‎به‌و پێكه‌نینه‌شت ڕازیم
‎به‌ گازێكت
‎له‌سه‌ر سێوێك ده‌رده‌كه‌ويت


‎#تەڵعەت_تاهیر

لەبەر زار و نەزاری بوومە وەک پووش
دە ئەمجا رابوێرە من بە زارا..



#مەحوی
واتە: لەبەر دووری تۆ لەڕو لاواز بوم، لە لەڕو لاوازیشدا وەک پووش زەردو باریک بووم، دەی سا باجاریک بەدەمتدا بیت و ناوم بهینیت..

خۆشم دەوێی..
ئەوەش تاکە کارە کە ڕۆژانی شەممە و هەینی،
هەفتە و مانگ و ساڵ نازانێت!

#شکوفە

گشتى ئاماده‌يه‌ باده‌ و گوڵ و موتريب
ئه‌مما ياره‌ جێى خاڵييه..!



#حافظ

پێم وانیە لەم غەدرە بەفریام بكەوێ كەس
ئەو دۆست بوو وەفای بۆ من نەبوو بێگانە بڵێ چی




#هێدی

ئەو کاتەی هیچ کەسێک نییە بەیانیان لە خەوت هەڵسێنێت، هیچ کەسێک نییە شەو چاوەڕێت بێت بێیتەوە، ئەو کاتەی دەتوانی هەرچی بتەوێت ئەنجامی بدەیت
تۆ ئەمە ناو دەنێیت چی، ئازادی یان تەنیایی؟

#چارلس_بوکۆوسکی

دەخیلت بم نەخلی یا روتابی
وەھا شیرین و سینە نەرم و دڵ رەق؟

#نالی



(نالییی) یارەکەی دەیچوێنێت بە خورما، وەک خورما شیرین و سینە نەرمە و دڵیشی وەکو ناوکی خورما ڕەقە




نەخیل:دار خورما،ڕوطاب:خورمای شلی تازە
واتە:لەڕێی خوادا پێم بڵێ تۆ چیت: دار خورمای ، وا دڵت کە ناوکی خورماکەیە ئەوەندە ڕەقە، یا خورمای شلی تازەی، وا تامت شیرین و سنگت کە گۆشتەکەیەتی ئەوەندە نەرمە؟!...
چەند جوانی ھێناوەتەوە دڵ کە گۆشتە ڕەق بێ، کەچی سینە کە ئێسقانە نەرم بێ!
.
.
دیوانی نالی :لاپەڕە ٢٥٢
لێکۆڵینەوەو لێکدانەوەی:
مەلا عەبدولکەریمی مودەڕڕیس و فاتیح عەبدولکەریم

هیچ زاهیدێكم نه‌دیوه‌
وه‌ك من ئاره‌زووی تۆ بكا..



#حه‌للاج
زاهید: دنیانەویست

از دوست به یادگار دردی دارم
کان درد به صد هزار درمان ندهم..

واتە:
لە دۆستەوە درەدێکم بۆ ماوەتەوە بە یادگاری
ئەو دەردە ناگۆڕمەوە بە سەد هەزار دەرمان..



#مەولانا

لە شیرینی جەماڵی تۆیە ڕۆژی ڕوونی لەیلایە
ئەگەر فەرهادی سەرگەردان ئەگەر مەجنوونی دێوانە..



#وەفایی

بۆچ زەمانە هەر لەگەڵما مەیلی غەدداری هەیە!؟


#ئەحمەد_موختار

بندگان حق رحیم و بردبار
خوی حق دارند در اصلاح کار



#مەولانا
واتە: ھەندێ لە بەندەکانی خوا ھەم مھرەبانن و ھەم خۆڕاگرو بە ئارامن، ئەوانە لە چاکسازی کاری خەڵکی دا سیفەتی خوداییان ھەیە چونکە خوویان گرتووە بە میھرەبانی خوداییەوە.

بابم لە خەستەخانەیە، جلێکی شینم لەبەر دەکەن، شین وەکو ئاسمانی ئەو بەرەبەیانیانەی دایکمی تێدا خۆشدەویست..
تا نەزانێ ھەمووی خەریکی کاری خۆیانن، دەڵێم لەبەر دەرگا ھەموو خزمەکان وەستاون..
ناوی ھاوڕێیەکی دێنێ کە دەمێکە مردووە کلێنسێکی تەڕی بەچاودا دەھێنم و دەڵێم بەڵێ ئەویش دوێنێ ئێوارە بە شازدە کاکڵە گوێز و شازدە دەنکە مێوژ وەک داشی دامە ھاتبوو.
تێمەگەیاندووە مرۆڤ ھێندە تەنیا نیەو
لەوەتەی نەخۆش کەوتووە ترافیکەکان کەمێک درەنگتر سەوز دەبن..
ھەموو ئەو ژنانە ھاتوون وەختی خۆی لاوک و حەیرانی لەبەر خۆیەوە بۆ گوتوون..
ئای حاجی ئەم دنیایە زۆر لەوە بێ وەفاترە وێنات کردووە، وەکو رێزێک بۆ ھێمنیی ھەناسەدانی، پێیناڵێم ئێستا ھەموومان مەمنوونی منداڵێکین لەبەردەم تەلەفزێۆنەکەدا بێعاری بکا و ھەواڵی بەپەلەی ژمارەی قوربانیەکانمان لێ بشارێتەوە

#تەڵعەت_تاھیر

هیچ پێم ناخۆش نیە.
حەزدەكەیت،
نیگاكانت بدە بە پەنجەرەیەك و
جوانیەكەشت بدە بە ئاوێنەیەك.

بەس دڵت بدە بە من!.

#نەبەز_گۆران