهره مولاتي
................

مشكورة يا ام الحسن ذكرچ عباده
بميلادچ آنه ستذوقت طعم السعاده
بسمچ يدگ نبض الگلب يرسل وداده
من صرتي ربچ توّجج تاج السياده

بميلادچ الرحمه. والشيعه ملتمّه
گال الوصف. تاج الشرف
للزهره مولاتي
.................

هالليله هادينه النبي بالزهره مسرور
ينظر وجهها ويبتسم يتلاله بالنور
واجب اشارك فرحته وبالفرحه مأجور
نزلت ملائكت السمه يم فاطمه تزور

والفرحه ياناسي. عايشها بحساسي
نفرح سوه حتى الهوى
للزهره مولاتي
................

ليلة ولادة فاطمه احله الليالي
لسابع سمه ضيها نتشر يزهي ويلالي
جاه الزچيه فاطمه عند الله عالي
صورة وجهها المشرقة تبقه بخيالي

خادمها وتباها. من زغري اهواها
اعظم عمل. خادم اضل
للزهره مولاتي
.................

اعظم هدية للنبي ودّاها ربّه
هاي الهدية فاطمه فرحله گلبه
بارينه يهوه المصطفه وشگد يحبّه
الله بخديجه وفاطمه عوّضله تعبه

من عدها اولاده. تتكاثر الساده
ما ابتعد گلبي اليود
للزهره مولاتي
...............

بهاي الولاده الطاهره اعلن ولائي
للزهره ولآل النبي يبقه انتمائي
خادمهم ليوم الحشر دايم وفائي
جنّة اهل بيت النبي باجر جزائي

روحي بولايتها. مضمونه جنّتها
ما تعتذر فدوه العمر
للزهره مولاتي

سيد زيد الفحام
_______