🔹🔶🔹🔶🔹🔶
🆔 @abdulla_pashew
[۴۲]
ــــــــــــــــــــــ
"وارشۆ"
کفت و ماندووم
نە چاو لە هەنگاوم دەگا،
نە هەنگاو لە چاوم دەگا،
ئاسمان
نەرم نەرم دەپڕوشێنێ
وارشۆ،
کیژۆڵەیەکی دڵتەڕە،
شەو لە وێستگەی شەمەندەفەر
لەگەڵ منا ژوانی هەیە و خۆی دەنوێنێ
بۆیە ئاوا
لە دوێنێوە زڕخەو بووە،
قژی سەوزی خۆی تەڕ دەکا و دایدەهێنێ
* * *
کە من هاتم، تەنیا هاتم
کەسێک بە پیرمەوە نەهات
کەچی کاتێ بەجێت دێڵم،
"مچکێڤیچ"ت بەڕێم دەکا*
کیژۆڵە دڵچنەکانت بەڕێم دەکەن
مناڵە خرپنەکانت بەڕێم دەکەن
کۆشک و تەلاری پاشایی و
بخووری کڵێسەکانت بەڕێم دەکەن!
* * *
وارشۆ،
ئەی شاژنە قژ سەوزەکە!
ئەمشەو دەڕۆم
بێنە ماچ کەم
ئەو کوڵمەی دەیان بەهارە،
جێی ڕنۆکی
دەعبایەکی ترسنۆکی
وەک هیتلەری پێوە دیارە!
ــــــــــــــــــــــــــــــــــــ
* مچکێڤیچ: ئادەم مچکێڤیچ (۱۷۹۸-۱۸۵۵) شاعیری گەورەی پۆڵەندایە.
ــــــــــــــــــــــــــــــــــــ
🗓(۱ /۸ /۱۹۷٦ - وارشۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۴۲]
ــــــــــــــــــــــ
"وارشۆ"
کفت و ماندووم
نە چاو لە هەنگاوم دەگا،
نە هەنگاو لە چاوم دەگا،
ئاسمان
نەرم نەرم دەپڕوشێنێ
وارشۆ،
کیژۆڵەیەکی دڵتەڕە،
شەو لە وێستگەی شەمەندەفەر
لەگەڵ منا ژوانی هەیە و خۆی دەنوێنێ
بۆیە ئاوا
لە دوێنێوە زڕخەو بووە،
قژی سەوزی خۆی تەڕ دەکا و دایدەهێنێ
* * *
کە من هاتم، تەنیا هاتم
کەسێک بە پیرمەوە نەهات
کەچی کاتێ بەجێت دێڵم،
"مچکێڤیچ"ت بەڕێم دەکا*
کیژۆڵە دڵچنەکانت بەڕێم دەکەن
مناڵە خرپنەکانت بەڕێم دەکەن
کۆشک و تەلاری پاشایی و
بخووری کڵێسەکانت بەڕێم دەکەن!
* * *
وارشۆ،
ئەی شاژنە قژ سەوزەکە!
ئەمشەو دەڕۆم
بێنە ماچ کەم
ئەو کوڵمەی دەیان بەهارە،
جێی ڕنۆکی
دەعبایەکی ترسنۆکی
وەک هیتلەری پێوە دیارە!
ــــــــــــــــــــــــــــــــــــ
* مچکێڤیچ: ئادەم مچکێڤیچ (۱۷۹۸-۱۸۵۵) شاعیری گەورەی پۆڵەندایە.
ــــــــــــــــــــــــــــــــــــ
🗓(۱ /۸ /۱۹۷٦ - وارشۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۴۳]
ــــــــــــــــــــــ
"بۆ چیایییە دوورەکان"
ئەی چیایییە دوورەکان!
ئێستا بڕوام نەماوە
بە هێڵی سنوورەکان،
بە مەودای نێوان دوو شوێن،
بە ئەلفوبێی جوگرافیا و
نەخشە زەرد و سوورەکان
* * *
چۆن ئاگر کەسێک بگرێ،
منتان گرتووە وەک ئاگر
هەرچەند بەتاوتر هەڵێم،
هەرچەند دوورتر کەومەوە،
دەبینم بڵندترن،
گەورەترن، نێزیکتر!
ماڵێک نییە سبەینان
من سەری پێدا نەکەم
پەنایەک نییە شەوان
کە من نەیکەم بە جێژوان
کە مناڵێکتان دەگری
من ژیری دەکەمەوە
نەخۆشتان خەوی دەزڕێ
من دڵی دەدەمەوە
ئێوە شایی دەگێڕن
من سەرچۆپییەکە دەگرم
ئێوە پرسە دادەنێن
من پێش مردووەکە دەمرم
ئەی چیایییە دوورەکان:
چۆن ئاگر کەسێک بگرێ،
منتان گرتووە وەک ئاگر
هەرچەند بەتاوتر هەڵێم،
هەرچەند دوورتر کەومەوە،
دەبینم بڵندترن،
گەورەترن، نێزیکتر!
