የካፒታል ገበያን አስመልክቶ ለዓባይ ባንክ የዳሬክተሮች ቦርድ እና ከፍተኛ የሥራ አመራር አባላት ሥልጠና ተሰጠ
------------------------------------
ለዓባይ ባንክ አ.ማ. የዳይሬክተሮች ቦርድ እና ከፍተኛ የሥራ አመራር አባላት የካፒታል ገበያን በተመለከተ በዛሬው ዕለት በሐያት ሪጀንሲ ሆቴል ከኢትዮጵያ የካፒታል ገበያ ባለስልጣን በመጡ ከፍተኛ የካፒታል ገበያ ባለሙያዎች ስልጠና ተሰጥቷል፡፡

በስልጠናው ላይ ዶ/ር አምላኩ አስረስ የዓባይ ባንክ የዳይሬክተሮች ቦርድ ሰብሳቢ እንዲሁም አቶ የኋላ ገሠሠ የዓባይ ባንክ ዋና ሥራ አስፈጻሚ ተገኝተዋል፡፡

አቶ የኋላ በስልጠናው ላይ እንደተናገሩት የካፒታል ገበያን ተግባራዊ ለማድረግ በሚደረገው ሽግግር ባንኩ አስፈላጊውን ቅድመ ዝግጅቶች በማጠናቀቅ ላይ እንደሚገኝ የገለጹ ሲሆን÷ስልጠናው መዘጋጀቱ አስፈላጊነቱ የጎላ መሆኑን ጠቅሰዋል፡፡

ስልጠናውን ዓባይ ባንክ ከኢትዮጵያ የካፒታል ገበያ ባለሥልጣን ጋር በጋራ አዘጋጅተውታል፡፡

ዓባይ ባንክ እና የፉሪ ክ/ከተማ እስልምና ጉዳዮች ም/ቤት የመግባቢያ ስምምነት ተፈራረሙ
--------------------------------------------------
ዓባይ ባንክ አ.ማ. ከሸገር ከተማ ፉሪ ክፍለ ከተማ እስልምና ጉዳዮች ምክር ቤት ጋር በጋራ ለመስራት የሚያስችል የመግባቢያ ስምምነት በዛሬው ዕለት በባንኩ ዋና መሥሪያ ቤት ተፈራርመዋል፡፡

ስምምነቱን አቶ አቡበከር ነዚር የዓባይ ባንክ ከወለድ ነፃ የባንክ አገልግሎት  ተጠባባቂ ምክትል ዋና መኮንን እና ዶ/ር አሚን መሐመድ አሊ የሸገር ከተማ ፉሪ ክፍለከተማ እስልምና ጉዳዮች ምክር ቤት ዋና ሰብሳቢ ተፈራርመዋል፡፡ 

በስምምነቱ መሰረት ባንኩ የተሟላ ከወለድ ነፃ የባንክ አገልግሎት ለእስልምና ጉዳዮች ምክር ቤቱና ለመስጅዶች መስጠት ያስችለዋል።

በፊርማ ሥነሥርዓቱ ላይ እንደተጠቀሰው በክፍለከተማው ውስጥ የሚገኙ መስጅዶች ገቢያቸውን በተደራጀ ሁኔታ ለመሰብሰብን ጨምሮ ባንኩ በሚሰጠው ሰዲቅ - ከወለድ ነፃ የባንክ አገልግሎት አግልግሎቶችን ለመሥራት የሚያስችል እንደሆነ ታውቋል፡፡