جديد#

قصيده للامام العباس عليه السلام

عباس النهر شو حرمو مايه
أفزع يبن حيدر وارفع الرايه


أفزع ياكفيل اعدانه هضمونه
ومن الماي ياعباس حرمونه
أفزع يكفالي وليك ممنونه

راوايهم يكافل واگطع الثايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هد مثل الصگر لاتمشي عالبيده
خليها الجثث تتسطر ابهيده
والمثلك سبع كل موزمه اتريده

واليصد اعله عينك ينشده رايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليصد اعله عينك ماعرف دربه
يبو الكلفات يل ماكضتك صعبه
عله العدوان سيفك چن غضب صبه
اعرفنك سبع يل بيك الكفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اعرفنك شهم ماتحمل العيله
والعايل ترده اوتعدل الميله
لو مال الحمل بچفوفك اتشيله

بحلوگ الخلگ خليهم احچايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خلي الطف يسولف بيك يالغالي
ياتچايتي وياسوري العالي
يماي اعيوني ياشريان دلالي

اكحيله الجابتك اي والله وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا

https://www.tg-me.com/alkalm313

جديد #
نعي حول استشهاد مسلم بن عقيل عليه السلام
وكأني بحميده تنعى والدها


تدري البنيه ابغير والي
مثل النزل وبلايه ذاري
مايحمي من شمس الظهاري

تدري الابو هيبه اوحميه
يالروحتك مامنها جيه
خاين زماني اشلون بيه


اخ اليتم ذلال للروح
نصحه ابدمع ونماسي بالنوح
الفاگد ابو يالغالي مذبوح


مهضومه والدولاب غثني
اوحدر الضلع يابويه دچني
امنين هالعمله اجتني

امنين اجت لينه المصايب
اوعني مشو كل الحبايب
مالومه و الدلال عايب

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا


https://www.tg-me.com/alkalm313

جديد #
نعي حول وداع زينب سلام الله عليها للاجساد الطاهره

ابوذيه

غفل يحسين دهري انه بعدكم
سبيه إبلا ولي روحي بعدكم
على التربان ياوسفه. بعدكم

جثثكم عالثرى يهل الحميه


عنك غصب يحسين امشي
وكل الدرب هالعين تبچي
هالروح من ياضيم تشكي

رافكت غصبن خويه الاجناب
وعفت الجسد متوسد اتراب
ديرة غرب مابيها احباب

لامن صديگ اليوم يفزع
ولامن ولي للصوت يسمع
حگه الگلب لو راد يطلع

ميت اخوي وحشميته
بلا رأس ياوسفه لگيته
راعي الكفاله عاتبيته

عاتبته من ضيم العليه
بعده يصيحولي سبيه
مالومه شبت نار بيه

خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا

https://www.tg-me.com/alkalm313

جديد #

قصيده حول استشهاد مسلم ابن عقيل عليه السلام
مربعه والقفله هوسه

والمسلم نون محلاتها الونه
شجاع وبالبطوله سولفو عنه


شجاع اومايهاب الموت تدرونه

لبو طاهر تون الروح ممنونه
هله ابسبع الحرايب ما يگحمونه

بأفعاله / الكوفه اتسولف
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بأفعاله تسولف حتى عدوانه
سبع مسلم يشان المرجله شأنه
بقى الوحده يويلي ابغير عوانه

اوحيد اوكفهم /عدوانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كفاهم سبع محد وصل يمه
عليه اجيوش گوم اعداه ملتمه
ابد ماينحمل مثل الجبل همه

بحسين ايهم /موش ابروحه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يهم بحسين وعياله اوغواليه
تضل اعيونه لجل حسين مجربه
گلبه ايصيح جية موت هالجيه

گوم الوصتلك /غداره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لابو السجاد وصلت مسلم أخباره
ناوين الغدر هالگوم غداره
يمسلم للابد ماتنطفي ناره