ــــــــــــــــــــــــــــــــــــ
🗓(۱۱ /۸ /۱۹۷٦ - بەرلین)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۴۳]
ــــــــــــــــــــــ
"بۆ چیایییە دوورەکان"
ئەی چیایییە دوورەکان!
ئێستا بڕوام نەماوە
بە هێڵی سنوورەکان،
بە مەودای نێوان دوو شوێن،
بە ئەلفوبێی جوگرافیا و
نەخشە زەرد و سوورەکان
* * *
چۆن ئاگر کەسێک بگرێ،
منتان گرتووە وەک ئاگر
هەرچەند بەتاوتر هەڵێم،
هەرچەند دوورتر کەومەوە،
دەبینم بڵندترن،
گەورەترن، نێزیکتر!
ماڵێک نییە سبەینان
من سەری پێدا نەکەم
پەنایەک نییە شەوان
کە من نەیکەم بە جێژوان
کە مناڵێکتان دەگری
من ژیری دەکەمەوە
نەخۆشتان خەوی دەزڕێ
من دڵی دەدەمەوە
ئێوە شایی دەگێڕن
من سەرچۆپییەکە دەگرم
ئێوە پرسە دادەنێن
من پێش مردووەکە دەمرم
ئەی چیایییە دوورەکان:
چۆن ئاگر کەسێک بگرێ،
منتان گرتووە وەک ئاگر
هەرچەند بەتاوتر هەڵێم،
هەرچەند دوورتر کەومەوە،
دەبینم بڵندترن،
گەورەترن، نێزیکتر!
ــــــــــــــــــــــــــــــــــــ
🗓(۱۱ /۸ /۱۹۷٦ - بەرلین)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۴۴]
ــــــــــــــــــــــ
"شەوبێداری"
دوو بەتڵی شەو ڕاشکاوە
بنوو، ئازیز
هانێ لەپم سەری پێکە، هانێ بازووم
چاوەڕێی من مەکە ئەمشەو،
من ئێشکت لێ دەگرم، نانووم
* * *
تۆ خەوسووکی
سروشت گرژە و هەناسەسوار
زۆر دەترسم کە گڤەی با،
ورشەی داران
گرمەی هەور و ڕێژنەی باران
خوانەخواسته هەڵتسێنن
وردە ئەڵقەی خەونەکانت
لە یەکتری بترازێنن
بنوو ئازیز
هانێ لەپم سەری پێکە، هانێ بازووم
چاوەڕێی من مەکە ئەمشەو
من ئێشکت لێ دەگرم، نانووم
ــــــــــــــــــــــــــــــــــــ
🗓(۱۲ /۸ / ۱۹۷٦ - بەرلین)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۴۴]
ــــــــــــــــــــــ
"شەوبێداری"
دوو بەتڵی شەو ڕاشکاوە
بنوو، ئازیز
هانێ لەپم سەری پێکە، هانێ بازووم
چاوەڕێی من مەکە ئەمشەو،
من ئێشکت لێ دەگرم، نانووم
* * *
تۆ خەوسووکی
سروشت گرژە و هەناسەسوار
زۆر دەترسم کە گڤەی با،
ورشەی داران
گرمەی هەور و ڕێژنەی باران
خوانەخواسته هەڵتسێنن
وردە ئەڵقەی خەونەکانت
لە یەکتری بترازێنن
بنوو ئازیز
هانێ لەپم سەری پێکە، هانێ بازووم
چاوەڕێی من مەکە ئەمشەو
من ئێشکت لێ دەگرم، نانووم
ــــــــــــــــــــــــــــــــــــ
🗓(۱۲ /۸ / ۱۹۷٦ - بەرلین)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۴۵]
ــــــــــــــــــــــ
"تۆش بەجێم دێڵی"
تۆش بەجێم دێڵی
زۆر باش دەزانم، تۆش بەجێم دێڵی
تۆش سەرخۆش دەبی و
وەک بادەیەکی بۆش بەجێم دێڵی
* * *
تۆش بەجێم دێڵی
وەک چۆن سەوزایی باخ بەجێ دێڵێ
وەک چۆن تەمومژ شاخ بەجێ دێڵێ
تۆش بەجێم دێڵی
* * *
تۆش بەجێم دێڵی
چۆن ئەسپێکی خورت سوار بەجێ دێڵێ
چۆن وشەی تادار... زار بەجێ دێڵێ
تۆش بەجێم دێڵی
* * *
ئەگەر دەزانیت، ئەمجارە
بڕیارەکەت دوا بڕیارە:
