[۲۵]
"شیعر"
تا دێ شیعرم خۆشتر دەوێ
چونکە شیعر وەک شۆخێکی دوودڵ وایە،
هەموو ڕۆژێ
جێ و کاتی ژوان نیشان دەکەین
بە دەگمەن دێ، یا هەر نایە!
ــــــــــــــــــــ
#عەبدوڵڵا_پەشێو
🆔 @abdulla_pashew
🔶🔹🔶🔹
"شیعر"
تا دێ شیعرم خۆشتر دەوێ
چونکە شیعر وەک شۆخێکی دوودڵ وایە،
هەموو ڕۆژێ
جێ و کاتی ژوان نیشان دەکەین
بە دەگمەن دێ، یا هەر نایە!
ــــــــــــــــــــ
#عەبدوڵڵا_پەشێو
🆔 @abdulla_pashew
🔶🔹🔶🔹
🔹🔶🔹🔶🔹🔶
🆔 @abdulla_pashew
[۲٦]
ــــــــــــــــــــــ
"ڕەشەبای دەنگوباس"
وەک چۆن پەڵە هەورێکی پڕ
کەوتبێتە بەر نەقیزەی بایێکی وڕ،
وەک چۆن بەرخێک
گورگێکی هار لە هەناویا بلوورێنێ،
وەک چۆن تاکە هەوێردەیەک
هاشەی باڵی باشووکەیەک
ئاسمانی لێ بگەچڵێنێ:
منیش ئاوام!
خول دەخۆمەوە بێ قۆناخ،
پێڵاوی پێم
پڕی وردەشووشە و پشکۆن،
شاری مۆسکۆ دەستنووسێکە
لێ... بە خەتی بزماریی کۆن!
* * *
ناوچەوانم، ڕۆژنامەیە
بە هەر زمانێک دەردەچێ
بە خۆڕا دەخوێندرێتەوە
خۆی بەپیر خەڵکەوە دەچێ
سیمام، پەردەی سینەمایە و
ڕیزە فیلمێک نیشان دەدرێ:
"ڕۆما مەقەڵەی نیرۆنه"
"هیرۆشیما کارگی گڕی دەرخوارد دەدرێ"
"کوللـە دەگاتە شارەزوور"
"سێدارەیەک لە چوارچرا
چرۆ دەکات و گوڵ دەگرێ..."
* * *
ئەی مناڵە قشتەکانی
پێتەختی ئەشق و کارگە و گوڵ!
ئەمڕۆ لە چاوم سڵ بکەن،
سڵ بکەن... سڵ!
چاو بێپەردە و زمانشڕە،
زۆر دەترسم وەک وەرگێڕێ
لە زمانی داربەڕووەوە
خەم بۆ شەتڵە بریۆزەکان وەربگیڕێ
* * *
ئەی کچانی
پێتەختی عەشق و کارگە و گوڵ!
ئەمڕۆ سنگم
نە ئێوەی تیا ماوە نە دڵ!
وەک بیستوومە،
لە چیاکانا ڕەشەبایە...
نا، ڕەشەبا لەوێ نییە!
ئا لێرەیە،
لە لانکۆڵەی دوێنێ و سبەی ئێوەدایە.
ــــــــــــــــــــــــــــــــــــ
🗓(۱۹۷۵/۴/۹ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۲٦]
ــــــــــــــــــــــ
"ڕەشەبای دەنگوباس"
وەک چۆن پەڵە هەورێکی پڕ
کەوتبێتە بەر نەقیزەی بایێکی وڕ،
وەک چۆن بەرخێک
گورگێکی هار لە هەناویا بلوورێنێ،
وەک چۆن تاکە هەوێردەیەک
هاشەی باڵی باشووکەیەک
ئاسمانی لێ بگەچڵێنێ:
منیش ئاوام!
خول دەخۆمەوە بێ قۆناخ،
پێڵاوی پێم
پڕی وردەشووشە و پشکۆن،
شاری مۆسکۆ دەستنووسێکە
لێ... بە خەتی بزماریی کۆن!
* * *
ناوچەوانم، ڕۆژنامەیە
بە هەر زمانێک دەردەچێ
بە خۆڕا دەخوێندرێتەوە
خۆی بەپیر خەڵکەوە دەچێ
سیمام، پەردەی سینەمایە و
ڕیزە فیلمێک نیشان دەدرێ:
"ڕۆما مەقەڵەی نیرۆنه"
"هیرۆشیما کارگی گڕی دەرخوارد دەدرێ"
"کوللـە دەگاتە شارەزوور"
"سێدارەیەک لە چوارچرا
چرۆ دەکات و گوڵ دەگرێ..."
* * *
ئەی مناڵە قشتەکانی
پێتەختی ئەشق و کارگە و گوڵ!
ئەمڕۆ لە چاوم سڵ بکەن،
سڵ بکەن... سڵ!
چاو بێپەردە و زمانشڕە،
زۆر دەترسم وەک وەرگێڕێ
لە زمانی داربەڕووەوە
خەم بۆ شەتڵە بریۆزەکان وەربگیڕێ
* * *
ئەی کچانی
پێتەختی عەشق و کارگە و گوڵ!
ئەمڕۆ سنگم
نە ئێوەی تیا ماوە نە دڵ!
وەک بیستوومە،
لە چیاکانا ڕەشەبایە...
نا، ڕەشەبا لەوێ نییە!
ئا لێرەیە،
لە لانکۆڵەی دوێنێ و سبەی ئێوەدایە.
ــــــــــــــــــــــــــــــــــــ
🗓(۱۹۷۵/۴/۹ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۲۷]
ــــــــــــــــــــــ
"ئەگەر ئەمجارە بێمەوە"
(۱)
ئەگەر ئەمجارە بێمەوە:
بەیانییان
وەک بەرخۆڵەیەکی ساوا،
لەناو قەرسیلی پاراوا
تل دەخۆم و
گیایەکی تفت، تێرتێر دەجووم،
تا کفت دەبم،
پێ و بەلەکم
لە شەونمی سارد هەڵدەسووم!
