قصيدة بحق الامام علي ع
(ثكيل_سماعي_شور)

من يبجي اليتيم الوادم تلومة
وجم لوحة حزينة بوجهة مرسومة
حكة اللي يشوفة بدمعة مهضومة
راح اليشتريلة وي الهلا هدومة

يون حكة الذي فاكد
وبروحة الحزن كاعد
وية الدمعة متواعد

دمعاتي وآهاتي.         وجروحي وحسراتي
       #####
من طاح الولي صار الحزن عادة
والتمسح دمعتي جفوف الوسادة
ودك بابي الفرح بس كلبي مارادة
راحت فرحتي من راح ابو السادة

وسفة تروح يا حيدر
وبروحي الحزن يكبر
وبعيني الخلك يزغر

صبي دموع يعيوني ........ خليهم يلوموني
#####$#
رمضان اليجي وي طلعة اهلالة
بس اليفتهم يخطر علي ابالة
يا محلة الابو من يفكد عيالة
يتامة وفركتك والحسن جتالة

ياهو اليفكد احوالي
غيرك منهو يبرالي
بس انت العلي والي

ياحيدر يوالينة ...... محد يعلم شبينة
#########
يحيدر طبرتك صارت سبب حزني
واحس سيف ابن ملجم بالنحر حزني
نحيل ومن رحت قل ونكص وزني
نايم بالحرم والصوت فززني

طايح حيدر الهيبة
طاح مخضبة الشيبة
راح وبعد شيجيبة

يابو الحسن يالغالي ... بعدك محد بحالي


#سيد_احمد_الزاملي
#حسينيات
@ahmedalzamly

برنامج محرم الحرام 1446
(ثكيل - شور - حزين )
قصيدة بحق العليلة ع
(( المستهل))
اليوم احس كاع وسمة انطبكن علية
من كلتلي راح اروح بهل المسية
طحت ماي اعله التراب .... وبعد شيفيد العتاب
من كلتلي راح اروح بهل المسية
########
انت اول ماحجيت اعله البعد
لا تكمل كتلك تروح وترد
يا شمس تدري الورد لمن تغيب
من يشح عنه الضوة يموت الورد
يا بعد روحي شغلاك. غركت ثوبي وراك
من كلتلي راح اروح بهل المسية
###############
ضاكت وصار النفس كوة اشتري
وكمت اوهوس بسمك وبس احجي بي
وابقى اسولف وي روحي اعلة الغياب
وساعه اكولن ها يجي لو مايجي
بعتبتة الباب الجروح بيها اظل لليل انوح
من كلتلي راح اروح بهل المسية
############
شلون اذا ما وصل من عندك بريد
شلون اذا ذبحوك بويه من الوريد
شلون اجيك وانت رايح مدري وين
ومدري يا كاع التلمك يالبعيد
كالو ابعيد الطريق. ومايظل عندك صديق
من كلتلي راح اروح بهل المسية
##############
المسافة البينك وبيني شكثر
بكل الاحوال انتظر وابقى انتطر
الخطوة احسبها بسنة لمن تروح
ومن ترد تلكاني طفلة بلا عمر
شكثر حلوة الامنيات. ردت ابوي ابحضنة ابات
من كلتلي راح اروح بهل المسية

#سيد_احمد_الزاملي
#حسينيات
@ahmedalzamly

برنامج محرم الحرام
(ثكيل / شور / سماعي)

هل علية الشهر
ودموعي نزلت ع الوجن ..... يل تارس كليبي حزن
تعال        من تجيني
تعال         بجي عيني
######
من تلفي للدار ... احجيلي الاخبار .. يابو المصايب
بيامك شضام .... وي اهل الاسلام .. يابو المصايب

تجيني بهل الاخبار تاخذ كلبي وتروح
يعاشور اذا جيت لا تتركني مجروح

هل علية الشهر
محد مثل وني يون ..... يل تارس كليبي حزن
تعال    بدمعة الاكيك
تعال    يا هلا بيك
#######
بعدك سباني......يومية اتاني .... جيتك بالاحزان
تاذيني وتروح .... وتزيد النوح ... جيتك بالاحزان