ناونیشانی خۆت بگوڕە،
جێپێیەکانمان بسڕەوە
لەژێر ئاسمانی ئەم شارە
ئەوسا، خوات لەگەڵ
چۆن ئەسپێکی خورت سوار بەجێ دێڵێ
وام بەجێ بێڵە
چۆن وشەی تادار... زار بەجێ دێڵێ،
وام بەجێ بێڵە
ــــــــــــــــــــــــــــــــــــ
🗓(۲۸ /۱۰ / ۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۴۵]
ــــــــــــــــــــــ
"تۆش بەجێم دێڵی"
تۆش بەجێم دێڵی
زۆر باش دەزانم، تۆش بەجێم دێڵی
تۆش سەرخۆش دەبی و
وەک بادەیەکی بۆش بەجێم دێڵی
* * *
تۆش بەجێم دێڵی
وەک چۆن سەوزایی باخ بەجێ دێڵێ
وەک چۆن تەمومژ شاخ بەجێ دێڵێ
تۆش بەجێم دێڵی
* * *
تۆش بەجێم دێڵی
چۆن ئەسپێکی خورت سوار بەجێ دێڵێ
چۆن وشەی تادار... زار بەجێ دێڵێ
تۆش بەجێم دێڵی
* * *
ئەگەر دەزانیت، ئەمجارە
بڕیارەکەت دوا بڕیارە:
ناونیشانی خۆت بگوڕە،
جێپێیەکانمان بسڕەوە
لەژێر ئاسمانی ئەم شارە
ئەوسا، خوات لەگەڵ
چۆن ئەسپێکی خورت سوار بەجێ دێڵێ
وام بەجێ بێڵە
چۆن وشەی تادار... زار بەجێ دێڵێ،
وام بەجێ بێڵە
ــــــــــــــــــــــــــــــــــــ
🗓(۲۸ /۱۰ / ۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۴٦]
ــــــــــــــــــــــ
"ئاوێنە"
چەند ڕۆژێکە
سەرنج دەدەم،
بەیانییان تا شل دەبیت،
لەبەر ئاوێنە دەوەستی و تێی دەڕوانی...
کە لاشدەچیت،
لە ڕەوتتدا، تەنکەخەمێک دەخوێنمەوە،
لە نیگاتا، نیگەرانی
چییە، هاوڕێم؟
چیت پێ دەڵێ
ئەو ئاوێنە زمانشڕ و دڵتۆقێنە؟
ئەگەر باسی پیری دەکا،
دەمکوتی کە
باوەڕ مەکە بە وڕێنە
ــــــــــــــــــــــــــــــــــــ
🗓(۱۴ /۱۱ /۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۴٦]
ــــــــــــــــــــــ
"ئاوێنە"
چەند ڕۆژێکە
سەرنج دەدەم،
بەیانییان تا شل دەبیت،
لەبەر ئاوێنە دەوەستی و تێی دەڕوانی...
کە لاشدەچیت،
لە ڕەوتتدا، تەنکەخەمێک دەخوێنمەوە،
لە نیگاتا، نیگەرانی
چییە، هاوڕێم؟
چیت پێ دەڵێ
ئەو ئاوێنە زمانشڕ و دڵتۆقێنە؟
ئەگەر باسی پیری دەکا،
دەمکوتی کە
باوەڕ مەکە بە وڕێنە
ــــــــــــــــــــــــــــــــــــ
🗓(۱۴ /۱۱ /۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۴۷]
ــــــــــــــــــــــ
"دڵدانەوە"
نیگەران مەبە کە شیعرم
بۆ کچانی تر نووسیوە
لە ڕوخساری هەموویاندا
تەنیا ئادگاری تۆم دیوە
* * *
دڵم تاریکە وەک تونێل
بنەمۆمێک داگیرسێنە!
چۆن کورد بە چیاوە نووساوە
وەرە، ئاوا ڕوومەتی خۆت
بە سنگمەوە بنووسێنە
من دەمەوێ
بنەوشیلەی چاوەکانت دڵنیا کەم
دەمەوێ سوێندت بۆ بخوم
لە تۆدا کەس بەدی ناکەم!
ــــــــــــــــــــــــــــــــــــ
🗓(۲۹ /۱۱ /۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۴۷]
ــــــــــــــــــــــ
"دڵدانەوە"
نیگەران مەبە کە شیعرم
بۆ کچانی تر نووسیوە
لە ڕوخساری هەموویاندا
تەنیا ئادگاری تۆم دیوە
* * *
دڵم تاریکە وەک تونێل
بنەمۆمێک داگیرسێنە!
