لطميه للاكبر عليه السلام على طور
محرم ياهلا بشهر الدمع
من ديوان ريحانه المختار


المستهل👇👇


يالاكبر //گوم ياشبه النبي
يالاكبر//ترضى امك تنسبي

🍀ৡ✵ •┈┈┈• ✵ ৡ🍀

گوم ليه ياحبيبي گوم يبن الطاهره
امشي گدامي ارد اشوفك ياابن خير الورى
وسفه طولك آه ييمه يندفن تحت الثرى
وانته تشبه نبي الرحمه وشبه جدك حيدره

تردلي //غايتي وكل مطلبي
يالاكبر//گوم ياشبه النبي

🍀ৡ✵ •┈┈┈• ✵ ৡ🍀

گوم يازهره حياتي حتى تعدل محملي
انه ماعندي ييمه غيرك وغير الولي
ليش عفتوني وحيده بغربه ماواحد الي
عاين وشوف شجرالي بعد عينك ياعلي

اسيره // رحت وي الناصبي
يالاكبر//گوم ياشبه النبي

🍀ৡ✵ •┈┈┈• ✵ ৡ🍀

عمتك تعاين عليك بلهفه يوليدي وشجن
واسمعتها باذني تصرخ وينها ام الحسن
والحسين ينوح اشوفه يصيح غدار الزمن
غدر بيه واخذ ابني وخله دمعاتي جرن

اشوفه//يعاين لاجمل صبي
يالاكبر //گوم ياشبه النبي

🍀ৡ✵ •┈┈┈• ✵ ৡ🍀

فاطمه تعاين عليك وعلى مصابك لاطمه
تلطم عله الراس تصرخ وينه حماي الحمه
شوف ابنك شبه طه جثته تگطر دمه
لبجي زينب وامها ظلت تبجي املاك السمه

من الضيم/حمره صارت العبي
يالاكبر //گوم ياشبه النبي

🍀ৡ✵ •┈┈┈• ✵ ৡ🍀

والدك يبجي وينادي ودمعه عيونه تصب
يگول ليش وليدي نايم يهالوادم عالترب
مگطعه اوصاله حبيبي وعلى راسه منضرب
وانه راح امشي بدونك ياحبيبي وي الغرب

الى الشام//امشي ويه الاجنبي
يالاكبر //گوم ياشبه النبي

🍀ৡ✵ •┈┈┈• ✵ ৡ🍀

تمت بعون •اللّـہ تعالى
الخـ✍️ــادمه ام زيد الشمري

نسال •اللّـہ القبول
ونسالكم الدعاء بتعجيل فرج مولانا صاحب العصر والزمان عج

https://www.tg-me.com/alkalm313

☘قصيده للرحيل الى العراق☘

حيدريه // نزله بنهاية المجلس

زينب ع في هذه الليله لم تنام
وبقيت تفكر في ذهابها الى العراق
وتذكرت كلام ابيها عندما اوصاها
ان تعتني بعيالها لانها ستبقى وحيده

شتكول:- زينب ع

شلون ليله هايه صعبه
            وبيها نمشي لكربله
هل الهلال بمحرم
              شفته بيّن لاهله
علي.....ياعلي     علي.....ياعلي


مكدره ومهمومه وابچي خوفي
كلّه اعله اخوتي...
خاف اروح ومحد يضل وابقه
وحدي بغربتي...
لو رجعنه للمدينه اشلون
اصعد ناگتي...٢

امجتفه وبيدي الحبل
يركبوني عل هزل
علرمال ارجالي كلهه تبکه نومه مجتله
علي.....ياعلي     علي.....ياعلي



انه مالي غير اخوتي وهمّه
كلشي بدنيتي...
لوصدك صار القتال بله
شنهي ظلتي...
اسملله اولاگالهه الله ربي
يدري بحالتي...٢

ریتني هناك انچتل
ولا اضل بلا اهل
عيوني تعمه ولا اشوف اخواني ظلو بالفله
علي.....ياعلي     علي.....ياعلي



لايروحي بطلي كافي
لاتفكرين لبعيد...
لويشوفون الكفلني راح
يرتهبون اكيد...
انه عندي سباع اخوتي
مايهمني كل يزيد...٢

حسين ليث وقسوره
وكافلي چن حيدره
خل اشيل الخوف مني وماافكر بل بله
علي.....ياعلي     علي.....ياعلي



بس ارد آنه واگول امي
وصتني بحسين...
مره گالت شمي صدره
ومره بوسيه بلوتين...
شني انه منين صبري
من اشوفنه الحنين...٢

منلگفه يضل منذبح
وبيه الف مية جرح
ساعد الله گليبي يمّه من اشوفنه انوله
علي.....ياعلي     علي.....ياعلي



گعدت كل حيلي وخيالي
مايفارك هلصور...
ولن اشوف سهام تمطر
شو مثل رش المطر...
چنهن يهجمن علينه
واحس بگليبي انفطر...