* * *
ئەگەر ئەمجارە بێمەوە:
وەک سمۆرە،
بە دارگوێزە بەرزەکانا هەڵدەگەڕێم،
وەک پەڵەیەک هەوری نەوی
بەسەر کێڵگە سەوزەکانا دەخولێمەوە،
وەک شەنگەبی
بەسەر چەما،
بەسەر گشت زنارەکانی
کەنارا... دەچەمێمەوە،
ئاخ، بەس ئەمجارە بێمەوە!
* * *
ئەگەر ئەمجارە بێمەوە:
سەرنج دەدەم
گوڵەگەنم چۆن زەرد دەبێ،
هەنار و سێو چۆن پێ دەگەن،
قەتێیەکان
هێلانەیان چۆن چێ دەکەن!
سەرنج دەدەم،
زەڕنەقووتە چۆن باڵ دەگرێ،
پەڕەسێلکە کۆچەرەکان،
لەسەر تێلی کارەبای ڕێ،
چۆن ڕیز دەبن،
جۆگەلەکان لە کوێوە دێن،
بۆ کوێ دەچن!
* * *
ئەگەر ئەمجارە بێمەوە:
لە گۆی مەمکی هەر کانییەک
قومەئاوێک دەخۆمەوە،
گشتیان دەکەم بە دایکی خۆم
لە هەر ئەشکەوتێکا، شەوێک
سەر بە گاشەبەردێک دەکەم،
گشتیان دەکەم به لانکی خۆم
* * *
ئەگەر ئەمجارە بێمەوە:
زمانی گڕ دەهێنمەوە بۆ لاڵەکان
شاپەڕی گڕ دەهێنمەوە
بۆ فڕندە بێباڵەکان!
* * *
ئەگەر ئەمجارە بێمەوە:
ناهێڵم لاوان گوڵ بچنن
بۆ گوڵدانی مردووی سەر مێز
فێریان دەکەم
کە چوونە ژوان
لە بەرۆکی کچانی دەن،
ئەوسا بیانکەنە ئامێز!
* * *
ئەگەر ئەمجارە بێمەوە:
- مناڵانی مۆسکۆی چاوشین فێریان کردووم -
بێ شیرینی
سەر ناکەم بە هیچ ماڵێکا
زۆر جۆلانەی نەرم و سادە
بۆ مناڵان هەڵدەبەستم
لە جەژنی لە داکبوونیانا
- کە نییانە -
بەشدار دەبم...
لەباتی مۆم دادەگیرسێنم ئەنگوستم
گڕ بەردەدەم
لە گلێنەی چاوەکانم،
لە ساواترین هەڵبەستم.
* * *
ئەگەر ئەمجارە بێمەوە:
هەر بێشکەیێک بێتە ڕێگەم،
بە شێنەیی بە سەریا دەنووشتێمەوە
ئاخ، مناڵان!
ئاخ، بەس ئەمجارە بێمەوە.
ــــــــــــــــــــــــــــــــــــ
🗓(۱۹۷۵/۵/۱٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۲۷]
ــــــــــــــــــــــ
"ئەگەر ئەمجارە بێمەوە"
(۱)
ئەگەر ئەمجارە بێمەوە:
بەیانییان
وەک بەرخۆڵەیەکی ساوا،
لەناو قەرسیلی پاراوا
تل دەخۆم و
گیایەکی تفت، تێرتێر دەجووم،
تا کفت دەبم،
پێ و بەلەکم
لە شەونمی سارد هەڵدەسووم!
* * *
ئەگەر ئەمجارە بێمەوە:
وەک سمۆرە،
بە دارگوێزە بەرزەکانا هەڵدەگەڕێم،
وەک پەڵەیەک هەوری نەوی
بەسەر کێڵگە سەوزەکانا دەخولێمەوە،
وەک شەنگەبی
بەسەر چەما،
بەسەر گشت زنارەکانی
کەنارا... دەچەمێمەوە،
ئاخ، بەس ئەمجارە بێمەوە!
* * *
ئەگەر ئەمجارە بێمەوە:
سەرنج دەدەم
گوڵەگەنم چۆن زەرد دەبێ،
هەنار و سێو چۆن پێ دەگەن،
قەتێیەکان
هێلانەیان چۆن چێ دەکەن!
سەرنج دەدەم،
زەڕنەقووتە چۆن باڵ دەگرێ،
پەڕەسێلکە کۆچەرەکان،
لەسەر تێلی کارەبای ڕێ،
چۆن ڕیز دەبن،
جۆگەلەکان لە کوێوە دێن،
بۆ کوێ دەچن!
* * *
ئەگەر ئەمجارە بێمەوە:
لە گۆی مەمکی هەر کانییەک
قومەئاوێک دەخۆمەوە،
گشتیان دەکەم بە دایکی خۆم
لە هەر ئەشکەوتێکا، شەوێک
سەر بە گاشەبەردێک دەکەم،
گشتیان دەکەم به لانکی خۆم
* * *
ئەگەر ئەمجارە بێمەوە:
زمانی گڕ دەهێنمەوە بۆ لاڵەکان
شاپەڕی گڕ دەهێنمەوە
بۆ فڕندە بێباڵەکان!
* * *
ئەگەر ئەمجارە بێمەوە:
ناهێڵم لاوان گوڵ بچنن
بۆ گوڵدانی مردووی سەر مێز
فێریان دەکەم
کە چوونە ژوان
لە بەرۆکی کچانی دەن،
ئەوسا بیانکەنە ئامێز!
* * *
ئەگەر ئەمجارە بێمەوە:
- مناڵانی مۆسکۆی چاوشین فێریان کردووم -
بێ شیرینی
سەر ناکەم بە هیچ ماڵێکا
زۆر جۆلانەی نەرم و سادە
بۆ مناڵان هەڵدەبەستم
لە جەژنی لە داکبوونیانا
- کە نییانە -
بەشدار دەبم...
لەباتی مۆم دادەگیرسێنم ئەنگوستم
گڕ بەردەدەم
لە گلێنەی چاوەکانم،
لە ساواترین هەڵبەستم.
* * *
ئەگەر ئەمجارە بێمەوە:
هەر بێشکەیێک بێتە ڕێگەم،
بە شێنەیی بە سەریا دەنووشتێمەوە
ئاخ، مناڵان!