چۆن کورد بە چیاوە نووساوە
وەرە، ئاوا ڕوومەتی خۆت
بە سنگمەوە بنووسێنە
من دەمەوێ
بنەوشیلەی چاوەکانت دڵنیا کەم
دەمەوێ سوێندت بۆ بخوم
لە تۆدا کەس بەدی ناکەم!
ــــــــــــــــــــــــــــــــــــ
🗓(۲۹ /۱۱ /۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۴۸]
ــــــــــــــــــــــ
"پێش هەورەتریشقە"
دەتوانین وا بکەین
زستان درەنگتر بێ
کە هاتیش،
بێ زریان
بێ شەختە و بەفر بێ
دەتوانین وا بکەین
دەریای هار
وەک ئاسمان هێمن بێ
ئاسمانیش
وەک دەریا بێبن بێ!
* * *
گەر بڕیارت داوە
پەرستگە وێران کەی،
لێت ناپاڕێمەوە، کوڵنگت بۆ دێنم
گەر بڕیارت داوە
هێلانەکە تێک دەی
لێت ناپاڕێمەوە،
بەردێکی پڕچنگت بۆ دێنم
بەڵام پێش ئەوەی تۆ... کوڵنگەگە دادەی
هێلانەی نەرمونۆڵ... بە پلارێ ڕادەی
پێت دەڵێم:
ئێستاش نەچووە و بچێ!
دەتوانین وا بکەین
زستان درەنگتر بێ
کە هاتیش،
بێ زریان...
بێ شەختە و بەفر بێ!
ــــــــــــــــــــــــــــــــــــ
🗓(۱۱ /۱۲ / ۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۴۸]
ــــــــــــــــــــــ
"پێش هەورەتریشقە"
دەتوانین وا بکەین
زستان درەنگتر بێ
کە هاتیش،
بێ زریان
بێ شەختە و بەفر بێ
دەتوانین وا بکەین
دەریای هار
وەک ئاسمان هێمن بێ
ئاسمانیش
وەک دەریا بێبن بێ!
* * *
گەر بڕیارت داوە
پەرستگە وێران کەی،
لێت ناپاڕێمەوە، کوڵنگت بۆ دێنم
گەر بڕیارت داوە
هێلانەکە تێک دەی
لێت ناپاڕێمەوە،
بەردێکی پڕچنگت بۆ دێنم
بەڵام پێش ئەوەی تۆ... کوڵنگەگە دادەی
هێلانەی نەرمونۆڵ... بە پلارێ ڕادەی
پێت دەڵێم:
ئێستاش نەچووە و بچێ!
دەتوانین وا بکەین
زستان درەنگتر بێ
کە هاتیش،
بێ زریان...
بێ شەختە و بەفر بێ!
ــــــــــــــــــــــــــــــــــــ
🗓(۱۱ /۱۲ / ۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۴۹]
ـــــــــــــــــــــــ
"لێت ڕاهاتووم"
لێت ڕاهاتووم
وەکوو مناڵ _ لە گۆپکەی مەم.
وەکوو ماسی _ لە زەریا و چەم.
وەکوو شاعیر _لە شێتیی خۆی.
وەکوو شێت_ لە سوژێتی خۆی.
***
لێت ڕاهاتووم:
وەکوو بەنگکێش _ لە بۆنی بەنگ.
وەک نیگارکێش _ لە هارمۆنیا و زمانی ڕەنگ.
***
لێت ڕاهاتووم
وەک خەنجەر _ لە کالانی خۆی.
قەرەج _ لە ئاگردانی خۆی.
وەک کیژی لادێی کوردستان _ لە کلچووک و کلدانی خۆی!
***
ئەگەر ڕۆژێک لێت تووڕە بووم
ئەگەر ڕۆژێک بڕیارم دا جێت بهێڵم،
دڵتەنگ مەبە
خەمت نەبێ
درێژترین ڕێی تووڕەییم
لە بەردەرگە کۆتایی دێ!
ـــــــــــــــــــــــــــــــــــــــ
🗓(۱۹۷۷/۱/۹- مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۴۹]
ـــــــــــــــــــــــ
"لێت ڕاهاتووم"
لێت ڕاهاتووم
وەکوو مناڵ _ لە گۆپکەی مەم.
وەکوو ماسی _ لە زەریا و چەم.
وەکوو شاعیر _لە شێتیی خۆی.
وەکوو شێت_ لە سوژێتی خۆی.
***
لێت ڕاهاتووم:
وەکوو بەنگکێش _ لە بۆنی بەنگ.
وەک نیگارکێش _ لە هارمۆنیا و زمانی ڕەنگ.