ولا يوم بالايام ضاحك سني للناس
الك صار حزن خاص عايش بين الاحساس

هل علية الشهر
صدري على جفوفي يحن       يل تارس كليبي حزن

تعال     ليك انادي
تعال     يا سوادي
###########
تلتم الاصحاب....يم عتبة الباب ... تحلى السوالف
يبدي التنافس .. عن المجالس ... تحلى السوالف

اذا كان للحسين اعشك جرحي للدوم
فخر هاذ واكشفه جرحي فوك الهدوم

هل علية الشهر
واتذكر الما ينسن          يل تارس كليبي حزن

تعال      يا مصابي
تعال   يا عذابي
##########
كشفلي الاوراك ..ليك انه مشتاك ... تجرحني اريدك
سولفلي بحسين .. شكسوي يابين .. تجرحني اريدك

على حسين يعاشور ارد اعميها العيون
العمر هاذ فدة يروح كله لذيج المتون

تعال     ولجم الروح
تعال     زيد النوح
#######

#سيد_احمد_الزاملي
https://www.tg-me.com/ahmedalzamly

برنامج محرم الحرام
قصيدة عن بداية شهر محرم

لا تجعله مني         هذا آخر  محرم
يا ربي بخدمته      بكل مجلس الطم

ملك ابقى بخدمة شما يكولون
هوة الحسين شفيعي ونور العيون
######
خادم حسين اظل عمري وحياتي
وانة للموت حسيني بكل صفاتي
ولو متت كون تظل بحسين اهاتي
بالكبر واذكرك حتى بمماتي

انه اريد الجفن اسود ردائي
حتى جوة الكبر انصب عزائي

لا تحرمني منه ...... كربلا تمشي بالدم
لا تجعله مني       هذا اخر محرم
#######
يختلف هذا الشهر عن كل الشهور
اترس البيت سواد بشهر عاشور
ولمن اتعب احلى كلمه تكلي مأجور
ومن الحسين كلت مولاي مشكور

اترس البيت سواد اعله الحياطين
وانتة تارسني محبة يا ضوة العين

لا تتركني وحدي   ......   في هواك متيم
لا تجعله مني .......   هذا آخر محرم
######
احسب ايام وظل شهور اتاني
وبقى محتار بمحرم لو اجاني
ارد اعيش بخدمتة بكل ثواني
وبحب الحسين اصيرن شخص ثاني

نهر لحسين اسبل من الدموع
وغير الحسين ابد ماعندي موضوع

لا تبعدني عنة   ......  بالعزاء اني مهتم
لا تجعله مني   ...... هذا اخر محرم
#######
بالمجالس تجي كل اصدقائي
وبالمواكب اجي واعلن ولائي
وبس للحسين فقط صار انتمائي
انه للموت حسيني كربلائي

ابقى للدوم اظل امشي اعله دربك
وي السنين احس يزداد حبك

ما انساك لحظة         لو عمري تقدم
لا تجعله مني       هذا اخر محرم

#سيد_احمد_الزاملي
#حسينيات
@ahmedalzamly

قصيدة بحق العليلة ع

محرم جانة .... بحزن خلانة
نعلك راية ...... بفكد مولانة
نبجي وندك حيل الصدر ...ننصب مواكب
ونواسي زينب باللطم......... ام المصايب
#########
هذا الحزن ما ينمحي ... من صدري يا ناس
بهذا الشهر طاح الولي ..... والكمر عباس
مو حقها زينب بالسبي ... من شيب الراس

بهذا الشهر صب الدمع ....  بهذا الشهر بيك انوجع
الكلب اذانة .... محرم جانة
#########
بهذا الشهر يلفي الحزن ... وتهل الدموع
بهذا الشهر كلشي يون.     وي كسر الضلوع
صح اضحك ابلحظة سهو.   بس كلبي موجوع

ما نوصل جروحك ابد ...... لا بالالم لا بالعدد
نعيش احزانة ..... محرم جانة
########
مو حكنة اذا نلبس عليك .... اسود يمولاي
مو حكنة اذا يوم الطبك..... انثوب الماي
غير انتة جسمك بالشمس ... ما شايف افياي