ئاخ، بەس ئەمجارە بێمەوە.
ــــــــــــــــــــــــــــــــــــ
🗓(۱۹۷۵/۵/۱٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۲۷]
ــــــــــــــــــــــ
"ئەگەر ئەمجارە بێمەوە"
(۲)
ئەی دایە گیان!
لە یادمە، کە مناڵ بووم،
ئەشقی تامی تفت و تاڵ بووم
گڵم دەخوارد،
قوڕم دەجوی
تۆش زللـەیەکت لێ دەدام،
هەمووت پێ تووڕ فڕێ دەدام
ئەی دایە گیان!
ئێستا گەورەم و مناڵ نیم،
ئەشقی تامی تفت و تاڵ نیم
کەچی ئەگەر ئەمجارەشیان
ڕێم بکەوێتەوە بێرکۆت*
لێشم بدەی،
لێشم حەرام کەی شیری خۆت،
من بە تەشییەکەی مناڵی دەڕێسمەوە،
دار، بەرد، گڵ، قوڕ...
چیم بێتە ڕێ دەیلێسمەوە!
ــــــــــــــــــــــــــــــــــــ
* بێرکۆت: جاران گوند و ئێستا گەڕەکێکی شاری هەولێرە، زێدی شاعیرە.
ــــــــــــــــــــــــــــــــــــ
🗓(۱۹۷۵/۱۲/۱۷ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۲۷]
ــــــــــــــــــــــ
"ئەگەر ئەمجارە بێمەوە"
(۲)
ئەی دایە گیان!
لە یادمە، کە مناڵ بووم،
ئەشقی تامی تفت و تاڵ بووم
گڵم دەخوارد،
قوڕم دەجوی
تۆش زللـەیەکت لێ دەدام،
هەمووت پێ تووڕ فڕێ دەدام
ئەی دایە گیان!
ئێستا گەورەم و مناڵ نیم،
ئەشقی تامی تفت و تاڵ نیم
کەچی ئەگەر ئەمجارەشیان
ڕێم بکەوێتەوە بێرکۆت*
لێشم بدەی،
لێشم حەرام کەی شیری خۆت،
من بە تەشییەکەی مناڵی دەڕێسمەوە،
دار، بەرد، گڵ، قوڕ...
چیم بێتە ڕێ دەیلێسمەوە!
ــــــــــــــــــــــــــــــــــــ
* بێرکۆت: جاران گوند و ئێستا گەڕەکێکی شاری هەولێرە، زێدی شاعیرە.
ــــــــــــــــــــــــــــــــــــ
🗓(۱۹۷۵/۱۲/۱۷ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
Ébduĺĺa peşêw
🔹🔶🔹🔶🔹🔶 🆔 @abdulla_pashew [۲۷] ــــــــــــــــــــــ "ئەگەر ئەمجارە بێمەوە" (۲) ئەی دایە گیان! لە یادمە، کە مناڵ بووم، ئەشقی تامی تفت و تاڵ بووم گڵم دەخوارد، قوڕم دەجوی تۆش زللـەیەکت لێ دەدام، هەمووت پێ تووڕ فڕێ دەدام ئەی دایە گیان! ئێستا گەورەم و مناڵ…
Bekir legzi meili bestan.wmv-53k2hNIuvpE.mp4
<unknown>
موزیک لەسەر شیعری پەشێو
هونەرمەند: بەکەر لەگزی
هونەرمەند: بەکەر لەگزی
🔹🔶🔹🔶🔹🔶
🆔 @abdulla_pashew
[۲۸]
ــــــــــــــــــــــ
"بەسەرهاتی فلیمێک"
فلیمەکە تراژیدیا بوو.
ناوەرۆکی _ مان و نەمان
بەرامبەری پەردەی سپی
دڕیان بە بێدەنگی دەدا زەنگی دڵان.
چاو چەخماخەیان لێ دەدا،
لەناو جەرگی تاریکیدا
ملیۆنەها دادەگیرسان!
پاڵەوانی فلیمەکە
لەگەڵ کزەی زەردەپەڕدا
تێشووی هەڵگرت
ڕابرد بە ناو
دڵی تاری شەوی کەڕدا.
بەڵێنی دا
ئاسمانی شین،
چەمی زیوین،
ئاگردانێکی پڕ پشکۆ،
ساپیتەیەکی سەربەخۆ
بۆ قەرەجان دەسگیر بکات.
کەچی، لەپڕ،
خەنجەری خۆی پشتی پێکا،
فلیمەکەش... لە ناوەختا کۆتایی هات.
***
منم پەردەی سینەماکە.
منم هۆڵی سینەماکە.
من دەزانم
ئەکتەرەکان تاوانبار نین.
من دەزانم
بینەرەکان تاوانبار نین.
بۆیە ئێستا
لە ئەکتەرە بەڕێزەکان داوا دەکەم،
لە بینەرە بەڕێزەکان داوا دەکەم،
ناڕەزایی نیشان بدەن
بەرانبەر بە گیرانی خۆر...
بەقەد خوێنی قوربانییەکە
تف هەڵاوێن
بۆ ناوچەوانی ڕێژسیۆر.
ـــــــــــــــــــــــــــــــــــ
🔸ساپیتە: بنمیچی خانوو
🔸ڕێژسیۆر: دەرهێنەر
ـــــــــــــــــــــــــــــــــــ
🗓(۱۹۷۵/۵/۲۰ _مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۲۸]
ــــــــــــــــــــــ
"بەسەرهاتی فلیمێک"
فلیمەکە تراژیدیا بوو.
ناوەرۆکی _ مان و نەمان
بەرامبەری پەردەی سپی
دڕیان بە بێدەنگی دەدا زەنگی دڵان.
چاو چەخماخەیان لێ دەدا،
لەناو جەرگی تاریکیدا
ملیۆنەها دادەگیرسان!
پاڵەوانی فلیمەکە
لەگەڵ کزەی زەردەپەڕدا
تێشووی هەڵگرت
ڕابرد بە ناو
دڵی تاری شەوی کەڕدا.