***
لێت ڕاهاتووم
وەک خەنجەر _ لە کالانی خۆی.
قەرەج _ لە ئاگردانی خۆی.
وەک کیژی لادێی کوردستان _ لە کلچووک و کلدانی خۆی!
***
ئەگەر ڕۆژێک لێت تووڕە بووم
ئەگەر ڕۆژێک بڕیارم دا جێت بهێڵم،
دڵتەنگ مەبە
خەمت نەبێ
درێژترین ڕێی تووڕەییم
لە بەردەرگە کۆتایی دێ!
ـــــــــــــــــــــــــــــــــــــــ
🗓(۱۹۷۷/۱/۹- مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۵۰]
ــــــــــــــــــــــ
"شەو نییە خەو بە چیاوە نەبینم"
بەندییەک تاسەر حوکم درابێ،
سندم لە پێی بێ و کەلەپچە لە دەست،
لە زیندانێکی تەنگ ئاخنرابێ،
چەند سوار چاکانە
خەو بە ئەسپی شێ و باوە دەبینێ،
چەند مناڵانە
خەو بە ئەستێرە و گیاوە دەبینێ،
منیش شەو نییە،
وەک ئەو بەندییە،
خەو بە هێزێکی واوە نەبینم
من بۆ چیا ببا... یا چیام بۆ بێنێ
ــــــــــــــــــــــــــــــــــــ
🗓( ۱۹۷۷/۳/۳- مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۵۰]
ــــــــــــــــــــــ
"شەو نییە خەو بە چیاوە نەبینم"
بەندییەک تاسەر حوکم درابێ،
سندم لە پێی بێ و کەلەپچە لە دەست،
لە زیندانێکی تەنگ ئاخنرابێ،
چەند سوار چاکانە
خەو بە ئەسپی شێ و باوە دەبینێ،
چەند مناڵانە
خەو بە ئەستێرە و گیاوە دەبینێ،
منیش شەو نییە،
وەک ئەو بەندییە،
خەو بە هێزێکی واوە نەبینم
من بۆ چیا ببا... یا چیام بۆ بێنێ
ــــــــــــــــــــــــــــــــــــ
🗓( ۱۹۷۷/۳/۳- مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۵۱]
ــــــــــــــــــــــ
"نەورۆزی ۱۹۷۷"
تۆ مشووری ئاگر مەخۆ.
سەرت لەسەر سنگم دانێ،
بزانە، کڵپه و نێڵەی گڕ
چ دەکا بۆ ئەم نەورۆزە!
منیش سەر بە باسکت دەکەم،
وای بۆ شەوی تاریکی وا
باسکی ڕووتت چ ئاگرێکی پیرۆزە!
ــــــــــــــــــــــــــــــــــــ
🔸مشوورخواردن: خەم خواردن، بە تەنگەوەبوون
ــــــــــــــــــــــــــــــــــــ
🗓(۱۹۷۷/۳/۲۰- مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۵۱]
ــــــــــــــــــــــ
"نەورۆزی ۱۹۷۷"
تۆ مشووری ئاگر مەخۆ.
سەرت لەسەر سنگم دانێ،
بزانە، کڵپه و نێڵەی گڕ
چ دەکا بۆ ئەم نەورۆزە!
منیش سەر بە باسکت دەکەم،
وای بۆ شەوی تاریکی وا
باسکی ڕووتت چ ئاگرێکی پیرۆزە!
ــــــــــــــــــــــــــــــــــــ
🔸مشوورخواردن: خەم خواردن، بە تەنگەوەبوون
ــــــــــــــــــــــــــــــــــــ
🗓(۱۹۷۷/۳/۲۰- مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۵۲]
ــــــــــــــــــــــ
"نامە"
ئێوارەیە.
باران نم نم دێتە خوارێ.
تەنیام.
نا، تەنیا نیم _
هەموو مۆسکۆ لەگەڵ مندا هەنگاو دەنێ.
تەنیایی _ کارمامزێک بوو،
ڕاوکەرێک هات، تەقەی لێ کرد،
هەنگاوەکانم نایگەنێ!
***
ئێوارەیە.
باران نم نم دێتە خوارێ.
تەنیام.
نا، تەنیا نیم _
کاتێ دەڕۆم
شەقامی پڕ خۆی لە قاچم گرێ دەدا.
کاتێ دەڕۆم
لە گیرفانما
نامەیەکی ناو زەرفی ئاڵ
دڵی دوەممە، لێ دەدا!
ــــــــــــــــــــــــــــــــــ
🗓(۱۹۷۷/۵/۱- مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۵۲]
ــــــــــــــــــــــ
"نامە"
ئێوارەیە.
باران نم نم دێتە خوارێ.
تەنیام.