كلشي اعله طاريك يون ...ويرافك عيوني الحزن
الحزن وازانة ..... محرم جانة
########
تعاين ملامحنة بهضم ... تقراها العيون
ونفكر شلون بحزن .... انواسي ام عون
وادم تثوبلك دمع ..... وادم يلطمون

من اذكرك هذا الشهر ...... يحسين احس كلبي انفطر
اجة وبجانة ..... محرم جانة
######2
ننصب عزاء ابكل فرع .... من يلفي عاشور
شي جسمك بطف كربلة ...يحسين منثور
ما تبرد كلوب الخلك ... من كطع النحور

من اذكر امصاب السهم .... واذكر الجربة والعلم
حزن راوانة ...... محرم جانه

#سيد_احمد_الزاملي
#حسينيات

https://www.tg-me.com/ahmedalzamly

لسان حال ام البنين تخاطب الامام الحسين ع

يالرايح وناوي البعد
يا ربي بس كونك ترد
وين وين .... رايح يالحسين
######
كلما اباوعلك واصد واصفن بالعيون
ينعصر كلبي والوجه ما يبقى بي لون

لميت الحجي براسي
واجيت اكبالك اتلوة
اولادي اربعه يحسين
نذر يرحون الك فدوة

يم الشمس متجمعه ........اولادي فدوة الاربعة
وين وين ..... رايح يالحسين
########
امودع الله يالولي درب السلامة
انت رحت وانه عفتها الابتسامة

اعيش اشلون من دونك
وانت بكلشي الك ذكرة
ماترجع الية اشلون
ما متقبلة الفكرة

يمة البعد ياذي الكلب ....... يوليدي وفراكك صعب
وين وين ... رايح يلحسين
######
عيونك تسولفي اشكثر يا زين الاوصاف
موجوع احس من مشيتك من حني الاجتاف

نهر طولك ولا ينمل
انت اول شطب ريحان
شما يذبل رغم كلشي
بذكرك يرتوي العطشان

لو حملك بثكل الجبل ..... عنك يزيحة ابو الفضل
وين وين .... رايح يالحسين
########
يل ماخذ اوياك الاهل لا تنسى يحسين
لتودي طارش لو رحت ويكلي مو زين

خبر فركاك اذا جاني
اموتن كون اذا اسمعة
مجرد جاي افكر بي
احس جن طاحت السبعة

كونك تروح الكربلة ...... ركبني وي العايلة
وين وين ... رايح يالحسين


#سيد_احمد_الزاملي
#حسينيات
@ahmedalzamly

قصيدة بحق مسلم بن عقيل ع

يا دمعة طيحي اوياه .. طاح النخيتة
من عندي وسفة يروح .... ما حسبيتة
مسلم ... طايح .... من شوفتك اهل الغدر حرموني
##########
يا دمعة طيحي بساع ... عالوجنة سيلي
بالكوفة راح الحيد .... ونهدم حيلي
ضليت الوم الروح .... شيخلصة ليلي
يا خوية هجرك هاذ ... صوب دليلي

مسلم ... طايح ... من شوفتك اهل الغدر حرموني
#########
الدمعة من تطيح ..مايرجع الراح
بس الجرح لو هاج .. ايخف بالصياح
كالولي مسلم حيل ... ماذيتة الرماح
كل طعنة توجر بي ..حدما هوة وطاح

مسلم ... طايح ... من شوفتك اهل الغدر حرموني
#######
فكد العزاز اهواي ....يلجم بالجروح
ومن فركتك لليوم .. ما بطلت نوح
جلمة كفو وحياك .. وي الهوة تروح
للما نسة الخوان ... من طلعت الروح

مسلم ... طايح ... من شوفتك اهل الغدر حرموني
########
مسلم سفيري شلون ... بالكوفة مغدوور
وليسه فوك الكاع ... دمك بقى يفور
تبقى الرسالة سهام .. تنبت بالنحور
شما تنذبح لركاب ... ما ينطفي النور

مسلم ... طايح... من شوفته اهل الغدر حرموني


#سيد_احمد_الزاملي
#حسينيات

@ahmedalzamly