ادعي من الله الصبر
يصبرني بهل امر
امرهذا من الله راضي بهلقدر ومسجله
علي.....ياعلي     علي.....ياعلي



✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://www.tg-me.com/alkalm313

☘قصيده لهلال محرم ☘

(زينب ع) عندما هل هلال محرم
شتگول:-

لاتهل لاتهل //ياشهر لاتهل
بيك ذبح اخوتي واسري ولوعتي

🏴🏴🏴🏴🏴🏴🏴🏴

مثل هذا اليوم سرنا لرض الطفوف
كل اخوتي وياي تمشي وانت اتشوف
ترفرف الرايه  وابد  لاماكو كل خوف
من وصلنه لكربله بالخيل وسيوف
تغيّرت حالتي//وبيّنت حيرتي
بيك ذبح اخوتي واسري ولوعتي

🏴🏴🏴🏴🏴🏴🏴🏴

لاتهل  وتعيد كل  ذيج  الفجيعه
ذكرتني بكافلي  اچفوفه الگطيعه
ونومته علشاطي وفوك الشريعه
والشباب الحلوه الظلت صريعه
نزّلت   دمعتي//وابلعت شهگتي
بيك ذبح اخوتي واسري ولوعتي

🏴🏴🏴🏴🏴🏴🏴🏴

ليش يهلال الكدر  هليت شتريد
راح مني كافلي وحسين العميد
بس عليل وياي ظل من اهلي اوحيد
حتى لو عاتبتك ادري اعتابي ميفيد
كثّرت بلوتي//وزَيَّدت علّتي
بيك ذبح اخوتي واسري ولوعتي

🏴🏴🏴🏴🏴🏴🏴🏴

شرد اعاتب بطلت انه من العتاب
بعد شيفيد افگدتهم كل الاحباب
گظت روحي منلبچي ومنكثر الغياب
گلي بله  يازماني  شوده  وشجاب
وافگدت راحتي //واخسرت سلوتي
بيك ذبح اخوتي واسري ولوعتي

🏴🏴🏴🏴🏴🏴🏴🏴

كون اموت ومااشوفك بعد يهلال
راح بارض الغاضریه تروح الرجال
تبدت الگهوه  بعد  چفّيت  الدلال
هاي ابد ما حسبتهه واجت علبال
مسمعت نخوتي//تفرح بشدتي
بيك ذبح اخوتي واسري ولوعتي

🏴🏴🏴🏴🏴🏴🏴🏴


✍ بقلم شاعرة اهل البيت عليهم السلام
 ☘ام فراس الساعدي ☘
غير مبري الذمه لكل من يحذف الاسم والرابط او ياخذ كلمات القصيده وينسبها اليه

https://www.tg-me.com/alkalm313

#الشعار_الموحد
صدر عن المكتب الإعلامي لسماحة آية الله المرجع اليعقوبي دامت بركاته الشعار العاشورائي الموحد بعنوان #وفتح_قريب... يرجى جعله خلفية موحدة لجميع حساباتكم على الفيسبوك والمواقع الأخرى ولكم الأجر والثواب... وأعظم الله أجورنا وأجوركم بمصابنا بالإمام الحسين عليه السلام