تذكار ايضل /مسلم يوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا


https://www.tg-me.com/alkalm313

جديد//

فزاعيه
لمولاي علي الاكبر عليه السلام

عالاكبر تون الروح
ماهادت بواچيها

ابني اليوم اريدنه
اسم الله اعليه من الونه
وسط الروح اضمنه

لجله العين أنه اعميها
,,,,,,,,,,,,,,,,,,,,,,,,,,,,,,,,,,
لجله العين عميانه
انشلت ايد عدوانه
ابني خالي امچانه
ياوحشته اشيمليها
,,,,,,,,,,,,,,,,,,,,,,,,,,,,,,,,,,
كلف فرگاك ماشيله
ياگلبي انهدم حيله
شيخلصها يا ليله

ايامي اشيگضيها
,,,,,,,,,,,,,,,,,,,,,,,,,,,,,,,,,,
ماريد العمر يطول
بعد عينك يالمدلل
گمت ابموتي أتوسل

الدنيه اشلون اضل بيها
,,,,,,,,,,,,,,,,,,,,,,,,,,,,,,,,,,
احس فر العگل مني
ما يخلص ابد حزني
ردت اوليدي يدفني

يروحي الضيم غاطيها

,,,,,,,,,,,,,,,,,,,,,,,,,,,,,,,,,,
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا

https://www.tg-me.com/alkalm313

جديد//

قصيده لمولاي علي الاكبر عليه السلام

غالي الولد ياناس ومنين اجيبه
افراگه صعب تدرون واكبر مصيبه

ابني اوضوه عيناي راح اوتركني
هدم ثنايا الروح ياويلي وني
افراگه ثگيل اهواي والله اوكتلني

الاكبر يالب احشاي طاهر حليبه
,,,,,,,,,,,,,,,,,,,,,,,,,,,,,,,,,,
افراگه صعب ميهون ويتعب الروح
لاجرحه يبره ابيوم لايبطل النوح
وني أنه دوم اوياي اي والله للوح

مايبرد الدلال يسعر لهيبه
,,,,,,,,,,,,,,,,,,,,,,,,,,,,,,,,,,
مايبرد الدلال لاتطفه ناره
أوبس الدمع همال دوم ايتجاره
ياربي يالرحمن سويلي چاره

ماتحمل اللوعات روحي الغريبه

,,,,,,,,,,,,,,,,,,,,,,,,,,,,,,,,,,
ماتحمل اللوعات نافذ صبرهه
روح أو ضناها اتريد حيرني أمرها
بعد الولي ابونات يخلص عمرها

ياروحي بطلي النوح كلمن نصيبه
,,,,,,,,,,,,,,,,,,,,,,,,,,,,,,,,,,
ماعندي حظ ادريه وها لماحويته
گلبي انگسم نصين من فارگيته
لو ينفدى ابهالروح چان افتديته

ماتصفه ابد هيهات دنيه عجيبه
,,,,,,,,,,,,,,,,,,,,,,,,,,,,,,,,,,

خادمة ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا

https://www.tg-me.com/alkalm313

جديد//
نعي لمولاي علي الاكبر عليه السلام

كسر ظهري الولد من شفته مطبور
علي مثل الگمر ياوجه بلور
عمر امك الك يالغالي منذور

نذرت أنه العمر يوليدي بس ليك
فك عينك يوالي ارد احاچيك
لو صح بالعمر يايمه اشريك


احس فر الگلب من بين الضلوع
لمن شفتك طريح أو عمتك اتلوع
انفطر گلبي ييمه اعليك موجوع