بەڵێنی دا
ئاسمانی شین،
چەمی زیوین،
ئاگردانێکی پڕ پشکۆ،
ساپیتەیەکی سەربەخۆ
بۆ قەرەجان دەسگیر بکات.
کەچی، لەپڕ،
خەنجەری خۆی پشتی پێکا،
فلیمەکەش... لە ناوەختا کۆتایی هات.
***
منم پەردەی سینەماکە.
منم هۆڵی سینەماکە.
من دەزانم
ئەکتەرەکان تاوانبار نین.
من دەزانم
بینەرەکان تاوانبار نین.
بۆیە ئێستا
لە ئەکتەرە بەڕێزەکان داوا دەکەم،
لە بینەرە بەڕێزەکان داوا دەکەم،
ناڕەزایی نیشان بدەن
بەرانبەر بە گیرانی خۆر...
بەقەد خوێنی قوربانییەکە
تف هەڵاوێن
بۆ ناوچەوانی ڕێژسیۆر.
ـــــــــــــــــــــــــــــــــــ
🔸ساپیتە: بنمیچی خانوو
🔸ڕێژسیۆر: دەرهێنەر
ـــــــــــــــــــــــــــــــــــ
🗓(۱۹۷۵/۵/۲۰ _مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۲۹]
ــــــــــــــــــــــ
"بۆ جوانێکی سارد"
دانی پیادەنێم: تۆ جوانی،
وەک دڵۆپە شەونمێکی سەر پەڕەی گوڵ.
پەرستگەی چاوی هەموانی،
وەک دڵۆپەشەونمێکی سەر پەڕەی گوڵ.
کەچی لێم بوویت بە پەساپۆرت،
لەگەڵمایت و لێت بێزارم:
من چیاییم،
ختووکەیەک
وەک گڕ خوێنم دێنێتە کوڵ.
دەبینم تۆش ساردوسڕی،
وەک دڵۆپەشەونمێکی سەر پەڕەی گوڵ!
ــــــــــــــــــــــــــــــــــــ
🗓(۴/٦/۱۹۷۵ _مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۲۹]
ــــــــــــــــــــــ
"بۆ جوانێکی سارد"
دانی پیادەنێم: تۆ جوانی،
وەک دڵۆپە شەونمێکی سەر پەڕەی گوڵ.
پەرستگەی چاوی هەموانی،
وەک دڵۆپەشەونمێکی سەر پەڕەی گوڵ.
کەچی لێم بوویت بە پەساپۆرت،
لەگەڵمایت و لێت بێزارم:
من چیاییم،
ختووکەیەک
وەک گڕ خوێنم دێنێتە کوڵ.
دەبینم تۆش ساردوسڕی،
وەک دڵۆپەشەونمێکی سەر پەڕەی گوڵ!
ــــــــــــــــــــــــــــــــــــ
🗓(۴/٦/۱۹۷۵ _مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۳۰]
ــــــــــــــــــــــ
"ناکەوین"
ئێمە وەک درەختین
جار هەیه دەخەوین.
دەخەوین وەک شوانی دوای شەوین.
بەڵام لە خەویشدا... بەپێوەین،
بەپێوەین، ناکەوین!
ــــــــــــــــــــــــــــــــــــ
🗓(۱۹۷۵/۷/۸_گوندی ئیگومینکە)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۳۰]
ــــــــــــــــــــــ
"ناکەوین"
ئێمە وەک درەختین
جار هەیه دەخەوین.
دەخەوین وەک شوانی دوای شەوین.
بەڵام لە خەویشدا... بەپێوەین،
بەپێوەین، ناکەوین!
ــــــــــــــــــــــــــــــــــــ
🗓(۱۹۷۵/۷/۸_گوندی ئیگومینکە)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۳۱]
ــــــــــــــــــــــ
"خەون"
-"خەوم نایێ.
دەترسم بڕۆم ونت کەم.
خەوم نایێ.
ڕۆژانمان _ ئەوانەی ماون _
بە پەنجەی دەست دەژمێردرێن،
چەند دڵۆپە شەونمێکی بەرهەتاون.
دەترسم بڕۆم ونت کەم.
خەوم نایێ."
+"بنوو گیانە!
بیر لە دەریایەک بکەوە،
کە هێندەی چاوی خۆت مەنگ بێ.
بیر لە ئاسمانێک بکەوە،
هێندەی ژانی من بێدەنگ بێ.
خەم مەخۆ، هێمن بە، بنوو...
دوێنێ خەونێکی خۆشم دی.
لە خەونمدا
مرۆڤ هەزار دەستی هەبوو.
هەر دەستێکیش، وەک درەختێک،
هەزاران پەنجەی گرتبوو!"
ــــــــــــــــــــــــــــــــــــ
🗓(۱۹۷۵/۷/۱۱ _ئیگومینکە)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۳۱]
ــــــــــــــــــــــ
"خەون"
-"خەوم نایێ.
دەترسم بڕۆم ونت کەم.
خەوم نایێ.
ڕۆژانمان _ ئەوانەی ماون _
بە پەنجەی دەست دەژمێردرێن،
چەند دڵۆپە شەونمێکی بەرهەتاون.
دەترسم بڕۆم ونت کەم.
خەوم نایێ."
+"بنوو گیانە!
بیر لە دەریایەک بکەوە،
کە هێندەی چاوی خۆت مەنگ بێ.
بیر لە ئاسمانێک بکەوە،
هێندەی ژانی من بێدەنگ بێ.
خەم مەخۆ، هێمن بە، بنوو...
دوێنێ خەونێکی خۆشم دی.
لە خەونمدا
مرۆڤ هەزار دەستی هەبوو.
هەر دەستێکیش، وەک درەختێک،
هەزاران پەنجەی گرتبوو!"
ــــــــــــــــــــــــــــــــــــ
🗓(۱۹۷۵/۷/۱۱ _ئیگومینکە)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۳۲]
ــــــــــــــــــــــ
"ئەلبۆم"
-"گفتت دامێ،
وێنەی ئەوانەم نیشان دەی،
کە مۆم ئاسا
لە شەوگاری ژینتا هەڵبوون؛
هی ئەوانەی خۆشت دەوێن،
هی ئەوانەی خۆشت ویستوون."