(وفتحٌ قريب) شعارُ المنتظرين الممهدين

نعلن لكم عن إطلاق شعار عاشوراء العراق لعام ١٤٤٦ هجرية #وفتح_قريب والذي يحمل البشارة لكل مؤمن ومؤمنة بأنّه مهما كان مستوى الفساد والانحراف، فإنّ النصر من الله تعالى والفتح ليس ببعيد ان تحققت شرائطه.
وكربلاء وأيام عاشوراء من أيام الفتح الإلهي، بل هي من مصاديقه الأبرز في تاريخ البشرية، فإنّ الآلاف التي خرجت لقتل الحسين (عليه السلام) وكل الامكانات المسخرة من قبل طواغيت ذلك الزمان وما بعده ضد ثورة الحسين (عليه السلام) لم تنجح في هزيمة المد الحسيني، وهي رسالة إلهية للعباد أنّ النصر من الله تعالى وحده، فهو الذي ينصر عبده، ويعز جنده، ويُذل الأعداء وحده.
وأيام الحسين (ع) تُقرّب الفتح، بما للأنصار من محورية في احقاق الحق وازهاق الباطل، ففي هذه الأيام الحزينة المباركة يجتمع عموم الشيعة (أعزهم الله) على إحياء مفاهيم الثورة الحسينية، وكلما كان احياؤهم لهذه الأيام احياءً واعياً منسجماً مع أهداف تلك الثورة، كان ذلك معجلاً للفتح، فإنّ عاشوراء من أيام اعداد الأنصار وتهيأتهم لتحقيق الوعد والنصر.
وفي قاموس التخطيط الالهي لا يوجد يأس مع الإعداد الصحيح والاستعداد العالي حتى ولو كان الأعداء كُثر، فهذا هو المطلوب من كل مؤمن ومؤمنة وكما قال الحسين (عليه السلام): (من لم يلحق بنا لم يُدرك الفتح).

#محرم_الحرام_1446هـ
#قبسات_المرجعية_الرشيدة
T.me/yaqoobioffice

نوحيه لهلال عاشوراء


الحمدلله وصل عاشور ورجعنا نخدم المنبر
ورجعنا نلبس الاسود نعازي فاطمه ام شبر

┄┅═✧❁★-❁✧═┅┄

ندري ام الحسن كل يوم تحضر بالحسينيه
تبجي وتلطم اعله الراس تكابل سكنه ورقيه
توزع الماي بيديها وتطلب منه يوميه
نذكر بو علي العطشان واخوانه البقو بالحر

الخــ✍️ــادمه ام زيد الشمري

┄┅═✧❁★-❁✧═┅┄

تطلب كل عزه بعاشور ياشيعه تحضرونه
اسمه بدفتر الخدام تسجله الزهره ممنونه
تگــعد بالعزه وتصيح وينه اليبچي بعــيونه
للداسـت عليه الخيـل والمــذبوح بالمــنحر

أم صــ✍️ــــادق المنصوري

┄┅═✧❁★-❁✧═┅┄

كون ابمجلس العطشان نبچي اونلطم الهامه
عزيز الزهره من ذبحوه فرت تصرخ ايتامه
سليب إبلا غسل ياحيف وشبت نار بخيامه
وعلى امصاب الگضه مذبوح ظلت تنحب الخدر

✍️ام محمد تقي الموسوي

┄┅═✧❁★-❁✧═┅┄

تدخل كل حسينيه وتبجي وتجذب الحسره
تحب الي تساعدها ابلطم وبدمعه وبعبره
فدوه العين لجل حسين حبيب النبي والزهره
اجت من المدينه بنوح عينوا البضعه من تحضر

📚🖌️ام زهراء

┄┅═✧❁★-❁✧═┅┄

اجت من المدينه بنوح تمشي الزهره مهمومه
مكسورة ضلع وتصيح آه يحسين يايومه
تريد اللي يواسيها الروحه گضت محرومه
تدور فاتحه لحسين تطب بكل عزه وتفتر

أم صـــ✍️ـــــادق المنصوري

┄┅═✧❁★-❁✧═┅┄

تدخل للعزه تفتر تصيح بصرخه وبلوعه
انه ام المنذبح عطشان وام الكسروا ضلوعه
بقاروره البچه لحسين الزهره تجمع دموعه
واباب الحسينيه تگعد بيدها الدفتر

الخـ✍️ــادمه ام زيد الشمري

┄┅═✧❁★-❁✧═┅┄

تمت باقلام شاعـ✍️ــرات رابطة خادمات سيد الشهداء عليه السلام
غير مبري الذمه لكل من يغيير الاسماء او ياخذ كلمات القصيده وينسبها اليه


https://www.tg-me.com/alkalm313

☘لاستشهاد الامام الحسين ع☘

لسان حال
الشيعه👉


حسيناً حسين....حسيناً حسين
حسيناً حسين....حسيناً حسين
سيدتي  .....    يازهراااااء
سيدتي  .....    يازهراااااء

سيدتي  .....    يازهراااااء
سيدتي  .....    يازهراااااء

هل محرم ياموالي والعزه عدنه ابتدى
نهتف باسم الحسين خل يردلنه الصدى
مانعوفك ابد والله شما يسوون العدى
گلوبنه تنبض بحبك للابد طول المدى


