#perevod

“Perevod” qilish tartibi bo‘yicha kengroq tushuntirish

Quyidagi tushuntirishlarning asosi: 2022-yil 15-iyunda imzolangan PQ-279-son Prezident qarori.

1️⃣ Bir davlat OTMdan boshqa davlat OTMga o‘qishni ko‘chirish

Bunday holda faqat 2 ta vaziyatda ruxsat beriladi:

1) talaba oila qursa va turmush o‘rtog‘i doimiy yashaydigan hududdagi OTMga ko‘chmoqchi bo‘lsa;

2) davlat xizmatchisi ish yuzasidan boshqa hududga ko‘chsa va turmush o‘rtog‘i yoki voyaga yetmagan farzandining o‘qishini o‘sha hududga ko‘chirmoqchi bo‘lsa (ishga kirgan vazirlik xati asosida).

❌Boshqa holda “ichki perevod”ga ruxsat yo‘q. Boshqa hududga ham, o‘z hududidagi boshqa OTMga ham.

2️⃣ Xorijdan o‘qishni ko‘chirish

Bunda o‘tgan yilgi tartib saqlanib qolgan:

1) mos va turdosh yo‘nalishga test yoki ijodiy imtihon topshiradi hamda o‘tish balini to‘plash talab etiladi. 2023-yilgi o’tish ballari bu yerda:
https://www.tg-me.com/xushnudbek/20079

2) o‘tish balini to‘play olmasa, super-kontrakt shartlari asosida o‘qishini ko‘chirishga ruxsat beriladi;

3) xorijdan mos va turdosh bo‘lmagan yo‘nalishga o‘qishni ko‘chirishga ruxsat berilmaydi. 2023-yilgi turdosh yo’nalishlar ro’yxati bu yerda:
https://www.tg-me.com/xushnudbek/20258

‼️ Test o’tgach, har bir talabaning hujjati qayta tekshiriladi. Kimdir “xorijda o’qiyapti” degan soxta hujjat tayyorlagan bo’lsa, natijalar bekor qilinadi va prokuraturaga soxta hujjat tayyorlash fakti yuzasidan murojaat etiladi.

3️⃣ O‘zbekistondagi xorijiy va nodavlat OTMlardan o‘qishni ko‘chirish

Bunda ham o‘tgan yilgi tartib saqlanib qolgan:

1) mos va turdosh yo‘nalishga test yoki ijodiy imtihon topshiradi hamda o‘tish balini to‘plash talab etiladi. 2023-yilgi o’tish ballari bu yerda:
https://www.tg-me.com/xushnudbek/20079

2) o‘tish balini to‘play olmasa, super-kontrakt shartlari asosida o‘qishini ko‘chirishga ruxsat beriladi;

3) mos va turdosh bo‘lmagan yo‘nalish uchun esa bir martalik “super-kontrakt” to‘lab ko‘chirishi mumkin. 2023-yilgi turdosh yo’nalishlar ro’yxati bu yerda:
https://www.tg-me.com/xushnudbek/20258

4️⃣ Davlat OTMdan nodavlat OTMga o‘qishni ko‘chirish

Buni davlat nazorat qilmaydi, buning tartibini nodavlat OTMlarning o‘zi mustaqil belgilaydi. Nodavlat OTMga o‘qishni ko‘chirish mumkin yoki mumkin emasligini o‘sha OTMning o‘zidan aniqlashtiring.

5️⃣ Nodavlat OTMdan nodavlat OTMga o‘qishni ko‘chirish

Buni ham davlat nazorat qilmaydi, tartibini ko‘chirmoqchi bo‘linayotgan nodavlat OTMdan aniqlashtirish kerak.

6️⃣ Xorijdan nodavlat OTMga o‘qishni ko‘chirish

Buni ham davlat nazorat qilmaydi, tartibini ko‘chirmoqchi bo‘linayotgan nodavlat OTMdan aniqlashtirish kerak.

7️⃣ Bir davlat OTM ichida bir yo’nalish yoki fakultetdan boshqa yo’nalish yoki fakultetga o‘qishni ko‘chirish

Ushbu masala OTM rektori tomonidan hal qilinadi, ariza ham rektor nomiga yoziladi (transfer.edu.uz yoki my.uzbmb.uz sayti orqali emas). Bunda ko’chirilayotgan yo’nalishning mos va turdoshligi, ko’chirilish sababi, OTM imkoniyatlari va boshqa faktorlar inobatga olinishi mumkin.