نا، تەنیا نیم _
هەموو مۆسکۆ لەگەڵ مندا هەنگاو دەنێ.
تەنیایی _ کارمامزێک بوو،
ڕاوکەرێک هات، تەقەی لێ کرد،
هەنگاوەکانم نایگەنێ!
***
ئێوارەیە.
باران نم نم دێتە خوارێ.
تەنیام.
نا، تەنیا نیم _
کاتێ دەڕۆم
شەقامی پڕ خۆی لە قاچم گرێ دەدا.
کاتێ دەڕۆم
لە گیرفانما
نامەیەکی ناو زەرفی ئاڵ
دڵی دوەممە، لێ دەدا!
ــــــــــــــــــــــــــــــــــ
🗓(۱۹۷۷/۵/۱- مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۵۳]
ــــــــــــــــــــــ
"با دێ"
با دێ، با دێ!
ئەمیش ئاستانەی خەلیفە هەڵیکردووە و
بە ناوگەڵی
فتوای (مەلای خەتێ)دا دێ!
***
با دێ، با دێ!
گوێتان هەڵخەن،
چۆن داربەڕوو دەنرکێنێ!
سەرنج بدەن،
چۆن کەپکەشاخ بەلادا دێ!
***
با دێ، با دێ!
دەست بە ئابڕووی خۆتانەوە بگرن، خەڵکە،
ئەگەر تۆزێک ئابڕوو مابێ،
نەک هەر کڵاو،
با سەریشمان پیرۆزی با و ڕەشەبا بێ!
ــــــــــــــــــــــــــــــــــــ
🗓(۲۳/٦/۱۹۷۷ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۵۳]
ــــــــــــــــــــــ
"با دێ"
با دێ، با دێ!
ئەمیش ئاستانەی خەلیفە هەڵیکردووە و
بە ناوگەڵی
فتوای (مەلای خەتێ)دا دێ!
***
با دێ، با دێ!
گوێتان هەڵخەن،
چۆن داربەڕوو دەنرکێنێ!
سەرنج بدەن،
چۆن کەپکەشاخ بەلادا دێ!
***
با دێ، با دێ!
دەست بە ئابڕووی خۆتانەوە بگرن، خەڵکە،
ئەگەر تۆزێک ئابڕوو مابێ،
نەک هەر کڵاو،
با سەریشمان پیرۆزی با و ڕەشەبا بێ!
ــــــــــــــــــــــــــــــــــــ
🗓(۲۳/٦/۱۹۷۷ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۵۴]
ــــــــــــــــــــــ
"بیری هەورگر"
کە هەواری نامۆییم... پێ دەنێتە هەر شارێ،
ڕاوی هەوری مسینی ژانەکانی خۆم دەنێم،
بۆ ئەوەی بەرزەفتی کەم،
بیگوشم تا دەبارێ!
***
حەز دەکەم، زۆر حەز دەکەم
قژی کچانی وارشۆ
بە هەڵبەستێک نەمر کەم.
بۆ کیژانی پۆتسدام
جێی ژوان نێزیکتر کەم؛
(دیتسکی میر)ی مۆسکو #
پڕ گەزۆی سلێمانی،
(ئەلێکساندەر پڵاچ)یش #
پڕ کێشوولە و کۆترکەم!
***
هەوری ژان بە ئاسمانا،
وەک کەشتی بە دەریادا،
ڕووی کردۆتە مەفتەن و
گوێ بە کەوشەنان نادا.
بانگم دەکا: "وەرەوە!
لێرانە، لەو کێوانەی
پوورەی مێش و مەگەزی
مێژوویان لێ نیشتووە،
تۆ بیری هەورگر و
سیمای خۆت جێ هێشتووە"
ـــــــــــــــــــــــــــ
🔸بەرزەفت کردن: گرتن، کۆنترۆڵکردن، خستنە ژێر ڕکێف
# دیتسکی میر: مغازەیەکی گەورەی کەلوپەلی مناڵانە لە سێنتەری مۆسکۆدا
# ئەلێکساندەر پڵاتس: ناوی مەیدانێکی گەورەی ڕۆژهەڵاتی بەرلینە
ــــــــــــــــــــــــــــــــــــــــــ
🗓( ۱۹۷۷/۷/۲۹- پۆتسدام)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۵۴]
ــــــــــــــــــــــ
"بیری هەورگر"
کە هەواری نامۆییم... پێ دەنێتە هەر شارێ،
ڕاوی هەوری مسینی ژانەکانی خۆم دەنێم،
بۆ ئەوەی بەرزەفتی کەم،
بیگوشم تا دەبارێ!
***
حەز دەکەم، زۆر حەز دەکەم
قژی کچانی وارشۆ
بە هەڵبەستێک نەمر کەم.
