ئەگەر لێم بپرسن چەند جار لە مێشکمدا تێپەڕیوە
جارێک دەڵێم چونکە تۆ هاتیت و جێت نەهێشتم.

#مەولانا

بە بێباکی دەمێکی هات و داغی کردم و ڕۆیی...

#وەفایی

لەبی گوڵ، زاری گوڵ، ئەندامی گوڵ، ڕوخساری گوڵ، بەر گوڵ
ھەتا کەی من بڵێم سەربەستە جەللادم فڵانی بوو؟

#وەفایی

کە دادی یەئسی خۆمم بردە لا، ئەم عارفە توند بوو
وتی: ئاخر سبەینێ جەژنە خوێنی تۆ لە پێ دەگرم.


#مەحوی
واتە: کە لەم ڕۆژی عەڕەفەدا دادی نائومێدی خۆمم بردە لای یار، کە بۆچی هێشتوومەتییەوە و بۆ نامکوژێ، لێم تووڕە بوو وتی: نائومێد مەبە سبەینێ جەژنی قوربانە، سەرت دەبڕم و دەتکەم بە قوربانی و خوێنت لە جیاتی خەنە دەگرمە پێی خۆم و بەوە بە ئاواتی خۆتت دەگەیەنم.

جەژنی قوربانە هەموو کەس عادەتی قوربانییە 
ئەی منی بێچارە چی بکەم کەڵکی قوربانم نییە

#فه‌نایی

هێندە جوانی
پێم وایە مانگ ماچی کردووی.


#نامۆ

تۆیش فریوی دنیات خوارد
دنیا وایە خەدیجە!
یەکەمجار پەپووسڵێمانەکانت پیشان دەدات
ئینجا ئەبابیلەکان
یەکەمجار مانگ بە تریفەکانیەوە دەنێرێت
ئینجا دووپشکەکان
کە دڵبەستەی بوویت وەک ناپاکێک پشتت تێدەکات، وەک فاحیشەیەک ڕووت لێ وەردەگێڕێ
دنیا وایە خەدیجە! دنیا وایە...


#ماردین_ئیبراهیم

بەم شەوی هیجرانە فەرموو با چراخانێ بکەین
من بە شوعلەی ئاهی گەرم و تۆ بە مینای سافەوە


#حەمدی

کە ڕێیان داوی بۆ یەک جار
توخوا ئازیز دیدەنیم کە..
چەند ڕۆژێکم وەرزی بەهار ماوە
بێ وادە هات پاییز..

خەزەڵوەرە
توخوا وەرە
دیدەنیم کە...


#مەلا_عەلی

کەسێک کە لە ڕۆحدا بێت
دڵ چۆن فەرامۆشی دەکات..


#مەولانا #ڕۆمی

لە پاش چەند وەعدە قەت جارێ نەهاتی
ئەمیش بۆ من نەهاتی بوو نەهاتی!

کە تۆ صەییادی من صەیدی بریندار
حەقی من بوو هەڵێم تۆ بۆ هەڵاتی؟


#کوردی