8️⃣ Bir OTM va hatto bir yo’nalish doirasida ta’lim shaklini yoki tilni o’zgartirish

Ushbu masala ham OTM ma’muriyati tomonidan hal qilinadi. Bunda ham ko’chirish maqsadi, OTMning imkoniyati (masalan, auditoriya sig’imi, professor-o’qituvchilari soni va hk) va boshqa faktorlarga qaralishi mumkin. Masalan, sirtqidan kunduzgiga o’tkazish deyarli imkonsiz, bu haqda o’ylamasa ham bo’ladi. Lekin kunduzgidan sirtqiga ko’chirish muammosiz hal bo’ladigan masala.

***

Arizalar quyidagicha qabul qilinadi:

➡️ transfer.edu.uz — respublikaning bir OTMdan boshqa OTMga yoki bir OTM doirasida;

➡️ my.uzbmb.uz — xorijiy va nodavlat oliy taʼlim muassasalaridan davlat OTMlariga;

➡️ rektor nomiga yozma yoki OTMda mavjud elektron tizim orqali — bir davlat OTM ichida yo’nalish, fakultet, ta'lim shakli yoki tilini ko‘chirish.

☝️Arizalar 15-iyuldan 5-avgustgacha (shu kuni ham) qabul qilinadi.

Kerakli hujjatlar:
◾️ ariza (onlayn tarzda);
◾️ transkript yoki reyting daftarchasi (JPEG yoki Pdf shakli);
◾️ akademik maʼlumotnoma (o‘qishni tiklovchilar uchun).

👉🏻@adu_uz

#kun_tarixi

📆Bugun 22-iyun, shanba.

🇺🇳Xalqaro tropik o'rmonlar kuni.
🇨🇴Kolumbiya - Advokatlar kuni.
🇨🇬Kongo Respublikasi - Armiya kuni.
🇸🇻Salvador - O‘qituvchilar kuni.

⏳Tarixiy voqealar:

📗1876-yil - Ispaniya Konstitutsiyasi qabul qilindi.
🏛1901-yil - Sankt-Peterburgda "A. Suvorov" muzeyi ochildi.
🚘1909-yil - Rigada «Russo-Balt» avtomobili taqdim etildi.
🚟2016-yil - "Angren-Pop" elektrlashtirilgan poyezd qatnovi yo‘lga qo‘yildi.

🎊Tavallud ayyomlar:

👨‍💼1767-yil 22-iyun - nemis faylasufi, tilshunos olim, Berlin universiteti asoschisi Vilgelm Gumbolt.
🧑‍🔬1863-yil 22-iyun - rus fizigi, rentgen spektroskopiyasi asoschisi Georgi Volf.
👨🏻‍🏫1864-yil 22-iyun - nemis matematigi, raqamlarning geometrik nazariyasi asoschisi Hermann Minkovskiy.
👩‍💼1949-yil 22-iyun - amerikalik aktrisa, 3 karra “Oskar”, 9 karra “Oltin globus” mukofotlari sohibasi Meril Strip.

Andijon davlat universitetining rasmiy sahifalari👇🏻
Veb-sayt |Telegram |Facebook |Instagram |YouTube

#OAV #munosabat

Kuni kecha davlatimiz rahbari raisligida muhandislik sohalarida kadrlar tayyorlash va oliy ta’lim muassasalari faoliyatini yanada takomillashtirish masalalari yuzasidan o‘tkazilgan videoselektor yig‘ilishida ko‘tarilgan masalalar bo‘yicha Andijon davlat universiteti rektori Baxtiyorjon Akbaraliyevning fikr-mulohazalari ommaviy axborot vositalari nigohida

Andijon davlat universitetining rasmiy sahifalari👇🏻
Veb-sayt |Telegram |Facebook |Instagram |YouTube

#hamkorlik_uchrashuvi

Andijon davlat universiteti Axborot texnologiyalari va kompyuter injiniringi fakulteti dekani Dadaboyev Sardorbek boshchiligida mas'ullar hamkorlik aloqalarini samarali yo'lga qo'yish va rivojlantirish maqsadida UzAuto Motors AJ korxonasi vakillari bilan uchrashuv o'tkazdi.

Uchrashuvda professor-o'qituvchi, tadqiqotchi hamda talabalarni korxonada amaliyot o'tashlari uchun qulay shart-sharoitlar yaratish, ta'lim muassasamiz bitiruvchilarini ish bilan ta’minlash, talabalarning qiziqishi, istaklari va qobiliyatini o‘rganish asosida ularni tashkilotning mavjud tarmoqlarga yo‘naltirish masalalari muhokama qilinib, UzAuto Motors AJ korxonasi o'rtasida keng qamrovli hamkorlik shartnomasini imzolash bo'yicha kelishib olindi.

Universitetda talabalar bandligini ta’minlash, tashkilotlarda amaliyot o'tash borasidagi amaliy sa’y-harakatlar davom etmoqda.

Andijon davlat universitetining rasmiy sahifalari👇🏻
Veb-sayt |Telegram |Facebook |Instagram |YouTube