بۆ کیژانی پۆتسدام
جێی ژوان نێزیکتر کەم؛
(دیتسکی میر)ی مۆسکو #
پڕ گەزۆی سلێمانی،
(ئەلێکساندەر پڵاچ)یش #
پڕ کێشوولە و کۆترکەم!
***
هەوری ژان بە ئاسمانا،
وەک کەشتی بە دەریادا،
ڕووی کردۆتە مەفتەن و
گوێ بە کەوشەنان نادا.
بانگم دەکا: "وەرەوە!
لێرانە، لەو کێوانەی
پوورەی مێش و مەگەزی
مێژوویان لێ نیشتووە،
تۆ بیری هەورگر و
سیمای خۆت جێ هێشتووە"
ـــــــــــــــــــــــــــ
🔸بەرزەفت کردن: گرتن، کۆنترۆڵکردن، خستنە ژێر ڕکێف
# دیتسکی میر: مغازەیەکی گەورەی کەلوپەلی مناڵانە لە سێنتەری مۆسکۆدا
# ئەلێکساندەر پڵاتس: ناوی مەیدانێکی گەورەی ڕۆژهەڵاتی بەرلینە
ــــــــــــــــــــــــــــــــــــــــــ
🗓( ۱۹۷۷/۷/۲۹- پۆتسدام)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
Forwarded from تاپوی نووسراوە
🔹🔶🔹🔶🔹🔶
🆔 @abdulla_pashew
[۵۵]
ـــــــــــــــــــــــــــــــــــــــــــ
"چاوی تۆ"
ئەگەر لەناو جەنگەڵێکی چڕدا ون بم،
ئەگەر لەناو زەریایەکی پەرکەمدارا
کەشتیم تووشی گێژەنێک بێ و سەراوبن بم:
ترسم نییە،
تا چاوی تۆ قیبلەنما و ڕێبەرم بێ.
تا چاوی تۆ نێزیکترین بەندەرم بێ.
***
خەڵک گوێ لە ڕادیۆ دەگرن.
بۆ ئەوەی کژ پێشبینی کەن.
منیش، کە ئێوارە دادێ،
تەماشای چاوی تۆ دەکەم:
دەزانم، با لە کوێڕا دێ؛
پلەی گەرما لە چەندەوە تا چەند دەڕوا؛
باران کام کێڵگە ئاو دەدا؛
کام دارستان، کام چیا دەشوا!
ـــــــــــــــــــــــــــــــــــــــــــــــــ
🔸پەرکەم: فێ، گلاراو
ـــــــــــــــــــــــــــــــــــــــــــــــــ
🗓(۸/۱٦/۱۹۷۷ - پۆتسدام)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۵۵]
ـــــــــــــــــــــــــــــــــــــــــــ
"چاوی تۆ"
ئەگەر لەناو جەنگەڵێکی چڕدا ون بم،
ئەگەر لەناو زەریایەکی پەرکەمدارا
کەشتیم تووشی گێژەنێک بێ و سەراوبن بم:
ترسم نییە،
تا چاوی تۆ قیبلەنما و ڕێبەرم بێ.
تا چاوی تۆ نێزیکترین بەندەرم بێ.
***
خەڵک گوێ لە ڕادیۆ دەگرن.
بۆ ئەوەی کژ پێشبینی کەن.
منیش، کە ئێوارە دادێ،
تەماشای چاوی تۆ دەکەم:
دەزانم، با لە کوێڕا دێ؛
پلەی گەرما لە چەندەوە تا چەند دەڕوا؛
باران کام کێڵگە ئاو دەدا؛
کام دارستان، کام چیا دەشوا!
ـــــــــــــــــــــــــــــــــــــــــــــــــ
🔸پەرکەم: فێ، گلاراو
ـــــــــــــــــــــــــــــــــــــــــــــــــ
🗓(۸/۱٦/۱۹۷۷ - پۆتسدام)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
دوای یازده ساڵ لە هاوار و داواکاریی پەشێوی مەزن، ئەمڕۆ پاڕێزگاری هەولێر فەرمانی لابردنی تابڵۆکانی سەقتی زمانی کوردیی دەرکرد!
#زمانی_کوردی
عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
#زمانی_کوردی
عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۵٦]
ــــــــــــــــــــــــــــــــــــــــــــــــ
"بیئاتێ"
شەمەندەفەر،
وەک مارێکی سەرلەدوونراو،
گینگڵی دەدا و دەیفیشکاند.
شەو بۆنی ژوانی لێ دەهات...
بۆنی پایز،
بۆنی شیعر،
بۆنی بارانی لێ دەهات.
***
گوتی: (ناوم بیئاتێ یە)
مات بووم.