+"لەو ڕۆژەوە گفتم داوە
لە سۆراخی ئەلبۆمێکدام،
کەوا دوو تۆی
وێنەی هەموو ئافرەتانی ئەم جیهانە
بگرێتە خۆی"
ــــــــــــــــــــــــــــــــــــ
🗓(۱۹۷۵_مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۳۲]
ــــــــــــــــــــــ
"ئەلبۆم"
-"گفتت دامێ،
وێنەی ئەوانەم نیشان دەی،
کە مۆم ئاسا
لە شەوگاری ژینتا هەڵبوون؛
هی ئەوانەی خۆشت دەوێن،
هی ئەوانەی خۆشت ویستوون."
+"لەو ڕۆژەوە گفتم داوە
لە سۆراخی ئەلبۆمێکدام،
کەوا دوو تۆی
وێنەی هەموو ئافرەتانی ئەم جیهانە
بگرێتە خۆی"
ــــــــــــــــــــــــــــــــــــ
🗓(۱۹۷۵_مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۳۳]
ــــــــــــــــــــــ
"پێشبینی"
من فاڵچی نیم.
کتێب بۆ کەس ناگرمەوە.
ناولەپی کەس ناخوێنمەوە
کەچی لێم ڕوونە و دەزانم:
مادام تۆ منت خۆش دەوێ،
دەبیت بە نەرمەبەستەیێک،
قەرەجەکان...
شەوانی زستان دەتبێژن.
دەبیت بە دێڕەهەڵبەستێک،
بەیانییان ڕۆژ دەتنووسێ،
کە زەردەپەڕیش دەکەوێ
شیعرکوژەکان دەتنێژن.
ــــــــــــــــــــــــــــــــــــ
🗓(۱۹۷۵/۱۱/۱ _مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۳۳]
ــــــــــــــــــــــ
"پێشبینی"
من فاڵچی نیم.
کتێب بۆ کەس ناگرمەوە.
ناولەپی کەس ناخوێنمەوە
کەچی لێم ڕوونە و دەزانم:
مادام تۆ منت خۆش دەوێ،
دەبیت بە نەرمەبەستەیێک،
قەرەجەکان...
شەوانی زستان دەتبێژن.
دەبیت بە دێڕەهەڵبەستێک،
بەیانییان ڕۆژ دەتنووسێ،
کە زەردەپەڕیش دەکەوێ
شیعرکوژەکان دەتنێژن.
ــــــــــــــــــــــــــــــــــــ
🗓(۱۹۷۵/۱۱/۱ _مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۳۴]
ــــــــــــــــــــــ
"زستانی پار"
زستانی پار لەگەڵما بووی _
لەم شارەدا
بەستەڵەکیش
گوڵمێخەکی لێ دەردەچوو
تا چلوورەش
بە گوێسوانە و درەختەوە سەوز دەبوو
* * *
زستانی پار لەگەڵما بووی:
باران تەڕی نەدەکردم،
زریان پەنجەی نەدەبردم
* * *
زستانی پار لەگەڵما بووی:
هاژە و خوڕەی زێی سیروانم
لەگەڵدا بوو
گوڵەگەنمێکی گەرمێن و
کلوەبەفرێکی کوێستانم
لەگەڵدا بوو!
ــــــــــــــــــــــــــــــــــــ
🗓(۱۹۷۵ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۳۴]
ــــــــــــــــــــــ
"زستانی پار"
زستانی پار لەگەڵما بووی _
لەم شارەدا
بەستەڵەکیش
گوڵمێخەکی لێ دەردەچوو
تا چلوورەش
بە گوێسوانە و درەختەوە سەوز دەبوو
* * *
زستانی پار لەگەڵما بووی:
باران تەڕی نەدەکردم،
زریان پەنجەی نەدەبردم
* * *
زستانی پار لەگەڵما بووی:
هاژە و خوڕەی زێی سیروانم
لەگەڵدا بوو
گوڵەگەنمێکی گەرمێن و
کلوەبەفرێکی کوێستانم
لەگەڵدا بوو!
ــــــــــــــــــــــــــــــــــــ
🗓(۱۹۷۵ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۳۵]
ــــــــــــــــــــــ
"بۆ چاوڕەشێکی باکۆیی"
جار هەیە تاکە وشەیێ
دەتکێتە ناو چاوی شیعرێ،
تا سەرچۆپی
بۆ وشەکانی تر بگرێ.
***
تۆ پەیڤێکی باڵندە بووی،
ڕەشەبای گێژی ئێوارە
شەوارەی کردی و ڕایپێچای
بەرەو شیعری سیسهەڵاتووم.
چاوی ڕەشت
مانای بەخشی بەو چاوانەی،
پێش تۆناسین،
وەکو وێستگە پیانا ڕەتبووم!
ــــــــــــــــــــــــــــــــــــ
🗓(۱۹۷۵/۱۲/۱۳ _مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۳۵]
ــــــــــــــــــــــ
"بۆ چاوڕەشێکی باکۆیی"
جار هەیە تاکە وشەیێ
دەتکێتە ناو چاوی شیعرێ،
تا سەرچۆپی
بۆ وشەکانی تر بگرێ.
***
تۆ پەیڤێکی باڵندە بووی،
ڕەشەبای گێژی ئێوارە
شەوارەی کردی و ڕایپێچای
بەرەو شیعری سیسهەڵاتووم.
چاوی ڕەشت
مانای بەخشی بەو چاوانەی،
پێش تۆناسین،
وەکو وێستگە پیانا ڕەتبووم!
ــــــــــــــــــــــــــــــــــــ
🗓(۱۹۷۵/۱۲/۱۳ _مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۳٦]
ــــــــــــــــــــــ
"نامۆیی"
کە نامۆیی وەک ڕەشەبا هەڵدەکات و
پێدەشتی ئارامم دەبڕێ،
کە خەم وەکو قەلەڕەشکە،
لە بەردەرگەی ژوورەکەمدا،
باڵەکانی دەکاتەوە و لەنگەر دەگرێ:
من چۆلەکەی باڵتەزیوی
خەمەکانی خۆم هەڵدەگرم،
دەڕۆم، دەڕۆم،
تا مناڵێک دەدۆزمەوە
لەناو تیشکی چاوی ئەودا
فڕین وەبیر چۆلەکەی خەم دەهێنمەوە
کەچی، گیانە!
