#بداية_الدوام

مع بداية العام الدراسي الجديد أكو [ 5] شغلات ، كون الطلبة يسووها ... حتى تكون سنة متميزة :

1 - انوي أن تكون دراستك بهاي السنة #قربة لله تعالى ، وتمهيدًا لصاحب الزمان (عجل الله فرجه) ، وخدمة لوطنك فانت - بأي مرحلة دراسية - رقم بمعادلة التقدم ... اخلص لله وتوكل عليه ، وحاول تصير بلسما لجراحات الغيبة .

2 - نام من وكت ! ... إي إي نام من وكت ، حاول تنام قبل ( 11:13 م ) قدر إمكانك ، حتى تگعد من وكت ، ومو تخلي موبايلك يمك ، ابعده عنك ، وحاول أن تكون #ريفيًا في ذلك [ إضبط ساعتك البايلوجيَّة ] .

3 - خلي لك برنامج يومي للقراءة - بدون ما تضغط على نفسك - وعينك على النظام الغذائي ، والإستقرار النفسي ، وابتعد عن المُشتتات ، والاستخدام الزايد للنت ، وغادر الگروبات الما بيها فايدة ، وكومة الافلام والمسلسلات ، والگعدات غير الهادفة ، والطلايب .

4 - من تگعد الصبح اقرأ آية الكرسي 5 مرات ، واعتن بكثرة الصلاة على محمد وآل محمد ، وآية التسهيل : ( رَبِّ اشْرَحْ لِي صَدْرِي * وَ يَسِّرْ لِي أَمْرِي * وَ احْلُلْ عُقْدَةً مِنْ لِسانِي * يَفْقَهُوا قَوْلِي ) واذا تگدر اقرأ القرآن ، وصلاتك بوكتها .

5 - إفتح باب هاي السنة #بمحبة وتعال لايامها برغبة ، مو من ورى خشمك ، ومتضايق ، ومالك خلگ ، تعال للدراسة باريحية ، وطيب خاطر ، واعتبر التفوق جزء من تكليفك تجاه دينك ، ونفسك ، والي يحبوك !

[ الهي بحق محمد و آل محمد ، تتوفقون ، وتتفوقون ، وتتخرجون ، وتتعينون ، وتبنون بيت ، وتتزوجون ، وتخلفون ] ويجي الدوام وتگلولهم ( مع بداية العام الدراسي الجديد أكو [ 5] شغلات ، كون الطلبة يسووها ... حتى تكون سنة متميزة : ... يلگوهن فوگ 👆🏻 ... 🌹

📝 د.الشيخ علي المياحي
https://www.tg-me.com/ali11041

( أنت الذي أشرقت الأنوار في قلوب أوليائك حتى عرفوك ووحدوك، وأنت الذي أزلت الاغيار عن قلوب أحبائك حتى لم يحبوا سواك، ولم يلجؤوا إلى غيرك، أنت المؤنس لهم حيث أوحشتهم العوالم، وأنت الذي هديتهم حيث استبانت لهم المعالم.)

دعاء عرفة

شوووويه تأملوا بهاي الفقرات

الامام الحسين عليه السلام يقول لله تعالى بهذا الدعاء ... يا رب انت الي خليت النورانية بگلوبهم فعرفوك .. ورى ما طلعت بوارق المعرفة وحدوك ... وصاروا من اهل التوحيد

رفعت عنهم الجذبة لغيرك فحبوك .. وتعلقت قلوبهم بمحبتك [ چا بعد شيسوون بمحبة الدنيا واهلها ] ومن حبوك ما دگوا باب غيرك ولا احتاجوا لواحد ولا تبدى ماي وجههم بباب احد دوم

صارت ونستهم بذكرك ، صرت انت انيسهم ، يتونسون بعبادتك ... وصاروا يستوحشون اذا انشغلوا بغيرك ، كل الدنيا صارت موحشة بدون ذكرك ... انت هديتهم الك والي هديته الك بعد ما يضيع

اكو عرفان اكبر من هذا ؟!
چا شلونه العرفان بعد ؟!

الي عنده محمد وآل محمد شيسوي بفلان وفلان

الي عنده مثل دعاء عرفة شيسوي بنصوص اخرى