مات بوو.
جگەرەیەکی دەرهێنا.
بۆم داگیرساند...
بەرەبەرە،
لە بەینی پەنجەکانیدا،
جگەرەکە بوو بە سۆتەک.
بەرەبەرە،
لە بەینی لێوەکانیدا،
منی سۆتەک بووم بە جگەرە!
***
وەنەوزی دا.
دەستی سەرپەنجە پەمبەیی
وەک نامەیەکی نهێنی،
کە پیلانی کودەتایی تێدا بێ،
خزایە ناو دەستم و مەیی.
سەری وەکوو هۆنراوەیەک
هێدی هێدی... لار کردەوە.
منیش شانم وەک دەفتەرێ
تامەزرۆ بوو
هەڵبەستێکی بێتە سەرێ!
خەو بردیەوە.
تا بەیانی خەو بردیەوە.
منیش وەکوو بازرگانێک
گەڕابێتەوە لە سەفەر،
بە درێژاییی شەوگاری سارد
زێڕ و زیوی ناو پریاسکەی
خەونەکانی ئەوم ژمارد!
***
کە بەیانی،
شەمەندەفەری فێگرتوو
سەرمی نایە کۆشی پراگ،
بیئاتێ- شاژنی نووستوو-
وە ئاگا هات:
-گوتن مۆرگن!#
+گوتن مۆرگن!
جەنتاکەی هەڵگرت، دابەزی.
نە ئەدرێس، نە خواحافیزی...
***
ئاخ، بیئاتێ!
خۆزگە، سەد خۆزگە، دەمزانی
بە درێژیی شەو
سەرت لەسەر شانی کێ بوو!
خەونەکانت
کام شۆڕەسوار
مێوانیان بوو تا بەیانی!
ئاخ، بیئاتێ!
خۆزگە، سەد خۆزگە، دەمزانی!
ــــــــــــــــــــــــــــــــــــــــــــــــــ
# گۆتن مۆرگن (ئەڵمانی): بەیانی باش
ــــــــــــــــــــــــــــــــــــــــــــــــــ
🗓(۱۹۷۷/۸/۲۲ - پراگ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۵٦]
ــــــــــــــــــــــــــــــــــــــــــــــــ
"بیئاتێ"
شەمەندەفەر،
وەک مارێکی سەرلەدوونراو،
گینگڵی دەدا و دەیفیشکاند.
شەو بۆنی ژوانی لێ دەهات...
بۆنی پایز،
بۆنی شیعر،
بۆنی بارانی لێ دەهات.
***
گوتی: (ناوم بیئاتێ یە)
مات بووم.
مات بوو.
جگەرەیەکی دەرهێنا.
بۆم داگیرساند...
بەرەبەرە،
لە بەینی پەنجەکانیدا،
جگەرەکە بوو بە سۆتەک.
بەرەبەرە،
لە بەینی لێوەکانیدا،
منی سۆتەک بووم بە جگەرە!
***
وەنەوزی دا.
دەستی سەرپەنجە پەمبەیی
وەک نامەیەکی نهێنی،
کە پیلانی کودەتایی تێدا بێ،
خزایە ناو دەستم و مەیی.
سەری وەکوو هۆنراوەیەک
هێدی هێدی... لار کردەوە.
منیش شانم وەک دەفتەرێ
تامەزرۆ بوو
هەڵبەستێکی بێتە سەرێ!
خەو بردیەوە.
تا بەیانی خەو بردیەوە.
منیش وەکوو بازرگانێک
گەڕابێتەوە لە سەفەر،
بە درێژاییی شەوگاری سارد
زێڕ و زیوی ناو پریاسکەی
خەونەکانی ئەوم ژمارد!
***
کە بەیانی،
شەمەندەفەری فێگرتوو
سەرمی نایە کۆشی پراگ،
بیئاتێ- شاژنی نووستوو-
وە ئاگا هات:
-گوتن مۆرگن!#
+گوتن مۆرگن!
جەنتاکەی هەڵگرت، دابەزی.
نە ئەدرێس، نە خواحافیزی...
***
ئاخ، بیئاتێ!
خۆزگە، سەد خۆزگە، دەمزانی
بە درێژیی شەو
سەرت لەسەر شانی کێ بوو!
خەونەکانت
کام شۆڕەسوار
مێوانیان بوو تا بەیانی!
ئاخ، بیئاتێ!
خۆزگە، سەد خۆزگە، دەمزانی!
ــــــــــــــــــــــــــــــــــــــــــــــــــ
# گۆتن مۆرگن (ئەڵمانی): بەیانی باش
ــــــــــــــــــــــــــــــــــــــــــــــــــ
🗓(۱۹۷۷/۸/۲۲ - پراگ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