بدمك المسفوح  هالدين اكتمل
بيكم اتمسكنه وانتم كل الامل

حسيناً حسين....حسيناً حسين
حسيناً حسين....حسيناً حسين
سيدتي  .....    يازهراااااء
سيدتي  .....    يازهراااااء

سيدتي  .....    يازهراااااء
سيدتي  .....    يازهراااااء
🏴🏴🏴🏴🏴

جينه انواسي العقيله نبچي ويه ام الخدر
تشفع  بيوم  القيامه  نلگه  بیديها  الاجر
والمقصر بالحضور بمجلسه شنهي العذر
لو تعاتبنه  شنكلها  اجوابنه  گص  وبتر

ياسفينه انت ومصباح الهدى
الروح يامولاي  نهديها فدى

حسيناً حسين....حسيناً حسين
حسيناً حسين....حسيناً حسين

سيدتي  .....    يازهراااااء
سيدتي  .....    يازهراااااء

سيدتي  .....    يازهراااااء
سيدتي  .....    يازهراااااء
🏴🏴🏴🏴🏴


شيعتك تنحب بعبره علنت اعليك الحداد
كلها متحضره المحرم تلبس هدوم السواد
عل سطوح  الرايه رفت علگوها بكل بلاد
هلمصاب لكل موالي صار اله جرح وضماد

جينه متلهفين كلنه لحضرتك
نلزم الشباچ ونشم ترتبتك


حسيناً حسين....حسيناً حسين
حسيناً حسين....حسيناً حسين
سيدتي  .....    يازهراااااء
سيدتي  .....    يازهراااااء
سيدتي  .....    يازهراااااء
سيدتي  .....    يازهراااااء

🏴🏴🏴🏴🏴


احنه متعودين ننصب ماتمه وبكل سنه
وبطريق حسين جامع او حسينيه انبنه
هذا  اليوزع  ثواب وماي  بارد  ديدنه
كل فقير بسفرتك مولاي يشبع واغتنه

من صبركم صرنا نتعلم صبر
مانعوفك سيدي الحد الگبر

حسيناً حسين....حسيناً حسين
حسيناً حسين....حسيناً حسين
سيدتي  .....    يازهراااااء
سيدتي  .....    يازهراااااء

سيدتي  .....    يازهراااااء
سيدتي  .....    يازهراااااء
🏴🏴🏴🏴🏴


يوم عاشر مانوصفه ليله جن ليلة قدر
للصبح مجلسنا عامر كلش يخصنا الامر
دموعنا دم تجري علخد حاره مثل الجمر
تشوفنه الزهره الزجيه تسجل الموقف تمر

اعليك نلطم اسف ظامي ومنذبح
راسك معلك مشى فوك الرمح


حسيناً حسين....حسيناً حسين
حسيناً حسين....حسيناً حسين
سيدتي ..... يازهراااااء
سيدتي  .....    يازهراااااء

سيدتي  .....    يازهراااااء
سيدتي  .....    يازهراااااء
🏴🏴🏴🏴🏴

٢٩/ذوالحجه/١٤٤٥
بقلم شاعرة اهل البيت عليهم السلام
✍☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://www.tg-me.com/alkalm313

جديد#

هوسات للامام العباس عليه السلام


گصد نهر الفرات ومگصده يجيب النهر
ابد مو صعبه اعله كافل زينب اربات الفخر
شنهو الماي گال الماي اجيبه وحتى لو اصيرن وذر

الخاطر زينب /ماي الكون ايصبح اهنا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رخيص الماي شنهي الماي عباس اويشيله ابجود
اجه ايعلم النهر هاليوم عن معنى الكرم و الجود
درس خله الفرات ايدوخ ذله ابچفه راعي الزود

وچف الكافل /علم وندرس بيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شذكر لو اسولف بيه حاير بيش اوصفنه
شجاعه أو مرجله اوتاريخ كلهن سولفن عنه
انجمعن كلهن ابعباس قياده أو هيبه اعرفنه

اسمك ياهيبه/ظل تاريخ وماننساه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
أنه الهايم باسم عباس واعشگ ذرة اترابه
حيد امجرب أمن انخاه ولو ضاگت ادگ بابه
كل شده اعله ابابه اتهون اوتنحل باسمه الطلابه

ابن البدويه/گدها اودوم انفاخر بيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا


https://www.tg-me.com/alkalm313