العمر من دون ماشوفك شلي بيه
يخلص مرار اوضيم ادريه
كل نسمه التمر دلالي تاذيه

بعدك يالولد تاذيني الانفاس
تره افراگك صعب ويشيب الراس
ومن گد مااون اتلومني الناس

خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا


https://www.tg-me.com/alkalm313

جديد#

فزاعيه للامام العباس عليه السلام

اصيح ابصوت ياعباس
بعدك شمر يحديني

اندهك ياشبل حيدر
مني اشلون تتعذر
يخويه اگليبي اتفطر

اگعد يابعد عيني
بعدك شمر يحديني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اگعد عاين الحالي
شمر ياحيف يبرالي
يخويه الموت اشوالي

ماارضاها تدريني
بعدك شمر يحديني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ما ارضى الشمر حادي
اريدن خال ويلادي
يشوف ابحالي اشسادي

مو طبعك تجافيني
بعدك شمر يحديني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اعرفك صاحب الغيره
عمرنه العمرك انديره
اخلافك يالولي حيره

ريتك تسمع اونيني
بعدك شمر يحديني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ريتك تسمع العبره
جرحي ما اظن يبره
ظلت بالگلب حسره

اشلون الغرب توليني
بعدك شمر يحديني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا


https://www.tg-me.com/alkalm313

جديد#
قصيده موشح
للامام العباس عليه السلام

روحي وي روحك تراها امعلگه
من بعد عينك يبعد اهلي اشبقه

من بعد عينك يعباس الگلب
نار وبشريانه يالوالي تصب
يخنگ الريه لون مرها العذب

واختك الساعه تراها امشبگه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شبگوها اختك يوسفه أهل الردى
والحزن بگليبي مايعرف مدى
انظر اهل الغيره كلها امدده
اوروحي مامرها يخي غير الشگه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بس تعب يالغالي عذب مهجتي
لا ابد ماتنوصف يابلوتي
ضيم وهموم اوقهر يادنيتي
مدري ياگلبي الدهر عندي اشلگه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياكفيلي اوياسند وكت الشدد
ياشفى الكل عله والجرحي ضمد
اهمومي صارت خويه ماالها عدد

عني انت اتروح ماني امصدگه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انت وي روحي مثل گلب أو يدگ
تدري بغيابك أوج او. احترگ
والعدو اعله امتوني بسياطه يطگ
والعبي ابنار الخيام امحرگه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا


https://www.tg-me.com/alkalm313

☘☘تبديل الرايات ☘☘


هل محرم يمته تاخذ ثارك
انزع الرايه بطرف بتارك
الشيعه كلها بانتظار
مابقى عدهم قرار
اتاخرت بس ماعرفنه اخبارك
🏴🏴🏴🏴🏴

بيدك الترفه تحط رايه سواد
واحنه كلنه وياك نعلن هلحداد
نكتب الاشعار والدمعه المداد
مشت لحسين الجموع
نعلك العشره شموع
هلبت بهايه نبرد نارك ....

🏴🏴🏴🏴🏴

اظهر وعلگها رايات الحزن
شوف بينه شلون مختل الوزن
ضاعت اعلوم الكتاب المختزن
كلمن يگول انه امير
لا تخلينه نحير
اظهر وعلمنه كل اسرارك ...

🏴🏴🏴🏴🏴

هل محرم سيدي عشنه بوجل
ما نأييس بلله وبيك الامل
يله عجل للهجر مانحتمل

هواي شو طال الغياب
كون تسمع هل عتاب
ننتضر بلسهله كلنه بدارك

🏴🏴🏴🏴🏴

استفحلوا مولاي واحنه ساكتين
خافن يمنعونه زيارة حسين
ويرجع الماضي ويگطعون اليدين

مابقى دين وشرع
لاكو رحمه ولا ورع
صرنه شيعه بشيعه اونتعارك....

🏴🏴🏴🏴🏴


/محرم /١٤٤٤
✍ بقلم شاعرة اهل البيت عليهم السلام
 ☘ام فراس الساعدي ☘
غير مبري الذمه لكل من يحذف الاسم والرابط او ياخذ كلمات القصيده وينسبها اليه

https://www.tg-me.com/alkalm313