بە چاوی خۆم زۆر جار دیومە
کە مناڵان
لەم شارەدا خەفەت دەخۆن،
وەکو بێچوە مروای دێن
لە زەریاچەی چاوی تۆدا خۆیان دەشۆن.
ــــــــــــــــــــــــــــــــــــ
🗓(۱۹۷۵/۱۲/۲۷ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۳٦]
ــــــــــــــــــــــ
"نامۆیی"
کە نامۆیی وەک ڕەشەبا هەڵدەکات و
پێدەشتی ئارامم دەبڕێ،
کە خەم وەکو قەلەڕەشکە،
لە بەردەرگەی ژوورەکەمدا،
باڵەکانی دەکاتەوە و لەنگەر دەگرێ:
من چۆلەکەی باڵتەزیوی
خەمەکانی خۆم هەڵدەگرم،
دەڕۆم، دەڕۆم،
تا مناڵێک دەدۆزمەوە
لەناو تیشکی چاوی ئەودا
فڕین وەبیر چۆلەکەی خەم دەهێنمەوە
کەچی، گیانە!
بە چاوی خۆم زۆر جار دیومە
کە مناڵان
لەم شارەدا خەفەت دەخۆن،
وەکو بێچوە مروای دێن
لە زەریاچەی چاوی تۆدا خۆیان دەشۆن.
ــــــــــــــــــــــــــــــــــــ
🗓(۱۹۷۵/۱۲/۲۷ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۳۷]
ــــــــــــــــــــــ
"لەو ڕۆژەوە لەگەڵما نیت"
لەو ڕۆژەوە لەگەڵما نیت
سبەینان خۆر درەنگ هەڵدێ
ئەستێرەکان
چاوی دایکی شەهیدانن، کز دەسووتێن!
کێشوولەکان
لەسەر شیشەی پەنجەرەکەم هەڵناکورمێن!
* * *
ئەگەر هات و ونم کردی،
ئەگەر هات و...
ئەم جیهانەی پان و بەرین
لەژێر ساپیتەی زنجێکدا
بەیەکەوە ڕانەگرتین:
کە گەڕامەوە کوردستان،
من تینوێتیم هەر بە ئاوی کانی دەشکێ،
کانی هەموو بنارانت
بە ناو دەکەم!
کارمامزم زۆر خۆش دەوێن،
کارمامزی پێدەشتانت
بە ناو دەکەم!
من تا مردن چیاپەرستم
بڵندترین چیای کوێستانت
بە ناو دەکەم!
ــــــــــــــــــــــــــــــــــــ
🗓(۲۷-۲۸ /۱ /۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۳۷]
ــــــــــــــــــــــ
"لەو ڕۆژەوە لەگەڵما نیت"
لەو ڕۆژەوە لەگەڵما نیت
سبەینان خۆر درەنگ هەڵدێ
ئەستێرەکان
چاوی دایکی شەهیدانن، کز دەسووتێن!
کێشوولەکان
لەسەر شیشەی پەنجەرەکەم هەڵناکورمێن!
* * *
ئەگەر هات و ونم کردی،
ئەگەر هات و...
ئەم جیهانەی پان و بەرین
لەژێر ساپیتەی زنجێکدا
بەیەکەوە ڕانەگرتین:
کە گەڕامەوە کوردستان،
من تینوێتیم هەر بە ئاوی کانی دەشکێ،
کانی هەموو بنارانت
بە ناو دەکەم!
کارمامزم زۆر خۆش دەوێن،
کارمامزی پێدەشتانت
بە ناو دەکەم!
من تا مردن چیاپەرستم
بڵندترین چیای کوێستانت
بە ناو دەکەم!
ــــــــــــــــــــــــــــــــــــ
🗓(۲۷-۲۸ /۱ /۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۳۸]
ــــــــــــــــــــــ
"چاوەنواڕی"
چاوەڕێتم!
دەگەڕێیتەوە سوێند دەخۆم
سوێند دەخۆم دەگەڕێیتەوە
گەر یەک یەكیش سنوورەکان
مینڕێژ بکەن
بە گوللـە و تیر
دنیاش دابێژ دابێژ بکەن
هەموو ڕۆژێ
لەگەڵ بەریبەیانیدا
بەرەو ئاسۆ،
لە دوو دەدەم دەزووی نیگام
وا هەست دەکەم
تۆ دەبیتە باڵدارێکی ئەفسانەیی و
بەیانییەک دێیتەوە لام!
* * *
دەگەڕێیتەوە... سوێند دەخۆم
سوێند دەخۆم... دەگەڕێیتەوە
بۆیە ئەگەر
بست بە بستی ئاسمانیشت لێ بتەنن،
هەموو ڕۆژێ
لەگەڵ بەریبەیانیدا
پەنجەرەکان دەکەمەوە
وا هەست دەکەم،
کە تۆ وەكو توولەنەمام
بەیانییەک
لەبەر پەنجەرەکەم دەڕوێی
بە دیواردا هەڵدەگەڕێی
دێیتەوە لام...!
ــــــــــــــــــــــــــــــــــــ
🗓(۲۱/٦/۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۳۸]
ــــــــــــــــــــــ
"چاوەنواڕی"
چاوەڕێتم!
دەگەڕێیتەوە سوێند دەخۆم
سوێند دەخۆم دەگەڕێیتەوە
گەر یەک یەكیش سنوورەکان
مینڕێژ بکەن
بە گوللـە و تیر
دنیاش دابێژ دابێژ بکەن
هەموو ڕۆژێ
لەگەڵ بەریبەیانیدا
بەرەو ئاسۆ،
لە دوو دەدەم دەزووی نیگام
وا هەست دەکەم
تۆ دەبیتە باڵدارێکی ئەفسانەیی و
بەیانییەک دێیتەوە لام!
* * *
دەگەڕێیتەوە... سوێند دەخۆم
سوێند دەخۆم... دەگەڕێیتەوە
بۆیە ئەگەر
بست بە بستی ئاسمانیشت لێ بتەنن،
هەموو ڕۆژێ
لەگەڵ بەریبەیانیدا
پەنجەرەکان دەکەمەوە
وا هەست دەکەم،
کە تۆ وەكو توولەنەمام
بەیانییەک
لەبەر پەنجەرەکەم دەڕوێی
بە دیواردا هەڵدەگەڕێی
دێیتەوە لام...!
ــــــــــــــــــــــــــــــــــــ
🗓(۲۱/٦/۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۳۹]
ــــــــــــــــــــــ
"گەورە مەبە"
لەگەڵ مندا گەورە نابیت
مناڵی لێت نابێتەوە
لەگەڵ مندا تا هەتایێ
بێ بووکۆکە خەوت نایێ!
* * *
گەوره مەبە،
کزەی جەرگم، گەورە مەبە!
تا من مابم،
لە مناڵیت وەڕس نابم
شەو ساماڵ بێ
وەک تۆ دێمە بەر پەنجەرە،
ئەستێرەی ئاسمان دەژمێرم
کە بارانیش دەئاخڤێنی،
بە کڕوکپیت دەسپێرم!
* * *
گەورە مەبە،
کزەی جەرگم، گەورە مەبە!
دە قیڕوسیا!
بەیانییان شیر بۆ من و بنکڕ بۆ تۆ
کە ئاگرۆکە دەکەیتەوە،
دووکەڵ بۆ من و گڕ بۆ تۆ!
* * *
گەورە مەبە!
هەموو شەوێ
بە کەژاوەی هەقایەتی
ئەندرسن و شیعری مارشاک
خۆم بۆ خەوت بە بووک دەبەم
کە نووستیشی،
مۆر لە دەمی سروشت دەدەم
* * *
گەورە مەبە،
کزەی جەرگم، گەورە مەبە!
ئەگەر وەڕس بووی، پێم بڵێ،
خانووچکەی شووشەت بۆ دەکەم
ئەگەر برسی بووی، پێم بڵێ،
چنگۆڵانت
پڕ باسووق و گەزۆ دەکەم
* * *
گەورە مەبە،
کزەی جەرگم، گەورە مەبە!
هەموو ڕۆژێ
شقارتەیەک لە منەوە،
دەنک دەنک دایگیرسێنە...
تیشک و پرشەی چراخانی لێ بسێنە...
گەرموگوڕیی
ئاتەشگەدەی
زەردەشتیانی لێ بسێنە!
* * *
گەورە مەبە،
کزەی جەرگم، گەورە مەبە!
تا من مابم،
لە مناڵیت وەڕس نابم!
ــــــــــــــــــــــــــــــــــــ
🗓(۱۱ /۷ /۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۳۹]
ــــــــــــــــــــــ
"گەورە مەبە"
لەگەڵ مندا گەورە نابیت
مناڵی لێت نابێتەوە
لەگەڵ مندا تا هەتایێ
بێ بووکۆکە خەوت نایێ!
* * *
گەوره مەبە،
کزەی جەرگم، گەورە مەبە!
تا من مابم،
لە مناڵیت وەڕس نابم
شەو ساماڵ بێ
وەک تۆ دێمە بەر پەنجەرە،
ئەستێرەی ئاسمان دەژمێرم
کە بارانیش دەئاخڤێنی،
بە کڕوکپیت دەسپێرم!
* * *
گەورە مەبە،
کزەی جەرگم، گەورە مەبە!
دە قیڕوسیا!
بەیانییان شیر بۆ من و بنکڕ بۆ تۆ
کە ئاگرۆکە دەکەیتەوە،
دووکەڵ بۆ من و گڕ بۆ تۆ!
* * *
گەورە مەبە!
هەموو شەوێ
بە کەژاوەی هەقایەتی
ئەندرسن و شیعری مارشاک
خۆم بۆ خەوت بە بووک دەبەم
کە نووستیشی،
مۆر لە دەمی سروشت دەدەم
* * *
گەورە مەبە،
کزەی جەرگم، گەورە مەبە!
ئەگەر وەڕس بووی، پێم بڵێ،
خانووچکەی شووشەت بۆ دەکەم
ئەگەر برسی بووی، پێم بڵێ،
چنگۆڵانت
پڕ باسووق و گەزۆ دەکەم
* * *
گەورە مەبە،
کزەی جەرگم، گەورە مەبە!
هەموو ڕۆژێ
شقارتەیەک لە منەوە،
دەنک دەنک دایگیرسێنە...
تیشک و پرشەی چراخانی لێ بسێنە...
گەرموگوڕیی
ئاتەشگەدەی
زەردەشتیانی لێ بسێنە!
* * *
گەورە مەبە،
کزەی جەرگم، گەورە مەبە!
تا من مابم،
لە مناڵیت وەڕس نابم!
ــــــــــــــــــــــــــــــــــــ
🗓(۱۱ /۷ /۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۴۰]
ــــــــــــــــــــــ
"سێ هۆنراوە"
(۱)
بەڵێنی هیچت پێ نادەم
هەر ئەوەندەم ئاگا لێیە
کە من ئێستا خۆشم دەوێی
ئێستا وەکو هێمۆگڵۆبین
لەناو خوێنمدا دەگەڕێی
* * *
خۆ دڵی من سارنج نییە،
دڵنیات کا
کە تۆ تێیدا قەت ناگۆڕێی هەتا دەمرم
تۆ مێوە نیت،
دڵی منیش کارگە نییە،
تاکو لەوێ لە قوتووت کەم، هەڵتگرم!
بەڵێنی هیچت پێ نادەم
هەر ئەوەندەم ئاگا لێیە
کە من ئێستا خۆشم دەوێی
ئێستا وەکو هیمۆگڵۆبین
لەناو خوێنمدا دەگەڕێی
🗓(۱۰/ ۷/ ۱۹۷٦ - مۆسکۆ)
(۲)
کاتێ سەرم
دەکەمە سەر شلکەی ڕانت،
ئەی شوڕەکچ!
ئارامترم لەو کۆترەی
لە بەرپێی پەیکەری پوشکین دەخولێتەوە
کە شلکەی ڕان سڕ دەبێت و سەر هەڵدەگرم
تەنیاترم لەو شادێڕەی
لە شیعرێکدا شەهید دەبێ و دەکوژێتەوە!
🗓(۱۴/ ۷/ ۱۹۷٦ - ئیگومینکە)
(۳)
کڵافەیەکی ئاڵۆزم
ئەشکەوتێکی ئەفسانەییم
فەنەرێکم،
چرکەیەک بۆت دادەگیرسێم،
شەو و ڕۆژێک دەکوژێمەوە
چڕم وەکو
جەنگەڵی نیشتمانی تۆ
پڕم وەکو
جەنگەڵی نیشتمانی تۆ
بۆ خشپەی پێی هەر پرسیارێک ناکرێمەوە
* * *
گەر دەتەوێ
ڕووتوقووتم بکەیتەوە وەک خەنجەرێک،
گەر دەتەوێ
ماسیی سرکی ڕازەکانم
سەر ئاو بخەی بە نیگایێ،
گەر دەتەوێ
سنگم شەق کەی،
بیکەیتەوە وەک دەریایێ
بمبە نێزیک داربەڕوویێ
بمبە نێزیک لووتکەچیایێ!
🗓(۱۵/ ۷/ ۱۹۷٦ - ئیگومینکە)
ــــــــــــــــــــــــــــــــــــــــــــــــ
🔸سارنج: سەللاجە، سارنجۆک
ــــــــــــــــــــــــــــــــــــــــــــــــ
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۴۰]
ــــــــــــــــــــــ
"سێ هۆنراوە"
(۱)
بەڵێنی هیچت پێ نادەم
هەر ئەوەندەم ئاگا لێیە
کە من ئێستا خۆشم دەوێی
ئێستا وەکو هێمۆگڵۆبین
لەناو خوێنمدا دەگەڕێی
* * *
خۆ دڵی من سارنج نییە،
دڵنیات کا
کە تۆ تێیدا قەت ناگۆڕێی هەتا دەمرم
تۆ مێوە نیت،
دڵی منیش کارگە نییە،
تاکو لەوێ لە قوتووت کەم، هەڵتگرم!
بەڵێنی هیچت پێ نادەم
هەر ئەوەندەم ئاگا لێیە
کە من ئێستا خۆشم دەوێی
ئێستا وەکو هیمۆگڵۆبین
لەناو خوێنمدا دەگەڕێی
🗓(۱۰/ ۷/ ۱۹۷٦ - مۆسکۆ)
(۲)
کاتێ سەرم
دەکەمە سەر شلکەی ڕانت،
ئەی شوڕەکچ!
ئارامترم لەو کۆترەی
لە بەرپێی پەیکەری پوشکین دەخولێتەوە
کە شلکەی ڕان سڕ دەبێت و سەر هەڵدەگرم
تەنیاترم لەو شادێڕەی
لە شیعرێکدا شەهید دەبێ و دەکوژێتەوە!
🗓(۱۴/ ۷/ ۱۹۷٦ - ئیگومینکە)
(۳)
کڵافەیەکی ئاڵۆزم
ئەشکەوتێکی ئەفسانەییم
فەنەرێکم،
چرکەیەک بۆت دادەگیرسێم،
شەو و ڕۆژێک دەکوژێمەوە
چڕم وەکو
جەنگەڵی نیشتمانی تۆ
پڕم وەکو
جەنگەڵی نیشتمانی تۆ
بۆ خشپەی پێی هەر پرسیارێک ناکرێمەوە
* * *
گەر دەتەوێ
ڕووتوقووتم بکەیتەوە وەک خەنجەرێک،
گەر دەتەوێ
ماسیی سرکی ڕازەکانم
سەر ئاو بخەی بە نیگایێ،
گەر دەتەوێ
سنگم شەق کەی،
بیکەیتەوە وەک دەریایێ
بمبە نێزیک داربەڕوویێ
بمبە نێزیک لووتکەچیایێ!
🗓(۱۵/ ۷/ ۱۹۷٦ - ئیگومینکە)
ــــــــــــــــــــــــــــــــــــــــــــــــ
🔸سارنج: سەللاجە، سارنجۆک
ــــــــــــــــــــــــــــــــــــــــــــــــ
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🔹🔶🔹🔶🔹🔶
🆔 @abdulla_pashew
[۴۱]
ــــــــــــــــــــــ
"دیالۆگ"
- "دڵتەنگ مەبە!
ڕۆژێک دادێ دەچیتەوە
کە چوویتەوەش،
نیشتمانت
خۆی لە بنڕا هەڵدەکەنێ
ئامێزت بۆ دەکاتەوە،
وەک دایکت بەپیرتەوە دێ!"
+ "نا، گیانە، نا، قەت وا مەڵێ!
چۆن شتێک بەپیرمەوە دێ،
کە ئەو هەموو ساڵ و مانگە
لە بڕبڕەی پشت و خوێندا
ئەمن ئەوم هەڵگرتبێ؟!"
ــــــــــــــــــــــــــــــــــــ
🗓(۲۷ /۷ /۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶
🆔 @abdulla_pashew
[۴۱]
ــــــــــــــــــــــ
"دیالۆگ"
- "دڵتەنگ مەبە!
ڕۆژێک دادێ دەچیتەوە
کە چوویتەوەش،
نیشتمانت
خۆی لە بنڕا هەڵدەکەنێ
ئامێزت بۆ دەکاتەوە،
وەک دایکت بەپیرتەوە دێ!"
+ "نا، گیانە، نا، قەت وا مەڵێ!
چۆن شتێک بەپیرمەوە دێ،
کە ئەو هەموو ساڵ و مانگە
لە بڕبڕەی پشت و خوێندا
ئەمن ئەوم هەڵگرتبێ؟!"
ــــــــــــــــــــــــــــــــــــ
🗓(۲۷ /۷ /۱۹۷٦ - مۆسکۆ)
📚 #شەو_نییە_خەونتان_پێوە_نەبینم
#عەبدوڵڵا_پەشێو
🆔 @abdulla_pashew
🔹🔶🔹🔶🔹🔶